📅 2026-yil 14-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 14 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2026 г. · Постановления Президента
Официальный текст. Официальный документ. Редакционные примечания не включены.
📅 14 July 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Президентининг 2018 йил 4 августдаги «Ҳарбий-маъмурий секторларни ривожлантириш жамғармасини ташкил этиш тўғрисида»ги ПҚ-3897-сон қарорига ўзгартиришлар киритиш ҳақида
Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармонига мувофиқ, шунингдек, Ҳарбий-маъмурий секторларни ривожлантириш жамғармаси маблағларидан самарали фойдаланишни таъминлаш мақсадида қарор қиламан:
I. Қонунчиликни такомиллаштириш
1. Ўзбекистон Республикаси Президентининг 2018 йил 4 августдаги «Ҳарбий-маъмурий секторларни ривожлантириш жамғармасини ташкил этиш тўғрисида»ги ПҚ-3897-сон қарорига иловага мувофиқ қуйидагиларни назарда тутувчи ўзгартиришлар киритилсин:
(а) Молия вазирлиги негизида Иқтисодиёт ва молия вазирлиги ташкил этилганлиги муносабати билан қонунчилик ҳужжатларини ўзаро мувофиқлаштириш;
(б) Ҳарбий-маъмурий секторларни ривожлантириш жамғармаси маблағларидан асосий вазифалар кетма-кетлигига мувофиқ равишда фойдаланиш.
II. Қарор ижросини ташкил қилиш, таъминлаш ва назорат
2. Мудофаа вазирлиги уч ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
3. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2026 йил 14 июлдаги ПҚ-264-сон қарорига ИЛОВА
Ўзбекистон Республикаси Президентининг 2018 йил 4 августдаги «Ҳарбий-маъмурий секторларни ривожлантириш жамғармасини ташкил этиш тўғрисида»ги ПҚ-3897-сон қарорига киритилаётган ўзгартиришлар
1. 3-банднинг иккинчи хатбошисидаги «Молия» сўзи «Иқтисодиёт ва молия» сўзлари билан алмаштирилсин.
2. 4-банд қуйидаги таҳрирда баён этилсин:
«4. Қуйидагилар Жамғарма маблағларини сарфлашнинг асосий йўналишлари этиб белгилансин:
а) уч йиллик стратегик режалар («йўл хариталари») бўйича:
замонавий талаб ва стандартларни инобатга олган холда, ҳарбий шаҳарча ва полигонлар инфратузилмаси объектларини такомиллаштириш, капитал қуриш, реконструкция қилиш ва таъмирлаш;
ҳарбий хизматчилар ва уларнинг оила аъзолари учун янги уй-жойлар, болалар боғчалари ва ўйин майдончаларини қуриш, мавжуд уй-жой фондини таъмирлаш ишларини молиялаштириш;
б) бир йиллик тадбирлар режалари («йўл хариталари») бўйича:
ҳарбий қисмлар, бўлинмалар ва муассасаларнинг моддий-техника базасини мустаҳкамлаш;
замонамиз миллий қаҳрамонлари хотирасини абадийлаштириш, уларнинг оилаларига маънавий ва моддий ёрдам кўрсатиш;
семинарлар, давра суҳбатлари, конференциялар, амалий машғулотлар, спорт мусобақалари, эстафеталар, турнирлар, тренинглар, ёшларни тарбиялаш бўйича тадбирлар (шу жумладан, амалий ва техник турлар бўйича тўгараклар фаолиятини йўлга қўйиш, қонунчиликда белгиланган ҳолларда қўшимча озиқ-овқат, кийим-кечак ва оёқ кийим билан таъминлаш), шунингдек, маданий-оммавий ҳамда бошқа тантанали тадбирларни ташкил этиш ва ўтказиш;
уй-жой-коммунал хўжалиги, энергия, сув ва иссиқлик таъминоти, транспорт қатнови соҳасидаги масалаларни ҳал этиш;
в) Ўзбекистон Республикасининг Давлат чегарасида юзага келган оператив вазиятдан келиб чиқиб, Давлат чегарасининг айрим ҳудудларини муҳандислик жиҳатдан жиҳозлаш, замонавий ахборот-коммуникация технологияларини татбиқ этиш, чегара хизматини ўташ учун зарур инфратузилма яратиш ва ҳарбий мол-мулк билан таъминлаш тадбирларини амалга ошириш.
Ушбу бандда кўрсатилган тадбирларни молиялаштиришда Жамғарма маблағларида тақчиллик юзага келган ҳолларда биринчи навбатда ушбу банднинг «а» кичик бандида кўрсатилган уч йиллик стратегик режалар («йўл хариталар») бўйича тадбирларни молиялаштириш учун маблағлар ажратилади (бундан ушбу банднинг «в» кичик бандида кўрсатилган ҳоллар мустасно).
Белгилансинки, ушбу қарорнинг 4-банди «а» кичик бандида кўрсатилган уч йиллик стратегик режалар («йўл хариталари») ҳамда «б» кичик бандида кўрсатилган бир йиллик тадбирлар режалари («йўл хариталари») тегишлича Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимларининг қарорлари билан тасдиқланади».
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 14 июль,
ПҚ- 264 -сон
Oʻzbekiston Respublikasi Prezidentining
qarori
Oʻzbekiston Respublikasi Prezidentining 2018-yil 4-avgustdagi “Harbiy-maʼmuriy sektorlarni rivojlantirish jamgʻarmasini tashkil etish toʻgʻrisida”gi PQ-3897-son qaroriga oʻzgartirishlar kiritish haqida
Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoniga muvofiq, shuningdek, Harbiy-maʼmuriy sektorlarni rivojlantirish jamgʻarmasi mablagʻlaridan samarali foydalanishni taʼminlash maqsadida qaror qilaman:
I. Qonunchilikni takomillashtirish
1. Oʻzbekiston Respublikasi Prezidentining 2018-yil 4-avgustdagi “Harbiy-maʼmuriy sektorlarni rivojlantirish jamgʻarmasini tashkil etish toʻgʻrisida”gi PQ-3897-son qaroriga ilovaga muvofiq quyidagilarni nazarda tutuvchi oʻzgartirishlar kiritilsin:
(a) Moliya vazirligi negizida Iqtisodiyot va moliya vazirligi tashkil etilganligi munosabati bilan qonunchilik hujjatlarini oʻzaro muvofiqlashtirish;
(b) Harbiy-maʼmuriy sektorlarni rivojlantirish jamgʻarmasi mablagʻlaridan asosiy vazifalar ketma-ketligiga muvofiq ravishda foydalanish.
II. Qaror ijrosini tashkil qilish, taʼminlash va nazorat
2. Mudofaa vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
3. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2026-yil 14-iyuldagi PQ-264-son qaroriga ILOVA
Oʻzbekiston Respublikasi Prezidentining 2018-yil 4-avgustdagi “Harbiy-maʼmuriy sektorlarni rivojlantirish jamgʻarmasini tashkil etish toʻgʻrisida”gi PQ-3897-son qaroriga kiritilayotgan oʻzgartirishlar
1. 3-bandning ikkinchi xatboshisidagi “Moliya” soʻzi “Iqtisodiyot va moliya” soʻzlari bilan almashtirilsin.
2. 4-band quyidagi tahrirda bayon etilsin:
“4. Quyidagilar Jamgʻarma mablagʻlarini sarflashning asosiy yoʻnalishlari etib belgilansin:
a) uch yillik strategik rejalar (“yoʻl xaritalari”) boʻyicha:
zamonaviy talab va standartlarni inobatga olgan xolda, harbiy shaharcha va poligonlar infratuzilmasi obyektlarini takomillashtirish, kapital qurish, rekonstruksiya qilish va taʼmirlash;
harbiy xizmatchilar va ularning oila aʼzolari uchun yangi uy-joylar, bolalar bogʻchalari va oʻyin maydonchalarini qurish, mavjud uy-joy fondini taʼmirlash ishlarini moliyalashtirish;
b) bir yillik tadbirlar rejalari (“yoʻl xaritalari”) boʻyicha:
harbiy qismlar, boʻlinmalar va muassasalarning moddiy-texnika bazasini mustahkamlash;
zamonamiz milliy qahramonlari xotirasini abadiylashtirish, ularning oilalariga maʼnaviy va moddiy yordam koʻrsatish;
seminarlar, davra suhbatlari, konferensiyalar, amaliy mashgʻulotlar, sport musobaqalari, estafetalar, turnirlar, treninglar, yoshlarni tarbiyalash boʻyicha tadbirlar (shu jumladan, amaliy va texnik turlar boʻyicha toʻgaraklar faoliyatini yoʻlga qoʻyish, qonunchilikda belgilangan hollarda qoʻshimcha oziq-ovqat, kiyim-kechak va oyoq kiyim bilan taʼminlash), shuningdek, madaniy-ommaviy hamda boshqa tantanali tadbirlarni tashkil etish va oʻtkazish;
uy-joy-kommunal xoʻjaligi, energiya, suv va issiqlik taʼminoti, transport qatnovi sohasidagi masalalarni hal etish;
v) Oʻzbekiston Respublikasining Davlat chegarasida yuzaga kelgan operativ vaziyatdan kelib chiqib, Davlat chegarasining ayrim hududlarini muhandislik jihatdan jihozlash, zamonaviy axborot-kommunikatsiya texnologiyalarini tatbiq etish, chegara xizmatini oʻtash uchun zarur infratuzilma yaratish va harbiy mol-mulk bilan taʼminlash tadbirlarini amalga oshirish.
Ushbu bandda koʻrsatilgan tadbirlarni moliyalashtirishda Jamgʻarma mablagʻlarida taqchillik yuzaga kelgan hollarda birinchi navbatda ushbu bandning “a” kichik bandida koʻrsatilgan uch yillik strategik rejalar (“yoʻl xaritalar”) boʻyicha tadbirlarni moliyalashtirish uchun mablagʻlar ajratiladi (bundan ushbu bandning “v” kichik bandida koʻrsatilgan hollar mustasno).
Belgilansinki, ushbu qarorning 4-bandi “a” kichik bandida koʻrsatilgan uch yillik strategik rejalar (“yoʻl xaritalari”) hamda “b” kichik bandida koʻrsatilgan bir yillik tadbirlar rejalari (“yoʻl xaritalari”) tegishlicha Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlarining qarorlari bilan tasdiqlanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 14-iyul,
PQ- 264 -son
Президента Республики Узбекистан
Постановление
О внесении изменений в постановление Президента Республики Узбекистан от 4 августа 2018 года № ПП-3897 «О создании Фонда развития военно-административных секторов»
В соответствии с Указом Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана», а также в целях обеспечения эффективного использования средств Фонда развития военно-административных секторов постановляю:
I. Совершенствование законодательства
1. Внести изменения в постановление Президента Республики Узбекистан от 4 августа 2018 года № ПП-3897 «О создании Фонда развития военно-административных секторов» согласно приложению , предусматривающие:
(а) приведение в соответствие между собой актов законодательства в связи с образованием Министерства экономики и финансов на базе Министерства финансов;
(б) использование средств Фонда развития военно-административных секторов в соответствии с последовательностью основных задач.
II. Организация, обеспечение и контроль исполнения постановления
2. Министерству обороны в трехмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
3. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 14 июля 2026 года № ПП-264
Изменения, вносимые в постановление Президента Республики Узбекистан от 4 августа 2018 года № ПП-3897 «О создании Фонда развития военно-административных секторов»
1. В абзаце втором пункта 3 слово «финансов» заменить словами «экономики и финансов»;
2. Пункт 4 изложить в следующей редакции:
«4. Определить основными направлениями расходования средств Фонда:
а) по трехлетним стратегическим планам («дорожным картам»):
совершенствование, капитальное строительство, реконструкцию и ремонт объектов инфраструктуры военных городков и полигонов с учетом современных требований и стандартов;
финансирование строительства нового жилья, детских садов и игровых площадок для военнослужащих и членов их семей, а также ремонта существующего жилищного фонда;
б) по годовым планам мероприятий («дорожным картам»):
укрепление материально-технической базы воинских частей, подразделений и учреждений;
увековечение памяти национальных героев современности, оказание моральной и материальной помощи их семьям;
организацию и проведение семинаров, «круглых столов», конференций, практических занятий, спортивных соревнований, эстафет, турниров, тренингов, мероприятий по воспитанию молодежи (в том числе налаживание деятельности кружков по прикладным и техническим видам, обеспечение дополнительным питанием, одеждой и обувью в случаях, установленных законодательством), а также культурно-массовых и других торжественных мероприятий;
решение вопросов в сфере жилищно-коммунального хозяйства, энерго-, водо- и теплоснабжения, а также транспортного сообщения;
в) осуществление мероприятий по инженерному оснащению отдельных участков Государственной границы, внедрению современных информационно-коммуникационных технологий, созданию необходимой инфраструктуры для несения пограничной службы и обеспечению военным имуществом исходя из оперативной обстановки, сложившейся на Государственной границе Республики Узбекистан.
В случаях возникновения дефицита средств Фонда при финансировании мероприятий, указанных в настоящем пункте, в первоочередном порядке выделяются средства для финансирования мероприятий по трехлетним стратегическим планам («дорожным картам»), указанным в подпункте «а» настоящего пункта (за исключением случаев, указанных в подпункте «в» настоящего пункта).
Установить, что трехлетние стратегические планы («дорожные карты») и годовые планы мероприятий («дорожные карты»), указанные в подпунктах «а» и «б» пункта 4 настоящего постановления, утверждаются решениями Председателя Жокаргы Кенеса Республики Каракалпакстан, хокимов областей и города Ташкента соответственно».
Президент Республики Узбекистан Ш. МИРЗИЁЕВ
г. Ташкент,
14 июля 2026 г.,
№ ПП- 264