UzbekAI

Ўзбекистон Республикаси Президентининг

қарори

ЧОРА-ТАДБИРЛАР ДАСТУРИ

РЕЖАСИ

Алоҳида таълимга эҳтиёжи бўлган болаларни таълим ва ижтимоий хизматлар билан қамраб олиш тизимини такомиллаштириш бўйича қўшимча чора-тадбирлар тўғрисида

Алоҳида таълимга эҳтиёжи бўлган болаларнинг таълим олиш ҳуқуқини рўёбга чиқариш, уларнинг оилавий муҳитда таълим ва ижтимоий хизматлардан фойдаланиши ҳамда жамият ҳаётида фаол ва тўлақонли иштирок этиши учун зарур шарт-шароитлар яратиш мақсадида қарор қиламан:

I. Мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) алоҳида таълимга эҳтиёжи бўлган болаларни аниқлаш, уларнинг психологик-педагогик ҳолати, функционал имкониятлари, кундалик ҳаётдаги фаоллиги ва иштирокини комплекс баҳолаш ҳамда таълим ва ижтимоий хизматлар билан тўлиқ қамраб олиш;

(б) болаларнинг яшаш жойига яқин ҳудудда таълим олиш имкониятларини кенгайтириш, инклюзив ва коррекцион таълим шаклларини ривожлантириш, «оилабай» ижтимоий ҳамроҳлик тизимини кучайтириш ҳамда нодавлат секторни жалб қилиш орқали уйда ва интернат шаклида таълим олаётган болалар сонини қисқартириш;

(в) таълим ташкилотларида тўсиқсиз ва инклюзив муҳитни шакллантириш, болаларни ассистив жиҳозлар билан таъминлаш, индивидуал таълим режалари ва коррекцион-педагогик қўллаб-қувватлаш тизимини жорий этиш;

(г) ногиронлиги бўлган болаларнинг интеллектуал, ижодий, касбий ва тадбиркорлик салоҳиятини рўёбга чиқаришга қаратилган ривожлантирувчи дастурлар, касбий маҳорат ва ижодий танловларни кенг жорий этиш.

II. Замонавий инклюзив таълим экотизимини шакллантириш

2. Белгилансинки, 2026 йил 1 сентябрдан бошлаб алоҳида таълимга эҳтиёжи бўлган болаларни таълим, ижтимоий ёрдам ва хизматларга жалб қилиш бўйича «оилабай» ишлаш тизими жорий этилади. Бунда ижтимоий ходим томонидан:

(а) ота-онага болани таълим ва ижтимоий хизматларга жалб этиш бўйича амалий кўмак кўрсатиб борилади;

(б) боланинг таълим ва ижтимоий хизматлардан фойдаланаётганлиги доимий равишда мониторинг қилиб борилади, заруратга кўра бошқа ижтимоий ёрдам ва хизматларга жалб қилиш чоралари кўрилади.

3. Шундай тартиб ўрнатилсинки, унга мувофиқ 3 — 18 ёшдаги болаларнинг алоҳида таълимга эҳтиёжини аниқлаш ва давлат таълим муассасаларига йўналтириш «Инсон» ижтимоий хизматлар марказларининг Болани комплекс баҳолаш гуруҳи (кейинги ўринларда — баҳолаш гуруҳи) томонидан амалга оширилади. Бунда:

(а) баҳолаш гуруҳи томонидан 3 — 18 ёшдаги боланинг таълимга эҳтиёжини баҳолаш психологик-педагогик диагностик мезонлар асосида, функционал имконияти, кундалик ҳаётдаги фаоллиги ва иштирокини баҳолаш эса ногиронликни баҳолаш шкаласининг маҳаллий шарт-шароитларга мослаштирилган мезонлари асосида амалга оширилади;

(б) баҳолаш гуруҳи фаолияти 2026 йил 1 октябрдан бошлаб Навоий ва Хоразм вилоятларида йўлга қўйилади.

4. Алоҳида таълимга эҳтиёжи бўлган болаларнинг сифатли таълим олиши учун зарур шарт-шароитлар яратиш мақсадида:

(а) 2027 йил 1 майдан бошлаб алоҳида таълимга эҳтиёжи бўлган болаларни ваучер асосида таълим олишига кўмаклашувчи замонавий ассистив (ёрдамчи) жиҳозлар (кейинги ўринларда — ассистив жиҳозлар) билан таъминлаш тизими жорий этилади. Бунда:

(i) ваучер туманлараро ва туман (шаҳар) тиббий-ижтимоий эксперт комиссиялари ҳамда баҳолаш гуруҳининг хулосаси асосида ажратилади;

(ii) ассистив жиҳозларни харид қилиш ва етказиб бериш ногиронлиги бўлган шахсларни протез-ортопедия маҳсулотлари ва реабилитация қилишнинг техник воситалари билан таъминлаш учун белгиланган тартибда амалга оширилади;

(б) 2027/2028 ўқув йилидан бошлаб ногиронлиги бўлган абитуриентлар учун олий таълим ташкилотларига кириш имтиҳони ва ногиронлиги бўлган педагог кадрларни аттестациядан ўтказиш, умумтаълим фанларини билиш даражасини белгиловчи миллий сертификат олиш бўйича имтиҳон (синов)да белгиланган вақт меъёрининг 50 фоизи миқдорида қўшимча вақт берилади ҳамда Брайл алифбоси, аудио ва электрон форматдаги имтиҳон материалларидан фойдаланиш имконияти яратилади;

(в) 2026/2027 ўқув йилидан бошлаб:

(i) давлат умумий ўрта таълим ташкилотларида фаолият юритувчи ҳар бир кўзи ожиз педагог учун бир нафардан шахсий ассистент (таржимон-котиба) штат бирлиги;

(ii) руҳий ва ақлий ривожланишида нуқсони бўлган болалар учун мактаб ва мактаб-интернатларининг биринчи ва иккинчи синфларининг ҳар бири учун бир нафардан ёрдамчи ходим (ассистент-ўқитувчи) штат бирлиги ажратилади.

5. Белгилансинки, 2026/2027 ўқув йилидан бошлаб алоҳида таълимга эҳтиёжи бўлган болалар учун ихтисослаштирилган давлат таълим муассасалари (кейинги ўринларда — ихтисослаштирилган муассасалар)да ўқитиш боланинг индивидуал таълимга эҳтиёжлари, функционал имкониятлари ҳамда ўзлаштириш даражасига мувофиқ ишлаб чиқиладиган индивидуал таълим режалари асосида ташкил этилади. Бунда:

(а) асосий эътибор боланинг шахсий салоҳиятини рўёбга чиқариш, уни мустақил ҳаётга тайёрлаш, шунингдек, коммуникатив, ижтимоий, академик ва касбий кўникмаларини ривожлантиришга қаратилади;

(б) алоҳида таълимга эҳтиёжи бўлган болаларга мўлжалланган ўқув режаларини шакллантиришда таянч ўқув режаларида назарда тутилган фан ва коррекцион машғулотларни қисқартириш, янги фанлар, коррекцион ва касбга йўналтириш машғулотлари киритилиши мумкин.

III. Молиявий қўллаб-қувватлаш чоралари

6. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг 2026 йил 1 сентябрдан бошлаб қуйидаги молиявий қўллаб-қувватлаш инструментларини жорий этиш тўғрисидаги таклифи маъқуллансин:

(а) коррекцион синф ташкил этган ҳолда умумий ўрта таълим хизматини кўрсатувчи нодавлат таълим ташкилотларига ушбу синфда таълим оладиган ҳар бир ўқувчи учун қуйидаги миқдорларда субсидия ажратиш:

(i) Тошкент шаҳрида базавий ҳисоблаш миқдорининг 11 баравари;

(ii) вилоятлар маркази ва Нукус шаҳрида базавий ҳисоблаш миқдорининг 9,5 баравари;

(iii) бошқа туман (шаҳар)ларда базавий ҳисоблаш миқдорининг 8,5 баравари;

(б) ҳар йили камида 50 та давлат умумий ўрта таълим ташкилотларида таълим олаётган ногиронлиги бўлган болалар учун шарт-шароитлар яратиш ва таълим сифатини яхшилаш, шунингдек, таълимга жалб этилмаган болаларнинг мактабга боришига тўсқинлик қилаётган омилларни бартараф этишга қаратилган лойиҳаларни амалга ошириш учун базавий ҳисоблаш миқдорининг 500 бараваригача «Инклюзив таълим муҳити» грантини ажратиш. Бунда ушбу грант маблағлари ота-оналар, педагоглар ва маҳаллий аҳоли томонидан мактабдаги аниқ муаммоларни ҳал этиш бўйича илгари сурилган ташаббусларни, шу жумладан, пандус ўрнатиш, сенсор хона ташкил этиш, санитария хонасини мослаштириш, таълим жараёни учун кўргазмали ва ривожлантирувчи материалларни харид қилиш тадбирларини молиялаштиришга йўналтирилади.

IV. Ногиронлиги бўлган шахсларнинг салоҳиятини рўёбга чиқариш, махсус педагог кадрларни тайёрлаш ва малакасини оширишга қаратилган чора-тадбирлар

7. Агентликнинг ногиронлиги бўлган шахсларнинг интеллектуал, касбий, ижодий ва тадбиркорлик салоҳиятини рўёбга чиқариш, уларнинг иқтисодий фаоллиги ва ижтимоий интеграциясини қўллаб-қувватлаш мақсадида ҳар йили қуйидаги тадбирларни ўтказиб бориш ҳақидаги таклифига розилик берилсин:

(а) нодавлат нотижорат ташкилотлар билан бирга ўтказиладиган «Имкониятлар олимпиадаси» (Abilympics) танлови. Бунда ушбу танловнинг ҳар бир йўналиши бўйича ғолиб ва совриндорларига базавий ҳисоблаш миқдорининг 15 бараваридан 30 бараваригача бир марталик пул мукофоти берилади;

(б) «Ўсиш ва ривожланиш» (UPSНIFT) танлови. Бунда танлов ғолибларига базавий ҳисоблаш миқдорининг 15 бараваридан 30 бараваригача грант ажратилади ҳамда уларнинг лойиҳаларини барқарор ривожлантириш учун кўнгилли маслаҳатчи-менторлар орқали комплекс маслаҳат ва ҳамроҳлик хизматлари кўрсатилади.

8. Белгилансинки:

(а) 2027/2028 ўқув йилидан бошлаб:

(i) давлат олий таълим ташкилотларида мақсадли қабул асосида эшитишида нуқсони бўлган болаларга хорижий тилларни ўргатувчи ўқитувчи-педагог тайёрлаш йўлга қўйилади;

(ii) олий таълим ташкилотларида бошланғич синф ўқитувчиси мутахассислиги бўйича таълим олаётган талабаларга махсус педагогика фанлари чуқурлаштирилган дастурлар асосида ўқитилади;

(iii) махсус педагогика йўналиши бўйича қабул кўрсаткичлари Агентлик билан келишилган ҳолда тасдиқланади;

(б) 2026 йил 1 сентябрдан бошлаб махсус педагогларнинг малака ошириш курслари Агентлик билан келишилган ҳолда тасдиқланган ўқув режа ва дастурлар асосида онлайн ёки офлайн шаклда амалга оширилади;

(в) олий таълим ташкилотларининг махсус педагогика йўналиши талабалари ва қайта тайёрлов дастури тингловчилари Агентлик ва Мактабгача ва мактаб таълими вазирлиги томонидан белгиланадиган базавий таълим ташкилотларида амалиёт ўтайди.

V. Қарор ижросини ташкил этиш, таъминлаш ва назорат

9. Белгилансинки, мазкур қарор 4-бандининг «в» кичик бандида назарда тутилган тадбирларни амалга ошириш Давлат бюджети маблағлари ҳисобидан, қарор ижроси билан боғлиқ бошқа харажатлар Ижтимоий ҳимоя давлат жамғармаси маблағлари ҳисобидан молиялаштирилади.

10. 2026 — 2028 йилларда алоҳида таълимга эҳтиёжи бўлган болаларга таълим хизматларини кўрсатиш тизимини такомиллаштириш бўйича чора-тадбирлар дастури 1-иловага мувофиқ тасдиқлансин.

11. Қорақалпоғистон Республикаси Вазирлар Кенгаши ҳамда вилоятлар ҳокимликлари Агентлик билан биргаликда 2-иловага мувофиқ белгиланган мактабларнинг бино-иншоотларида қурилиш, таъмирлаш, реконструкция қилиш ишларини Ижтимоий ҳимоя давлат жамғармаси ҳамда «Аҳолининг заиф қатламларини интеграция қилиш учун Ўзбекистоннинг инновацион ижтимоий ҳимоя тизими (INSON)» лойиҳаси доирасида жалб қилинган кредит маблағлари ҳисобидан амалга оширсин.

12. Ижтимоий ҳимоя миллий агентлиги Мактабгача ва мактаб таълими вазирлиги ҳамда манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.

13. Мазкур қарорнинг ижросини самарали ташкил қилишга масъул ва шахсан жавобгар этиб Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори М.П. Оллоёров ҳамда мактабгача ва мактаб таълими вазири Э.Г. Каримова белгилансин.

14. Қарор ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 4 августдаги ПҚ-292-сон қарорига 1-ИЛОВА

2026 — 2028 йилларда алоҳида таълимга эҳтиёжи бўлган болаларга таълим хизматларини кўрсатиш тизимини такомиллаштириш бўйича

Т/р Чора-тадбирлар номи Амалга ошириш механизми Ижро муддати Молиялаштириш манбалари Ижро учун масъуллар I. Ногиронлиги бўлган болаларни таълим ва ижтимоий хизматларга қамраб олишни такомиллаштириш 1. Болаларнинг алоҳида таълимга эҳтиёжини аниқлаш ва уларни давлат таълим муассасаларига йўналтириш тизимини такомиллаштириш. 1. Навоий ва Хоразм вилоятларидаги «Инсон» ижтимоий хизматлар марказларида Болани комплекс баҳолаш гуруҳи (кейинги ўринларда — баҳолаш гуруҳи) фаолиятини йўлга қўйиш. 2. Баҳолаш гуруҳи фаолиятига фуқаролик ҳуқуқий шартнома асосида бир нафардан психолог ва махсус педагог жалб этиш. 2026 йил 1 октябрдан бошлаб Ижтимоий ҳимоя давлат жамғармаси маблағлари Ижтимоий ҳимоя миллий агентлиги 3. Баҳолаш гуруҳи фаолиятини бошқа ҳудудларда ҳам жорий этиш бўйича таклифлар ишлаб чиқиш ҳамда Вазирлар Маҳкамасига киритиш. 2027 йил октябрь 2. Алоҳида таълимга эҳтиёжи бўлган болалар учун ихтисослаштирилган давлат таълим муассасалари (кейинги ўринларда — махсус мактаблар) ва инклюзив синфларнинг махсус педагоглари фаолиятини аниқ вазиятни таҳлил қилиш орқали (кейс-стади) баҳолаш тизимини амалиётга жорий қилиш. 1. Ишчи гуруҳ тузиш. 2026 йил октябрь – Ижтимоий ҳимоя миллий агентлиги, Мактабгача ва мактаб таълими вазирлиги 2. Махсус педагоглар фаолиятини аниқ вазиятни таҳлил қилиш орқали (кейс-стади) баҳолаш тизими лойиҳасини ишлаб чиқиш. 2027 йил март 3. Махсус педагоглар фаолиятини аниқ вазиятни таҳлил қилиш орқали (кейс-стади) баҳолаш тизимини амалиётга жорий этиш. 2027/2028 ўқув йилидан бошлаб 3. Ўзбекистонда инклюзив таълимни ривожлантириш бўйича миллий стратегия ни ишлаб чиқиш. 1. ЮНИСЕФ ва ЮНЕСКО билан ҳамкорликда Ўзбекистонда инклюзив таълимни ривожлантириш бўйича миллий стратегияни ишлаб чиқиш. 2027 йил февраль – Ижтимоий ҳимоя миллий агентлиги, Мактабгача ва мактаб таълими вазирлиги, Ўзбекистон ногиронлар ассоциацияси, Ўзбекистон Карлар жамияти, Ўзбекистон кўзи ожизлар жамияти 2. Миллий стратегияни белгиланган тартибда Вазирлар Маҳкамасига киритиш. 2027 йил апрель 4. Инклюзив таълим ташкилотлари сонини ошириш . 1. Касбий таълим ташкилотларида ногиронлиги бўлган ўқувчиларнинг инклюзив шароитда таълим олишини ташкил этиш. 2. Касбий таълим ташкилотларида ногиронлиги бўлган ўқувчилар учун эҳтиёжга қараб инклюзив таълим гуруҳларини шакллантириш. 3. Инклюзив таълим шакллантирилган гуруҳларнинг таълим дастурларини ва бошқа ҳужжатларни инклюзив таълим тамойилларига мослаштириш. 2027/2028 ўқув йилидан бошлаб «Инфратузилма ва ижтимоий барқарорлик» жамғармаси маблағлари Олий таълим, фан ва инновациялар вазирлиги, Касбий таълим агентлиги 5. Махсус мактабларнинг ихтисослик йўналиши бўйича янги авлод дарсликлари ни, алоҳида таълимга эҳтиёжи бўлган ўқувчилар учун ҳаётий ва касбий кўникмаларни ривожлантиришга қаратилган соддалаштирилган замонавий методик қўлланмалар ва дидактик маҳсулотлар ни яратиш. 1. Халқаро тажрибани қўллаган ҳолда махсус мактабларнинг ихтисослик йўналиши бўйича янги авлод дарслик ва ўқув адабиётларини ишлаб чиқиш ва чоп этилишини ташкил этиш, махсус мактабларга етказиб бериш. 2. Ўқувчиларнинг ҳаётий ва касбий кўникмаларини ривожлантиришга қаратилган замонавий методик қўлланмалар (дарсликлар, машқ дафтарлари, ўқитувчи методика китоблари) ҳамда дидактик маҳсулотларни яратиш. 3. Умумтаълим мактаблари учун яратилган дарслик ва ўқув-услубий қўлланмаларни Брайл алифбосида ишлаб чиқиш ва харид қилиш. Ҳар йили Ижтимоий ҳимоя миллий агентлигига ажратилган маблағлар Ижтимоий ҳимоя миллий агентлиги, Мактабгача ва мактаб таълими вазирлиги, Ахборот ва педагогика технологиялари инновацион маркази 6. Махсус мактаб ўқувчиларини олий таълимга кириш имтиҳонларига тайёрлаш. 1. Махсус мактаб ўқувчилари ўртасида онлайн фан олимпиадаларини ўтказиш шарти, муддати, тартиби ва баҳолаш мезонини назарда тутувчи низомни ишлаб чиқиш ва тасдиқлаш. 2027 йил февраль Ижтимоий ҳимоя давлат жамғармаси маблағлари Ижтимоий ҳимоя миллий агентлиги, Мактабгача ва мактаб таълими вазирлиги 2. Олимпиадани юқори савияда ташкил этиш ва ғолибларни муносиб рағбатлантириш. Ҳар йили 3. Махсус мактабларнинг 10-11 синф ўқувчиларини диагностик тест синовларидан ўтказиш. Ўқув йили давомида икки марта Билим ва малакаларни баҳолаш агентлиги 7. Руҳий ёки ақлий ривожланишида нуқсони бўлган ўқувчиларнинг билимлари сифатини баҳолаш ни такомиллаштириш. Руҳий ёки ақлий ривожланишида нуқсони бўлган ўқувчиларнинг билимлари сифатини баҳолашни бола учун ишлаб чиқилган индивидуал таълим дастурида белгиланган мақсад ва вазифалар асосида амалга ошириш тизимини жорий этиш. 2026/2027 ўқув йилидан бошлаб – Ижтимоий ҳимоя миллий агентлиги, Мактабгача ва мактаб таълими вазирлиги 8. Ногиронлиги бўлган абитуриентлар ва педагоглар учун имтиҳон (синов)да зарур шароитлар яратиш. Ногиронлиги бўлган абитуриентлар учун олий таълим ташкилотларига кириш имтиҳони ва ногиронлиги бўлган педагог кадрларни аттестациядан ўтказиш, умумтаълим фанларини билиш даражасини белгиловчи миллий сертификат олиш бўйича имтиҳон (синов)да белгиланган вақт меъёрининг 50 фоизигача қўшимча вақт бериш ҳамда Брайл алифбоси, аудио ва электрон форматдаги имтиҳон материалларидан фойдаланиш имкониятини яратиш бўйича амалдаги норматив-ҳуқуқий ҳужжатларга тегишли ўзгартириш ва қўшимчалар киритиш. 2026 йил октябрь – Олий таълим, фан ва инновациялар вазирлиги, Мактабгача ва мактаб таълими вазирлиги 9. Тошкент шаҳридаги «International inclusive hub» халқаро таянч инклюзив профессионал таълим маркази (кейинги ўринларда — Марказ) фаолиятини такомиллаштириш. 1. Марказда инновацион дастур ва лойиҳалар, янги бизнес лойиҳаларини ишлаб чиқиш, электрон таълим тизимини ривожлантиришга қаратилган ишларни ташкил этиш учун зарур штат бирликларини ажратиш. 2. Марказнинг Самарқанд ва Хоразм вилояти филиалларини ташкил этиш. 2026 йил октябрь Давлат бюджети маблағлари Ижтимоий ҳимоя миллий агентлиги II. Кадрлар тайёрлаш ва уларнинг малакасини ошириш, қўллаб-қувватлаш тизимини такомиллаштириш 10. Ногиронлиги бўлган ўқувчи-талабалар учун ўқув жараёнини ташкил этишда рақамли ахборот технологиялари имкониятларидан фойдаланишни кенгайтириш. 1. Давлат касбий ва олий таълим ташкилотларида дарслик ва ўқув қўлланмаларни аудио форматга (кўзи ожизлар учун), экран ўқувчига мослаштирилган (screen reader friendly), субтитр ва ишора тилини қўллаб-қувватловчи видео форматга ўтказиш. 2. Давлат олий ва касбий таълим ташкилотларини экран ўқувчи дастурлари ( NVDA, JAWS), нутқни матнга айлантириш (speech-to-text), Брайл дисплей ва принтерлар, клавиатура ва сичқончага альтернатив қурилмалар билан жиҳозлаш. 2027 йилдан бошлаб ҳар йили Олий таълим ташкилотларининг бюджетдан ташқари маблағлари, Касбий таълимни ривожлантириш жамғармаси маблағлари Олий таълим, фан ва инновациялар вазирлиги, Касбий таълим агентлиги 11. «Махсус педагог» касбий стандарти ни тасдиқлаш. 1. Халқаро тажриба асосида «Махсус педагог» касбий стандартининг лойиҳасини ишлаб чиқиш. 2026 йил сентябрь Ижрочиларга ажратилган маблағлар Ижтимоий ҳимоя миллий агентлиги, Мактабгача ва мактаб таълими вазирлиги, Олий таълим, фан ва инновациялар вазирлиги, Миллий малака тизимини ривожлантириш институти 2. «Махсус педагог» касбий стандартини тасдиқлашни белгиланган тартибда тасдиқлаш. 2027 йил апрель 12. Ижтимоий ҳимоя миллий агентлиги тизимидаги таълим ташкилотлари айрим ходимларининг меҳнатига ҳақ тўлаш ни такомиллаштириш. Ижтимоий ҳимоя миллий агентлиги тизимидаги таълим ташкилотларининг бошқарув, техник ва хизмат кўрсатувчи ходимларининг меҳнатига ҳақ тўлаш, тариф разрядларини, уларнинг иш стажи ва малака тоифасига боғлиқ устамалар миқдорини тасдиқлаш. 2026 йил сентябрь Давлат бюджети маблағлари Ижтимоий ҳимоя миллий агентлиги, Иқтисодиёт ва молия вазирлиги 13. Алоҳида таълим эҳтиёжлари бўлган болалар учун давлат ихтисослаштирилган таълим муассасалари педагог ходимларининг фаолият самарадорлиги кўрсаткичлари (KPI) натижасига кўра моддий рағбатлантириш махсус жамғармаси маблағлари ҳисобидан ҳар ойлик устамалар белгилаш тизимини жорий қилиш. Ижтимоий ҳимоя миллий агентлиги томонидан белгиланган мезонлар асосида алоҳида таълим эҳтиёжлари бўлган болалар учун давлат ихтисослаштирилган таълим муассасаларининг педагог ходимларига «Таълим жараёнини бошқариш» электрон модули орқали ҳар бир ўқувчининг индивидуал ривожланиш харитасини юритиш билан боғлиқ фаолият самарадорлиги кўрсаткичлари (KPI) натижасига кўра моддий рағбатлантириш махсус жамғармаси маблағлари ҳисобидан лавозим маошига ҳар ойлик устамалар белгилаш тизимини жорий қилиш. 2026/2027 ўқув йили давомида Давлат бюджети маблағлари Ижтимоий ҳимоя миллий агентлиги, Иқтисодиёт ва молия вазирлиги 14. Педагогларнинг ишора тили бўйича билим ва кўникмаларини ошириш. 1. Таълим ташкилотларида педагогик фаолият билан шуғулланувчи педагоглар учун малака ошириш курсларини ташкил этиш. 2. Педагогика йўналиши бўйича мутахассис тайёрлашга мўлжалланган олий таълим дастурларига имо-ишора тили бўйича қўшимча ўқув модулини киритиш. 2027/2028 ўқув йилидан бошлаб Ижрочиларга ажратилган маблағлар Мактабгача ва мактаб таълими вазирлиги, Олий таълим, фан ва инновациялар вазирлиги, Ўзбекистон Карлар жамияти 3. Имо-ишора тилидан фойдаланиш имкониятини таъминлаш бўйича таълим ташкилотларига қўйиладиган минимал талабларни ишлаб чиқиш ва тасдиқлаш. 2027 йил январь Ижтимоий ҳимоя миллий агентлиги, Ўзбекистон Карлар жамияти III. Ногиронлиги бўлган шахсларнинг ўзига бўлган ишончини ошириш, уларни жамиятга интеграция қилишни рағбатлантириш 15. «Махсус педагогика ассоциацияси» нодавлат нотижорат ташкилотини ташкил этиш. 1. «Махсус педагогика ассоциацияси» нодавлат нотижорат ташкилотининг мақсад ва вазифаларини ишлаб чиқиш. 2026 йил декабрь Хорижий грант ва ҳомийлик маблағлари, Давлат бюджети, Ижтимоий ҳимоя давлат жамғармаси маблағлари Ижтимоий ҳимоя миллий агентлиги 2. Зарур ҳужжатларни тайёрлаш, «Махсус педагогика ассоциацияси» нодавлат нотижорат ташкилотини рўйхатдан ўтказишга кўмаклашиш. 2027 йил февраль Адлия вазирлиги 16. Педагогларнинг касбий ўсиши ва ташаббуси ни рағбатлантириш. 1. «Махсус педагогика етакчиси» танловини ўтказиш шартлари, муддатлари, тартиби ва баҳолаш мезонларини назарда тутувчи низомни ишлаб чиқиш ва тасдиқлаш. 2027 йил апрель Ижтимоий ҳимоя давлат жамғармаси маблағлари Ижтимоий ҳимоя миллий агентлиги, Мактабгача ва мактаб таълими вазирлиги 2. Танловни юқори савияда ташкил этиш ва ғолибларни муносиб рағбатлантириш. 2027 йил октябрдан бошлаб, ҳар йили 17. Имконияти чекланган шахслар учун ихтисослаштирилган махсус техникумларда таълим беришни такомиллаштириш. 1. Ма хсус техникумларда бошланғич касбий таълим дастурлари бўйича кадрлар тайёрлашни ақли заиф болалар учун ихтисослаштирилган мактаблар ҳамда инклюзив синфларнинг 9-синфини тамомлаган (енгил даражада ақлий заиф ташхиси қўйилган) ўқувчилар учун 1 йиллик ўқув дастури бўйича давлат гранти асосида амалга ошириш. 2. Ногиронлиги бўлган шахслар (ақли заиф шахслар бундан мустасно) учун бошланғич касбий таълим дастури бўйича кадрлар тайёрлашни инклюзив таълим жорий этилган касбий таълим ташкилотларида 9-синф негизида давлат гранти асосида амалга ошириш. 2026/2027 ўқув йилидан бошлаб Давлат бюджети маблағлари Олий таълим, фан ва инновациялар вазирлиги, Касбий таълим агентлиги, Ижтимоий ҳимоя миллий агентлиги, Мактабгача ва мактаб таълими вазирлиги IV. Ногиронлиги бўлган шахслар учун таълим ташкилотларида тўсиқсиз муҳит яратиш 18. Таълим ташкилотларини тўсиқсиз муҳит талабларига мослаштириш. 1. Инклюзив таълим синфи ташкил этиладиган умумий ўрта таълим ташкилотларини тўсиқсиз муҳит талаблари бўйича хатловдан ўтказиш. Ҳар йили май ойида «Инфратузилма ва ижтимоий барқарорлик» жамғармаси маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. Инклюзив таълим синфи ташкил этиладиган умумий ўрта таълим ташкилотларини тўсиқсиз муҳит талабларига мослаштириш. 3. Инклюзив таълим синфида таълим олаётган ногиронлиги бўлган ўқувчиларни зарур мебель, жиҳоз ва асбоб-ускуналар билан таъминлаш. Ҳар йили июнь — август ойларида 19. Давлат умумий таълим ташкилотларида таълим олаётган ногиронлиги бўлган болалар учун шарт-шароитлар яратиш. «Инклюзив таълим муҳити» грантини ажратиш тартибини ишлаб чиқиш ва белгиланган тартибда Вазирлар Маҳкамасига киритиш. Бунда ушбу грант маблағларини ота-оналар, педагоглар ва маҳаллий аҳоли томонидан мактабдаги аниқ муаммоларни ҳал этиш бўйича илгари сурилган ташаббусларни, шу жумладан, пандус ўрнатиш, сенсор хона ташкил этиш, санитария хонасини мослаштириш, таълим жараёни учун кўргазмали ва ривожлантирувчи материалларни харид қилиш тадбирларини молиялаштиришга йўналтириш назарда тутилади. 2026 йил декабрь Ижтимоий ҳимоя давлат жамғармаси маблағлари Ижтимоий ҳимоя миллий агентлиги, Мактабгача ва мактаб таълими вазирлиги, Иқтисодиёт ва молия вазирлиги

Ўзбекистон Республикаси Президентининг 2026 йил 4 августдаги ПҚ-292-сон қарорига 2-ИЛОВА

Кўп функционал инклюзив-ресурс мактаблари, кўп тармоқли мактаб ёки кўп тармоқли мактаб-интернатларини ташкил этиш

Т/р Ҳудудлар номи Кўп функционал инклюзив-ресурс мактаби Кўп тармоқли мактаб ёки кўп тармоқли мактаб-интернати 1. Қорақалпоғистон Республикаси 1 4 2. Андижон вилояти 1 9 3. Бухоро вилояти 1 4 4. Жиззах вилояти 1 3 5. Қашқадарё вилояти 1 4 6. Навоий вилояти 1 3 7. Наманган вилояти 1 6 8. Самарқанд вилояти 1 6 9. Сурхондарё вилояти 1 4 10. Сирдарё вилояти 1 2 11. Тошкент вилояти 1 11 12. Фарғона вилояти 1 11 13. Хоразм вилояти 1 3 14. Тошкент шаҳри 1 16 Жами 14 86

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 4 август,

ПҚ- 292 -сон

(Қонунчилик маълумотлари миллий базаси, 05.08.2026 й., 07/26/292/0817-сон)

lex.uz

Oʻzbekiston Respublikasi Prezidentining

qarori

CHORA-TADBIRLAR DASTURI

REJASI

Alohida taʼlimga ehtiyoji boʻlgan bolalarni taʼlim va ijtimoiy xizmatlar bilan qamrab olish tizimini takomillashtirish boʻyicha qoʻshimcha chora-tadbirlar toʻgʻrisida

Alohida taʼlimga ehtiyoji boʻlgan bolalarning taʼlim olish huquqini roʻyobga chiqarish, ularning oilaviy muhitda taʼlim va ijtimoiy xizmatlardan foydalanishi hamda jamiyat hayotida faol va toʻlaqonli ishtirok etishi uchun zarur shart-sharoitlar yaratish maqsadida qaror qilaman:

I. Maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) alohida taʼlimga ehtiyoji boʻlgan bolalarni aniqlash, ularning psixologik-pedagogik holati, funksional imkoniyatlari, kundalik hayotdagi faolligi va ishtirokini kompleks baholash hamda taʼlim va ijtimoiy xizmatlar bilan toʻliq qamrab olish;

(b) bolalarning yashash joyiga yaqin hududda taʼlim olish imkoniyatlarini kengaytirish, inklyuziv va korreksion taʼlim shakllarini rivojlantirish, “oilabay” ijtimoiy hamrohlik tizimini kuchaytirish hamda nodavlat sektorni jalb qilish orqali uyda va internat shaklida taʼlim olayotgan bolalar sonini qisqartirish;

(v) taʼlim tashkilotlarida toʻsiqsiz va inklyuziv muhitni shakllantirish, bolalarni assistiv jihozlar bilan taʼminlash, individual taʼlim rejalari va korreksion-pedagogik qoʻllab-quvvatlash tizimini joriy etish;

(g) nogironligi boʻlgan bolalarning intellektual, ijodiy, kasbiy va tadbirkorlik salohiyatini roʻyobga chiqarishga qaratilgan rivojlantiruvchi dasturlar, kasbiy mahorat va ijodiy tanlovlarni keng joriy etish.

II. Zamonaviy inklyuziv taʼlim ekotizimini shakllantirish

2. Belgilansinki, 2026-yil 1-sentabrdan boshlab alohida taʼlimga ehtiyoji boʻlgan bolalarni taʼlim, ijtimoiy yordam va xizmatlarga jalb qilish boʻyicha “oilabay” ishlash tizimi joriy etiladi. Bunda ijtimoiy xodim tomonidan:

(a) ota-onaga bolani taʼlim va ijtimoiy xizmatlarga jalb etish boʻyicha amaliy koʻmak koʻrsatib boriladi;

(b) bolaning taʼlim va ijtimoiy xizmatlardan foydalanayotganligi doimiy ravishda monitoring qilib boriladi, zaruratga koʻra boshqa ijtimoiy yordam va xizmatlarga jalb qilish choralari koʻriladi.

3. Shunday tartib oʻrnatilsinki, unga muvofiq 3 — 18 yoshdagi bolalarning alohida taʼlimga ehtiyojini aniqlash va davlat taʼlim muassasalariga yoʻnaltirish “Inson” ijtimoiy xizmatlar markazlarining Bolani kompleks baholash guruhi (keyingi oʻrinlarda — baholash guruhi) tomonidan amalga oshiriladi. Bunda:

(a) baholash guruhi tomonidan 3 — 18 yoshdagi bolaning taʼlimga ehtiyojini baholash psixologik-pedagogik diagnostik mezonlar asosida, funksional imkoniyati, kundalik hayotdagi faolligi va ishtirokini baholash esa nogironlikni baholash shkalasining mahalliy shart-sharoitlarga moslashtirilgan mezonlari asosida amalga oshiriladi;

(b) baholash guruhi faoliyati 2026-yil 1-oktabrdan boshlab Navoiy va Xorazm viloyatlarida yoʻlga qoʻyiladi.

4. Alohida taʼlimga ehtiyoji boʻlgan bolalarning sifatli taʼlim olishi uchun zarur shart-sharoitlar yaratish maqsadida:

(a) 2027-yil 1-maydan boshlab alohida taʼlimga ehtiyoji boʻlgan bolalarni vaucher asosida taʼlim olishiga koʻmaklashuvchi zamonaviy assistiv (yordamchi) jihozlar (keyingi oʻrinlarda — assistiv jihozlar) bilan taʼminlash tizimi joriy etiladi. Bunda:

(i) vaucher tumanlararo va tuman (shahar) tibbiy-ijtimoiy ekspert komissiyalari hamda baholash guruhining xulosasi asosida ajratiladi;

(ii) assistiv jihozlarni xarid qilish va yetkazib berish nogironligi boʻlgan shaxslarni protez-ortopediya mahsulotlari va reabilitatsiya qilishning texnik vositalari bilan taʼminlash uchun belgilangan tartibda amalga oshiriladi;

(b) 2027/2028 oʻquv yilidan boshlab nogironligi boʻlgan abituriyentlar uchun oliy taʼlim tashkilotlariga kirish imtihoni va nogironligi boʻlgan pedagog kadrlarni attestatsiyadan oʻtkazish, umumtaʼlim fanlarini bilish darajasini belgilovchi milliy sertifikat olish boʻyicha imtihon (sinov)da belgilangan vaqt meʼyorining 50 foizi miqdorida qoʻshimcha vaqt beriladi hamda Brayl alifbosi, audio va elektron formatdagi imtihon materiallaridan foydalanish imkoniyati yaratiladi;

(v) 2026/2027 oʻquv yilidan boshlab:

(i) davlat umumiy oʻrta taʼlim tashkilotlarida faoliyat yurituvchi har bir koʻzi ojiz pedagog uchun bir nafardan shaxsiy assistent (tarjimon-kotiba) shtat birligi;

(ii) ruhiy va aqliy rivojlanishida nuqsoni boʻlgan bolalar uchun maktab va maktab-internatlarining birinchi va ikkinchi sinflarining har biri uchun bir nafardan yordamchi xodim (assistent-oʻqituvchi) shtat birligi ajratiladi.

5. Belgilansinki, 2026/2027 oʻquv yilidan boshlab alohida taʼlimga ehtiyoji boʻlgan bolalar uchun ixtisoslashtirilgan davlat taʼlim muassasalari (keyingi oʻrinlarda — ixtisoslashtirilgan muassasalar)da oʻqitish bolaning individual taʼlimga ehtiyojlari, funksional imkoniyatlari hamda oʻzlashtirish darajasiga muvofiq ishlab chiqiladigan individual taʼlim rejalari asosida tashkil etiladi. Bunda:

(a) asosiy eʼtibor bolaning shaxsiy salohiyatini roʻyobga chiqarish, uni mustaqil hayotga tayyorlash, shuningdek, kommunikativ, ijtimoiy, akademik va kasbiy koʻnikmalarini rivojlantirishga qaratiladi;

(b) alohida taʼlimga ehtiyoji boʻlgan bolalarga moʻljallangan oʻquv rejalarini shakllantirishda tayanch oʻquv rejalarida nazarda tutilgan fan va korreksion mashgʻulotlarni qisqartirish, yangi fanlar, korreksion va kasbga yoʻnaltirish mashgʻulotlari kiritilishi mumkin.

III. Moliyaviy qoʻllab-quvvatlash choralari

6. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning 2026-yil 1-sentabrdan boshlab quyidagi moliyaviy qoʻllab-quvvatlash instrumentlarini joriy etish toʻgʻrisidagi taklifi maʼqullansin:

(a) korreksion sinf tashkil etgan holda umumiy oʻrta taʼlim xizmatini koʻrsatuvchi nodavlat taʼlim tashkilotlariga ushbu sinfda taʼlim oladigan har bir oʻquvchi uchun quyidagi miqdorlarda subsidiya ajratish:

(i) Toshkent shahrida bazaviy hisoblash miqdorining 11 baravari;

(ii) viloyatlar markazi va Nukus shahrida bazaviy hisoblash miqdorining 9,5 baravari;

(iii) boshqa tuman (shahar)larda bazaviy hisoblash miqdorining 8,5 baravari;

(b) har yili kamida 50 ta davlat umumiy oʻrta taʼlim tashkilotlarida taʼlim olayotgan nogironligi boʻlgan bolalar uchun shart-sharoitlar yaratish va taʼlim sifatini yaxshilash, shuningdek, taʼlimga jalb etilmagan bolalarning maktabga borishiga toʻsqinlik qilayotgan omillarni bartaraf etishga qaratilgan loyihalarni amalga oshirish uchun bazaviy hisoblash miqdorining 500 baravarigacha “Inklyuziv taʼlim muhiti” grantini ajratish. Bunda ushbu grant mablagʻlari ota-onalar, pedagoglar va mahalliy aholi tomonidan maktabdagi aniq muammolarni hal etish boʻyicha ilgari surilgan tashabbuslarni, shu jumladan, pandus oʻrnatish, sensor xona tashkil etish, sanitariya xonasini moslashtirish, taʼlim jarayoni uchun koʻrgazmali va rivojlantiruvchi materiallarni xarid qilish tadbirlarini moliyalashtirishga yoʻnaltiriladi.

IV. Nogironligi boʻlgan shaxslarning salohiyatini roʻyobga chiqarish, maxsus pedagog kadrlarni tayyorlash va malakasini oshirishga qaratilgan chora-tadbirlar

7. Agentlikning nogironligi boʻlgan shaxslarning intellektual, kasbiy, ijodiy va tadbirkorlik salohiyatini roʻyobga chiqarish, ularning iqtisodiy faolligi va ijtimoiy integratsiyasini qoʻllab-quvvatlash maqsadida har yili quyidagi tadbirlarni oʻtkazib borish haqidagi taklifiga rozilik berilsin:

(a) nodavlat notijorat tashkilotlar bilan birga oʻtkaziladigan “Imkoniyatlar olimpiadasi” (Abilympics) tanlovi. Bunda ushbu tanlovning har bir yoʻnalishi boʻyicha gʻolib va sovrindorlariga bazaviy hisoblash miqdorining 15 baravaridan 30 baravarigacha bir martalik pul mukofoti beriladi;

(b) “Oʻsish va rivojlanish” (UPSNIFT) tanlovi. Bunda tanlov gʻoliblariga bazaviy hisoblash miqdorining 15 baravaridan 30 baravarigacha grant ajratiladi hamda ularning loyihalarini barqaror rivojlantirish uchun koʻngilli maslahatchi-mentorlar orqali kompleks maslahat va hamrohlik xizmatlari koʻrsatiladi.

8. Belgilansinki:

(a) 2027/2028 oʻquv yilidan boshlab:

(i) davlat oliy taʼlim tashkilotlarida maqsadli qabul asosida eshitishida nuqsoni boʻlgan bolalarga xorijiy tillarni oʻrgatuvchi oʻqituvchi-pedagog tayyorlash yoʻlga qoʻyiladi;

(ii) oliy taʼlim tashkilotlarida boshlangʻich sinf oʻqituvchisi mutaxassisligi boʻyicha taʼlim olayotgan talabalarga maxsus pedagogika fanlari chuqurlashtirilgan dasturlar asosida oʻqitiladi;

(iii) maxsus pedagogika yoʻnalishi boʻyicha qabul koʻrsatkichlari Agentlik bilan kelishilgan holda tasdiqlanadi;

(b) 2026-yil 1-sentabrdan boshlab maxsus pedagoglarning malaka oshirish kurslari Agentlik bilan kelishilgan holda tasdiqlangan oʻquv reja va dasturlar asosida onlayn yoki oflayn shaklda amalga oshiriladi;

(v) oliy taʼlim tashkilotlarining maxsus pedagogika yoʻnalishi talabalari va qayta tayyorlov dasturi tinglovchilari Agentlik va Maktabgacha va maktab taʼlimi vazirligi tomonidan belgilanadigan bazaviy taʼlim tashkilotlarida amaliyot oʻtaydi.

V. Qaror ijrosini tashkil etish, taʼminlash va nazorat

9. Belgilansinki, mazkur qaror 4-bandining “v” kichik bandida nazarda tutilgan tadbirlarni amalga oshirish Davlat budjeti mablagʻlari hisobidan, qaror ijrosi bilan bogʻliq boshqa xarajatlar Ijtimoiy himoya davlat jamgʻarmasi mablagʻlari hisobidan moliyalashtiriladi.

10. 2026 — 2028-yillarda alohida taʼlimga ehtiyoji boʻlgan bolalarga taʼlim xizmatlarini koʻrsatish tizimini takomillashtirish boʻyicha chora-tadbirlar dasturi 1-ilovaga muvofiq tasdiqlansin.

11. Qoraqalpogʻiston Respublikasi Vazirlar Kengashi hamda viloyatlar hokimliklari Agentlik bilan birgalikda 2-ilovaga muvofiq belgilangan maktablarning bino-inshootlarida qurilish, taʼmirlash, rekonstruksiya qilish ishlarini Ijtimoiy himoya davlat jamgʻarmasi hamda “Aholining zaif qatlamlarini integratsiya qilish uchun Oʻzbekistonning innovatsion ijtimoiy himoya tizimi (INSON)” loyihasi doirasida jalb qilingan kredit mablagʻlari hisobidan amalga oshirsin.

12. Ijtimoiy himoya milliy agentligi Maktabgacha va maktab taʼlimi vazirligi hamda manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

13. Mazkur qarorning ijrosini samarali tashkil qilishga masʼul va shaxsan javobgar etib Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori M.P. Olloyorov hamda maktabgacha va maktab taʼlimi vaziri E.G. Karimova belgilansin.

14. Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 4-avgustdagi PQ-292-son qaroriga 1-ILOVA

2026 — 2028-yillarda alohida taʼlimga ehtiyoji boʻlgan bolalarga taʼlim xizmatlarini koʻrsatish tizimini takomillashtirish boʻyicha

T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Ijro uchun masʼullar I. Nogironligi boʻlgan bolalarni taʼlim va ijtimoiy xizmatlarga qamrab olishni takomillashtirish 1. Bolalarning alohida taʼlimga ehtiyojini aniqlash va ularni davlat taʼlim muassasalariga yoʻnaltirish tizimini takomillashtirish. 1. Navoiy va Xorazm viloyatlaridagi “Inson” ijtimoiy xizmatlar markazlarida Bolani kompleks baholash guruhi (keyingi oʻrinlarda — baholash guruhi) faoliyatini yoʻlga qoʻyish. 2. Baholash guruhi faoliyatiga fuqarolik huquqiy shartnoma asosida bir nafardan psixolog va maxsus pedagog jalb etish. 2026-yil 1-oktabrdan boshlab Ijtimoiy himoya davlat jamgʻarmasi mablagʻlari Ijtimoiy himoya milliy agentligi 3. Baholash guruhi faoliyatini boshqa hududlarda ham joriy etish boʻyicha takliflar ishlab chiqish hamda Vazirlar Mahkamasiga kiritish. 2027-yil oktabr 2. Alohida taʼlimga ehtiyoji boʻlgan bolalar uchun ixtisoslashtirilgan davlat taʼlim muassasalari (keyingi oʻrinlarda — maxsus maktablar) va inklyuziv sinflarning maxsus pedagoglari faoliyatini aniq vaziyatni tahlil qilish orqali (keys-stadi) baholash tizimini amaliyotga joriy qilish. 1. Ishchi guruh tuzish. 2026-yil oktabr – Ijtimoiy himoya milliy agentligi, Maktabgacha va maktab taʼlimi vazirligi 2. Maxsus pedagoglar faoliyatini aniq vaziyatni tahlil qilish orqali (keys-stadi) baholash tizimi loyihasini ishlab chiqish. 2027-yil mart 3. Maxsus pedagoglar faoliyatini aniq vaziyatni tahlil qilish orqali (keys-stadi) baholash tizimini amaliyotga joriy etish. 2027/2028 oʻquv yilidan boshlab 3. Oʻzbekistonda inklyuziv taʼlimni rivojlantirish boʻyicha milliy strategiya ni ishlab chiqish. 1. YUNISEF va YUNESKO bilan hamkorlikda Oʻzbekistonda inklyuziv taʼlimni rivojlantirish boʻyicha milliy strategiyani ishlab chiqish. 2027-yil fevral – Ijtimoiy himoya milliy agentligi, Maktabgacha va maktab taʼlimi vazirligi, Oʻzbekiston nogironlar assotsiatsiyasi, Oʻzbekiston Karlar jamiyati, Oʻzbekiston koʻzi ojizlar jamiyati 2. Milliy strategiyani belgilangan tartibda Vazirlar Mahkamasiga kiritish. 2027-yil aprel 4. Inklyuziv taʼlim tashkilotlari sonini oshirish . 1. Kasbiy taʼlim tashkilotlarida nogironligi boʻlgan oʻquvchilarning inklyuziv sharoitda taʼlim olishini tashkil etish. 2. Kasbiy taʼlim tashkilotlarida nogironligi boʻlgan oʻquvchilar uchun ehtiyojga qarab inklyuziv taʼlim guruhlarini shakllantirish. 3. Inklyuziv taʼlim shakllantirilgan guruhlarning taʼlim dasturlarini va boshqa hujjatlarni inklyuziv taʼlim tamoyillariga moslashtirish. 2027/2028 oʻquv yilidan boshlab “Infratuzilma va ijtimoiy barqarorlik” jamgʻarmasi mablagʻlari Oliy taʼlim, fan va innovatsiyalar vazirligi, Kasbiy taʼlim agentligi 5. Maxsus maktablarning ixtisoslik yoʻnalishi boʻyicha yangi avlod darsliklari ni, alohida taʼlimga ehtiyoji boʻlgan oʻquvchilar uchun hayotiy va kasbiy koʻnikmalarni rivojlantirishga qaratilgan soddalashtirilgan zamonaviy metodik qoʻllanmalar va didaktik mahsulotlar ni yaratish. 1. Xalqaro tajribani qoʻllagan holda maxsus maktablarning ixtisoslik yoʻnalishi boʻyicha yangi avlod darslik va oʻquv adabiyotlarini ishlab chiqish va chop etilishini tashkil etish, maxsus maktablarga yetkazib berish. 2. Oʻquvchilarning hayotiy va kasbiy koʻnikmalarini rivojlantirishga qaratilgan zamonaviy metodik qoʻllanmalar (darsliklar, mashq daftarlari, oʻqituvchi metodika kitoblari) hamda didaktik mahsulotlarni yaratish. 3. Umumtaʼlim maktablari uchun yaratilgan darslik va oʻquv-uslubiy qoʻllanmalarni Brayl alifbosida ishlab chiqish va xarid qilish. Har yili Ijtimoiy himoya milliy agentligiga ajratilgan mablagʻlar Ijtimoiy himoya milliy agentligi, Maktabgacha va maktab taʼlimi vazirligi, Axborot va pedagogika texnologiyalari innovatsion markazi 6. Maxsus maktab oʻquvchilarini oliy taʼlimga kirish imtihonlariga tayyorlash. 1. Maxsus maktab oʻquvchilari oʻrtasida onlayn fan olimpiadalarini oʻtkazish sharti, muddati, tartibi va baholash mezonini nazarda tutuvchi nizomni ishlab chiqish va tasdiqlash. 2027-yil fevral Ijtimoiy himoya davlat jamgʻarmasi mablagʻlari Ijtimoiy himoya milliy agentligi, Maktabgacha va maktab taʼlimi vazirligi 2. Olimpiadani yuqori saviyada tashkil etish va gʻoliblarni munosib ragʻbatlantirish. Har yili 3. Maxsus maktablarning 10-11 sinf oʻquvchilarini diagnostik test sinovlaridan oʻtkazish. Oʻquv yili davomida ikki marta Bilim va malakalarni baholash agentligi 7. Ruhiy yoki aqliy rivojlanishida nuqsoni boʻlgan oʻquvchilarning bilimlari sifatini baholash ni takomillashtirish. Ruhiy yoki aqliy rivojlanishida nuqsoni boʻlgan oʻquvchilarning bilimlari sifatini baholashni bola uchun ishlab chiqilgan individual taʼlim dasturida belgilangan maqsad va vazifalar asosida amalga oshirish tizimini joriy etish. 2026/2027 oʻquv yilidan boshlab – Ijtimoiy himoya milliy agentligi, Maktabgacha va maktab taʼlimi vazirligi 8. Nogironligi boʻlgan abituriyentlar va pedagoglar uchun imtihon (sinov)da zarur sharoitlar yaratish. Nogironligi boʻlgan abituriyentlar uchun oliy taʼlim tashkilotlariga kirish imtihoni va nogironligi boʻlgan pedagog kadrlarni attestatsiyadan oʻtkazish, umumtaʼlim fanlarini bilish darajasini belgilovchi milliy sertifikat olish boʻyicha imtihon (sinov)da belgilangan vaqt meʼyorining 50 foizigacha qoʻshimcha vaqt berish hamda Brayl alifbosi, audio va elektron formatdagi imtihon materiallaridan foydalanish imkoniyatini yaratish boʻyicha amaldagi normativ-huquqiy hujjatlarga tegishli oʻzgartirish va qoʻshimchalar kiritish. 2026-yil oktabr – Oliy taʼlim, fan va innovatsiyalar vazirligi, Maktabgacha va maktab taʼlimi vazirligi 9. Toshkent shahridagi “International inclusive hub” xalqaro tayanch inklyuziv professional taʼlim markazi (keyingi oʻrinlarda — Markaz) faoliyatini takomillashtirish. 1. Markazda innovatsion dastur va loyihalar, yangi biznes loyihalarini ishlab chiqish, elektron taʼlim tizimini rivojlantirishga qaratilgan ishlarni tashkil etish uchun zarur shtat birliklarini ajratish. 2. Markazning Samarqand va Xorazm viloyati filiallarini tashkil etish. 2026-yil oktabr Davlat budjeti mablagʻlari Ijtimoiy himoya milliy agentligi II. Kadrlar tayyorlash va ularning malakasini oshirish, qoʻllab-quvvatlash tizimini takomillashtirish 10. Nogironligi boʻlgan oʻquvchi-talabalar uchun oʻquv jarayonini tashkil etishda raqamli axborot texnologiyalari imkoniyatlaridan foydalanishni kengaytirish. 1. Davlat kasbiy va oliy taʼlim tashkilotlarida darslik va oʻquv qoʻllanmalarni audio formatga (koʻzi ojizlar uchun), ekran oʻquvchiga moslashtirilgan (screen reader friendly), subtitr va ishora tilini qoʻllab-quvvatlovchi video formatga oʻtkazish. 2. Davlat oliy va kasbiy taʼlim tashkilotlarini ekran oʻquvchi dasturlari ( NVDA, JAWS), nutqni matnga aylantirish (speech-to-text), Brayl displey va printerlar, klaviatura va sichqonchaga alternativ qurilmalar bilan jihozlash. 2027-yildan boshlab har yili Oliy taʼlim tashkilotlarining budjetdan tashqari mablagʻlari, Kasbiy taʼlimni rivojlantirish jamgʻarmasi mablagʻlari Oliy taʼlim, fan va innovatsiyalar vazirligi, Kasbiy taʼlim agentligi 11. “Maxsus pedagog” kasbiy standarti ni tasdiqlash. 1. Xalqaro tajriba asosida “Maxsus pedagog” kasbiy standartining loyihasini ishlab chiqish. 2026-yil sentabr Ijrochilarga ajratilgan mablagʻlar Ijtimoiy himoya milliy agentligi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Milliy malaka tizimini rivojlantirish instituti 2. “Maxsus pedagog” kasbiy standartini tasdiqlashni belgilangan tartibda tasdiqlash. 2027-yil aprel 12. Ijtimoiy himoya milliy agentligi tizimidagi taʼlim tashkilotlari ayrim xodimlarining mehnatiga haq toʻlash ni takomillashtirish. Ijtimoiy himoya milliy agentligi tizimidagi taʼlim tashkilotlarining boshqaruv, texnik va xizmat koʻrsatuvchi xodimlarining mehnatiga haq toʻlash, tarif razryadlarini, ularning ish staji va malaka toifasiga bogʻliq ustamalar miqdorini tasdiqlash. 2026-yil sentabr Davlat budjeti mablagʻlari Ijtimoiy himoya milliy agentligi, Iqtisodiyot va moliya vazirligi 13. Alohida taʼlim ehtiyojlari boʻlgan bolalar uchun davlat ixtisoslashtirilgan taʼlim muassasalari pedagog xodimlarining faoliyat samaradorligi koʻrsatkichlari (KPI) natijasiga koʻra moddiy ragʻbatlantirish maxsus jamgʻarmasi mablagʻlari hisobidan har oylik ustamalar belgilash tizimini joriy qilish. Ijtimoiy himoya milliy agentligi tomonidan belgilangan mezonlar asosida alohida taʼlim ehtiyojlari boʻlgan bolalar uchun davlat ixtisoslashtirilgan taʼlim muassasalarining pedagog xodimlariga “Taʼlim jarayonini boshqarish” elektron moduli orqali har bir oʻquvchining individual rivojlanish xaritasini yuritish bilan bogʻliq faoliyat samaradorligi koʻrsatkichlari (KPI) natijasiga koʻra moddiy ragʻbatlantirish maxsus jamgʻarmasi mablagʻlari hisobidan lavozim maoshiga har oylik ustamalar belgilash tizimini joriy qilish. 2026/2027 oʻquv yili davomida Davlat budjeti mablagʻlari Ijtimoiy himoya milliy agentligi, Iqtisodiyot va moliya vazirligi 14. Pedagoglarning ishora tili boʻyicha bilim va koʻnikmalarini oshirish. 1. Taʼlim tashkilotlarida pedagogik faoliyat bilan shugʻullanuvchi pedagoglar uchun malaka oshirish kurslarini tashkil etish. 2. Pedagogika yoʻnalishi boʻyicha mutaxassis tayyorlashga moʻljallangan oliy taʼlim dasturlariga imo-ishora tili boʻyicha qoʻshimcha oʻquv modulini kiritish. 2027/2028 oʻquv yilidan boshlab Ijrochilarga ajratilgan mablagʻlar Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Oʻzbekiston Karlar jamiyati 3. Imo-ishora tilidan foydalanish imkoniyatini taʼminlash boʻyicha taʼlim tashkilotlariga qoʻyiladigan minimal talablarni ishlab chiqish va tasdiqlash. 2027-yil yanvar Ijtimoiy himoya milliy agentligi, Oʻzbekiston Karlar jamiyati III. Nogironligi boʻlgan shaxslarning oʻziga boʻlgan ishonchini oshirish, ularni jamiyatga integratsiya qilishni ragʻbatlantirish 15. “Maxsus pedagogika assotsiatsiyasi” nodavlat notijorat tashkilotini tashkil etish. 1. “Maxsus pedagogika assotsiatsiyasi” nodavlat notijorat tashkilotining maqsad va vazifalarini ishlab chiqish. 2026-yil dekabr Xorijiy grant va homiylik mablagʻlari, Davlat budjeti, Ijtimoiy himoya davlat jamgʻarmasi mablagʻlari Ijtimoiy himoya milliy agentligi 2. Zarur hujjatlarni tayyorlash, “Maxsus pedagogika assotsiatsiyasi” nodavlat notijorat tashkilotini roʻyxatdan oʻtkazishga koʻmaklashish. 2027-yil fevral Adliya vazirligi 16. Pedagoglarning kasbiy oʻsishi va tashabbusi ni ragʻbatlantirish. 1. “Maxsus pedagogika yetakchisi” tanlovini oʻtkazish shartlari, muddatlari, tartibi va baholash mezonlarini nazarda tutuvchi nizomni ishlab chiqish va tasdiqlash. 2027-yil aprel Ijtimoiy himoya davlat jamgʻarmasi mablagʻlari Ijtimoiy himoya milliy agentligi, Maktabgacha va maktab taʼlimi vazirligi 2. Tanlovni yuqori saviyada tashkil etish va gʻoliblarni munosib ragʻbatlantirish. 2027-yil oktabrdan boshlab, har yili 17. Imkoniyati cheklangan shaxslar uchun ixtisoslashtirilgan maxsus texnikumlarda taʼlim berishni takomillashtirish. 1. Ma xsus texnikumlarda boshlangʻich kasbiy taʼlim dasturlari boʻyicha kadrlar tayyorlashni aqli zaif bolalar uchun ixtisoslashtirilgan maktablar hamda inklyuziv sinflarning 9-sinfini tamomlagan (yengil darajada aqliy zaif tashxisi qoʻyilgan) oʻquvchilar uchun 1 yillik oʻquv dasturi boʻyicha davlat granti asosida amalga oshirish. 2. Nogironligi boʻlgan shaxslar (aqli zaif shaxslar bundan mustasno) uchun boshlangʻich kasbiy taʼlim dasturi boʻyicha kadrlar tayyorlashni inklyuziv taʼlim joriy etilgan kasbiy taʼlim tashkilotlarida 9-sinf negizida davlat granti asosida amalga oshirish. 2026/2027 oʻquv yilidan boshlab Davlat budjeti mablagʻlari Oliy taʼlim, fan va innovatsiyalar vazirligi, Kasbiy taʼlim agentligi, Ijtimoiy himoya milliy agentligi, Maktabgacha va maktab taʼlimi vazirligi IV. Nogironligi boʻlgan shaxslar uchun taʼlim tashkilotlarida toʻsiqsiz muhit yaratish 18. Taʼlim tashkilotlarini toʻsiqsiz muhit talablariga moslashtirish. 1. Inklyuziv taʼlim sinfi tashkil etiladigan umumiy oʻrta taʼlim tashkilotlarini toʻsiqsiz muhit talablari boʻyicha xatlovdan oʻtkazish. Har yili may oyida “Infratuzilma va ijtimoiy barqarorlik” jamgʻarmasi mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Inklyuziv taʼlim sinfi tashkil etiladigan umumiy oʻrta taʼlim tashkilotlarini toʻsiqsiz muhit talablariga moslashtirish. 3. Inklyuziv taʼlim sinfida taʼlim olayotgan nogironligi boʻlgan oʻquvchilarni zarur mebel, jihoz va asbob-uskunalar bilan taʼminlash. Har yili iyun — avgust oylarida 19. Davlat umumiy taʼlim tashkilotlarida taʼlim olayotgan nogironligi boʻlgan bolalar uchun shart-sharoitlar yaratish. “Inklyuziv taʼlim muhiti” grantini ajratish tartibini ishlab chiqish va belgilangan tartibda Vazirlar Mahkamasiga kiritish. Bunda ushbu grant mablagʻlarini ota-onalar, pedagoglar va mahalliy aholi tomonidan maktabdagi aniq muammolarni hal etish boʻyicha ilgari surilgan tashabbuslarni, shu jumladan, pandus oʻrnatish, sensor xona tashkil etish, sanitariya xonasini moslashtirish, taʼlim jarayoni uchun koʻrgazmali va rivojlantiruvchi materiallarni xarid qilish tadbirlarini moliyalashtirishga yoʻnaltirish nazarda tutiladi. 2026-yil dekabr Ijtimoiy himoya davlat jamgʻarmasi mablagʻlari Ijtimoiy himoya milliy agentligi, Maktabgacha va maktab taʼlimi vazirligi, Iqtisodiyot va moliya vazirligi

Oʻzbekiston Respublikasi Prezidentining 2026-yil 4-avgustdagi PQ-292-son qaroriga 2-ILOVA

Koʻp funksional inklyuziv-resurs maktablari, koʻp tarmoqli maktab yoki koʻp tarmoqli maktab-internatlarini tashkil etish

T/r Hududlar nomi Koʻp funksional inklyuziv-resurs maktabi Koʻp tarmoqli maktab yoki koʻp tarmoqli maktab-internati 1. Qoraqalpogʻiston Respublikasi 1 4 2. Andijon viloyati 1 9 3. Buxoro viloyati 1 4 4. Jizzax viloyati 1 3 5. Qashqadaryo viloyati 1 4 6. Navoiy viloyati 1 3 7. Namangan viloyati 1 6 8. Samarqand viloyati 1 6 9. Surxondaryo viloyati 1 4 10. Sirdaryo viloyati 1 2 11. Toshkent viloyati 1 11 12. Fargʻona viloyati 1 11 13. Xorazm viloyati 1 3 14. Toshkent shahri 1 16 Jami 14 86

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 4-avgust,

PQ- 292 -son

(Qonunchilik maʼlumotlari milliy bazasi, 05.08.2026-y., 07/26/292/0817-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О дополнительных мерах по совершенствованию системы охвата образовательными и социальными услугами детей с особыми образовательными потребностями

В целях реализации права детей с особыми образовательными потребностями на получение образования, создания необходимых условий для пользования ими образовательными и социальными услугами в семейной среде, а также активного и полноценного участия в жизни общества постановляю:

I. Цели

1. Определить основными целями принятия настоящего постановления:

(а) выявление детей с особыми образовательными потребностями, комплексную оценку их психолого-педагогического состояния, функциональных возможностей, активности и участия в повседневной жизни, а также полный охват образовательными и социальными услугами;

(б) сокращение численности детей, обучающихся в домашних условиях и в форме интерната, путем расширения возможностей обучения таких детей на близлежащих к месту их проживания территориях, развития инклюзивных и коррекционных форм образования, усиления системы социального сопровождения «оилабай», а также привлечения негосударственного сектора;

(в) формирование в образовательных организациях беспрепятственной и инклюзивной среды, обеспечение детей ассистивными принадлежностями, внедрение индивидуальных планов обучения и системы коррекционно-педагогической поддержки;

(г) широкое внедрение развивающих программ, конкурсов профессионального мастерства и творческих конкурсов, направленных на реализацию интеллектуального, творческого, профессионального и предпринимательского потенциала детей с инвалидностью.

II. Формирование современной инклюзивной образовательной экосистемы

2. Определить, что с 1 сентября 2026 года внедряется система работы «оилабай» по вовлечению детей с особыми образовательными потребностями в образование, получение социальной помощи и услуг. При этом социальным работником:

(а) оказывается практическое содействие родителям по вовлечению ребенка в получение образовательных и социальных услуг;

(б) на постоянной основе проводится мониторинг пользования ребенком образовательными и социальными услугами, при необходимости принимаются меры по вовлечению к получению другой социальной помощи и услуг.

3. Установить порядок, в соответствии с которым выявление у детей в возрасте 3 — 18 лет особых образовательных потребностей и направление их в государственные образовательные учреждения осуществляются Группой комплексной оценки ребенка центров социальных услуг «Инсон» (далее — группа оценки). При этом:

(а) оценка образовательных потребностей у ребенка в возрасте 3 — 18 лет осуществляется группой оценки на основе психолого-педагогических диагностических критериев, а оценка их функциональных возможностей, активности и участия в повседневной жизни — на основе критериев шкалы оценки инвалидности, адаптированных к местным условиям;

(б) деятельность группы оценки налаживается с 1 октября 2026 года в Навоийской и Хорезмской областях.

4. В целях создания необходимых условий для получения качественного образования детьми с особыми образовательными потребностями:

(а) с 1 мая 2027 года внедряется система обеспечения на ваучерной основе современными ассистивными (вспомогательными) принадлежностями (далее — ассистивные принадлежности), содействующими получению образования детьми с особыми образовательными потребностями. При этом:

(i) ваучер предоставляется на основании заключения межрайонных и районных (городских) медико-социальных экспертных комиссий и группы оценки;

(ii) приобретение и доставка ассистивных принадлежностей осуществляются в порядке, установленном для обеспечения лиц с инвалидностью протезно-ортопедическими изделиями и техническими средствами реабилитации;

(б) начиная с 2027/2028 учебного года для абитуриентов с инвалидностью на вступительном экзамене в высшие образовательные организации, экзамене (испытании) на получение национального сертификата, определяющего уровень оценки знаний общеобразовательных предметов, а также на аттестации педагогических кадров с инвалидностью предоставляется дополнительное время в количестве 50 процентов установленной временной нормы с созданием возможности использования азбуки Брайля, экзаменационных материалов аудио и электронного формата;

(в) начиная с 2026/2027 учебного года:

(i) для каждого незрячего педагога, осуществляющего деятельность в государственных общих средних образовательных организациях, выделяется по одной штатной единице персонального ассистента (секретаря-переводчика);

(ii) для каждого первого и второго классов школ и школ-интернатов для детей с отклонениями в психическом и умственном развитии выделяется по одной штатной единице вспомогательного работника (преподавателя-ассистента).

5. Определить, что начиная с 2026/2027 учебного года для детей с особыми образовательными потребностями обучение в специализированных государственных образовательных учреждениях (далее — специализированные учреждения) организуется на основе индивидуальных планов обучения, разрабатываемых в соответствии с индивидуальными образовательными потребностями, функциональными возможностями и уровнем усвоения ребенка. При этом:

(а) основное внимание уделяется реализации личностного потенциала ребенка, подготовке его к самостоятельной жизни, а также развитию коммуникативных, социальных, академических и профессиональных навыков;

(б) при формировании учебных планов, рассчитанных на детей с особыми образовательными потребностями, могут быть сокращены предметы и коррекционные занятия, предусмотренные в базовых учебных планах, а также включены новые предметы, коррекционные занятия и занятия по профориентации.

III. Меры финансовой поддержки

6. Одобрить предложение Национального агентства социальной защиты при Президенте Республики Узбекистан (далее — Агентство) о внедрении с 1 сентября 2026 года инструментов финансовой поддержки, предусматривающее:

(а) выделение негосударственным образовательным организациям, оказывающим услугу общего среднего образования, с созданием коррекционного класса субсидии на каждого учащегося, обучающегося в таком классе, в следующих размерах:

(i) в городе Ташкенте — в 11-кратном размере базовой расчетной величины;

(ii) в областных центрах и городе Нукусе — в 9,5-кратном размере базовой расчетной величины;

(iii) в других районах (городах) — в 8,5-кратном размере базовой расчетной величины;

(б) выделение гранта «Инклюзивная образовательная среда» в размере до 500-кратного размера базовой расчетной величины для ежегодной реализации в не менее 50 государственных общих средних образовательных организациях проектов, направленных на создание условий и улучшение качества образования для детей с инвалидностью, обучающихся в этих организациях, а также устранение факторов, препятствующих посещению школы детьми, не вовлеченными в образование. При этом средства данного гранта направляются на финансирование инициатив, выдвинутых родителями, педагогами и местным населением по решению выявленных в школе проблем, в том числе мероприятий по установлению пандусов, созданию сенсорного кабинета, адаптации санузлов, приобретению демонстрационных и развивающих материалов для образовательного процесса.

IV. Меры, направленные на реализацию потенциала лиц с инвалидностью, подготовку и повышение квалификации специальных педагогических кадров

7. Согласиться с предложением Агентства о ежегодном проведении в целях реализации интеллектуального, профессионального, творческого и предпринимательского потенциала лиц с инвалидностью, поддержки их экономической активности и социальной интеграции следующих мероприятий:

(а) конкурс «Олимпиада возможностей» (Abilympics), проводимый совместно с негосударственными некоммерческими организациями. При этом победителям и призерам по каждому направлению данного конкурса предоставляется единовременное денежное вознаграждение от 15-кратного до 30-кратного размера базовой расчетной величины;

(б) конкурс «Рост и развитие» (UPSНIFT). При этом победителям конкурса выделяется грант от 15-кратного до 30-кратного размера базовой расчетной величины, а также для стабильного развития их проектов посредством добровольных консультантов-менторов оказываются комплексные консультативные услуги и услуги сопровождения.

8. Установить, что:

(а) начиная с 2027/2028 учебного года:

(i) в государственных высших образовательных организациях на основе целевого приема налаживается подготовка учителей-преподавателей, обучающих иностранным языкам детей с нарушениями слуха;

(ii) в высших образовательных организациях студенты по специальности «Учитель начальных классов» обучаются на основе углубленных программ дисциплин специальной педагогики;

(iii) показатели приема на направление специальной педагогики утверждаются по согласованию с Агентством;

(б) с 1 сентября 2026 года курсы повышения квалификации специальных педагогов проводятся в формате онлайн или офлайн на основе утвержденных по согласованию с Агентством учебных планов и программ;

(в) студенты направления «Специальная педагогика» высших образовательных организаций и слушатели программы переподготовки проходят практику в базовых образовательных организациях, определяемых Агентством и Министерством дошкольного и школьного образования.

V. Организация, обеспечение и контроль исполнения постановления

9. Установить, что осуществление мероприятий, предусмотренных подпунктом «в» пункта 4 настоящего постановления, финансируются за счет средств Государственного бюджета, другие расходы, связанные с исполнением постановления, — за счет средств Государственного фонда социальной защиты.

10. Утвердить Программу мер по совершенствованию системы оказания образовательных услуг детям с особыми образовательными потребностями в 2026 — 2028 годах согласно приложению № 1 * .

11. Совету Министров Республики Каракалпакстан и хокимиятам областей совместно с Агентством работы по строительству, ремонту, реконструкции зданий и сооружений школ, определенных согласно приложению № 2 * , осуществить за счет средств Государственного фонда социальной защиты, а также кредитных средств, привлеченных в рамках проекта «Инновационная система социальной защиты для интеграции социально уязвимых слоев населения Узбекистана (INSON)».

12. Национальному агентству социальной защиты совместно с Министерством дошкольного и школьного образования и заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

13. Возложить на советника Президента Республики Узбекистан по социальной защите — директора Национального агентства социальной защиты М.П. Оллоёрова и министра дошкольного и школьного образования Э.Г. Каримову персональную ответственность за эффективную организацию исполнения настоящего постановления.

14. Контроль за исполнением настоящего постановления, осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

4 августа 2026 г.,

№ ПП- 292

(Национальная база данных законодательства, 05.08.2026 г., № 07/26/292/0817)

lex.uz