UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

НИЗОМ

СХЕМАСИ

СХЕМАСИ

МИҚДОРИ

Сув фонди ерларини электрон онлайн-аукцион савдолари орқали реализация қилиш фаолиятини тартибга солиш чора-тадбирлари тўғрисида

Ўзбекистон Республикаси Президентининг « Сув хўжалигида замонавий бошқарув тизимини жорий қилиш ва ривожлантиришнинг устувор йўналишларини белгилаш тўғрисида » 2024 йил 7 майдаги ПФ-74-сон ҳамда « Сув хўжалиги соҳасида бозор механизмларини кенг жорий қилиш чора-тадбирлари тўғрисида » 2026 йил 26 майдаги ПФ-99-сон фармонлари ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Сув хўжалиги соҳасида бозор механизмларини кенг жорий қилиш чора-тадбирлари тўғрисида» 2026 йил 26 майдаги ПФ-99-сон Фармонига мувофиқ сув фонди ерларини ижарага беришда Сув хўжалиги вазирлиги ҳузуридаги «Сув хўжалигида бозор механизмларини жорий қилиш» давлат муассасаси (кейинги ўринларда — Давлат муассасаси) ягона буюртмачи этиб белгилангани маълумот учун қабул қилинсин.

2. Қуйидагилар Давлат муассасасини молиялаштириш манбалари этиб белгилансин:

сув фонди ерларида ер тузиш, лойиҳа, геодезия, хатлов, маркшейдерлик хизматларини кўрсатиш ва ушбу ер участкаларининг ижара ҳуқуқини электрон онлайн-аукцион савдоларида реализация қилиш орқали тушадиган тушумлар ҳамда ижара ҳақи маблағлари;

дарёлар ўзанларини тозалаш мақсадида ишлаб чиқилган лойиҳаларни амалга ошириш ҳуқуқини электрон онлайн-аукцион савдоларида реализация қилиш орқали тушадиган тушумлар ҳамда дарё ўзанларини тозалаш натижасида олинган қум-шағал материаллари учун тадбиркорлик субъектлари томонидан тўланадиган маблағлар;

сув омборлари ва сел-сув омборлари, каналлар, коллекторлар, табиий кўллар ҳамда гидротехника иншоотларини тупроқ материалларидан тозалаш ишларига ташаббускор тадбиркорлик субъектларини энг яхши таклифлари асосида тўғридан-тўғри шартнома асосида жалб қилиш орқали тушадиган тушумлар;

Сув хўжалиги вазирлигининг Сув хўжалигини ривожлантириш жамғармаси маблағлари;

Давлат муассасасининг вақтинча бўш турган маблағларини тижорат банкларининг депозитига жойлаштириш ҳисобидан тушадиган фоиз тарзидаги даромадлар;

қонунчилик ҳужжатлари билан тақиқланмаган бошқа манбалар.

3. Давлат муассасаси маблағлари қуйидаги мақсадлар учун сарфланади:

давлат муассасасини сақлаш, унинг ходимлари меҳнатига ҳақ тўлаш, уларни моддий рағбатлантириш ва ижтимоий қўллаб-қувватлаш ҳамда моддий-техник таъминлаш, асбоб-ускуналар, транспорт воситалари, махсус техникаларни харид қилиш, ишлатиш ва таъмирлаш;

давлат муассасаси ходимлари малакасини ошириш, уларни қайта тайёрлаш, уларнинг хизмат сафарлари, шу жумладан, хорижий давлатларга хизмат сафарлари ҳамда бошқа тадбирларда иштирок этиш харажатларини қоплаш;

сув фонди ерларида ер тузиш, лойиҳа, геодезия, хатлов ва маркшейдерлик ишларини бажариш ҳамда дарё ўзанларини тозалаш жараёнида қум-шағал материалларини қазиб олиш бўйича лойиҳа ҳужжатларини ишлаб чиқиш ва давлат экологик экспертизаси хулосасини олиш, мажбурий суғурталаш, сув объектлари ва уларнинг фойдаланишидаги ер участкаларини ижарага бериш ва бошқа харажатларни молиялаштириш;

Сув хўжалиги вазирлигининг сўровига асосан Сув хўжалигини ривожлантириш жамғармасига маблағлар ўтказиш.

4. Фавқулодда вазиятлар вазирлиги, Сув хўжалиги вазирлиги ҳамда Экология ва иқлим ўзгариши миллий қўмитаси ҳудудий бошқармаларининг ўрганиш далолатномаларига асосан сел тошқини хавфи мавжуд дарёлардан шартномага мувофиқ норуда материалларни қазиб олиш ҳажмларини якунига етказмаган тадбиркорлик субъектларига, истисно тариқасида, норуда материалларни тўлиқ қазиб олишга рухсат берилсин.

5. Сув хўжалиги вазирлиги Рақамли технологиялар вазирлиги билан биргаликда 2026 йил 1 августга қадар Сув хўжалигини рақамлаштириш ва мониторинг маркази буюртмасига асосан сув фонди ерларини ижарага бериш учун материалларни тўплаш, кўриб чиқиш ва ваколатли ташкилотлар билан келишиш, ижара шартномасини расмийлаштириш ҳамда ижарага берилган сув фонди ерлари ҳисоботини онлайн юритиш имконини берувчи «Suv-yer-ijara» ахборот тизими ишга туширилишини, шунингдек, «Raqamli suv xoʻjaligi» ягона ахборот тизимига интеграция қилинишини таъминласин.

6. Очиқ турдаги коллектор-дренаж тармоқларини ёпиқ-ётиқ дренажларга айлантириш ва сув фонди ер участкаларини тадбиркорлик субъектларига ижарага бериш тартиби тўғрисидаги низом 1-иловага мувофиқ тасдиқлансин.

7. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

8. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ҳамда сув хўжалиги вазири Ш.Р. Хамраев зиммасига юклансин.

Вазирлар Маҳкамасининг 2026 йил 2 июлдаги 362-сон қарорига 1-ИЛОВА

Очиқ турдаги коллектор-дренаж тармоқларини ёпиқ-ётиқ дренажларга айлантириш ва сув фонди ер участкаларини тадбиркорлик субъектларига ижарага бериш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Сув хўжалиги вазирлиги (кейинги ўринларда — Сув хўжалиги вазирлиги) ҳисобидаги очиқ турдаги коллектор-дренаж тармоқларининг аҳоли гавжум ҳудудлар, шунингдек, магистрал йўлларга туташ ҳудудларда жойлашган қисмини ёпиқ-ётиқ дренажларга айлантириш орқали пайдо бўлган сув фонди ер участкаларини тадбиркорлик субъектларига ижарага бериш тартибини белгилайди.

Мазкур Низомда назарда тутилган очиқ турдаги коллектор-дренаж тармоқларини ёпиқ-ётиқ дренажларга айлантириш тартиби Ўзбекистон Республикасининг Сув кодекси, Ер кодекси ҳамда шаҳарсозлик норма ва қоидалари асосида ишлаб чиқилган.

2. Ушбу Низомда қуйидаги асосий тушунчалардан фойдаланилади:

балансда сақловчи — ижарага бериладиган сув фонди ер участкаси ва унда жойлашган сув хўжалиги объекти бириктирилган юридик шахс;

буюртмачи — сув фонди ер участкасини ижарага бериш бўйича савдо платформасида электрон онлайн-аукцион савдосини ташкил этиш ва ўтказиш ҳақида буюртма юборган юридик шахс;

«E-auksion» электрон савдо платформаси (кейинги ўринларда — электрон савдо платформаси) — электрон онлайн-аукцион савдолари ва танловларни ташкил этиш ҳамда ўтказиш учун зарур ахборотни киритиш, сақлаш ва қайта ишлаш, шунингдек, истаги бўлган жисмоний ва юридик шахсларнинг бундай аукцион ва танловлар жараёнига кириш ҳамда уларда қатнашиш имконини таъминлайдиган ахборот тизими;

ёпиқ-ётиқ дренаж — дренаж сувларини тўплашга ҳамда суғориладиган майдонлар, аҳоли пунктлари, гидротехника иншоотларидан ташқарига чиқариб ташлашга мўлжалланган ёпиқ-ётиқ турдаги сув хўжалиги объекти;

коллектор-дренаж тармоғи — ерости сизот сувларини ва ташлама сувларни тўплаш ҳамда чиқариб ташлашга мўлжалланган очиқ ва ёпиқ турдаги сув хўжалиги объекти;

коллектор-дренаж сувлари — ерости сизот сувлари ва ташлама сувлар;

коллектор — асосан дренаж ва ташлама сувларни қабул қилиш ҳамда узатишга, шунингдек, суғориладиган майдонлардан ташқарига чиқариб ташлашга мўлжалланган сув хўжалиги объекти (иншоотлар билан бирга);

лот — буюртмачи томонидан электрон савдо платформасида ижарага бериш учун савдога қўйилган сув фонди ер участкаси;

оператор — электрон савдо платформасида электрон онлайн-аукцион савдоларини ташкил этиш ҳамда ўтказиш ваколати берилган «Электрон онлайн-аукционларни ташкил этиш» акциядорлик жамияти;

очиқ дренаж — ёпиқ-ётиқ дренаж сувларини тўплаш ҳамда суғориладиган майдондан ташқарига чиқаришга мўлжалланган очиқ турдаги сув хўжалиги объекти (иншоотлар билан бирга);

электрон онлайн-аукцион савдоси ғолиби — лот бўйича энг юқори ижарага олиш нархини тасдиқлаб, ғолиб деб эътироф этилган иштирокчи.

3. Очиқ турдаги коллектор-дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкалари тадбиркорлик фаолиятини амалга ошириш учун ушбу Низомга иловада келтирилган схемага мувофиқ ижарага берилади.

4. Ушбу Низом сув хўжалиги, коммунал хизматлар, шаҳарсозлик ва атроф-муҳитни муҳофаза қилиш давлат органлари ҳамда хўжалик юритувчи субъектлар учун тегишлилиги бўйича мажбурий ҳисобланади.

5. Ёпиқ-ётиқ дренаж тармоқлари шаҳарсозлик нормалари ва қоидаларига ҳамда экологик талабларга мувофиқ лойиҳалаштирилиши ва қурилиши лозим.

2-боб. Очиқ турдаги коллектор-дренаж тармоқларини ёпиқ-ётиқ дренажларга айлантириш

6. Туман (шаҳар) ҳокимликлари сув объектини балансда сақловчи ташкилотлар билан биргаликда очиқ турдаги коллектор-дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкаларини тадбиркорлик фаолиятини амалга ошириш учун электрон онлайн-аукцион савдолари орқали ижарага бериш тўғрисида Қорақалпоғистон Республикаси Вазирлар Кенгаши ва вилоятлар ҳокимликларига мурожаат қилади.

7. Қорақалпоғистон Республикаси Вазирлар Кенгаши ва вилоятлар ҳокимликлари туман (шаҳар) ҳокимликлари томонидан тақдим этилган лойиҳа таклифларини умумлаштириб, «Сув хўжалигида бозор механизмларини жорий қилиш» давлат муассасасига (кейинги ўринларда — давлат муассасаси) мурожаат қилади.

8. Давлат муассасаси очиқ турдаги коллектор-дренаж тармоқларини ёпиқ-ётиқ дренажларга айлантириш тўғрисидаги ҳужжатларни ўрганиб чиқади, ўрганиш натижаларининг ижобий хулосаси асосида дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкаларини тадбиркорлик фаолиятини амалга ошириш учун электрон савдо платформасида ўтказиладиган электрон онлайн-аукцион савдолари орқали ижарага беришга розилик беради ёки асосларни кўрсатган ҳолда рад этади.

9. Розилик берилган лойиҳа таклифлари давлат муассасаси томонидан белгиланган тартибда лойиҳа-смета ҳужжатларини ишлаб чиқиш учун уч иш куни ичида «ЎзГИП» МЧЖ ёки «Сувлойиҳа» МЧЖга тақдим этилади.

Ишлаб чиқилган лойиҳа-смета ҳужжатлари беш иш куни ичида «Шаҳарсозлик ҳужжатлари экспертизаси» ДУК ва Давлат экологик экспертизаси марказига экспертиза хулосасини олиш учун белгиланган тартибда тақдим этилади.

Бунда лойиҳа-смета ҳужжатларини ишлаб чиқиш ва экспертизадан ўтказиш билан боғлиқ харажатлар давлат муассасасининг маблағлари ҳисобидан қопланади.

10. Давлат муассасаси ёпиқ-ётиқ дренажларнинг сув фонди ер участкаларини электрон онлайн-аукцион савдоларига чиқаришда бошланғич нархга лойиҳа-смета ҳужжатларини тайёрлаш ҳамда экспертиза хулосаси учун сарфланган маблағларни қўшиб ҳисоблайди.

11. Оператор давлат муассасаси томонидан ижарага бериладиган сув фонди ер участкалари бўйича электрон онлайн-аукцион савдоларини Вазирлар Маҳкамасининг 2022 йил 12 январдаги 18-сон қарори билан тасдиқланган «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомда белгиланган тартибда ўтказади.

12. Балансда сақловчи электрон онлайн-аукцион савдоси ғолибига сув фонди ер участкасининг чегаралари жойини белгилаб, уни ажратиб беради ҳамда ушбу ер участкасини ажратиш бўйича тегишли далолатномани расмийлаштиради.

13. Очиқ турдаги коллектор-дренаж тармоқларини ёпиқ-ётиқ дренажларга айлантириш бўйича қурилиш-монтаж ишлари электрон онлайн-аукцион савдоси ғолиби томонидан амалга оширилади.

14. Очиқ турдаги коллектор-дренаж тармоқларининг сув фонди ер участкаларидан маҳаллий ижро этувчи ҳокимият органларининг қарори асосида аввалдан фойдаланиб келаётган юридик шахсларга ушбу ер участкалари Мелиоратив экспедицияларнинг ижобий хулосаси асосида тўғридан-тўғри ўн йил муддатгача ижарага берилади.

15. Тадбиркорлик субъектларига ижарага бериладиган сув фонди ер участкаларининг ижара ҳақи қиймати Сув фонди ер участкаларини тадбиркорлик субъектларига «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартиби тўғрисидаги низомда кўрсатилган миқдорларда белгиланади.

3-боб. Маблағлар тақсимоти

16. Очиқ турдаги коллектор-дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкаларига ижара ҳуқуқини электрон савдо платформасида реализация қилишдан тушадиган маблағлар лойиҳа ва экспертиза харажатлари чегириб қолинган ҳолда қуйидагича тақсимланади:

40 фоизи — балансда сақловчи ташкилотга;

40 фоизи — Давлат муассасасига;

10 фоизи — Сув хўжалигини рақамлаштириш ва мониторинг марказига;

10 фоизи — «Электрон онлайн-аукционларни ташкил этиш» АЖга.

4-боб. Очиқ турдаги коллектор-дренаж тармоқларини ёпиқ-ётиқ дренажларга айлантиришда қурилиш-монтаж ишларини амалга ошириш ва назорат қилиш

17. Очиқ турдаги коллектор-дренаж тармоқларини ёпиқ-ётиқ дренажларга айлантириш бўйича қурилиш-монтаж ишлари электрон онлайн-аукцион савдолари ғолиби томонидан лойиҳа-смета ҳужжатларида белгиланган параметрларда амалга оширилади.

18. Электрон онлайн-аукцион савдолари ғолиби очиқ турдаги коллектор-дренаж тармоқларини ёпиқ-ётиқ дренажларга айлантириш бўйича қурилиш-монтаж ишларини шаҳарсозлик нормалари ва қоидаларига мувофиқ белгиланган тартибда амалга оширади.

19. Лойиҳа-смета ҳужжатларида белгиланган параметрларда қурилиш-монтаж ишларининг амалга оширилиши ҳудудий «Сувқурилишинвест» давлат муассасаси томонидан доимий мониторинг қилиб борилади.

Қурилиш-монтаж ишларини амалга оширишда лойиҳа-смета ҳужжатларидан четга чиқиш ҳолатлари аниқланганда, электрон онлайн-аукцион савдоси ғолибига ушбу камчиликларни бартараф этиш юзасидан огоҳлантириш хати юборилади.

Бунда электрон онлайн-аукцион савдоси ғолиби огоҳлантириш хатида кўрсатилган камчиликларни ўн кун ичида тўлиқ бартараф этиши шарт.

20. Электрон онлайн-аукцион савдоси ғолиби очиқ турдаги коллектор-дренаж тармоқларини ёпиқ-ётиқ дренажларга айлантириш бўйича қурилиш-монтаж ишларини тўлиқ якунлаганидан сўнг коллектор-дренаж тармоқларини балансда сақловчи ташкилот билан далолатнома расмийлаштиради.

Далолатномада қурилиш-монтаж ишларининг лойиҳа-смета ҳужжатларига мослиги бўйича маълумотлар акс эттирилади.

5-боб. Очиқ турдаги коллектор-дренаж тармоқларини ёпиқ-ётиқ дренажларга айлантиришда сув фонди ер участкаларидан фойдаланиш

21. Очиқ турдаги коллектор-дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкаларининг ер тоифасини ўзгартиришга йўл қўйилмайди.

22. Ижарага берилган сув фонди ер участкаси ҳудудида ёпиқ-ётиқ дренажларни соз ҳолатда сақлаш ва жорий таъмирлаш ишлари (лойиҳа-смета ҳужжатида кўрсатилган) электрон онлайн-аукцион савдолари ғолиби томонидан амалга оширилади.

6-боб. Якунловчи қоидалар

23. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

24. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб беради.

Очиқ турдаги коллектор-дренаж тармоқларини ёпиқ-ётиқ дренажларга айлантириш ва сув фонди ер участкаларини тадбиркорлик субъектларига ижарага бериш тартиби тўғрисидаги низомга ИЛОВА

Очиқ турдаги коллектор-дренаж тармоқларини ёпиқ-ётиқ дренажларга айлантириш орқали пайдо бўлган сув фонди ер участкаларини ижарага бериш

Босқичлар Субъектлар Тадбирлар Муддатлар 1-босқич Туман ва шаҳар ҳокимликлари, балансда сақловчи ташкилотлар Келиб тушган таклифлар асосида очиқ турдаги коллектор-дренаж тармоқларини ёпиқ-ётиқ дренажларга айлантириш тўғрисида Қорақалпоғистон Республикаси Вазирлар Кенгаши ва вилоятлар ҳокимликларига киритади . Заруратга кўра 2-босқич Қорақалпоғистон Республикаси Вазирлар Кенгаши ва вилоятлар ҳокимликлари Очиқ турдаги коллектор-дренаж тармоқларини ёпиқ-ётиқ дренажларга айлантириш тўғрисида давлат муассасасига хат билан мурожаат қилади . Беш иш кунида 3-босқич «Сув хўжалигида бозор механизмларини жорий қилиш» давлат муассасаси Лойиҳа таклифларини белгиланган тартибда лойиҳа-смета ҳужжатларини ишлаб чиқиш учун «ЎзГИП» МЧЖ ёки «Сувлойиҳа» МЧЖга тақдим этади. Уч иш кунида 4-босқич «Сув хўжалигида бозор механизмларини жорий қилиш» давлат муассасаси Ишлаб чиқилган лойиҳа-смета ҳужжатларини «Шаҳарсозлик ҳужжатлари экспертизаси» ДУК ва Давлат экологик экспертизаси марказига экспертиза хулосасини олиш учун белгиланган тартибда тақдим этади. Беш иш кунида 5-босқич «Сув хўжалигида бозор механизмларини жорий қилиш» давлат муассасаси Ишлаб чиқилган лойиҳа-смета ҳужжатлари асосида ёпиқ-ётиқ дренажларнинг сув фонди ер участкаларини «E-auksion» электрон савдо платформаси орқали очиқ электрон онлайн-аукцион савдоларига чиқаради. Уч иш кунида 6-босқич Электрон онлайн-аукцион савдоси ғолиби Очиқ турдаги коллектор-дренаж тармоқларини ёпиқ-ётиқ дренажларга айлантиради. Белгиланган муддатда

Вазирлар Маҳкамасининг 2026 йил 2 июлдаги 362-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Дарёлар ўзанларини тозалаш ишларига тадбиркорлик субъектларини электрон онлайн-аукцион орқали жалб қилиш тартибини жорий этиш тўғрисида» 2018 йил 3 декабрдаги 981-сон қарорида:

а) номидаги «Дарёлар» сўзи «Сув объектлари» сўзлари билан алмаштирилсин;

б) 1-банддаги «Дарёлар» сўзи «Сув объектлари» сўзлари билан алмаштирилсин;

в) 1-иловада:

номидаги «Дарёлар» сўзи «Сув объектлари» сўзлари билан алмаштирилсин;

2-банднинг тўртинчи хатбошисидаги «дарёлар» сўзи «сув объектлари» сўзлари билан алмаштирилсин;

3-банддаги «Дарёлар» сўзи «Сув объектлари» сўзлари билан алмаштирилсин;

4-бандининг биринчи, иккинчи ва учинчи хатбошиларидаги «дарёлар» сўзи «сув объектлари» сўзлари билан алмаштирилсин;

2-боб номидаги «Дарёлар» сўзи «Сув объектлари» сўзлари билан алмаштирилсин;

5-банднинг учинчи хатбошисидаги ва 28-банддаги «Дарё» сўзи «Сув объекти» сўзлари билан алмаштирилсин;

1-иловада:

илова белгиси ва номидаги «Дарёлар» сўзи «Сув объектлари» сўзлари билан алмаштирилсин;

11-босқич «Тадбирлар» устунидаги «Дарёлар» сўзи «Сув объектлари» сўзлари билан алмаштирилсин;

12-босқич «Тадбирлар» устунидаги «дарёлар» сўзи «сув объектлари» сўзлари билан алмаштирилсин;

2-илованинг белгисидаги «Дарёлар» сўзи «Сув объектлари» сўзлари билан алмаштирилсин.

2. Вазирлар Маҳкамасининг «Давлатга тегишли сув ҳавзаларини тадбиркорлик субъектларига «E-auksion» электрон савдо платформаси орқали ижарага бериш тартиби тўғрисидаги низомни тасдиқлаш ҳақида» 2023 йил 2 сентябрдаги 441-сон қарорида:

а) номидаги «Давлатга тегишли сув ҳавзаларини» сўзлари «Сув фонди ер участкаларини» сўзлари билан алмаштирилсин;

б) муқаддимадаги «Балиқчилик хўжалиги эҳтиёжлари учун сув ҳавзаларидан фойдаланиш тартибини такомиллаштириш ҳамда балиқ овлаш ва сув бўйи туризми масканларини ривожлантириш чора-тадбирлари тўғрисида» 2023 йил 18 августдаги ПҚ-281-сон қарори» сўзлари «тегишли фармонлари ижросини таъминлаш, шунингдек, сув фонди ерларидан самарали фойдаланишни ташкил этиш» сўзлари билан алмаштирилсин;

в) 1-банд ўз кучини йўқотган деб ҳисоблансин;

г) 2-бандда:

биринчи хатбошидаги «Давлатга тегишли сув ҳавзаларини» сўзлари «Сув фонди ер участкаларини» сўзлари билан алмаштирилсин;

иккинчи, учинчи ва тўртинчи хатбошилардаги «ҳавзасини» сўзи «фонди ер участкасини» сўзлари билан алмаштирилсин;

бешинчи хатбошидаги «ҳавзаларини» сўзи «фонди ер участкаларини» сўзлари билан алмаштирилсин.

д) 1-иловада:

номидаги «Давлатга тегишли сув ҳавзаларини» сўзлари «Сув фонди ер участкаларини» сўзлари билан алмаштирилсин;

1 ва 2-бандлар қуйидаги таҳрирда баён этилсин:

«1. Ушбу Низом сув фонди ер участкаларини тадбиркорлик субъектларига «E-auksion» электрон савдо платформасида (кейинги ўринларда — электрон савдо платформаси) электрон онлайн-аукцион савдолари орқали ижарага бериш тартибини белгилайди.

2. Сув фонди ер участкалари Ўзбекистон Республикасининг Сув кодексига ҳамда «Гидротехника иншоотларининг хавфсизлиги тўғрисида»ги ва «Муҳофаза этиладиган табиий ҳудудлар тўғрисида»ги қонунларига риоя қилган ҳолда фойдаланиш шарти билан қуйидаги фаолият турларини ташкил этиш учун электрон савдо платформасида электрон онлайн-аукцион савдолари орқали ижарага берилади:

сув объектлари фойдаланишидаги сув фонди ер участкалари — балиқни саноат усулида етиштириш ва овлаш учун;

туризм хизматлари, сув бўйида пляж зоналарини ташкил этиш, спорт-ишқибозлик туридаги балиқ овлаш, балиқ ови, сувда сузувчи ускуналар ва сув саёҳати хизматларини кўрсатиш;

қишлоқ хўжалиги, чорвачилик ва паррандачиликда фойдаланиш;

енгил конструкцияли қурилмаларни (ўтовлар, контейнерлар, тапчанлар, умумий овқатланиш хизматларини ташкил этиш, савдо шохобчалари, автомобилларни ювиш мажмуаси ва бошқа маиший хизмат кўрсатиш марказларини) жойлаштириш учун.

Бунда сув фонди ер участкаларига енгил конструкцияли қурилмалар (ўтовлар, контейнерлар, тапчанлар, савдо шохобчалари, автомобилларни ювиш мажмуаси, умумий овқатланиш ва бошқа маиший хизматлар кўрсатиш марказлари) қонунчилик ҳужжатларида белгиланган тартибда жойлаштирилади.

Сув фонди ер участкалари тадбиркорлик субъектларига «E-auksion» электрон савдо платформаси орқали ушбу Низомга 1-иловага мувофиқ схема бўйича ижарага берилади».

3-банд қуйидаги мазмундаги иккинчи хатбоши билан тўлдирилсин:

«хусусий мулкда бўлган сув хўжалиги объектларига»;

иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин;

4-бандда:

иккинчи ва учинчи хатбошилар қуйидаги таҳрирда баён этилсин:

« сув объекти — сувлар доимий равишда ёки вақтинча тўпланадиган ва сув режимининг ўзига хос шакллари ва белгилари бўлган табиий (жилғалар, сойлар, дарёлар ва бошқалар) ҳамда сунъий (очиқ ва ёпиқ каналлар, шунингдек, коллектор-дренаж тармоқлари) сув оқимлари, табиий (кўллар, денгизлар, ерости сувли қатламлар) ва сунъий (сув омборлари, сел сувлари тўпланадиган жойлар, ҳовузлар ва бошқалар) сув ҳавзалари, шунингдек, булоқлар ва бошқа объектлар;

сув фонди ер участкаси — сув ҳавзалари (дарёлар, кўллар, сув омборлари ва шу кабилар), гидротехника ва бошқа сув хўжалиги иншоотлари эгаллаб турган, шунингдек, сув ҳавзаларининг ва бошқа сув объектларининг қирғоқлари бўйлаб ажратилган минтақадаги сув хўжалиги эҳтиёжлари учун ваколатли ташкилотларга белгиланган тартибда берилган ерлар»;

тўртинчи хатбошидаги «юридик шахс ва якка тартибдаги тадбиркорлар» сўзлари «жисмоний ва юридик шахслар» сўзлари билан алмаштирилсин;

бешинчи хатбоши қуйидаги таҳрирда баён этилсин:

« ижарага берувчи — Сув хўжалиги вазирлиги ҳузуридаги «Сув хўжалигида бозор механизмларини жорий қилиш» давлат муассасаси»;

олтинчи хатбошидаги «ҳавзаси ҳамда» сўзлари «объекти фойдаланишидаги сув фонди» сўзлари билан алмаштирилсин;

еттинчи хатбошидаги «сув ҳавзасини» сўзлари «сув объектлари фойдаланишидаги сув фонди ер участкаларини» сўзлари билан алмаштирилсин;

5-бандда:

биринчи хатбошидаги «ҳавзасининг (ер участкасининг)» сўзлари «фонди ер участкаси» сўзлари, «10 йил» сўзлари «10 йилгача» сўзлари билан алмаштирилсин;

иккинчи хатбоши қуйидаги таҳрирда баён этилсин:

«Ижарага берилаётган сув фонди ер участкаларида сув объектларига салбий таъсир кўрсатадиган хўжалик фаолиятини юритиш ва капитал қурилиш ишларини амалга ошириш тақиқланади ҳамда оқим йўналиши, ҳажми ва тезлиги ўзгариши, экологик вазият ёмонлашиши, биохилма-хиллик, ноёб ҳайвонот ва ўсимлик дунёсига зарар етказмаслиги керак»;

2-боб номидаги «ҳавзаси ва» сўзлари «фонди» сўзи билан алмаштирилсин;

6-банддаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

7 ва 8-бандлар қуйидаги таҳрирда баён этилсин:

«7. Ижарага берувчи тадбиркорлик субъектининг таклифи асосида икки кун муддатда балансда сақловчига сув фонди ер участкасини ижарага бериш бўйича муносабат билдириш юзасидан сўров юборади.

Ижарага берувчи фойдаланилмаётган сув фонди ер участкасини аниқлаган тақдирда, ушбу ер участкасини ижарага бериш бўйича ўз ташаббуси билан балансда сақловчига сўров юбориши мумкин.

Қуйидаги ҳолларда балансда сақловчи сув фонди ер участкасини ижарага бериш таклифини рад этади:

сув фонди ер участкаси стратегик аҳамиятга эга бўлган объектлар тоифасига киритилган тақдирда;

сув фонди ер участкаси амалда ижарага берилган бўлса.

8. Сув фонди ер участкасини ижарага беришни рад этишга ушбу Низомнинг 7-бандида келтирилган асослар мавжуд бўлмаган тақдирда, балансда сақловчи сув фонди ер участкасини ижарага бериш учун қуйидаги маълумотларни кўрсатиб, беш кун ичида ижарага берувчига ариза тақдим этади:

ижарага берилаётган сув фонди ер участкасининг номи, тавсифи, жойлашган жойи (манзили);

сув фонди ер участкасининг умумий майдони, чегаралари кўрсатилган чизмаси ва фотосурати;

ижарага бериладиган сув фонди ер участкаси бўйича ушбу Низомнинг 35 ва 36-бандларида келтирилган формула асосида ҳисобланган йиллик ижара ҳақи миқдори;

сув фонди ер участкасидан фойдаланиш мақсади ва қўшимча шартлари»;

12-банддаги «ҳавзасини (ер участкасини)» сўзлари «фонди ер участкасини» сўзи билан алмаштирилсин;

3-боб номидаги «ҳавзаси ва» сўзлари «фонди» сўзи билан алмаштирилсин;

13-банд қуйидаги таҳрирда баён этилсин:

«13. Сув фонди ер участкаси балансда сақловчининг аризасига асосан ижарага берувчи томонидан ишлаб чиқилган лойиҳа ҳужжатларига мувофиқ электрон савдо платформасида электрон онлайн-аукцион савдолари орқали ижарага берилади»;

14-бандда:

биринчи хатбошидаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

қуйидаги мазмундаги иккинчи ва учинчи хатбошилар билан тўлдирилсин:

«Бунда электрон онлайн-аукцион савдолари орқали ижарага олинадиган сув фонди ер участкалари учун тўловлар 15 иш куни ичида тўлиқ тўланиши шарт.

Сотилмаган лотлар ҳар беш кунда лотнинг нархини 10 фоиздан бошланғич нархнинг 20 фоизигача босқичма-босқич пасайтирган ҳолда такроран электрон онлайн-аукцион савдоларига чиқарилади»;

15-бандда:

биринчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

иккинчи, учинчи ва тўртинчи хатбошилар қуйидаги таҳрирда баён этилсин:

«ижара шартномаси лойиҳасини Ўзбекистон Республикасининг Сув кодекси ҳамда «Гидротехника иншоотларининг хавфсизлиги тўғрисида»ги ва «Муҳофаза этиладиган табиий ҳудудлар тўғрисида»ги қонунлари талабларини ҳисобга олган ҳолда тайёрлайди;

балансда сақловчининг аризасига асосан ижарага бериладиган сув фонди ер участкаси тўғрисидаги (лойиҳа) маълумотларни ва ижара шартномаси лойиҳасини электрон савдо платформасига жойлаштиради;

ижарага бериладиган сув фонди ер участкасининг номи, тавсифи, жойлашган жойи (манзили), майдони, чегаралари кўрсатилган чизмаси ва фотосурати, йиллик ижара ҳақи миқдори, улардан фойдаланиш мақсади ва қўшимча шартларини Сув хўжалиги вазирлигининг ҳамда «Электрон онлайн-аукционларни ташкил этиш» АЖнинг расмий веб-сайтлари орқали тадбиркорларга етказади»;

16-банд қуйидаги таҳрирда баён этилсин:

«16. Соҳилбўйи сув фонди ер участкалари ушбу сув объектида ижара шартномаси асосида фаолият юритиб келаётган тадбиркорлик субъектларининг балиқни саноат усулида етиштириш ва овлаш бўйича фаолиятига тўсқинлик қилмаган ҳолда ижарага берилади»;

20-бандда:

иккинчи хатбошидаги «ҳавзасининг (ер участкасининг)» сўзлари «фонди ер участкасининг» сўзлари билан алмаштирилсин;

олтинчи ва еттинчи хатбошилардаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

саккизинчи хатбошидаги «ҳавзасининг (ер участкасининг)» сўзлари «фонди ер участкасининг» сўзлари билан алмаштирилсин;

ўнинчи хатбошидаги «ҳавзасини» сўзи «объектини» сўзи билан алмаштирилсин;

21-банд қуйидаги таҳрирда баён этилсин:

«21. Сув фонди ер участкасини ижарага бериш шартномаси расмийлаштирилгандан сўнг беш иш куни ичида ижарага берувчи томонидан қонунчилик ҳужжатларида белгиланган тартибда давлат рўйхатидан ўтказилади.»;

23-бандда:

биринчи хатбоши қуйидаги таҳрирда баён этилсин:

«23. Балансда сақловчи томонидан сув объектини ривожлантириш бўйича талабгорларга қўйиладиган инвестиция ва бошқа мажбуриятлар (шартлар) ҳар бир фонди ер участкасининг хусусияти, жойлашган жойи ва майдонининг ҳажмини инобатга олган ҳолда қуйидагича белгиланиши мумкин»;

иккинчи хатбошидаги «ҳавзасида» сўзи «объектида» сўзи билан алмаштирилсин;

учинчи хатбошидаги «ҳавзасини» сўзи «объектини» сўзи билан алмаштирилсин;

бешинчи хатбошидаги «ҳавзасига» сўзи «объектига» сўзи билан алмаштирилсин;

олтинчи хатбошидаги «ҳавзасини» сўзи «объектини» сўзи билан алмаштирилсин;

24-банд қуйидаги таҳрирда баён этилсин:

«24. Ижарага берувчи қуйидаги ҳуқуқларга эга:

Балансда сақловчининг аризасига асосан ижарага бериладиган сув объектлари фойдаланишидаги ижарага берилиши таклиф этилаётган сув фонди ер участкалари лойиҳасини ишлаб чиқиш ва электрон савдо платформасига жойлаштириш;

ижарага олувчининг сув фонди ер участкасидан белгиланган йўналишда мақсадли фойдаланиши, ижара ҳақини белгиланган миқдор, тартиб ва муддатларда тўлашини мониторинг қилиш;

шартноманинг амал қилиш муддати узайтирилишида ижарага олувчи кейинги муддатга белгиланаётган ижара ҳақи тўлов ставкасидан норози бўлган тақдирда, шартноманинг амал қилиш муддатини узайтириш ҳақидаги шартномани (келишувни) имзолашни рад этиш;

ижарага олувчи томонидан сув фонди ер участкасидан фойдаланиш даврида табиатни муҳофаза қилиш ва ундан фойдаланиш тўғрисидаги қонунчилик ҳужжатлари талабларига риоя этилишини назорат қилиш учун тегишли давлат органлари билан ҳамкорлик қилиш;

ижарага олувчидан шартнома муносабатларига оид маълумотлар ва ахборотларни сўраб олиш;

зарурат туғилганда, ижарага олувчига шартномани муддатидан олдин ўзаро келишиб бекор қилиш ёки уни ўзгартириш ҳақида таклиф киритиш;

ижарага олувчи томонидан балансда сақловчининг сув фонди ер участкасига нисбатан эгалик ҳуқуқи бузилмаслигини таъминлаш»;

25-бандда:

иккинчи хатбошидаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

учинчи хатбошидаги «ҳавзасига (ер участкасига)» сўзлари «фонди ер участкасига» сўзлари билан алмаштирилсин;

олтинчи хатбошидаги «ҳавзасидан (ер участкасидан)» сўзлари «фонди ер участкасидан» сўзлари билан алмаштирилсин;

26-бандда:

иккинчи хатбоши «кўрсатилган муддатларда ва миқдорда» сўзларидан кейин «ижарага берувчининг транзит ҳисобварағига» сўзлари билан тўлдирилсин;

учинчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

бешинчи хатбоши «бажарилмасдан келинаётганлиги аниқланган тақдирда,» сўзларидан кейин «ижарага берувчи билан биргаликда» сўзлари билан тўлдирилсин;

27-бандда:

иккинчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

учинчи ва тўртинчи хатбошилардаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

олтинчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

28-банддаги «суд орқали қопланади» сўзлари «иқтисодий судларда кўриб чиқилади» сўзлари билан алмаштирилсин;

29-банддаги «ҳавзасининг (ер участкасининг)» сўзлари «фонди ер участкасининг» сўзлари билан алмаштирилсин;

30-банддаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

31-бандда:

иккинчи, учинчи ва бешинчи хатбошилардаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

еттинчи хатбоши қуйидаги таҳрирда баён этилсин:

«ижарага олинган сув фонди ер участкасининг майдонида ўзгариш бўлганда, шу жумладан, сув объектида сув ҳажми камайган ёки кўпайган тақдирда, тегишли ваколатли ташкилотлар қайта ўлчаш ишларини ўтказиши ва ушбу ташкилотларнинг хулосалари (далолатномалари) асосида календарь йил учун белгиланган ижара ҳақи ва чора-тадбирлар режасига ўзгартиришлар киритиш ташаббуси билан чиқиш.»;

33-бандда:

тўртинчи хатбошидаги «ҳавзасидан (ер участкасидан)» сўзлари «фонди ер участкасидан» сўзлари билан алмаштирилсин;

бешинчи хатбошидаги «ҳавзасининг (ер участкасининг)» сўзлари «фонди ер участкасининг» сўзлари билан алмаштирилсин;

олтинчи хатбошидаги «ҳавзасидан (ер участкасидан)» сўзлари «фонди ер участкасидан» сўзлари билан алмаштирилсин;

еттинчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

ўнинчи хатбошидаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

ўн биринчи хатбоши қуйидаги таҳрирда баён этилсин:

«Ўзбекистон Республикаси Сув кодексининг 9, 27, 75, 77, 98, 99, 100 ва 101-моддалари талабларига, шунингдек, «Муҳофаза этиладиган табиий ҳудудлар тўғрисида»ги Қонунининг 41-моддасида белгиланган режимга қатъий риоя этиш»;

ўн тўртинчи хатбошидаги «ҳавзасида» сўзи «объектида» сўзи билан алмаштирилсин;

ўн бешинчи хатбошидаги «ҳавзаларида» сўзи «объектларида» сўзи билан алмаштирилсин;

ўн еттинчи хатбошидаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

ўн саккизинчи хатбоши қуйидаги таҳрирда баён этилсин:

«ҳар йили 15 январга қадар ўтган йилда бир гектар сув объектида овланган (сотилган) балиқнинг (турлари бўйича) ўртача миқдори ва балиқ овлаш хўжалиги томонидан ўтган йилда бир гектар сув объектини ўртача балиқ (турлари бўйича) чавоқлари билан балиқлантириш миқдори тўғрисидаги маълумотларни балансда сақловчи ва ижарага берувчига тақдим этиш (тақдим этилган маълумотлар ҳаққонийлигига ижарага олувчи шахсан жавобгар ҳисобланади)»;

8-боб номидаги «ҳавзаси ва ер участкасидан» сўзлари «фонди ер участкасидан» сўзлари билан алмаштирилсин;

34-банд қуйидаги таҳрирда баён этилсин:

«34. Ижарага берилган сув фонди ер участкаси учун бир йиллик ижара ҳақи тўловининг бошланғич нархи ижарага берувчи томонидан ушбу Низомда белгиланган тартибда ҳисобланади.

Сув омборлари ва сел-сув омборларининг сувдан бўшаган сув фонди ер участкаларини иккинчи йилдан бошлаб йиллик ижара ҳақини белгилаш ишлари бўйича мониторинг далолатномаси расмийлаштирилиб, ердан фойдаланилган ойлар бўйича ҳисобланади»;

35-бандда:

биринчи, иккинчи, учинчи, тўртинчи, бешинчи, олтинчи ва еттинчи хатбошилар қуйидаги таҳрирда баён этилсин:

«35. Балиқ ва уни овлаш учун ижарага бериладиган сув фонди ер участкаси учун бир йиллик ижара ҳақи тўловининг бошланғич нархи (аукционга чиқариш) қуйидаги формула ва унга берилган шарҳ қуйидаги формула бўйича белгиланади:

«Иҳ = Ҳ1 * Мс * Бс/10, бунда:

Иҳ — ижара ҳақи;

Ҳ1 — бир гектарнинг ўртача балиқ маҳсулдорлиги (10 кг белгиланган ўзгармас коэффициент);

Мс — сув объектининг сувли майдони, га;

Бс — ушбу Низомга 2-иловага мувофиқ амалдаги базавий ҳисоблаш миқдорининг фоиз ставкаси, сўмда; (бошланғич нархни шакллантириш учун БҲМнинг 100% миқдори олинади);

10 — ўзгармас коэффициент»;

қуйидаги мазмундаги изоҳ қисми билан тўлдирилсин:

36-бандда:

биринчи хатбоши қуйидаги таҳрирда баён этилсин:

«36. Ижарага бериладиган соҳилбўйи минтақа зоналаридаги сув фонди ер участкаси учун бир йиллик ижара ҳақи тўловининг бошланғич нархи (аукционга чиқариш) қуйидаги формула бўйича белгиланади»;

қуйидаги мазмундаги ўн еттинчи хатбоши билан тўлдирилсин:

«сув фонди ер участкалари бўйича тадбиркорлик субъектлари билан вақтинча фойдаланиш мақсадида тузилган ижара шартномалари шартнома муддати якунлангунга қадар йиллик ижара тўлови ушбу Низомда кўрсатиб ўтилган сув фонди ер участкаси учун бир йиллик ижара ҳақи тўловининг ҳисоблаш формуласи (Тс = Эс * Кз * (Кҳ + Ко) бўйича ҳисобланади»;

40-банддаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

10-боб номидаги «ҳавзаси ва ер участкасини» сўзлари «фонди ер участкасини» сўзлари билан алмаштирилсин;

43-банддаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

44-бандда:

биринчи хатбошидаги «ҳавзасини (ер участкасини)» сўзлари «фонди ер участкасини» сўзлари билан алмаштирилсин;

бешинчи хатбошидаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

45-банддаги «ҳавзасини (ер участкасини)» сўзи «фонди ер участкасини» сўзлари билан, «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

48-банддаги «ҳавзаси (ер участкаси)» сўзлари «фонди ер участкаси» сўзлари билан алмаштирилсин;

1-илова қуйидаги таҳрирда баён этилсин:

«Сув фонди ер участкаларини тадбиркорлик субъектларига «E-auksion» электрон савдо платформаси орқали ижарага бериш тартиби тўғрисидаги низомга 1-ИЛОВА

Сув фонди ер участкаларини тадбиркорлик субъектларига «E-auksion» электрон савдо платформаси орқали ижарага бериш

Босқичлар Субъектлар Тадбирлар Муддатлар 1-босқич Ижарага берувчи (Сув хўжалигида бозор механизмларини жорий қилиш давлат муассасаси) Балансда сақловчининг аризасига асосан ижарага бериладиган сув объектларининг фойдаланилмасдан бўш турган сув фонди ер участкаларини аниқлайди. Доимий 2-босқич Тадбиркорлик субъекти Ижарага берувчига: сув объектлари фойдаланишидаги ижарага берилиши таклиф этилаётган сув фонди ерларининг тавсифи ва жойлашган жойини; сув объектлари фойдаланишидаги ижарага берилиши таклиф этилаётган сув фонди ер участкаларининг балансда сақловчисини (бундай маълумотлар мавжуд бўлган тақдирда) кўрсатган ҳолда ўз таклифини тақдим этади. Ўз хоҳишига кўра 3-босқич Ижарага берувчи (Сув хўжалигида бозор механизмларини жорий қилиш давлат муассасаси) Тадбиркорлик субъектининг таклифи асосида сув объектининг балансда сақловчисига сув объекти фойдаланишидаги сув фонди ер участкаларини ижарага бериш бўйича муносабат билдириш юзасидан сўровнома юборади. 2 кун муддатда 4-босқич Балансда сақловчи, ижарага берувчи (Сув хўжалигида бозор механизмларини жорий қилиш давлат муассасаси) Сув объектини ижарага беришни рад этишга асослар бўлмаса, сув ҳавзасини ижарага бериш учун ижарага берувчига қуйидаги маълумотларни кўрсатиб, ариза тақдим этади: ижарага берилаётган сув объектининг номи, тавсифи, жойлашган жойи (манзили); сув объектининг умумий майдони, чегаралари кўрсатилган чизмаси ва фотосурати; ижарага бериладиган сув объекти бўйича ушбу Низомнинг 35 ва 36-бандларида келтирилган формула асосида ҳисобланган йиллик ижара ҳақи миқдори; сув объектидан фойдаланиш мақсади ва қўшимча шартлари. 5 кун муддатда 5-босқич Ижарага берувчи (Сув хўжалигида бозор механизмларини жорий қилиш давлат муассасаси) Тадбиркорлик субъектининг таклифини кўриб чиқиш натижаси бўйича ва қабул қилинган қарор ҳақида тадбиркорлик субъектига хабар юборади. Таклиф олинган пайтдан бошлаб бир ҳафта муддатда 6-босқич Ижарага берувчи (Сув хўжалигида бозор механизмларини жорий қилиш давлат муассасаси)) Балансда сақловчининг аризасига асосан ижарага бериладиган сув объектлари фойдаланишидаги ижарага берилиши таклиф этилаётган сув фонди ер участкаларининг лойиҳасини ишлаб чиқади ва электрон савдо платформасига жойлаштиради. 2 иш куни ичида 7-босқич Ижарага берувчи (Сув хўжалигида бозор механизмларини жорий қилиш давлат муассасаси) тадбиркорлик субъекти Аукцион савдоси натижасига кўра ғолиб бўлган ижарага олувчи билан электрон ижара шартномасини имзолайди. Электрон онлайн-аукцион савдолари натижалари тўғрисидаги электрон баённома имзолангандан сўнг 10 иш куни ичида 8-босқич Балансда сақловчи, ижарага берувчи (Сув хўжалигида бозор механизмларини жорий қилиш давлат муассасаси) тадбиркорлик субъекти Ижара шартномаси имзолангандан сўнг сув объектлари фойдаланишидаги ижарага берилиши таклиф этилаётган сув фонди ер участкаларини ижарага олувчига топшириш ва қабул қилиш далолатномаси асосида топширилади ва ижарага олувчи томонидан қабул қилиб олинади. Ижара шартномаси имзолангандан сўнг 5 кун ичида

2-илова қуйидаги таҳрирда баён этилсин:

«Сув фонди ер участкаларини тадбиркорлик субъектларига «Е-auksion» электрон савдо платформаси орқали ижарага бериш тартиби тўғрисидаги низомга 2-ИЛОВА

Сув объектлари бўйича ижара ҳақи тўловини ҳисоблашда сув объекти маҳсулдорлигига боғлиқ ҳолда қўлланадиган ставкалар

Маҳсулдорлик, га/кг Базавий ҳисоблаш миқдори, фоиз Ижара ҳақини ҳисоблаш формуласи 10 гача 100 (10 х 1 х 100 фоиз БҲМ/10) 10,1 — 30 гача 90 (10 х 1 х 90 фоиз БҲМ/10) 30,1 — 70 гача 80 (10 х 1 х 80 фоиз БҲМ/10) 70 дан юқори 70 (10 х 1 х 70 фоиз БҲМ/10)

Бунда юқоридаги формулага асосан 1 гектар сув объектидаги маҳсулдорликдан келиб чиқиб, бир йиллик энг кам ижара ҳақининг миқдори қуйидаги тартибда ҳисобланади:

1) 10 х 1 х 100 фоиз х 412 000/10 — 412 000 сўм — 10 кг;

2) 10 х 1 х 90 фоиз х 412 000/10 — 370 800 сўм — 30 кг;

3) 10 х 1 х 80 фоиз х 412 000/10 — 329 600 сўм — 70 кг;

4) 10 х 1 х 70 фоиз х 412 000/10 — 288 400 сўм — 70,1 кг дан юқори.

1 гектар сув фонди ер участкасининг энг паст 70 фоизли ставка бўйича ҳисобланган бир ойлик ижара ҳақининг миқдори — (10 х 1 х 70 фоиз БҲМ) — 24 033,33 сўм.

Базавий ҳисоблаш миқдори ўзгариши билан бирга ижара ҳақи суммасининг миқдори ҳам ўзгаради ва тузилган шартномаларга тегишли ўзгартиришлар киритилади».

3. Вазирлар Маҳкамасининг 2024 йил 7 октябрдаги 645-сон қарори билан тасдиқланган Ўзбекистон Республикаси Сув хўжалиги вазирлигининг Сув хўжалигини ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомда:

4-банд қуйидаги мазмундаги еттинчи хатбоши билан тўлдирилсин:

«Сув хўжалигида бозор механизмларини жорий қилиш» давлат муассасасининг маблағлари»;

еттинчи — тўққизинчи хатбошилар тегишлича саккизинчи — ўнинчи хатбошилар деб ҳисоблансин.

Ўзбекистон Республикасининг Бош вазири А. АРИПОВ

Тошкент ш.,

2026 йил 2 июль,

362 -сон

(Қонунчилик маълумотлари миллий базаси, 15.07.2026 й., 09/26/362/0737-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

NIZOM

SXEMASI

SXEMASI

MIQDORI

Suv fondi yerlarini elektron onlayn-auksion savdolari orqali realizatsiya qilish faoliyatini tartibga solish chora-tadbirlari toʻgʻrisida

Oʻzbekiston Respublikasi Prezidentining “ Suv xoʻjaligida zamonaviy boshqaruv tizimini joriy qilish va rivojlantirishning ustuvor yoʻnalishlarini belgilash toʻgʻrisida ” 2024-yil 7-maydagi PF-74-son hamda “ Suv xoʻjaligi sohasida bozor mexanizmlarini keng joriy qilish chora-tadbirlari toʻgʻrisida ” 2026-yil 26-maydagi PF-99-son farmonlari ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Suv xoʻjaligi sohasida bozor mexanizmlarini keng joriy qilish chora-tadbirlari toʻgʻrisida” 2026-yil 26-maydagi PF-99-son Farmoniga muvofiq suv fondi yerlarini ijaraga berishda Suv xoʻjaligi vazirligi huzuridagi “Suv xoʻjaligida bozor mexanizmlarini joriy qilish” davlat muassasasi (keyingi oʻrinlarda — Davlat muassasasi) yagona buyurtmachi etib belgilangani maʼlumot uchun qabul qilinsin.

2. Quyidagilar Davlat muassasasini moliyalashtirish manbalari etib belgilansin:

suv fondi yerlarida yer tuzish, loyiha, geodeziya, xatlov, marksheyderlik xizmatlarini koʻrsatish va ushbu yer uchastkalarining ijara huquqini elektron onlayn-auksion savdolarida realizatsiya qilish orqali tushadigan tushumlar hamda ijara haqi mablagʻlari;

daryolar oʻzanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion savdolarida realizatsiya qilish orqali tushadigan tushumlar hamda daryo oʻzanlarini tozalash natijasida olingan qum-shagʻal materiallari uchun tadbirkorlik subyektlari tomonidan toʻlanadigan mablagʻlar;

suv omborlari va sel-suv omborlari, kanallar, kollektorlar, tabiiy koʻllar hamda gidrotexnika inshootlarini tuproq materiallaridan tozalash ishlariga tashabbuskor tadbirkorlik subyektlarini eng yaxshi takliflari asosida toʻgʻridan-toʻgʻri shartnoma asosida jalb qilish orqali tushadigan tushumlar;

Suv xoʻjaligi vazirligining Suv xoʻjaligini rivojlantirish jamgʻarmasi mablagʻlari;

Davlat muassasasining vaqtincha boʻsh turgan mablagʻlarini tijorat banklarining depozitiga joylashtirish hisobidan tushadigan foiz tarzidagi daromadlar;

qonunchilik hujjatlari bilan taqiqlanmagan boshqa manbalar.

3. Davlat muassasasi mablagʻlari quyidagi maqsadlar uchun sarflanadi:

davlat muassasasini saqlash, uning xodimlari mehnatiga haq toʻlash, ularni moddiy ragʻbatlantirish va ijtimoiy qoʻllab-quvvatlash hamda moddiy-texnik taʼminlash, asbob-uskunalar, transport vositalari, maxsus texnikalarni xarid qilish, ishlatish va taʼmirlash;

davlat muassasasi xodimlari malakasini oshirish, ularni qayta tayyorlash, ularning xizmat safarlari, shu jumladan, xorijiy davlatlarga xizmat safarlari hamda boshqa tadbirlarda ishtirok etish xarajatlarini qoplash;

suv fondi yerlarida yer tuzish, loyiha, geodeziya, xatlov va marksheyderlik ishlarini bajarish hamda daryo oʻzanlarini tozalash jarayonida qum-shagʻal materiallarini qazib olish boʻyicha loyiha hujjatlarini ishlab chiqish va davlat ekologik ekspertizasi xulosasini olish, majburiy sugʻurtalash, suv obyektlari va ularning foydalanishidagi yer uchastkalarini ijaraga berish va boshqa xarajatlarni moliyalashtirish;

Suv xoʻjaligi vazirligining soʻroviga asosan Suv xoʻjaligini rivojlantirish jamgʻarmasiga mablagʻlar oʻtkazish.

4. Favqulodda vaziyatlar vazirligi, Suv xoʻjaligi vazirligi hamda Ekologiya va iqlim oʻzgarishi milliy qoʻmitasi hududiy boshqarmalarining oʻrganish dalolatnomalariga asosan sel toshqini xavfi mavjud daryolardan shartnomaga muvofiq noruda materiallarni qazib olish hajmlarini yakuniga yetkazmagan tadbirkorlik subyektlariga, istisno tariqasida, noruda materiallarni toʻliq qazib olishga ruxsat berilsin.

5. Suv xoʻjaligi vazirligi Raqamli texnologiyalar vazirligi bilan birgalikda 2026-yil 1-avgustga qadar Suv xoʻjaligini raqamlashtirish va monitoring markazi buyurtmasiga asosan suv fondi yerlarini ijaraga berish uchun materiallarni toʻplash, koʻrib chiqish va vakolatli tashkilotlar bilan kelishish, ijara shartnomasini rasmiylashtirish hamda ijaraga berilgan suv fondi yerlari hisobotini onlayn yuritish imkonini beruvchi “Suv-yer-ijara” axborot tizimi ishga tushirilishini, shuningdek, “Raqamli suv xoʻjaligi” yagona axborot tizimiga integratsiya qilinishini taʼminlasin.

6. Ochiq turdagi kollektor-drenaj tarmoqlarini yopiq-yotiq drenajlarga aylantirish va suv fondi yer uchastkalarini tadbirkorlik subyektlariga ijaraga berish tartibi toʻgʻrisidagi nizom 1-ilovaga muvofiq tasdiqlansin.

7. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda suv xoʻjaligi vaziri Sh.R. Xamrayev zimmasiga yuklansin.

Vazirlar Mahkamasining 2026-yil 2-iyuldagi 362-son qaroriga 1-ILOVA

Ochiq turdagi kollektor-drenaj tarmoqlarini yopiq-yotiq drenajlarga aylantirish va suv fondi yer uchastkalarini tadbirkorlik subyektlariga ijaraga berish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi (keyingi oʻrinlarda — Suv xoʻjaligi vazirligi) hisobidagi ochiq turdagi kollektor-drenaj tarmoqlarining aholi gavjum hududlar, shuningdek, magistral yoʻllarga tutash hududlarda joylashgan qismini yopiq-yotiq drenajlarga aylantirish orqali paydo boʻlgan suv fondi yer uchastkalarini tadbirkorlik subyektlariga ijaraga berish tartibini belgilaydi.

Mazkur Nizomda nazarda tutilgan ochiq turdagi kollektor-drenaj tarmoqlarini yopiq-yotiq drenajlarga aylantirish tartibi Oʻzbekiston Respublikasining Suv kodeksi, Yer kodeksi hamda shaharsozlik norma va qoidalari asosida ishlab chiqilgan.

2. Ushbu Nizomda quyidagi asosiy tushunchalardan foydalaniladi:

balansda saqlovchi — ijaraga beriladigan suv fondi yer uchastkasi va unda joylashgan suv xoʻjaligi obyekti biriktirilgan yuridik shaxs;

buyurtmachi — suv fondi yer uchastkasini ijaraga berish boʻyicha savdo platformasida elektron onlayn-auksion savdosini tashkil etish va oʻtkazish haqida buyurtma yuborgan yuridik shaxs;

“E-auksion” elektron savdo platformasi (keyingi oʻrinlarda — elektron savdo platformasi) — elektron onlayn-auksion savdolari va tanlovlarni tashkil etish hamda oʻtkazish uchun zarur axborotni kiritish, saqlash va qayta ishlash, shuningdek, istagi boʻlgan jismoniy va yuridik shaxslarning bunday auksion va tanlovlar jarayoniga kirish hamda ularda qatnashish imkonini taʼminlaydigan axborot tizimi;

yopiq-yotiq drenaj — drenaj suvlarini toʻplashga hamda sugʻoriladigan maydonlar, aholi punktlari, gidrotexnika inshootlaridan tashqariga chiqarib tashlashga moʻljallangan yopiq-yotiq turdagi suv xoʻjaligi obyekti;

kollektor-drenaj tarmogʻi — yerosti sizot suvlarini va tashlama suvlarni toʻplash hamda chiqarib tashlashga moʻljallangan ochiq va yopiq turdagi suv xoʻjaligi obyekti;

kollektor-drenaj suvlari — yerosti sizot suvlari va tashlama suvlar;

kollektor — asosan drenaj va tashlama suvlarni qabul qilish hamda uzatishga, shuningdek, sugʻoriladigan maydonlardan tashqariga chiqarib tashlashga moʻljallangan suv xoʻjaligi obyekti (inshootlar bilan birga);

lot — buyurtmachi tomonidan elektron savdo platformasida ijaraga berish uchun savdoga qoʻyilgan suv fondi yer uchastkasi;

operator — elektron savdo platformasida elektron onlayn-auksion savdolarini tashkil etish hamda oʻtkazish vakolati berilgan “Elektron onlayn-auksionlarni tashkil etish” aksiyadorlik jamiyati;

ochiq drenaj — yopiq-yotiq drenaj suvlarini toʻplash hamda sugʻoriladigan maydondan tashqariga chiqarishga moʻljallangan ochiq turdagi suv xoʻjaligi obyekti (inshootlar bilan birga);

elektron onlayn-auksion savdosi gʻolibi — lot boʻyicha eng yuqori ijaraga olish narxini tasdiqlab, gʻolib deb eʼtirof etilgan ishtirokchi.

3. Ochiq turdagi kollektor-drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalari tadbirkorlik faoliyatini amalga oshirish uchun ushbu Nizomga ilovada keltirilgan sxemaga muvofiq ijaraga beriladi.

4. Ushbu Nizom suv xoʻjaligi, kommunal xizmatlar, shaharsozlik va atrof-muhitni muhofaza qilish davlat organlari hamda xoʻjalik yurituvchi subyektlar uchun tegishliligi boʻyicha majburiy hisoblanadi.

5. Yopiq-yotiq drenaj tarmoqlari shaharsozlik normalari va qoidalariga hamda ekologik talablarga muvofiq loyihalashtirilishi va qurilishi lozim.

2-bob. Ochiq turdagi kollektor-drenaj tarmoqlarini yopiq-yotiq drenajlarga aylantirish

6. Tuman (shahar) hokimliklari suv obyektini balansda saqlovchi tashkilotlar bilan birgalikda ochiq turdagi kollektor-drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalarini tadbirkorlik faoliyatini amalga oshirish uchun elektron onlayn-auksion savdolari orqali ijaraga berish toʻgʻrisida Qoraqalpogʻiston Respublikasi Vazirlar Kengashi va viloyatlar hokimliklariga murojaat qiladi.

7. Qoraqalpogʻiston Respublikasi Vazirlar Kengashi va viloyatlar hokimliklari tuman (shahar) hokimliklari tomonidan taqdim etilgan loyiha takliflarini umumlashtirib, “Suv xoʻjaligida bozor mexanizmlarini joriy qilish” davlat muassasasiga (keyingi oʻrinlarda — davlat muassasasi) murojaat qiladi.

8. Davlat muassasasi ochiq turdagi kollektor-drenaj tarmoqlarini yopiq-yotiq drenajlarga aylantirish toʻgʻrisidagi hujjatlarni oʻrganib chiqadi, oʻrganish natijalarining ijobiy xulosasi asosida drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalarini tadbirkorlik faoliyatini amalga oshirish uchun elektron savdo platformasida oʻtkaziladigan elektron onlayn-auksion savdolari orqali ijaraga berishga rozilik beradi yoki asoslarni koʻrsatgan holda rad etadi.

9. Rozilik berilgan loyiha takliflari davlat muassasasi tomonidan belgilangan tartibda loyiha-smeta hujjatlarini ishlab chiqish uchun uch ish kuni ichida “OʻzGIP” MCHJ yoki “Suvloyiha” MCHJga taqdim etiladi.

Ishlab chiqilgan loyiha-smeta hujjatlari besh ish kuni ichida “Shaharsozlik hujjatlari ekspertizasi” DUK va Davlat ekologik ekspertizasi markaziga ekspertiza xulosasini olish uchun belgilangan tartibda taqdim etiladi.

Bunda loyiha-smeta hujjatlarini ishlab chiqish va ekspertizadan oʻtkazish bilan bogʻliq xarajatlar davlat muassasasining mablagʻlari hisobidan qoplanadi.

10. Davlat muassasasi yopiq-yotiq drenajlarning suv fondi yer uchastkalarini elektron onlayn-auksion savdolariga chiqarishda boshlangʻich narxga loyiha-smeta hujjatlarini tayyorlash hamda ekspertiza xulosasi uchun sarflangan mablagʻlarni qoʻshib hisoblaydi.

11. Operator davlat muassasasi tomonidan ijaraga beriladigan suv fondi yer uchastkalari boʻyicha elektron onlayn-auksion savdolarini Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomda belgilangan tartibda oʻtkazadi.

12. Balansda saqlovchi elektron onlayn-auksion savdosi gʻolibiga suv fondi yer uchastkasining chegaralari joyini belgilab, uni ajratib beradi hamda ushbu yer uchastkasini ajratish boʻyicha tegishli dalolatnomani rasmiylashtiradi.

13. Ochiq turdagi kollektor-drenaj tarmoqlarini yopiq-yotiq drenajlarga aylantirish boʻyicha qurilish-montaj ishlari elektron onlayn-auksion savdosi gʻolibi tomonidan amalga oshiriladi.

14. Ochiq turdagi kollektor-drenaj tarmoqlarining suv fondi yer uchastkalaridan mahalliy ijro etuvchi hokimiyat organlarining qarori asosida avvaldan foydalanib kelayotgan yuridik shaxslarga ushbu yer uchastkalari Meliorativ ekspeditsiyalarning ijobiy xulosasi asosida toʻgʻridan-toʻgʻri oʻn yil muddatgacha ijaraga beriladi.

15. Tadbirkorlik subyektlariga ijaraga beriladigan suv fondi yer uchastkalarining ijara haqi qiymati Suv fondi yer uchastkalarini tadbirkorlik subyektlariga “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomda koʻrsatilgan miqdorlarda belgilanadi.

3-bob. Mablagʻlar taqsimoti

16. Ochiq turdagi kollektor-drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalariga ijara huquqini elektron savdo platformasida realizatsiya qilishdan tushadigan mablagʻlar loyiha va ekspertiza xarajatlari chegirib qolingan holda quyidagicha taqsimlanadi:

40 foizi — balansda saqlovchi tashkilotga;

40 foizi — Davlat muassasasiga;

10 foizi — Suv xoʻjaligini raqamlashtirish va monitoring markaziga;

10 foizi — “Elektron onlayn-auksionlarni tashkil etish” AJga.

4-bob. Ochiq turdagi kollektor-drenaj tarmoqlarini yopiq-yotiq drenajlarga aylantirishda qurilish-montaj ishlarini amalga oshirish va nazorat qilish

17. Ochiq turdagi kollektor-drenaj tarmoqlarini yopiq-yotiq drenajlarga aylantirish boʻyicha qurilish-montaj ishlari elektron onlayn-auksion savdolari gʻolibi tomonidan loyiha-smeta hujjatlarida belgilangan parametrlarda amalga oshiriladi.

18. Elektron onlayn-auksion savdolari gʻolibi ochiq turdagi kollektor-drenaj tarmoqlarini yopiq-yotiq drenajlarga aylantirish boʻyicha qurilish-montaj ishlarini shaharsozlik normalari va qoidalariga muvofiq belgilangan tartibda amalga oshiradi.

19. Loyiha-smeta hujjatlarida belgilangan parametrlarda qurilish-montaj ishlarining amalga oshirilishi hududiy “Suvqurilishinvest” davlat muassasasi tomonidan doimiy monitoring qilib boriladi.

Qurilish-montaj ishlarini amalga oshirishda loyiha-smeta hujjatlaridan chetga chiqish holatlari aniqlanganda, elektron onlayn-auksion savdosi gʻolibiga ushbu kamchiliklarni bartaraf etish yuzasidan ogohlantirish xati yuboriladi.

Bunda elektron onlayn-auksion savdosi gʻolibi ogohlantirish xatida koʻrsatilgan kamchiliklarni oʻn kun ichida toʻliq bartaraf etishi shart.

20. Elektron onlayn-auksion savdosi gʻolibi ochiq turdagi kollektor-drenaj tarmoqlarini yopiq-yotiq drenajlarga aylantirish boʻyicha qurilish-montaj ishlarini toʻliq yakunlaganidan soʻng kollektor-drenaj tarmoqlarini balansda saqlovchi tashkilot bilan dalolatnoma rasmiylashtiradi.

Dalolatnomada qurilish-montaj ishlarining loyiha-smeta hujjatlariga mosligi boʻyicha maʼlumotlar aks ettiriladi.

5-bob. Ochiq turdagi kollektor-drenaj tarmoqlarini yopiq-yotiq drenajlarga aylantirishda suv fondi yer uchastkalaridan foydalanish

21. Ochiq turdagi kollektor-drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalarining yer toifasini oʻzgartirishga yoʻl qoʻyilmaydi.

22. Ijaraga berilgan suv fondi yer uchastkasi hududida yopiq-yotiq drenajlarni soz holatda saqlash va joriy taʼmirlash ishlari (loyiha-smeta hujjatida koʻrsatilgan) elektron onlayn-auksion savdolari gʻolibi tomonidan amalga oshiriladi.

6-bob. Yakunlovchi qoidalar

23. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

24. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Ochiq turdagi kollektor-drenaj tarmoqlarini yopiq-yotiq drenajlarga aylantirish va suv fondi yer uchastkalarini tadbirkorlik subyektlariga ijaraga berish tartibi toʻgʻrisidagi nizomga ILOVA

Ochiq turdagi kollektor-drenaj tarmoqlarini yopiq-yotiq drenajlarga aylantirish orqali paydo boʻlgan suv fondi yer uchastkalarini ijaraga berish

Bosqichlar Subyektlar Tadbirlar Muddatlar 1-bosqich Tuman va shahar hokimliklari, balansda saqlovchi tashkilotlar Kelib tushgan takliflar asosida ochiq turdagi kollektor-drenaj tarmoqlarini yopiq-yotiq drenajlarga aylantirish toʻgʻrisida Qoraqalpogʻiston Respublikasi Vazirlar Kengashi va viloyatlar hokimliklariga kiritadi . Zaruratga koʻra 2-bosqich Qoraqalpogʻiston Respublikasi Vazirlar Kengashi va viloyatlar hokimliklari Ochiq turdagi kollektor-drenaj tarmoqlarini yopiq-yotiq drenajlarga aylantirish toʻgʻrisida davlat muassasasiga xat bilan murojaat qiladi . Besh ish kunida 3-bosqich “Suv xoʻjaligida bozor mexanizmlarini joriy qilish” davlat muassasasi Loyiha takliflarini belgilangan tartibda loyiha-smeta hujjatlarini ishlab chiqish uchun “OʻzGIP” MCHJ yoki “Suvloyiha” MCHJga taqdim etadi. Uch ish kunida 4-bosqich “Suv xoʻjaligida bozor mexanizmlarini joriy qilish” davlat muassasasi Ishlab chiqilgan loyiha-smeta hujjatlarini “Shaharsozlik hujjatlari ekspertizasi” DUK va Davlat ekologik ekspertizasi markaziga ekspertiza xulosasini olish uchun belgilangan tartibda taqdim etadi. Besh ish kunida 5-bosqich “Suv xoʻjaligida bozor mexanizmlarini joriy qilish” davlat muassasasi Ishlab chiqilgan loyiha-smeta hujjatlari asosida yopiq-yotiq drenajlarning suv fondi yer uchastkalarini “E-auksion” elektron savdo platformasi orqali ochiq elektron onlayn-auksion savdolariga chiqaradi. Uch ish kunida 6-bosqich Elektron onlayn-auksion savdosi gʻolibi Ochiq turdagi kollektor-drenaj tarmoqlarini yopiq-yotiq drenajlarga aylantiradi. Belgilangan muddatda

Vazirlar Mahkamasining 2026-yil 2-iyuldagi 362-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Daryolar oʻzanlarini tozalash ishlariga tadbirkorlik subyektlarini elektron onlayn-auksion orqali jalb qilish tartibini joriy etish toʻgʻrisida” 2018-yil 3-dekabrdagi 981-son qarorida:

a) nomidagi “Daryolar” soʻzi “Suv obyektlari” soʻzlari bilan almashtirilsin;

b) 1-banddagi “Daryolar” soʻzi “Suv obyektlari” soʻzlari bilan almashtirilsin;

v) 1-ilovada:

nomidagi “Daryolar” soʻzi “Suv obyektlari” soʻzlari bilan almashtirilsin;

2-bandning toʻrtinchi xatboshisidagi “daryolar” soʻzi “suv obyektlari” soʻzlari bilan almashtirilsin;

3-banddagi “Daryolar” soʻzi “Suv obyektlari” soʻzlari bilan almashtirilsin;

4-bandining birinchi, ikkinchi va uchinchi xatboshilaridagi “daryolar” soʻzi “suv obyektlari” soʻzlari bilan almashtirilsin;

2-bob nomidagi “Daryolar” soʻzi “Suv obyektlari” soʻzlari bilan almashtirilsin;

5-bandning uchinchi xatboshisidagi va 28-banddagi “Daryo” soʻzi “Suv obyekti” soʻzlari bilan almashtirilsin;

1-ilovada:

ilova belgisi va nomidagi “Daryolar” soʻzi “Suv obyektlari” soʻzlari bilan almashtirilsin;

11-bosqich “Tadbirlar” ustunidagi “Daryolar” soʻzi “Suv obyektlari” soʻzlari bilan almashtirilsin;

12-bosqich “Tadbirlar” ustunidagi “daryolar” soʻzi “suv obyektlari” soʻzlari bilan almashtirilsin;

2-ilovaning belgisidagi “Daryolar” soʻzi “Suv obyektlari” soʻzlari bilan almashtirilsin.

2. Vazirlar Mahkamasining “Davlatga tegishli suv havzalarini tadbirkorlik subyektlariga “E-auksion” elektron savdo platformasi orqali ijaraga berish tartibi toʻgʻrisidagi nizomni tasdiqlash haqida” 2023-yil 2-sentabrdagi 441-son qarorida:

a) nomidagi “Davlatga tegishli suv havzalarini” soʻzlari “Suv fondi yer uchastkalarini” soʻzlari bilan almashtirilsin;

b) muqaddimadagi “Baliqchilik xoʻjaligi ehtiyojlari uchun suv havzalaridan foydalanish tartibini takomillashtirish hamda baliq ovlash va suv boʻyi turizmi maskanlarini rivojlantirish chora-tadbirlari toʻgʻrisida” 2023-yil 18-avgustdagi PQ-281-son qarori” soʻzlari “tegishli farmonlari ijrosini taʼminlash, shuningdek, suv fondi yerlaridan samarali foydalanishni tashkil etish” soʻzlari bilan almashtirilsin;

v) 1-band oʻz kuchini yoʻqotgan deb hisoblansin;

g) 2-bandda:

birinchi xatboshidagi “Davlatga tegishli suv havzalarini” soʻzlari “Suv fondi yer uchastkalarini” soʻzlari bilan almashtirilsin;

ikkinchi, uchinchi va toʻrtinchi xatboshilardagi “havzasini” soʻzi “fondi yer uchastkasini” soʻzlari bilan almashtirilsin;

beshinchi xatboshidagi “havzalarini” soʻzi “fondi yer uchastkalarini” soʻzlari bilan almashtirilsin.

d) 1-ilovada:

nomidagi “Davlatga tegishli suv havzalarini” soʻzlari “Suv fondi yer uchastkalarini” soʻzlari bilan almashtirilsin;

1 va 2-bandlar quyidagi tahrirda bayon etilsin:

“1. Ushbu Nizom suv fondi yer uchastkalarini tadbirkorlik subyektlariga “E-auksion” elektron savdo platformasida (keyingi oʻrinlarda — elektron savdo platformasi) elektron onlayn-auksion savdolari orqali ijaraga berish tartibini belgilaydi.

2. Suv fondi yer uchastkalari Oʻzbekiston Respublikasining Suv kodeksiga hamda “Gidrotexnika inshootlarining xavfsizligi toʻgʻrisida”gi va “Muhofaza etiladigan tabiiy hududlar toʻgʻrisida”gi qonunlariga rioya qilgan holda foydalanish sharti bilan quyidagi faoliyat turlarini tashkil etish uchun elektron savdo platformasida elektron onlayn-auksion savdolari orqali ijaraga beriladi:

suv obyektlari foydalanishidagi suv fondi yer uchastkalari — baliqni sanoat usulida yetishtirish va ovlash uchun;

turizm xizmatlari, suv boʻyida plyaj zonalarini tashkil etish, sport-ishqibozlik turidagi baliq ovlash, baliq ovi, suvda suzuvchi uskunalar va suv sayohati xizmatlarini koʻrsatish;

qishloq xoʻjaligi, chorvachilik va parrandachilikda foydalanish;

yengil konstruksiyali qurilmalarni (oʻtovlar, konteynerlar, tapchanlar, umumiy ovqatlanish xizmatlarini tashkil etish, savdo shoxobchalari, avtomobillarni yuvish majmuasi va boshqa maishiy xizmat koʻrsatish markazlarini) joylashtirish uchun.

Bunda suv fondi yer uchastkalariga yengil konstruksiyali qurilmalar (oʻtovlar, konteynerlar, tapchanlar, savdo shoxobchalari, avtomobillarni yuvish majmuasi, umumiy ovqatlanish va boshqa maishiy xizmatlar koʻrsatish markazlari) qonunchilik hujjatlarida belgilangan tartibda joylashtiriladi.

Suv fondi yer uchastkalari tadbirkorlik subyektlariga “E-auksion” elektron savdo platformasi orqali ushbu Nizomga 1-ilovaga muvofiq sxema boʻyicha ijaraga beriladi”.

3-band quyidagi mazmundagi ikkinchi xatboshi bilan toʻldirilsin:

“xususiy mulkda boʻlgan suv xoʻjaligi obyektlariga”;

ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;

4-bandda:

ikkinchi va uchinchi xatboshilar quyidagi tahrirda bayon etilsin:

“ suv obyekti — suvlar doimiy ravishda yoki vaqtincha toʻplanadigan va suv rejimining oʻziga xos shakllari va belgilari boʻlgan tabiiy (jilgʻalar, soylar, daryolar va boshqalar) hamda sunʼiy (ochiq va yopiq kanallar, shuningdek, kollektor-drenaj tarmoqlari) suv oqimlari, tabiiy (koʻllar, dengizlar, yerosti suvli qatlamlar) va sunʼiy (suv omborlari, sel suvlari toʻplanadigan joylar, hovuzlar va boshqalar) suv havzalari, shuningdek, buloqlar va boshqa obyektlar;

suv fondi yer uchastkasi — suv havzalari (daryolar, koʻllar, suv omborlari va shu kabilar), gidrotexnika va boshqa suv xoʻjaligi inshootlari egallab turgan, shuningdek, suv havzalarining va boshqa suv obyektlarining qirgʻoqlari boʻylab ajratilgan mintaqadagi suv xoʻjaligi ehtiyojlari uchun vakolatli tashkilotlarga belgilangan tartibda berilgan yerlar”;

toʻrtinchi xatboshidagi “yuridik shaxs va yakka tartibdagi tadbirkorlar” soʻzlari “jismoniy va yuridik shaxslar” soʻzlari bilan almashtirilsin;

beshinchi xatboshi quyidagi tahrirda bayon etilsin:

“ ijaraga beruvchi — Suv xoʻjaligi vazirligi huzuridagi “Suv xoʻjaligida bozor mexanizmlarini joriy qilish” davlat muassasasi”;

oltinchi xatboshidagi “havzasi hamda” soʻzlari “obyekti foydalanishidagi suv fondi” soʻzlari bilan almashtirilsin;

yettinchi xatboshidagi “suv havzasini” soʻzlari “suv obyektlari foydalanishidagi suv fondi yer uchastkalarini” soʻzlari bilan almashtirilsin;

5-bandda:

birinchi xatboshidagi “havzasining (yer uchastkasining)” soʻzlari “fondi yer uchastkasi” soʻzlari, “10 yil” soʻzlari “10 yilgacha” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Ijaraga berilayotgan suv fondi yer uchastkalarida suv obyektlariga salbiy taʼsir koʻrsatadigan xoʻjalik faoliyatini yuritish va kapital qurilish ishlarini amalga oshirish taqiqlanadi hamda oqim yoʻnalishi, hajmi va tezligi oʻzgarishi, ekologik vaziyat yomonlashishi, bioxilma-xillik, noyob hayvonot va oʻsimlik dunyosiga zarar yetkazmasligi kerak”;

2-bob nomidagi “havzasi va” soʻzlari “fondi” soʻzi bilan almashtirilsin;

6-banddagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

7 va 8-bandlar quyidagi tahrirda bayon etilsin:

“7. Ijaraga beruvchi tadbirkorlik subyektining taklifi asosida ikki kun muddatda balansda saqlovchiga suv fondi yer uchastkasini ijaraga berish boʻyicha munosabat bildirish yuzasidan soʻrov yuboradi.

Ijaraga beruvchi foydalanilmayotgan suv fondi yer uchastkasini aniqlagan taqdirda, ushbu yer uchastkasini ijaraga berish boʻyicha oʻz tashabbusi bilan balansda saqlovchiga soʻrov yuborishi mumkin.

Quyidagi hollarda balansda saqlovchi suv fondi yer uchastkasini ijaraga berish taklifini rad etadi:

suv fondi yer uchastkasi strategik ahamiyatga ega boʻlgan obyektlar toifasiga kiritilgan taqdirda;

suv fondi yer uchastkasi amalda ijaraga berilgan boʻlsa.

8. Suv fondi yer uchastkasini ijaraga berishni rad etishga ushbu Nizomning 7-bandida keltirilgan asoslar mavjud boʻlmagan taqdirda, balansda saqlovchi suv fondi yer uchastkasini ijaraga berish uchun quyidagi maʼlumotlarni koʻrsatib, besh kun ichida ijaraga beruvchiga ariza taqdim etadi:

ijaraga berilayotgan suv fondi yer uchastkasining nomi, tavsifi, joylashgan joyi (manzili);

suv fondi yer uchastkasining umumiy maydoni, chegaralari koʻrsatilgan chizmasi va fotosurati;

ijaraga beriladigan suv fondi yer uchastkasi boʻyicha ushbu Nizomning 35 va 36-bandlarida keltirilgan formula asosida hisoblangan yillik ijara haqi miqdori;

suv fondi yer uchastkasidan foydalanish maqsadi va qoʻshimcha shartlari”;

12-banddagi “havzasini (yer uchastkasini)” soʻzlari “fondi yer uchastkasini” soʻzi bilan almashtirilsin;

3-bob nomidagi “havzasi va” soʻzlari “fondi” soʻzi bilan almashtirilsin;

13-band quyidagi tahrirda bayon etilsin:

“13. Suv fondi yer uchastkasi balansda saqlovchining arizasiga asosan ijaraga beruvchi tomonidan ishlab chiqilgan loyiha hujjatlariga muvofiq elektron savdo platformasida elektron onlayn-auksion savdolari orqali ijaraga beriladi”;

14-bandda:

birinchi xatboshidagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

quyidagi mazmundagi ikkinchi va uchinchi xatboshilar bilan toʻldirilsin:

“Bunda elektron onlayn-auksion savdolari orqali ijaraga olinadigan suv fondi yer uchastkalari uchun toʻlovlar 15 ish kuni ichida toʻliq toʻlanishi shart.

Sotilmagan lotlar har besh kunda lotning narxini 10 foizdan boshlangʻich narxning 20 foizigacha bosqichma-bosqich pasaytirgan holda takroran elektron onlayn-auksion savdolariga chiqariladi”;

15-bandda:

birinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

ikkinchi, uchinchi va toʻrtinchi xatboshilar quyidagi tahrirda bayon etilsin:

“ijara shartnomasi loyihasini Oʻzbekiston Respublikasining Suv kodeksi hamda “Gidrotexnika inshootlarining xavfsizligi toʻgʻrisida”gi va “Muhofaza etiladigan tabiiy hududlar toʻgʻrisida”gi qonunlari talablarini hisobga olgan holda tayyorlaydi;

balansda saqlovchining arizasiga asosan ijaraga beriladigan suv fondi yer uchastkasi toʻgʻrisidagi (loyiha) maʼlumotlarni va ijara shartnomasi loyihasini elektron savdo platformasiga joylashtiradi;

ijaraga beriladigan suv fondi yer uchastkasining nomi, tavsifi, joylashgan joyi (manzili), maydoni, chegaralari koʻrsatilgan chizmasi va fotosurati, yillik ijara haqi miqdori, ulardan foydalanish maqsadi va qoʻshimcha shartlarini Suv xoʻjaligi vazirligining hamda “Elektron onlayn-auksionlarni tashkil etish” AJning rasmiy veb-saytlari orqali tadbirkorlarga yetkazadi”;

16-band quyidagi tahrirda bayon etilsin:

“16. Sohilboʻyi suv fondi yer uchastkalari ushbu suv obyektida ijara shartnomasi asosida faoliyat yuritib kelayotgan tadbirkorlik subyektlarining baliqni sanoat usulida yetishtirish va ovlash boʻyicha faoliyatiga toʻsqinlik qilmagan holda ijaraga beriladi”;

20-bandda:

ikkinchi xatboshidagi “havzasining (yer uchastkasining)” soʻzlari “fondi yer uchastkasining” soʻzlari bilan almashtirilsin;

oltinchi va yettinchi xatboshilardagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

sakkizinchi xatboshidagi “havzasining (yer uchastkasining)” soʻzlari “fondi yer uchastkasining” soʻzlari bilan almashtirilsin;

oʻninchi xatboshidagi “havzasini” soʻzi “obyektini” soʻzi bilan almashtirilsin;

21-band quyidagi tahrirda bayon etilsin:

“21. Suv fondi yer uchastkasini ijaraga berish shartnomasi rasmiylashtirilgandan soʻng besh ish kuni ichida ijaraga beruvchi tomonidan qonunchilik hujjatlarida belgilangan tartibda davlat roʻyxatidan oʻtkaziladi.”;

23-bandda:

birinchi xatboshi quyidagi tahrirda bayon etilsin:

“23. Balansda saqlovchi tomonidan suv obyektini rivojlantirish boʻyicha talabgorlarga qoʻyiladigan investitsiya va boshqa majburiyatlar (shartlar) har bir fondi yer uchastkasining xususiyati, joylashgan joyi va maydonining hajmini inobatga olgan holda quyidagicha belgilanishi mumkin”;

ikkinchi xatboshidagi “havzasida” soʻzi “obyektida” soʻzi bilan almashtirilsin;

uchinchi xatboshidagi “havzasini” soʻzi “obyektini” soʻzi bilan almashtirilsin;

beshinchi xatboshidagi “havzasiga” soʻzi “obyektiga” soʻzi bilan almashtirilsin;

oltinchi xatboshidagi “havzasini” soʻzi “obyektini” soʻzi bilan almashtirilsin;

24-band quyidagi tahrirda bayon etilsin:

“24. Ijaraga beruvchi quyidagi huquqlarga ega:

Balansda saqlovchining arizasiga asosan ijaraga beriladigan suv obyektlari foydalanishidagi ijaraga berilishi taklif etilayotgan suv fondi yer uchastkalari loyihasini ishlab chiqish va elektron savdo platformasiga joylashtirish;

ijaraga oluvchining suv fondi yer uchastkasidan belgilangan yoʻnalishda maqsadli foydalanishi, ijara haqini belgilangan miqdor, tartib va muddatlarda toʻlashini monitoring qilish;

shartnomaning amal qilish muddati uzaytirilishida ijaraga oluvchi keyingi muddatga belgilanayotgan ijara haqi toʻlov stavkasidan norozi boʻlgan taqdirda, shartnomaning amal qilish muddatini uzaytirish haqidagi shartnomani (kelishuvni) imzolashni rad etish;

ijaraga oluvchi tomonidan suv fondi yer uchastkasidan foydalanish davrida tabiatni muhofaza qilish va undan foydalanish toʻgʻrisidagi qonunchilik hujjatlari talablariga rioya etilishini nazorat qilish uchun tegishli davlat organlari bilan hamkorlik qilish;

ijaraga oluvchidan shartnoma munosabatlariga oid maʼlumotlar va axborotlarni soʻrab olish;

zarurat tugʻilganda, ijaraga oluvchiga shartnomani muddatidan oldin oʻzaro kelishib bekor qilish yoki uni oʻzgartirish haqida taklif kiritish;

ijaraga oluvchi tomonidan balansda saqlovchining suv fondi yer uchastkasiga nisbatan egalik huquqi buzilmasligini taʼminlash”;

25-bandda:

ikkinchi xatboshidagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

uchinchi xatboshidagi “havzasiga (yer uchastkasiga)” soʻzlari “fondi yer uchastkasiga” soʻzlari bilan almashtirilsin;

oltinchi xatboshidagi “havzasidan (yer uchastkasidan)” soʻzlari “fondi yer uchastkasidan” soʻzlari bilan almashtirilsin;

26-bandda:

ikkinchi xatboshi “koʻrsatilgan muddatlarda va miqdorda” soʻzlaridan keyin “ijaraga beruvchining tranzit hisobvaragʻiga” soʻzlari bilan toʻldirilsin;

uchinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

beshinchi xatboshi “bajarilmasdan kelinayotganligi aniqlangan taqdirda,” soʻzlaridan keyin “ijaraga beruvchi bilan birgalikda” soʻzlari bilan toʻldirilsin;

27-bandda:

ikkinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

uchinchi va toʻrtinchi xatboshilardagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

oltinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

28-banddagi “sud orqali qoplanadi” soʻzlari “iqtisodiy sudlarda koʻrib chiqiladi” soʻzlari bilan almashtirilsin;

29-banddagi “havzasining (yer uchastkasining)” soʻzlari “fondi yer uchastkasining” soʻzlari bilan almashtirilsin;

30-banddagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

31-bandda:

ikkinchi, uchinchi va beshinchi xatboshilardagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

yettinchi xatboshi quyidagi tahrirda bayon etilsin:

“ijaraga olingan suv fondi yer uchastkasining maydonida oʻzgarish boʻlganda, shu jumladan, suv obyektida suv hajmi kamaygan yoki koʻpaygan taqdirda, tegishli vakolatli tashkilotlar qayta oʻlchash ishlarini oʻtkazishi va ushbu tashkilotlarning xulosalari (dalolatnomalari) asosida kalendar yil uchun belgilangan ijara haqi va chora-tadbirlar rejasiga oʻzgartirishlar kiritish tashabbusi bilan chiqish.”;

33-bandda:

toʻrtinchi xatboshidagi “havzasidan (yer uchastkasidan)” soʻzlari “fondi yer uchastkasidan” soʻzlari bilan almashtirilsin;

beshinchi xatboshidagi “havzasining (yer uchastkasining)” soʻzlari “fondi yer uchastkasining” soʻzlari bilan almashtirilsin;

oltinchi xatboshidagi “havzasidan (yer uchastkasidan)” soʻzlari “fondi yer uchastkasidan” soʻzlari bilan almashtirilsin;

yettinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

oʻninchi xatboshidagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

oʻn birinchi xatboshi quyidagi tahrirda bayon etilsin:

“Oʻzbekiston Respublikasi Suv kodeksining 9, 27, 75, 77, 98, 99, 100 va 101-moddalari talablariga, shuningdek, “Muhofaza etiladigan tabiiy hududlar toʻgʻrisida”gi Qonunining 41-moddasida belgilangan rejimga qatʼiy rioya etish”;

oʻn toʻrtinchi xatboshidagi “havzasida” soʻzi “obyektida” soʻzi bilan almashtirilsin;

oʻn beshinchi xatboshidagi “havzalarida” soʻzi “obyektlarida” soʻzi bilan almashtirilsin;

oʻn yettinchi xatboshidagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

oʻn sakkizinchi xatboshi quyidagi tahrirda bayon etilsin:

“har yili 15-yanvarga qadar oʻtgan yilda bir gektar suv obyektida ovlangan (sotilgan) baliqning (turlari boʻyicha) oʻrtacha miqdori va baliq ovlash xoʻjaligi tomonidan oʻtgan yilda bir gektar suv obyektini oʻrtacha baliq (turlari boʻyicha) chavoqlari bilan baliqlantirish miqdori toʻgʻrisidagi maʼlumotlarni balansda saqlovchi va ijaraga beruvchiga taqdim etish (taqdim etilgan maʼlumotlar haqqoniyligiga ijaraga oluvchi shaxsan javobgar hisoblanadi)”;

8-bob nomidagi “havzasi va yer uchastkasidan” soʻzlari “fondi yer uchastkasidan” soʻzlari bilan almashtirilsin;

34-band quyidagi tahrirda bayon etilsin:

“34. Ijaraga berilgan suv fondi yer uchastkasi uchun bir yillik ijara haqi toʻlovining boshlangʻich narxi ijaraga beruvchi tomonidan ushbu Nizomda belgilangan tartibda hisoblanadi.

Suv omborlari va sel-suv omborlarining suvdan boʻshagan suv fondi yer uchastkalarini ikkinchi yildan boshlab yillik ijara haqini belgilash ishlari boʻyicha monitoring dalolatnomasi rasmiylashtirilib, yerdan foydalanilgan oylar boʻyicha hisoblanadi”;

35-bandda:

birinchi, ikkinchi, uchinchi, toʻrtinchi, beshinchi, oltinchi va yettinchi xatboshilar quyidagi tahrirda bayon etilsin:

“35. Baliq va uni ovlash uchun ijaraga beriladigan suv fondi yer uchastkasi uchun bir yillik ijara haqi toʻlovining boshlangʻich narxi (auksionga chiqarish) quyidagi formula va unga berilgan sharh quyidagi formula boʻyicha belgilanadi:

“Ih = H1 * Ms * Bs/10, bunda:

Ih — ijara haqi;

H1 — bir gektarning oʻrtacha baliq mahsuldorligi (10 kg belgilangan oʻzgarmas koeffitsiyent);

Ms — suv obyektining suvli maydoni, ga;

Bs — ushbu Nizomga 2-ilovaga muvofiq amaldagi bazaviy hisoblash miqdorining foiz stavkasi, soʻmda; (boshlangʻich narxni shakllantirish uchun BHMning 100% miqdori olinadi);

10 — oʻzgarmas koeffitsiyent”;

quyidagi mazmundagi izoh qismi bilan toʻldirilsin:

36-bandda:

birinchi xatboshi quyidagi tahrirda bayon etilsin:

“36. Ijaraga beriladigan sohilboʻyi mintaqa zonalaridagi suv fondi yer uchastkasi uchun bir yillik ijara haqi toʻlovining boshlangʻich narxi (auksionga chiqarish) quyidagi formula boʻyicha belgilanadi”;

quyidagi mazmundagi oʻn yettinchi xatboshi bilan toʻldirilsin:

“suv fondi yer uchastkalari boʻyicha tadbirkorlik subyektlari bilan vaqtincha foydalanish maqsadida tuzilgan ijara shartnomalari shartnoma muddati yakunlangunga qadar yillik ijara toʻlovi ushbu Nizomda koʻrsatib oʻtilgan suv fondi yer uchastkasi uchun bir yillik ijara haqi toʻlovining hisoblash formulasi (Ts = Es * Kz * (Kh + Ko) boʻyicha hisoblanadi”;

40-banddagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

10-bob nomidagi “havzasi va yer uchastkasini” soʻzlari “fondi yer uchastkasini” soʻzlari bilan almashtirilsin;

43-banddagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

44-bandda:

birinchi xatboshidagi “havzasini (yer uchastkasini)” soʻzlari “fondi yer uchastkasini” soʻzlari bilan almashtirilsin;

beshinchi xatboshidagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

45-banddagi “havzasini (yer uchastkasini)” soʻzi “fondi yer uchastkasini” soʻzlari bilan, “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

48-banddagi “havzasi (yer uchastkasi)” soʻzlari “fondi yer uchastkasi” soʻzlari bilan almashtirilsin;

1-ilova quyidagi tahrirda bayon etilsin:

“Suv fondi yer uchastkalarini tadbirkorlik subyektlariga “E-auksion” elektron savdo platformasi orqali ijaraga berish tartibi toʻgʻrisidagi nizomga 1-ILOVA

Suv fondi yer uchastkalarini tadbirkorlik subyektlariga “E-auksion” elektron savdo platformasi orqali ijaraga berish

Bosqichlar Subyektlar Tadbirlar Muddatlar 1-bosqich Ijaraga beruvchi (Suv xoʻjaligida bozor mexanizmlarini joriy qilish davlat muassasasi) Balansda saqlovchining arizasiga asosan ijaraga beriladigan suv obyektlarining foydalanilmasdan boʻsh turgan suv fondi yer uchastkalarini aniqlaydi. Doimiy 2-bosqich Tadbirkorlik subyekti Ijaraga beruvchiga: suv obyektlari foydalanishidagi ijaraga berilishi taklif etilayotgan suv fondi yerlarining tavsifi va joylashgan joyini; suv obyektlari foydalanishidagi ijaraga berilishi taklif etilayotgan suv fondi yer uchastkalarining balansda saqlovchisini (bunday maʼlumotlar mavjud boʻlgan taqdirda) koʻrsatgan holda oʻz taklifini taqdim etadi. Oʻz xohishiga koʻra 3-bosqich Ijaraga beruvchi (Suv xoʻjaligida bozor mexanizmlarini joriy qilish davlat muassasasi) Tadbirkorlik subyektining taklifi asosida suv obyektining balansda saqlovchisiga suv obyekti foydalanishidagi suv fondi yer uchastkalarini ijaraga berish boʻyicha munosabat bildirish yuzasidan soʻrovnoma yuboradi. 2 kun muddatda 4-bosqich Balansda saqlovchi, ijaraga beruvchi (Suv xoʻjaligida bozor mexanizmlarini joriy qilish davlat muassasasi) Suv obyektini ijaraga berishni rad etishga asoslar boʻlmasa, suv havzasini ijaraga berish uchun ijaraga beruvchiga quyidagi maʼlumotlarni koʻrsatib, ariza taqdim etadi: ijaraga berilayotgan suv obyektining nomi, tavsifi, joylashgan joyi (manzili); suv obyektining umumiy maydoni, chegaralari koʻrsatilgan chizmasi va fotosurati; ijaraga beriladigan suv obyekti boʻyicha ushbu Nizomning 35 va 36-bandlarida keltirilgan formula asosida hisoblangan yillik ijara haqi miqdori; suv obyektidan foydalanish maqsadi va qoʻshimcha shartlari. 5 kun muddatda 5-bosqich Ijaraga beruvchi (Suv xoʻjaligida bozor mexanizmlarini joriy qilish davlat muassasasi) Tadbirkorlik subyektining taklifini koʻrib chiqish natijasi boʻyicha va qabul qilingan qaror haqida tadbirkorlik subyektiga xabar yuboradi. Taklif olingan paytdan boshlab bir hafta muddatda 6-bosqich Ijaraga beruvchi (Suv xoʻjaligida bozor mexanizmlarini joriy qilish davlat muassasasi)) Balansda saqlovchining arizasiga asosan ijaraga beriladigan suv obyektlari foydalanishidagi ijaraga berilishi taklif etilayotgan suv fondi yer uchastkalarining loyihasini ishlab chiqadi va elektron savdo platformasiga joylashtiradi. 2 ish kuni ichida 7-bosqich Ijaraga beruvchi (Suv xoʻjaligida bozor mexanizmlarini joriy qilish davlat muassasasi) tadbirkorlik subyekti Auksion savdosi natijasiga koʻra gʻolib boʻlgan ijaraga oluvchi bilan elektron ijara shartnomasini imzolaydi. Elektron onlayn-auksion savdolari natijalari toʻgʻrisidagi elektron bayonnoma imzolangandan soʻng 10 ish kuni ichida 8-bosqich Balansda saqlovchi, ijaraga beruvchi (Suv xoʻjaligida bozor mexanizmlarini joriy qilish davlat muassasasi) tadbirkorlik subyekti Ijara shartnomasi imzolangandan soʻng suv obyektlari foydalanishidagi ijaraga berilishi taklif etilayotgan suv fondi yer uchastkalarini ijaraga oluvchiga topshirish va qabul qilish dalolatnomasi asosida topshiriladi va ijaraga oluvchi tomonidan qabul qilib olinadi. Ijara shartnomasi imzolangandan soʻng 5 kun ichida

2-ilova quyidagi tahrirda bayon etilsin:

“Suv fondi yer uchastkalarini tadbirkorlik subyektlariga “E-auksion” elektron savdo platformasi orqali ijaraga berish tartibi toʻgʻrisidagi nizomga 2-ILOVA

Suv obyektlari boʻyicha ijara haqi toʻlovini hisoblashda suv obyekti mahsuldorligiga bogʻliq holda qoʻllanadigan stavkalar

Mahsuldorlik, ga/kg Bazaviy hisoblash miqdori, foiz Ijara haqini hisoblash formulasi 10 gacha 100 (10 x 1 x 100 foiz BHM/10) 10,1 — 30 gacha 90 (10 x 1 x 90 foiz BHM/10) 30,1 — 70 gacha 80 (10 x 1 x 80 foiz BHM/10) 70 dan yuqori 70 (10 x 1 x 70 foiz BHM/10)

Bunda yuqoridagi formulaga asosan 1 gektar suv obyektidagi mahsuldorlikdan kelib chiqib, bir yillik eng kam ijara haqining miqdori quyidagi tartibda hisoblanadi:

1) 10 x 1 x 100 foiz x 412 000/10 — 412 000 soʻm — 10 kg;

2) 10 x 1 x 90 foiz x 412 000/10 — 370 800 soʻm — 30 kg;

3) 10 x 1 x 80 foiz x 412 000/10 — 329 600 soʻm — 70 kg;

4) 10 x 1 x 70 foiz x 412 000/10 — 288 400 soʻm — 70,1 kg dan yuqori.

1 gektar suv fondi yer uchastkasining eng past 70 foizli stavka boʻyicha hisoblangan bir oylik ijara haqining miqdori — (10 x 1 x 70 foiz BHM) — 24 033,33 soʻm.

Bazaviy hisoblash miqdori oʻzgarishi bilan birga ijara haqi summasining miqdori ham oʻzgaradi va tuzilgan shartnomalarga tegishli oʻzgartirishlar kiritiladi”.

3. Vazirlar Mahkamasining 2024-yil 7-oktabrdagi 645-son qarori bilan tasdiqlangan Oʻzbekiston Respublikasi Suv xoʻjaligi vazirligining Suv xoʻjaligini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomda:

4-band quyidagi mazmundagi yettinchi xatboshi bilan toʻldirilsin:

“Suv xoʻjaligida bozor mexanizmlarini joriy qilish” davlat muassasasining mablagʻlari”;

yettinchi — toʻqqizinchi xatboshilar tegishlicha sakkizinchi — oʻninchi xatboshilar deb hisoblansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 2-iyul,

362 -son

(Qonunchilik maʼlumotlari milliy bazasi, 15.07.2026-y., 09/26/362/0737-son)

lex.uz