📅 2026-yil 15-iyun · Vazirlik va idoralar hujjatlari · Vazirlar Mahkamasi huzuridagi Yengil sanoatni rivojlantirish agentligi Direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 15 июнь · Вазирлик ва идоралар ҳужжатлари · Вазирлар Маҳкамаси ҳузуридаги Енгил саноатни ривожлантириш агентлиги Директори
Расмий матн. Расмий ҳужжат. Таҳририй изоҳлар киритилмаган.
📅 15 июня 2026 г. · Документы министерств и ведомств · Директор Агентства по развитию легкой промышленности при Кабинете Министров
Официальный текст. Официальный документ. Редакционные примечания не включены.
📅 15 June 2026 · Ministry and agency documents · Vazirlar Mahkamasi huzuridagi Yengil sanoatni rivojlantirish agentligi Direktori
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги Директорининг
Буйруғи
НИЗОМ
Ипак қурти уруғига сифат сертификатини бериш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2026 йил 6 мартдаги ПҚ-87-сон «Ипакчилик соҳасини янги тизим асосида ривожлантириш ҳамда озуқа базасини мустаҳкамлашга доир қўшимча чора-тадбирлар тўғрисида»ги қарорига мувофиқ буюраман:
1. Ипак қурти уруғига сифат сертификатини бериш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Қишлоқ хўжалиги вазирлиги ҳамда Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги билан келишилган.
3. Ушбу буйруқ расмий эълон қилинган кундан эътиборан уч ой ўтгандан кейин кучга киради.
Келишилди:
Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги директорининг 2026 йил 15 июндаги 2-сон буйруғига ИЛОВА
Ипак қурти уруғига сифат сертификатини бериш тартиби тўғрисидаги
Ушбу Низом хориждан келтириладиган ва маҳаллий тайёрланадиган ипак қурти уруғида учрайдиган касалликларни микроскопик таҳлил асосида олдиндан аниқлаш ҳамда ипак қурти уруғига сифат сертификатини бериш тартибини белгилайди.
Мазкур Низом ипак қурти уруғини хориждан келтирувчи ва маҳаллий тайёрловчи ташкилотларга нисбатан татбиқ этилади.
1-боб. Умумий қоида
1. Ушбу Низомда қуйидаги асосий тушунчалардан фойдаланилади:
талабгор — ипак қурти уруғини хориждан келтирувчи ва маҳаллий тайёрловчи ташкилот;
ваколатли орган — ипак қурти уруғларини микроскопик таҳлил қилиш орқали касалликларни аниқлаш бўйича камида уч йиллик иш тажрибасига эга бўлган юқори малакали мутахассислар, жумладан илмий даражали ходимлар ва тажрибали селекционерлар мавжуд бўлган Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги тизимидаги Ипакчилик илмий-тадқиқот институти;
маҳаллий ипак қурти уруғлари — ипак қурти уруғини маҳаллий тайёрловчи ташкилотлар томонидан тайёрланадиган наслли (суперелита ва элита) ва саноатбоп ипак қурти уруғлари;
хорижий ипак қурти уруғлари — Ўзбекистон Республикасига хориждан олиб келинадиган (импорт қилинадиган) ипак қурти уруғлари;
микроскопик таҳлил — ипак қурти уруғидаги «Пебрина» касаллиги қўзғатувчисини ва унинг жонланиш фоизини аниқлаш мақсадида унинг моддаларини, тўқималарини, ҳужайраларини ёки микроорганизмларини оддий кўз билан кўриб бўлмайдиган даражада микроскоп ёрдамида катталаштириб ўрганиш жараёни.
2-боб. Хорижий ва маҳаллий ипак қурти уруғларига сифат сертификатини бериш
2. Сертификат олиш истагидаги талабгор хорижий ва маҳаллий ипак қурти уруғларига (бундан буён матнда ипак қурти уруғлари деб юритилади) сифат сертификатини олиш учун ваколатли органга мазкур Низомнинг 1-иловасига мувофиқ ёзма ёки электрон шаклда ариза билан мурожаат қилади.
Бунда хорижий ипак қурти уруғларига сифат сертификатини олиш учун аризага хорижий ишлаб чиқарувчи билан тузилган шартноманинг нусхаси илова қилинади.
3. Талабгорнинг аризаси келиб тушган кундан эътиборан беш иш куни ичида ваколатли орган томонидан унда кўрсатилган маълумотлар ўрганиб чиқилади.
4. Талабгор томонидан ариза мазкур Низомнинг 1-иловасига мувофиқ шаклда тақдим этилмаган ёки аризада тегишли маълумотлар тўлиқ кўрсатилмаган ёхуд нотўғри кўрсатилган бўлса, ваколатли орган томонидан талабгорга камчиликларни бартараф этиб, қайта мурожаат қилиш мумкинлиги тўғрисида ушбу ариза келиб тушган кундан эътиборан беш иш куни ичида ёзма ёки электрон шаклда маълум қилинади.
5. Талабгор томонидан тақдим этилган аризада мазкур Низомнинг 4-бандида кўрсатилган камчиликлар аниқланмаган тақдирда ваколатли орган ва талабгор ўртасида шартнома тузилади.
6. Ипак қурти уруғларига сифат сертификатини бериш учун тўлов ушбу уруғнинг намуна сифатида олинадиган ҳар бир қутиси (29 грамм) учун базавий ҳисоблаш миқдорининг ўттиз беш фоизи миқдорида белгиланади.
3-боб. Ипак қурти уруғларидан микроскопик таҳлил ўтказиш учун намуна олиш
7. Ипак қурти уруғларига сифат сертификатини беришда ваколатли орган томонидан улардан микроскопик таҳлил ўтказиш учун намуналар олинади.
8. Маҳаллий ипак қурти уруғларидан намуналар олиш қуйидагича амалга оширилади:
талабгорлар томонидан тайёрланган ипак қурти уруғларининг умумий миқдори аниқланади;
ипак қурти уруғини микроскопик таҳлилдан ўтказиш учун ҳар календар йилнинг ноябрь ойида тайёрланган ипак қурти уруғларининг ҳар бир гуруҳи (партияси) умумий ҳажмидан 0,5 фоиз миқдорида уруғ намуналари олинади;
ипак қурти уруғларининг жонланиш фоизини аниқлаш учун ҳар бир гуруҳ (партия)дан 0,4 грамм миқдорда уруғ намуналари олинади;
ипак қурти уруғларининг гуруҳлари (партиялари)дан мавсум охирига қадар сақлаб туриш учун 4 грамм миқдорида намуналар олиниб, талабгорнинг совутгичида +2° C дан +5° C гача бўлган ҳароратда сақланади.
Маҳаллий ипак қурти уруғларидан намуна олиш ваколатли орган томонидан талабгор иштирокида ушбу Низомнинг 2 , 3 ва 4-иловаларига мувофиқ намуна олиш далолатномасини икки нусхада расмийлаштирган ҳолда амалга оширилади. Бунда намуна олиш далолатномасининг бир нусхаси талабгорга тақдим этилади, иккинчи нусхаси ваколатли органда сақланади.
9. Хориждан келтириладиган ипак қурти уруғларидан намуналар олиш қуйидагича амалга оширилади:
талабгорлар томонидан хориждан келтириладиган ипак қурти уруғларининг умумий миқдори аниқланади;
ипак қурти уруғини микроскопик таҳлилдан ўтказиш учун ҳар календар йилнинг февраль ойида хориждан келтириладиган ипак қурти уруғларининг ҳар бир гуруҳи (партияси) умумий ҳажмидан 0,5 фоиз миқдорида уруғ намуналари олинади;
ипак қурти уруғларининг гуруҳлари (партиялари)дан 1 грамм миқдори инкубаторияга (жонланишга) қўйилади ҳамда мавсум охирига қадар сақлаб туриш учун 5 грамм миқдорида намуналар олиниб, ваколатли органнинг совутгичида +2° C дан +5° C гача бўлган ҳароратда сақланади.
4-боб. Ипак қурти уруғлари намуналарини инкубация (жонлантириш), микроскопик таҳлил қилиш ва уларга сифат сертификатини расмийлаштириш
10. Қоғоз пакетчаларга жойлаштирилган уруғ намуналари уларни жонлантириш мақсадида доимий оптимал ҳаво ҳарорати +24° C дан +25° C гача (±1° C ) ва нисбий намлиги 70 — 75 фоиз бўлган махсус тайёрланган инкубаторияларга қўйилади.
11. Жонланган ипак қуртларни микроскопик таҳлилдан ўтказиш учун ҳар бир намуна таркибидаги қуртлар, жонланмаган тухумлар ва тухум пўстлари тенг миқдорда икки ҳовончага солинади. Ҳар бир ҳовончага пипетка ёрдамида 1-2 мл сув қўшилиб, аралашма яхшилаб эзилади.
12. Олинган намуналарнинг микроскопик таҳлил жараёни замонавий микроскоплар ёрдамида 600 марта (окуляр 15×, объектив 40×) катталаштирилган ҳолда амалга оширилади.
13. Ҳар бир ҳовончадаги суюқликдан буюм ойнасига 2 та препарат тайёрланади. Препаратлар микроскопда камида 50 та кўриш майдонида текширилади.
Маҳаллий ва хорижий ипак қурти уруғларида «Пебрина» касаллиги қўзғатувчисини (спорани) ўрганиш ваколатли орган томонидан ушбу уруғлар инкубацияга (жонлантиришга) киритилгандан бошлаб йигирма кун ичида амалга оширилади.
14. Маҳаллий ва хорижий ипак қурти уруғларида «Пебрина» касаллиги қўзғатувчисини (спорани) ўрганиш натижаларига кўра ваколатли орган томонидан «Ўзбекипаксаноат» уюшмаси билан биргаликда баённома расмийлаштирилади.
15. Маҳаллий ва хорижий ипак қурти уруғларида «Пебрина» касаллиги қўзғатувчиси (спора) аниқланмаган ҳолда ваколатли орган шу куннинг ўзида талабгорга ушбу Низомнинг 5-иловасига мувофиқ шаклдаги сифат сертификатини бериш тўғрисида қарор қабул қилади.
Бунда ваколатли орган томонидан сифат сертификати ушбу қарор қабул қилинган кундан эътиборан уч иш куни ичида талабгорга юборилади.
16. Маҳаллий ипак қурти уруғларида «Пебрина» касаллиги қўзғатувчиси (спора) аниқланган ҳолда ушбу уруғ гуруҳлари (партиялари) ёқиб ташлаш йўли билан утилизация қилинади. Бунда утилизация қилиш ваколатли орган ва «Ўзбекипаксаноат» уюшмаси ходимлари иштирокида амалга оширилади.
17. Хорижий ипак қурти уруғларида «Пебрина» касаллиги қўзғатувчиси (спора) аниқланган ҳолда уларнинг республика ҳудудида реализация қилинишига йўл қўйилмайди.
18. Маҳаллий ва хорижий ипак қурти уруғларига сифат сертификатини бериш натижаларидан норози бўлган шахслар юқори турувчи органга ёки судга шикоят қилиши мумкин.
5-боб. Якунловчи қоида
19. Мазкур Низомни бузганликда айбдор бўлган шахслар қонунчилик ҳужжатларига мувофиқ жавобгар бўладилар.
Ипак қурти уруғига сифат сертификатини бериш тартиби тўғрисидаги низомга 1-ИЛОВА
Ваколатли орган раҳбари Ф.И.О. _____________________ га Ипак қурти уруғи касалликларини микроскопик таҳлил асосида олдиндан аниқлаш ва ипак қурти уруғини сертификатлаштириш учун АРИЗА _________________________________________________________________________________________ (ариза берувчи) _________________________________________________________________________________________ (ариза берувчининг манзили) ариза берувчи ________________________________ номидан ____________________________________ (Ф.И.О.) (маҳсулот тури, номи ва миқдори) _________________________________________________________________________________________ _________________________________________________________________________ талабларига мувофиқ (ҳужжатларнинг номланиши ва рақамланиши) маҳсулотга сифат сертификатини расмийлаштириб беришингизни сўрайман. Илова: ____________________________________________________________________________________ _________________________________________________________________________________________ (илова қилинаётган ҳужжатлар номи ва варағи кўрсатилади) Ариза берувчи: ________________ _________________________ (имзо) (Ф.И.О.) Сана: _______________________
Ипак қурти уруғига сифат сертификатини бериш тартиби тўғрисидаги низомга 2-ИЛОВА
Ипак қурти уруғини тайёрловчи ташкилотда тайёрланган тут ипак қурти уруғлари миқдорининг зотлари бўйича хатловдан ўтказиш ДАЛОЛАТНОМАСИ «___» «________» 202__ йил ___________ шаҳар ёки туман Ипак қурти уруғларини хатловдан ўтказишда иштирок этганлар: _______________________________________ _________________________________________________________________________________________ _________________________________________________________________________________________ Ипак қурти уруғларини хатловдан ўтказишдан мақсад: _____________________________________________ _________________________________________________________________________________________ _________________________________________________________________________________________ Ипак қурти уруғлари хатловдан ўтказилган сана, ташкилотнинг номи, манзили: ____________________________ _________________________________________________________________________________________ _________________________________________________________________________________________ Хатлов натижасига кўра уруғлар миқдори: ________________________________________________________ _________________________________________________________________________________________ Т/р Ипак қурти зот ва дурагайларининг номи Ҳужжат бўйича миқдори Ҳақиқатда ўлчанган уруғ миқдори Фарқи, +, - грамм қути грамм қути грамм қути 1. 2. ... Жами Қўшимча маълумотлар (мавжуд бўлганда) : ____________________________________________________ Хатловда иштирок этганлар имзоси: 1. _______________ _____________________ имзо Ф.И.О. 2. _______________ _____________________ имзо Ф.И.О. 3. _______________ _____________________ имзо Ф.И.О. 4. _______________ _____________________ имзо Ф.И.О. 5. _______________ _____________________ имзо Ф.И.О. 6. _______________ _____________________ имзо Ф.И.О. 7. _______________ _____________________ имзо Ф.И.О.
Ипак қурти уруғига сифат сертификатини бериш тартиби тўғрисидаги низомга 3-ИЛОВА
Ипак қурти уруғини тайёрловчи ташкилотда тайёрланган тут ипак қурти уруғларининг жонланиш фоизини аниқлаш учун олинган намуналар ДАЛОЛАТНОМАСИ «___» «________» 202___ йил __________ шаҳар ёки туман Намуна олишда иштирок этганлар: _____________________________________________________________ _________________________________________________________________________________________ _____________________________________________________________________________ ____________ Намуна олишдан мақсади: ___________________________________________________________________ _________________________________________________________________________________________ _________________________________________________________________________________________ Намуна олинган сана, ташкилотнинг номи, манзили: ________________________________________________ _________________________________________________________________________________________ _________________________________________________________________________________________ Намуна олиш тартиби ва олинган намуналар миқдори: _______________________________________________ _________________________________________________________________________________________ Т/р Ипак қурти зот ва дурагайларининг номи Гуруҳлар (Партиялар) сони Уруғ миқдори, грамм Жонланиш фоизи учун олинган намуна намуна сони уруғ миқдори грамм қути 1. 2. ... Жами Қўшимча маълумотлар (мавжуд бўлганда) : ____________________________________________________ Намуна олишда иштирок этганлар имзоси: 1. _______________ _____________________ имзо Ф.И.О. 2. _______________ _____________________ имзо Ф.И.О. 3. _______________ _____________________ имзо Ф.И.О. 4. _______________ _____________________ имзо Ф.И.О. 5. _______________ _____________________ имзо Ф.И.О. 6. _______________ _____________________ имзо Ф.И.О. 7. _______________ _____________________ имзо Ф.И.О.
Ипак қурти уруғига сифат сертификатини бериш тартиби тўғрисидаги низомга 4-ИЛОВА
Ипак қурти уруғини тайёрловчи ташкилотда тайёрланган тут ипак қурти уруғлари касалликдан ҳолилигини аниқлаш учун олинган намуналар ДАЛОЛАТНОМАСИ «___» «________» 202__ йил _________ шаҳар ёки туман Намуна олишда иштирок этганлар: _____________________________________________________________ _________________________________________________________________________________________ _____________________________________________________________________________ ____________ Намуна олишдан мақсади: ___________________________________________________________________ _________________________________________________________________________________________ _________________________________________________________________________________________ Намуна олинган сана, ташкилотнинг номи, манзили: ________________________________________________ _________________________________________________________________________________________ _________________________________________________________________________________________ Намуна олиш тартиби ва олинган намуналар миқдори: _______________________________________________ _________________________________________________________________________________________ Т/р Ипак қурти зот ва дурагайларининг номи Гуруҳ сони Уруғ миқдори грамм Касалликка қарши олинган намуна Қўшимча намуна Жами намуна сони миқдори грамм қути сони намуна сони миқдори грамм қути сони намуна сони миқдори грамм қути сони 1. 2. ... Жами Қўшимча маълумотлар (мавжуд бўлганда) : ___________________________________________________ Намуна олишда иштирок этганлар имзоси: 1. _______________ _____________________ имзо Ф.И.О. 2. _______________ _____________________ имзо Ф.И.О. 3. _______________ _____________________ имзо Ф.И.О. 4. _______________ _____________________ имзо Ф.И.О. 5. _______________ _____________________ имзо Ф.И.О. 6. _______________ _____________________ имзо Ф.И.О. 7. _______________ _____________________ имзо Ф.И.О.
Ипак қурти уруғига сифат сертификатини бериш тартиби тўғрисидаги низомга 5-ИЛОВА
ИПАКЧИЛИК ИЛМИЙ-ТАДҚИҚОТ ИНСТИТУТИ Ипак қуртининг «пебрина» касаллигидан ҳолилиги бўйича СИФАТ СЕРТИФИКАТИ Ушбу ҳужжат (юридик шахснинг номи) (манзил) ( номи, тури, гуруҳ (партия) миқдори ) (сертификатни расмийлаштириш асослари) ҚР-код Рўйхат рақами: Расмийлаштирилган сана: Амал қилиш муддати:
Директор Н. ХОЛМУРОДОВ
Ўзбекистон техник жиҳатдан тартибга солиш агентлиги д иректори А. ЖУМАНАЗАРОВ
Қишлоқ хўжалиги вазири И. АБДУРАХМОНОВ
Тошкент ш.,
2026 йил 15 июнь,
2026 йил 12 июнь
2026 йил 11 июнь
2 сон
Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi Direktorining
Buyrugʻi
NIZOM
Ipak qurti urugʻiga sifat sertifikatini berish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2026-yil 6-martdagi PQ-87-son “Ipakchilik sohasini yangi tizim asosida rivojlantirish hamda ozuqa bazasini mustahkamlashga doir qoʻshimcha chora-tadbirlar toʻgʻrisida”gi qaroriga muvofiq buyuraman:
1. Ipak qurti urugʻiga sifat sertifikatini berish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Qishloq xoʻjaligi vazirligi hamda Vazirlar Mahkamasi huzuridagi Oʻzbekiston texnik jihatdan tartibga solish agentligi bilan kelishilgan.
3. Ushbu buyruq rasmiy eʼlon qilingan kundan eʼtiboran uch oy oʻtgandan keyin kuchga kiradi.
Kelishildi:
Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktorining 2026-yil 15-iyundagi 2-son buyrugʻiga ILOVA
Ipak qurti urugʻiga sifat sertifikatini berish tartibi toʻgʻrisidagi
Ushbu Nizom xorijdan keltiriladigan va mahalliy tayyorlanadigan ipak qurti urugʻida uchraydigan kasalliklarni mikroskopik tahlil asosida oldindan aniqlash hamda ipak qurti urugʻiga sifat sertifikatini berish tartibini belgilaydi.
Mazkur Nizom ipak qurti urugʻini xorijdan keltiruvchi va mahalliy tayyorlovchi tashkilotlarga nisbatan tatbiq etiladi.
1-bob. Umumiy qoida
1. Ushbu Nizomda quyidagi asosiy tushunchalardan foydalaniladi:
talabgor — ipak qurti urugʻini xorijdan keltiruvchi va mahalliy tayyorlovchi tashkilot;
vakolatli organ — ipak qurti urugʻlarini mikroskopik tahlil qilish orqali kasalliklarni aniqlash boʻyicha kamida uch yillik ish tajribasiga ega boʻlgan yuqori malakali mutaxassislar, jumladan ilmiy darajali xodimlar va tajribali seleksionerlar mavjud boʻlgan Oʻzbekiston Respublikasi Vazirlar Mahkamasi huzuridagi Yengil sanoatni rivojlantirish agentligi tizimidagi Ipakchilik ilmiy-tadqiqot instituti;
mahalliy ipak qurti urugʻlari — ipak qurti urugʻini mahalliy tayyorlovchi tashkilotlar tomonidan tayyorlanadigan naslli (superelita va elita) va sanoatbop ipak qurti urugʻlari;
xorijiy ipak qurti urugʻlari — Oʻzbekiston Respublikasiga xorijdan olib kelinadigan (import qilinadigan) ipak qurti urugʻlari;
mikroskopik tahlil — ipak qurti urugʻidagi “Pebrina” kasalligi qoʻzgʻatuvchisini va uning jonlanish foizini aniqlash maqsadida uning moddalarini, toʻqimalarini, hujayralarini yoki mikroorganizmlarini oddiy koʻz bilan koʻrib boʻlmaydigan darajada mikroskop yordamida kattalashtirib oʻrganish jarayoni.
2-bob. Xorijiy va mahalliy ipak qurti urugʻlariga sifat sertifikatini berish
2. Sertifikat olish istagidagi talabgor xorijiy va mahalliy ipak qurti urugʻlariga (bundan buyon matnda ipak qurti urugʻlari deb yuritiladi) sifat sertifikatini olish uchun vakolatli organga mazkur Nizomning 1-ilovasiga muvofiq yozma yoki elektron shaklda ariza bilan murojaat qiladi.
Bunda xorijiy ipak qurti urugʻlariga sifat sertifikatini olish uchun arizaga xorijiy ishlab chiqaruvchi bilan tuzilgan shartnomaning nusxasi ilova qilinadi.
3. Talabgorning arizasi kelib tushgan kundan eʼtiboran besh ish kuni ichida vakolatli organ tomonidan unda koʻrsatilgan maʼlumotlar oʻrganib chiqiladi.
4. Talabgor tomonidan ariza mazkur Nizomning 1-ilovasiga muvofiq shaklda taqdim etilmagan yoki arizada tegishli maʼlumotlar toʻliq koʻrsatilmagan yoxud notoʻgʻri koʻrsatilgan boʻlsa, vakolatli organ tomonidan talabgorga kamchiliklarni bartaraf etib, qayta murojaat qilish mumkinligi toʻgʻrisida ushbu ariza kelib tushgan kundan eʼtiboran besh ish kuni ichida yozma yoki elektron shaklda maʼlum qilinadi.
5. Talabgor tomonidan taqdim etilgan arizada mazkur Nizomning 4-bandida koʻrsatilgan kamchiliklar aniqlanmagan taqdirda vakolatli organ va talabgor oʻrtasida shartnoma tuziladi.
6. Ipak qurti urugʻlariga sifat sertifikatini berish uchun toʻlov ushbu urugʻning namuna sifatida olinadigan har bir qutisi (29 gramm) uchun bazaviy hisoblash miqdorining oʻttiz besh foizi miqdorida belgilanadi.
3-bob. Ipak qurti urugʻlaridan mikroskopik tahlil oʻtkazish uchun namuna olish
7. Ipak qurti urugʻlariga sifat sertifikatini berishda vakolatli organ tomonidan ulardan mikroskopik tahlil oʻtkazish uchun namunalar olinadi.
8. Mahalliy ipak qurti urugʻlaridan namunalar olish quyidagicha amalga oshiriladi:
talabgorlar tomonidan tayyorlangan ipak qurti urugʻlarining umumiy miqdori aniqlanadi;
ipak qurti urugʻini mikroskopik tahlildan oʻtkazish uchun har kalendar yilning noyabr oyida tayyorlangan ipak qurti urugʻlarining har bir guruhi (partiyasi) umumiy hajmidan 0,5 foiz miqdorida urugʻ namunalari olinadi;
ipak qurti urugʻlarining jonlanish foizini aniqlash uchun har bir guruh (partiya)dan 0,4 gramm miqdorda urugʻ namunalari olinadi;
ipak qurti urugʻlarining guruhlari (partiyalari)dan mavsum oxiriga qadar saqlab turish uchun 4 gramm miqdorida namunalar olinib, talabgorning sovutgichida +2° C dan +5° C gacha boʻlgan haroratda saqlanadi.
Mahalliy ipak qurti urugʻlaridan namuna olish vakolatli organ tomonidan talabgor ishtirokida ushbu Nizomning 2 , 3 va 4-ilovalariga muvofiq namuna olish dalolatnomasini ikki nusxada rasmiylashtirgan holda amalga oshiriladi. Bunda namuna olish dalolatnomasining bir nusxasi talabgorga taqdim etiladi, ikkinchi nusxasi vakolatli organda saqlanadi.
9. Xorijdan keltiriladigan ipak qurti urugʻlaridan namunalar olish quyidagicha amalga oshiriladi:
talabgorlar tomonidan xorijdan keltiriladigan ipak qurti urugʻlarining umumiy miqdori aniqlanadi;
ipak qurti urugʻini mikroskopik tahlildan oʻtkazish uchun har kalendar yilning fevral oyida xorijdan keltiriladigan ipak qurti urugʻlarining har bir guruhi (partiyasi) umumiy hajmidan 0,5 foiz miqdorida urugʻ namunalari olinadi;
ipak qurti urugʻlarining guruhlari (partiyalari)dan 1 gramm miqdori inkubatoriyaga (jonlanishga) qoʻyiladi hamda mavsum oxiriga qadar saqlab turish uchun 5 gramm miqdorida namunalar olinib, vakolatli organning sovutgichida +2° C dan +5° C gacha boʻlgan haroratda saqlanadi.
4-bob. Ipak qurti urugʻlari namunalarini inkubatsiya (jonlantirish), mikroskopik tahlil qilish va ularga sifat sertifikatini rasmiylashtirish
10. Qogʻoz paketchalarga joylashtirilgan urugʻ namunalari ularni jonlantirish maqsadida doimiy optimal havo harorati +24° C dan +25° C gacha (±1° C ) va nisbiy namligi 70 — 75 foiz boʻlgan maxsus tayyorlangan inkubatoriyalarga qoʻyiladi.
11. Jonlangan ipak qurtlarni mikroskopik tahlildan oʻtkazish uchun har bir namuna tarkibidagi qurtlar, jonlanmagan tuxumlar va tuxum poʻstlari teng miqdorda ikki hovonchaga solinadi. Har bir hovonchaga pipetka yordamida 1-2 ml suv qoʻshilib, aralashma yaxshilab eziladi.
12. Olingan namunalarning mikroskopik tahlil jarayoni zamonaviy mikroskoplar yordamida 600 marta (okulyar 15×, obyektiv 40×) kattalashtirilgan holda amalga oshiriladi.
13. Har bir hovonchadagi suyuqlikdan buyum oynasiga 2 ta preparat tayyorlanadi. Preparatlar mikroskopda kamida 50 ta koʻrish maydonida tekshiriladi.
Mahalliy va xorijiy ipak qurti urugʻlarida “Pebrina” kasalligi qoʻzgʻatuvchisini (sporani) oʻrganish vakolatli organ tomonidan ushbu urugʻlar inkubatsiyaga (jonlantirishga) kiritilgandan boshlab yigirma kun ichida amalga oshiriladi.
14. Mahalliy va xorijiy ipak qurti urugʻlarida “Pebrina” kasalligi qoʻzgʻatuvchisini (sporani) oʻrganish natijalariga koʻra vakolatli organ tomonidan “Oʻzbekipaksanoat” uyushmasi bilan birgalikda bayonnoma rasmiylashtiriladi.
15. Mahalliy va xorijiy ipak qurti urugʻlarida “Pebrina” kasalligi qoʻzgʻatuvchisi (spora) aniqlanmagan holda vakolatli organ shu kunning oʻzida talabgorga ushbu Nizomning 5-ilovasiga muvofiq shakldagi sifat sertifikatini berish toʻgʻrisida qaror qabul qiladi.
Bunda vakolatli organ tomonidan sifat sertifikati ushbu qaror qabul qilingan kundan eʼtiboran uch ish kuni ichida talabgorga yuboriladi.
16. Mahalliy ipak qurti urugʻlarida “Pebrina” kasalligi qoʻzgʻatuvchisi (spora) aniqlangan holda ushbu urugʻ guruhlari (partiyalari) yoqib tashlash yoʻli bilan utilizatsiya qilinadi. Bunda utilizatsiya qilish vakolatli organ va “Oʻzbekipaksanoat” uyushmasi xodimlari ishtirokida amalga oshiriladi.
17. Xorijiy ipak qurti urugʻlarida “Pebrina” kasalligi qoʻzgʻatuvchisi (spora) aniqlangan holda ularning respublika hududida realizatsiya qilinishiga yoʻl qoʻyilmaydi.
18. Mahalliy va xorijiy ipak qurti urugʻlariga sifat sertifikatini berish natijalaridan norozi boʻlgan shaxslar yuqori turuvchi organga yoki sudga shikoyat qilishi mumkin.
5-bob. Yakunlovchi qoida
19. Mazkur Nizomni buzganlikda aybdor boʻlgan shaxslar qonunchilik hujjatlariga muvofiq javobgar boʻladilar.
Ipak qurti urugʻiga sifat sertifikatini berish tartibi toʻgʻrisidagi nizomga 1-ILOVA
Vakolatli organ rahbari F.I.O. _____________________ ga Ipak qurti urugʻi kasalliklarini mikroskopik tahlil asosida oldindan aniqlash va ipak qurti urugʻini sertifikatlashtirish uchun ARIZA _________________________________________________________________________________________ (ariza beruvchi) _________________________________________________________________________________________ (ariza beruvchining manzili) ariza beruvchi ________________________________ nomidan ____________________________________ (F.I.O.) (mahsulot turi, nomi va miqdori) _________________________________________________________________________________________ _________________________________________________________________________ talablariga muvofiq (hujjatlarning nomlanishi va raqamlanishi) mahsulotga sifat sertifikatini rasmiylashtirib berishingizni soʻrayman. Ilova: ____________________________________________________________________________________ _________________________________________________________________________________________ (ilova qilinayotgan hujjatlar nomi va varagʻi koʻrsatiladi) Ariza beruvchi: ________________ _________________________ (imzo) (F.I.O.) Sana: _______________________
Ipak qurti urugʻiga sifat sertifikatini berish tartibi toʻgʻrisidagi nizomga 2-ILOVA
Ipak qurti urugʻini tayyorlovchi tashkilotda tayyorlangan tut ipak qurti urugʻlari miqdorining zotlari boʻyicha xatlovdan oʻtkazish DALOLATNOMASI “___” “________” 202__ yil ___________ shahar yoki tuman Ipak qurti urugʻlarini xatlovdan oʻtkazishda ishtirok etganlar: _______________________________________ _________________________________________________________________________________________ _________________________________________________________________________________________ Ipak qurti urugʻlarini xatlovdan oʻtkazishdan maqsad: _____________________________________________ _________________________________________________________________________________________ _________________________________________________________________________________________ Ipak qurti urugʻlari xatlovdan oʻtkazilgan sana, tashkilotning nomi, manzili: ____________________________ _________________________________________________________________________________________ _________________________________________________________________________________________ Xatlov natijasiga koʻra urugʻlar miqdori: ________________________________________________________ _________________________________________________________________________________________ T/r Ipak qurti zot va duragaylarining nomi Hujjat boʻyicha miqdori Haqiqatda oʻlchangan urugʻ miqdori Farqi, +, - gramm quti gramm quti gramm quti 1. 2. ... Jami Qoʻshimcha maʼlumotlar (mavjud boʻlganda) : ____________________________________________________ Xatlovda ishtirok etganlar imzosi: 1. _______________ _____________________ imzo F.I.O. 2. _______________ _____________________ imzo F.I.O. 3. _______________ _____________________ imzo F.I.O. 4. _______________ _____________________ imzo F.I.O. 5. _______________ _____________________ imzo F.I.O. 6. _______________ _____________________ imzo F.I.O. 7. _______________ _____________________ imzo F.I.O.
Ipak qurti urugʻiga sifat sertifikatini berish tartibi toʻgʻrisidagi nizomga 3-ILOVA
Ipak qurti urugʻini tayyorlovchi tashkilotda tayyorlangan tut ipak qurti urugʻlarining jonlanish foizini aniqlash uchun olingan namunalar DALOLATNOMASI “___” “________” 202___ yil __________ shahar yoki tuman Namuna olishda ishtirok etganlar: _____________________________________________________________ _________________________________________________________________________________________ _____________________________________________________________________________ ____________ Namuna olishdan maqsadi: ___________________________________________________________________ _________________________________________________________________________________________ _________________________________________________________________________________________ Namuna olingan sana, tashkilotning nomi, manzili: ________________________________________________ _________________________________________________________________________________________ _________________________________________________________________________________________ Namuna olish tartibi va olingan namunalar miqdori: _______________________________________________ _________________________________________________________________________________________ T/r Ipak qurti zot va duragaylarining nomi Guruhlar (Partiyalar) soni Urugʻ miqdori, gramm Jonlanish foizi uchun olingan namuna namuna soni urugʻ miqdori gramm quti 1. 2. ... Jami Qoʻshimcha maʼlumotlar (mavjud boʻlganda) : ____________________________________________________ Namuna olishda ishtirok etganlar imzosi: 1. _______________ _____________________ imzo F.I.O. 2. _______________ _____________________ imzo F.I.O. 3. _______________ _____________________ imzo F.I.O. 4. _______________ _____________________ imzo F.I.O. 5. _______________ _____________________ imzo F.I.O. 6. _______________ _____________________ imzo F.I.O. 7. _______________ _____________________ imzo F.I.O.
Ipak qurti urugʻiga sifat sertifikatini berish tartibi toʻgʻrisidagi nizomga 4-ILOVA
Ipak qurti urugʻini tayyorlovchi tashkilotda tayyorlangan tut ipak qurti urugʻlari kasallikdan holiligini aniqlash uchun olingan namunalar DALOLATNOMASI “___” “________” 202__ yil _________ shahar yoki tuman Namuna olishda ishtirok etganlar: _____________________________________________________________ _________________________________________________________________________________________ _____________________________________________________________________________ ____________ Namuna olishdan maqsadi: ___________________________________________________________________ _________________________________________________________________________________________ _________________________________________________________________________________________ Namuna olingan sana, tashkilotning nomi, manzili: ________________________________________________ _________________________________________________________________________________________ _________________________________________________________________________________________ Namuna olish tartibi va olingan namunalar miqdori: _______________________________________________ _________________________________________________________________________________________ T/r Ipak qurti zot va duragaylarining nomi Guruh soni Urugʻ miqdori gramm Kasallikka qarshi olingan namuna Qoʻshimcha namuna Jami namuna soni miqdori gramm quti soni namuna soni miqdori gramm quti soni namuna soni miqdori gramm quti soni 1. 2. ... Jami Qoʻshimcha maʼlumotlar (mavjud boʻlganda) : ___________________________________________________ Namuna olishda ishtirok etganlar imzosi: 1. _______________ _____________________ imzo F.I.O. 2. _______________ _____________________ imzo F.I.O. 3. _______________ _____________________ imzo F.I.O. 4. _______________ _____________________ imzo F.I.O. 5. _______________ _____________________ imzo F.I.O. 6. _______________ _____________________ imzo F.I.O. 7. _______________ _____________________ imzo F.I.O.
Ipak qurti urugʻiga sifat sertifikatini berish tartibi toʻgʻrisidagi nizomga 5-ILOVA
IPAKCHILIK ILMIY-TADQIQOT INSTITUTI Ipak qurtining “pebrina” kasalligidan holiligi boʻyicha SIFAT SERTIFIKATI Ushbu hujjаt (yuridik shaxsning nomi) (mаnzil) ( nomi, turi, guruh (partiya) miqdori ) (sertifikatni rasmiylashtirish asoslari) QR-kod Roʻyxat raqami: Rаsmiylаshtirilgаn sana: Amal qilish muddati:
Direktor N. XOLMURODOV
Oʻzbekiston texnik jihatdan tartibga solish agentligi d irektori A. JUMANAZAROV
Qishloq xoʻjaligi vaziri I. ABDURAXMONOV
Toshkent sh.,
2026-yil 15-iyun,
2026-yil 12-iyun
2026-yil 11-iyun
2 son