📅 2026-yil 7-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июля 2026 г. · Постановления Президента
Официальный текст. Официальный документ. Редакционные примечания не включены.
📅 7 July 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Автомобиль транспортида юк ташувларини амалга оширувчи тадбиркорлик субъектлари фаолиятини қўллаб-қувватлашга қаратилган қўшимча чора-тадбирлар тўғрисида
Республика юк автомобиллари паркини янгилаш ва модернизация қилиш учун қулай шарт-шароитлар яратиш, халқаро транспорт хизматлари бозорида маҳаллий ташувчиларнинг рақобатбардошлигини ошириш, экспорт-импорт операциялари қийматида транспорт харажатларини камайтириш ҳамда ташқи бозорларга юкларни етказиб бериш муддатларини қисқартириш мақсадида қарор қиламан:
1. Юк ташиш учун мўлжалланган, ишлаб чиқарилганига 5 йилдан ошмаган қуйидаги транспорт воситаларини (самосваллардан ташқари) 2027 йил 31 декабрга қадар Ўзбекистон Республикасига импорт қилишда уларга божхона божининг ва утилизация йиғимининг ноль ставкалари қўлланилсин:
(а) «Евро-5» ва ундан юқори экологик тоифа талабларига мос келадиган автотранспорт воситалари (ТИФ ТН кодлари 8701 21, 8701 22, 8701 23, 8701 24);
(б) тўла вазни 15 тоннадан ортиқ ёки юкхонасининг ички ҳажми камида 76 метр куб бўлган ярим тиркамалар (ТИФ ТН коди 8716 39).
2. Белгилансинки, автотранспорт воситалари божхона расмийлаштирувидан ўтказилган санадан эътиборан уч йил мобайнида экспортга реализация қилинганда ва/ёки қайта жиҳозлаш ТИФ ТН коди ўзгаришига олиб келганда (ёқилғи турини ўзгартириш билан боғлиқ қайта жиҳозлаш ҳолатлари бундан мустасно), ушбу қарорнинг 1-бандида назарда тутилган имтиёзлар бекор қилинади ҳамда тегишли тўловлар белгиланган тартибда ундирилади.
3. Жаҳон савдо ташкилоти билан ишлаш бўйича идоралараро комиссия (Ж. Ходжаев) ўн кун муддатда ушбу қарорнинг 1-бандида назарда тутилган Европа стандартларига мос келадиган юк автотранспорт воситаларини Ўзбекистон Республикасига импорт қилишда уларни мажбурий сертификатлашдан вақтинчалик озод қилиш бўйича тегишли қарорни қабул қилсин.
4. Мазкур қарор ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Ходжаев ҳамда транспорт вазири И.Р. Махкамов белгилансин.
5. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 7 июль,
ПҚ- 251 -сон
Oʻzbekiston Respublikasi Prezidentining
qarori
Avtomobil transportida yuk tashuvlarini amalga oshiruvchi tadbirkorlik subyektlari faoliyatini qoʻllab-quvvatlashga qaratilgan qoʻshimcha chora-tadbirlar toʻgʻrisida
Respublika yuk avtomobillari parkini yangilash va modernizatsiya qilish uchun qulay shart-sharoitlar yaratish, xalqaro transport xizmatlari bozorida mahalliy tashuvchilarning raqobatbardoshligini oshirish, eksport-import operatsiyalari qiymatida transport xarajatlarini kamaytirish hamda tashqi bozorlarga yuklarni yetkazib berish muddatlarini qisqartirish maqsadida qaror qilaman:
1. Yuk tashish uchun moʻljallangan, ishlab chiqarilganiga 5 yildan oshmagan quyidagi transport vositalarini (samosvallardan tashqari) 2027-yil 31-dekabrga qadar Oʻzbekiston Respublikasiga import qilishda ularga bojxona bojining va utilizatsiya yigʻimining nol stavkalari qoʻllanilsin:
(a) “Yevro-5” va undan yuqori ekologik toifa talablariga mos keladigan avtotransport vositalari (TIF TN kodlari 8701 21, 8701 22, 8701 23, 8701 24);
(b) toʻla vazni 15 tonnadan ortiq yoki yukxonasining ichki hajmi kamida 76 metr kub boʻlgan yarim tirkamalar (TIF TN kodi 8716 39).
2. Belgilansinki, avtotransport vositalari bojxona rasmiylashtiruvidan oʻtkazilgan sanadan eʼtiboran uch yil mobaynida eksportga realizatsiya qilinganda va/yoki qayta jihozlash TIF TN kodi oʻzgarishiga olib kelganda (yoqilgʻi turini oʻzgartirish bilan bogʻliq qayta jihozlash holatlari bundan mustasno), ushbu qarorning 1-bandida nazarda tutilgan imtiyozlar bekor qilinadi hamda tegishli toʻlovlar belgilangan tartibda undiriladi.
3. Jahon savdo tashkiloti bilan ishlash boʻyicha idoralararo komissiya (J. Xodjayev) oʻn kun muddatda ushbu qarorning 1-bandida nazarda tutilgan Yevropa standartlariga mos keladigan yuk avtotransport vositalarini Oʻzbekiston Respublikasiga import qilishda ularni majburiy sertifikatlashdan vaqtinchalik ozod qilish boʻyicha tegishli qarorni qabul qilsin.
4. Mazkur qaror ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Xodjayev hamda transport vaziri I.R. Maxkamov belgilansin.
5. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 7-iyul,
PQ- 251 -son
Президента Республики Узбекистан
Постановление
О дополнительных мерах, направленных на поддержку деятельности субъектов предпринимательства, осуществляющих грузовые перевозки автомобильным транспортом
В целях создания благоприятных условий для обновления и модернизации парка грузовых автомобилей республики, повышения конкурентоспособности отечественных перевозчиков на международном рынке транспортных услуг, снижения транспортных расходов в стоимости экспортно-импортных операций, а также сокращения сроков доставки грузов на внешние рынки постановляю:
1. Применить сроком до 31 декабря 2027 года нулевые ставки таможенной пошлины и утилизационного сбора при импорте в Республику Узбекистан следующих транспортных средств (кроме самосвалов), предназначенных для перевозки грузов, с момента выпуска которых прошло не более 5 лет:
(а) автотранспортные средства (коды ТН ВЭД 8701 21, 8701 22, 8701 23, 8701 24), соответствующие требованиям экологического класса «Евро-5» и выше;
(6) полуприцепы с полной массой более 15 тонн или с внутренним объемом кузова не менее 76 кубических метров (код ТН ВЭД 8716 39).
2. Установить, что в случае реализации на экспорт автотранспортных средств и/или их переоборудования, приведшего к изменению кода ТН ВЭД (за исключением случаев переоборудования, связанных с изменением вида топлива), в течение трех лет с даты таможенного оформления льготы, предусмотренные пунктом 1 настоящего постановления, отменяются и соответствующие платежи взимаются в установленном порядке.
3. Межведомственной комиссии по работе со Всемирной торговой организацией (Ж. Ходжаев) в десятидневный срок принять соответствующее решение по временному освобождению от обязательной сертификации соответствующих европейским стандартам грузовых автотранспортных средств, предусмотренных пунктом 1 настоящего постановления, при их импорте в Республику Узбекистан.
4. Возложить на заместителя Премьер-министра Ж.А. Ходжаева и министра транспорта И.Р. Махкамова персональную ответственность за эффективную организацию исполнения настоящего постановления.
5. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 июля 2026 г.,
№ ПП- 251