UzbekAI

Ўзбекистон Республикаси Вазирлар Маҳкамасининг

қарори

Ер қаъридан фойдаланиш ҳуқуқини электрон онлайн-аукцион савдолари орқали реализация қилиш тартибини такомиллаштиришнинг қўшимча чора-тадбирлари тўғрисида

Ер қаъридан фойдаланиш ҳуқуқини электрон онлайн-аукцион савдолари орқали реализация қилишни самарали йўлга қўйиш мақсадида Вазирлар Маҳкамаси қарор қилади:

1. Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорига қуйидагиларни назарда тутувчи ўзгартириш ва қўшимчалар киритилсин:

ер қаъри участкаларидан фойдаланиш ҳуқуқини электрон онлайн-аукцион савдоларга чиқаришнинг бошланғич нархларини қайта тасдиқлаш;

ер қаъри участкаларидан фойдаланиш ҳуқуқи учун рухсатномани «биринчи келган биринчи олади» тамойилига асосан расмийлаштирганда, электрон онлайн-аукцион савдоларга чиқаришнинг бошланғич нархлари миқдорида тўловни ундириш;

қимматбаҳо металларни олтин изловчилар усулида қазиб олиш фаолияти учун ер қаъри участкаларидан фойдаланиш ҳуқуқини электрон онлайн-аукцион савдоларига чиқаришнинг бошланғич нархини ҳар бир гектарига базавий ҳисоблаш миқдорининг 35 бараваридан 100 бараваригача ошириш.

2. Тоғ-кон саноати ва геология вазирлиги манфаатдор вазирлик ҳамда идоралар билан биргаликда:

2026 йил 1 октябрга қадар қазиб олиш фаолияти учун ер қаъри участкаларидан фойдаланишнинг бошланғич нархини аниқлашда фойдали қазилмалар захиралари баҳосини ҳисоблаш тартиби тасдиқланишини;

2027 йил 1 мартга қадар кон ва истиқболли майдонларни ўзлаштириш ишларини жадаллаштириш учун республикадаги ер қаъри участкалари кадастр квадратларига оид маълумотлар «Геомониторинг» ахборот тизимига жойлаштирилишини таъминласин.

3. Ушбу қарор расмий эълон қилинган кундан эътиборан уч ойдан кейин кучга киради.

4. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда тоғ-кон саноати ва геология вазири Б.Ф. Исламов зиммасига юклансин.

Вазирлар Маҳкамасининг 2026 йил 30 июлдаги 421-сон қарорига ИЛОВА

Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорига киритилаётган ўзгартириш ва қўшимчалар

1. 1-иловада :

а) 10-банднинг учинчи хатбошиси қуйидаги таҳрирда баён этилсин:

«Ўзбекистон Республикаси Президенти ва Вазирлар Маҳкамасининг қарор ва фармойишларига мувофиқ. Бунда ушбу қарор ва фармойишларга асосан Ер қаъри участкаларидан фойдаланиш ҳуқуқи учун рухсатномалар расмийлаштирилганда, талабгор томонидан савдога чиқаришнинг бошланғич нархи миқдорида маблағлар тўланади ҳамда мазкур маблағлар «E-auksion» электрон савдо платформасида электрон онлайн-аукцион ва танловларни ташкил этиш ҳамда ўтказиш тартибига мувофиқ тақсимланади»;

б) 37-бандда:

«а» кичик бандда:

иккинчи хатбошидаги «олти минг беш юз баравари» сўзлари «ўн минг бир баравари» сўзлари билан;

учинчи хатбошидаги «икки минг олти юз баравари» сўзлари «ўн минг бир баравари» сўзлари билан;

тўртинчи хатбошидаги «бир минг уч юз баравари» сўзлари «беш минг баравари» сўзлари билан;

бешинчи хатбошидаги «олти юз эллик баравари» сўзлари «икки минг беш юз эллик баравари» сўзлари билан;

«б» кичик банддаги «0,15 фоиз» сўзлари «0,6 фоиз» сўзлари билан алмаштирилсин.

2. 2-иловада:

а) 25-банднинг учинчи хатбошиси қуйидаги таҳрирда баён қилинсин:

«Бундай ҳолларда аукционга қўйилган норуда фойдали қазилмаларни ўз ичига олган ер қаъри участкаси бўйича «биринчи келган биринчи олади» тамойилига биноан аризаларни тўғридан-тўғри кўриб чиқиш ташаббус қилинганда, у Кон-геология вазирлигининг қарорига асосан аукциондан чиқарилиши мумкин. Бунда ушбу аризаларга асосан рухсатнома расмийлаштирилганда ер қаъридан фойдаланувчи ер қаъри участкаларидан фойдаланиш ҳуқуқини савдога қўйишнинг бошланғич нархи миқдоридаги тўловни амалга оширади. Ушбу маблағлар Вазирлар Маҳкамасининг «Электрон онлайн-аукцион ва танловларни ташкил этиш ҳамда ўтказиш тартибини такомиллаштириш бўйича қўшимча чора-тадбирлар тўғрисида» 2022 йил 12 январдаги 18-сон қарори бўйича тақсимланади»;

б) 29-бандда:

иккинчи хатбошидаги «ўттиз олти баравари» сўзлари «уч юз баравари» сўзлари билан;

учинчи хатбошидаги «базавий ҳисоблаш миқдорининг етмиш икки баравари» сўзлари «қазиб олинадиган ҳажмининг баҳосига нисбатан 0,3 фоиз» сўзлари билан алмаштирилсин;

тўртинчи ва бешинчи хатбошилар чиқариб ташлансин.

3. 3-илованинг 13-банди иккинчи хатбошисидаги «35 баравари» сўзлари «100 баравари» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2026 йил 30 июль,

421 -сон

(Қонунчилик маълумотлари миллий базаси, 31.07.2026 й., 09/26/421/0804-сон)

lex.uz

Oʻzbekiston Respublikasi Vazirlar Mahkamasining

qarori

Yer qaʼridan foydalanish huquqini elektron onlayn-auksion savdolari orqali realizatsiya qilish tartibini takomillashtirishning qoʻshimcha chora-tadbirlari toʻgʻrisida

Yer qaʼridan foydalanish huquqini elektron onlayn-auksion savdolari orqali realizatsiya qilishni samarali yoʻlga qoʻyish maqsadida Vazirlar Mahkamasi qaror qiladi:

1. Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qaroriga quyidagilarni nazarda tutuvchi oʻzgartirish va qoʻshimchalar kiritilsin:

yer qaʼri uchastkalaridan foydalanish huquqini elektron onlayn-auksion savdolarga chiqarishning boshlangʻich narxlarini qayta tasdiqlash;

yer qaʼri uchastkalaridan foydalanish huquqi uchun ruxsatnomani “birinchi kelgan birinchi oladi” tamoyiliga asosan rasmiylashtirganda, elektron onlayn-auksion savdolarga chiqarishning boshlangʻich narxlari miqdorida toʻlovni undirish;

qimmatbaho metallarni oltin izlovchilar usulida qazib olish faoliyati uchun yer qaʼri uchastkalaridan foydalanish huquqini elektron onlayn-auksion savdolariga chiqarishning boshlangʻich narxini har bir gektariga bazaviy hisoblash miqdorining 35 baravaridan 100 baravarigacha oshirish.

2. Togʻ-kon sanoati va geologiya vazirligi manfaatdor vazirlik hamda idoralar bilan birgalikda:

2026-yil 1-oktabrga qadar qazib olish faoliyati uchun yer qaʼri uchastkalaridan foydalanishning boshlangʻich narxini aniqlashda foydali qazilmalar zaxiralari bahosini hisoblash tartibi tasdiqlanishini;

2027-yil 1-martga qadar kon va istiqbolli maydonlarni oʻzlashtirish ishlarini jadallashtirish uchun respublikadagi yer qaʼri uchastkalari kadastr kvadratlariga oid maʼlumotlar “Geomonitoring” axborot tizimiga joylashtirilishini taʼminlasin.

3. Ushbu qaror rasmiy eʼlon qilingan kundan eʼtiboran uch oydan keyin kuchga kiradi.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda togʻ-kon sanoati va geologiya vaziri B.F. Islamov zimmasiga yuklansin.

Vazirlar Mahkamasining 2026-yil 30-iyuldagi 421-son qaroriga ILOVA

Vazirlar Mahkamasining “Yer qaʼri uchastkalaridan foydalanish huquqi uchun ruxsatnomalar berish tartibini yanada takomillashtirish chora-tadbirlari toʻgʻrisida” 2022-yil 25-martdagi 133-son qaroriga kiritilayotgan oʻzgartirish va qoʻshimchalar

1. 1-ilovada :

a) 10-bandning uchinchi xatboshisi quyidagi tahrirda bayon etilsin:

“Oʻzbekiston Respublikasi Prezidenti va Vazirlar Mahkamasining qaror va farmoyishlariga muvofiq. Bunda ushbu qaror va farmoyishlarga asosan Yer qaʼri uchastkalaridan foydalanish huquqi uchun ruxsatnomalar rasmiylashtirilganda, talabgor tomonidan savdoga chiqarishning boshlangʻich narxi miqdorida mablagʻlar toʻlanadi hamda mazkur mablagʻlar “E-auksion” elektron savdo platformasida elektron onlayn-auksion va tanlovlarni tashkil etish hamda oʻtkazish tartibiga muvofiq taqsimlanadi”;

b) 37-bandda:

“a” kichik bandda:

ikkinchi xatboshidagi “olti ming besh yuz baravari” soʻzlari “oʻn ming bir baravari” soʻzlari bilan;

uchinchi xatboshidagi “ikki ming olti yuz baravari” soʻzlari “oʻn ming bir baravari” soʻzlari bilan;

toʻrtinchi xatboshidagi “bir ming uch yuz baravari” soʻzlari “besh ming baravari” soʻzlari bilan;

beshinchi xatboshidagi “olti yuz ellik baravari” soʻzlari “ikki ming besh yuz ellik baravari” soʻzlari bilan;

“b” kichik banddagi “0,15 foiz” soʻzlari “0,6 foiz” soʻzlari bilan almashtirilsin.

2. 2-ilovada:

a) 25-bandning uchinchi xatboshisi quyidagi tahrirda bayon qilinsin:

“Bunday hollarda auksionga qoʻyilgan noruda foydali qazilmalarni oʻz ichiga olgan yer qaʼri uchastkasi boʻyicha “birinchi kelgan birinchi oladi” tamoyiliga binoan arizalarni toʻgʻridan-toʻgʻri koʻrib chiqish tashabbus qilinganda, u Kon-geologiya vazirligining qaroriga asosan auksiondan chiqarilishi mumkin. Bunda ushbu arizalarga asosan ruxsatnoma rasmiylashtirilganda yer qaʼridan foydalanuvchi yer qaʼri uchastkalaridan foydalanish huquqini savdoga qoʻyishning boshlangʻich narxi miqdoridagi toʻlovni amalga oshiradi. Ushbu mablagʻlar Vazirlar Mahkamasining “Elektron onlayn-auksion va tanlovlarni tashkil etish hamda oʻtkazish tartibini takomillashtirish boʻyicha qoʻshimcha chora-tadbirlar toʻgʻrisida” 2022-yil 12-yanvardagi 18-son qarori boʻyicha taqsimlanadi”;

b) 29-bandda:

ikkinchi xatboshidagi “oʻttiz olti baravari” soʻzlari “uch yuz baravari” soʻzlari bilan;

uchinchi xatboshidagi “bazaviy hisoblash miqdorining yetmish ikki baravari” soʻzlari “qazib olinadigan hajmining bahosiga nisbatan 0,3 foiz” soʻzlari bilan almashtirilsin;

toʻrtinchi va beshinchi xatboshilar chiqarib tashlansin.

3. 3-ilovaning 13-bandi ikkinchi xatboshisidagi “35 baravari” soʻzlari “100 baravari” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 30-iyul,

421 -son

(Qonunchilik maʼlumotlari milliy bazasi, 31.07.2026-y., 09/26/421/0804-son)

lex.uz