📅 2026-yil 23-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 23 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 июля 2026 г. · Постановления Президента
Официальный текст. Официальный документ. Редакционные примечания не включены.
📅 23 July 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Паррандачилик соҳасини кўллаб-қувватлаш бўйича қўшимча чора-тадбирлар тўғрисида
Паррандачилик маҳсулотларини ишлаб чиқариш ҳажмини ошириш, қайта ишлаш қувватларини кенгайтириш ҳамда инвестиция лойиҳаларини молиявий қўллаб-қувватлаш мақсадида қарор қиламан:
I. Паррандачилик лойиҳаларини молиявий қўллаб-қувватлаш
1. Тикланиш ва тараққиёт жамғармасидан 2026-2027 йилларда «Микрокредитбанк» АТБга 10 йил муддатга, 4 йиллик имтиёзли давр билан йиллик 6 фоиз ставкада миллий валютада 105 миллион АҚШ долларига тенг эквивалентда маблағлар босқичма-босқич йўналтирилсин.
2. Белгилансинки, 2026 йил 1 августдан бошлаб мазкур қарорнинг 1-бандидаги ресурслар ҳисобидан паррандачилик маҳсулотларини ишлаб чиқариш янги қувватларини (лойиҳаларни) ишга туширишга ҳамда Ўзбекистон Республикаси Президентининг 2024 йил 27 июндаги ПҚ-238-сон қарорига мувофиқ «тайёр бизнес» лойиҳаларига «Микрокредитбанк» АТБ орқали йиллик 10 фоиз ставкада (шундан 4 фоиз банк маржаси) 4 йиллик имтиёзли давр билан 10 йилгача муддатга кредитлар ажратилади.
3. Шундай тартиб ўрнатилсинки, унга кўра паррандачилик хўжаликлари, парранда омухта еми ишлаб чиқарувчи тадбиркорлик субъектлари ҳамда «тайёр бизнес» лойиҳаларини молиялаштириш учун Тикланиш ва тараққиёт жамғармасидан «Микрокредитбанк» АТБга йўналтирилган маблағлар ҳисобидан кредитлар 2026 йил 1 сентябрдан бошлаб 10 фоиз ставкада ажратилади. Бунда ушбу бандда назарда тутилган шартлар фақатгина янги расмийлаштириладиган кредит шартномаларига нисбатан татбиқ этилади.
II. Қарор ижросини ташкил этиш, таъминлаш ва назорат
4. Ўзбекистон Республикаси Президентининг 2026 йил 12 майдаги «Чорвачилик тармоғи ва яйлов хўжалигини замонавий бошқарув тизими ва янгича ёндашувлар асосида ривожлантириш чора-тадбирлари тўғрисида»ги ПҚ-179-сон қарорига иловага мувофиқ ўзгартиришлар киритилсин.
5. Мазкур қарор ижросини самарали ташкил қилишга масъул ва шахсан жавобгар этиб Чорвачилик ва яйлов хўжалигини ривожлантириш агентлиги директори О.А. Бўтаев белгилансин.
6. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2026 йил 23 июлдаги ПҚ-274-сон қарорига ИЛОВА
Ўзбекистон Республикаси Президентининг 2026 йил 12 майдаги «Чорвачилик тармоғи ва яйлов хўжалигини замонавий бошқарув тизими ва янгича ёндашувлар асосида ривожлантириш чора-тадбирлари тўғрисида»ги ПҚ-179-сон қарорига киритилаётган ўзгартиришлар
1. 9-банднинг «г» кичик банди қуйидаги таҳрирда баён этилсин:
«(г) чорвачилик йўналишида (барча тармоқлар) давлат қарзи ҳисобидан жалб қилинган халқаро молия институтларининг кредит маблағлари тадбиркорлик субъектларига йиллик 10 фоиз ставкада ажратилади. Бунда:
(i) Иқтисодиёт ва молия вазирлиги томонидан миллий валютада бериладиган кредитлар лойиҳаларда иштирок этувчи тижорат банкларига йиллик 7 фоиз ставкада ажратилади. Чет эл валютасининг миллий валютага нисбатан курси ўзгариши натижасида юзага келадиган молиявий йўқотишлар Ўзбекистон Республикасининг республика бюджетидан қопланади;
(ii) миллий валютада бериладиган кредитлар бўйича тижорат банкларининг маржаси 3 фоизни ташкил этади;
(iii) Қишлоқ хўжалиги вазирлиги, Агентлик, Иқтисодиёт ва молия вазирлиги, Марказий банк ҳамда лойиҳада иштирок этувчи тижорат банклари билан биргаликда уч ой муддатда мазкур кичик бандда назарда тутилган ўзгаришлардан келиб чиқиб, лойиҳа ҳужжатларига тегишли ўзгартиришлар киритади».
2. 15-бандда :
(а) «а» кичик банд қуйидаги таҳрирда баён этилсин:
«(а) 2027 йил 1 февралга қадар «Паррандасаноат» уюшмасига 2033 йил август — декабрь ойларида тенг улушларда қайтариш шарти билан Ўзбекистон Республикаси республика бюджетидан йиллик 7 фоиз ставкада 50 миллиард сўм миқдорида ссуда ажратсин. Бунда ушбу маблағлар «Паррандасаноат» уюшмаси томонидан фақатгина тижорат банклари депозитларига жойлаштирилади ҳамда бундан келиб тушган фоиз кўринишидаги даромадлар ушбу уюшманинг моддий-техника базасини мустаҳкамлаш, соҳага экспертларни жалб этиш, ташқи бозорларни очиш ҳамда ойлик иш ҳақи ва сақлаш харажатларини молиялаштириш мақсадларига сарфланади»;
(б) «в» кичик банд қуйидаги таҳрирда баён этилсин:
«(в) мазкур қарорнинг 9-банди «а» кичик бандида кўзда тутилган ресурсларни жойлаштириш учун Қишлоқ хўжалигини давлат томонидан қўллаб-қувватлаш жамғармасига йиллик Марказий банк асосий ставкасида жорий йилда қўшимча 1 триллион сўмгача маблағ ажратсин, ушбу жамғарманинг келгуси йиллар даромадлари ва харажатлари балансини шакллантиришда зарур маблағлар инобатга олинишини таъминласин. Бунда Қишлоқ хўжалигини давлат томонидан қўллаб-қувватлаш жамғармаси томонидан ушбу маблағлар ҳисобидан тижорат банкларига йиллик 6 фоиз ставкада ресурслар ажратиш ҳисобидан юзага келадиган фоиз фарқи жамғармага Давлат бюджетидан субсидия сифатида қоплаб берилади».
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 23 июль,
ПҚ- 274 -сон
Oʻzbekiston Respublikasi Prezidentining
qarori
Parrandachilik sohasini koʻllab-quvvatlash boʻyicha qoʻshimcha chora-tadbirlar toʻgʻrisida
Parrandachilik mahsulotlarini ishlab chiqarish hajmini oshirish, qayta ishlash quvvatlarini kengaytirish hamda investitsiya loyihalarini moliyaviy qoʻllab-quvvatlash maqsadida qaror qilaman:
I. Parrandachilik loyihalarini moliyaviy qoʻllab-quvvatlash
1. Tiklanish va taraqqiyot jamgʻarmasidan 2026-2027-yillarda “Mikrokreditbank” ATBga 10 yil muddatga, 4 yillik imtiyozli davr bilan yillik 6 foiz stavkada milliy valyutada 105 million AQSH dollariga teng ekvivalentda mablagʻlar bosqichma-bosqich yoʻnaltirilsin.
2. Belgilansinki, 2026-yil 1-avgustdan boshlab mazkur qarorning 1-bandidagi resurslar hisobidan parrandachilik mahsulotlarini ishlab chiqarish yangi quvvatlarini (loyihalarni) ishga tushirishga hamda Oʻzbekiston Respublikasi Prezidentining 2024-yil 27-iyundagi PQ-238-son qaroriga muvofiq “tayyor biznes” loyihalariga “Mikrokreditbank” ATB orqali yillik 10 foiz stavkada (shundan 4 foiz bank marjasi) 4 yillik imtiyozli davr bilan 10 yilgacha muddatga kreditlar ajratiladi.
3. Shunday tartib oʻrnatilsinki, unga koʻra parrandachilik xoʻjaliklari, parranda omuxta yemi ishlab chiqaruvchi tadbirkorlik subyektlari hamda “tayyor biznes” loyihalarini moliyalashtirish uchun Tiklanish va taraqqiyot jamgʻarmasidan “Mikrokreditbank” ATBga yoʻnaltirilgan mablagʻlar hisobidan kreditlar 2026-yil 1-sentabrdan boshlab 10 foiz stavkada ajratiladi. Bunda ushbu bandda nazarda tutilgan shartlar faqatgina yangi rasmiylashtiriladigan kredit shartnomalariga nisbatan tatbiq etiladi.
II. Qaror ijrosini tashkil etish, taʼminlash va nazorat
4. Oʻzbekiston Respublikasi Prezidentining 2026-yil 12-maydagi “Chorvachilik tarmogʻi va yaylov xoʻjaligini zamonaviy boshqaruv tizimi va yangicha yondashuvlar asosida rivojlantirish chora-tadbirlari toʻgʻrisida”gi PQ-179-son qaroriga ilovaga muvofiq oʻzgartirishlar kiritilsin.
5. Mazkur qaror ijrosini samarali tashkil qilishga masʼul va shaxsan javobgar etib Chorvachilik va yaylov xoʻjaligini rivojlantirish agentligi direktori O.A. Boʻtayev belgilansin.
6. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2026-yil 23-iyuldagi PQ-274-son qaroriga ILOVA
Oʻzbekiston Respublikasi Prezidentining 2026-yil 12-maydagi “Chorvachilik tarmogʻi va yaylov xoʻjaligini zamonaviy boshqaruv tizimi va yangicha yondashuvlar asosida rivojlantirish chora-tadbirlari toʻgʻrisida”gi PQ-179-son qaroriga kiritilayotgan oʻzgartirishlar
1. 9-bandning “g” kichik bandi quyidagi tahrirda bayon etilsin:
“(g) chorvachilik yoʻnalishida (barcha tarmoqlar) davlat qarzi hisobidan jalb qilingan xalqaro moliya institutlarining kredit mablagʻlari tadbirkorlik subyektlariga yillik 10 foiz stavkada ajratiladi. Bunda:
(i) Iqtisodiyot va moliya vazirligi tomonidan milliy valyutada beriladigan kreditlar loyihalarda ishtirok etuvchi tijorat banklariga yillik 7 foiz stavkada ajratiladi. Chet el valyutasining milliy valyutaga nisbatan kursi oʻzgarishi natijasida yuzaga keladigan moliyaviy yoʻqotishlar Oʻzbekiston Respublikasining respublika budjetidan qoplanadi;
(ii) milliy valyutada beriladigan kreditlar boʻyicha tijorat banklarining marjasi 3 foizni tashkil etadi;
(iii) Qishloq xoʻjaligi vazirligi, Agentlik, Iqtisodiyot va moliya vazirligi, Markaziy bank hamda loyihada ishtirok etuvchi tijorat banklari bilan birgalikda uch oy muddatda mazkur kichik bandda nazarda tutilgan oʻzgarishlardan kelib chiqib, loyiha hujjatlariga tegishli oʻzgartirishlar kiritadi”.
2. 15-bandda :
(a) “a” kichik band quyidagi tahrirda bayon etilsin:
“(a) 2027-yil 1-fevralga qadar “Parrandasanoat” uyushmasiga 2033-yil avgust — dekabr oylarida teng ulushlarda qaytarish sharti bilan Oʻzbekiston Respublikasi respublika budjetidan yillik 7 foiz stavkada 50 milliard soʻm miqdorida ssuda ajratsin. Bunda ushbu mablagʻlar “Parrandasanoat” uyushmasi tomonidan faqatgina tijorat banklari depozitlariga joylashtiriladi hamda bundan kelib tushgan foiz koʻrinishidagi daromadlar ushbu uyushmaning moddiy-texnika bazasini mustahkamlash, sohaga ekspertlarni jalb etish, tashqi bozorlarni ochish hamda oylik ish haqi va saqlash xarajatlarini moliyalashtirish maqsadlariga sarflanadi”;
(b) “v” kichik band quyidagi tahrirda bayon etilsin:
“(v) mazkur qarorning 9-bandi “a” kichik bandida koʻzda tutilgan resurslarni joylashtirish uchun Qishloq xoʻjaligini davlat tomonidan qoʻllab-quvvatlash jamgʻarmasiga yillik Markaziy bank asosiy stavkasida joriy yilda qoʻshimcha 1 trillion soʻmgacha mablagʻ ajratsin, ushbu jamgʻarmaning kelgusi yillar daromadlari va xarajatlari balansini shakllantirishda zarur mablagʻlar inobatga olinishini taʼminlasin. Bunda Qishloq xoʻjaligini davlat tomonidan qoʻllab-quvvatlash jamgʻarmasi tomonidan ushbu mablagʻlar hisobidan tijorat banklariga yillik 6 foiz stavkada resurslar ajratish hisobidan yuzaga keladigan foiz farqi jamgʻarmaga Davlat budjetidan subsidiya sifatida qoplab beriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 23-iyul,
PQ- 274 -son
Президента Республики Узбекистан
Постановление
О дополнительных мерах по поддержке сферы птицеводства
В целях увеличения объемов производства птицеводческой продукции, расширения мощностей ее переработки, а также финансовой поддержки инвестиционных проектов постановляю:
I. Финансовая поддержка птицеводческих проектов
1. Направлять в 2026-2027 годах из Фонда реконструкции и развития на поэтапной основе АКБ «Микрокредитбанк» средства в национальной валюте в эквиваленте, равном 105 миллионам долларов США, на срок 10 лет, включая льготный период 4 года, по ставке 6 процентов годовых.
2. Установить, что начиная с 1 августа 2026 года за счет ресурсов, указанных в пункте 1 настоящего постановления, на запуск новых мощностей (проектов) производства птицеводческой продукции, а также проекты «готовый бизнес» в соответствии с постановлением Президента Республики Узбекистан от 27 июня 2024 года № ПП-238 посредством АКБ «Микрокредитбанк» выделяются кредиты на срок до 10 лет, включая льготный период 4 года, по ставке 10 процентов годовых (из них маржа банка 4 процента).
3. Установить порядок, в соответствии с которым птицеводческим хозяйствам, производителям комбикорма для птиц и для финансирования проектов «готовый бизнес» начиная с 1 сентября 2026 года за счет средств, направляемых из Фонда реконструкции и развития АКБ «Микрокредитбанк» кредиты выделяются по ставке 10 процентов. При этом условия, предусмотренные настоящим пунктом, применяются только к новым оформляемым кредитным договорам.
II. Организация, обеспечение и контроль исполнения постановления
4. Внести изменения в постановление Президента Республики Узбекистан от 12 мая 2026 года № ПП-179 «О мерах по развитию животноводческой отрасли и пастбищного хозяйства на основе современной системы управления и новых подходов» согласно приложению .
5. Возложить на директора Агентства по развитию животноводства и пастбищного хозяйства О.А. Бутаева персональную ответственность за эффективную организацию исполнения настоящего постановления.
6. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 23 июля 2026 года № ПП-274
Изменения, вносимые в постановление Президента Республики Узбекистан от 12 мая 2026 года № ПП-179 «О мерах по развитию животноводческой отрасли и пастбищного хозяйства на основе современной системы управления и новых подходов»
1. Подпункт «г» пункта 9 изложить в следующей редакции:
«(г) кредитные средства международных финансовых институтов, привлеченные за счет государственного долга на направления животноводства (все отрасли), выделяются субъектам предпринимательства по ставке 10 процентов годовых. При этом:
(i) Министерством экономики и финансов кредиты, предоставляемые в национальной валюте, выделяются коммерческим банкам, участвующим в проектах, по ставке 7 процентов годовых. Финансовые потери, возникающие в результате изменения курса иностранной валюты по отношению к национальной валюте, покрываются из республиканского бюджета Республики Узбекистан;
(ii) маржа коммерческих банков по кредитам, предоставляемым в национальной валюте, составляет 3 процента;
(iii) Министерство сельского хозяйства, Агентство, Министерство экономики и финансов, Центральный банк совместно с коммерческими банками, участвующими в проекте, в трехмесячный срок исходя из изменений, предусмотренных настоящим подпунктом, вносят соответствующие изменения в проектную документацию».
2. В пункте 15 :
(а) подпункт «а» изложить в следующей редакции:
«(а) выделить Ассоциации «Паррандасаноат» в срок до 1 февраля 2027 года ссуду в размере 50 миллиардов сумов из республиканского бюджета Республики Узбекистан по ставке 7 процентов годовых с условием погашения в августе — декабре 2033 года в равных долях. При этом Ассоциацией «Паррандасаноат» данные средства размещаются исключительно на депозиты коммерческих банков и поступающие от этого доходы в виде процентов расходуются на цели укрепления материально-технической базы данной ассоциации, привлечения экспертов в сферу, открытия внешних рынков, а также финансирования месячной заработной платы и расходов по содержанию»;
(б) подпункт «в» изложить в следующей редакции:
«(в) выделить Фонду государственной поддержки сельского хозяйства в текущем году дополнительные средства в размере до 1 триллиона сумов по годовой ставке, равной основной ставке Центрального банка, для размещения ресурсов, предусмотренных в подпункте «а» пункта 9 настоящего постановления, а также обеспечить предусмотрение необходимых средств при формировании баланса доходов и расходов данного фонда на последующие годы. При этом процентная разница, образующаяся вследствие выделения Фондом государственной поддержки сельского хозяйства ресурсов коммерческим банкам по ставке 6 процентов годовых за счет вышеуказанных средств, компенсируется Фонду из Государственного бюджета в качестве субсидии».
Президент Республики Узбекистан Ш. МИРЗИЁЕВ
г. Ташкент,
23 июля 2026 г.,
№ ПП- 274