📅 2026-yil 29-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 29 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июля 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 29 July 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига иқтидорли ёшларни қўллаб-қувватлаш ҳамда ўқувчиларда замонавий билим ва кўникмаларни шакллантиришга қаратилган ўзгартириш ва қўшимчалар киритиш тўғрисида
[Кўчирма]
Ўзбекистон Республикаси Президентининг «Мамлакат тараққиётининг 2030 йилгача мўлжалланган устувор йўналишлари доирасида ислоҳотларни изчил давом эттириш ва янги босқичга олиб чиқишнинг қўшимча чора-тадбирлари тўғрисида» 2026 йил 16 февралдаги ПФ-21-сон Фармони ижросини таъминлаш, шунингдек, ўқувчиларда замонавий билим ва кўникмаларни шакллантириш учун кенг имкониятлар яратиш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
болалар соғломлаштириш оромгоҳларида болалар учун замонавий тўгарак йўналишларини ташкил этиш;
ўқувчиларнинг рақамли технологияларга, жумладан ўйинлар яратиш ва анимация соҳасига бўлган қизиқишларини ошириш.
2. Мактабгача ва мактаб таълими вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
3. Ушбу қарорнинг бажарилишини назорат қилиш Ўзбекистон Республикаси мактабгача ва мактаб таълими вазири Э.Г. Каримова зиммасига юклансин.
Вазирлар Маҳкамасининг 2026 йил 29 июлдаги 412-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2023 йил 27 февралдаги 84-сон қарори билан тасдиқланган Болалар соғломлаштириш оромгоҳларида болаларнинг дам олишини ташкил этиш ва соғломлаштириш концепциясининг 8-бандида :
қуйидаги мазмундаги тўққизинчи ва ўнинчи хатбошилар билан тўлдирилсин:
«IT оромгоҳлари. Бундай оромгоҳлар ахборот технологияларига қизиқиши юқори бўлган 10 — 14 ёшгача болаларнинг дам олиши ва соғломлаштирилиши учун йўналтирилиб, унда математика ва информатика фанлари чуқурлаштирилган тарзда ўргатилади.
«Маданий мулоқот ва бағрикенглик» ёшлар оромгоҳлари. Бундай оромгоҳлар ёш авлодда бошқа маданият ва анъаналарга нисбатан ҳурмат ва очиқ муносабатни шакллантиришга хизмат қилади, турли миллат вакилларига мансуб фаол ва билимдон ёшларнинг ёзги болалар лагерларида биргаликда дам олиши, жамоавий фаолиятларда иштирок этиши ҳамда ўзаро тажриба алмашиши учун шарт-шароит яратилади»;
тўққизинчи хатбоши ўн биринчи хатбоши деб ҳисоблансин.
2. Вазирлар Маҳкамасининг «Келажак» марказлари фаолиятини тартибга солишга қаратилган айрим норматив-ҳуқуқий ҳужжатларни тасдиқлаш тўғрисида» 2025 йил 10 декабрдаги 776-сон қарорида :
а) қуйидаги мазмундаги 8 1 -банд билан тўлдирилсин:
«8 1 . Ҳар бир ҳудудда биттадан «Келажак» марказларида ўйинлар яратиш ва анимация соҳасида тўгараклар фаолияти йўлга қўйилсин. Бунда тўгарак хоналарини жиҳозлаш «Келажак» марказларини қўллаб-қувватлаш жамғармаси маблағлари ҳисобидан амалга оширилади»;
б) 1-илованинг 7-бандида :
қуйидаги мазмундаги олтинчи хатбоши билан тўлдирилсин:
«ёшларни сунъий интеллект, рақамли технологиялар ва креатив индустрияга қизиқишини уйғотиш, ўйинлар яратиш ва анимация соҳасида тўгараклар фаолиятини йўлга қўйиш»;
олтинчи — ўн тўртинчи хатбошилар тегишлича еттинчи — ўн бешинчи хатбошилар деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2026 йил 29 июль,
412-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga iqtidorli yoshlarni qoʻllab-quvvatlash hamda oʻquvchilarda zamonaviy bilim va koʻnikmalarni shakllantirishga qaratilgan oʻzgartirish va qoʻshimchalar kiritish toʻgʻrisida
[Koʻchirma]
Oʻzbekiston Respublikasi Prezidentining “Mamlakat taraqqiyotining 2030-yilgacha moʻljallangan ustuvor yoʻnalishlari doirasida islohotlarni izchil davom ettirish va yangi bosqichga olib chiqishning qoʻshimcha chora-tadbirlari toʻgʻrisida” 2026-yil 16-fevraldagi PF-21-son Farmoni ijrosini taʼminlash, shuningdek, oʻquvchilarda zamonaviy bilim va koʻnikmalarni shakllantirish uchun keng imkoniyatlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
bolalar sogʻlomlashtirish oromgohlarida bolalar uchun zamonaviy toʻgarak yoʻnalishlarini tashkil etish;
oʻquvchilarning raqamli texnologiyalarga, jumladan oʻyinlar yaratish va animatsiya sohasiga boʻlgan qiziqishlarini oshirish.
2. Maktabgacha va maktab taʼlimi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
3. Ushbu qarorning bajarilishini nazorat qilish Oʻzbekiston Respublikasi maktabgacha va maktab taʼlimi vaziri E.G. Karimova zimmasiga yuklansin.
Vazirlar Mahkamasining 2026-yil 29-iyuldagi 412-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2023-yil 27-fevraldagi 84-son qarori bilan tasdiqlangan Bolalar sogʻlomlashtirish oromgohlarida bolalarning dam olishini tashkil etish va sogʻlomlashtirish konsepsiyasining 8-bandida :
quyidagi mazmundagi toʻqqizinchi va oʻninchi xatboshilar bilan toʻldirilsin:
“IT oromgohlari. Bunday oromgohlar axborot texnologiyalariga qiziqishi yuqori boʻlgan 10 — 14 yoshgacha bolalarning dam olishi va sogʻlomlashtirilishi uchun yoʻnaltirilib, unda matematika va informatika fanlari chuqurlashtirilgan tarzda oʻrgatiladi.
“Madaniy muloqot va bagʻrikenglik” yoshlar oromgohlari. Bunday oromgohlar yosh avlodda boshqa madaniyat va anʼanalarga nisbatan hurmat va ochiq munosabatni shakllantirishga xizmat qiladi, turli millat vakillariga mansub faol va bilimdon yoshlarning yozgi bolalar lagerlarida birgalikda dam olishi, jamoaviy faoliyatlarda ishtirok etishi hamda oʻzaro tajriba almashishi uchun shart-sharoit yaratiladi”;
toʻqqizinchi xatboshi oʻn birinchi xatboshi deb hisoblansin.
2. Vazirlar Mahkamasining “Kelajak” markazlari faoliyatini tartibga solishga qaratilgan ayrim normativ-huquqiy hujjatlarni tasdiqlash toʻgʻrisida” 2025-yil 10-dekabrdagi 776-son qarorida :
a) quyidagi mazmundagi 8 1 -band bilan toʻldirilsin:
“8 1 . Har bir hududda bittadan “Kelajak” markazlarida oʻyinlar yaratish va animatsiya sohasida toʻgaraklar faoliyati yoʻlga qoʻyilsin. Bunda toʻgarak xonalarini jihozlash “Kelajak” markazlarini qoʻllab-quvvatlash jamgʻarmasi mablagʻlari hisobidan amalga oshiriladi”;
b) 1-ilovaning 7-bandida :
quyidagi mazmundagi oltinchi xatboshi bilan toʻldirilsin:
“yoshlarni sunʼiy intellekt, raqamli texnologiyalar va kreativ industriyaga qiziqishini uygʻotish, oʻyinlar yaratish va animatsiya sohasida toʻgaraklar faoliyatini yoʻlga qoʻyish”;
oltinchi — oʻn toʻrtinchi xatboshilar tegishlicha yettinchi — oʻn beshinchi xatboshilar deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 29-iyul,
412-son