📅 2026-yil 2-iyul · Vazirlik va idoralar hujjatlari · Suv xoʻjaligi vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 2 июль · Вазирлик ва идоралар ҳужжатлари · Сув хўжалиги вазири
Расмий матн. Расмий ҳужжат. Таҳририй изоҳлар киритилмаган.
📅 2 июля 2026 г. · Документы министерств и ведомств · Министр водного хозяйства
Официальный текст. Официальный документ. Редакционные примечания не включены.
📅 2 July 2026 · Ministry and agency documents · Suv xoʻjaligi vaziri
Official text. Official document. Editorial notes are not included.
ЎЗБЕКИСТОН РЕСПУБЛИКАСИ СУВ ХЎЖАЛИГИ ВАЗИРИНИНГ
буйруғи
НИЗОМ
КЎРСАТКИЧЛАРИ
Ер усти сувидан оқилона фойдаланиш ва сув истеъмоли қоидаларига риоя этилиши устидан назоратни амалга оширишда «Хавфни таҳлил қилиш» электрон тизимини жорий этиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2024 йил 14 ноябрдаги ПФ-184-сон «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги Фармони , Ўзбекистон Республикаси Вазирлар Маҳкамасининг 2022 йил 19 октябрдаги 611-сон «Назорат қилувчи органлар томонидан тадбиркорлик субъектлари фаолиятида давлат назоратини ташкил этиш бўйича қўшимча чора-тадбирлар тўғрисида»ги қарорига асосан буюраман:
1. Ер усти сувидан оқилона фойдаланиш ва сув истеъмоли қоидаларига риоя этилиши устидан назоратни амалга оширишда «Хавфни таҳлил қилиш» электрон тизимини жорий этиш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Ўзбекистон Республикаси Савдо-саноат палатаси билан келишилган.
3. Ушбу буйруқ расмий эълон қилинган кундан эътиборан уч ойдан кейин кучга киради.
Келишилди:
Ўзбекистон Республикаси сув хўжалиги вазирининг 2026 йил 2 июлдаги 01/30-3-сон буйруғига ИЛОВА
Ер усти сувидан оқилона фойдаланиш ва сув истеъмоли қоидаларига риоя этилиши устидан назоратни амалга оширишда «Хавфни таҳлил қилиш» электрон тизимини жорий этиш тартиби тўғрисидаги
Мазкур Низом ер усти сувидан оқилона фойдаланиш ва сув истеъмоли қоидаларига риоя этилиши устидан назоратни амалга оширишда «Хавфни таҳлил қилиш» электрон тизимини жорий этиш тартибини белгилайди.
1-боб. Умумий қоидалар
1. Мазкур Низомда қуйидаги асосий тушунчалардан фойдаланилади:
тадбиркорлик субъекти — белгиланган тартибда давлат рўйхатидан ўтган ҳамда тадбиркорлик фаолиятини амалга ошираётган юридик ва жисмоний шахслар;
текширув — тадбиркорлик субъекти томонидан фаолиятини тартибга солувчи қонунчиликка қай даражада риоя этилаётганлигини текшириш учун керакли материаллар, ҳужжатлар ёки уларнинг фаолиятига доир маълумотларни олиш ҳамда муайян ҳаракатларни амалга ошириш орқали Ўзбекистон Республикаси Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси (бундан буён матнда Инспекция деб юритилади) ваколати доирасида ўтказиладиган назорат тадбири;
«Хавфни таҳлил қилиш» электрон тизими — Инспекция томонидан ер усти сувидан оқилона фойдаланиш ва сув истеъмоли соҳасида аниқ мезонларга асосланиб, тадбиркорлик субъекти томонидан ўз фаолиятида қонунчилик бузилиш хавфи даражасини аниқлаш механизми.
2. Инспекция томонидан «Хавфни таҳлил қилиш» электрон тизими Ўзбекистон Республикаси Вазирлар Маҳкамасининг 2022 йил 19 октябрдаги 611-сон қарори билан тасдиқланган Назорат қилувчи органларнинг «хавфни таҳлил этиш» тизимларига қўйиладиган минимал талабларга мувофиқ ишлаб чиқилиши лозим.
Минимал талабларга зид бўлган «Хавфни таҳлил қилиш» электрон тизими тадбиркорлик субъектида текширув ўтказиш ташаббуси билан чиқишга асос бўлмайди.
3. «Хавфни таҳлил қилиш» электрон тизими асосида аниқланган ҳуқуқбузарлик хавфи қай даражада бўлишидан қатъи назар, тадбиркорлик субъектига нисбатан таъсир чораларини қўллашга асос бўла олмайди .
2-боб. Хавф даражасини таҳлил қилишга доир умумий талаблар
4. Тадбиркорлик субъектининг қонунни бузиш хавфи даражасини таҳлил қилиш жараёни тадбиркорлик субъекти фаолиятини тўхтатиб туриш, унга тўсқинлик қилиш ёки фаолиятини амалга оширишга тўғридан-тўғри аралашишни назарда тутувчи хатти-ҳаракатларни ўз ичига олмаслиги зарур .
5. Хавф даражасининг таҳлили қуйидаги маълумотларни ўрганиш асосида амалга оширилиши мумкин :
маъмурий маълумотлар (лицензия, рухсат этувчи ва давлат органларида мавжуд бошқа ҳужжатлар);
даврий статистика маълумотлари, жумладан, аввал ҳуқуқбузарлик ҳолатлари аниқланган тадбиркорлик субъектини умумлаштирувчи белгилар, хабарлар ва бошқа корреляцион таҳлил натижалари ;
юридик ва жисмоний шахслардан келиб тушган мурожаатлар ;
оммавий ахборот воситаларидан ёки бошқа ташқи манбалардан (ижтимоий тармоқлар, веб-сайтлар) олинган маълумотлар ;
қонунчиликда тақиқланмаган бошқа манбалардан ва тадбиркорлик субъектининг одатий фаолиятига бевосита ёки билвосита таъсир кўрсатмаган ҳолда, давлат органлари ва бошқа ташкилотлардан олиниши мумкин бўлган бошқа маълумотлар .
6. Хавф даражаси таҳлили жараёнида тадбиркорлик субъектидан ҳужжатлар ва ахборотлар талаб қилинишига йўл қўйилмайди .
7. Назорат ваколатига кирмайдиган тадбиркорлик субъектлари фаолиятини таҳлил қилиш ва баҳолаш тақиқланади .
3-боб. Хавф даражаси таснифи ва уларнинг мезонларига доир талаблар
8. «Хавфни таҳлил қилиш» электрон тизимида хавф даражасини баҳолаш ўрганиладиган маълумотлар асосида шакллантирилган мазкур Низомнинг иловасига мувофиқ Ер усти сувидан оқилона фойдаланиш ва сув истеъмоли соҳасида қонунчилик бузилиши хавфини аниқлаш кўрсаткичларига тадбиркорлик субъекти фаолиятининг мувофиқлигини «балл» тизими асосида баҳолаш орқали амалга оширилади.
9. Инспекция тадбиркорлик субъектларининг хавф даражасини баҳолаш учун мазкур Низомнинг иловасига мувофиқ Ер усти сувидан оқилона фойдаланиш ва сув истеъмоли соҳасида қонунчилик бузилиши хавфини аниқлаш кўрсаткичларини «Хавфни таҳлил қилиш» электрон тизимига киритади.
Бунда ташкилотларнинг хавф даражаси ушбу кўрсаткичлар бўйича мазкур Низомнинг 5-бандида кўрсатилган маълумотлардан фойдаланган ҳолда «Хавфни таҳлил қилиш» электрон тизимида автоматик равишда аниқланади.
10. «Хавфни таҳлил қилиш» электрон тизимида тадбиркорлик субъектлари фаолиятида ҳуқуқбузарлик содир этиш хавфи паст, ўрта ва юқори даражаларга таснифланади.
Бунда баҳолаш натижасида аниқланган хавф даражасининг умумий баллари асосида тадбиркорлик субъекти томонидан ҳуқуқбузарлик содир этиш хавфи қуйидаги уч хил тоифада таснифланади:
хавф даражаси юқори — баҳолаш натижалари бўйича 81 баллдан 100 баллгача бўлган балларни ташкил этувчи тадбиркорлик субъектлари;
хавф даражаси ўрта — баҳолаш натижалари бўйича 61 баллдан 81 баллгача бўлган балларни ташкил этувчи тадбиркорлик субъектлари;
хавф даражаси паст — баҳолаш натижалари бўйича 61 баллгача бўлган балларни ташкил этувчи тадбиркорлик субъектлари.
11. Баҳолаш натижаларига мувофиқ ҳуқуқбузарлик хавфи юқори ва ўрта таснифидаги тадбиркорлик субъектларида профилактика тадбирлари ва текширувларни ўтказиш амалдаги қонунчилик ҳужжатлари, жумладан Ўзбекистон Республикаси Президентининг 2024 йил 14 ноябрдаги ПФ-184-сон «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги Фармони , 2022 йил 13 сентябрдаги ПҚ-374-сон қарори билан тасдиқланган Назорат қилувчи органлар томонидан тадбиркорлик субъектлари фаолиятида текширувлар ва профилактика тадбирларини ўтказиш тартиби тўғрисидаги низом ва Ўзбекистон Республикаси Вазирлар Маҳкамасининг 2022 йил 19 октябрдаги 611-сон қарори билан тасдиқланган Назорат қилувчи органларнинг «хавфни таҳлил этиш» тизимларига қўйиладиган минимал талаблар асосида амалга оширилади.
Бунда тадбиркорлик субъектларида профилактика тадбирлари ва текширувлар фақатгина Инспекциянинг ваколатига кирадиган масалаларни ўрганиш мақсадида ўтказилади.
12. Хавф даражаси паст бўлган тадбиркорлик субъектлари фаолиятида текширувлар ўтказилмайди .
4-боб. Якуний қоидалар
13. Хавфни таҳлил этиш натижаларидан норози бўлган шахслар қонунчиликда белгиланган тартибда юқори турувчи органга ёки судга шикоят қилишга ҳақли.
14. Мазкур Низом талабларининг бузилишида айбдор бўлган шахслар белгиланган тартибда жавобгар бўладилар.
Ер усти сувидан оқилона фойдаланиш ва сув истеъмоли қоидаларига риоя этилиши устидан назоратни амалга оширишда «Хавфни таҳлил қилиш» электрон тизимини жорий этиш тартиби тўғрисидаги низомга ИЛОВА
Ер усти сувидан оқилона фойдаланиш ва сув истеъмоли соҳасида қонунчилик бузилиши хавфини аниқлаш
Т/р Хавф даражасини баҳолашнинг асосий кўрсаткичлари ва суб-кўрсаткичлари * Кўрсаткичларга қўйилиши мумкин бўлган баллар (максимал 100 балл) Ўтказилган таҳлил якунига кўра қўйилган баллар 1. Сувдан фойдаланишда сувнинг ҳисоби ва ҳисоботини юритиш тартибига риоя этмаслик 25 1.1. Сув олиш жойлари сувни бошқариш ва ҳисобга олиш воситалари билан жиҳозланмаганлиги 6 1.2. Сувни ҳисобга олиш воситалари билан жиҳозланган сув олиш жойларида сувнинг ҳисоби юритилмаганлиги 10 1.3. Ўзига тегишли сув хўжалиги объектлари ва улардаги иншоотларни техник жиҳатдан соз ҳолатда сақланмаганлиги, шунингдек, улардан фойдаланишнинг белгиланган қоидаларига риоя этилмаганлиги 2 1.4. Сувнинг кундалик ҳисоби журналлари белгиланган тартибда рўйхатдан ўтказилмаганлиги 3 1.5. Етказиб берилган сув бўйича «Сув ҳисоби» ахборот тизими орқали икки томонлама тузиладиган электрон далолатнома сувдан фойдаланувчи томонидан 10 кунлик муддатда кўриб чиқилмаганлиги ҳамда эътироз бўлмаганда тасдиқланмаганлиги 3 1.6. Олинган сувдан қандай мақсадларда ва қайси контурда фойдаланилаётганлиги тўғрисида белгиланган муддатларда сув етказиб берувчи ташкилотларга маълумот тақдим этилмаганлиги 1 2. Сувдан рухсат берувчи ҳужжатларсиз фойдаланиш 27 2.1. Сув олиш учун буюртманома берилмаганлиги 7 2.2. Сувдан фойдаланиш жадвали ишлаб чиқилмаганлиги ва тегишли сув етказиб берувчи ташкилот билан келишилмаганлиги 1 2.3. Сувдан фойдаланиш тўғрисидаги шартномасиз сувдан фойдаланилганлиги 7 2.4. Сувдан фойдаланиш тўғрисидаги шартнома «Сув ҳисоби» ахборот тизимида электрон шаклда тасдиқланмаганлиги 4 2.5. Сув объектларидан рухсатсиз ёки ў збошимчалик билан сув олинганлиги 6 2.6. Сув етказиб берувчи ташкилотлар билан келишилмаган ҳолда, сув узатилишини кўпайтириш ёки камайтириш мақсадида сув объектларидаги гидротехника иншоотларини ўзбошимчалик билан ўзгартириши, шунингдек уларга муваққат тўсиқларни, насос станцияларини, насосларни, сувни кўтарадиган ва сув оладиган бошқа иншоотларнинг ўрнатилганлиги 2 3. Сувлардан нооқилона фойдаланиш 20 3.1. Белгиланган сув олиш лимитларига риоя этилмаганлиги 7 3.2. Сувни тежаш имконини берадиган агротехника тадбирлари амалга оширилмаганлиги 2 3.3. Суғориш учун берилган сувлар (оқизиб юборилиши технологик жараёнда назарда тутилмаган бўлса) коллектор-дренаж тармоғига, сув объектларига ва жой релефига оқизиб юборилганлиги 5 3.4. Сув ресурсларидан нооқилона фойдаланилганлиги 5 3.5. Сувдан мақсадсиз фойдаланилишга йўл қўйилганлиги 1 4. Субсидия олиб жорий қилинган сувни тежайдиган суғориш технологияларидан мақсадли ва самарали фойдаланмаслик 15 4.1. Субсидия олиб жорий қилинган сувни тежайдиган суғориш технологияларидан беш йилдан кам бўлмаган муддатда мақсадли ва самарали фойдаланилмаганлиги 5 4.2. Сувни тежайдиган суғориш технологиялари жорий қилинган майдонга лойиҳада белгиланган экиндан бошқа экин жойлаштирилганда, ушбу экинни суғоришда мавжуд сувни тежайдиган суғориш технологияларидан тўлиқ фойдаланиш имкони бўлмаган тақдирда, унинг асосий қисмларидан фойдаланилмаганлиги 5 4.3. Субсидия олиб жорий қилинган сувни тежайдиган суғориш технологияларидан ёки унинг асосий қисмларидан мақсадли ва самарали фойдаланмаслик ҳолати тасдиқланиб, берилган огоҳлантириш хати бўйича субсидия белгиланган тартибда ихтиёрий қайтарилмаганлиги 1 4.4. Сувни тежайдиган суғориш технологияларини жорий қилиш бўйича субсидиянинг дастлабки 50 фоизи тўлаб берилганидан сўнг икки ой муддат ичида технологиялар ўрнатиб ишга туширилмаганлиги 1 4.5. Сувни тежайдиган суғориш технологиялари жорий қилинганда суғориш учун олинган сув ҳажми сув ўлчаш ускуналари орқали юритилмаг анлиги 3 5. Сувни ва сув объектларини муҳофаза қилиш, сувнинг зарарли таъсирининг олдини олиш бўйича белгиланган мажбурият, тартиб ва режимларга риоя этмаслик 13 5.1. Бошқа сувдан фойдаланувчиларнинг ҳуқуқлари ҳамда қонуний манфаатлари бузилишига, шунингдек сув хўжалиги объектларига ва табиий ресурсларга зарар етказилишига йўл қўйиш 2 5.2. Сув объектларининг сувни муҳофаза қилиш зоналарини, соҳил бўйи минтақаларини ва санитария муҳофазаси зоналарини сақлашнинг белгиланган режимига риоя этилмаган лиги 5 5.3. Сувларнинг ва сув объектларининг ҳолатига таъсир этадиган авариялар ҳамда бошқа табиий ва техноген хусусиятли фавқулодда вазиятлар юзага келганлиги тўғрисида ўзига хизмат кўрсатадиган сув етказиб берувчи ташкилотлар, маҳаллий ижро этувчи ҳокимият органлари ўз вақтида хабардор қилинмаганлиги 2 5.4. Сувларнинг ифлосланиши, булғаниши ва камайиб кетишининг олдини олиш ҳамда уларни бартараф этиш, сув объектларига сувларнинг зарарли таъсирини бартараф этиш чоралари кўрилмаганлиги 2 5.5. Оқова сувлар сув объектларига ва жой рельефига оқизиладиган жойларнинг автоматик равишда мониторинг қилиш воситалари билан жиҳозланмаганлиги 2 Жами баллар йиғиндиси 100
Вазир Ш. ХАМРАЕВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил А. БУРИЕВ
Савдо-саноат палатаси раиси Д. ВАХАБОВ
Тошкент ш.,
2026 йил 2 июль,
2026 йил 4 июнь
2026 йил 12 июнь
01/30-3-сон
OʻZBEKISTON RESPUBLIKASI SUV XOʻJALIGI VAZIRINING
buyrugʻi
NIZOM
KOʻRSATKICHLARI
Yer usti suvidan oqilona foydalanish va suv isteʼmoli qoidalariga rioya etilishi ustidan nazoratni amalga oshirishda “Xavfni tahlil qilish” elektron tizimini joriy etish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2024-yil 14-noyabrdagi PF-184-son “Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida”gi Farmoni , Oʻzbekiston Respublikasi Vazirlar Mahkamasining 2022-yil 19-oktabrdagi 611-son “Nazorat qiluvchi organlar tomonidan tadbirkorlik subyektlari faoliyatida davlat nazoratini tashkil etish boʻyicha qoʻshimcha chora-tadbirlar toʻgʻrisida”gi qaroriga asosan buyuraman:
1. Yer usti suvidan oqilona foydalanish va suv isteʼmoli qoidalariga rioya etilishi ustidan nazoratni amalga oshirishda “Xavfni tahlil qilish” elektron tizimini joriy etish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Savdo-sanoat palatasi bilan kelishilgan.
3. Ushbu buyruq rasmiy eʼlon qilingan kundan eʼtiboran uch oydan keyin kuchga kiradi.
Kelishildi:
Oʻzbekiston Respublikasi suv xoʻjaligi vazirining 2026-yil 2-iyuldagi 01/30-3-son buyrugʻiga ILOVA
Yer usti suvidan oqilona foydalanish va suv isteʼmoli qoidalariga rioya etilishi ustidan nazoratni amalga oshirishda “Xavfni tahlil qilish” elektron tizimini joriy etish tartibi toʻgʻrisidagi
Mazkur Nizom yer usti suvidan oqilona foydalanish va suv isteʼmoli qoidalariga rioya etilishi ustidan nazoratni amalga oshirishda “Xavfni tahlil qilish” elektron tizimini joriy etish tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalardan foydalaniladi:
tadbirkorlik subyekti — belgilangan tartibda davlat roʻyxatidan oʻtgan hamda tadbirkorlik faoliyatini amalga oshirayotgan yuridik va jismoniy shaxslar;
tekshiruv — tadbirkorlik subyekti tomonidan faoliyatini tartibga soluvchi qonunchilikka qay darajada rioya etilayotganligini tekshirish uchun kerakli materiallar, hujjatlar yoki ularning faoliyatiga doir maʼlumotlarni olish hamda muayyan harakatlarni amalga oshirish orqali Oʻzbekiston Respublikasi Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi (bundan buyon matnda Inspeksiya deb yuritiladi) vakolati doirasida oʻtkaziladigan nazorat tadbiri;
“Xavfni tahlil qilish” elektron tizimi — Inspeksiya tomonidan yer usti suvidan oqilona foydalanish va suv isteʼmoli sohasida aniq mezonlarga asoslanib, tadbirkorlik subyekti tomonidan oʻz faoliyatida qonunchilik buzilish xavfi darajasini aniqlash mexanizmi.
2. Inspeksiya tomonidan “Xavfni tahlil qilish” elektron tizimi Oʻzbekiston Respublikasi Vazirlar Mahkamasining 2022-yil 19-oktabrdagi 611-son qarori bilan tasdiqlangan Nazorat qiluvchi organlarning “xavfni tahlil etish” tizimlariga qoʻyiladigan minimal talablarga muvofiq ishlab chiqilishi lozim.
Minimal talablarga zid boʻlgan “Xavfni tahlil qilish” elektron tizimi tadbirkorlik subyektida tekshiruv oʻtkazish tashabbusi bilan chiqishga asos boʻlmaydi.
3. “Xavfni tahlil qilish” elektron tizimi asosida aniqlangan huquqbuzarlik xavfi qay darajada boʻlishidan qatʼi nazar, tadbirkorlik subyektiga nisbatan taʼsir choralarini qoʻllashga asos boʻla olmaydi .
2-bob. Xavf darajasini tahlil qilishga doir umumiy talablar
4. Tadbirkorlik subyektining qonunni buzish xavfi darajasini tahlil qilish jarayoni tadbirkorlik subyekti faoliyatini toʻxtatib turish, unga toʻsqinlik qilish yoki faoliyatini amalga oshirishga toʻgʻridan-toʻgʻri aralashishni nazarda tutuvchi xatti-harakatlarni oʻz ichiga olmasligi zarur .
5. Xavf darajasining tahlili quyidagi maʼlumotlarni oʻrganish asosida amalga oshirilishi mumkin :
maʼmuriy maʼlumotlar (litsenziya, ruxsat etuvchi va davlat organlarida mavjud boshqa hujjatlar);
davriy statistika maʼlumotlari, jumladan, avval huquqbuzarlik holatlari aniqlangan tadbirkorlik subyektini umumlashtiruvchi belgilar, xabarlar va boshqa korrelyatsion tahlil natijalari ;
yuridik va jismoniy shaxslardan kelib tushgan murojaatlar ;
ommaviy axborot vositalaridan yoki boshqa tashqi manbalardan (ijtimoiy tarmoqlar, veb-saytlar) olingan maʼlumotlar ;
qonunchilikda taqiqlanmagan boshqa manbalardan va tadbirkorlik subyektining odatiy faoliyatiga bevosita yoki bilvosita taʼsir koʻrsatmagan holda, davlat organlari va boshqa tashkilotlardan olinishi mumkin boʻlgan boshqa maʼlumotlar .
6. Xavf darajasi tahlili jarayonida tadbirkorlik subyektidan hujjatlar va axborotlar talab qilinishiga yoʻl qoʻyilmaydi .
7. Nazorat vakolatiga kirmaydigan tadbirkorlik subyektlari faoliyatini tahlil qilish va baholash taqiqlanadi .
3-bob. Xavf darajasi tasnifi va ularning mezonlariga doir talablar
8. “Xavfni tahlil qilish” elektron tizimida xavf darajasini baholash oʻrganiladigan maʼlumotlar asosida shakllantirilgan mazkur Nizomning ilovasiga muvofiq Yer usti suvidan oqilona foydalanish va suv isteʼmoli sohasida qonunchilik buzilishi xavfini aniqlash koʻrsatkichlariga tadbirkorlik subyekti faoliyatining muvofiqligini “ball” tizimi asosida baholash orqali amalga oshiriladi.
9. Inspeksiya tadbirkorlik subyektlarining xavf darajasini baholash uchun mazkur Nizomning ilovasiga muvofiq Yer usti suvidan oqilona foydalanish va suv isteʼmoli sohasida qonunchilik buzilishi xavfini aniqlash koʻrsatkichlarini “Xavfni tahlil qilish” elektron tizimiga kiritadi.
Bunda tashkilotlarning xavf darajasi ushbu koʻrsatkichlar boʻyicha mazkur Nizomning 5-bandida koʻrsatilgan maʼlumotlardan foydalangan holda “Xavfni tahlil qilish” elektron tizimida avtomatik ravishda aniqlanadi.
10. “Xavfni tahlil qilish” elektron tizimida tadbirkorlik subyektlari faoliyatida huquqbuzarlik sodir etish xavfi past, oʻrta va yuqori darajalarga tasniflanadi.
Bunda baholash natijasida aniqlangan xavf darajasining umumiy ballari asosida tadbirkorlik subyekti tomonidan huquqbuzarlik sodir etish xavfi quyidagi uch xil toifada tasniflanadi:
xavf darajasi yuqori — baholash natijalari boʻyicha 81 balldan 100 ballgacha boʻlgan ballarni tashkil etuvchi tadbirkorlik subyektlari;
xavf darajasi oʻrta — baholash natijalari boʻyicha 61 balldan 81 ballgacha boʻlgan ballarni tashkil etuvchi tadbirkorlik subyektlari;
xavf darajasi past — baholash natijalari boʻyicha 61 ballgacha boʻlgan ballarni tashkil etuvchi tadbirkorlik subyektlari.
11. Baholash natijalariga muvofiq huquqbuzarlik xavfi yuqori va oʻrta tasnifidagi tadbirkorlik subyektlarida profilaktika tadbirlari va tekshiruvlarni oʻtkazish amaldagi qonunchilik hujjatlari, jumladan Oʻzbekiston Respublikasi Prezidentining 2024-yil 14-noyabrdagi PF-184-son “Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida”gi Farmoni , 2022-yil 13-sentabrdagi PQ-374-son qarori bilan tasdiqlangan Nazorat qiluvchi organlar tomonidan tadbirkorlik subyektlari faoliyatida tekshiruvlar va profilaktika tadbirlarini oʻtkazish tartibi toʻgʻrisidagi nizom va Oʻzbekiston Respublikasi Vazirlar Mahkamasining 2022-yil 19-oktabrdagi 611-son qarori bilan tasdiqlangan Nazorat qiluvchi organlarning “xavfni tahlil etish” tizimlariga qoʻyiladigan minimal talablar asosida amalga oshiriladi.
Bunda tadbirkorlik subyektlarida profilaktika tadbirlari va tekshiruvlar faqatgina Inspeksiyaning vakolatiga kiradigan masalalarni oʻrganish maqsadida oʻtkaziladi.
12. Xavf darajasi past boʻlgan tadbirkorlik subyektlari faoliyatida tekshiruvlar oʻtkazilmaydi .
4-bob. Yakuniy qoidalar
13. Xavfni tahlil etish natijalaridan norozi boʻlgan shaxslar qonunchilikda belgilangan tartibda yuqori turuvchi organga yoki sudga shikoyat qilishga haqli.
14. Mazkur Nizom talablarining buzilishida aybdor boʻlgan shaxslar belgilangan tartibda javobgar boʻladilar.
Yer usti suvidan oqilona foydalanish va suv isteʼmoli qoidalariga rioya etilishi ustidan nazoratni amalga oshirishda “Xavfni tahlil qilish” elektron tizimini joriy etish tartibi toʻgʻrisidagi nizomga ILOVA
Yer usti suvidan oqilona foydalanish va suv isteʼmoli sohasida qonunchilik buzilishi xavfini aniqlash
T/r Xavf darajasini baholashning asosiy koʻrsatkichlari va sub-koʻrsatkichlari * Koʻrsatkichlarga qoʻyilishi mumkin boʻlgan ballar (maksimal 100 ball) Oʻtkazilgan tahlil yakuniga koʻra qoʻyilgan ballar 1. Suvdan foydalanishda suvning hisobi va hisobotini yuritish tartibiga rioya etmaslik 25 1.1. Suv olish joylari suvni boshqarish va hisobga olish vositalari bilan jihozlanmaganligi 6 1.2. Suvni hisobga olish vositalari bilan jihozlangan suv olish joylarida suvning hisobi yuritilmaganligi 10 1.3. Oʻziga tegishli suv xoʻjaligi obyektlari va ulardagi inshootlarni texnik jihatdan soz holatda saqlanmaganligi, shuningdek, ulardan foydalanishning belgilangan qoidalariga rioya etilmaganligi 2 1.4. Suvning kundalik hisobi jurnallari belgilangan tartibda roʻyxatdan oʻtkazilmaganligi 3 1.5. Yetkazib berilgan suv boʻyicha “Suv hisobi” axborot tizimi orqali ikki tomonlama tuziladigan elektron dalolatnoma suvdan foydalanuvchi tomonidan 10 kunlik muddatda koʻrib chiqilmaganligi hamda eʼtiroz boʻlmaganda tasdiqlanmaganligi 3 1.6. Olingan suvdan qanday maqsadlarda va qaysi konturda foydalanilayotganligi toʻgʻrisida belgilangan muddatlarda suv yetkazib beruvchi tashkilotlarga maʼlumot taqdim etilmaganligi 1 2. Suvdan ruxsat beruvchi hujjatlarsiz foydalanish 27 2.1. Suv olish uchun buyurtmanoma berilmaganligi 7 2.2. Suvdan foydalanish jadvali ishlab chiqilmaganligi va tegishli suv yetkazib beruvchi tashkilot bilan kelishilmaganligi 1 2.3. Suvdan foydalanish toʻgʻrisidagi shartnomasiz suvdan foydalanilganligi 7 2.4. Suvdan foydalanish toʻgʻrisidagi shartnoma “Suv hisobi” axborot tizimida elektron shaklda tasdiqlanmaganligi 4 2.5. Suv obyektlaridan ruxsatsiz yoki oʻ zboshimchalik bilan suv olinganligi 6 2.6. Suv yetkazib beruvchi tashkilotlar bilan kelishilmagan holda, suv uzatilishini koʻpaytirish yoki kamaytirish maqsadida suv obyektlaridagi gidrotexnika inshootlarini oʻzboshimchalik bilan oʻzgartirishi, shuningdek ularga muvaqqat toʻsiqlarni, nasos stansiyalarini, nasoslarni, suvni koʻtaradigan va suv oladigan boshqa inshootlarning oʻrnatilganligi 2 3. Suvlardan nooqilona foydalanish 20 3.1. Belgilangan suv olish limitlariga rioya etilmaganligi 7 3.2. Suvni tejash imkonini beradigan agrotexnika tadbirlari amalga oshirilmaganligi 2 3.3. Sugʻorish uchun berilgan suvlar (oqizib yuborilishi texnologik jarayonda nazarda tutilmagan boʻlsa) kollektor-drenaj tarmogʻiga, suv obyektlariga va joy relefiga oqizib yuborilganligi 5 3.4. Suv resurslaridan nooqilona foydalanilganligi 5 3.5. Suvdan maqsadsiz foydalanilishga yoʻl qoʻyilganligi 1 4. Subsidiya olib joriy qilingan suvni tejaydigan sugʻorish texnologiyalaridan maqsadli va samarali foydalanmaslik 15 4.1. Subsidiya olib joriy qilingan suvni tejaydigan sugʻorish texnologiyalaridan besh yildan kam boʻlmagan muddatda maqsadli va samarali foydalanilmaganligi 5 4.2. Suvni tejaydigan sugʻorish texnologiyalari joriy qilingan maydonga loyihada belgilangan ekindan boshqa ekin joylashtirilganda, ushbu ekinni sugʻorishda mavjud suvni tejaydigan sugʻorish texnologiyalaridan toʻliq foydalanish imkoni boʻlmagan taqdirda, uning asosiy qismlaridan foydalanilmaganligi 5 4.3. Subsidiya olib joriy qilingan suvni tejaydigan sugʻorish texnologiyalaridan yoki uning asosiy qismlaridan maqsadli va samarali foydalanmaslik holati tasdiqlanib, berilgan ogohlantirish xati boʻyicha subsidiya belgilangan tartibda ixtiyoriy qaytarilmaganligi 1 4.4. Suvni tejaydigan sugʻorish texnologiyalarini joriy qilish boʻyicha subsidiyaning dastlabki 50 foizi toʻlab berilganidan soʻng ikki oy muddat ichida texnologiyalar oʻrnatib ishga tushirilmaganligi 1 4.5. Suvni tejaydigan sugʻorish texnologiyalari joriy qilinganda sugʻorish uchun olingan suv hajmi suv oʻlchash uskunalari orqali yuritilmag anligi 3 5. Suvni va suv obyektlarini muhofaza qilish, suvning zararli taʼsirining oldini olish boʻyicha belgilangan majburiyat, tartib va rejimlarga rioya etmaslik 13 5.1. Boshqa suvdan foydalanuvchilarning huquqlari hamda qonuniy manfaatlari buzilishiga, shuningdek suv xoʻjaligi obyektlariga va tabiiy resurslarga zarar yetkazilishiga yoʻl qoʻyish 2 5.2. Suv obyektlarining suvni muhofaza qilish zonalarini, sohil boʻyi mintaqalarini va sanitariya muhofazasi zonalarini saqlashning belgilangan rejimiga rioya etilmagan ligi 5 5.3. Suvlarning va suv obyektlarining holatiga taʼsir etadigan avariyalar hamda boshqa tabiiy va texnogen xususiyatli favqulodda vaziyatlar yuzaga kelganligi toʻgʻrisida oʻziga xizmat koʻrsatadigan suv yetkazib beruvchi tashkilotlar, mahalliy ijro etuvchi hokimiyat organlari oʻz vaqtida xabardor qilinmaganligi 2 5.4. Suvlarning ifloslanishi, bulgʻanishi va kamayib ketishining oldini olish hamda ularni bartaraf etish, suv obyektlariga suvlarning zararli taʼsirini bartaraf etish choralari koʻrilmaganligi 2 5.5. Oqova suvlar suv obyektlariga va joy relyefiga oqiziladigan joylarning avtomatik ravishda monitoring qilish vositalari bilan jihozlanmaganligi 2 Jami ballar yigʻindisi 100
Vazir SH. XAMRAYEV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil A. BURIYEV
Savdo-sanoat palatasi raisi D. VAXABOV
Toshkent sh.,
2026-yil 2-iyul,
2026-yil 4-iyun
2026-yil 12-iyun
01/30-3-son