📅 2026-yil 15-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 15 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 июля 2026 г. · Постановления Президента
Официальный текст. Официальный документ. Редакционные примечания не включены.
📅 15 July 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
ЧОРА-ТАДБИРЛАР РЕЖАСИ
Аҳолига кўрсатилаётган давлат хизматларини такомиллаштириш ҳамда фуқаролар учун қўшимча қулайликлар яратиш чора-тадбирлари тўғрисида
Янги Ўзбекистонда «инсон учун» тамойили асосида инсон ҳуқуқлари устуворлигини таъминлаш, давлат хизматларини кўрсатишни янада яхшилаш орқали фуқароларнинг оворагарчилигини камайтириш ва уларга қўшимча қулайликлар яратиш мақсадида қарор қиламан:
I. Мулкий ҳуқуқларни расмийлаштириш тартибини такомиллаштириш
1. Адлия вазирлиги ҳамда Кадастр агентлигининг 2027 йил 1 январдан бошлаб қуйидагиларни жорий этиш тўғрисидаги таклифлари маъқуллансин:
(а) кўчмас мулкка бўлган ҳуқуқларни давлат рўйхатидан ўтказиш пайтида ҳуқуқ эгаси ўз вақтида рўйхатдан ўтказувчи органга мурожаат этмаганлиги аниқланганда маъмурий жавобгарлик чораси қўлламасдан кечиктириш муддатидан келиб чиқиб рўйхатдан ўтказиш учун оширилган ставкаларда тўлов ундириш тизимини жорий этиш;
(б) солиқ тўловчига хусусий мулк ҳуқуқи асосида тегишли бўлган турар жой мерос тартибида ёки яқин қариндошидан ҳадя сифатида олинган бўлса, ушбу турар жойни сотишдан олинган даромадга солиқ солинмаслиги учун белгиланган муддатни васият қилувчи ёки ҳадя қилувчининг мазкур турар жойга бўлган мулк ҳуқуқи давлат рўйхатидан ўтказилган санадан бошлаб ҳисоблаш.
2. Белгилансинки, тақиқ ёки хатлов қўйилган турар жойга гаровга олувчининг розилигисиз яшаш ва турган жойи бўйича рўйхатдан ўтказишга рухсат берилади. Бунда рўйхатдан ўтказилаётган шахс мулкдорнинг (гаровга олувчининг, тақиқни қўйишга ёки ечишга масъул органнинг) ички ишлар органларига қилган мурожаати асосида унинг рўйхатдан ўтказилганлиги бекор қилинишига аввалдан розилик бериши зарур.
II. Электрон давлат хизматлари оммабоплигини ошириш ва фуқаролар учун қўшимча қулайликлар яратиш
3. 2026 йил 1 октябрдан бошлаб Ягона интерактив давлат хизматлари порталида (кейинги ўринларда — Ягона портал) қуйидаги хизматлар жорий этилсин:
(а) жисмоний ва юридик шахсларга ўзига мулк ҳуқуқи асосида тегишли бўлган кўчмас мулк объектлари ва автомототранспорт воситаларини гаровга ёки ипотекага қўйишга, шунингдек, уларни бегоналаштиришга тақиқ қўйиш ёки уни бекор қилиш. Бунда тақиқ жисмоний шахслар томонидан Face-ID воситасида идентификациядан ўтган ҳолда, юридик шахслар томонидан эса уларнинг муассислари (иштирокчилари, акциядорлари) умумий йиғилишининг қарори асосида электрон рақамли имзо орқали қўйилади;
(б) фуқароларнинг ўз номига расмийлаштирилган ва фойдаланилаётган телефон рақамлари ва банк карталари тўғрисида маълумот олиш ва ушбу жараённи бошқаришнинг қуйидаги имкониятларини яратиш:
(i) телефон рақамини муайян муддатга нофаол ҳолатга ўтказиш (фаоллаштириш) ва ўзи фойдаланмаётган телефон рақамларига хизмат кўрсатишни тўхтатиш ҳақида аризалар киритиш;
(ii) телефон рақами уланган пулли хизматлар ҳақида маълумот олиш;
(iii) банк карталарини блоклаш (ёпиш) ҳақида эмитентга аризалар юбориш;
(в) фуқаронинг номига янги нотариал ҳаракат расмийлаштирилганда автоматик тарзда уни Ягона портал орқали хабардор қилиш ва улар ҳисобини юритиш.
4. Рақамли технологиялар вазирлиги Адлия вазирлиги ва тижорат банклари билан биргаликда 2026 йил 1 сентябрга қадар Ягона порталда фуқаролар учун ўз хизматларини таклиф этаётган тижорат банкларининг виртуал тўлов картасини танлов асосида очиш ва ўзининг банк пластик картасини бириктириш, ушбу карталар орқали давлат хизматлари учун тўловларни амалга ошириш, шунингдек, ортиқча ёки нотўғри тўланган маблағларни ёхуд давлат хизматини кўрсатишни кечиктирганлик (асоссиз рад этганлик) учун тўловларни автоматик тарзда ўзининг картасига қайтариш имкониятини жорий этсин.
5. Белгилансинки, фуқаролардан Ягона порталда виртуал тўлов картасини очиш, уни тегишли тижорат банкларининг инфратузилмасидан фойдаланган ҳолда маблағ билан тўлдириш ва виртуал тўлов картасидаги пул маблағларини ўзига тегишли банк пластик карталарига ўтказиш учун комиссия тўловлари ундирилмайди.
6. Вояга етмаган шахслар ўз ҳуқуқларини мустақил равишда амалга ошириш юзасидан судларга мурожаат қилишда давлат божини тўлашдан озод қилинсин.
7. Адлия вазирлиги Болалар омбудсмани ва Ижтимоий ҳимоя миллий агентлиги билан биргаликда икки ой муддатда вояга етмаган шахслар ўз ҳуқуқларини мустақил равишда амалга ошириш юзасидан келиб чиқадиган даъволар бўйича давлат божини тўлашдан озод этишни назарда тутувчи қонун лойиҳасини Вазирлар Маҳкамасига киритсин.
III. Проактив давлат хизматлари кўрсатишни кенгайтириш
8. 2026 йил 1 октябрдан бошлаб, жисмоний шахснинг фамилияси, исми ва отасининг исми, туғилган санаси каби бирламчи маълумотлари ўзгарганда ўзида ушбу маълумотларни акс эттирувчи давлат органларига тегишли ахборот тизимларидаги маълумотларга автоматик тарзда идоралараро электрон ҳамкорлик йўли билан ўзгартиришлар киритиш амалиёти йўлга қўйилади. Бунда:
(а) бирламчи маълумотларни ўзгартирган адлия органи бу ҳақда «Электрон ҳукумат» тизимининг идоралараро интеграциялашув платформаси орқали ушбу маълумотлар билан ишловчи давлат органларига хабарномалар тақдим этади ва тегишли электрон шаклдаги ҳужжатларга фуқароларнинг қўшимча аризаларисиз ўзгартириш киритади;
(б) жисмоний шахсга Ягона портал орқали унинг бирламчи маълумотлари ўзгарганлиги ҳақида реал вақт режимида маълумотнома берилади;
(в) жисмоний шахснинг бирламчи маълумотлари ўзгарганлиги ҳақидаги маълумотнома асосида шахсни тасдиқловчи ҳужжатлар қайта расмийлаштириб берилади.
9. Бирламчи маълумотлар ўзгарганда автоматик тарзда ўзгартириш киритиладиган маълумотлар рўйхати 1-иловага мувофиқ тасдиқлансин.
10. Адлия вазирлиги Марказий банк, Ички ишлар вазирлиги, Кадастр агентлиги билан биргаликда 2026 йил 1 ноябрга қадар кўчмас мулк объектлари ва автомототранспорт воситаларига қўйилган тақиқни кредитлар тўлиқ сўндирилганда проактив шаклда ечишни йўлга қўйсин.
IV. Реклама соҳасидаги муносабатларни тартибга солиш
11. Шундай тартиб ўрнатилсинки, унга мувофиқ фуқароларнинг реклама қўнғироқлари ва хабарномаларига оид ҳуқуқлари ҳимоясини кучайтириш мақсадида 2026 йил 1 ноябрдан бошлаб:
(а) мобиль алоқа воситалари орқали SMS-хабарномалар йўли билан товар (иш, хизмат)ларни таклиф (реклама) қилувчи ҳар қандай юридик ва жисмоний шахслар фақат шахснинг ёзма ёки электрон розилигини олгандан сўнг ушбу ҳаракатларни (рекламани) амалга оширади;
(б) мобиль алоқа воситаларига реклама қўнғироқлари ва SMS-хабарномаларни жўнатиш хизматини кўрсатувчи юридик шахслар ўзларининг ахборот тизимларини Шахсга доир маълумотлар базаларининг давлат реестрида рўйхатдан ўтказгандан кейин тегишли хизматларни кўрсатишига йўл қўйилади;
(в) реклама қўнғироқлари ва хабарномаларини телекоммуникация тармоқлари (мобиль алоқа) орқали соат 18.00 дан 09.00 гача тарқатиш тақиқланади;
(г) мобиль алоқа операторларига ўзлари томонидан тарқатиладиган реклама қўнғироқлари ва хабарномаларини абонент сўровига кўра тўлиқ ёки қисман блоклаш мажбурияти юклатилади;
(д) мазкур бандда белгиланган талабларга риоя этмаслик реклама ҳамда шахсга доир маълумотлар тўғрисидаги қонунчиликни бузиш ҳисобланади ва тегишли чоралар кўриш учун асос бўлади.
12. Рақобатни ривожлантириш ва истеъмолчилар ҳуқуқларини ҳимоя қилиш қўмитаси Марказий банк ҳамда манфаатдор вазирлик ва идоралар билан биргаликда 2026 йил 1 сентябрга қадар қуйидагиларни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритсин:
(а) жисмоний шахсларга мўлжалланган кредит, муддатли тўлов, насия савдога оид ҳар қандай рекламада товарнинг (ишнинг, хизматнинг) жорий қийматига нисбатан қанча сумма қўшиб тўланиши кераклиги, якуний қиймати қанча бўлиши хусусидаги маълумотлар бўлиши шартлиги;
(б) молиявий хизматлар рекламаси ёки улар ҳақидаги реклама тарзидаги ахборот, агар тегишли шартнома тузилаётган пайтда аниқлаш мумкин бўлмаса, реклама қилинаётган хизматларнинг келгусидаги самарадорлиги кафолатлари ёки ваъдаларига эга бўлмаслиги.
V. Қарор ижросини ташкил этиш, таъминлаш ва назорат
13. Давлат хизматларини такомиллаштириш ҳамда фуқаролар учун қўшимча қулайликлар яратиш бўйича чора-тадбирлар режаси 2-иловага мувофиқ тасдиқлансин.
14. Ички ишлар вазирлиги 2026 йил 1 декабрга қадар илғор хорижий тажрибани ўрганган ҳолда шахсга доир маълумот ҳисобланадиган аниқ ахборот (ахборотлар мажмуи) рўйхатини ишлаб чиқсин ва белгиланган тартибда тасдиқласин.
15. Мазкур қарорнинг 2-бандида белгиланган қоидани тегишли қонунчилик ҳужжатлари ва идоравий кўрсатмалар қабул қилинишини кутмасдан мазкур қарор нормалари кучга кирган пайтдан эътиборан сўзсиз ва тўғридан тўғри амалда қўллаш таъминлансин.
16. Адлия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
17. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ва адлия вазири А.Д. Ташкулов белгилансин.
18. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 15 июлдаги ПҚ-265-сон қарорига 1-ИЛОВА
Бирламчи маълумотлар ўзгарганда автоматик тарзда ўзгартириш киритиладиган маълумотлар
Т/р Шахсга доир маълумот номи Ваколатли орган номи 1. «ID-карта» автоматлаштирилган ахборот тизимидаги жисмоний шахснинг фамилияси, исми ва отасининг исми, туғилган вақти ҳақидаги маълумотлар Ички ишлар вазирлиги 2. Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Давлат йўл ҳаракати хавфсизлиги хизмати ахборот тизимидаги жисмоний шахснинг фамилияси, исми ва отасининг исми, туғилган вақти ҳақидаги маълумотлар 3. Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Автомототранспорт воситаларини ҳисобга қўйишни рўйхатдан ўтказиш ягона автоматлаштирилган тизимидаги мулкдорга оид маълумотлар (жисмоний шахснинг фамилияси, исми ва отасининг исми, манзили кабилар) 4. Давлат умумий ўрта таълим муассасасини тугатганлиги тўғрисидаги ҳужжат (шаҳодатнома) маълумотлари Мактабгача ва мактаб таълими вазирлиги 5. Якка тартибдаги тадбиркорлик гувоҳномаси маълумотлари Лицензиялаш, рухсат бериш ва хабардор қилиш тартиб-таомиллари соҳасидаги ваколатли органлар, Адлия вазирлиги 6. Жисмоний шахс ёки якка тартибдаги тадбиркорга бериладиган лицензия, рухсатнома ва хабарнома (тасдиқнома) маълумотлари 7. Ўзини ўзи банд қилган шахс гувоҳномаси маълумотлари Солиқ қўмитаси 8. Солиқ тўловчининг идентификациялаш тизими маълумотлари 9. Давлат ўрта махсус, профессионал (касб-ҳунар) таълим муассасасини тугатганлиги тўғрисидаги диплом маълумотлари Олий таълим, фан ва инновациялар вазирлиги 10. Давлат олий таълим муассасасини тугатганлиги тўғрисидаги диплом маълумотлари 11. «Ягона миллий меҳнат тизими» идоралараро дастурий-аппарат комплексидаги жисмоний шахснинг фамилияси, исми ва отасининг исми, туғилган вақти ҳақидаги маълумотлар Камбағалликни қисқартириш ва бандлик вазирлиги 12. Кўчмас мулкка бўлган ҳуқуқларнинг реестри маълумотлари Кадастр агентлиги
Ўзбекистон Республикаси Президентининг 2026 йил 15 июлдаги ПҚ-265-сон қарорига 2-ИЛОВА
Давлат хизматларини такомиллаштириш ҳамда фуқаролар учун қўшимча қулайликлар яратиш бўйича
Т/р Чора-тадбирлар номи Амалга ошириш шакли Ижро муддати Ижро учун масъуллар 1. «Ўзбекистон Республикасининг айрим қонун ҳужжатларига фуқароларнинг мулкий ҳуқуқларини расмийлаштириш тартиби такомиллаштирилиши муносабати билан ўзгартириш ва қўшимчалар киритиш тўғрисида»ги қонун лойиҳасини ишлаб чиқиш ва белгиланган тартибда Вазирлар Маҳкамасига киритиш. Бунда: Маъмурий жавобгарлик тўғрисидаги кодексга кўчмас мулкка бўлган ҳуқуқни давлат рўйхатидан ўтказиш учун ўз вақтида мурожаат этмаслик учун маъмурий жавобгарликни истисно қиладиган ҳолатларни киритиш; Солиқ кодексига солиқ тўловчига хусусий мулк ҳуқуқи асосида тегишли бўлган турар жой мерос тартибида ёки яқин қариндошидан ҳадя сифатида олинган бўлса, ушбу турар жойни сотишдан олинган даромадга солиқ солинмаслиги учун белгиланган муддатни васият қилувчи ёки ҳадя қилувчининг мазкур турар жойга бўлган мулк ҳуқуқи давлат рўйхатидан ўтказилган санадан бошлаб ҳисобланишини белгилаш; «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Ўзбекистон Республикаси Қонунига кўчмас мулкка бўлган ҳуқуқларни давлат рўйхатидан ўтказиш бўйича ўз вақтида мурожаат этмаганлик (кечиктирганлик) учун оширилган ставкаларда тўлов ундирилиши мумкинлиги тўғрисидаги нормани киритиш; «Ўзбекистон Республикаси фуқароларини, чет эл фуқароларини ҳамда фуқаролиги бўлмаган шахсларни яшаш жойи ва турган жойи бўйича рўйхатдан ўтказиш тўғрисида»ги Ўзбекистон Республикаси Қонунидаги яшаш жойи ва турган жой бўйича рўйхатдан ўтказишни рад этиш учун асосларни мазкур қарорда белгиланган қоидалар билан мувофиқлаштириш. Қонун лойиҳаси 2026 йил сентябрь Адлия вазирлиги, Ички ишлар вазирлиги, Солиқ қўмитаси, Кадастр агентлиги 2. Нотариал ҳаракат натижасида кўчмас мулк объектларига нисбатан ҳуқуқ юзага келганда у ҳақидаги маълумотлар Кадастр ва кўчмас мулкларни рўйхатдан ўтказиш интеграцион ахборот тизимидаги (кейинги ўринларда — UZKAD тизими) кўчмас мулк объектларига бўлган ҳуқуқларнинг давлат реестрига автоматик равишда инсон омилисиз қайд этиш ва рўйхатдан ўтказилганлик ҳақидаги электрон ҳужжатни (кўчирма) «Нотариус» ахборот тизими орқали реал вақт режимида тақдим этиш имкониятини жорий қилиш. Бунда: кўчмас мулкка нисбатан ҳуқуқни рўйхатдан ўтказганлик учун қонунчилик ҳужжатларида белгиланган тўловларни манфаатдор шахслар томонидан нотариал ҳаракатлар якунида амалга ошириш; кўчмас мулкка нисбатан ҳуқуқларнинг мавжудлиги, қўйилган тақиқлар, қарздорликлар ва қонунчилик ҳужжатларига асосан бошқа чекловлар UZKAD тизимида реал вақт режимида аниқланиб, кўчмас мулкка нисбатан ҳуқуқни рўйхатдан ўтказишга тўсқинлик қилувчи ҳолатлар мавжуд бўлмаганда ҳуқуқ юзага келганлиги ҳақида ёзувни шу вақтнинг ўзида кўчмас мулк объектларига бўлган ҳуқуқларнинг давлат реестрига киритиш. Норматив-ҳуқуқий ҳужжат, комплекс чора-тадбирлар 2026 йил ноябрь Адлия вазирлиги, Кадастр агентлиги 3. Қуйидаги давлат хизматларининг маъмурий регламентларини ишлаб чиқиш ва Ягона интерактив давлат хизматлари портали, шу жумладан, Давлат хизматлари марказлари орқали давлат хизматларини кўрсатишни йўлга қўйиш: жисмоний ва юридик шахслар томонидан ўзига мулк ҳуқуқи асосида тегишли бўлган кўчмас мулк объектлари ва автомототранспорт воситаларини гаровга ёки ипотекага қўйишга, шунингдек, уларни бегоналаштиришга тақиқ қўйиш ва ушбу тақиқни ечиш (олиб ташлаш); Ҳукумат қарори лойиҳалари 2026 йил август Адлия вазирлиги, Марказий банк, Ички ишлар вазирлиги, Кадастр агентлиги, Телекоммуникацияларни тартибга солиш агентлиги фуқароларнинг ўз номига расмийлаштирилган ва фойдаланилаётган телефон рақамлари ва улар уланган пулли хизматлар тўғрисида маълумот олиш, телефон рақамини муайян муддатга нофаол ҳолатга ўтказиш (фаоллаштириш) ва ўзи фойдаланмаётган телефон рақамларига хизмат кўрсатишни тўхтатиш; фуқароларнинг ўз номига расмийлаштирилган ва фойдаланилаётган банк карталари тўғрисида маълумот олиш, банк карталарини блоклаш (ёпиш). Амалий чора-тадбирлар 2026 йил сентябрь Рақамли технологиялар вазирлиги, Адлия вазирлиги, тижорат банклари, мобил алоқа операторлари 4. Вазирлар Маҳкамасининг 2014 йил 10 июлдаги «Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида»ги 186-сон қарорига кўчмас мулкка бўлган ҳуқуқларни давлат рўйхатидан ўтказиш бўйича ўз вақтида мурожаат этмаганлик учун кечиктириш муддатидан келиб чиқиб табақалаштирилган тўлов ставкаларини белгилашни назарда тутувчи ўзгартириш киритиш. Бунда оширилган ставкаларда тўлов ундиришнинг энг кўп миқдори кўчмас мулкка бўлган ҳуқуқни давлат рўйхатидан ўтказиш учун ўз вақтида мурожаат этмаслик учун белгиланган маъмурий жарима миқдоридан ошиб кетмаслигини ҳамда маъмурий жавобгарлик қўлланилган ҳолларда оширилган тўловлар ундирилмаслигини таъминлаш. Ҳукумат қарори лойиҳаси 2026 йил август Кадастр агентлиги, Иқтисодиёт ва молия вазирлиги 5. Ягона интерактив давлат хизматлари порталида фуқаролар учун виртуал тўлов картасини очиш, шунингдек, ўзининг банк пластик картасини бириктириш, ушбу карталар орқали давлат хизматлари учун тўловларни амалга ошириш, шунингдек, ортиқча ёки нотўғри тўланган маблағларни ёхуд давлат хизматини кўрсатишни кечиктирганлик (асоссиз рад этганлик) учун тўловларни автоматик тарзда фойдаланувчининг картасига қайтариш имкониятини яратиш. Норматив-ҳуқуқий ҳужжат лойиҳаси Амалий чора-тадбирлар 2026 йил август Рақамли технологиялар вазирлиги, Адлия вазирлиги, Иқтисодиёт ва молия вазирлиги, Марказий банк, тижорат банклари 6. Жисмоний шахснинг фамилияси, исми ва отасининг исми, туғилган санаси каби бирламчи маълумотларни ўзгартириш ва шахсни тасдиқловчи ҳужжатларни қайта расмийлаштириш тартибини такомиллаштириш. Бунда: бирламчи маълумотларни ўзгартирган адлия органи томонидан давлат органларига хабарномалар тақдим этиш ва тегишли электрон шаклдаги ҳужжатларга фуқароларнинг қўшимча аризаларисиз ўзгартириш киритиш; жисмоний шахснинг Ягона интерактив давлат хизматлари порталидаги шахсий кабинетига унинг бирламчи маълумотлари ўзгарганлиги ҳақида реал вақт режимида маълумотнома бериш ва ушбу маълумотнома асосида шахсни тасдиқловчи ҳужжатларни қайта расмийлаштириб бериш. Норматив-ҳуқуқий ҳужжат лойиҳаси 2026 йил август Адлия вазирлиги, Ички ишлар вазирлиги, Рақамли технологиялар вазирлиги 7. Давлат хизматларини кўрсатишни тартибга солувчи норматив-ҳуқуқий ҳужжатларга давлат хизматлари учун ортиқча ёки нотўғри тўланган маблағларни ёхуд давлат хизматини кўрсатишни кечиктирганлик (асоссиз рад этганлик) учун тўловлар Ягона интерактив давлат хизматлари порталида фуқаролар учун очилган виртуал тўлов картаси ёки банк картасига қайтарилишини (ўтказиб берилишини) назарда тутувчи ўзгартиришларни киритиш. Вазирлар Маҳкамаси қарори лойиҳаси 2026 йил август Адлия вазирлиги, Рақамли технологиялар вазирлиги 8. Меҳнат ва давлат фуқаролик хизмати тўғрисидаги қонунчиликка биринчи марта ёки бошқа соҳада иш қидираётган шахслар учун шартнома асосида ҳақ тўланмайдиган, бироқ меҳнат дафтарчасига тегишли ёзув киритилишини назарда тутувчи, шунингдек, штатдан ташқари 3 ойгача ишлаб кўриш имконини берувчи «иш ўрганувчи стажёр» тизимини жорий қилиш бўйича таклифлар ишлаб чиқиш. Ахборот-таҳлилий маълумотнома, норматив-ҳуқуқий ҳужжат лойиҳаси 2026 йил сентябрь Камбағалликни қисқартириш ва бандлик вазирлиги, Иқтисодиёт ва молия вазирлиги 9. Бирламчи маълумотлар ўзгарганда автоматик равишда ўзида ушбу маълумотларни акс эттирувчи ахборот тизимларидаги маълумотларга идоралараро электрон ҳамкорлик йўли билан ўзгартириш киритишнинг техник имкониятини яратиш. Комплекс чора-тадбирлар 2026 йил сентябрь Рақамли технологиялар вазирлиги, Адлия вазирлиги, мазкур қарорнинг 1-иловасида кўрсатилган вазирлик ва идоралар 10. Жисмоний шахснинг бирламчи маълумотлари ўзгарганда шахсини тасдиқловчи ҳужжатларни қайта расмийлаштириш (алмаштириш)нинг қуйидаги тартибини жорий этиш: ФҲДЁ бўлинмасида далолатнома ёзувини қайд этиш билан бир вақтда маълумотларни йиғиш пункти сифатида идентификация картаси (ID-карта), янги намунадаги ҳайдовчилик гувоҳномаси ва хорижга чиқиш биометрик паспортини расмийлаштириш учун махсус дастурий-аппарат қурилмалари орқали аризаларни қабул қилиш (биометрик маълумотлари билан бирга); ҳайдовчилик гувоҳномаси ва идентификация картаси (ID-карта)сини чоп этиш қурилмаси мавжуд бўлган давлат хизматлари марказида чоп этиб почта хизмати орқали етказиб бериш; хорижга чиқиш биометрик паспортини белгиланган тартибда маълумотларни йиғиш пунктига етказиб бериш. Норматив-ҳуқуқий ҳужжат лойиҳаси 2026 йил сентябрь Адлия вазирлиги, Ички ишлар вазирлиги (комплекс чора-тадбирлар бўйича тенг ижрочи) «ФҲДЁнинг ягона электрон архиви» ахборот тизимини Ички ишлар вазирлигининг «Xorijga chiqish biometrik pasporti», «Pasport-visa», шунингдек, «YНXXning Yagona avtomatlashtirilgan axborot tizimi» тизимлари билан интеграция қилиш. Адлия вазирлигининг бюджетдан ташқари маблағлари ва қонунчиликда тақиқланмаган бошқа манбалар ҳисобидан ФҲДЁ бўлинмаларини идентификация карта (ID-карта), янги намунадаги ҳайдовчилик гувоҳномаси ва хорижга чиқиш биометрик паспортини расмийлаштиришга мўлжалланган махсус дастурий-аппарат қурилмалари билан таъминлаш. Комплекс чора-тадбирлар 2026 йил октябрь 11. «Ўзбекистон Республикасининг айрим қонун ҳужжатларига фуқароларнинг реклама қўнғироқлари ва хабарномаларига оид ҳуқуқлари ҳимоясини кучайтиришга қаратилган ўзгартиришлар киритиш ҳақида»ги қонун лойиҳасини ишлаб чиқиш ва Вазирлар Маҳкамасига киритиш. Унда қуйидагиларни назарда тутиш: мобил алоқа воситалари орқали SMS-хабарномалар йўли билан товар (иш, хизмат)ларни таклиф қилувчи ҳар қандай юридик ва жисмоний шахслар фақат шахснинг ёзма ёки электрон розилигини олгандан сўнг ушбу ҳаракатларни (рекламани) амалга ошириши; мобил алоқа воситаларига реклама қўнғироқлари ва SMS-хабарномаларни жўнатиш хизматини кўрсатувчи юридик шахслар ўзларининг ахборот тизимларини Шахсга доир маълумотлар базаларининг давлат реестрида рўйхатдан ўтказгандан кейин тегишли хизматларни кўрсатишига йўл қўйилиши; реклама хабарномалари ва қўнғироқларни телекоммуникация тармоқлари (мобил алоқа) орқали фақат кундузги вақтда — соат 09.00 дан 18.00 гача тарқатишга йўл қўйилиши; мобил алоқа операторлари ўзлари томонидан тарқатиладиган реклама хабарномаларини ва қўнғироқларни абонент сўровига кўра тўлиқ ёки бир қисмини блокланиши. Норматив-ҳуқуқий ҳужжат лойиҳаси 2026 йил август Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Ички ишлар вазирлиги, Телекоммуникацияларни тартибга солиш агентлиги 12. Давлат хизматларини кўрсатишнинг қоғозсиз ва мижозга йўналтирилган тизимини кенгайтириш. Бунда Ягона интерактив давлат хизматлари портали фойдаланувчилари учун қуйидагиларни жорий қилиш: (а) давлат хизматидан фойдалангандан сўнг фикр қолдирган, хизмат сифатини баҳолаган, сўровномаларда иштирок этган, ҳужжатларни қоғозсиз, электрон шаклда олган ҳамда жамоатчилик муҳокамаларида иштирок этган фойдаланувчиларга бонуслар бериш ва ушбу бонусларни йиғимларни тўлашда чегирмалар бериш ва бошқа рағбатлантириш чораларини тақдим этиш; (б) жисмоний шахсларнинг расмий электрон почтасини очиш; (в) порталда ҳаётий вазиятларга асосланган тушунтириш механизмларини жорий қилиш. Президент қарори лойиҳаси 2026 йил сентябрь Адлия вазирлиги, Рақамли технологиялар вазирлиги, Иқтисодиёт ва молия вазирлиги 13. Кўчмас мулк объектлари ва автотранспорт воситаларига қўйилган тақиқни кредитлар тўлиқ сўндирилганда проактив шаклда ечишни йўлга қўйиш. Бунда: (а) гаров ва (ёки) ипотека шартномаси нотариал тартибда амалга оширилганда: кўчмас мулк ва автомототранспорт воситалари бўйича кредитлар тўлиқ сўндирилганда бу ҳақида банклараро тўлов тизими орқали «Нотариус» автоматлаштирилган ахборот тизимига маълумот тақдим этиш; «Нотариус» автоматлаштирилган ахборот тизими орқали олинган маълумотлар асосида бир иш кунида кўчмас мулк ва автотранспорт воситаларига қўйилган тақиқларни ечиш; (б) гаров ва (ёки) ипотека шартномаси банклар томонидан амалга оширилганда — кўчмас мулк ва автомототранспорт воситалари бўйича кредитлар тўлиқ сўндирилганда бу ҳақида банклараро тўлов тизими орқали тақиқни бекор қилиш ҳақида проактив шаклда гаров реестрига ёзув киритиш. Норматив-ҳуқуқий ҳужжатлар лойиҳалари 2026 йил октябрь Адлия вазирлиги, Марказий банк, Ички ишлар вазирлиги, Кадастр агентлиги 14. Фуқаронинг номига янги нотариал ҳаракат расмийлаштирилганда автоматик тарзда уни Ягона интерактив давлат хизматлари порталидаги шахсий кабинетига хабарнома юбориш, амалга оширилган нотариал ҳаракатларнинг ҳисобини юритиб бориш (архивлаш). Комплекс чора-тадбирлар 2026 йил сентябрь Адлия вазирлиги, Рақамли технологиялар вазирлиги 15. Микроқарз бўйича шартномаларнинг дастлабки қисмида шартноманинг асосий юзасининг камида 30 фоизини эгаллайдиган матнли огоҳлантириш ахборот хати ва реклама материалларида салбий оқибатлар ҳақидаги огоҳлантириш ахборотини жойлаштириш мажбурийлигини белгилаш. Истеъмолчини чалғитувчи деб топилган кредит маҳсулотларини вақтинчалик ёки доимий тақиқлаш амалиётини жорий этиш. Идоравий норматив-ҳуқуқий ҳужжат лойиҳаси 2026 йил сентябрь Марказий банк, Адлия вазирлиги 16. Ўзбекистон Республикаси фуқароси паспортини ёки идентификацияловчи ID-картасини ёхуд хорижга чиқиш учун биометрик паспортни, Ўзбекистон Республикасида доимий яшовчи фуқаролиги бўлмаган шахс идентификацияловчи ID-картасини (яшаш гувоҳномасини) ёки ҳаракатланиш ҳужжатини, шунингдек, Ўзбекистон Республикасида доимий яшовчи чет эл фуқаросининг идентификацияловчи ID-картасини (яшаш гувоҳномасини) йўқотиб қўйганда ёки яроқсиз ҳолга келганида маъмурий жавобгарликка тортмасдан, қўшимча миқдорда давлат божи тўлаш орқали янги ҳужжатни расмийлаштириб бериш юзасидан таклифларни Вазирлар Маҳкамасига киритиш. Норматив-ҳуқуқий ҳужжатлар лойиҳалари 2026 йил октябрь Ички ишлар вазирлиги, Адлия вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 15 июль,
ПҚ- 265 -сон
Oʻzbekiston Respublikasi Prezidentining
qarori
ROʻYXATI
CHORA-TADBIRLAR REJASI
Aholiga koʻrsatilayotgan davlat xizmatlarini takomillashtirish hamda fuqarolar uchun qoʻshimcha qulayliklar yaratish chora-tadbirlari toʻgʻrisida
Yangi Oʻzbekistonda “inson uchun” tamoyili asosida inson huquqlari ustuvorligini taʼminlash, davlat xizmatlarini koʻrsatishni yanada yaxshilash orqali fuqarolarning ovoragarchiligini kamaytirish va ularga qoʻshimcha qulayliklar yaratish maqsadida qaror qilaman:
I. Mulkiy huquqlarni rasmiylashtirish tartibini takomillashtirish
1. Adliya vazirligi hamda Kadastr agentligining 2027-yil 1-yanvardan boshlab quyidagilarni joriy etish toʻgʻrisidagi takliflari maʼqullansin:
(a) koʻchmas mulkka boʻlgan huquqlarni davlat roʻyxatidan oʻtkazish paytida huquq egasi oʻz vaqtida roʻyxatdan oʻtkazuvchi organga murojaat etmaganligi aniqlanganda maʼmuriy javobgarlik chorasi qoʻllamasdan kechiktirish muddatidan kelib chiqib roʻyxatdan oʻtkazish uchun oshirilgan stavkalarda toʻlov undirish tizimini joriy etish;
(b) soliq toʻlovchiga xususiy mulk huquqi asosida tegishli boʻlgan turar joy meros tartibida yoki yaqin qarindoshidan hadya sifatida olingan boʻlsa, ushbu turar joyni sotishdan olingan daromadga soliq solinmasligi uchun belgilangan muddatni vasiyat qiluvchi yoki hadya qiluvchining mazkur turar joyga boʻlgan mulk huquqi davlat roʻyxatidan oʻtkazilgan sanadan boshlab hisoblash.
2. Belgilansinki, taqiq yoki xatlov qoʻyilgan turar joyga garovga oluvchining roziligisiz yashash va turgan joyi boʻyicha roʻyxatdan oʻtkazishga ruxsat beriladi. Bunda roʻyxatdan oʻtkazilayotgan shaxs mulkdorning (garovga oluvchining, taqiqni qoʻyishga yoki yechishga masʼul organning) ichki ishlar organlariga qilgan murojaati asosida uning roʻyxatdan oʻtkazilganligi bekor qilinishiga avvaldan rozilik berishi zarur.
II. Elektron davlat xizmatlari ommabopligini oshirish va fuqarolar uchun qoʻshimcha qulayliklar yaratish
3. 2026-yil 1-oktabrdan boshlab Yagona interaktiv davlat xizmatlari portalida (keyingi oʻrinlarda — Yagona portal) quyidagi xizmatlar joriy etilsin:
(a) jismoniy va yuridik shaxslarga oʻziga mulk huquqi asosida tegishli boʻlgan koʻchmas mulk obyektlari va avtomototransport vositalarini garovga yoki ipotekaga qoʻyishga, shuningdek, ularni begonalashtirishga taqiq qoʻyish yoki uni bekor qilish. Bunda taqiq jismoniy shaxslar tomonidan Face-ID vositasida identifikatsiyadan oʻtgan holda, yuridik shaxslar tomonidan esa ularning muassislari (ishtirokchilari, aksiyadorlari) umumiy yigʻilishining qarori asosida elektron raqamli imzo orqali qoʻyiladi;
(b) fuqarolarning oʻz nomiga rasmiylashtirilgan va foydalanilayotgan telefon raqamlari va bank kartalari toʻgʻrisida maʼlumot olish va ushbu jarayonni boshqarishning quyidagi imkoniyatlarini yaratish:
(i) telefon raqamini muayyan muddatga nofaol holatga oʻtkazish (faollashtirish) va oʻzi foydalanmayotgan telefon raqamlariga xizmat koʻrsatishni toʻxtatish haqida arizalar kiritish;
(ii) telefon raqami ulangan pulli xizmatlar haqida maʼlumot olish;
(iii) bank kartalarini bloklash (yopish) haqida emitentga arizalar yuborish;
(v) fuqaroning nomiga yangi notarial harakat rasmiylashtirilganda avtomatik tarzda uni Yagona portal orqali xabardor qilish va ular hisobini yuritish.
4. Raqamli texnologiyalar vazirligi Adliya vazirligi va tijorat banklari bilan birgalikda 2026-yil 1-sentabrga qadar Yagona portalda fuqarolar uchun oʻz xizmatlarini taklif etayotgan tijorat banklarining virtual toʻlov kartasini tanlov asosida ochish va oʻzining bank plastik kartasini biriktirish, ushbu kartalar orqali davlat xizmatlari uchun toʻlovlarni amalga oshirish, shuningdek, ortiqcha yoki notoʻgʻri toʻlangan mablagʻlarni yoxud davlat xizmatini koʻrsatishni kechiktirganlik (asossiz rad etganlik) uchun toʻlovlarni avtomatik tarzda oʻzining kartasiga qaytarish imkoniyatini joriy etsin.
5. Belgilansinki, fuqarolardan Yagona portalda virtual toʻlov kartasini ochish, uni tegishli tijorat banklarining infratuzilmasidan foydalangan holda mablagʻ bilan toʻldirish va virtual toʻlov kartasidagi pul mablagʻlarini oʻziga tegishli bank plastik kartalariga oʻtkazish uchun komissiya toʻlovlari undirilmaydi.
6. Voyaga yetmagan shaxslar oʻz huquqlarini mustaqil ravishda amalga oshirish yuzasidan sudlarga murojaat qilishda davlat bojini toʻlashdan ozod qilinsin.
7. Adliya vazirligi Bolalar ombudsmani va Ijtimoiy himoya milliy agentligi bilan birgalikda ikki oy muddatda voyaga yetmagan shaxslar oʻz huquqlarini mustaqil ravishda amalga oshirish yuzasidan kelib chiqadigan daʼvolar boʻyicha davlat bojini toʻlashdan ozod etishni nazarda tutuvchi qonun loyihasini Vazirlar Mahkamasiga kiritsin.
III. Proaktiv davlat xizmatlari koʻrsatishni kengaytirish
8. 2026-yil 1-oktabrdan boshlab, jismoniy shaxsning familiyasi, ismi va otasining ismi, tugʻilgan sanasi kabi birlamchi maʼlumotlari oʻzgarganda oʻzida ushbu maʼlumotlarni aks ettiruvchi davlat organlariga tegishli axborot tizimlaridagi maʼlumotlarga avtomatik tarzda idoralararo elektron hamkorlik yoʻli bilan oʻzgartirishlar kiritish amaliyoti yoʻlga qoʻyiladi. Bunda:
(a) birlamchi maʼlumotlarni oʻzgartirgan adliya organi bu haqda “Elektron hukumat” tizimining idoralararo integratsiyalashuv platformasi orqali ushbu maʼlumotlar bilan ishlovchi davlat organlariga xabarnomalar taqdim etadi va tegishli elektron shakldagi hujjatlarga fuqarolarning qoʻshimcha arizalarisiz oʻzgartirish kiritadi;
(b) jismoniy shaxsga Yagona portal orqali uning birlamchi maʼlumotlari oʻzgarganligi haqida real vaqt rejimida maʼlumotnoma beriladi;
(v) jismoniy shaxsning birlamchi maʼlumotlari oʻzgarganligi haqidagi maʼlumotnoma asosida shaxsni tasdiqlovchi hujjatlar qayta rasmiylashtirib beriladi.
9. Birlamchi maʼlumotlar oʻzgarganda avtomatik tarzda oʻzgartirish kiritiladigan maʼlumotlar roʻyxati 1-ilovaga muvofiq tasdiqlansin.
10. Adliya vazirligi Markaziy bank, Ichki ishlar vazirligi, Kadastr agentligi bilan birgalikda 2026-yil 1-noyabrga qadar koʻchmas mulk obyektlari va avtomototransport vositalariga qoʻyilgan taqiqni kreditlar toʻliq soʻndirilganda proaktiv shaklda yechishni yoʻlga qoʻysin.
IV. Reklama sohasidagi munosabatlarni tartibga solish
11. Shunday tartib oʻrnatilsinki, unga muvofiq fuqarolarning reklama qoʻngʻiroqlari va xabarnomalariga oid huquqlari himoyasini kuchaytirish maqsadida 2026-yil 1-noyabrdan boshlab:
(a) mobil aloqa vositalari orqali SMS-xabarnomalar yoʻli bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan soʻng ushbu harakatlarni (reklamani) amalga oshiradi;
(b) mobil aloqa vositalariga reklama qoʻngʻiroqlari va SMS-xabarnomalarni joʻnatish xizmatini koʻrsatuvchi yuridik shaxslar oʻzlarining axborot tizimlarini Shaxsga doir maʼlumotlar bazalarining davlat reyestrida roʻyxatdan oʻtkazgandan keyin tegishli xizmatlarni koʻrsatishiga yoʻl qoʻyiladi;
(v) reklama qoʻngʻiroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;
(g) mobil aloqa operatorlariga oʻzlari tomonidan tarqatiladigan reklama qoʻngʻiroqlari va xabarnomalarini abonent soʻroviga koʻra toʻliq yoki qisman bloklash majburiyati yuklatiladi;
(d) mazkur bandda belgilangan talablarga rioya etmaslik reklama hamda shaxsga doir maʼlumotlar toʻgʻrisidagi qonunchilikni buzish hisoblanadi va tegishli choralar koʻrish uchun asos boʻladi.
12. Raqobatni rivojlantirish va isteʼmolchilar huquqlarini himoya qilish qoʻmitasi Markaziy bank hamda manfaatdor vazirlik va idoralar bilan birgalikda 2026-yil 1-sentabrga qadar quyidagilarni nazarda tutuvchi normativ-huquqiy hujjat loyihasini Vazirlar Mahkamasiga kiritsin:
(a) jismoniy shaxslarga moʻljallangan kredit, muddatli toʻlov, nasiya savdoga oid har qanday reklamada tovarning (ishning, xizmatning) joriy qiymatiga nisbatan qancha summa qoʻshib toʻlanishi kerakligi, yakuniy qiymati qancha boʻlishi xususidagi maʼlumotlar boʻlishi shartligi;
(b) moliyaviy xizmatlar reklamasi yoki ular haqidagi reklama tarzidagi axborot, agar tegishli shartnoma tuzilayotgan paytda aniqlash mumkin boʻlmasa, reklama qilinayotgan xizmatlarning kelgusidagi samaradorligi kafolatlari yoki vaʼdalariga ega boʻlmasligi.
V. Qaror ijrosini tashkil etish, taʼminlash va nazorat
13. Davlat xizmatlarini takomillashtirish hamda fuqarolar uchun qoʻshimcha qulayliklar yaratish boʻyicha chora-tadbirlar rejasi 2-ilovaga muvofiq tasdiqlansin.
14. Ichki ishlar vazirligi 2026-yil 1-dekabrga qadar ilgʻor xorijiy tajribani oʻrgangan holda shaxsga doir maʼlumot hisoblanadigan aniq axborot (axborotlar majmui) roʻyxatini ishlab chiqsin va belgilangan tartibda tasdiqlasin.
15. Mazkur qarorning 2-bandida belgilangan qoidani tegishli qonunchilik hujjatlari va idoraviy koʻrsatmalar qabul qilinishini kutmasdan mazkur qaror normalari kuchga kirgan paytdan eʼtiboran soʻzsiz va toʻgʻridan toʻgʻri amalda qoʻllash taʼminlansin.
16. Adliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov va adliya vaziri A.D. Tashkulov belgilansin.
18. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 15-iyuldagi PQ-265-son qaroriga 1-ILOVA
Birlamchi maʼlumotlar oʻzgarganda avtomatik tarzda oʻzgartirish kiritiladigan maʼlumotlar
T/r Shaxsga doir maʼlumot nomi Vakolatli organ nomi 1. “ID-karta” avtomatlashtirilgan axborot tizimidagi jismoniy shaxsning familiyasi, ismi va otasining ismi, tugʻilgan vaqti haqidagi maʼlumotlar Ichki ishlar vazirligi 2. Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining Davlat yoʻl harakati xavfsizligi xizmati axborot tizimidagi jismoniy shaxsning familiyasi, ismi va otasining ismi, tugʻilgan vaqti haqidagi maʼlumotlar 3. Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining Avtomototransport vositalarini hisobga qoʻyishni roʻyxatdan oʻtkazish yagona avtomatlashtirilgan tizimidagi mulkdorga oid maʼlumotlar (jismoniy shaxsning familiyasi, ismi va otasining ismi, manzili kabilar) 4. Davlat umumiy oʻrta taʼlim muassasasini tugatganligi toʻgʻrisidagi hujjat (shahodatnoma) maʼlumotlari Maktabgacha va maktab taʼlimi vazirligi 5. Yakka tartibdagi tadbirkorlik guvohnomasi maʼlumotlari Litsenziyalash, ruxsat berish va xabardor qilish tartib-taomillari sohasidagi vakolatli organlar, Adliya vazirligi 6. Jismoniy shaxs yoki yakka tartibdagi tadbirkorga beriladigan litsenziya, ruxsatnoma va xabarnoma (tasdiqnoma) maʼlumotlari 7. Oʻzini oʻzi band qilgan shaxs guvohnomasi maʼlumotlari Soliq qoʻmitasi 8. Soliq toʻlovchining identifikatsiyalash tizimi maʼlumotlari 9. Davlat oʻrta maxsus, professional (kasb-hunar) taʼlim muassasasini tugatganligi toʻgʻrisidagi diplom maʼlumotlari Oliy taʼlim, fan va innovatsiyalar vazirligi 10. Davlat oliy taʼlim muassasasini tugatganligi toʻgʻrisidagi diplom maʼlumotlari 11. “Yagona milliy mehnat tizimi” idoralararo dasturiy-apparat kompleksidagi jismoniy shaxsning familiyasi, ismi va otasining ismi, tugʻilgan vaqti haqidagi maʼlumotlar Kambagʻallikni qisqartirish va bandlik vazirligi 12. Koʻchmas mulkka boʻlgan huquqlarning reyestri maʼlumotlari Kadastr agentligi
Oʻzbekiston Respublikasi Prezidentining 2026-yil 15-iyuldagi PQ-265-son qaroriga 2-ILOVA
Davlat xizmatlarini takomillashtirish hamda fuqarolar uchun qoʻshimcha qulayliklar yaratish boʻyicha
T/r Chora-tadbirlar nomi Amalga oshirish shakli Ijro muddati Ijro uchun masʼullar 1. “Oʻzbekiston Respublikasining ayrim qonun hujjatlariga fuqarolarning mulkiy huquqlarini rasmiylashtirish tartibi takomillashtirilishi munosabati bilan oʻzgartirish va qoʻshimchalar kiritish toʻgʻrisida”gi qonun loyihasini ishlab chiqish va belgilangan tartibda Vazirlar Mahkamasiga kiritish. Bunda: Maʼmuriy javobgarlik toʻgʻrisidagi kodeksga koʻchmas mulkka boʻlgan huquqni davlat roʻyxatidan oʻtkazish uchun oʻz vaqtida murojaat etmaslik uchun maʼmuriy javobgarlikni istisno qiladigan holatlarni kiritish; Soliq kodeksiga soliq toʻlovchiga xususiy mulk huquqi asosida tegishli boʻlgan turar joy meros tartibida yoki yaqin qarindoshidan hadya sifatida olingan boʻlsa, ushbu turar joyni sotishdan olingan daromadga soliq solinmasligi uchun belgilangan muddatni vasiyat qiluvchi yoki hadya qiluvchining mazkur turar joyga boʻlgan mulk huquqi davlat roʻyxatidan oʻtkazilgan sanadan boshlab hisoblanishini belgilash; “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Oʻzbekiston Respublikasi Qonuniga koʻchmas mulkka boʻlgan huquqlarni davlat roʻyxatidan oʻtkazish boʻyicha oʻz vaqtida murojaat etmaganlik (kechiktirganlik) uchun oshirilgan stavkalarda toʻlov undirilishi mumkinligi toʻgʻrisidagi normani kiritish; “Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi Oʻzbekiston Respublikasi Qonunidagi yashash joyi va turgan joy boʻyicha roʻyxatdan oʻtkazishni rad etish uchun asoslarni mazkur qarorda belgilangan qoidalar bilan muvofiqlashtirish. Qonun loyihasi 2026-yil sentabr Adliya vazirligi, Ichki ishlar vazirligi, Soliq qoʻmitasi, Kadastr agentligi 2. Notarial harakat natijasida koʻchmas mulk obyektlariga nisbatan huquq yuzaga kelganda u haqidagi maʼlumotlar Kadastr va koʻchmas mulklarni roʻyxatdan oʻtkazish integratsion axborot tizimidagi (keyingi oʻrinlarda — UZKAD tizimi) koʻchmas mulk obyektlariga boʻlgan huquqlarning davlat reyestriga avtomatik ravishda inson omilisiz qayd etish va roʻyxatdan oʻtkazilganlik haqidagi elektron hujjatni (koʻchirma) “Notarius” axborot tizimi orqali real vaqt rejimida taqdim etish imkoniyatini joriy qilish. Bunda: koʻchmas mulkka nisbatan huquqni roʻyxatdan oʻtkazganlik uchun qonunchilik hujjatlarida belgilangan toʻlovlarni manfaatdor shaxslar tomonidan notarial harakatlar yakunida amalga oshirish; koʻchmas mulkka nisbatan huquqlarning mavjudligi, qoʻyilgan taqiqlar, qarzdorliklar va qonunchilik hujjatlariga asosan boshqa cheklovlar UZKAD tizimida real vaqt rejimida aniqlanib, koʻchmas mulkka nisbatan huquqni roʻyxatdan oʻtkazishga toʻsqinlik qiluvchi holatlar mavjud boʻlmaganda huquq yuzaga kelganligi haqida yozuvni shu vaqtning oʻzida koʻchmas mulk obyektlariga boʻlgan huquqlarning davlat reyestriga kiritish. Normativ-huquqiy hujjat, kompleks chora-tadbirlar 2026-yil noyabr Adliya vazirligi, Kadastr agentligi 3. Quyidagi davlat xizmatlarining maʼmuriy reglamentlarini ishlab chiqish va Yagona interaktiv davlat xizmatlari portali, shu jumladan, Davlat xizmatlari markazlari orqali davlat xizmatlarini koʻrsatishni yoʻlga qoʻyish: jismoniy va yuridik shaxslar tomonidan oʻziga mulk huquqi asosida tegishli boʻlgan koʻchmas mulk obyektlari va avtomototransport vositalarini garovga yoki ipotekaga qoʻyishga, shuningdek, ularni begonalashtirishga taqiq qoʻyish va ushbu taqiqni yechish (olib tashlash); Hukumat qarori loyihalari 2026-yil avgust Adliya vazirligi, Markaziy bank, Ichki ishlar vazirligi, Kadastr agentligi, Telekommunikatsiyalarni tartibga solish agentligi fuqarolarning oʻz nomiga rasmiylashtirilgan va foydalanilayotgan telefon raqamlari va ular ulangan pulli xizmatlar toʻgʻrisida maʼlumot olish, telefon raqamini muayyan muddatga nofaol holatga oʻtkazish (faollashtirish) va oʻzi foydalanmayotgan telefon raqamlariga xizmat koʻrsatishni toʻxtatish; fuqarolarning oʻz nomiga rasmiylashtirilgan va foydalanilayotgan bank kartalari toʻgʻrisida maʼlumot olish, bank kartalarini bloklash (yopish). Amaliy chora-tadbirlar 2026-yil sentabr Raqamli texnologiyalar vazirligi, Adliya vazirligi, tijorat banklari, mobil aloqa operatorlari 4. Vazirlar Mahkamasining 2014-yil 10-iyuldagi “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida”gi 186-son qaroriga koʻchmas mulkka boʻlgan huquqlarni davlat roʻyxatidan oʻtkazish boʻyicha oʻz vaqtida murojaat etmaganlik uchun kechiktirish muddatidan kelib chiqib tabaqalashtirilgan toʻlov stavkalarini belgilashni nazarda tutuvchi oʻzgartirish kiritish. Bunda oshirilgan stavkalarda toʻlov undirishning eng koʻp miqdori koʻchmas mulkka boʻlgan huquqni davlat roʻyxatidan oʻtkazish uchun oʻz vaqtida murojaat etmaslik uchun belgilangan maʼmuriy jarima miqdoridan oshib ketmasligini hamda maʼmuriy javobgarlik qoʻllanilgan hollarda oshirilgan toʻlovlar undirilmasligini taʼminlash. Hukumat qarori loyihasi 2026-yil avgust Kadastr agentligi, Iqtisodiyot va moliya vazirligi 5. Yagona interaktiv davlat xizmatlari portalida fuqarolar uchun virtual toʻlov kartasini ochish, shuningdek, oʻzining bank plastik kartasini biriktirish, ushbu kartalar orqali davlat xizmatlari uchun toʻlovlarni amalga oshirish, shuningdek, ortiqcha yoki notoʻgʻri toʻlangan mablagʻlarni yoxud davlat xizmatini koʻrsatishni kechiktirganlik (asossiz rad etganlik) uchun toʻlovlarni avtomatik tarzda foydalanuvchining kartasiga qaytarish imkoniyatini yaratish. Normativ-huquqiy hujjat loyihasi Amaliy chora-tadbirlar 2026-yil avgust Raqamli texnologiyalar vazirligi, Adliya vazirligi, Iqtisodiyot va moliya vazirligi, Markaziy bank, tijorat banklari 6. Jismoniy shaxsning familiyasi, ismi va otasining ismi, tugʻilgan sanasi kabi birlamchi maʼlumotlarni oʻzgartirish va shaxsni tasdiqlovchi hujjatlarni qayta rasmiylashtirish tartibini takomillashtirish. Bunda: birlamchi maʼlumotlarni oʻzgartirgan adliya organi tomonidan davlat organlariga xabarnomalar taqdim etish va tegishli elektron shakldagi hujjatlarga fuqarolarning qoʻshimcha arizalarisiz oʻzgartirish kiritish; jismoniy shaxsning Yagona interaktiv davlat xizmatlari portalidagi shaxsiy kabinetiga uning birlamchi maʼlumotlari oʻzgarganligi haqida real vaqt rejimida maʼlumotnoma berish va ushbu maʼlumotnoma asosida shaxsni tasdiqlovchi hujjatlarni qayta rasmiylashtirib berish. Normativ-huquqiy hujjat loyihasi 2026-yil avgust Adliya vazirligi, Ichki ishlar vazirligi, Raqamli texnologiyalar vazirligi 7. Davlat xizmatlarini koʻrsatishni tartibga soluvchi normativ-huquqiy hujjatlarga davlat xizmatlari uchun ortiqcha yoki notoʻgʻri toʻlangan mablagʻlarni yoxud davlat xizmatini koʻrsatishni kechiktirganlik (asossiz rad etganlik) uchun toʻlovlar Yagona interaktiv davlat xizmatlari portalida fuqarolar uchun ochilgan virtual toʻlov kartasi yoki bank kartasiga qaytarilishini (oʻtkazib berilishini) nazarda tutuvchi oʻzgartirishlarni kiritish. Vazirlar Mahkamasi qarori loyihasi 2026-yil avgust Adliya vazirligi, Raqamli texnologiyalar vazirligi 8. Mehnat va davlat fuqarolik xizmati toʻgʻrisidagi qonunchilikka birinchi marta yoki boshqa sohada ish qidirayotgan shaxslar uchun shartnoma asosida haq toʻlanmaydigan, biroq mehnat daftarchasiga tegishli yozuv kiritilishini nazarda tutuvchi, shuningdek, shtatdan tashqari 3 oygacha ishlab koʻrish imkonini beruvchi “ish oʻrganuvchi stajyor” tizimini joriy qilish boʻyicha takliflar ishlab chiqish. Axborot-tahliliy maʼlumotnoma, normativ-huquqiy hujjat loyihasi 2026-yil sentabr Kambagʻallikni qisqartirish va bandlik vazirligi, Iqtisodiyot va moliya vazirligi 9. Birlamchi maʼlumotlar oʻzgarganda avtomatik ravishda oʻzida ushbu maʼlumotlarni aks ettiruvchi axborot tizimlaridagi maʼlumotlarga idoralararo elektron hamkorlik yoʻli bilan oʻzgartirish kiritishning texnik imkoniyatini yaratish. Kompleks chora-tadbirlar 2026-yil sentabr Raqamli texnologiyalar vazirligi, Adliya vazirligi, mazkur qarorning 1-ilovasida koʻrsatilgan vazirlik va idoralar 10. Jismoniy shaxsning birlamchi maʼlumotlari oʻzgarganda shaxsini tasdiqlovchi hujjatlarni qayta rasmiylashtirish (almashtirish)ning quyidagi tartibini joriy etish: FHDY boʻlinmasida dalolatnoma yozuvini qayd etish bilan bir vaqtda maʼlumotlarni yigʻish punkti sifatida identifikatsiya kartasi (ID-karta), yangi namunadagi haydovchilik guvohnomasi va xorijga chiqish biometrik pasportini rasmiylashtirish uchun maxsus dasturiy-apparat qurilmalari orqali arizalarni qabul qilish (biometrik maʼlumotlari bilan birga); haydovchilik guvohnomasi va identifikatsiya kartasi (ID-karta)sini chop etish qurilmasi mavjud boʻlgan davlat xizmatlari markazida chop etib pochta xizmati orqali yetkazib berish; xorijga chiqish biometrik pasportini belgilangan tartibda maʼlumotlarni yigʻish punktiga yetkazib berish. Normativ-huquqiy hujjat loyihasi 2026-yil sentabr Adliya vazirligi, Ichki ishlar vazirligi (kompleks chora-tadbirlar boʻyicha teng ijrochi) “FHDYning yagona elektron arxivi” axborot tizimini Ichki ishlar vazirligining “Xorijga chiqish biometrik pasporti”, “Pasport-visa”, shuningdek, “YNXXning Yagona avtomatlashtirilgan axborot tizimi” tizimlari bilan integratsiya qilish. Adliya vazirligining budjetdan tashqari mablagʻlari va qonunchilikda taqiqlanmagan boshqa manbalar hisobidan FHDY boʻlinmalarini identifikatsiya karta (ID-karta), yangi namunadagi haydovchilik guvohnomasi va xorijga chiqish biometrik pasportini rasmiylashtirishga moʻljallangan maxsus dasturiy-apparat qurilmalari bilan taʼminlash. Kompleks chora-tadbirlar 2026-yil oktabr 11. “Oʻzbekiston Respublikasining ayrim qonun hujjatlariga fuqarolarning reklama qoʻngʻiroqlari va xabarnomalariga oid huquqlari himoyasini kuchaytirishga qaratilgan oʻzgartirishlar kiritish haqida”gi qonun loyihasini ishlab chiqish va Vazirlar Mahkamasiga kiritish. Unda quyidagilarni nazarda tutish: mobil aloqa vositalari orqali SMS-xabarnomalar yoʻli bilan tovar (ish, xizmat)larni taklif qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan soʻng ushbu harakatlarni (reklamani) amalga oshirishi; mobil aloqa vositalariga reklama qoʻngʻiroqlari va SMS-xabarnomalarni joʻnatish xizmatini koʻrsatuvchi yuridik shaxslar oʻzlarining axborot tizimlarini Shaxsga doir maʼlumotlar bazalarining davlat reyestrida roʻyxatdan oʻtkazgandan keyin tegishli xizmatlarni koʻrsatishiga yoʻl qoʻyilishi; reklama xabarnomalari va qoʻngʻiroqlarni telekommunikatsiya tarmoqlari (mobil aloqa) orqali faqat kunduzgi vaqtda — soat 09.00 dan 18.00 gacha tarqatishga yoʻl qoʻyilishi; mobil aloqa operatorlari oʻzlari tomonidan tarqatiladigan reklama xabarnomalarini va qoʻngʻiroqlarni abonent soʻroviga koʻra toʻliq yoki bir qismini bloklanishi. Normativ-huquqiy hujjat loyihasi 2026-yil avgust Raqobatni rivojlantirish va isteʼmolchilar huquqlarini himoya qilish qoʻmitasi, Ichki ishlar vazirligi, Telekommunikatsiyalarni tartibga solish agentligi 12. Davlat xizmatlarini koʻrsatishning qogʻozsiz va mijozga yoʻnaltirilgan tizimini kengaytirish. Bunda Yagona interaktiv davlat xizmatlari portali foydalanuvchilari uchun quyidagilarni joriy qilish: (a) davlat xizmatidan foydalangandan soʻng fikr qoldirgan, xizmat sifatini baholagan, soʻrovnomalarda ishtirok etgan, hujjatlarni qogʻozsiz, elektron shaklda olgan hamda jamoatchilik muhokamalarida ishtirok etgan foydalanuvchilarga bonuslar berish va ushbu bonuslarni yigʻimlarni toʻlashda chegirmalar berish va boshqa ragʻbatlantirish choralarini taqdim etish; (b) jismoniy shaxslarning rasmiy elektron pochtasini ochish; (v) portalda hayotiy vaziyatlarga asoslangan tushuntirish mexanizmlarini joriy qilish. Prezident qarori loyihasi 2026-yil sentabr Adliya vazirligi, Raqamli texnologiyalar vazirligi, Iqtisodiyot va moliya vazirligi 13. Koʻchmas mulk obyektlari va avtotransport vositalariga qoʻyilgan taqiqni kreditlar toʻliq soʻndirilganda proaktiv shaklda yechishni yoʻlga qoʻyish. Bunda: (a) garov va (yoki) ipoteka shartnomasi notarial tartibda amalga oshirilganda: koʻchmas mulk va avtomototransport vositalari boʻyicha kreditlar toʻliq soʻndirilganda bu haqida banklararo toʻlov tizimi orqali “Notarius” avtomatlashtirilgan axborot tizimiga maʼlumot taqdim etish; “Notarius” avtomatlashtirilgan axborot tizimi orqali olingan maʼlumotlar asosida bir ish kunida koʻchmas mulk va avtotransport vositalariga qoʻyilgan taqiqlarni yechish; (b) garov va (yoki) ipoteka shartnomasi banklar tomonidan amalga oshirilganda — koʻchmas mulk va avtomototransport vositalari boʻyicha kreditlar toʻliq soʻndirilganda bu haqida banklararo toʻlov tizimi orqali taqiqni bekor qilish haqida proaktiv shaklda garov reyestriga yozuv kiritish. Normativ-huquqiy hujjatlar loyihalari 2026-yil oktabr Adliya vazirligi, Markaziy bank, Ichki ishlar vazirligi, Kadastr agentligi 14. Fuqaroning nomiga yangi notarial harakat rasmiylashtirilganda avtomatik tarzda uni Yagona interaktiv davlat xizmatlari portalidagi shaxsiy kabinetiga xabarnoma yuborish, amalga oshirilgan notarial harakatlarning hisobini yuritib borish (arxivlash). Kompleks chora-tadbirlar 2026-yil sentabr Adliya vazirligi, Raqamli texnologiyalar vazirligi 15. Mikroqarz boʻyicha shartnomalarning dastlabki qismida shartnomaning asosiy yuzasining kamida 30 foizini egallaydigan matnli ogohlantirish axborot xati va reklama materiallarida salbiy oqibatlar haqidagi ogohlantirish axborotini joylashtirish majburiyligini belgilash. Isteʼmolchini chalgʻituvchi deb topilgan kredit mahsulotlarini vaqtinchalik yoki doimiy taqiqlash amaliyotini joriy etish. Idoraviy normativ-huquqiy hujjat loyihasi 2026-yil sentabr Markaziy bank, Adliya vazirligi 16. Oʻzbekiston Respublikasi fuqarosi pasportini yoki identifikatsiyalovchi ID-kartasini yoxud xorijga chiqish uchun biometrik pasportni, Oʻzbekiston Respublikasida doimiy yashovchi fuqaroligi boʻlmagan shaxs identifikatsiyalovchi ID-kartasini (yashash guvohnomasini) yoki harakatlanish hujjatini, shuningdek, Oʻzbekiston Respublikasida doimiy yashovchi chet el fuqarosining identifikatsiyalovchi ID-kartasini (yashash guvohnomasini) yoʻqotib qoʻyganda yoki yaroqsiz holga kelganida maʼmuriy javobgarlikka tortmasdan, qoʻshimcha miqdorda davlat boji toʻlash orqali yangi hujjatni rasmiylashtirib berish yuzasidan takliflarni Vazirlar Mahkamasiga kiritish. Normativ-huquqiy hujjatlar loyihalari 2026-yil oktabr Ichki ishlar vazirligi, Adliya vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 15-iyul,
PQ- 265 -son
Президента Республики Узбекистан
Постановление
О мерах по совершенствованию оказываемых населению государственных услуг и созданию дополнительных удобств для граждан
В целях обеспечения приоритета прав человека в Новом Узбекистане на основе принципа «во имя человека», сокращения излишней волокиты для граждан и создания для них дополнительных удобств путем дальнейшего улучшения оказания государственных услуг постановляю:
I. Совершенствование порядка оформления имущественных прав
1. Одобрить предложения Министерства юстиции и Агентства по кадастру о внедрении с 1 января 2027 года:
(а) системы взимания платы за государственную регистрацию прав на недвижимое имущество по повышенным ставкам исходя из срока просрочки, без применения мер административной ответственности, в случаях выявления фактов несвоевременного обращения правообладателя в регистрирующий орган;
(б) исчисления срока, установленного для освобождения от налогообложения дохода, полученного от продажи жилья, принадлежащего налогоплательщику на праве частной собственности, если оно получено в порядке наследования или в качестве дарения от близкого родственника, — начиная с даты государственной регистрации права собственности завещателя или дарителя на данное жилье.
2. Установить, что допускается регистрация по месту жительства и пребывания в жилье, на которое наложен запрет или арест, без согласия залогодержателя. При этом регистрируемое лицо должно заблаговременно дать согласие на аннулирование своей регистрации на основании обращения собственника (залогодержателя, органа, ответственного за наложение или снятие запрета) в органы внутренних дел.
II. Повышение доступности электронных государственных услуг и создание дополнительных удобств для граждан
3. Внедрить с 1 октября 2026 года на Едином портале интерактивных государственных услуг (далее — Единый портал) следующие услуги:
(а) наложение или снятие физическими и юридическими лицами запрета на залог или ипотеку, а также на отчуждение объектов недвижимости и автомототранспортных средств, принадлежащих им на праве собственности. При этом наложение запрета осуществляется физическими лицами с прохождением идентификации посредством Face-ID, а юридическими лицами — на основании решения общего собрания их учредителей (участников, акционеров) посредством электронной цифровой подписи;
(б) получение информации о телефонных номерах и банковских картах, оформленных на имя граждан и используемых ими, с созданием следующих возможностей управления данным процессом:
(i) подача заявлений о переводе телефонного номера в неактивное состояние на определенный срок (активация) и прекращении обслуживания неиспользуемых телефонных номеров;
(ii) получение информации о платных услугах, подключенных к телефонному номеру;
(iii) направление эмитенту заявлений о блокировке (закрытии) банковских карт;
(в) автоматическое информирование гражданина через Единый портал при оформлении на его имя нового нотариального действия и ведение их учета.
4. Министерству цифровых технологий совместно с Министерством юстиции и коммерческими банками до 1 сентября 2026 года внедрить на Едином портале возможность открытия по выбору виртуальной платежной карты коммерческих банков, предлагающих свои услуги гражданам, привязки собственной банковской пластиковой карты, осуществления платежей за государственные услуги через данные карты, а также автоматического возврата на свою карту излишне или ошибочно уплаченных средств либо платежей за просрочку (необоснованный отказ) в оказании государственной услуги.
5. Установить, что с граждан не взимаются комиссионные сборы за открытие на Едином портале виртуальной платежной карты, пополнение ее с использованием инфраструктуры соответствующих коммерческих банков и перевод денежных средств с виртуальной платежной карты на принадлежащие им банковские пластиковые карты.
6. Освободить несовершеннолетних лиц от уплаты государственной пошлины при обращении в суды по самостоятельному осуществлению своих прав.
7. Министерству юстиции совместно с Детским омбудсманом и Национальным агентством социальной защиты в двухмесячный срок внести в Кабинет Министров проект закона, предусматривающий освобождение несовершеннолетних лиц от уплаты государственной пошлины по искам, возникающим в связи с самостоятельным осуществлением ими своих прав.
III. Расширение оказания проактивных государственных услуг
8. С 1 октября 2026 года внедряется практика автоматического внесения изменений в данные в информационных системах государственных органов, отображающих первичные данные физического лица, такие как фамилия, имя, отчество, дата рождения, путем межведомственного электронного взаимодействия, при изменении таких данных. При этом:
(а) орган юстиции, изменивший первичные данные, предоставляет уведомления государственным органам, работающим с этими данными, через платформу межведомственной интеграции системы «Электронное правительство» и вносит изменения в соответствующие документы в электронной форме без представления гражданами дополнительных заявлений;
(б) физическому лицу через Единый портал предоставляется справка об изменении его первичных данных в режиме реального времени;
(в) на основании справки об изменении первичных данных физического лица документы, удостоверяющие личность, переоформляются.
9. Утвердить Перечень данных, в которые автоматически вносятся изменения при изменении первичных данных, согласно приложению № 1 * .
10. Министерству юстиции совместно с Центральным банком, Министерством внутренних дел и Агентством по кадастру до 1 ноября 2026 года наладить снятие в проактивной форме запрета, наложенных на объекты недвижимости и автомототранспортные средства, при полном погашении кредитов.
IV. Регулирование отношений в сфере рекламы
11. Установить порядок, в соответствии с которым в целях усиления защиты прав граждан касательно рекламных звонков и уведомлений начиная с 1 ноября 2026 года:
(а) любые юридические и физические лица, предлагающие (рекламирующие) товары (работы, услуги) посредством SMS-уведомлений через средства мобильной связи, осуществляют данные действия (рекламу) только после получения письменного или электронного согласия лица;
(б) юридическим лицам, оказывающим услуги по рассылке рекламных звонков и SMS-уведомлений на средства мобильной связи, разрешается оказывать соответствующие услуги только после регистрации своих информационных систем в Государственном реестре баз персональных данных;
(в) запрещается распространение рекламных звонков и уведомлений через телекоммуникационные сети (мобильная связь) в период с 18.00 до 09.00;
(г) на операторов мобильной связи возлагается обязанность по полной или частичной блокировке распространяемых ими рекламных звонков и уведомлений по запросу абонента;
(д) несоблюдение требований, установленных в настоящем пункте, признается нарушением законодательства о рекламе и о персональных данных и является основанием для принятия соответствующих мер.
12. Комитету по развитию конкуренции и защите прав потребителей совместно с Центральным банком, а также заинтересованными министерствами и ведомствами до 1 сентября 2026 года внести в Кабинет Министров проект нормативно-правового акта, предусматривающий:
(а) обязательное включение в любой рекламе, касающейся кредитов, рассрочки, продажи в кредит («насия савдо») для физических лиц, информации о сумме переплаты по отношению к текущей стоимости товара (работы, услуги) и о его конечной стоимости;
(б) реклама финансовых услуг или информация рекламного характера о них не должна содержать гарантий или обещаний будущей эффективности рекламируемых услуг, если ее невозможно определить на момент заключения соответствующего договора.
V. Организация, обеспечение и контроль исполнения постановления
13. Утвердить План мер по совершенствованию государственных услуг и созданию дополнительных удобств для граждан согласно приложению № 2 * .
14. Министерству внутренних дел в срок до 1 декабря 2026 года разработать и утвердить в установленном порядке с учетом изучения передового зарубежного опыта перечень конкретной информации (свод информации), являющейся персональными данными.
15. Обеспечить безусловное и прямое практическое применение правила, установленного в пункте 2 настоящего постановления, с момента вступления в силу норм настоящего постановления, не дожидаясь принятия соответствующих актов законодательства и ведомственных указаний.
16. Министерству юстиции совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
17. Возложить на заместителя Премьер-министра Д.А. Кучкарова и министра юстиции А.Д. Ташкулова персональную ответственность за эффективную организацию исполнения настоящего постановления.
18. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
15 июля 2026 г.,
№ ПП- 265