📅 2026-yil 24-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 24 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 июля 2026 г. · Постановления Президента
Официальный текст. Официальный документ. Редакционные примечания не включены.
📅 24 July 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ТАРКИБИ
Буюк ватандошимиз, ҳадис ва тасаввуф илмининг етук намояндаси Ҳаким Термизий таваллудининг 1200 йиллигини кенг нишонлаш тўғрисида
Кейинги йилларда мамлакатимизда барча соҳалар қатори диний-маърифий йўналишда ҳам улкан ислоҳотлар амалга оширилмоқда. Хусусан, ислом дини ва маданияти равнақига беқиёс ҳисса қўшган улуғ алломаларимизнинг муборак номларини тиклаш, хотирасини эъзозлаш, абадий ором топган масканларини обод қилиш, илмий-маънавий меросини ҳар томонлама чуқур ўрганиш ва тарғиб этишга алоҳида аҳамият берилмоқда.
Янги Ўзбекистон дурдоналари сифатида эътироф этилаётган Тошкент шаҳридаги Ислом цивилизацияси марказининг қуриб фойдаланишга топширилгани, Самарқандда бутунлай янги қиёфада қад ростлаган Имом Бухорий ёдгорлик мажмуаси, Марғилонда «Бурҳониддин Марғиноний» мажмуасининг бунёд этилгани бу борадаги ишларимиз сифат жиҳатидан янги босқичга кўтарилаётганидан далолат беради.
Инсонларни яхшиликка, иймон-эътиқодга даъват этувчи ўлмас асарлари билан бутун ислом оламида шуҳрат қозонган улуғ аждодларимиз орасида беназир олим ва мутафаккир, ҳадис ва тасаввуф илмининг етук намояндаси Абу Абдуллоҳ Муҳаммад ибн Али ибн Ҳасан ибн Бишр Ҳаким Термизий (кейинги ўринларда — Ҳаким Термизий) алоҳида ўрин тутади.
Мустақиллик йилларида бу табаррук сиймонинг Термиз шаҳри яқинидаги зиёратгоҳи ободонлаштирилгани, асарлари ўзбек тилига илмий-изоҳли таржима қилиниб нашр этилгани, 1993 йилдан буён кураш бўйича Ҳаким Термизий хотирасига бағишланган анъанавий халқаро турнир ўтказиб келинаётгани ва бошқа эзгу ишлар халқимизнинг у зотга бўлган юксак эҳтиромининг амалий ифодасидир.
Янги Ўзбекистоннинг маънавий-маърифий асослари тобора мустаҳкамланиб бораётган ҳозирги шароитда Ҳаким Термизийнинг ибратли ҳаёт йўлини, унинг исломий тафаккур ривожига қўшган муносиб ҳиссаси ва бой илмий меросини миллий ва халқаро миқёсда янада чуқур ўрганиш ҳамда тарғиб этиш мақсадида қарор қиламан:
I. Мақсад
1. Белгилансинки, ушбу қарорни қабул қилишдан кўзланган асосий мақсад юртимизда ислом таълимоти ва диний илмлар ривожига беқиёс ҳисса қўшган Ҳаким Термизийнинг ибратли ҳаёт йўли ҳамда илмий-маънавий меросини чуқур ўрганиш, халқимиз ва жаҳон ҳамжамияти ўртасида кенг тарғиб этишни йўлга қўйиш ҳисобланади.
II. Ташкилий ва амалий чора-тадбирлар
2. Дин ишлари бўйича қўмита, Ўзбекистон мусулмонлари идораси, Ўзбекистон Фанлар академияси, Ўзбекистондаги Ислом цивилизацияси маркази, Имом Термизий халқаро илмий-тадқиқот маркази ва Сурхондарё вилояти ҳокимлигининг жорий йилда Ҳаким Термизий таваллудининг 1200 йиллигини кенг нишонлаш тўғрисидаги таклифи маъқуллансин.
3. Ҳаким Термизий таваллудининг 1200 йиллигига бағишланган тадбирларни ташкил этиш ва ўтказиш бўйича ташкилий қўмита (кейинги ўринда — Ташкилий қўмита) ташкил этилсин ҳамда унинг таркиби иловага мувофиқ тасдиқлансин.
4. Ташкилий қўмита (А. Арипов) бир ҳафта муддатда Ҳаким Термизий таваллудининг 1200 йиллигини нишонлаш бўйича қуйидагиларни назарда тутувчи чора-тадбирлар дастурини масъул ижрочилар ва молиялаштириш манбаларини белгилаган ҳолда тасдиқласин:
(а) Термиз шаҳрида 2026 йил ноябрь ойида «Ҳаким Термизий илмий-маънавий меросининг бугунги кундаги аҳамияти» мавзусида халқаро конференция ўтказиш;
(б) Ҳаким Термизийнинг «Наводирул усул» ва «Баҳрут тафсир» асарлари ҳамда алломанинг илмий меросига оид бошқа манбаларнинг ўзбек ва хорижий тиллардаги илмий-изоҳли академик таржималарини нашр этиш;
(в) 2026 йил давомида Ҳаким Термизий илмий меросига оид туркум рисолаларни нашрга тайёрлаш ва чоп этиш;
(г) Ҳаким Термизий таваллудининг 1200 йиллигига бағишланган эсдалик буюмларни муомалага чиқариш ҳамда почта маркалари, тақвимлар, алломанинг ҳаёти ва илмий меросини ёритиб берадиган бошқа кўргазмали ахборот воситалари туркумини яратиш;
(д) Ҳаким Термизий ёдгорлик мажмуаси ва унга туташ ҳудудларни ободонлаштириш.
5. Фанлар академияси, Ўзбекистондаги Ислом цивилизацияси маркази ва Имом Термизий халқаро илмий-тадқиқот маркази Маданий мерос агентлиги билан биргаликда Ҳаким Термизий илмий меросига мансуб қўлёзмалар, қадимий китоблар, ноёб асарлар ва бошқа маданий бойликлар тадқиқ этилиши ва реставрация қилинишини ҳамда уларнинг лозим даражада сақланишини таъминласин.
6. Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фондига Ҳаким Термизий ва термизий алломалар илмий мероси, улар тарғиб этган бағрикенглик, инсонпарварлик, маънавий поклик каби ғояларни ўрганиш ва оммалаштириш, ёшларни илм олиш ва касб-ҳунарга рағбатлантириш, шунингдек, термизийшуносликка оид тадқиқотларни қўллаб-қувватлаш мақсадида 2026 йилдан бошлаб давлат ижтимоий буюртмаларини эълон қилиб бориш тавсия этилсин.
7. Дин ишлари бўйича қўмита:
(а) Олий таълим, фан ва инновациялар вазирлиги, Ўзбекистон халқаро исломшунослик академияси, Ўзбекистон мусулмонлари идораси, Имом Термизий халқаро илмий-тадқиқот маркази билан биргаликда термизий алломалар меросига доир долзарб мавзуларни тизимли тадқиқ этиш ва оммалаштиришни йўлга қўйсин;
(б) Ўзбекистон мусулмонлари идораси билан биргаликда диний таълим муассасалари талабалари ўртасида «Ҳаким Термизий асарлари билимдони» танловини ўтказиш ва ғолибларни муносиб тақдирлаш чораларини кўрсин.
8. Спорт вазирлиги, Ўзбекистон Миллий олимпия қўмитаси, Ўзбекистон кураш федерацияси, Сурхондарё вилояти ҳокимлиги ҳамда бошқа манфаатдор вазирлик ва идоралар:
(а) аллома таваллудининг 1200 йиллиги муносабати билан Ҳаким Термизий хотирасига бағишланган кураш турнирини 2026 йил ноябрь ойида «Мардлар майдони» шиори асосида юқори савияда ўтказиш;
(б) Халқаро кураш ассоциацияси билан келишилган ҳолда мазкур турнирнинг мақомини янада ошириш ҳамда халқаро брендини яратиш чораларини кўрсин.
9. Сурхондарё вилояти ҳокимлиги, Рақамли технологиялар вазирлиги ва Туризм қўмитаси уч ой муддатда тегишли ташкилотлар билан биргаликда Ҳаким Термизий ёдгорлик мажмуасини замонавий маърифат ва зиёрат масканига айлантириш, маҳаллий ва хорижий сайёҳлар учун қулай шарт-шароитлар яратиш чораларини кўрсин.
10. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Республика Маънавият ва маърифат маркази, Ўзбекистон Ёзувчилар уюшмаси, Ўзбекистон халқаро исломшунослик академияси, Ўзбекистон мусулмонлари идораси билан биргаликда жойларда 2026 йил давомида Ҳаким Термизийнинг илмий меросига бағишланган давра суҳбатларини ташкил этсин.
11. Ўзбекистон Миллий телерадиокомпанияси, Ўзбекистон Миллий ахборот агентлиги ва Ўзбекистон миллий медиа бирлашмасига Имом Термизий халқаро илмий-тадқиқот маркази билан ҳамкорликда «Термизий ҳикматлари» рукни остида кўрсатув, эшиттириш ва инфографикалар тайёрлаш ва эълон қилиб бориш тавсия этилсин.
III. Қарор ижросини ташкил этиш, таъминлаш ва назорат
12. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа бирлашмаси ва «Дунё» ахборот агентлигига Ҳаким Термизий таваллудининг 1200 йиллигини нишонлаш билан боғлиқ тадбирларни оммавий ахборот воситаларида кенг ёритиб бориш тавсия этилсин.
13. Мазкур қарорда назарда тутилган чора-тадбирларни молиялаштириш тегишли вазирлик, идора ва ташкилотларга ажратилган бюджет маблағлари, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилиши белгилансин.
14. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг диний-маърифий масалалар бўйича маслаҳатчиси М.М. Камилов зиммасига юклансин.
Ўзбекистон Республикаси Президентининг 2026 йил 24 июлдаги ПҚ-275-сон қарорига ИЛОВА
Ҳаким Термизий таваллудининг 1200 йиллигига бағишланган тадбирларни ташкил этиш ва ўтказиш бўйича ташкилий қўмита
1. А.Н. Арипов — Ўзбекистон Республикаси Бош вазири, Ташкилий қўмита раиси 2. М.М. Камилов — Ўзбекистон Республикаси Президентининг диний-маърифий масалалар бўйича маслаҳатчиси, Ташкилий қўмита раиси ўринбосари 3. Х.М. Султонов — Ўзбекистон Республикаси Президенти маслаҳатчиси — Спичрайтер 4. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири 5. С.Д. Тошбоев — Дин ишлари бўйича қўмита раиси 6. У.Б. Қосимов — Сурхондарё вилояти ҳокими 7. Б.О. Саидов — ташқи ишлар вазири 8. А.А. Ташпулатов — ички ишлар вазири 9. К.А. Шарипов — олий таълим, фан ва инновациялар вазири 10. И.Р. Махкамов — транспорт вазири 11. О.А. Назарбеков — маданият вазири 12. Ш.С. Хидоятов — қурилиш ва уй-жой коммунал хўжалиги вазири 13. Ш.Х. Шерматов — рақамли технологиялар вазири 14. Н.М. Холиқназар — Ўзбекистон мусулмонлари идораси раиси, муфтий 15. А.Ў. Аққулов — Туризм қўмитаси раиси 16. А.В. Нуридинов — Ўзбекистон Бадиий академияси раиси 17. Ф.Ф. Абдухаликов — Ўзбекистондаги Ислом цивилизацияси маркази директори 18. Б.А. Абдухалимов — Ўзбекистон Фанлар академияси вице-президенти 19. О.А. Хасанов — Республика Маънавият ва маърифат маркази раҳбари 20. Ж.О. Ахмедов — маданият вазирининг биринчи ўринбосари — Кинематография агентлиги директори 21. Б.Г. Абдикаримов — Маданий мерос агентлиги директори 22. С.С. Саидов — Ўзбекистон Ёзувчилар уюшмаси раиси 23. А.А. Джурабаев — Ўзбекистон Миллий телерадиокомпанияси раиси 24. А.Х. Хамидов — «Давлат белгиси» МЧЖ бош директори 25. Ш.Ш. Худайкулов — «Uzbekistan Airways» АЖ бошқаруви раиси 26. А.Х. Тошқулов — Термиз давлат университети ректори 27. Г.Ш. Рихсиева — Тошкент давлат шарқшунослик университети ректори 28. М.Ф. Жониев — Имом Термизий халқаро илмий-тадқиқот маркази директори, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 24 июль,
ПҚ- 275 -сон
OʻZBEKISTON RESPUBLIKASI PREZIDENTINING
QARORI
TARKIBI
Buyuk vatandoshimiz, hadis va tasavvuf ilmining yetuk namoyandasi Hakim Termiziy tavalludining 1200-yilligini keng nishonlash toʻgʻrisida
Keyingi yillarda mamlakatimizda barcha sohalar qatori diniy-maʼrifiy yoʻnalishda ham ulkan islohotlar amalga oshirilmoqda. Xususan, islom dini va madaniyati ravnaqiga beqiyos hissa qoʻshgan ulugʻ allomalarimizning muborak nomlarini tiklash, xotirasini eʼzozlash, abadiy orom topgan maskanlarini obod qilish, ilmiy-maʼnaviy merosini har tomonlama chuqur oʻrganish va targʻib etishga alohida ahamiyat berilmoqda.
Yangi Oʻzbekiston durdonalari sifatida eʼtirof etilayotgan Toshkent shahridagi Islom sivilizatsiyasi markazining qurib foydalanishga topshirilgani, Samarqandda butunlay yangi qiyofada qad rostlagan Imom Buxoriy yodgorlik majmuasi, Margʻilonda “Burhoniddin Margʻinoniy” majmuasining bunyod etilgani bu boradagi ishlarimiz sifat jihatidan yangi bosqichga koʻtarilayotganidan dalolat beradi.
Insonlarni yaxshilikka, iymon-eʼtiqodga daʼvat etuvchi oʻlmas asarlari bilan butun islom olamida shuhrat qozongan ulugʻ ajdodlarimiz orasida benazir olim va mutafakkir, hadis va tasavvuf ilmining yetuk namoyandasi Abu Abdulloh Muhammad ibn Ali ibn Hasan ibn Bishr Hakim Termiziy (keyingi oʻrinlarda — Hakim Termiziy) alohida oʻrin tutadi.
Mustaqillik yillarida bu tabarruk siymoning Termiz shahri yaqinidagi ziyoratgohi obodonlashtirilgani, asarlari oʻzbek tiliga ilmiy-izohli tarjima qilinib nashr etilgani, 1993-yildan buyon kurash boʻyicha Hakim Termiziy xotirasiga bagʻishlangan anʼanaviy xalqaro turnir oʻtkazib kelinayotgani va boshqa ezgu ishlar xalqimizning u zotga boʻlgan yuksak ehtiromining amaliy ifodasidir.
Yangi Oʻzbekistonning maʼnaviy-maʼrifiy asoslari tobora mustahkamlanib borayotgan hozirgi sharoitda Hakim Termiziyning ibratli hayot yoʻlini, uning islomiy tafakkur rivojiga qoʻshgan munosib hissasi va boy ilmiy merosini milliy va xalqaro miqyosda yanada chuqur oʻrganish hamda targʻib etish maqsadida qaror qilaman:
I. Maqsad
1. Belgilansinki, ushbu qarorni qabul qilishdan koʻzlangan asosiy maqsad yurtimizda islom taʼlimoti va diniy ilmlar rivojiga beqiyos hissa qoʻshgan Hakim Termiziyning ibratli hayot yoʻli hamda ilmiy-maʼnaviy merosini chuqur oʻrganish, xalqimiz va jahon hamjamiyati oʻrtasida keng targʻib etishni yoʻlga qoʻyish hisoblanadi.
II. Tashkiliy va amaliy chora-tadbirlar
2. Din ishlari boʻyicha qoʻmita, Oʻzbekiston musulmonlari idorasi, Oʻzbekiston Fanlar akademiyasi, Oʻzbekistondagi Islom sivilizatsiyasi markazi, Imom Termiziy xalqaro ilmiy-tadqiqot markazi va Surxondaryo viloyati hokimligining joriy yilda Hakim Termiziy tavalludining 1200-yilligini keng nishonlash toʻgʻrisidagi taklifi maʼqullansin.
3. Hakim Termiziy tavalludining 1200-yilligiga bagʻishlangan tadbirlarni tashkil etish va oʻtkazish boʻyicha tashkiliy qoʻmita (keyingi oʻrinda — Tashkiliy qoʻmita) tashkil etilsin hamda uning tarkibi ilovaga muvofiq tasdiqlansin.
4. Tashkiliy qoʻmita (A. Aripov) bir hafta muddatda Hakim Termiziy tavalludining 1200-yilligini nishonlash boʻyicha quyidagilarni nazarda tutuvchi chora-tadbirlar dasturini masʼul ijrochilar va moliyalashtirish manbalarini belgilagan holda tasdiqlasin:
(a) Termiz shahrida 2026-yil noyabr oyida “Hakim Termiziy ilmiy-maʼnaviy merosining bugungi kundagi ahamiyati” mavzusida xalqaro konferensiya oʻtkazish;
(b) Hakim Termiziyning “Navodirul usul” va “Bahrut tafsir” asarlari hamda allomaning ilmiy merosiga oid boshqa manbalarning oʻzbek va xorijiy tillardagi ilmiy-izohli akademik tarjimalarini nashr etish;
(v) 2026-yil davomida Hakim Termiziy ilmiy merosiga oid turkum risolalarni nashrga tayyorlash va chop etish;
(g) Hakim Termiziy tavalludining 1200-yilligiga bagʻishlangan esdalik buyumlarni muomalaga chiqarish hamda pochta markalari, taqvimlar, allomaning hayoti va ilmiy merosini yoritib beradigan boshqa koʻrgazmali axborot vositalari turkumini yaratish;
(d) Hakim Termiziy yodgorlik majmuasi va unga tutash hududlarni obodonlashtirish.
5. Fanlar akademiyasi, Oʻzbekistondagi Islom sivilizatsiyasi markazi va Imom Termiziy xalqaro ilmiy-tadqiqot markazi Madaniy meros agentligi bilan birgalikda Hakim Termiziy ilmiy merosiga mansub qoʻlyozmalar, qadimiy kitoblar, noyob asarlar va boshqa madaniy boyliklar tadqiq etilishi va restavratsiya qilinishini hamda ularning lozim darajada saqlanishini taʼminlasin.
6. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondiga Hakim Termiziy va termiziy allomalar ilmiy merosi, ular targʻib etgan bagʻrikenglik, insonparvarlik, maʼnaviy poklik kabi gʻoyalarni oʻrganish va ommalashtirish, yoshlarni ilm olish va kasb-hunarga ragʻbatlantirish, shuningdek, termiziyshunoslikka oid tadqiqotlarni qoʻllab-quvvatlash maqsadida 2026-yildan boshlab davlat ijtimoiy buyurtmalarini eʼlon qilib borish tavsiya etilsin.
7. Din ishlari boʻyicha qoʻmita:
(a) Oliy taʼlim, fan va innovatsiyalar vazirligi, Oʻzbekiston xalqaro islomshunoslik akademiyasi, Oʻzbekiston musulmonlari idorasi, Imom Termiziy xalqaro ilmiy-tadqiqot markazi bilan birgalikda termiziy allomalar merosiga doir dolzarb mavzularni tizimli tadqiq etish va ommalashtirishni yoʻlga qoʻysin;
(b) Oʻzbekiston musulmonlari idorasi bilan birgalikda diniy taʼlim muassasalari talabalari oʻrtasida “Hakim Termiziy asarlari bilimdoni” tanlovini oʻtkazish va gʻoliblarni munosib taqdirlash choralarini koʻrsin.
8. Sport vazirligi, Oʻzbekiston Milliy olimpiya qoʻmitasi, Oʻzbekiston kurash federatsiyasi, Surxondaryo viloyati hokimligi hamda boshqa manfaatdor vazirlik va idoralar:
(a) alloma tavalludining 1200-yilligi munosabati bilan Hakim Termiziy xotirasiga bagʻishlangan kurash turnirini 2026-yil noyabr oyida “Mardlar maydoni” shiori asosida yuqori saviyada oʻtkazish;
(b) Xalqaro kurash assotsiatsiyasi bilan kelishilgan holda mazkur turnirning maqomini yanada oshirish hamda xalqaro brendini yaratish choralarini koʻrsin.
9. Surxondaryo viloyati hokimligi, Raqamli texnologiyalar vazirligi va Turizm qoʻmitasi uch oy muddatda tegishli tashkilotlar bilan birgalikda Hakim Termiziy yodgorlik majmuasini zamonaviy maʼrifat va ziyorat maskaniga aylantirish, mahalliy va xorijiy sayyohlar uchun qulay shart-sharoitlar yaratish choralarini koʻrsin.
10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Respublika Maʼnaviyat va maʼrifat markazi, Oʻzbekiston Yozuvchilar uyushmasi, Oʻzbekiston xalqaro islomshunoslik akademiyasi, Oʻzbekiston musulmonlari idorasi bilan birgalikda joylarda 2026-yil davomida Hakim Termiziyning ilmiy merosiga bagʻishlangan davra suhbatlarini tashkil etsin.
11. Oʻzbekiston Milliy teleradiokompaniyasi, Oʻzbekiston Milliy axborot agentligi va Oʻzbekiston milliy media birlashmasiga Imom Termiziy xalqaro ilmiy-tadqiqot markazi bilan hamkorlikda “Termiziy hikmatlari” rukni ostida koʻrsatuv, eshittirish va infografikalar tayyorlash va eʼlon qilib borish tavsiya etilsin.
III. Qaror ijrosini tashkil etish, taʼminlash va nazorat
12. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media birlashmasi va “Dunyo” axborot agentligiga Hakim Termiziy tavalludining 1200-yilligini nishonlash bilan bogʻliq tadbirlarni ommaviy axborot vositalarida keng yoritib borish tavsiya etilsin.
13. Mazkur qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.
14. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining diniy-maʼrifiy masalalar boʻyicha maslahatchisi M.M. Kamilov zimmasiga yuklansin.
Oʻzbekiston Respublikasi Prezidentining 2026-yil 24-iyuldagi PQ-275-son qaroriga ILOVA
Hakim Termiziy tavalludining 1200-yilligiga bagʻishlangan tadbirlarni tashkil etish va oʻtkazish boʻyicha tashkiliy qoʻmita
1. A.N. Aripov — Oʻzbekiston Respublikasi Bosh vaziri, Tashkiliy qoʻmita raisi 2. M.M. Kamilov — Oʻzbekiston Respublikasi Prezidentining diniy-maʼrifiy masalalar boʻyicha maslahatchisi, Tashkiliy qoʻmita raisi oʻrinbosari 3. X.M. Sultonov — Oʻzbekiston Respublikasi Prezidenti maslahatchisi — Spichrayter 4. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri 5. S.D. Toshboyev — Din ishlari boʻyicha qoʻmita raisi 6. U.B. Qosimov — Surxondaryo viloyati hokimi 7. B.O. Saidov — tashqi ishlar vaziri 8. A.A. Tashpulatov — ichki ishlar vaziri 9. K.A. Sharipov — oliy taʼlim, fan va innovatsiyalar vaziri 10. I.R. Maxkamov — transport vaziri 11. O.A. Nazarbekov — madaniyat vaziri 12. Sh.S. Xidoyatov — qurilish va uy-joy kommunal xoʻjaligi vaziri 13. Sh.X. Shermatov — raqamli texnologiyalar vaziri 14. N.M. Xoliqnazar — Oʻzbekiston musulmonlari idorasi raisi, muftiy 15. A.Oʻ. Aqqulov — Turizm qoʻmitasi raisi 16. A.V. Nuridinov — Oʻzbekiston Badiiy akademiyasi raisi 17. F.F. Abduxalikov — Oʻzbekistondagi Islom sivilizatsiyasi markazi direktori 18. B.A. Abduxalimov — Oʻzbekiston Fanlar akademiyasi vitse-prezidenti 19. O.A. Xasanov — Respublika Maʼnaviyat va maʼrifat markazi rahbari 20. J.O. Axmedov — madaniyat vazirining birinchi oʻrinbosari — Kinematografiya agentligi direktori 21. B.G. Abdikarimov — Madaniy meros agentligi direktori 22. S.S. Saidov — Oʻzbekiston Yozuvchilar uyushmasi raisi 23. A.A. Djurabayev — Oʻzbekiston Milliy teleradiokompaniyasi raisi 24. A.X. Xamidov — “Davlat belgisi” MCHJ bosh direktori 25. Sh.Sh. Xudaykulov — “Uzbekistan Airways” AJ boshqaruvi raisi 26. A.X. Toshqulov — Termiz davlat universiteti rektori 27. G.Sh. Rixsiyeva — Toshkent davlat sharqshunoslik universiteti rektori 28. M.F. Joniyev — Imom Termiziy xalqaro ilmiy-tadqiqot markazi direktori, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 24-iyul,
PQ- 275 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О широком праздновании 1200-летия со дня рождения великого соотечественника, выдающегося деятеля науки о хадисах и суфизме Хакима Термези
В последние годы в нашей стране наряду со всеми сферами осуществляются значимые реформы и в религиозно-просветительском направлении. В частности, придается особое значение восстановлению светлых имен наших великих мыслителей, внесших безграничный вклад в развитие религии и культуры ислама, почитанию их памяти, благоустройству мест их вечного упокоения, всестороннему глубокому изучению и пропаганде их научно-духовного наследия.
Строительство и открытие в городе Ташкенте Центра исламской цивилизации, получающего признание в качестве жемчужины Нового Узбекистана, возведение в совершенно обновленном облике мемориального комплекса Имама Бухари в Самарканде, комплекса Бурхониддина Маргинони в Маргилане свидетельствуют о поднятии на качественно новый этап работы в этом направлении.
Среди наших великих предков, завоевавших славу во всем исламском мире своими немеркнущими трудами, призывающими людей к добру, вере и убеждениям, особое значение имеет гениальный ученый и мыслитель, выдающийся представитель науки о хадисах и суфизме Абу Абдуллох Мухаммад ибн Али ибн Хасан ибн Бишр Хаким Термези (далее — Хаким Термези).
Благоустройство в годы независимости места паломничества этой великой личности, расположенного вблизи города Термеза, издание его произведений с научно-толковым переводом на узбекский язык, проведение начиная с 1993 года традиционного международного турнира по курашу, посвященного памяти Хакима Термези, а также осуществление других благородных дел являются практическим отражением высокого почтения нашего народа к нему.
В нынешних условиях дальнейшего укрепления духовно-просветительских основ Нового Узбекистана в целях более глубокого изучения и пропаганды в национальном и международном масштабе поучительного жизненного пути Хакима Термези, его достойного вклада в развитие исламской мысли и богатого научного наследия постановляю:
I. Цель
1. Определить, что основной целью принятия настоящего постановления является глубокое изучение, широкая пропаганда среди нашего народа и мировой общественности поучительного жизненного пути и научно-духовного наследия Хакима Термези, внесшего безграничный вклад в развитие учения ислама и религиозных наук в стране.
II. Организационные и практические меры
2. Одобрить предложение Комитета по делам религий, Управления мусульман Узбекистана, Академии наук Узбекистана, Центра исламской цивилизации в Узбекистане, Международного научно-исследовательского центра Имама Термези и хокимията Сурхандарьинской области о широком праздновании в текущем году 1200-летия со дня рождения Хакима Термези.
3. Создать Организационный комитет по организации и проведению мероприятий, посвященных 1200-летию со дня рождения Хакима Термези (далее — Организационный комитет), и утвердить его состав согласно приложению * .
4. Организационному комитету (А. Арипов) в недельный срок утвердить с определением ответственных исполнителей и источников финансирования Программу мер по празднованию 1200-летия со дня рождения Хакима Термези, предусматривающую:
(а) проведение в городе Термезе в ноябре 2026 года Международной конференции на тему «Нынешнее значение научно-духовного наследия Хакима Термези»;
(б) издание научно-толковых академических переводов на узбекском и иностранном языках произведений Хакима Термези «Наводирул усул» и «Бахруттафсир», а также других источников касательно научного наследия мыслителя;
(в) подготовку к изданию и опубликование цикла брошюр о научном наследии Хакима Термези в течение 2026 года;
(г) выпуск в обращение памятных сувениров, посвященных 1200-летию со дня рождения Хакима Термези, а также создание серии почтовых марок, календарей, иных наглядных информационных средств, освещающих жизнь и научное наследие ученого;
(д) благоустройство мемориального комплекса Хакима Термези и прилегающих к нему территорий.
5. Академии наук, Центру исламской цивилизации в Узбекистане и Международному научно-исследовательскому центру Имама Термези совместно с Агентством культурного наследия обеспечить исследование и реставрацию, а также хранение на должном уровне рукописей, древних книг, уникальных произведений и других культурных ценностей, относящихся к научному наследию Хакима Термези.
6. Рекомендовать Общественному фонду по поддержке институтов гражданского общества при Олий Мажлисе Республики Узбекистан объявлять начиная с 2026 года государственные социальные заказы в целях изучения и популяризации научного наследия Хакима Термези и ученых-термезидов, пропагандируемых ими идей великодушия, гуманизма, духовной чистоты, стимулирования молодежи к получению знаний и профессий, а также поддержки исследований в направлении термезоведения.
7. Комитету по делам религий:
(а) совместно с Министерством высшего образования, науки и инноваций, Международной академией исламоведения Узбекистана, Управлением мусульман Узбекистана, Международным научно-исследовательским центром Имама Термези организовать системное исследование и популяризацию актуальных тем о наследии ученых-термезидов;
(б) совместно с Управлением мусульман Узбекистана принять меры по проведению среди студентов религиозных образовательных учреждений конкурса «Знаток произведений Хакима Термези» и достойному награждению победителей.
8. Министерству спорта, Национальному олимпийскому комитету Узбекистана, Федерации кураша Узбекистана, хокимияту Сурхандарьинской области, а также другим заинтересованным министерствам и ведомствам принять меры по:
(а) проведению на высоком уровне в связи с 1200-летием со дня рождения мыслителя турнира по курашу, посвященного памяти Хакима Термези, в ноябре 2026 года под девизом «Мардлар майдони»;
(б) дальнейшему повышению статуса данного турнира, а также созданию международного бренда турнира по согласованию с Международной ассоциацией кураша.
9. Хокимияту Сурхандарьинской области, Министерству цифровых технологий и Комитету по туризму в трехмесячный срок совместно с соответствующими организациями принять меры по превращению мемориального комплекса Хакима Термези в современный центр просветительства и паломничества, созданию благоприятных условий для местных и зарубежных туристов.
10. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Республиканским центром духовности и просветительства, Союзом писателей Узбекистана, Международной академией исламоведения Узбекистана, Управлением мусульман Узбекистана организовать на местах в течение 2026 года беседы за «круглым столом», посвященные научному наследию Хакима Термези.
11. Рекомендовать Национальной телерадиокомпании Узбекистана, Национальному информационному агентству Узбекистана и Национальной медиа-ассоциации Узбекистана подготавливать совместно с Международным научно-исследовательским центром Имама Термези и передавать в эфир передачи, вещания и инфографики под рубрикой «Термизий хикматлари» («Изречения Термези»).
III. Организация, обеспечение и контроль исполнения постановления
12. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана и информационному агентству «Дунё» широко освещать в средствах массовой информации мероприятия, связанные с празднованием 1200-летия со дня рождения Хакима Термези.
13. Определить, что финансирование мер, предусмотренных настоящим постановлением, осуществляется за счет бюджетных средств, выделенных соответствующим министерствам, ведомствам и организациям, их внебюджетных средств и иных источников, не запрещенных актами законодательства.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан по религиозно-просветительским вопросам М.М. Камилова.
Президент Республики Узбекистан Ш. МИРЗИЁЕВ
г. Ташкент,
24 июля 2026 г.,
№ ПП- 275