UzbekAI

Ўзбекистон Республикаси Президентининг

фармони

ЧОРА-ТАДБИРЛАР ДАСТУРИ

Одам савдосидан жабрланган шахсларни аниқлаш ва уларни жамиятга интеграция қилиш тизимини тубдан такомиллаштиришга қаратилган қўшимча чора-тадбирлар тўғрисида

Одам савдосига қарши курашиш билан шуғулланувчи давлат органлари ва ташкилотлари фаолиятига илғор хорижий тажрибани жорий этиш, одам савдосидан жабрланган ёки жабрланган деб тахмин қилинаётган шахсларни аниқлаш ва уларни ижтимоий ҳамда бошқа хизматлар билан қамраб олиш бўйича комплекс чора-тадбирларни амалга ошириш мақсадида қарор қиламан:

I. Мақсадлар

1. Қуйидагилар ушбу Фармонни қабул қилишдан кўзланган асосий мақсадлар этиб белгилансин:

(а) одам савдосидан жабрланган ёки жабрланган деб тахмин қилинаётган шахслар (кейинги ўринларда — одам савдосидан жабрланган шахслар)ни аниқлаш билан бир вақтда уларни ижтимоий хизматларга йўналтириш тизимини жорий этиш;

(б) одам савдосидан жабрланган шахсларга ижтимоий ва бошқа хизматлардан тўлақонли фойдаланиш имкониятини яратиш ҳамда қўшимча қўллаб-қувватлаш чораларини жорий этиш;

(в) одам савдоси билан боғлиқ жиноий ҳаракатларни содир этганлик учун таъсирчан жавобгарлик чораларини жорий этиш;

(г) одам савдосидан жабрланган шахсларга хизмат кўрсатадиган ихтисослашган муассасалар фаолиятини такомиллаштириш.

II. Ташкилий-ҳуқуқий ислоҳотлар

2. Одам савдосига қарши курашиш ва муносиб меҳнат масалалари бўйича миллий комиссия (кейинги ўринларда — Миллий комиссия), Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик), Иқтисодиёт ва молия вазирлиги ҳамда Ички ишлар вазирлигининг одам савдосидан жабрланган шахсларни идентификация қилиш, ижтимоий ва бошқа хизматлар билан қамраб олиш тизимини такомиллаштиришга қаратилган қуйидаги таклифлари маъқуллансин:

(а) «Инсон» ижтимоий хизматлар марказлари (кейинги ўринларда — «Инсон» маркази) ва Агентлик тизимидаги одам савдосидан жабрланган шахсларга хизмат кўрсатувчи ихтисослашган муассасалар (кейинги ўринларда — ихтисослашган муассасалар)га, шунингдек, ўзларининг таъсис ҳужжатларига мувофиқ нодавлат нотижорат ташкилотларга одам савдосидан жабрланган шахсларни дастлабки идентификация қилиш ваколатини бериш;

(б) одам савдосидан жабрланган шахсларни дастлабки идентификация қилиш билан бир вақтда ижтимоий-иқтисодий ҳолатини баҳолаш орқали ижтимоий ва бошқа хизматлар билан қамраб олиш тизимини жорий этиш;

(в) дастлабки идентификация натижасида шахсга одам савдосидан жабрланган деб тахмин қилинаётган шахс мақомини бир ойгача, якуний идентификация қилиш натижасида бериладиган одам савдосидан жабрланган деб тан олинган шахс мақомини эса кўпи билан бир йилгача бўлган муддатга бериш;

(г) Одам савдосига қарши курашиш ва муносиб меҳнат масалалари бўйича ҳудудий комиссиялар томонидан одам савдосидан жабрланган шахсларни якуний идентификация қилиш муддатини ўн сутка этиб белгилаш;

(д) одам савдосидан жабрланган шахсларни Бандликка кўмаклашиш давлат жамғармаси, «Саховат ва кўмак» ва Миграция жамғармаси маблағлари ҳисобидан ижтимоий, ҳуқуқий ва моддий жиҳатдан қўллаб-қувватлашга қаратилган янги молиявий кўмак чораларини жорий этиш;

(ж) Ўзбекистон Республикасига олиб келинган репатриантларни уларнинг ҳолати ва эҳтиёжларини инобатга олган ҳолда алоҳида махсус дастурлар асосида ихтисослашган муассасаларга жойлаштириш.

3. Белгилансинки, 2026 йил 1 сентябрдан бошлаб:

(а) қонунчилик ҳужжатларига мувофиқ ваколатли органлар ва нодавлат нотижорат ташкилотлар томонидан амалга оширилган дастлабки идентификация қилиш натижасида шахслар одам савдосидан жабрланган деб тахмин қилинган ҳамда улар томонидан ижтимоий хизматлардан фойдаланиш истаги билдирилган тақдирда, ушбу шахслар тўғрисидаги маълумотлар «Инсон» марказига юборилади;

(б) одам савдосидан жабрланган деб тахмин қилинаётган шахс ва унинг оила аъзоларининг ижтимоий-иқтисодий ҳолати ҳамда ижтимоий хизматларга муҳтожлиги «Инсон» маркази томонидан баҳоланади ҳамда баҳолаш натижаси асосида улар тегишли хизматларга йўналтирилади. Бунда одам савдосидан жабрланган деб тахмин қилинаётган шахсларга ижтимоий ва иқтисодий ҳолатидан қатъи назар таркиби ва тақдим этиш шартлари Вазирлар Маҳкамаси томонидан белгиланадиган минимал хизматлар пакетига киритилган хизматлар бепул асосда кўрсатилади;

(в) фуқаролар одам савдосидан жабрланганлик ҳолати бўйича тўғридан-тўғри ихтисослашган муассасага мурожаат қилган тақдирда ёки дастлабки идентификация якуни бўйича одам савдосидан жабрланган деб тахмин қилинаётган шахс ихтисослашган муассасага жойлаштирилган тақдирда, уларнинг ижтимоий-иқтисодий ҳолати ва ижтимоий хизматларга муҳтожлигини баҳолаш ҳамда ижтимоий хизматларга йўналтириш мазкур ихтисослашган муассаса томонидан амалга оширилади;

(г) одам савдосидан жабрланганлик ҳолати бўйича мурожаат қилган шахснинг яшаш жойи мавжуд бўлмаган тақдирда, ушбу шахс ва унинг вояга етмаган фарзандлари (агар мавжуд бўлса) тегишли ихтисослашган муассасага вақтинчалик жойлаштирилади. Бунда ихтисослашган муассаса томонидан:

(i) ушбу шахс уч сутка ичида дастлабки идентификация қилинади;

(ii) дастлабки идентификация натижасида шахсга одам савдосидан жабрланган деб тахмин қилинаётган шахс мақоми берилган тақдирда, мазкур банднинг «в» кичик бандида белгиланган чора-тадбирлар амалга оширилади;

(iii) дастлабки идентификация натижасида шахсга одам савдосидан жабрланган деб тахмин қилинаётган шахс мақомини бериш рад этилган тақдирда, ушбу шахс ихтисослашган муассасадан чиқарилади. Бунда ушбу шахслар белгиланган тартибда муайян яшаш жойига эга бўлмаган шахслар учун мўлжалланган марказларга жойлаштирилиши мумкин.

III. Ижтимоий хизматлардан фойдаланиш имкониятини кенгайтириш

4. Фуқароларнинг одам савдосидан жабрланишининг олдини олиш, одам савдосидан жабрланган шахсларни аниқлаш ҳамда ўз вақтида тегишли хизматлар ва маълумотлар билан таъминлаш мақсадида шундай тартиб ўрнатилсинки, унга мувофиқ 2026 йил 1 сентябрдан бошлаб:

(а) Агентликнинг «1146» қисқа рақамли ишонч телефони орқали одам савдосидан жабрланган шахсларнинг мурожаатларини Ўзбекистон Республикаси ҳудудида қабул қилиш, мутахассислар томонидан уларга ижтимоий, психологик, ҳуқуқий ҳамда бошқа масалаларда маслаҳат бериш ва ахборот тақдим этиш хизматлари кўрсатилади;

(б) Ўзбекистон Республикасининг чет давлатлардаги дипломатик ва бошқа ваколатхоналари ҳамда консуллик муассасалари (кейинги ўринларда — дипломатик ваколатхоналар)да одам савдосидан жабрланганлик ҳолати бўйича мурожаатларни қабул қилиш, уларга ижтимоий, психологик, ҳуқуқий ва моддий ҳамда бошқа масалаларда маслаҳат бериш ва ахборот тақдим этиш хизматлари кўрсатиладиган ишонч телефонлари фаолияти йўлга қўйилади;

(в) ташқи меҳнат миграциясига кетаётган шахслар учун бораётган давлатидаги дипломатик ваколатхона ва Миграция агентлигининг ҳудудий вакилининг алоқа маълумотлари билан танишиш имконияти яратилади. Бунда Ислом Каримов номидаги «Тошкент» халқаро аэропорти ва «Самарқанд» халқаро аэропортларида Миграция жамғармаси ҳисобидан сунъий интеллект технологияларидан фойдаланилган ҳолда Миграция маслаҳат бюролари ташкил этилади.

5. Одам савдосидан жабрланган болаларнинг оила муҳитида ёки оилавий муҳитга яқин шароитларда реабилитация қилинишини таъминлаш мақсадида, шундай тартиб ўрнатилсинки, унга мувофиқ:

(а) дастлабки ёки якуний идентификация қилиш жараёнида одам савдосидан жабрланганлиги аниқланган болани оиласига қайтариш чоралари кўрилади ҳамда «Инсон» марказлари томонидан бола ва унинг оила аъзолари реабилитация қилишга қаратилган ижтимоий хизматларга жалб этилади. Бунда одам савдосидан жабрланган бола етим ёки ота-она қарамоғидан маҳрум бўлган бола бўлса, унга нисбатан қонунчилик ҳужжатларида ўрнатилган тартибда муқобил жойлаштириш шакллари белгиланиб, тегишли ижтимоий хизматлар билан қамраб олинади;

(б) дастлабки ёки якуний идентификация қилиш жараёнида болага нисбатан одам савдоси билан боғлиқ ғайриҳуқуқий хатти-ҳаракатлар унинг оила аъзолари томонидан содир этилганлиги аниқланган тақдирда, ушбу бола у аниқланган вақтда эътиборан бир сутка ичида профессионал тутинган оилага ёки кичик ҳажмли ижтимоий кўмак марказларига жойлаштирилади ҳамда тегишли ижтимоий хизматларга жалб этилади;

(в) одам савдосидан жабрланган болаларни уларнинг хоҳиши ва қонуний вакилларининг мурожаатига асосан ихтисослашган муассасаларга ҳам жойлаштиришга йўл қўйилади.

IV. Одам савдосидан жабрланган шахсларни қўллаб-қувватлаш

6. Шундай тартиб ўрнатилсинки, унга мувофиқ одам савдосидан жабрланган шахсларни ижтимоий хизматлар билан қамраб олиш орқали ижтимоийлаштириш мақсадида қуйидаги янги қўллаб-қувватлаш чоралари жорий этилади:

(а) одам савдосидан жабрланган, бироқ ихтисослашган муассасаларга жойлашишни истамаган шахсларга уларнинг мурожаатига асосан «Инсон» маркази хизматларидан кундузги қатнов асосида фойдаланиш ҳуқуқи берилади. Бунда одам савдосидан жабрланган шахсларга кўрсатиладиган хизматлар мазкур Фармон 3-бандининг «б» кичик бандига мувофиқ амалга ошириладиган баҳолаш натижаси бўйича белгиланади;

(б) мазкур Фармон 3-бандининг «б» кичик бандига мувофиқ амалга ошириладиган баҳолашда одам савдосидан жабрланган шахс ва унинг оиласи Ижтимоий реестрга киритиш учун белгиланган талабларга тўғри келган тақдирда, ушбу шахс алоҳида мурожаат талаб этилмаган ҳолда Ижтимоий реестрга киритилиб, тегишли хизматлар билан қамраб олинади;

(в) ихтисослашган муассасаларга жойлаштирилган одам савдосидан жабрланган шахслар учун уларнинг қизиқишларини инобатга олган ҳолда касб-ҳунарга ўқитиш курслари ташкил этилади. Бунда:

(i) ихтисослашган муассасалар томонидан одам савдосидан жабрланган шахсларнинг меҳнат фаолияти ва касбга қизиқишига доир маълумотлар асосида уларнинг ҳар бири учун шахсий касбга йўналтириш тавсияси ишлаб чиқилади ҳамда унга асосан одам савдосидан жабрланган шахсларни касб-ҳунарга ўқитиш бўйича Камбағалликни қисқартириш ва бандлик вазирлигига электрон буюртма берилади;

(ii) Камбағалликни қисқартириш ва бандлик вазирлиги томонидан ихтисослашган муассасанинг буюртмасига асосан одам савдосидан жабрланган шахсларни ўқитиш билан боғлиқ харажатлар Бандликка кўмаклашиш давлат жамғармаси ҳисобидан молиялаштирилади;

(iii) ихтисослашган муассасаларнинг талабномасига мувофиқ Камбағалликни қисқартириш ва бандлик вазирлиги томонидан уч ой ичида касб-ҳунарга ўқиб, тегишли диплом (сертификат) олган одам савдосидан жабрланган шахсларнинг бандлиги таъминланади.

7. Белгилаб қўйилсинки, қонунчиликка мувофиқ одам савдосидан жабрланган деб тан олинган чет эл фуқаролари ва фуқаролиги бўлмаган шахсларга, уларнинг Ўзбекистон Республикаси ҳудудига кириш ҳолатларидан қатъи назар, ихтисослашган муассасаларда реабилитация қилинаётган даврда Ўзбекистон Республикасида вақтинча бўлиш ҳуқуқи берилади. Бунда:

(а) ушбу муддат давомида одам савдосидан жабрланган деб тан олинган чет эл фуқаролари ва фуқаролиги бўлмаган шахслар ихтисослашган муассасаларда вақтинчалик турган жойи бўйича рўйхатдан ўтказилади ҳамда уларга нисбатан мамлакатдан чиқариб юбориш билан боғлиқ чора-тадбирлар амалга оширилмайди;

(б) уларга Ўзбекистон Республикасида вақтинча бўлиш ҳуқуқини берувчи яшаш гувоҳномасини расмийлаштириш билан боғлиқ харажатлар Агентликнинг Ижтимоий ҳимоя давлат жамғармаси маблағлари ҳисобидан молиялаштирилади.

V. Одам савдосига қарши курашиш самарадорлигини ошириш

8. Миллий комиссия, Агентлик, Олий суд, Бош прокуратура ва Ички ишлар вазирлигининг қуйидаги таклифларига розилик берилсин:

(а) туризм ва ташқи меҳнат миграцияси йўналишларида фуқароларни хорижга саёҳат ёки меҳнат фаолиятини амалга ошириш учун юбориш билан шуғулланувчи мансабдор шахслар томонидан одам савдоси билан боғлиқ жиноятлар содир этилганда, судлар томонидан уларга асосий жазога қўшимча жазо сифатида тегишли фаолият билан шуғулланишни чеклаш тарзидаги жазо тайинлаш тартибини жорий этиш;

(б) болаларга нисбатан, шу жумладан, уларни фоҳишалик билан шуғулланишга жалб этиш мақсадида содир этилган одам савдоси билан боғлиқ жиноий ҳаракатлар (ҳаракатсизлик) учун алоҳида жиноий жавобгарлик жорий этиш ҳамда ушбу жиноят бўйича терговга қадар текширув ва дастлабки терговни прокуратура органлари томонидан ўтказиш;

(в) болаларни фоҳишалик билан шуғулланишга жалб этиш мақсадида одам савдоси билан боғлиқ жиноятни содир этганлик учун судланган шахсларни манзил-колонияларга ўтказилмайдиган маҳкумлар тоифасига киритиш.

9. Ички ишлар вазирлиги Бош прокуратура, Олий суд ва Агентлик билан биргаликда уч ой муддатда мазкур Фармоннинг 8-бандида назарда тутилган янги тартибларни тегишли қонун ҳужжатларига киритиш бўйича таклифларни белгиланган тартибда Вазирлар Маҳкамасига киритсин.

VI. Ихтисослашган муассасалар фаолиятини такомиллаштириш

10. Агентлик ва Миллий комиссиянинг қуйидаги таклифларига розилик берилсин:

(а) Аёлларни реабилитация қилиш ва мослаштириш республика маркази ва унинг ҳудудий марказларини Аёллар ва болаларни реабилитация қилиш республика маркази (кейинги ўринларда — Республика маркази) ва унинг ҳудудий марказлари деб қайта номлаш;

(б) Республика марказининг Қорақалпоғистон Республикаси, Қашқадарё, Самарқанд ва Фарғона вилояти ҳудудий марказларига (кейинги ўринларда — ихтисослашган ҳудудий марказлар) қўшимча 17 та тарбиячи штат бирлиги ажратган ҳолда одам савдосидан жабрланган хотин-қизлар ва уларнинг вояга етмаган фарзандларини қабул қилиш ҳамда хизматлар кўрсатишни йўлга қўйиш.

11. Белгилансинки:

(а) одам савдосидан жабрланган эркаклар, чет эл фуқаролари ва махсус дастурлар асосида Ўзбекистон Республикасига олиб келинган репатриантлар фақат Одам савдоси жабрдийдаларига ёрдам бериш бўйича республика реабилитация марказига (кейинги ўринларда — ихтисослашган марказ) қабул қилинади;

(б) ихтисослашган ҳудудий марказларнинг одам савдосидан жабрланган шахсларни қабул қилиш ва уларга хизмат кўрсатиш билан боғлиқ фаолияти ихтисослашган марказ томонидан мувофиқлаштириб борилади;

(в) одам савдосидан жабрланган деб тахмин қилинаётган шахслар — бир ой давомида, одам савдосидан жабрланган деб тан олинган шахслар эса кўпи билан олти ой давомида ихтисослашган марказ ёки ихтисослашган ҳудудий марказлар хизматидан фойдаланади. Бунда:

(i) шахслар уларга одам савдосидан жабрланган деб тахмин қилинаётган шахс мақоми берилган кундан эътиборан бир ой ичида, одам савдосидан жабрланган деб тан олинган шахс мақоми берилган кундан эътиборан эса бир йил ичида ихтисослашган марказ ёки ихтисослашган ҳудудий марказлар хизматларидан фойдаланиш юзасидан мурожаат қилиши мумкин;

(ii) ихтисослашган марказ ёки ихтисослашган ҳудудий марказлар хизматларидан фойдаланган бир шахс дастлабки идентификация қилинганлиги ҳолати бўйича такроран ушбу марказларга жойлаштирилишига йўл қўйилмайди;

(г) ихтисослашган марказ ва ихтисослашган ҳудудий марказларга одам савдосидан жабрланган шахсларни дастлабки идентификация қилиш ваколати берилади;

(д) одам савдосидан жабрланган шахсларнинг ихтисослашган марказ ёки ихтисослашган ҳудудий марказларга келиб-кетиши билан боғлиқ транспорт харажатлари тегишли марказнинг тавсиясига асосан «Саховат ва кўмак» жамғармаси маблағлари ҳисобидан қуйидаги миқдорларда қоплаб берилади:

(i) ихтисослашган марказга келиб-кетиш учун — базавий ҳисоблаш миқдорининг бир баравари миқдорида;

(ii) ихтисослашган ҳудудий марказларга келиб-кетиш учун — базавий ҳисоблаш миқдорининг ярим баравари миқдорида.

12. Шундай тартиб ўрнатилсинки, унга мувофиқ туман (шаҳар) кўп тармоқли марказий поликлиникаси ёки туман (шаҳар) марказий шифохонаси томонидан одам савдосидан жабрланган шахслар ҳамда уларнинг вояга етмаган фарзандларида юқумли касалликлар мавжудлиги ҳамда уларнинг стационар ёхуд амбулатор даволанишга муҳтожлиги ўрганилади. Бунда:

(а) одам савдосидан жабрланган шахслар ҳамда уларнинг вояга етмаган фарзандлари ихтисослашган марказ ёки ихтисослашган ҳудудий марказлар жойлашган ҳудуддаги туман (шаҳар) кўп тармоқли марказий поликлиникаси ёки туман (шаҳар) марказий шифохонасига бириктирилади;

(б) ушбу ўрганиш тегишли марказ томонидан туман (шаҳар) кўп тармоқли марказий поликлиникаси ёки туман (шаҳар) марказий шифохонасига киритилган талабнома асосида амалга оширилади;

(в) ўрганиш якуни бўйича одам савдосидан жабрланган шахслар ҳамда уларнинг вояга етмаган фарзандларига тегишли туман (шаҳар) кўп тармоқли марказий поликлиникаси ёки туман (шаҳар) марказий шифохонасида белгиланган тартибда стационар ёки амбулатор тиббий ёрдам кўрсатилади.

VII. Фармон ижросини ташкил этиш, таъминлаш ва назорат

13. Одам савдосига қарши курашиш тизимини янада такомиллаштириш бўйича чора-тадбирлар дастури 1-иловага мувофиқ тасдиқлансин.

14. Белгилансинки:

(а) Агентлик ҳузуридаги Ижтимоий инспекция томонидан давлат органлари ва ташкилотларининг одам савдосидан жабрланган шахсларга ижтимоий хизматларни кўрсатиш ҳолати ўрганиб борилади ҳамда ўрганиш якуни бўйича маълумотлар Миллий комиссия муҳокамасига киритиб борилади;

(б) Миллий комиссия томонидан ҳар ярим йилда бир маротаба республика ижро этувчи ҳокимият органлари, фуқароларнинг ўзини ўзи бошқариш органлари, нодавлат нотижорат ва бошқа ташкилотлар томонидан одам савдосига қарши курашиш ҳамда ундан жабрланган шахсларни ҳар томонлама қўллаб-қувватлаш юзасидан амалга оширилаётган чора-тадбирларнинг натижадорлиги таҳлил қилиниб, уларнинг бу борадаги фаолияти самарадорлигини ошириш чоралари кўриб борилади.

15. Ички ишлар вазирлиги уч ой муддатда қуйидагиларни Вазирлар Маҳкамасига киритсин:

(а) Агентлик билан биргаликда Ўзбекистон Республикасининг «Одам савдосига қарши курашиш тўғрисида»ги Қонунига тегишли ўзгартириш ва қўшимчалар киритиш тўғрисидаги қонун лойиҳасини;

(б) манфаатдор вазирлик ва идоралар билан биргаликда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни.

16. Ўзбекистон Миллий ахборот агентлиги, Ўзбекистон Миллий телерадиокомпанияси, Оммавий ахборот воситалари учун контент тайёрлаш маркази, Ички ишлар вазирлиги ҳамда Агентлик ушбу Фармоннинг мазмун-моҳияти оммавий ахборот воситаларида кенг ёритилишини таъминласин.

17. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.

18. Мазкур Фармоннинг ижросини самарали ташкил қилишга масъул ва шахсан жавобгар этиб Ўзбекистон Республикаси ички ишлар вазири А.А. Ташпулатов ҳамда Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори М.П. Оллоёров белгилансин.

19. Фармон ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 3 августдаги ПФ-146-сон Фармонига 1-ИЛОВА

Одам савдосига қарши курашиш тизимини янада такомиллаштириш бўйича

Т/р Чора-тадбирлар номи Амалга ошириш шакли Ижро муддати Масъуллар 1. Одам савдосидан жабрланган ёки одам савдосидан жабрланган деб тахмин қилинаётган шахсларнинг ижтимоий ва бошқа хизматларга бўлган эҳтиёжини комплекс баҳолаш тартибини ишлаб чиқиш. Ички буйруқ 2026 йил сентябрь Ижтимоий ҳимоя миллий агентлиги 2. Одам савдосидан жабрланган шахсларнинг мурожаатларини қабул қилиш имкониятини кенгайтириш мақсадида: (а) Ижтимоий ҳимоя миллий агентлигининг «1146» қисқа рақамли ишонч телефони орқали қуйидаги имкониятларга эга колл-марказ фаолиятини йўлга қўйиш: (i) одам савдосидан жабрланган шахсларнинг ҳуқуқлари ва қонуний манфаатлари, уларга кўрсатиладиган хизматлар ва қонунчиликда мавжуд имтиёзлар юзасидан маълумот бериш; (ii) одам савдосидан жабрланган шахсларнинг мурожаатларини Ўзбекистон Республикаси ҳудудида қабул қилиш; (iii) мутахассислар томонидан уларга ижтимоий, психологик, ҳуқуқий ҳамда бошқа масалаларда маслаҳат бериш; Амалий чора-тадбирлар 2026 йил сентябрь Ижтимоий ҳимоя миллий агентлиги (б) Ўзбекистон Республикасининг чет давлатлардаги дипломатик ва бошқа ваколатхоналари ҳамда консуллик муассасаларида шахсларнинг одам савдосидан жабрланганлиги ҳолати бўйича мурожаатларини қабул қилиш, уларга ижтимоий, психологик, ҳуқуқий ва моддий ҳамда бошқа масалаларда маслаҳат бериш ва ахборот тақдим этиш хизматлари кўрсатиладиган ишонч телефонлари фаолиятини йўлга қўйиш. Бунда дипломатик ваколатхоналар ва консуллик муассасаларида мазкур вазифаларни амалга ошириш учун масъул этиб тайинланган ходимларнинг мансаб йўриқномалари ҳамда энг муҳим самарадорлик кўрсаткичларига одам савдосидан жабрланган шахсларнинг мурожаатлари асосида уларга зарур хизматларни ташкил этишга оид мезонлар киритилади. Ташқи ишлар вазирлиги 3. Қонунчилик ҳужжатларига одам савдосидан жабрланган ёки одам савдосидан жабрланган деб тахмин қилинаётган шахсларни аниқлаш, идентификация қилиш, уларни ижтимоий хизматларга йўналтириш механизмларини такомиллаштириш бўйича ўзгартириш ва қўшимчалар киритиш. Норматив-ҳуқуқий ҳужжат лойиҳаси 2026 йил декабрь Ички ишлар вазирлиги, Бош прокуратура, Давлат хавфсизлик хизмати, Камбағалликни қисқартириш ва бандлик вазирлиги, Ташқи ишлар вазирлиги, Соғлиқни сақлаш вазирлиги, Ижтимоий ҳимоя миллий агентлиги 4. Дастлабки ва якуний идентификация натижасида одам савдосидан жабрланган деб тахмин қилинаётган ёки одам савдосидан жабрланган деб тан олинган шахслар ижтимоий хизматлардан фойдаланиш истагини билдирган тақдирда, улар тўғрисидаги маълумотларни Ижтимоий ҳимоя миллий агентлигининг «Ягона миллий ижтимоий ҳимоя» ахборот тизими орқали «Инсон» ижтимоий хизматлар марказларига, Одам савдоси жабрдийдаларига ёрдам бериш бўйича республика реабилитация марказига ҳамда Аёллар ва болаларни реабилитация қилиш республика марказининг тегишли ҳудудий марказларига юбориш тартибини йўлга қўйиш. Амалий чора-тадбирлар 2026 йил ноябрь Ички ишлар вазирлиги, Бош прокуратура, Давлат хавфсизлик хизмати, Камбағалликни қисқартириш ва бандлик вазирлиги, Ташқи ишлар вазирлиги, Соғлиқни сақлаш вазирлиги, Ижтимоий ҳимоя миллий агентлиги 5. Одам савдосидан жабрланиш хавфининг олдини олиш, жабрланган шахсларни ўз вақтида аниқлаш ҳамда уларни мавжуд ёрдам ва реабилитация хизматлари ҳақида хабардор қилиш мақсадида ташқи меҳнат миграциясига кетувчи шахслар, хотин-қизлар, ёшлар ва аҳолининг ижтимоий ҳимояга муҳтож бошқа тоифалари ўртасида тизимли ахборот-тушунтириш ва тарғибот тадбирларини амалга ошириш. Амалий чора-тадбирлар 2026 йил сентябрдан бошлаб доимий Ички ишлар вазирлиги, Миграция агентлиги, Ташқи ишлар вазирлиги, Ижтимоий ҳимоя миллий агентлиги 6. Қонунчилик ҳужжатларига қуйидагиларни назарда тутувчи ўзгартириш ва қўшимчалар киритиш юзасидан Вазирлар Маҳкамасига таклиф киритиш: (а) одам савдосидан жабрланган чет эл фуқаролари ёки фуқаролиги бўлмаган шахсларга Ўзбекистон Республикасида вақтинча бўлиш ҳуқуқини берувчи яшаш гувоҳномасини (ID-карта) расмийлаштириш; (б) Ўзбекистон Республикасида вақтинча бўлиш ҳуқуқини берувчи яшаш гувоҳномасини (ID-карта) расмийлаштириш билан боғлиқ харажатларни Давлат бюджети маблағлари ҳисобидан амалга ошириш; (в) одам савдосидан жабрланган чет эл фуқаролари ёки фуқаролиги бўлмаган шахсларни реабилитация даврида улар жойлашган ихтисослашган муассасага вақтинча рўйхатга қўйиш. Норматив-ҳуқуқий ҳужжат лойиҳаси 2026 йил сентябрь Ички ишлар вазирлиги, Ташқи ишлар вазирлиги, Иқтисодиёт ва молия вазирлиги, Ижтимоий ҳимоя миллий агентлиги, Адлия вазирлиги 7. Одам савдосига қарши курашиш фаолиятининг такомиллаштирилиши муносабати билан ушбу йўналишга доир Олий суд Пленуми қарорларини қайта кўриб чиқиш. Бунда одамни олиш-сотиш билан боғлиқ одам савдоси жиноятини содир этган шахсларга нисбатан қонун санкциясида назарда тутилган оғирроқ жазони тайинлаш амалиётини йўлга қўйиш. Олий суд Пленуми қарори 2026 йил октябрь Олий суд, Бош прокуратура, Ички ишлар вазирлиги, Адлия вазирлиги 8. Одам савдосидан жабрланган шахсларга давлат ҳисобидан малакали юридик ёрдам кўрсатиш тизимини йўлга қўйиш. Қонун лойиҳаси 2026 йил сентябрь Адлия вазирлиги, Ижтимоий ҳимоя миллий агентлиги 9. Одам савдосига қарши курашиш ва муносиб меҳнат масалалари бўйича ҳудудий комиссиялар таркибига «Инсон» ижтимоий хизматлар марказлари вакилларини киритиш. Амалий чора-тадбирлар 2026 йил сентябрь Одам савдосига қарши курашиш ва муносиб меҳнат масалалари бўйича миллий комиссия 10. Одам савдосидан жабрланган шахсларни аниқлаш ва уларга ижтимоий хизматларни ташкил этишга масъул бўлган давлат органлари ва ташкилотларининг фаолияти самарадорлиги кўрсаткичларини (KPI) тасдиқлаш ва уларга эришилишини таъминлаш. Бунда: Амалий чора-тадбирлар 2026 йил октябрь Ички ишлар вазирлиги, Ижтимоий ҳимоя миллий агентлиги, Ташқи ишлар вазирлиги, Бош прокуратура, Соғлиқни сақлаш вазирлиги, Камбағалликни қисқартириш ва бандлик вазирлиги, Миграция агентлиги, масъул вазирлик ва идоралар (а) вазирлик ва идоралар томонидан одам савдосидан жабрланган шахсларни аниқлаш ва уларга ижтимоий ва бошқа хизматларни кўрсатиш бўйича фаолият самарадорлиги кўрсаткичлари (KPI)ни белгилаш юзасидан таклифлар Одам савдосига қарши курашиш ва муносиб меҳнат масалалари бўйича миллий комиссияга киритилади; 2026 йил декабрь (б) Одам савдосига қарши курашиш масалалари бўйича кичик комиссия йиғилишларида вазирлик ва идораларнинг ушбу йўналишдаги фаолиятининг самарадорлиги кўрсаткичлари (KPI) бажарилиши ҳолати муҳокама қилиб борилади; 2027 йилдан бошлаб, ҳар ойда Ички ишлар вазирлиги, Ижтимоий ҳимоя миллий агентлиги, масъул вазирлик ва идоралар (в) Одам савдосига қарши курашиш ва муносиб меҳнат масалалари бўйича миллий комиссияда ҳар ярим йилда бир маротаба масъул вазирлик ва идоралар томонидан тасдиқланган самарадорлик кўрсаткичлари (KPI)га эришилиши ҳолати муҳокама қилиб борилади. 2027 йилдан бошлаб, ҳар ярим йилда Одам савдосига қарши курашиш ва муносиб меҳнат масалалари бўйича миллий комиссия 11. Одам савдосидан жабрланганларни аниқлаш ва уларга ижтимоий хизматлар кўрсатиш фаолияти билан шуғулланувчи барча масъул ташкилотлар ходимларининг малакасини ошириш. Бунда: Амалий чора-тадбирлар Ички ишлар вазирлиги, Ижтимоий ҳимоя миллий агентлиги, Ташқи ишлар вазирлиги, Бош прокуратура, Давлат хавфсизлик хизмати, Соғлиқни сақлаш вазирлиги, Камбағалликни қисқартириш ва бандлик вазирлиги, Миграция агентлиги (а) ҳар бир масъул вазирлик ва идора томонидан тизим ходимларининг малакасини ошириш бўйича ўқув дастурлари ва малака ошириш семинарлари графиги ишлаб чиқилади; 2026 йил сентябрь (б) ишлаб чиқилган ўқув дастурлари ва график асосида ўқув семинарлари ташкил этилади График асосида 12. Болалар савдоси билан боғлиқ жиноий хатти-ҳаракатларни содир этган ота-оналар ва уларнинг ўрнини босувчи шахслар билан тузатиш дастурларини амалга ошириш тизимини йўлга қўйиш бўйича таклифлар ишлаб чиқиш. Ахборот-таҳлилий маълумотнома 2026 йил декабрь Ички ишлар вазирлиги, Ижтимоий ҳимоя миллий агентлиги, Бош прокуратура, Соғлиқни сақлаш вазирлиги, Камбағалликни қисқартириш ва бандлик вазирлиги

Ўзбекистон Республикаси Президентининг 2026 йил 3 августдаги ПФ-146-сон Фармонига 2-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2025 йил 24 декабрдаги «2026 — 2030 йилларга мўлжалланган Болаларни зўравонликнинг барча шаклларидан ҳимоя қилиш стратегиясини тасдиқлаш тўғрисида»ги ПФ-256-сон Фармони 3-бандининг «в» кичик бандидаги «Аёлларни реабилитация қилиш ва мослаштириш республика марказининг» сўзлари «Аёллар ва болаларни реабилитация қилиш республика марказининг» сўзлари билан алмаштирилсин.

2. Ўзбекистон Республикаси Президентининг 2026 йил 27 апрелдаги «Руҳий ҳолати бузилган ногиронлиги бўлган шахсларга ижтимоий хизмат кўрсатиш тизимини тубдан такомиллаштириш бўйича қўшимча чора-тадбирлар тўғрисида»ги ПФ-69-сон Фармонида :

(а) 5-банд «г» кичик бандининг «ii» хатбошисидан «Ижтимоий реестрга киритилган» сўзлари чиқариб ташлансин;

(б) 13-банд «а» кичик бандининг «ii» хатбошисидан «ўзгалар парваришига муҳтож» сўзлари чиқариб ташлансин.

3. Ўзбекистон Республикаси Президентининг 2021 йил 19 майдаги «Зўрлик ишлатишдан жабр кўрган хотин-қизларни реабилитация қилишга оид қўшимча чора-тадбирлар тўғрисида»ги ПҚ-5116-сон қарори 2-бандининг биринчи хатбошиси қуйидаги таҳрирда баён этилсин:

«2. Марказлар бошқарув ва ишлаб чиқариш ходимларининг чекланган сони 94 нафар, шу жумладан, марказий аппаратда 7 нафар этиб белгилансин».

4. Ўзбекистон Республикаси Президентининг 2024 йил 10 майдаги «Тазйиқ ва зўравонликдан жабрланган шахсларга ижтимоий хизматлар кўрсатишни такомиллаштириш бўйича қўшимча чора-тадбирлар тўғрисида»ги ПҚ-175-сон қарори 4-бандининг «б» кичик банди иккинчи хатбошисидаги «Аёлларни реабилитация қилиш ва мослаштириш республика марказининг» сўзлари «Аёллар ва болаларни реабилитация қилиш республика марказининг» сўзлари билан алмаштирилсин.

5. Ўзбекистон Республикаси Президентининг 2024 йил 23 сентябрдаги «Камбағалликдан фаровонлик сари» дастурини амалга ошириш бўйича биринчи навбатдаги чора-тадбирлар тўғрисида»ги ПҚ-330-сон қарорига 6-иловада :

(а) 6-позициянинг «Штат бирликлари сони» устунидаги «4 540» рақами «4 529» рақами билан алмаштирилсин;

(б) қуйидаги мазмундаги 8-позиция билан тўлдирилсин:

« 8. Ички ишлар вазирлиги 11 шундан: Вақтинчалик бошпана ва ижтимоий тикланиш марказлари учун ижтимоий ходимлар 11 ».

6. Ўзбекистон Республикаси Президентининг 2025 йил 18 декабрдаги «Аҳолининг эҳтиёжманд қатламларига ҳудудларда комплекс ижтимоий ва реабилитация хизматларини кўрсатиш тизимини йўлга қўйиш чора-тадбирлари тўғрисида»ги ПҚ-383-сон қарорида :

(а) 3-банддаги «20» рақами «21» рақами билан алмаштирилсин;

(б) 10-бандда:

(i) «а» кичик банднинг «i» хатбошисидаги «концепция» сўзи «дастур» сўзи билан алмаштирилсин;

(ii) «б» кичик банд қуйидаги таҳрирда баён этилсин:

«(б) 2026 йил якунига қадар Ижтимоий ҳимоя давлат жамғармаси маблағлари ҳисобидан «Ягона миллий ижтимоий ҳимоя» ахборот тизимида ҳудудий марказлар фаолиятини мониторинг қилиш имкониятини яратсин»;

(в) 2а-илова қуйидаги мазмундаги 9 1 -позиция билан тўлдирилсин:

« 9 1 . Тошкент шаҳри Тошкент шаҳри, Чилонзор тумани, Байналмилал кўчаси, 24-уй » .

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 3 август,

ПФ- 146 -сон

(Қонунчилик маълумотлари миллий базаси, 04.08.2026 й., 06/26/146/0811-сон)

lex.uz

Oʻzbekiston Respublikasi Prezidentining

farmoni

CHORA-TADBIRLAR DASTURI

Odam savdosidan jabrlangan shaxslarni aniqlash va ularni jamiyatga integratsiya qilish tizimini tubdan takomillashtirishga qaratilgan qoʻshimcha chora-tadbirlar toʻgʻrisida

Odam savdosiga qarshi kurashish bilan shugʻullanuvchi davlat organlari va tashkilotlari faoliyatiga ilgʻor xorijiy tajribani joriy etish, odam savdosidan jabrlangan yoki jabrlangan deb taxmin qilinayotgan shaxslarni aniqlash va ularni ijtimoiy hamda boshqa xizmatlar bilan qamrab olish boʻyicha kompleks chora-tadbirlarni amalga oshirish maqsadida qaror qilaman:

I. Maqsadlar

1. Quyidagilar ushbu Farmonni qabul qilishdan koʻzlangan asosiy maqsadlar etib belgilansin:

(a) odam savdosidan jabrlangan yoki jabrlangan deb taxmin qilinayotgan shaxslar (keyingi oʻrinlarda — odam savdosidan jabrlangan shaxslar)ni aniqlash bilan bir vaqtda ularni ijtimoiy xizmatlarga yoʻnaltirish tizimini joriy etish;

(b) odam savdosidan jabrlangan shaxslarga ijtimoiy va boshqa xizmatlardan toʻlaqonli foydalanish imkoniyatini yaratish hamda qoʻshimcha qoʻllab-quvvatlash choralarini joriy etish;

(v) odam savdosi bilan bogʻliq jinoiy harakatlarni sodir etganlik uchun taʼsirchan javobgarlik choralarini joriy etish;

(g) odam savdosidan jabrlangan shaxslarga xizmat koʻrsatadigan ixtisoslashgan muassasalar faoliyatini takomillashtirish.

II. Tashkiliy-huquqiy islohotlar

2. Odam savdosiga qarshi kurashish va munosib mehnat masalalari boʻyicha milliy komissiya (keyingi oʻrinlarda — Milliy komissiya), Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik), Iqtisodiyot va moliya vazirligi hamda Ichki ishlar vazirligining odam savdosidan jabrlangan shaxslarni identifikatsiya qilish, ijtimoiy va boshqa xizmatlar bilan qamrab olish tizimini takomillashtirishga qaratilgan quyidagi takliflari maʼqullansin:

(a) “Inson” ijtimoiy xizmatlar markazlari (keyingi oʻrinlarda — “Inson” markazi) va Agentlik tizimidagi odam savdosidan jabrlangan shaxslarga xizmat koʻrsatuvchi ixtisoslashgan muassasalar (keyingi oʻrinlarda — ixtisoslashgan muassasalar)ga, shuningdek, oʻzlarining taʼsis hujjatlariga muvofiq nodavlat notijorat tashkilotlarga odam savdosidan jabrlangan shaxslarni dastlabki identifikatsiya qilish vakolatini berish;

(b) odam savdosidan jabrlangan shaxslarni dastlabki identifikatsiya qilish bilan bir vaqtda ijtimoiy-iqtisodiy holatini baholash orqali ijtimoiy va boshqa xizmatlar bilan qamrab olish tizimini joriy etish;

(v) dastlabki identifikatsiya natijasida shaxsga odam savdosidan jabrlangan deb taxmin qilinayotgan shaxs maqomini bir oygacha, yakuniy identifikatsiya qilish natijasida beriladigan odam savdosidan jabrlangan deb tan olingan shaxs maqomini esa koʻpi bilan bir yilgacha boʻlgan muddatga berish;

(g) Odam savdosiga qarshi kurashish va munosib mehnat masalalari boʻyicha hududiy komissiyalar tomonidan odam savdosidan jabrlangan shaxslarni yakuniy identifikatsiya qilish muddatini oʻn sutka etib belgilash;

(d) odam savdosidan jabrlangan shaxslarni Bandlikka koʻmaklashish davlat jamgʻarmasi, “Saxovat va koʻmak” va Migratsiya jamgʻarmasi mablagʻlari hisobidan ijtimoiy, huquqiy va moddiy jihatdan qoʻllab-quvvatlashga qaratilgan yangi moliyaviy koʻmak choralarini joriy etish;

(j) Oʻzbekiston Respublikasiga olib kelingan repatriantlarni ularning holati va ehtiyojlarini inobatga olgan holda alohida maxsus dasturlar asosida ixtisoslashgan muassasalarga joylashtirish.

3. Belgilansinki, 2026-yil 1-sentabrdan boshlab:

(a) qonunchilik hujjatlariga muvofiq vakolatli organlar va nodavlat notijorat tashkilotlar tomonidan amalga oshirilgan dastlabki identifikatsiya qilish natijasida shaxslar odam savdosidan jabrlangan deb taxmin qilingan hamda ular tomonidan ijtimoiy xizmatlardan foydalanish istagi bildirilgan taqdirda, ushbu shaxslar toʻgʻrisidagi maʼlumotlar “Inson” markaziga yuboriladi;

(b) odam savdosidan jabrlangan deb taxmin qilinayotgan shaxs va uning oila aʼzolarining ijtimoiy-iqtisodiy holati hamda ijtimoiy xizmatlarga muhtojligi “Inson” markazi tomonidan baholanadi hamda baholash natijasi asosida ular tegishli xizmatlarga yoʻnaltiriladi. Bunda odam savdosidan jabrlangan deb taxmin qilinayotgan shaxslarga ijtimoiy va iqtisodiy holatidan qatʼi nazar tarkibi va taqdim etish shartlari Vazirlar Mahkamasi tomonidan belgilanadigan minimal xizmatlar paketiga kiritilgan xizmatlar bepul asosda koʻrsatiladi;

(v) fuqarolar odam savdosidan jabrlanganlik holati boʻyicha toʻgʻridan-toʻgʻri ixtisoslashgan muassasaga murojaat qilgan taqdirda yoki dastlabki identifikatsiya yakuni boʻyicha odam savdosidan jabrlangan deb taxmin qilinayotgan shaxs ixtisoslashgan muassasaga joylashtirilgan taqdirda, ularning ijtimoiy-iqtisodiy holati va ijtimoiy xizmatlarga muhtojligini baholash hamda ijtimoiy xizmatlarga yoʻnaltirish mazkur ixtisoslashgan muassasa tomonidan amalga oshiriladi;

(g) odam savdosidan jabrlanganlik holati boʻyicha murojaat qilgan shaxsning yashash joyi mavjud boʻlmagan taqdirda, ushbu shaxs va uning voyaga yetmagan farzandlari (agar mavjud boʻlsa) tegishli ixtisoslashgan muassasaga vaqtinchalik joylashtiriladi. Bunda ixtisoslashgan muassasa tomonidan:

(i) ushbu shaxs uch sutka ichida dastlabki identifikatsiya qilinadi;

(ii) dastlabki identifikatsiya natijasida shaxsga odam savdosidan jabrlangan deb taxmin qilinayotgan shaxs maqomi berilgan taqdirda, mazkur bandning “v” kichik bandida belgilangan chora-tadbirlar amalga oshiriladi;

(iii) dastlabki identifikatsiya natijasida shaxsga odam savdosidan jabrlangan deb taxmin qilinayotgan shaxs maqomini berish rad etilgan taqdirda, ushbu shaxs ixtisoslashgan muassasadan chiqariladi. Bunda ushbu shaxslar belgilangan tartibda muayyan yashash joyiga ega boʻlmagan shaxslar uchun moʻljallangan markazlarga joylashtirilishi mumkin.

III. Ijtimoiy xizmatlardan foydalanish imkoniyatini kengaytirish

4. Fuqarolarning odam savdosidan jabrlanishining oldini olish, odam savdosidan jabrlangan shaxslarni aniqlash hamda oʻz vaqtida tegishli xizmatlar va maʼlumotlar bilan taʼminlash maqsadida shunday tartib oʻrnatilsinki, unga muvofiq 2026-yil 1-sentabrdan boshlab:

(a) Agentlikning “1146” qisqa raqamli ishonch telefoni orqali odam savdosidan jabrlangan shaxslarning murojaatlarini Oʻzbekiston Respublikasi hududida qabul qilish, mutaxassislar tomonidan ularga ijtimoiy, psixologik, huquqiy hamda boshqa masalalarda maslahat berish va axborot taqdim etish xizmatlari koʻrsatiladi;

(b) Oʻzbekiston Respublikasining chet davlatlardagi diplomatik va boshqa vakolatxonalari hamda konsullik muassasalari (keyingi oʻrinlarda — diplomatik vakolatxonalar)da odam savdosidan jabrlanganlik holati boʻyicha murojaatlarni qabul qilish, ularga ijtimoiy, psixologik, huquqiy va moddiy hamda boshqa masalalarda maslahat berish va axborot taqdim etish xizmatlari koʻrsatiladigan ishonch telefonlari faoliyati yoʻlga qoʻyiladi;

(v) tashqi mehnat migratsiyasiga ketayotgan shaxslar uchun borayotgan davlatidagi diplomatik vakolatxona va Migratsiya agentligining hududiy vakilining aloqa maʼlumotlari bilan tanishish imkoniyati yaratiladi. Bunda Islom Karimov nomidagi “Toshkent” xalqaro aeroporti va “Samarqand” xalqaro aeroportlarida Migratsiya jamgʻarmasi hisobidan sunʼiy intellekt texnologiyalaridan foydalanilgan holda Migratsiya maslahat byurolari tashkil etiladi.

5. Odam savdosidan jabrlangan bolalarning oila muhitida yoki oilaviy muhitga yaqin sharoitlarda reabilitatsiya qilinishini taʼminlash maqsadida, shunday tartib oʻrnatilsinki, unga muvofiq:

(a) dastlabki yoki yakuniy identifikatsiya qilish jarayonida odam savdosidan jabrlanganligi aniqlangan bolani oilasiga qaytarish choralari koʻriladi hamda “Inson” markazlari tomonidan bola va uning oila aʼzolari reabilitatsiya qilishga qaratilgan ijtimoiy xizmatlarga jalb etiladi. Bunda odam savdosidan jabrlangan bola yetim yoki ota-ona qaramogʻidan mahrum boʻlgan bola boʻlsa, unga nisbatan qonunchilik hujjatlarida oʻrnatilgan tartibda muqobil joylashtirish shakllari belgilanib, tegishli ijtimoiy xizmatlar bilan qamrab olinadi;

(b) dastlabki yoki yakuniy identifikatsiya qilish jarayonida bolaga nisbatan odam savdosi bilan bogʻliq gʻayrihuquqiy xatti-harakatlar uning oila aʼzolari tomonidan sodir etilganligi aniqlangan taqdirda, ushbu bola u aniqlangan vaqtda eʼtiboran bir sutka ichida professional tutingan oilaga yoki kichik hajmli ijtimoiy koʻmak markazlariga joylashtiriladi hamda tegishli ijtimoiy xizmatlarga jalb etiladi;

(v) odam savdosidan jabrlangan bolalarni ularning xohishi va qonuniy vakillarining murojaatiga asosan ixtisoslashgan muassasalarga ham joylashtirishga yoʻl qoʻyiladi.

IV. Odam savdosidan jabrlangan shaxslarni qoʻllab-quvvatlash

6. Shunday tartib oʻrnatilsinki, unga muvofiq odam savdosidan jabrlangan shaxslarni ijtimoiy xizmatlar bilan qamrab olish orqali ijtimoiylashtirish maqsadida quyidagi yangi qoʻllab-quvvatlash choralari joriy etiladi:

(a) odam savdosidan jabrlangan, biroq ixtisoslashgan muassasalarga joylashishni istamagan shaxslarga ularning murojaatiga asosan “Inson” markazi xizmatlaridan kunduzgi qatnov asosida foydalanish huquqi beriladi. Bunda odam savdosidan jabrlangan shaxslarga koʻrsatiladigan xizmatlar mazkur Farmon 3-bandining “b” kichik bandiga muvofiq amalga oshiriladigan baholash natijasi boʻyicha belgilanadi;

(b) mazkur Farmon 3-bandining “b” kichik bandiga muvofiq amalga oshiriladigan baholashda odam savdosidan jabrlangan shaxs va uning oilasi Ijtimoiy reyestrga kiritish uchun belgilangan talablarga toʻgʻri kelgan taqdirda, ushbu shaxs alohida murojaat talab etilmagan holda Ijtimoiy reyestrga kiritilib, tegishli xizmatlar bilan qamrab olinadi;

(v) ixtisoslashgan muassasalarga joylashtirilgan odam savdosidan jabrlangan shaxslar uchun ularning qiziqishlarini inobatga olgan holda kasb-hunarga oʻqitish kurslari tashkil etiladi. Bunda:

(i) ixtisoslashgan muassasalar tomonidan odam savdosidan jabrlangan shaxslarning mehnat faoliyati va kasbga qiziqishiga doir maʼlumotlar asosida ularning har biri uchun shaxsiy kasbga yoʻnaltirish tavsiyasi ishlab chiqiladi hamda unga asosan odam savdosidan jabrlangan shaxslarni kasb-hunarga oʻqitish boʻyicha Kambagʻallikni qisqartirish va bandlik vazirligiga elektron buyurtma beriladi;

(ii) Kambagʻallikni qisqartirish va bandlik vazirligi tomonidan ixtisoslashgan muassasaning buyurtmasiga asosan odam savdosidan jabrlangan shaxslarni oʻqitish bilan bogʻliq xarajatlar Bandlikka koʻmaklashish davlat jamgʻarmasi hisobidan moliyalashtiriladi;

(iii) ixtisoslashgan muassasalarning talabnomasiga muvofiq Kambagʻallikni qisqartirish va bandlik vazirligi tomonidan uch oy ichida kasb-hunarga oʻqib, tegishli diplom (sertifikat) olgan odam savdosidan jabrlangan shaxslarning bandligi taʼminlanadi.

7. Belgilab qoʻyilsinki, qonunchilikka muvofiq odam savdosidan jabrlangan deb tan olingan chet el fuqarolari va fuqaroligi boʻlmagan shaxslarga, ularning Oʻzbekiston Respublikasi hududiga kirish holatlaridan qatʼi nazar, ixtisoslashgan muassasalarda reabilitatsiya qilinayotgan davrda Oʻzbekiston Respublikasida vaqtincha boʻlish huquqi beriladi. Bunda:

(a) ushbu muddat davomida odam savdosidan jabrlangan deb tan olingan chet el fuqarolari va fuqaroligi boʻlmagan shaxslar ixtisoslashgan muassasalarda vaqtinchalik turgan joyi boʻyicha roʻyxatdan oʻtkaziladi hamda ularga nisbatan mamlakatdan chiqarib yuborish bilan bogʻliq chora-tadbirlar amalga oshirilmaydi;

(b) ularga Oʻzbekiston Respublikasida vaqtincha boʻlish huquqini beruvchi yashash guvohnomasini rasmiylashtirish bilan bogʻliq xarajatlar Agentlikning Ijtimoiy himoya davlat jamgʻarmasi mablagʻlari hisobidan moliyalashtiriladi.

V. Odam savdosiga qarshi kurashish samaradorligini oshirish

8. Milliy komissiya, Agentlik, Oliy sud, Bosh prokuratura va Ichki ishlar vazirligining quyidagi takliflariga rozilik berilsin:

(a) turizm va tashqi mehnat migratsiyasi yoʻnalishlarida fuqarolarni xorijga sayohat yoki mehnat faoliyatini amalga oshirish uchun yuborish bilan shugʻullanuvchi mansabdor shaxslar tomonidan odam savdosi bilan bogʻliq jinoyatlar sodir etilganda, sudlar tomonidan ularga asosiy jazoga qoʻshimcha jazo sifatida tegishli faoliyat bilan shugʻullanishni cheklash tarzidagi jazo tayinlash tartibini joriy etish;

(b) bolalarga nisbatan, shu jumladan, ularni fohishalik bilan shugʻullanishga jalb etish maqsadida sodir etilgan odam savdosi bilan bogʻliq jinoiy harakatlar (harakatsizlik) uchun alohida jinoiy javobgarlik joriy etish hamda ushbu jinoyat boʻyicha tergovga qadar tekshiruv va dastlabki tergovni prokuratura organlari tomonidan oʻtkazish;

(v) bolalarni fohishalik bilan shugʻullanishga jalb etish maqsadida odam savdosi bilan bogʻliq jinoyatni sodir etganlik uchun sudlangan shaxslarni manzil-koloniyalarga oʻtkazilmaydigan mahkumlar toifasiga kiritish.

9. Ichki ishlar vazirligi Bosh prokuratura, Oliy sud va Agentlik bilan birgalikda uch oy muddatda mazkur Farmonning 8-bandida nazarda tutilgan yangi tartiblarni tegishli qonun hujjatlariga kiritish boʻyicha takliflarni belgilangan tartibda Vazirlar Mahkamasiga kiritsin.

VI. Ixtisoslashgan muassasalar faoliyatini takomillashtirish

10. Agentlik va Milliy komissiyaning quyidagi takliflariga rozilik berilsin:

(a) Ayollarni reabilitatsiya qilish va moslashtirish respublika markazi va uning hududiy markazlarini Ayollar va bolalarni reabilitatsiya qilish respublika markazi (keyingi oʻrinlarda — Respublika markazi) va uning hududiy markazlari deb qayta nomlash;

(b) Respublika markazining Qoraqalpogʻiston Respublikasi, Qashqadaryo, Samarqand va Fargʻona viloyati hududiy markazlariga (keyingi oʻrinlarda — ixtisoslashgan hududiy markazlar) qoʻshimcha 17 ta tarbiyachi shtat birligi ajratgan holda odam savdosidan jabrlangan xotin-qizlar va ularning voyaga yetmagan farzandlarini qabul qilish hamda xizmatlar koʻrsatishni yoʻlga qoʻyish.

11. Belgilansinki:

(a) odam savdosidan jabrlangan erkaklar, chet el fuqarolari va maxsus dasturlar asosida Oʻzbekiston Respublikasiga olib kelingan repatriantlar faqat Odam savdosi jabrdiydalariga yordam berish boʻyicha respublika reabilitatsiya markaziga (keyingi oʻrinlarda — ixtisoslashgan markaz) qabul qilinadi;

(b) ixtisoslashgan hududiy markazlarning odam savdosidan jabrlangan shaxslarni qabul qilish va ularga xizmat koʻrsatish bilan bogʻliq faoliyati ixtisoslashgan markaz tomonidan muvofiqlashtirib boriladi;

(v) odam savdosidan jabrlangan deb taxmin qilinayotgan shaxslar — bir oy davomida, odam savdosidan jabrlangan deb tan olingan shaxslar esa koʻpi bilan olti oy davomida ixtisoslashgan markaz yoki ixtisoslashgan hududiy markazlar xizmatidan foydalanadi. Bunda:

(i) shaxslar ularga odam savdosidan jabrlangan deb taxmin qilinayotgan shaxs maqomi berilgan kundan eʼtiboran bir oy ichida, odam savdosidan jabrlangan deb tan olingan shaxs maqomi berilgan kundan eʼtiboran esa bir yil ichida ixtisoslashgan markaz yoki ixtisoslashgan hududiy markazlar xizmatlaridan foydalanish yuzasidan murojaat qilishi mumkin;

(ii) ixtisoslashgan markaz yoki ixtisoslashgan hududiy markazlar xizmatlaridan foydalangan bir shaxs dastlabki identifikatsiya qilinganligi holati boʻyicha takroran ushbu markazlarga joylashtirilishiga yoʻl qoʻyilmaydi;

(g) ixtisoslashgan markaz va ixtisoslashgan hududiy markazlarga odam savdosidan jabrlangan shaxslarni dastlabki identifikatsiya qilish vakolati beriladi;

(d) odam savdosidan jabrlangan shaxslarning ixtisoslashgan markaz yoki ixtisoslashgan hududiy markazlarga kelib-ketishi bilan bogʻliq transport xarajatlari tegishli markazning tavsiyasiga asosan “Saxovat va koʻmak” jamgʻarmasi mablagʻlari hisobidan quyidagi miqdorlarda qoplab beriladi:

(i) ixtisoslashgan markazga kelib-ketish uchun — bazaviy hisoblash miqdorining bir baravari miqdorida;

(ii) ixtisoslashgan hududiy markazlarga kelib-ketish uchun — bazaviy hisoblash miqdorining yarim baravari miqdorida.

12. Shunday tartib oʻrnatilsinki, unga muvofiq tuman (shahar) koʻp tarmoqli markaziy poliklinikasi yoki tuman (shahar) markaziy shifoxonasi tomonidan odam savdosidan jabrlangan shaxslar hamda ularning voyaga yetmagan farzandlarida yuqumli kasalliklar mavjudligi hamda ularning statsionar yoxud ambulator davolanishga muhtojligi oʻrganiladi. Bunda:

(a) odam savdosidan jabrlangan shaxslar hamda ularning voyaga yetmagan farzandlari ixtisoslashgan markaz yoki ixtisoslashgan hududiy markazlar joylashgan hududdagi tuman (shahar) koʻp tarmoqli markaziy poliklinikasi yoki tuman (shahar) markaziy shifoxonasiga biriktiriladi;

(b) ushbu oʻrganish tegishli markaz tomonidan tuman (shahar) koʻp tarmoqli markaziy poliklinikasi yoki tuman (shahar) markaziy shifoxonasiga kiritilgan talabnoma asosida amalga oshiriladi;

(v) oʻrganish yakuni boʻyicha odam savdosidan jabrlangan shaxslar hamda ularning voyaga yetmagan farzandlariga tegishli tuman (shahar) koʻp tarmoqli markaziy poliklinikasi yoki tuman (shahar) markaziy shifoxonasida belgilangan tartibda statsionar yoki ambulator tibbiy yordam koʻrsatiladi.

VII. Farmon ijrosini tashkil etish, taʼminlash va nazorat

13. Odam savdosiga qarshi kurashish tizimini yanada takomillashtirish boʻyicha chora-tadbirlar dasturi 1-ilovaga muvofiq tasdiqlansin.

14. Belgilansinki:

(a) Agentlik huzuridagi Ijtimoiy inspeksiya tomonidan davlat organlari va tashkilotlarining odam savdosidan jabrlangan shaxslarga ijtimoiy xizmatlarni koʻrsatish holati oʻrganib boriladi hamda oʻrganish yakuni boʻyicha maʼlumotlar Milliy komissiya muhokamasiga kiritib boriladi;

(b) Milliy komissiya tomonidan har yarim yilda bir marotaba respublika ijro etuvchi hokimiyat organlari, fuqarolarning oʻzini oʻzi boshqarish organlari, nodavlat notijorat va boshqa tashkilotlar tomonidan odam savdosiga qarshi kurashish hamda undan jabrlangan shaxslarni har tomonlama qoʻllab-quvvatlash yuzasidan amalga oshirilayotgan chora-tadbirlarning natijadorligi tahlil qilinib, ularning bu boradagi faoliyati samaradorligini oshirish choralari koʻrib boriladi.

15. Ichki ishlar vazirligi uch oy muddatda quyidagilarni Vazirlar Mahkamasiga kiritsin:

(a) Agentlik bilan birgalikda Oʻzbekiston Respublikasining “Odam savdosiga qarshi kurashish toʻgʻrisida”gi Qonuniga tegishli oʻzgartirish va qoʻshimchalar kiritish toʻgʻrisidagi qonun loyihasini;

(b) manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni.

16. Oʻzbekiston Milliy axborot agentligi, Oʻzbekiston Milliy teleradiokompaniyasi, Ommaviy axborot vositalari uchun kontent tayyorlash markazi, Ichki ishlar vazirligi hamda Agentlik ushbu Farmonning mazmun-mohiyati ommaviy axborot vositalarida keng yoritilishini taʼminlasin.

17. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

18. Mazkur Farmonning ijrosini samarali tashkil qilishga masʼul va shaxsan javobgar etib Oʻzbekiston Respublikasi ichki ishlar vaziri A.A. Tashpulatov hamda Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori M.P. Olloyorov belgilansin.

19. Farmon ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 3-avgustdagi PF-146-son Farmoniga 1-ILOVA

Odam savdosiga qarshi kurashish tizimini yanada takomillashtirish boʻyicha

T/r Chora-tadbirlar nomi Amalga oshirish shakli Ijro muddati Masʼullar 1. Odam savdosidan jabrlangan yoki odam savdosidan jabrlangan deb taxmin qilinayotgan shaxslarning ijtimoiy va boshqa xizmatlarga boʻlgan ehtiyojini kompleks baholash tartibini ishlab chiqish. Ichki buyruq 2026-yil sentabr Ijtimoiy himoya milliy agentligi 2. Odam savdosidan jabrlangan shaxslarning murojaatlarini qabul qilish imkoniyatini kengaytirish maqsadida: (a) Ijtimoiy himoya milliy agentligining “1146” qisqa raqamli ishonch telefoni orqali quyidagi imkoniyatlarga ega koll-markaz faoliyatini yoʻlga qoʻyish: (i) odam savdosidan jabrlangan shaxslarning huquqlari va qonuniy manfaatlari, ularga koʻrsatiladigan xizmatlar va qonunchilikda mavjud imtiyozlar yuzasidan maʼlumot berish; (ii) odam savdosidan jabrlangan shaxslarning murojaatlarini Oʻzbekiston Respublikasi hududida qabul qilish; (iii) mutaxassislar tomonidan ularga ijtimoiy, psixologik, huquqiy hamda boshqa masalalarda maslahat berish; Amaliy chora-tadbirlar 2026-yil sentabr Ijtimoiy himoya milliy agentligi (b) Oʻzbekiston Respublikasining chet davlatlardagi diplomatik va boshqa vakolatxonalari hamda konsullik muassasalarida shaxslarning odam savdosidan jabrlanganligi holati boʻyicha murojaatlarini qabul qilish, ularga ijtimoiy, psixologik, huquqiy va moddiy hamda boshqa masalalarda maslahat berish va axborot taqdim etish xizmatlari koʻrsatiladigan ishonch telefonlari faoliyatini yoʻlga qoʻyish. Bunda diplomatik vakolatxonalar va konsullik muassasalarida mazkur vazifalarni amalga oshirish uchun masʼul etib tayinlangan xodimlarning mansab yoʻriqnomalari hamda eng muhim samaradorlik koʻrsatkichlariga odam savdosidan jabrlangan shaxslarning murojaatlari asosida ularga zarur xizmatlarni tashkil etishga oid mezonlar kiritiladi. Tashqi ishlar vazirligi 3. Qonunchilik hujjatlariga odam savdosidan jabrlangan yoki odam savdosidan jabrlangan deb taxmin qilinayotgan shaxslarni aniqlash, identifikatsiya qilish, ularni ijtimoiy xizmatlarga yoʻnaltirish mexanizmlarini takomillashtirish boʻyicha oʻzgartirish va qoʻshimchalar kiritish. Normativ-huquqiy hujjat loyihasi 2026-yil dekabr Ichki ishlar vazirligi, Bosh prokuratura, Davlat xavfsizlik xizmati, Kambagʻallikni qisqartirish va bandlik vazirligi, Tashqi ishlar vazirligi, Sogʻliqni saqlash vazirligi, Ijtimoiy himoya milliy agentligi 4. Dastlabki va yakuniy identifikatsiya natijasida odam savdosidan jabrlangan deb taxmin qilinayotgan yoki odam savdosidan jabrlangan deb tan olingan shaxslar ijtimoiy xizmatlardan foydalanish istagini bildirgan taqdirda, ular toʻgʻrisidagi maʼlumotlarni Ijtimoiy himoya milliy agentligining “Yagona milliy ijtimoiy himoya” axborot tizimi orqali “Inson” ijtimoiy xizmatlar markazlariga, Odam savdosi jabrdiydalariga yordam berish boʻyicha respublika reabilitatsiya markaziga hamda Ayollar va bolalarni reabilitatsiya qilish respublika markazining tegishli hududiy markazlariga yuborish tartibini yoʻlga qoʻyish. Amaliy chora-tadbirlar 2026-yil noyabr Ichki ishlar vazirligi, Bosh prokuratura, Davlat xavfsizlik xizmati, Kambagʻallikni qisqartirish va bandlik vazirligi, Tashqi ishlar vazirligi, Sogʻliqni saqlash vazirligi, Ijtimoiy himoya milliy agentligi 5. Odam savdosidan jabrlanish xavfining oldini olish, jabrlangan shaxslarni oʻz vaqtida aniqlash hamda ularni mavjud yordam va reabilitatsiya xizmatlari haqida xabardor qilish maqsadida tashqi mehnat migratsiyasiga ketuvchi shaxslar, xotin-qizlar, yoshlar va aholining ijtimoiy himoyaga muhtoj boshqa toifalari oʻrtasida tizimli axborot-tushuntirish va targʻibot tadbirlarini amalga oshirish. Amaliy chora-tadbirlar 2026-yil sentabrdan boshlab doimiy Ichki ishlar vazirligi, Migratsiya agentligi, Tashqi ishlar vazirligi, Ijtimoiy himoya milliy agentligi 6. Qonunchilik hujjatlariga quyidagilarni nazarda tutuvchi oʻzgartirish va qoʻshimchalar kiritish yuzasidan Vazirlar Mahkamasiga taklif kiritish: (a) odam savdosidan jabrlangan chet el fuqarolari yoki fuqaroligi boʻlmagan shaxslarga Oʻzbekiston Respublikasida vaqtincha boʻlish huquqini beruvchi yashash guvohnomasini (ID-karta) rasmiylashtirish; (b) Oʻzbekiston Respublikasida vaqtincha boʻlish huquqini beruvchi yashash guvohnomasini (ID-karta) rasmiylashtirish bilan bogʻliq xarajatlarni Davlat budjeti mablagʻlari hisobidan amalga oshirish; (v) odam savdosidan jabrlangan chet el fuqarolari yoki fuqaroligi boʻlmagan shaxslarni reabilitatsiya davrida ular joylashgan ixtisoslashgan muassasaga vaqtincha roʻyxatga qoʻyish. Normativ-huquqiy hujjat loyihasi 2026-yil sentabr Ichki ishlar vazirligi, Tashqi ishlar vazirligi, Iqtisodiyot va moliya vazirligi, Ijtimoiy himoya milliy agentligi, Adliya vazirligi 7. Odam savdosiga qarshi kurashish faoliyatining takomillashtirilishi munosabati bilan ushbu yoʻnalishga doir Oliy sud Plenumi qarorlarini qayta koʻrib chiqish. Bunda odamni olish-sotish bilan bogʻliq odam savdosi jinoyatini sodir etgan shaxslarga nisbatan qonun sanksiyasida nazarda tutilgan ogʻirroq jazoni tayinlash amaliyotini yoʻlga qoʻyish. Oliy sud Plenumi qarori 2026-yil oktabr Oliy sud, Bosh prokuratura, Ichki ishlar vazirligi, Adliya vazirligi 8. Odam savdosidan jabrlangan shaxslarga davlat hisobidan malakali yuridik yordam koʻrsatish tizimini yoʻlga qoʻyish. Qonun loyihasi 2026-yil sentabr Adliya vazirligi, Ijtimoiy himoya milliy agentligi 9. Odam savdosiga qarshi kurashish va munosib mehnat masalalari boʻyicha hududiy komissiyalar tarkibiga “Inson” ijtimoiy xizmatlar markazlari vakillarini kiritish. Amaliy chora-tadbirlar 2026-yil sentabr Odam savdosiga qarshi kurashish va munosib mehnat masalalari boʻyicha milliy komissiya 10. Odam savdosidan jabrlangan shaxslarni aniqlash va ularga ijtimoiy xizmatlarni tashkil etishga masʼul boʻlgan davlat organlari va tashkilotlarining faoliyati samaradorligi koʻrsatkichlarini (KPI) tasdiqlash va ularga erishilishini taʼminlash. Bunda: Amaliy chora-tadbirlar 2026-yil oktabr Ichki ishlar vazirligi, Ijtimoiy himoya milliy agentligi, Tashqi ishlar vazirligi, Bosh prokuratura, Sogʻliqni saqlash vazirligi, Kambagʻallikni qisqartirish va bandlik vazirligi, Migratsiya agentligi, masʼul vazirlik va idoralar (a) vazirlik va idoralar tomonidan odam savdosidan jabrlangan shaxslarni aniqlash va ularga ijtimoiy va boshqa xizmatlarni koʻrsatish boʻyicha faoliyat samaradorligi koʻrsatkichlari (KPI)ni belgilash yuzasidan takliflar Odam savdosiga qarshi kurashish va munosib mehnat masalalari boʻyicha milliy komissiyaga kiritiladi; 2026-yil dekabr (b) Odam savdosiga qarshi kurashish masalalari boʻyicha kichik komissiya yigʻilishlarida vazirlik va idoralarning ushbu yoʻnalishdagi faoliyatining samaradorligi koʻrsatkichlari (KPI) bajarilishi holati muhokama qilib boriladi; 2027-yildan boshlab, har oyda Ichki ishlar vazirligi, Ijtimoiy himoya milliy agentligi, masʼul vazirlik va idoralar (v) Odam savdosiga qarshi kurashish va munosib mehnat masalalari boʻyicha milliy komissiyada har yarim yilda bir marotaba masʼul vazirlik va idoralar tomonidan tasdiqlangan samaradorlik koʻrsatkichlari (KPI)ga erishilishi holati muhokama qilib boriladi. 2027-yildan boshlab, har yarim yilda Odam savdosiga qarshi kurashish va munosib mehnat masalalari boʻyicha milliy komissiya 11. Odam savdosidan jabrlanganlarni aniqlash va ularga ijtimoiy xizmatlar koʻrsatish faoliyati bilan shugʻullanuvchi barcha masʼul tashkilotlar xodimlarining malakasini oshirish. Bunda: Amaliy chora-tadbirlar Ichki ishlar vazirligi, Ijtimoiy himoya milliy agentligi, Tashqi ishlar vazirligi, Bosh prokuratura, Davlat xavfsizlik xizmati, Sogʻliqni saqlash vazirligi, Kambagʻallikni qisqartirish va bandlik vazirligi, Migratsiya agentligi (a) har bir masʼul vazirlik va idora tomonidan tizim xodimlarining malakasini oshirish boʻyicha oʻquv dasturlari va malaka oshirish seminarlari grafigi ishlab chiqiladi; 2026-yil sentabr (b) ishlab chiqilgan oʻquv dasturlari va grafik asosida oʻquv seminarlari tashkil etiladi Grafik asosida 12. Bolalar savdosi bilan bogʻliq jinoiy xatti-harakatlarni sodir etgan ota-onalar va ularning oʻrnini bosuvchi shaxslar bilan tuzatish dasturlarini amalga oshirish tizimini yoʻlga qoʻyish boʻyicha takliflar ishlab chiqish. Axborot-tahliliy maʼlumotnoma 2026-yil dekabr Ichki ishlar vazirligi, Ijtimoiy himoya milliy agentligi, Bosh prokuratura, Sogʻliqni saqlash vazirligi, Kambagʻallikni qisqartirish va bandlik vazirligi

Oʻzbekiston Respublikasi Prezidentining 2026-yil 3-avgustdagi PF-146-son Farmoniga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2025-yil 24-dekabrdagi “2026 — 2030-yillarga moʻljallangan Bolalarni zoʻravonlikning barcha shakllaridan himoya qilish strategiyasini tasdiqlash toʻgʻrisida”gi PF-256-son Farmoni 3-bandining “v” kichik bandidagi “Ayollarni reabilitatsiya qilish va moslashtirish respublika markazining” soʻzlari “Ayollar va bolalarni reabilitatsiya qilish respublika markazining” soʻzlari bilan almashtirilsin.

2. Oʻzbekiston Respublikasi Prezidentining 2026-yil 27-apreldagi “Ruhiy holati buzilgan nogironligi boʻlgan shaxslarga ijtimoiy xizmat koʻrsatish tizimini tubdan takomillashtirish boʻyicha qoʻshimcha chora-tadbirlar toʻgʻrisida”gi PF-69-son Farmonida :

(a) 5-band “g” kichik bandining “ii” xatboshisidan “Ijtimoiy reyestrga kiritilgan” soʻzlari chiqarib tashlansin;

(b) 13-band “a” kichik bandining “ii” xatboshisidan “oʻzgalar parvarishiga muhtoj” soʻzlari chiqarib tashlansin.

3. Oʻzbekiston Respublikasi Prezidentining 2021-yil 19-maydagi “Zoʻrlik ishlatishdan jabr koʻrgan xotin-qizlarni reabilitatsiya qilishga oid qoʻshimcha chora-tadbirlar toʻgʻrisida”gi PQ-5116-son qarori 2-bandining birinchi xatboshisi quyidagi tahrirda bayon etilsin:

“2. Markazlar boshqaruv va ishlab chiqarish xodimlarining cheklangan soni 94 nafar, shu jumladan, markaziy apparatda 7 nafar etib belgilansin”.

4. Oʻzbekiston Respublikasi Prezidentining 2024-yil 10-maydagi “Tazyiq va zoʻravonlikdan jabrlangan shaxslarga ijtimoiy xizmatlar koʻrsatishni takomillashtirish boʻyicha qoʻshimcha chora-tadbirlar toʻgʻrisida”gi PQ-175-son qarori 4-bandining “b” kichik bandi ikkinchi xatboshisidagi “Ayollarni reabilitatsiya qilish va moslashtirish respublika markazining” soʻzlari “Ayollar va bolalarni reabilitatsiya qilish respublika markazining” soʻzlari bilan almashtirilsin.

5. Oʻzbekiston Respublikasi Prezidentining 2024-yil 23-sentabrdagi “Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida”gi PQ-330-son qaroriga 6-ilovada :

(a) 6-pozitsiyaning “Shtat birliklari soni” ustunidagi “4 540” raqami “4 529” raqami bilan almashtirilsin;

(b) quyidagi mazmundagi 8-pozitsiya bilan toʻldirilsin:

“ 8. Ichki ishlar vazirligi 11 shundan: Vaqtinchalik boshpana va ijtimoiy tiklanish markazlari uchun ijtimoiy xodimlar 11 ”.

6. Oʻzbekiston Respublikasi Prezidentining 2025-yil 18-dekabrdagi “Aholining ehtiyojmand qatlamlariga hududlarda kompleks ijtimoiy va reabilitatsiya xizmatlarini koʻrsatish tizimini yoʻlga qoʻyish chora-tadbirlari toʻgʻrisida”gi PQ-383-son qarorida :

(a) 3-banddagi “20” raqami “21” raqami bilan almashtirilsin;

(b) 10-bandda:

(i) “a” kichik bandning “i” xatboshisidagi “konsepsiya” soʻzi “dastur” soʻzi bilan almashtirilsin;

(ii) “b” kichik band quyidagi tahrirda bayon etilsin:

“(b) 2026-yil yakuniga qadar Ijtimoiy himoya davlat jamgʻarmasi mablagʻlari hisobidan “Yagona milliy ijtimoiy himoya” axborot tizimida hududiy markazlar faoliyatini monitoring qilish imkoniyatini yaratsin”;

(v) 2a-ilova quyidagi mazmundagi 9 1 -pozitsiya bilan toʻldirilsin:

“ 9 1 . Toshkent shahri Toshkent shahri, Chilonzor tumani, Baynalmilal koʻchasi, 24-uy ” .

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 3-avgust,

PF- 146 -son

(Qonunchilik maʼlumotlari milliy bazasi, 04.08.2026-y., 06/26/146/0811-son)

lex.uz

Президента Республики Узбекистан

Указ

О дополнительных мерах, направленных на кардинальное совершенствование системы выявления и интеграции в общество лиц, пострадавших от торговли людьми

В целях внедрения передового зарубежного опыта в деятельность государственных органов и организаций, занимающихся противодействием торговле людьми, осуществления комплекса мер по выявлению и охвату социальными и другими услугами лиц, пострадавших от торговли людьми либо признанных в качестве предполагаемой жертвы торговли людьми, постановляю:

I. Цели

1. Определить основными целями принятия настоящего Указа:

(а) внедрение системы выявления и одновременного направления на социальные услуги лиц, пострадавших от торговли людьми либо признанных в качестве предполагаемой жертвы торговли людьми, (далее — лица, пострадавшие от торговли людьми);

(б) создание возможности полноценного доступа к социальным и другим услугам, а также внедрение дополнительных мер по поддержке лиц, пострадавших от торговли людьми;

(в) внедрение действенных мер ответственности за совершение преступных действий, связанных с торговлей людьми;

(г) совершенствование деятельности специализированных учреждений, занимающихся оказанием услуг лицам, пострадавшим от торговли людьми.

II. Организационно-правовые реформы

2. Одобрить следующие предложения Национальной комиссии по вопросам противодействия торговле людьми и достойного труда (далее — Национальная комиссия), Национального агентства социальной защиты при Президенте Республики Узбекистан (далее — Агентство), Министерства экономики и финансов, а также Министерства внутренних дел, направленные на совершенствование системы идентификации, охвата социальными и другими услугами лиц, пострадавших от торговли людьми, включающие:

(а) предоставление полномочия первичной идентификации лиц, пострадавших от торговли людьми, центрам социальных услуг «Инсон» (далее — центры «Инсон») и специализированным учреждениям в системе Агентства, занимающимся оказанием услуг лицам, пострадавшим от торговли людьми, (далее — специализированные учреждения), а также в соответствии с их учредительными документами негосударственным некоммерческим организациям;

(б) внедрение системы охвата социальными и другими услугами посредством оценки социально-экономического состояния лиц, пострадавших от торговли людьми, одновременно с проведением первичной идентификации;

(в) присвоение лицу статуса «лицо, признанное в качестве предполагаемой жертвы торговли людьми» на срок до одного месяца — по результатам первичной идентификации, статуса «лицо, признанное пострадавшим от торговли людьми» на срок максимум до одного года — по результатам окончательной идентификации;

(г) установление срока проведения окончательной идентификации лиц, пострадавших от торговли людьми, для региональных комиссий по вопросам противодействия торговле людьми и достойного труда — 10 суток;

(д) внедрение новых мер финансового содействия, направленных на социальную, правовую и материальную поддержку лиц, пострадавших от торговли людьми, за счет средств Государственного фонда содействия занятости, Фонда «Саховат ва кумак» и Фонда миграции;

(ж) размещение репатриантов, доставленных в Республику Узбекистан, в специализированные учреждения с учетом их состояния и потребностей на основе отдельных специальных программ.

3. Установить, что начиная с 1 сентября 2026 года:

(а) в случае, если по результатам первичной идентификации, проведенной уполномоченными органами и негосударственными некоммерческими организациями в соответствии с актами законодательства, лицо признано в качестве предполагаемой жертвы торговли людьми и изъявило желание пользоваться социальными услугами, сведения об этом лице направляются в центр «Инсон»;

(б) центр «Инсон» проводит оценку социально-экономического состояния и нуждаемости в социальных услугах лица, признанного в качестве предполагаемой жертвы торговли людьми, а также членов его семьи, по результатам которой направляет их на получение соответствующих услуг. При этом лицам, признаваемым в качестве предполагаемой жертвы торговли людьми, независимо от их социального и экономического положения услуги, включенные в минимальный пакет услуг, состав и условия предоставления которых определяются Кабинетом Министров, оказываются на бесплатной основе;

(в) в случае обращения гражданина в специализированное учреждение напрямую касательно своего состояния в качестве пострадавшего от торговли людьми либо размещения лица, признанного в качестве предполагаемой жертвы торговли людьми, по итогам первичной идентификации в специализированное учреждение оценка их социально-экономического состояния и нуждаемости в социальных услугах, а также направление на социальные услуги осуществляются указанным специализированным учреждением;

(г) в случае отсутствия места жительства у лица, обратившегося касательно своего состояния в качестве пострадавшего от торговли людьми, данное лицо и его несовершеннолетние дети (при наличии) временно размещаются в соответствующее специализированное учреждение. При этом специализированным учреждением:

(i) проводится первичная идентификация этого лица в течение трех суток;

(ii) осуществляются меры, определенные подпунктом «в» настоящего пункта, — в случае, если по результатам первичной идентификации лицу присвоен статус «лицо, признанное в качестве предполагаемой жертвы торговли людьми»;

(iii) осуществляется выписка из него лица — в случае, если по результатам первичной идентификации ему отказано в присвоении статуса «лицо, признанное в качестве предполагаемой жертвы торговли людьми». При этом такие лица в установленном порядке могут быть размещены в центры для лиц без определенного места жительства.

III. Расширение возможности пользования социальными услугами

4. В целях предотвращения становления граждан жертвами торговли людьми, выявления лиц, пострадавших от торговли людьми, их своевременного обеспечения соответствующими услугами и информацией установить порядок, в соответствии с которым начиная с 1 сентября 2026 года:

(а) посредством короткого номера телефона доверия Агентства — «1146» принимаются обращения лиц, пострадавших от торговли людьми, им оказываются услуги консультирования и предоставления специалистами информации по социальным, психологическим, правовым и иным вопросам на территории Республики Узбекистан;

(б) в дипломатических и других представительствах, а также консульских учреждениях Республики Узбекистан в зарубежных государствах (далее — дипломатические представительства) налаживается функционирование телефонов доверия по приему обращений о состоянии пострадавших от торговли людьми, оказанию им услуг консультирования и предоставления информации по социальным, психологическим, правовым, материальным и иным вопросам;

(в) для лиц, выезжающих во внешнюю трудовую миграцию, создается возможность ознакомления с контактными данными дипломатического представительства и регионального представителя Агентства миграции в стране назначения. При этом в Международном аэропорту «Ташкент» имени Ислама Каримова и Международном аэропорту «Самарканд» за счет средств Фонда миграции создаются Консультационные бюро по миграции с использованием технологий искусственного интеллекта.

5. В целях обеспечения реабилитации детей, пострадавших от торговли людьми, в семейной среде или условиях, приближенных к семейной среде, установить порядок, в соответствии с которым:

(а) в процессе проведения первичной или окончательной идентификации ребенка, выявленного в качестве пострадавшего от торговли людьми, принимаются меры его возврата в свою семью, центры «Инсон» привлекают ребенка и членов его семьи к социальным услугам, направленным на их реабилитацию. При этом в случае, если ребенок, пострадавший от торговли людьми, является сиротой или оставшимся без попечения родителей, в отношении него в порядке, установленном актами законодательства, определяются альтернативные формы устройства с охватом его соответствующими социальными услугами;

(б) в случае выявления в процессе проведения первичной или окончательной идентификации противоправных действий, связанных с торговлей людьми, в отношении ребенка со стороны членов его семьи, этот ребенок с момента выявления таких действий в течение суток устраивается в профессиональную приемную семью либо размещается в компактный центр социальной поддержки и привлекается к соответствующим социальным услугам;

(в) допускается размещение детей, пострадавших от торговли людьми, также в специализированные учреждения по их желанию и на основании обращения их законных представителей.

IV. Поддержка лиц, пострадавших от торговли людьми

6. Установить порядок, в соответствии с которым в целях социализации лиц, пострадавших от торговли людьми, путем охвата социальными услугами внедряются следующие новые меры поддержки:

(а) лицам, пострадавшим от торговли людьми, но не желающим разместиться в специализированные учреждения, на основании их обращения предоставляется право на пользование услугами центров «Инсон» в форме дневного посещения. При этом услуги, оказываемые лицам, пострадавшим от торговли людьми, определяются по результатам оценки, проводимой в соответствии с подпунктом «б» пункта 3 настоящего Указа;

(б) в случае соответствия лица, пострадавшего от торговли людьми, и его семьи требованиям, установленным для включения в Социальный реестр, при оценке, проводимой в соответствии с подпунктом «б» пункта 3 настоящего Указа, данное лицо включается в Социальный реестр и охватывается соответствующими услугами без истребования отдельного обращения;

(в) для лиц, пострадавших от торговли людьми, размещенных в специализированные учреждения, организуются курсы обучения профессиям с учетом их интересов. При этом:

(i) специализированными учреждениями на основе сведений о трудовой деятельности и интересе к профессии лиц, пострадавших от торговли людьми, разрабатывается персональная рекомендация по профессиональной ориентации для каждого из них, на основе которой в Министерство занятости и сокращения бедности направляется электронная заявка по обучению профессиям лиц, пострадавших от торговли людьми;

(ii) расходы, связанные с обучением Министерством занятости и сокращения бедности лиц, пострадавших от торговли людьми, на основании заявок специализированных учреждений, финансируются за счет Государственного фонда содействия занятости;

(iii) Министерство занятости и сокращения бедности в трехмесячный срок обеспечивает занятость лиц, пострадавших от торговли людьми, обучившихся профессиям по заявкам специализированных учреждений и получивших соответствующий диплом (сертификат).

7. Определить, что в соответствии с законодательством иностранным гражданам и лицам без гражданства, признанным в качестве жертвы торговли людьми, предоставляется право на временное пребывание в Республике Узбекистан в период реабилитации в специализированных учреждениях независимо от статуса их въезда на территорию Республики Узбекистан. При этом:

(а) на указанный период осуществляется регистрация по месту временного пребывания в специализированных учреждениях иностранных граждан и лиц без гражданства, признанных в качестве жертвы торговли людьми, а также в отношении них меры, связанные с выдворением за пределы страны, не применяются;

(б) расходы, связанные с оформлением для них вида на жительство, предоставляющего право на временное пребывание в Республике Узбекистан, финансируются за счет средств Государственного фонда социальной защиты Агентства.

V. Повышение эффективности противодействия торговле людьми

8. Согласиться со следующими предложениями Национальной комиссии, Агентства, Верховного суда, Генеральной прокуратуры и Министерства внутренних дел, предусматривающими:

(а) внедрение порядка назначения судами наказания в виде ограничения занятия соответствующей деятельностью в качестве дополнительного к основному наказанию в случае совершения преступлений, связанных с торговлей людьми, со стороны должностных лиц в сферах туризма и внешней трудовой миграции, занимающихся отправкой граждан за рубеж для туристических целей или осуществления трудовой деятельности;

(б) введение отдельной уголовной ответственности за совершенные в отношении детей преступные действия (бездействие), связанные с торговлей людьми, в том числе их привлечение к занятию проституцией, а также проведение доследственной проверки и предварительного следствия по данному преступлению органами прокуратуры;

(в) включение лиц, осужденных за совершение преступления, связанного с торговлей людьми в целях привлечения детей к занятию проституцией, в категорию осужденных, не подлежащих переводу в колонии-поселения.

9. Министерству внутренних дел совместно с Генеральной прокуратурой, Верховным судом и Агентством в трехмесячный срок представить в Кабинет Министров в установленном порядке предложения о внесении в соответствующие законодательные акты новых порядков, предусмотренных пунктом 8 настоящего Указа.

VI. Совершенствование деятельности специализированных учреждений

10. Согласиться со следующими предложениями Агентства и Национальной комиссии, предусматривающими:

(а) переименование Республиканского центра реабилитации и адаптации женщин и его региональных центров в Республиканский центр реабилитации женщин и детей (далее — Республиканский центр) и его региональные центры;

(б) путем выделения Каракалпакскому Республиканскому, Кашкадарьинскому, Самаркандскому и Ферганскому областным региональным центрам Республиканского центра (далее — специализированные региональные центры) дополнительно 17 штатных единиц воспитателей налаживание приема пострадавших от торговли людьми женщин и их несовершеннолетних детей и оказания им услуг.

11. Установить, что:

(а) пострадавшие от торговли людьми мужчины, иностранные граждане и репатрианты, доставленные в Республику Узбекистан на основе специальных программ, принимаются только в Республиканский реабилитационный центр по оказанию помощи жертвам торговли людьми (далее — специализированный центр);

(б) координация деятельности специализированных региональных центров, связанной с приемом и оказанием услуг лицам, пострадавшим от торговли людьми, осуществляется специализированным центром;

(в) лица, признанные в качестве предполагаемой жертвы торговли людьми, пользуются услугами специализированного центра или специализированных региональных центров в течение одного месяца, лица, признанные пострадавшими от торговли людьми, — максимум в течение шести месяцев. При этом:

(i) лица могут обратиться для пользования услугами специализированного центра или специализированных региональных центров в течение одного месяца со дня присвоения им статуса «лицо, признанное в качестве предполагаемой жертвы торговли людьми», в течение одного года — со дня присвоения им статуса «лицо, пострадавшее от торговли людьми»;

(ii) повторное размещение в специализированный центр или специализированные региональные центры одного и того же лица, которое уже пользовалось услугами данных центров, по состоянию первичной идентификации не допускается;

(г) специализированному центру и специализированным региональным центрам предоставляется полномочие проведения первичной идентификации лиц, пострадавших от торговли людьми;

(д) на основании рекомендации соответствующего центра транспортные расходы лиц, пострадавших от торговли людьми, связанные с прибытием в специализированный центр или специализированные региональные центры и убытием из них, компенсируются за счет средств Фонда «Саховат ва кумак» в следующих размерах:

(i) в однократном размере базовой расчетной величины — для прибытия в специализированный центр и убытия из него;

(ii) в полукратном размере базовой расчетной величины — для прибытия в специализированные региональные центры и убытия из них.

12. Установить порядок, в соответствии с которым районными (городскими) многопрофильными центральными поликлиниками или районными (городскими) центральными больницами проводится изучение на наличие инфекционных заболеваний и нуждаемость в стационарном либо амбулаторном лечении лиц, пострадавших от торговли людьми, а также их несовершеннолетних детей. При этом:

(а) лица, пострадавшие от торговли людьми, а также их несовершеннолетние дети прикрепляются к районным (городским) многопрофильным центральным поликлиникам или районным (городским) центральным больницам на территории расположения специализированного центра или специализированных региональных центров;

(б) данное изучение проводится на основании требования, внесенного соответствующим центром в районную (городскую) многопрофильную центральную поликлинику или районную (городскую) центральную больницу;

(в) по итогам изучения лицам, пострадавшим от торговли людьми, а также их несовершеннолетним детям в соответствующей районной (городской) многопрофильной центральной поликлинике либо районной (городской) центральной больнице в установленном порядке оказывается стационарная или амбулаторная медицинская помощь.

VII. Организация, обеспечение и контроль исполнения Указа

13. Утвердить Программу мер по дальнейшему совершенствованию системы противодействия торговле людьми согласно приложению № 1 * .

14. Определить, что:

(а) Социальной инспекцией при Агентстве регулярно проводится изучение состояния оказания в государственных органах и организациях социальных услуг лицам, пострадавшим от торговли людьми, по итогам изучения соответствующая информация вносится на обсуждение Национальной комиссии;

(б) Национальной комиссией один раз в каждые полгода проводится анализ результативности мер по противодействию торговле людьми и всесторонней поддержке пострадавших от нее лиц, осуществляемых республиканскими органами исполнительной власти, органами самоуправления граждан, негосударственными некоммерческими и другими организациями, а также принимаются меры по повышению эффективности их деятельности в данном направлении.

15. Министерству внутренних дел в трехмесячный срок внести в Кабинет Министров:

(а) совместно с Агентством — проект закона о внесении соответствующих изменений и дополнений в Закон Республики Узбекистан «О противодействии торговле людьми»;

(б) совместно с заинтересованными министерствами и ведомствами — предложения об изменениях и дополнениях в акты законодательства, вытекающих из настоящего Указа.

16. Национальному информационному агентству Узбекистана, Национальной телерадиокомпании Узбекистана, Центру подготовки контента для средств массовой информации, Министерству внутренних дел, а также Агентству обеспечить широкое освещение сути и содержания настоящего Указа в средствах массовой информации.

17. Внести изменения и дополнения в некоторые акты Президента Республики Узбекистан согласно приложению № 2 .

18. Возложить на министра внутренних дел Республики Узбекистан А.А. Ташпулатова, а также советника Президента Республики Узбекистан по социальной защите — директора Национального агентства социальной защиты М.П. Оллоёрова персональную ответственность за эффективную организацию исполнения настоящего Указа.

19. Контроль за исполнением настоящего Указа, а также осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 2 к Указу Президента Республики Узбекистан от 3 августа 2026 года № УП-146

Изменения и дополнения, вносимые в некоторые акты Президента Республики Узбекистан

1. В подпункте «в» пункта 3 Указа Президента Республики Узбекистан от 24 декабря 2025 года № УП-256 «Об утверждении Стратегии защиты детей от всех форм насилия на 2026 — 2030 годы» слова «Республиканского центра реабилитации и адаптации женщин» заменить словами «Республиканского центра реабилитации женщин и детей».

2. В Указе Президента Республики Узбекистан от 27 апреля 2026 года № УП-69 «О дополнительных мерах по кардинальному совершенствованию системы оказания социальных услуг лицам с инвалидностью, имеющим психические расстройства»:

(а) из абзаца «ii» подпункта «г» пункта 5 слова «включенных в Социальный реестр,» исключить;

(б) из абзаца «ii» подпункта «а» пункта 13 слова «нуждающиеся в постороннем уходе,» исключить.

3. Абзац первый пункта 2 постановления Президента Республики Узбекистан от 19 мая 2021 года № ПП-5116 «О дополнительных мерах по реабилитации женщин, пострадавших от насилия» изложить в следующей редакции:

«2. Определить общую предельную численность управленческого и производственного персонала центров в количестве 94 единиц, в том числе центрального аппарата — 7 единиц».

4. В абзаце втором подпункта «б» пункта 4 постановления Президента Республики Узбекистан от 10 мая 2024 года № ПП-175 «О дополнительных мерах по совершенствованию оказания социальных услуг лицам, пострадавшим от притеснения и насилия» слова «Республиканского центра реабилитации и адаптации женщин» заменить словами «Республиканского центра реабилитации женщин и детей».

5. В приложение № 6 к постановлению Президента Республики Узбекистан от 23 сентября 2024 года № ПП-330 «О первоочередных мерах по реализации Программы «От бедности к благополучию»:

(а) в графе «Штатная численность» позиции 6 цифру «4 540» заменить цифрой «4 529»;

(б) дополнить позицией 8 следующего содержания:

« 8. Министерство внутренних дел 11 из них: Социальные работники для центров временного приюта и социального восстановления 11 ».

6. В постановлении Президента Республики Узбекистан от 18 декабря 2025 года № ПП-383 «О мерах по налаживанию в регионах системы оказания комплексных социальных и реабилитационных услуг нуждающимся слоям населения»:

(а) в пункте 3 цифру «20» заменить цифрой «21»;

(б) в пункте 10 :

(i) в абзаце «i» подпункта «а» слово «концепцию» заменить словом «программу;

(ii) подпункт «б» изложить в следующей редакции:

«(б) до конца 2026 года за счет средств Государственного фонда социальной защиты создать в информационной системе «Единая национальная социальная защита» возможность проведения мониторинга деятельности региональных центров»;

(в) текст на государственном языке приложения № 2а дополнить позицией 9 1 следующего содержания:

« 9 1 . Тошкент шаҳри Тошкент шаҳри, Чилонзор тумани, Байналмилал кўчаси, 24-уй ».

Президент Республики Узбекистан Ш. МИРЗИЁЕВ

г. Ташкент,

3 августа 2026 г.,

№ УП- 146

(Национальная база данных законодательства, 04.08.2026 г., № 06/26/146/0811)

lex.uz