📅 2026-yil 20-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 20 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 июля 2026 г. · Указы Президента
Официальный текст. Официальный документ. Редакционные примечания не включены.
📅 20 July 2026 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
Ўзбекистон Республикаси Президентининг айрим ҳужжатларига иқтидорли ўқувчиларни қўллаб-қувватлашни такомиллаштиришга қаратилган ўзгартириш ва қўшимчалар киритиш тўғрисида
Президент, ижод ва ихтисослаштирилган мактаблар тармоғини кенгайтириш ва моддий-техника базасини мустаҳкамлаш, уларнинг иқтидорли ёшларни аниқлаш, танлаш, ўқитиш ва тарбиялаш тизимини такомиллаштириш борасидаги фаолиятини давом эттиришлари учун янада қулай шарт-шароитлар яратиш мақсадида қарор қиламан:
1. Ўзбекистон Республикаси Президентининг айрим ҳужжатларига иловага мувофиқ Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси (кейинги ўринларда — Жамғарма) фаолиятини такомиллаштириш ва Жамғарма маблағларини шакллантириш манбаларини кенгайтиришни назарда тутувчи ўзгартириш ва қўшимчалар киритилсин.
2. Белгилансинки, 2026 йилда Жамғарма даромадлари республика бюджетининг II чорак якуни бўйича даромадлар режасининг орттириб бажарилган қисми ҳисобидан 100 млрд сўм ҳамда Жамғарма Васийлик кенгашининг қарорига асосан вазирлик ва идораларнинг бюджетдан ташқари маблағлари ҳисобидан тегишли маблағларни йўналтириш орқали шакллантирилади.
3. Иқтисодиёт ва молия вазирлиги 2027 йилдан бошлаб Мактабгача ва мактаб таълими вазирлигининг асосланган ҳисоб-китоблари ҳамда вазирлик ва идоралар томонидан ажратилиши кутилаётган маблағларни инобатга олган ҳолда, Давлат бюджети параметрларида Жамғарма маблағларини шакллантириш учун зарур маблағларни назарда тутсин.
4. Ушбу Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 20 июлдаги ПФ-138-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 9 сентябрдаги «Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигини ташкил этиш тўғрисида»ги ПФ-5815-сон Фармонининг 6-бандида :
(а) қуйидаги мазмундаги иккинчи ва учинчи хатбошилар билан тўлдирилсин:
«Ўзбекистон Республикаси Давлат бюджети маблағлари;
Жамғарма Васийлик кенгашининг қарорига асосан вазирлик ва идораларнинг бюджетдан ташқари маблағлари ҳисобидан йўналтириладиган тегишли маблағлар»;
(б) иккинчи — ўн учинчи хатбошилар тегишинча тўртинчи — ўн бешинчи хатбошилар деб ҳисоблансин;
(в) олтинчи хатбоши қуйидаги таҳрирда баён этилсин:
«Жамғарманинг вақтинча бўш маблағларини банк депозитлари шаклида ва бошқа шаклларда жойлаштиришдан олинган даромадлар».
2. Ўзбекистон Республикаси Президентининг 2024 йил 30 сентябрдаги «Мактабгача таълим сифати ва самарадорлигини янада ошириш бўйича қўшимча чора-тадбирлар тўғрисида»ги ПФ-152-сон Фармонида :
(а) 1-банднинг «б» кичик банди биринчи хатбошисидаги «2026/2027 ўқув йилидан» сўзлари «2027/2028 ўқув йилидан» сўзлари билан алмаштирилсин;
(б) 1-илованинг 15-позициясида:
(i) «Ижро муддати» устунидаги «2026/2027 ўқув йилидан» сўзлари «2027/2028 ўқув йилидан» сўзлари билан алмаштирилсин;
(ii) «Масъул ижрочилар» устунидаги «(Х. Умарова)» сўзлари «(Э. Каримова)» сўзлари билан алмаштирилсин.
3. Ўзбекистон Республикаси Президентининг 2025 йил 15 майдаги ПФ-86-сон Фармони билан тасдиқланган «Президент иқтидорли фарзандлари» ташаббусини амалга ошириш бўйича « йўл харитаси »нинг 12-позициясида:
(а) «Амалга ошириш ва натижаларга эришиш механизмлари» устуни 3-банди қуйидаги таҳрирда баён этилсин:
«3. Қисқа муддатли ўқув курсларга жалб этиладиган ходимлар ва ўқувчиларни келиб-кетишлари учун транспорт, турар-жой, иссиқ овқат, қўриқлаш хизмати, офис жиҳозлари ҳамда бошқа воситалар билан таъминлаш»;
(б) «Масъул ижрочилар» устунидаги «(Х. Умарова)» сўзлари «(Э. Каримова)» сўзлари билан алмаштирилсин.
4. Ўзбекистон Республикаси Президентининг 2021 йил 19 июлдаги «Президент, ижод ва ихтисослаштирилган мактаблар фаолиятини янада такомиллаштириш бўйича қўшимча чора-тадбирлар тўғрисида»ги ПҚ-5188-сон қарори 2-бандининг иккинчи хатбошиси қуйидаги таҳрирда баён этилсин:
«Белгилаб қўйилсинки, вазирлик ва идораларнинг Жамғармага йўналтириладиган бюджетдан ташқари маблағлар миқдорлари ҳамда Жамғарманинг даромадлар ва харажатлар сметаси Васийлик кенгаши томонидан тасдиқланади».
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 20 июль,
ПФ-138-сон
OʻZBEKISTON RESPUBLIKASI PREZIDENTINING
FARMONI
Oʻzbekiston Respublikasi Prezidentining ayrim hujjatlariga iqtidorli oʻquvchilarni qoʻllab-quvvatlashni takomillashtirishga qaratilgan oʻzgartirish va qoʻshimchalar kiritish toʻgʻrisida
Prezident, ijod va ixtisoslashtirilgan maktablar tarmogʻini kengaytirish va moddiy-texnika bazasini mustahkamlash, ularning iqtidorli yoshlarni aniqlash, tanlash, oʻqitish va tarbiyalash tizimini takomillashtirish borasidagi faoliyatini davom ettirishlari uchun yanada qulay shart-sharoitlar yaratish maqsadida qaror qilaman:
1. Oʻzbekiston Respublikasi Prezidentining ayrim hujjatlariga ilovaga muvofiq Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi (keyingi oʻrinlarda — Jamgʻarma) faoliyatini takomillashtirish va Jamgʻarma mablagʻlarini shakllantirish manbalarini kengaytirishni nazarda tutuvchi oʻzgartirish va qoʻshimchalar kiritilsin.
2. Belgilansinki, 2026-yilda Jamgʻarma daromadlari respublika budjetining II chorak yakuni boʻyicha daromadlar rejasining orttirib bajarilgan qismi hisobidan 100 mlrd soʻm hamda Jamgʻarma Vasiylik kengashining qaroriga asosan vazirlik va idoralarning budjetdan tashqari mablagʻlari hisobidan tegishli mablagʻlarni yoʻnaltirish orqali shakllantiriladi.
3. Iqtisodiyot va moliya vazirligi 2027-yildan boshlab Maktabgacha va maktab taʼlimi vazirligining asoslangan hisob-kitoblari hamda vazirlik va idoralar tomonidan ajratilishi kutilayotgan mablagʻlarni inobatga olgan holda, Davlat budjeti parametrlarida Jamgʻarma mablagʻlarini shakllantirish uchun zarur mablagʻlarni nazarda tutsin.
4. Ushbu Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 20-iyuldagi PF-138-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 9-sentabrdagi “Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligini tashkil etish toʻgʻrisida”gi PF-5815-son Farmonining 6-bandida :
(a) quyidagi mazmundagi ikkinchi va uchinchi xatboshilar bilan toʻldirilsin:
“Oʻzbekiston Respublikasi Davlat budjeti mablagʻlari;
Jamgʻarma Vasiylik kengashining qaroriga asosan vazirlik va idoralarning budjetdan tashqari mablagʻlari hisobidan yoʻnaltiriladigan tegishli mablagʻlar”;
(b) ikkinchi — oʻn uchinchi xatboshilar tegishincha toʻrtinchi — oʻn beshinchi xatboshilar deb hisoblansin;
(v) oltinchi xatboshi quyidagi tahrirda bayon etilsin:
“Jamgʻarmaning vaqtincha boʻsh mablagʻlarini bank depozitlari shaklida va boshqa shakllarda joylashtirishdan olingan daromadlar”.
2. Oʻzbekiston Respublikasi Prezidentining 2024-yil 30-sentabrdagi “Maktabgacha taʼlim sifati va samaradorligini yanada oshirish boʻyicha qoʻshimcha chora-tadbirlar toʻgʻrisida”gi PF-152-son Farmonida :
(a) 1-bandning “b” kichik bandi birinchi xatboshisidagi “2026/2027 oʻquv yilidan” soʻzlari “2027/2028 oʻquv yilidan” soʻzlari bilan almashtirilsin;
(b) 1-ilovaning 15-pozitsiyasida:
(i) “Ijro muddati” ustunidagi “2026/2027 oʻquv yilidan” soʻzlari “2027/2028 oʻquv yilidan” soʻzlari bilan almashtirilsin;
(ii) “Masʼul ijrochilar” ustunidagi “(X. Umarova)” soʻzlari “(E. Karimova)” soʻzlari bilan almashtirilsin.
3. Oʻzbekiston Respublikasi Prezidentining 2025-yil 15-maydagi PF-86-son Farmoni bilan tasdiqlangan “Prezident iqtidorli farzandlari” tashabbusini amalga oshirish boʻyicha “ yoʻl xaritasi ”ning 12-pozitsiyasida:
(a) “Amalga oshirish va natijalarga erishish mexanizmlari” ustuni 3-bandi quyidagi tahrirda bayon etilsin:
“3. Qisqa muddatli oʻquv kurslarga jalb etiladigan xodimlar va oʻquvchilarni kelib-ketishlari uchun transport, turar-joy, issiq ovqat, qoʻriqlash xizmati, ofis jihozlari hamda boshqa vositalar bilan taʼminlash”;
(b) “Masʼul ijrochilar” ustunidagi “(X. Umarova)” soʻzlari “(E. Karimova)” soʻzlari bilan almashtirilsin.
4. Oʻzbekiston Respublikasi Prezidentining 2021-yil 19-iyuldagi “Prezident, ijod va ixtisoslashtirilgan maktablar faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-5188-son qarori 2-bandining ikkinchi xatboshisi quyidagi tahrirda bayon etilsin:
“Belgilab qoʻyilsinki, vazirlik va idoralarning Jamgʻarmaga yoʻnaltiriladigan budjetdan tashqari mablagʻlar miqdorlari hamda Jamgʻarmaning daromadlar va xarajatlar smetasi Vasiylik kengashi tomonidan tasdiqlanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 20-iyul,
PF-138-son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О внесении изменений и дополнений в некоторые акты Президента Республики Узбекистан, направленных на совершенствование поддержки одаренных учащихся
В целях расширения сети Президентских, творческих и специализированных школ и укрепления их материально-технической базы, создания более благоприятных условий для продолжения ими деятельности по совершенствованию системы выявления, отбора, обучения и воспитания одаренной молодежи постановляю:
1. Внести изменения и дополнения в некоторые акты Президента Республики Узбекистан, предусматривающие совершенствование деятельности Фонда поддержки одаренной молодежи при Агентстве специализированных образовательных учреждений (далее — Фонд) и расширение источников формирования средств Фонда, согласно приложению .
2. Определить, что доходы Фонда в 2026 году формируются за счет перевыполненной части плана доходов республиканского бюджета по итогам II квартала в размере 100 млрд сумов, а также путем направления соответствующих средств из внебюджетных средств министерств и ведомств на основании решения Попечительского совета Фонда.
3. Министерству экономики и финансов начиная с 2027 года с учетом обоснованных расчетов Министерства дошкольного и школьного образования и средств, ожидаемых к выделению министерствами и ведомствами, предусмотреть в параметрах Государственного бюджета необходимые средства для формирования средств Фонда.
4. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 20 июля 2026 года № УП-138
Изменения и дополнения, вносимые в некоторые акты Президента Республики Узбекистан
1. В пункте 6 Указа Президента Республики Узбекистан от 9 сентября 2019 года № УП-5815 «Об образовании Агентства специализированных образовательных учреждений при Министерстве дошкольного и школьного образования Республики Узбекистан»:
(а) дополнить абзацами вторым и третьим следующего содержания:
«средства Государственного бюджета Республики Узбекистан;
соответствующие средства, направляемые за счет внебюджетных средств министерств и ведомств на основании решения Попечительского совета Фонда»;
(б) абзацы второй — тринадцатый считать соответственно абзацами четвертым — пятнадцатым;
(в) абзац шестой изложить в следующей редакции:
«доходы, получаемые от размещения временно свободных средств Фонда в форме банковских депозитов и в других формах».
2. В Указе Президента Республики Узбекистан от 30 сентября 2024 года № УП-152 «О дополнительных мерах по дальнейшему повышению качества и эффективности дошкольного образования»:
(а) в абзаце первом подпункта «б» пункта 1 слова «с 2026/2027 учебного года» заменить словами «с 2027/2028 учебного года»;
(б) в позиции 15 приложения № 1 :
(i) в графе «Сроки исполнения» слова «С 2026/2027 учебного года» заменить словами «С 2027/2028 учебного года»;
(ii) в графе «Ответственные исполнители» слова «Х. Умарова» заменить словами «Э. Каримова».
3. Текст на государственном языке позиции 12 «Дорожной карты» по реализации инициативы «Одаренные дети Президента», утвержденной Указом Президента Республики Узбекистан от 15 мая 2025 года № УП-86:
(а) пункт 3 графы «Амалга ошириш ва натижаларга эришиш механизмлари» изложить в следующей редакции:
«3. Қисқа муддатли ўқув курсларга жалб этиладиган ходимлар ва ўқувчиларни келиб-кетишлари учун транспорт, турар-жой, иссиқ овқат, қўриқлаш хизмати, офис жиҳозлари ҳамда бошқа воситалар билан таъминлаш»;
(б) в графе «Масъул ижрочилар» слова «Х. Умарова» заменить словами «Э. Каримова».
4. Абзац второй пункта 2 постановления Президента Республики Узбекистан от 19 июля 2021 года № ПП-5188 «О дополнительных мерах по дальнейшему совершенствованию деятельности Президентских, творческих и специализированных школ» изложить в следующей редакции:
«Определить, что размеры внебюджетных средств министерств и ведомств, направляемых в Фонд, а также смета доходов и расходов Фонда утверждаются Попечительским советом».
Президент Республики Узбекистан Ш. МИРЗИЁЕВ
г. Ташкент,
20 июля 2026 г.,
№ УП-138