📅 2026-yil 3-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 3 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 августа 2026 г. · Постановления Президента
Официальный текст. Официальный документ. Редакционные примечания не включены.
📅 3 August 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЧОРА-ТАДБИРЛАРИ ДАСТУРИ
Муайян яшаш жойига эга бўлмаган шахсларга ижтимоий хизматлар кўрсатиш тизимини такомиллаштириш тўғрисида
Муайян яшаш жойига эга бўлмаган шахсларни жамиятга интеграция қилишга қаратилган ижтимоий хизмат ва ёрдамлар билан қамраб олиш, ушбу шахсларга хизмат кўрсатувчи махсус муассасалар фаолиятини такомиллаштириш мақсадида қарор қиламан:
I. Мақсадлар
1. Қуйидагилар ушбу қарорни қабул қилишдан кўзланган асосий мақсадлар этиб белгилансин:
(а) муайян яшаш жойига эга бўлмаган шахслар (кейинги ўринларда — бошпанасиз шахслар)га хизмат кўрсатувчи муассасалар фаолиятини такомиллаштириш;
(б) бошпанасиз шахсларни ижтимоий ва бошқа хизматлар билан қамраб олиш орқали жамиятга тўлақонли интеграция қилиш.
II. Махсус муассасалар фаолиятини такомиллаштириш
2. Инсон ҳуқуқлари бўйича Ўзбекистон Республикаси Миллий маркази, Ички ишлар вазирлиги, Камбағалликни қисқартириш ва бандлик вазирлиги ва Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг қуйидаги таклифлари маъқуллансин:
(а) ички ишлар органларининг Муайян яшаш жойига эга бўлмаган шахсларни реабилитация қилиш марказларини Вақтинчалик бошпана ва ижтимоий тикланиш марказлари (кейинги ўринларда — Ижтимоий марказлар) деб қайта номлаш;
(б) бошпанасиз шахсларни Ижтимоий марказларга суд қарори асосида жойлаштириш амалиётини бекор қилиш.
3. Шундай тартиб ўрнатилсинки, унга мувофиқ 2026 йил 1 сентябрдан бошлаб:
(а) Ижтимоий марказларга бошпанасиз шахслар уларнинг розилиги билан жойлаштирилади;
(б) Ижтимоий марказларга жойлаштирилган шахслар вақтинчалик бошпана ҳамда ушбу марказларга ажратилган маблағлар ҳисобидан озиқ-овқат ва шахсий гигиена воситалари билан таъминланади;
(в) Ижтимоий марказларга жойлаштирилган шахслар индивидуал режаларга мувофиқ ижтимоий хизмат ва ёрдамлар билан қамраб олинади;
(г) Ижтимоий марказлар Агентликка ажратилган штат бирликлари ҳисобидан бир нафардан ижтимоий ходим билан тўлдирилади. Бунда номзодларни ижтимоий ходим лавозимига тайинлаш ҳамда ижтимоий ходимнинг вазифа ва функцияларини белгилаш Агентлик билан келишилган ҳолда амалга оширилади.
III. Бошпанасиз шахсларни ижтимоий ва иқтисодий реинтеграция қилиш
4. 2026 йил 1 сентябрдан бошлаб бошпанасиз шахслар бандлигини таъминлашнинг қуйидагиларни назарда тутувчи янги тартиби жорий этилсин:
(а) туман (шаҳар) ободонлаштириш бошқармаларининг ишчи-мутахассис, муҳандис-техник ва ишлаб чиқариш ходимлари биринчи навбатда Ижтимоий марказларга жойлаштирилган шахслар ҳисобидан шакллантирилади. Бунда бошпанасиз шахсларни ишга жалб этиш уларнинг розилиги асосида Ижтимоий марказларнинг йўлланмасига мувофиқ амалга оширилади;
(б) тадбиркорлик субъектлари томонидан Ижтимоий марказлар ҳудудида Бандликни қўллаб-қувватлаш марказлари (кейинги ўринларда — бандлик марказлари) ташкил этилади ҳамда уларда бошпанасиз шахслар тегишли ҳудуддаги меҳнат бозори эҳтиёжларидан келиб чиққан ҳолда қисқа муддатда ўзлаштириладиган ва ишга жойлашиш имконияти юқори бўлган касблар, шу жумладан, хизмат кўрсатиш, етказиб бериш, қурилиш, таъмирлаш, маиший хизмат, ошпазлик ва бошқа йўналишлар бўйича касб-ҳунарга ўқитилади;
(в) Ижтимоий марказлар ҳудудида жойлашган бўш турган давлат кўчмас мулк объектлари Тошкент шаҳрида ижара тўловининг энг кам миқдорига 0,25 коэффициент қўлланган ҳолда, қолган ҳудудларда ижара тўловининг энг кам миқдорида балансда сақловчи томонидан бандлик марказларини ташкил этиш истагини билдирган нодавлат юридик шахслар ва якка тартибдаги тадбиркорлик субъектларига тасарруф этиш ҳуқуқисиз 5 йилгача муддатга (узайтириш ҳуқуқи билан) тўғридан-тўғри ижарага берилади.
5. Белгилансинки, 2026 йил 1 октябрдан бошлаб Ижтимоий марказларга жойлаштирилган бошпанасиз шахслар қонунчилик ҳужжатларида белгиланган тартибда ишсиз деб эътироф этилади ҳамда уларни касбга ўқитиш бўйича туман (шаҳар) камбағалликни қисқартириш ва бандликка кўмаклашиш бўлимлари орқали ваучерлар ажратилади.
IV. Бошпанасиз шахсларни қўллаб-қувватлаш
6. Бошпанасиз шахсларни вақтинчалик бошпана ва ижтимоий хизматлар билан таъминлаш жараёнларига нодавлат секторни кенг жалб этиш мақсадида:
(а) Агентлик томонидан нодавлат нотижорат ташкилотларга бошпанасиз шахсларга вақтинчалик бошпана ва ижтимоий хизматларни ташкил этиш фаолиятини амалга ошириш учун Ижтимоий ҳимоя давлат жамғармаси маблағлари ҳисобидан тўғридан-тўғри шартнома тузиш орқали давлат ижтимоий буюртмалари берилади;
(б) давлат ижтимоий буюртмаси асосида хизмат кўрсатувчи нодавлат нотижорат ташкилотларнинг ижтимоий хизмат кўрсатувчи ходимлари Агентлик ҳузуридаги Ижтимоий ҳимоя тизими ходимларининг малакасини ошириш марказида қайта тайёрлаш ва малака ошириш курсларига жалб қилиб борилади;
(в) Агентлик томонидан давлат ижтимоий буюртмаси асосида хизмат кўрсатувчи нодавлат нотижорат ташкилотларга бошпанасиз шахсларни аниқлаш, улар билан ишлаш, вақтинчалик бошпана билан таъминлаш, ижтимоий хизматларга йўналтириш ва жамиятга реинтеграция қилиш бўйича услубий ва амалий кўмак кўрсатиб борилади.
7. Шундай тартиб ўрнатилсинки, унга мувофиқ:
(а) бошпанасиз шахслар Ижтимоий марказларда бўлган даврида ушбу муассасага вақтинча турган жойи бўйича рўйхатга олинади;
(б) бошпанасиз шахсларни вақтинча турган жойи бўйича рўйхатга олиш ва шахсини тасдиқловчи ҳужжатларни расмийлаштириш билан боғлиқ давлат божи, «Саховат ва кўмак» жамғармаси маблағлари ҳисобидан қоплаб берилади. Бунда «Саховат ва кўмак» жамғармасидан ёрдам кўрсатиш учун шахснинг Ижтимоий реестрда туриши ва «маҳалла еттилиги» қарори қабул қилиниши бўйича талаб истисно тариқасида қўлланмайди.
8. Бошпанасиз шахсларни аниқлаш, шахсига аниқлик киритиш, ижтимоий ва бошқа хизматлар билан қамраб олиш ишларини жадаллаштириш мақсадида Агентлик ва унинг ҳудудий бўлинмаларига қуйидаги ҳуқуқлар берилсин:
(а) бошпанасиз шахсларнинг чет давлат фуқаролигига мансублиги ёки мансуб эмаслиги тўғрисида сўровномалар киритиш;
(б) бошпанасиз шахсларнинг шахсини тасдиқловчи ҳужжатлар, архив маълумотлари ва бошқа ахборот манбалари орқали уларнинг шахси ва ҳуқуқий мақомини аниқлаш бўйича чоралар кўриш;
(в) бошпанасиз шахсларнинг фуқаролиги:
(i) аниқланган тақдирда, уларнинг келиб чиққан давлатига ихтиёрий равишда қайтишига кўмаклашиш ёки қонунчиликка мувофиқ Ўзбекистон Республикаси ҳудудида бўлишининг ҳуқуқий асосларини расмийлаштириш чораларини кўриш;
(ii) аниқланмаган ёки фуқаролиги бўлмаган шахсларга нисбатан уларни фуқаролиги бўлмаган шахс сифатида тан олиш ва Ўзбекистон Республикасида яшаш гувоҳномасини расмийлаштириш билан боғлиқ тадбирларни белгиланган тартибда амалга ошириш.
V. Қарор ижросини ташкил этиш, таъминлаш ва назорат
9. Муайян яшаш жойига эга бўлмаган шахсларни ижтимоий ҳимоя қилиш чора-тадбирлари дастури иловага мувофиқ тасдиқлансин.
10. Ички ишлар вазирлиги:
(а) Агентлик билан биргаликда 2026 йил 1 октябрга қадар тегишли ахборот тизимларини интеграция қилган ҳолда Ижтимоий марказларга жойлаштирилган шахсларни вақтинча турар жойи бўйича рўйхатдан ўтказиш имкониятини яратсин;
(б) манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини самарали ташкил қилишга масъул ва шахсан жавобгар этиб ички ишлар вазири А.А. Ташпулатов белгилансин.
12. Қарор ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори М.П. Оллоёров зиммасига юклансин.
Ўзбекистон Республикаси Президентининг 2026 йил 3 августдаги ПҚ-288-сон қарорига ИЛОВА
Муайян яшаш жойига эга бўлмаган шахсларни ижтимоий ҳимоя қилиш
Т/р Чора-тадбирлар номи Ижро муддати Масъул ижрочи 1. Суд қарори асосида фуқароларни муайян яшаш жойига эга бўлмаган шахснинг реабилитация марказларига вақтинча жойлаштириш амалиётини бекор қилишни назарда тутувчи норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. 2026 йил октябрь Ички ишлар вазирлиги, Олий суд, Инсон ҳуқуқлари бўйича Ўзбекистон Республикаси Миллий маркази, Ижтимоий ҳимоя миллий агентлиги 2. Муайян яшаш жойига эга бўлмаган шахсларни Вақтинчалик бошпана ва ижтимоий тикланиш марказларига жойлаштиришнинг янги тартибини ишлаб чиқиш ва Вазирлар Маҳкамасига киритиш. 2026 йил август Ижтимоий ҳимоя миллий агентлиги, Ички ишлар вазирлиги 3. «Аҳоли бандлиги тўғрисида»ги Қонунга Вақтинчалик бошпана ва ижтимоий тикланиш марказларига жойлаштирилган муайян яшаш жойига эга бўлмаган шахсларни аҳолининг ижтимоий эҳтиёжманд тоифаси сифатида эътироф этишни назарда тутувчи қонун лойиҳасини Вазирлар Маҳкамасига киритиш. 2026 йил октябрь Камбағалликни қисқартириш ва бандлик вазирлиги, Ижтимоий ҳимоя миллий агентлиги 4. Вақтинчалик бошпана ва ижтимоий тикланиш марказларида шахсларни қабул қилиш, вақтинча жойлаштириш, ижтимоий хизматларга бўлган эҳтиёжини баҳолаш, индивидуал ижтимоий хизматлар режасини ишлаб чиқиш ҳамда уларга ижтимоий, психологик, ҳуқуқий ва реинтеграция хизматларини кўрсатиш учун зарур ташкилий, моддий-техник ва ахборот тизими билан боғлиқ шарт-шароитларни яратиш. Доимий равишда Ички ишлар вазирлиги, Ижтимоий ҳимоя миллий агентлиги 5. Муайян яшаш жойига эга бўлмаган шахслар учун тиббий хизматлардан фойдаланиш имкониятини яратиш учун уларни Ижтимоий реестрга киритилган шахсларга тенглаштирган ҳолда кафолатланган тиббий хизматлар билан қамраб олиш бўйича норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. 2026 йил сентябрь Ижтимоий ҳимоя миллий агентлиги, Соғлиқни сақлаш вазирлиги, Ички ишлар вазирлиги, Давлат тиббий суғуртаси жамғармаси 6. Муайян яшаш жойига эга бўлмаган шахсларни аниқлаш ва улар билан ишлаш жараёнига жойига чиқиб аниқлаш (outreach) механизмини жорий этиш. Бунда ички ишлар органлари ходимлари ҳамда маҳаллада комплекс ижтимоий хизматлар кўрсатувчи ижтимоий ходимлар томонидан кўча, вокзал, бозор, ер ости йўлаклари, яшаш учун мўлжалланмаган бинолар ва бошқа жамоат жойларида муайян яшаш жойига эга бўлмаган шахсларни аниқлаш тартиблари назарда тутилади. 2026 йил октябрь Ички ишлар вазирлиги, Ижтимоий ҳимоя миллий агентлиги 7. Вақтинчалик бошпана ва ижтимоий тикланиш марказларида тадбиркорлик субъектларини жалб этган ҳолда меҳнатга лаёқатли бошпанасиз шахсларни ишга жойлаштириш чорасини кўриш. 2026 йил октябрь Камбағалликни қисқартириш ва бандлик вазирлиги, Савдо-саноат палатаси, Ички ишлар вазирлиги 8. Муайян яшаш жойига эга бўлмаган шахслар учун нодавлат нотижорат ташкилотлар томонидан вақтинчалик бошпана ва ижтимоий хизматлар кўрсатилишини қўллаб-қувватлаш учун қонун ҳужжатларига айнан ушбу мақсадларда базавий ҳисоблаш миқдорининг 1500 бараваригача миқдорда тўғридан-тўғри шартнома асосида давлат ижтимоий буюртмаларини бериш бўйича ўзгартиришлар киритиш юзасидан таклифлар ишлаб чиқиш ва Вазирлар Маҳкамасига киритиш. 2026 йил декабрь Ижтимоий ҳимоя миллий агентлиги, Ички ишлар вазирлиги, Адлия вазирлиги 9. Вақтинчалик бошпана ва ижтимоий тикланиш марказларини Ижтимоий ҳимоя миллий агентлигига ўтказган ҳолда муайян яшаш жойига эга бўлмаган шахсларга хизмат кўрсатиш тизимини такомиллаштириш бўйича таклифлар ишлаб чиқиш ва Ўзбекистон Республикаси Президенти Администрациясига киритиш. 2027 йил январь Ижтимоий ҳимоя миллий агентлиги, Ички ишлар вазирлиги, Иқтисодиёт ва молия вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 3 август,
ПҚ-288-сон
Oʻzbekiston Respublikasi Prezidentining
qarori
CHORA-TADBIRLARI DASTURI
Muayyan yashash joyiga ega boʻlmagan shaxslarga ijtimoiy xizmatlar koʻrsatish tizimini takomillashtirish toʻgʻrisida
Muayyan yashash joyiga ega boʻlmagan shaxslarni jamiyatga integratsiya qilishga qaratilgan ijtimoiy xizmat va yordamlar bilan qamrab olish, ushbu shaxslarga xizmat koʻrsatuvchi maxsus muassasalar faoliyatini takomillashtirish maqsadida qaror qilaman:
I. Maqsadlar
1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:
(a) muayyan yashash joyiga ega boʻlmagan shaxslar (keyingi oʻrinlarda — boshpanasiz shaxslar)ga xizmat koʻrsatuvchi muassasalar faoliyatini takomillashtirish;
(b) boshpanasiz shaxslarni ijtimoiy va boshqa xizmatlar bilan qamrab olish orqali jamiyatga toʻlaqonli integratsiya qilish.
II. Maxsus muassasalar faoliyatini takomillashtirish
2. Inson huquqlari boʻyicha Oʻzbekiston Respublikasi Milliy markazi, Ichki ishlar vazirligi, Kambagʻallikni qisqartirish va bandlik vazirligi va Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning quyidagi takliflari maʼqullansin:
(a) ichki ishlar organlarining Muayyan yashash joyiga ega boʻlmagan shaxslarni reabilitatsiya qilish markazlarini Vaqtinchalik boshpana va ijtimoiy tiklanish markazlari (keyingi oʻrinlarda — Ijtimoiy markazlar) deb qayta nomlash;
(b) boshpanasiz shaxslarni Ijtimoiy markazlarga sud qarori asosida joylashtirish amaliyotini bekor qilish.
3. Shunday tartib oʻrnatilsinki, unga muvofiq 2026-yil 1-sentabrdan boshlab:
(a) Ijtimoiy markazlarga boshpanasiz shaxslar ularning roziligi bilan joylashtiriladi;
(b) Ijtimoiy markazlarga joylashtirilgan shaxslar vaqtinchalik boshpana hamda ushbu markazlarga ajratilgan mablagʻlar hisobidan oziq-ovqat va shaxsiy gigiyena vositalari bilan taʼminlanadi;
(v) Ijtimoiy markazlarga joylashtirilgan shaxslar individual rejalarga muvofiq ijtimoiy xizmat va yordamlar bilan qamrab olinadi;
(g) Ijtimoiy markazlar Agentlikka ajratilgan shtat birliklari hisobidan bir nafardan ijtimoiy xodim bilan toʻldiriladi. Bunda nomzodlarni ijtimoiy xodim lavozimiga tayinlash hamda ijtimoiy xodimning vazifa va funksiyalarini belgilash Agentlik bilan kelishilgan holda amalga oshiriladi.
III. Boshpanasiz shaxslarni ijtimoiy va iqtisodiy reintegratsiya qilish
4. 2026-yil 1-sentabrdan boshlab boshpanasiz shaxslar bandligini taʼminlashning quyidagilarni nazarda tutuvchi yangi tartibi joriy etilsin:
(a) tuman (shahar) obodonlashtirish boshqarmalarining ishchi-mutaxassis, muhandis-texnik va ishlab chiqarish xodimlari birinchi navbatda Ijtimoiy markazlarga joylashtirilgan shaxslar hisobidan shakllantiriladi. Bunda boshpanasiz shaxslarni ishga jalb etish ularning roziligi asosida Ijtimoiy markazlarning yoʻllanmasiga muvofiq amalga oshiriladi;
(b) tadbirkorlik subyektlari tomonidan Ijtimoiy markazlar hududida Bandlikni qoʻllab-quvvatlash markazlari (keyingi oʻrinlarda — bandlik markazlari) tashkil etiladi hamda ularda boshpanasiz shaxslar tegishli hududdagi mehnat bozori ehtiyojlaridan kelib chiqqan holda qisqa muddatda oʻzlashtiriladigan va ishga joylashish imkoniyati yuqori boʻlgan kasblar, shu jumladan, xizmat koʻrsatish, yetkazib berish, qurilish, taʼmirlash, maishiy xizmat, oshpazlik va boshqa yoʻnalishlar boʻyicha kasb-hunarga oʻqitiladi;
(v) Ijtimoiy markazlar hududida joylashgan boʻsh turgan davlat koʻchmas mulk obyektlari Toshkent shahrida ijara toʻlovining eng kam miqdoriga 0,25 koeffitsiyent qoʻllangan holda, qolgan hududlarda ijara toʻlovining eng kam miqdorida balansda saqlovchi tomonidan bandlik markazlarini tashkil etish istagini bildirgan nodavlat yuridik shaxslar va yakka tartibdagi tadbirkorlik subyektlariga tasarruf etish huquqisiz 5 yilgacha muddatga (uzaytirish huquqi bilan) toʻgʻridan-toʻgʻri ijaraga beriladi.
5. Belgilansinki, 2026-yil 1-oktabrdan boshlab Ijtimoiy markazlarga joylashtirilgan boshpanasiz shaxslar qonunchilik hujjatlarida belgilangan tartibda ishsiz deb eʼtirof etiladi hamda ularni kasbga oʻqitish boʻyicha tuman (shahar) kambagʻallikni qisqartirish va bandlikka koʻmaklashish boʻlimlari orqali vaucherlar ajratiladi.
IV. Boshpanasiz shaxslarni qoʻllab-quvvatlash
6. Boshpanasiz shaxslarni vaqtinchalik boshpana va ijtimoiy xizmatlar bilan taʼminlash jarayonlariga nodavlat sektorni keng jalb etish maqsadida:
(a) Agentlik tomonidan nodavlat notijorat tashkilotlarga boshpanasiz shaxslarga vaqtinchalik boshpana va ijtimoiy xizmatlarni tashkil etish faoliyatini amalga oshirish uchun Ijtimoiy himoya davlat jamgʻarmasi mablagʻlari hisobidan toʻgʻridan-toʻgʻri shartnoma tuzish orqali davlat ijtimoiy buyurtmalari beriladi;
(b) davlat ijtimoiy buyurtmasi asosida xizmat koʻrsatuvchi nodavlat notijorat tashkilotlarning ijtimoiy xizmat koʻrsatuvchi xodimlari Agentlik huzuridagi Ijtimoiy himoya tizimi xodimlarining malakasini oshirish markazida qayta tayyorlash va malaka oshirish kurslariga jalb qilib boriladi;
(v) Agentlik tomonidan davlat ijtimoiy buyurtmasi asosida xizmat koʻrsatuvchi nodavlat notijorat tashkilotlarga boshpanasiz shaxslarni aniqlash, ular bilan ishlash, vaqtinchalik boshpana bilan taʼminlash, ijtimoiy xizmatlarga yoʻnaltirish va jamiyatga reintegratsiya qilish boʻyicha uslubiy va amaliy koʻmak koʻrsatib boriladi.
7. Shunday tartib oʻrnatilsinki, unga muvofiq:
(a) boshpanasiz shaxslar Ijtimoiy markazlarda boʻlgan davrida ushbu muassasaga vaqtincha turgan joyi boʻyicha roʻyxatga olinadi;
(b) boshpanasiz shaxslarni vaqtincha turgan joyi boʻyicha roʻyxatga olish va shaxsini tasdiqlovchi hujjatlarni rasmiylashtirish bilan bogʻliq davlat boji, “Saxovat va koʻmak” jamgʻarmasi mablagʻlari hisobidan qoplab beriladi. Bunda “Saxovat va koʻmak” jamgʻarmasidan yordam koʻrsatish uchun shaxsning Ijtimoiy reyestrda turishi va “mahalla yettiligi” qarori qabul qilinishi boʻyicha talab istisno tariqasida qoʻllanmaydi.
8. Boshpanasiz shaxslarni aniqlash, shaxsiga aniqlik kiritish, ijtimoiy va boshqa xizmatlar bilan qamrab olish ishlarini jadallashtirish maqsadida Agentlik va uning hududiy boʻlinmalariga quyidagi huquqlar berilsin:
(a) boshpanasiz shaxslarning chet davlat fuqaroligiga mansubligi yoki mansub emasligi toʻgʻrisida soʻrovnomalar kiritish;
(b) boshpanasiz shaxslarning shaxsini tasdiqlovchi hujjatlar, arxiv maʼlumotlari va boshqa axborot manbalari orqali ularning shaxsi va huquqiy maqomini aniqlash boʻyicha choralar koʻrish;
(v) boshpanasiz shaxslarning fuqaroligi:
(i) aniqlangan taqdirda, ularning kelib chiqqan davlatiga ixtiyoriy ravishda qaytishiga koʻmaklashish yoki qonunchilikka muvofiq Oʻzbekiston Respublikasi hududida boʻlishining huquqiy asoslarini rasmiylashtirish choralarini koʻrish;
(ii) aniqlanmagan yoki fuqaroligi boʻlmagan shaxslarga nisbatan ularni fuqaroligi boʻlmagan shaxs sifatida tan olish va Oʻzbekiston Respublikasida yashash guvohnomasini rasmiylashtirish bilan bogʻliq tadbirlarni belgilangan tartibda amalga oshirish.
V. Qaror ijrosini tashkil etish, taʼminlash va nazorat
9. Muayyan yashash joyiga ega boʻlmagan shaxslarni ijtimoiy himoya qilish chora-tadbirlari dasturi ilovaga muvofiq tasdiqlansin.
10. Ichki ishlar vazirligi:
(a) Agentlik bilan birgalikda 2026-yil 1-oktabrga qadar tegishli axborot tizimlarini integratsiya qilgan holda Ijtimoiy markazlarga joylashtirilgan shaxslarni vaqtincha turar joyi boʻyicha roʻyxatdan oʻtkazish imkoniyatini yaratsin;
(b) manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga masʼul va shaxsan javobgar etib ichki ishlar vaziri A.A. Tashpulatov belgilansin.
12. Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori M.P. Olloyorov zimmasiga yuklansin.
Oʻzbekiston Respublikasi Prezidentining 2026-yil 3-avgustdagi PQ-288-son qaroriga ILOVA
Muayyan yashash joyiga ega boʻlmagan shaxslarni ijtimoiy himoya qilish
T/r Chora-tadbirlar nomi Ijro muddati Masʼul ijrochi 1. Sud qarori asosida fuqarolarni muayyan yashash joyiga ega boʻlmagan shaxsning reabilitatsiya markazlariga vaqtincha joylashtirish amaliyotini bekor qilishni nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish. 2026-yil oktabr Ichki ishlar vazirligi, Oliy sud, Inson huquqlari boʻyicha Oʻzbekiston Respublikasi Milliy markazi, Ijtimoiy himoya milliy agentligi 2. Muayyan yashash joyiga ega boʻlmagan shaxslarni Vaqtinchalik boshpana va ijtimoiy tiklanish markazlariga joylashtirishning yangi tartibini ishlab chiqish va Vazirlar Mahkamasiga kiritish. 2026-yil avgust Ijtimoiy himoya milliy agentligi, Ichki ishlar vazirligi 3. “Aholi bandligi toʻgʻrisida”gi Qonunga Vaqtinchalik boshpana va ijtimoiy tiklanish markazlariga joylashtirilgan muayyan yashash joyiga ega boʻlmagan shaxslarni aholining ijtimoiy ehtiyojmand toifasi sifatida eʼtirof etishni nazarda tutuvchi qonun loyihasini Vazirlar Mahkamasiga kiritish. 2026-yil oktabr Kambagʻallikni qisqartirish va bandlik vazirligi, Ijtimoiy himoya milliy agentligi 4. Vaqtinchalik boshpana va ijtimoiy tiklanish markazlarida shaxslarni qabul qilish, vaqtincha joylashtirish, ijtimoiy xizmatlarga boʻlgan ehtiyojini baholash, individual ijtimoiy xizmatlar rejasini ishlab chiqish hamda ularga ijtimoiy, psixologik, huquqiy va reintegratsiya xizmatlarini koʻrsatish uchun zarur tashkiliy, moddiy-texnik va axborot tizimi bilan bogʻliq shart-sharoitlarni yaratish. Doimiy ravishda Ichki ishlar vazirligi, Ijtimoiy himoya milliy agentligi 5. Muayyan yashash joyiga ega boʻlmagan shaxslar uchun tibbiy xizmatlardan foydalanish imkoniyatini yaratish uchun ularni Ijtimoiy reyestrga kiritilgan shaxslarga tenglashtirgan holda kafolatlangan tibbiy xizmatlar bilan qamrab olish boʻyicha normativ-huquqiy hujjat loyihasini ishlab chiqish va Vazirlar Mahkamasiga kiritish. 2026-yil sentabr Ijtimoiy himoya milliy agentligi, Sogʻliqni saqlash vazirligi, Ichki ishlar vazirligi, Davlat tibbiy sugʻurtasi jamgʻarmasi 6. Muayyan yashash joyiga ega boʻlmagan shaxslarni aniqlash va ular bilan ishlash jarayoniga joyiga chiqib aniqlash (outreach) mexanizmini joriy etish. Bunda ichki ishlar organlari xodimlari hamda mahallada kompleks ijtimoiy xizmatlar koʻrsatuvchi ijtimoiy xodimlar tomonidan koʻcha, vokzal, bozor, yer osti yoʻlaklari, yashash uchun moʻljallanmagan binolar va boshqa jamoat joylarida muayyan yashash joyiga ega boʻlmagan shaxslarni aniqlash tartiblari nazarda tutiladi. 2026-yil oktabr Ichki ishlar vazirligi, Ijtimoiy himoya milliy agentligi 7. Vaqtinchalik boshpana va ijtimoiy tiklanish markazlarida tadbirkorlik subyektlarini jalb etgan holda mehnatga layoqatli boshpanasiz shaxslarni ishga joylashtirish chorasini koʻrish. 2026-yil oktabr Kambagʻallikni qisqartirish va bandlik vazirligi, Savdo-sanoat palatasi, Ichki ishlar vazirligi 8. Muayyan yashash joyiga ega boʻlmagan shaxslar uchun nodavlat notijorat tashkilotlar tomonidan vaqtinchalik boshpana va ijtimoiy xizmatlar koʻrsatilishini qoʻllab-quvvatlash uchun qonun hujjatlariga aynan ushbu maqsadlarda bazaviy hisoblash miqdorining 1500 baravarigacha miqdorda toʻgʻridan-toʻgʻri shartnoma asosida davlat ijtimoiy buyurtmalarini berish boʻyicha oʻzgartirishlar kiritish yuzasidan takliflar ishlab chiqish va Vazirlar Mahkamasiga kiritish. 2026-yil dekabr Ijtimoiy himoya milliy agentligi, Ichki ishlar vazirligi, Adliya vazirligi 9. Vaqtinchalik boshpana va ijtimoiy tiklanish markazlarini Ijtimoiy himoya milliy agentligiga oʻtkazgan holda muayyan yashash joyiga ega boʻlmagan shaxslarga xizmat koʻrsatish tizimini takomillashtirish boʻyicha takliflar ishlab chiqish va Oʻzbekiston Respublikasi Prezidenti Administratsiyasiga kiritish. 2027-yil yanvar Ijtimoiy himoya milliy agentligi, Ichki ishlar vazirligi, Iqtisodiyot va moliya vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 3-avgust,
PQ-288-son
Президента Республики Узбекистан
Постановление
О совершенствовании системы оказания социальных услуг лицам без определенного места жительства
В целях охвата лиц без определенного места жительства социальными услугами и помощью, направленными на их интеграцию в общество, совершенствования деятельности специальных учреждений, оказывающих услуги данным лицам, постановляю:
I. Цели
1. Определить основными целями принятия настоящего постановления:
(а) совершенствование деятельности учреждений, оказывающих услуги лицам без определенного места жительства (далее — лица, не имеющие жилья);
(б) осуществление полной интеграции в общество лиц, не имеющих жилья, путем охвата их социальными и другими услугами.
II. Совершенствование деятельности специальных учреждений
2. Одобрить предложения Национального центра Республики Узбекистан по правам человека, Министерства внутренних дел, Министерства занятости и сокращения бедности и Национального агентства социальной защиты при Президенте Республики Узбекистан (далее — Агентство), предусматривающие:
(а) переименование центров реабилитации лиц без определенного места жительства органов внутренних дел в центры временного приюта и социального восстановления (далее — Социальные центры);
(б) отмену практики размещения лиц, не имеющих жилья, в Социальные центры на основании решения суда.
3. Установить порядок, в соответствии с которым с 1 сентября 2026 года:
(а) лица, не имеющие жилья, размещаются в Социальные центры по их согласию;
(б) лица, размещенные в Социальные центры, обеспечиваются временным жильем, а также за счет средств, выделенных данным центрам, — продуктами питания и средствами личной гигиены;
(в) лица, размещенные в Социальные центры, в соответствии с индивидуальными планами охватываются социальными услугами и помощью;
(г) Социальные центры за счет выделенных Агентству штатных единиц укомплектовываются по одной единице социального работника. При этом назначение кандидатов на должность социального работника, а также определение задач и функций социального работника осуществляются по согласованию с Агентством.
III. Социальная и экономическая реинтеграция лиц, не имеющих жилья
4. Внедрить с 1 сентября 2026 года новый порядок обеспечения занятости лиц, не имеющих жилья, в соответствии с которым:
(а) рабочие-специалисты, инженеры-техники и производственные работники районных (городских) управлений благоустройства, в первую очередь, формируются за счет лиц, размещенных в Социальные центры. При этом привлечение к работе лиц, не имеющих жилья, осуществляется по их согласию в соответствии с направлением Социальных центров;
(б) субъектами предпринимательства на территории Социальных центров создаются центры поддержки занятости (далее — центры занятости), в которых лица, не имеющие жилья, обучаются профессиям, осваиваемым в краткие сроки и с высокой возможностью трудоустройства, в том числе по направлениям оказания услуг, доставки, строительства, ремонта, бытовых услуг, кулинарного дела и другим, исходя из потребностей рынка труда на соответствующей территории;
(в) пустующие государственные объекты недвижимости, размещенные на территории Социальных центров, напрямую передаются в аренду их балансодержателем негосударственным юридическим лицам и индивидуальным субъектам предпринимательства, изъявившим желание создать центры занятости, сроком до 5 лет без права распоряжения (с правом продления) в городе Ташкенте с применением 0,25 коэффициента к минимальному размеру арендной платы, в остальных регионах — в минимальных размерах арендной платы.
5. Определить, что начиная с 1 октября 2026 года размещенные в Социальные центры лица, не имеющие жилья, в порядке, установленном актами законодательства, признаются безработными, а также посредством районных (городских) отделов содействия занятости и сокращения бедности выделяются ваучеры на обучение их профессиям.
IV. Поддержка лиц, не имеющих жилья
6. В целях широкого привлечения негосударственного сектора к процессам обеспечения лиц, не имеющих жилья, временным приютом и социальными услугами:
(а) Агентством негосударственным некоммерческим организациям предоставляются государственные социальные заказы за счет средств Государственного фонда социальной защиты путем заключения прямых договоров на осуществление деятельности по организации для лиц, не имеющих жилья, временного приюта и социальных услуг;
(б) работники по оказанию социальных услуг негосударственных некоммерческих организаций, оказывающих услуги на основе государственного социального заказа, привлекаются на курсы переподготовки и повышения квалификации в Центре повышения квалификации работников системы социальной защиты при Агентстве;
(в) Агентством негосударственным некоммерческим организациям, оказывающим услуги на основе государственного социального заказа, оказывается методическое и практическое содействие по выявлению лиц, не имеющих жилья, работе с ними, обеспечению их временным приютом, направлению на социальные услуги и реинтеграции в общество.
7. Установить порядок, в соответствии с которым:
(а) лица, не имеющие жилья, на период нахождения в Социальных центрах, проходят регистрацию по месту временного пребывания в данных учреждениях;
(б) государственная пошлина за регистрацию по месту временного пребывания лиц, не имеющих жилья, и оформление документов, подтверждающих их личность, покрывается за счет средств Фонда «Саховат ва кумак». При этом для оказания помощи из Фонда «Саховат ва кумак» требование на состояние лица в Социальном реестре и принятие решения «махаллинской семерки» в порядке исключения не применяется.
8. В целях ускорения работ по выявлению лиц, не имеющих жилья, идентификации их личности, охвату социальными и другими услугами предоставить Агентству и его территориальным отделениям следующие права:
(а) внесение анкет о принадлежности или непринадлежности лиц, не имеющих жилья, к гражданству иностранного государства;
(б) принятие мер по определению личности и правового статуса лиц, не имеющих жилья, посредством документов, удостоверяющих их личность, архивных данных и других источников информации;
(в) нижеследующие:
(i) в случае определения гражданства лиц, не имеющих жилья, принятие мер по содействию их добровольному возвращению в страну происхождения или оформлению правовых основ их пребывания на территории Республики Узбекистан в соответствии с законодательством;
(ii) осуществление в установленном порядке в отношении лиц, не имеющих жилья, гражданство которых не определено, или таких лиц без гражданства мероприятий, связанных с признанием их в качестве лица без гражданства и оформлением вида на жительство в Республике Узбекистан.
V. Организация, обеспечение и контроль исполнения постановления
9. Утвердить Программу мер по социальной защите лиц без определенного места жительства согласно приложению * .
10. Министерству внутренних дел:
(а) совместно с Агентством до 1 октября 2026 года создать возможность для регистрации по месту временного пребывания лиц, размещенных в Социальные центры, с осуществлением интеграции соответствующих информационных систем;
(б) совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на министра внутренних дел А.А. Ташпулатова персональную ответственность за эффективную организацию исполнения настоящего постановления.
12. Контроль за исполнением настоящего постановления, осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан по социальной защите — директора Национального агентства социальной защиты М.П. Оллоёрова.
Президент Республики Узбекистан Ш. МИРЗИЁЕВ
г. Ташкент,
3 августа 2026 г.,
№ ПП-288