📅 2026-yil 5-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 5 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 августа 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 5 August 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг маъмурий регламентини тасдиқлаш тўғрисида
Темир йўл транспорти соҳасини рақамлаштириш ишларини жадаллаштириш ҳамда соҳада давлат хизматларини кўрсатиш тизимини янада такомиллаштириш мақсадида Вазирлар Маҳкамаси қарор қилади:
1. Транспорт вазирлиги, «Ўзбекистон темир йўллари» АЖнинг 2026 йил 1 октябрдан бошлаб темир йўл орқали ички қатновларда юк ташиш буюртманомаларини Давлат хизматлари марказлари ҳамда Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали расмийлаштириш тўғрисидаги таклифи маъқуллансин.
2. Қуйидагиларни назарда тутувчи Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг маъмурий регламенти иловага мувофиқ тасдиқлансин:
темир йўл орқали ички қатновларда юк ташиш буюртманомасини расмийлаштириш учун мурожаат қилиш тартиби;
юк ташиш буюртманомаларини қабул қилиш, кўриб чиқиш ва натижаларини тақдим этиш тартиби.
3. Транспорт вазирлиги:
а) Рақамли технологиялар вазирлиги ҳамда Адлия вазирлиги билан биргаликда икки ой муддатда:
ушбу қарор билан тасдиқланган Маъмурий регламентга мувофиқ давлат хизматининг Давлат хизматлари марказлари ва ЯИДХП орқали кўрсатилишини таъминласин;
ЯИДХПда давлат хизмати кўрсатилишининг ҳар бир босқичида мурожаатларнинг кўриб чиқилишини кузатиб бориш тартибини жорий этсин;
«Ўзбекистон темир йўллари» АЖнинг электрон маълумотлар базасини ЯИДХПга интеграция қилинишини таъминласин;
б) манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарор кучга кирган кундан бошлаб икки ой муддатда мазкур қарорга мувофиқлаштирсин.
4. Ушбу қарор 2026 йил 1 октябрдан бошлаб кучга киради.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда транспорт вазири И.Р. Махкамов зиммасига юклансин.
Вазирлар Маҳкамасининг 2026 йил 5 августдаги 433-сон қарорига ИЛОВА
Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг
1-боб. Умумий қоидалар
1. Ушбу Маъмурий регламент (кейинги ўринларда — Регламент) юридик ва жисмоний шахсларнинг мурожаатига асосан Давлат хизматлари марказлари ҳамда Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали «Ўзбекистон темир йўллари» АЖ томонидан темир йўл орқали ички қатновларида юк ташиш буюртманомаларини расмийлаштириш бўйича давлат хизматини кўрсатиш тартибини белгилайди.
2. Ушбу Регламентда қуйидаги асосий тушунчалардан фойдаланилади:
ариза берувчи — темир йўл орқали ички қатновларда юк ташиш буюртманомасини расмийлаштириш учун мурожаат қилган жисмоний ёки юридик шахс;
буюртманома — темир йўл орқали ички қатновларда юк ташишни амалга ошириш учун расмийлаштириладиган ҳужжат;
ваколатли орган — темир йўл орқали ички қатновларда юк ташиш буюртманомаларини расмийлаштирувчи орган («Ўзбекистон темир йўллари» АЖ);
3. Давлат хизмати ушбу Регламентга 1-иловадаги схемага мувофиқ кўрсатилади.
2-боб. Давлат хизматларини кўрсатиш тартиби
4. Ариза берувчи давлат хизматидан фойдаланиш учун Давлат хизматлари марказига ўзи келиб мурожаат қилади ёки давлат хизматларидан электрон шаклда фойдаланиш учун ЯИДХПда рўйхатдан ўтади.
Аризалар ЯИДХП орқали дам олиш ва ишланмайдиган байрам кунларидан қатъи назар, ҳар куни 24 соат давомида юборилиши мумкин.
Бунда аризалар иш вақтидан кейин ёки дам олиш ва ишланмайдиган байрам кунлари тушганда, навбатдаги иш куни аризаларнинг ваколатли органга тушган ва ваколатли орган томонидан қабул қилинган кун ҳисобланади.
5. Ариза берувчи ўзи келиб мурожаат қилганда — Давлат хизматлари маркази ходими ариза берувчи номидан, ЯИДХП орқали мурожаат қилганда эса — мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
Сўровнома тўлдирилганидан сўнг ариза берувчи маълумотлар тўғрилигини текширади ва уни электрон рақамли имзо, Мобил-ID ёки идентификация қилиш воситалари орқали тасдиқлайди.
Ариза берувчи ЯИДХП орқали мурожаат этганда, сўровномани ЭРИ билан тасдиқлаш талаб этилмайди.
Учинчи шахслар манфаати учун ҳаракат қилаётганда, сўровномага вакилнинг ваколатини тасдиқловчи ишончнома илова қилинади.
Ариза берувчи вагон оператори билан тузилган амалдаги шартнома нусхасини электрон шаклда илова қилади.
6. Мазкур давлат хизмати доирасида буюртманомани расмийлаштириш бепул амалга оширилади.
Темир йўл транспорти хизматлари учун тўловлар амалдаги тарифларга мувофиқ ундирилади.
7. Давлат хизматини кўрсатишни рад этиш учун қуйидагилар асос бўлади:
Ўзбекистон Республикаси темир йўл Уставига мувофиқ муайян йўналишларда юк ортишга тақиқ жорий этилган бўлса;
вагоннинг мансублиги нотўғри кўрсатилган бўлса (хусусий ёки ижарага олинган ёки темир йўл инвентарь вагони);
вагон оператори («Темирйўлкарго» АЖ, «Ўзтемирйўлконтейнер» АЖ, «Йўлрефтранс» АЖ ва бошқалар) билан шартнома тузилмаган бўлса;
юкни ташиш қонунчилик ҳужжатларига мувофиқ тақиқланган бўлса;
ностандарт, катта ўлчамли ёки оғир вазнли юкларни жойлаштириш ва маҳкамлаш схемаси ваколатли орган билан келишилмаган бўлса;
юк ташиш буюртманомасида кўзда тутилган юк ҳажми ёки бошқа кўрсаткичлар темир йўл участкасининг ўтказувчанлик қобилияти ёки темир йўл станцияларининг юкларга ишлов бериш қувватидан ортиқ бўлса;
ташишни амалга ошириш учун зарур бўлган ҳаракатдаги темир йўл таркиби ёки контейнерлар мавжуд бўлмаса;
темир йўл транспорти хизматлари учун ариза берувчининг қарздорлиги мавжуд бўлса;
техник имкониятлар мавжуд бўлмаса (юк қабул қилувчи шохобча йўлларининг бандлиги).
Давлат хизматини кўрсатишни бошқа асосларга, шу жумладан, мақсадга мувофиқ эмаслиги сабабларига кўра рад этишга йўл қўйилмайди.
8. Темир йўл орқали ички қатновларда юк ташиш буюртманомаси унда кўрсатилган юк жўнатишнинг прогноз санасига мувофиқ жорий календарь ой ёки ундан кейинги календарь ой давомида амал қилади.
Белгиланган муддат давомида юк ташиш амалга оширилмаганда, буюртманома ўз кучини йўқотади ва юк ташишни амалга ошириш учун ариза берувчи томонидан янги буюртманома расмийлаштирилади.
9. Сўровномада ёки унга илова қилинган ҳужжатларда камчиликлар аниқланганда, ваколатли орган ариза берувчига уларни беш иш куни ичида бартараф этиш зарурлиги тўғрисида хабар беради. Камчиликлар белгиланган муддатда бартараф этилмаганда, давлат хизматини кўрсатиш рад этилади.
10. Ваколатли орган сўровнома келиб тушган кундан бошлаб етти иш куни ичида, камчиликларни бартараф этиш учун берилган муддатни ҳисобга олмаган ҳолда, уни кўриб чиқади ҳамда ушбу Регламентга 3-иловадаги буюртманомани QR-код (матрик штрихли код) билан расмийлаштиради ва уни ўз ЭРИси билан тасдиқлаб, Давлат хизматлари марказига (ўзи келиб мурожаат этганда) ёки ариза берувчига (электрон тарзда мурожаат этганда) ЯИДХП орқали юборади.
11. Давлат хизматлари маркази сўров натижасини ариза берувчининг электрон манзилига юборади ҳамда ариза берувчини бу ҳақда ахборот-коммуникация тизими орқали хабардор қилади. Ариза берувчининг сўровига кўра Давлат хизматлари маркази хизмат натижасини электрон ёки қоғоз шаклда тақдим этиши мумкин.
3-боб. Якунловчи қоидалар
12. Ариза берувчи давлат хизматини кўрсатишни рад этиш тўғрисидаги қарор устидан, шунингдек, ваколатли орган ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.
13. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.
Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг маъмурий регламентига 1-ИЛОВА
Темир йўл орқали ички қатновларда юк ташиш буюртманомаларини расмийлаштириш
Босқичлар Субъектлар Тадбирлар Бажариш муддатлари 1-босқич Ариза берувчи Давлат хизматидан фойдаланиш учун Давлат хизматлари марказига шахсан келиб ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади. Хоҳишига кўра 2-босқич 1. Давлат хизматлари марказлари. 1. Марказ ходими сўровномани тўлдириб, ваколатли органга юборади. 1. Сўровнома тўлдирилгандан кейин 10 дақиқада. 2. ЯИДХП. 2. Тўлдирилган сўровнома автоматик тарзда ваколатли органга юборилади. 2. Реал вақт режимида. 3-босқич Ваколатли орган Сўровномани кўриб чиқиб, натижасини тақдим этади. 7 иш кунида 4-босқич 1. Давлат хизматлари марказлари. 1. Сўров натижасини ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади. Ариза берувчининг ўзи келиб мурожаат қилганда, сўров натижасини электрон ёки қоғоз шаклида унга тақдим этади. 1. 10 дақиқа ичида. 2. ЯИДХП. 2. Сўров натижаси ариза берувчига электрон тарзда тақдим этилади. 2. Реал вақт режимида.
Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг маъмурий регламентига 2-ИЛОВА
Темир йўл орқали ички қатновларда юк ташиш буюртманомаларини расмийлаштириш бўйича СЎРОВНОМА I. Ариза берувчи — жисмоний шахс тўғрисида маълумот: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. СТИР: III. Ариза берувчи вакили: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Юридик шахснинг СТИР IV. Юк тўғрисида маълумот: 1. Вагоннинг тегишлилиги: 2. Юкнинг аниқ номи: 3. Юк коди: 3.1. Юкларнинг ягона тариф-статистик номенклатураси (ЮЯТСН) 3.2. Юкларнинг уйғунлаштирилган номенклатураси (ЮУН) 4. Етказиш станцияси темир йўл станцияси номи 5. Етказиш темир йўли ва станциясининг, чегара станцияси, қайта ортиш ва етказиш пунктининг коди: 6. Етказиш давлати коди: 7. Юк олувчининг номи ва коди: 8. Юк миқдори (тонна): 9. Вагон тури (коди): 10. Вагон сони: 11. Экспедитор номи: 12. Жўнатиш станцияси номи: 13. Юк номенклатураси гуруҳининг номи: 14. Минтақавий темир йўл узеллари рақами: 15. Жўнатма белгиси: 16. Жўнатувчи коди: Изоҳ. Ариза берувчи вагон оператори билан тузилган амалдаги шартнома нусхасини электрон шаклда илова қилади.
Темир йўл орқали ички қатновларда юк ташиш буюртманомаларини расмийлаштириш бўйича давлат хизматини кўрсатишнинг маъмурий регламентига 3-ИЛОВА
«Ўзбекистон темир йўллари» АЖ Ҳужжат яратилган сана: _____________ Ҳужжат берилган сана: ______________ Ариза рақами: ______________ ТЕМИР ЙЎЛ ОРҚАЛИ ИЧКИ ҚАТНОВЛАРДА ЮК ТАШИШ БУЮРТМАНОМАСИ ТЙМ Экспедитор номи (жўнатиш станцияси номи) (юк номенклатураси гуруҳининг номи) Ариза тури Топшириш пункти Жўнатма белгиси Ариза рақами МТУ рақами Коди Коди Жўнатувчи коди Вагон турлари кодлари Жами Вагон тегишлилиги (жумладан тури) Юкнинг аниқ номи юк коди Етказиш станцияси ва темир йўли номи (қисқартирилган) Етказиш темир йўли ва станциясининг, чегара станцияси, қайта ортиш ва етказиш пунктининг кодлари Етказиш давлати коди Юкни олувчининг номи Юк миқдори (тонна) Вагон турлари номи Юкнинг ягона тариф-статистик номенклатураси (ЮЯТСН) Юкнинг уйғунлаштирилган номенклатураси (ЮУН) Вагонлар сони 1 2 3 4 5 6 7 8 9 10 11 12 13 14 15 ЖАМИ Изоҳ. Ушбу буюртманомада кўрсатилган маълумотларнинг тўғрилиги учун буюртманомани расмийлаштирган жисмоний ва юридик шахслар қонунчилик ҳужжатларига мувофиқ жавобгар ҳисобланади . Мазкур ҳужжат Вазирлар Маҳкамасин инг 2017 йил 15 сентябрдаги 728-сон қарори билан тасдиқланган Ўзбекистон Республикаси Ягона интерактив давлат хизматлари портали тўғрисидаги низомга мувофиқ шакллантирилган электрон ҳужжатнинг нусхаси ҳисобланади. Электрон ҳужжатнинг нусхасида кўрсатилган маълумотлар тўғрилигини текшириш учун repo.gov.uz веб-сайтига ўтинг ва электрон ҳужжатнинг ноёб рақамини киритинг ёки мобил телефон ёрдамида QR-кодни сканер қилинг. QR-код Диққат! Вазирлар Маҳкамасининг 2017 йил 15 сентябрдаги 728-сон қарорига мувофиқ электрон ҳужжатлардаги маълумотлар қонуний ҳисобланади. Давлат органларига Ягона порталда шакллантирилган электрон ҳужжатларнинг нусхаларини қабул қилишни рад этиши қатъиян тақиқланган.
Ўзбекистон Республикасининг Бош вазири А. АРИПОВ
Тошкент ш.,
2026 йил 5 август,
433 -сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning maʼmuriy reglamentini tasdiqlash toʻgʻrisida
Temir yoʻl transporti sohasini raqamlashtirish ishlarini jadallashtirish hamda sohada davlat xizmatlarini koʻrsatish tizimini yanada takomillashtirish maqsadida Vazirlar Mahkamasi qaror qiladi:
1. Transport vazirligi, “Oʻzbekiston temir yoʻllari” AJning 2026-yil 1-oktabrdan boshlab temir yoʻl orqali ichki qatnovlarda yuk tashish buyurtmanomalarini Davlat xizmatlari markazlari hamda Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali rasmiylashtirish toʻgʻrisidagi taklifi maʼqullansin.
2. Quyidagilarni nazarda tutuvchi Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning maʼmuriy reglamenti ilovaga muvofiq tasdiqlansin:
temir yoʻl orqali ichki qatnovlarda yuk tashish buyurtmanomasini rasmiylashtirish uchun murojaat qilish tartibi;
yuk tashish buyurtmanomalarini qabul qilish, koʻrib chiqish va natijalarini taqdim etish tartibi.
3. Transport vazirligi:
a) Raqamli texnologiyalar vazirligi hamda Adliya vazirligi bilan birgalikda ikki oy muddatda:
ushbu qaror bilan tasdiqlangan Maʼmuriy reglamentga muvofiq davlat xizmatining Davlat xizmatlari markazlari va YIDXP orqali koʻrsatilishini taʼminlasin;
YIDXPda davlat xizmati koʻrsatilishining har bir bosqichida murojaatlarning koʻrib chiqilishini kuzatib borish tartibini joriy etsin;
“Oʻzbekiston temir yoʻllari” AJning elektron maʼlumotlar bazasini YIDXPga integratsiya qilinishini taʼminlasin;
b) manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ushbu qaror kuchga kirgan kundan boshlab ikki oy muddatda mazkur qarorga muvofiqlashtirsin.
4. Ushbu qaror 2026-yil 1-oktabrdan boshlab kuchga kiradi.
5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda transport vaziri I.R. Maxkamov zimmasiga yuklansin.
Vazirlar Mahkamasining 2026-yil 5-avgustdagi 433-son qaroriga ILOVA
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning
1-bob. Umumiy qoidalar
1. Ushbu Maʼmuriy reglament (keyingi oʻrinlarda — Reglament) yuridik va jismoniy shaxslarning murojaatiga asosan Davlat xizmatlari markazlari hamda Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali “Oʻzbekiston temir yoʻllari” AJ tomonidan temir yoʻl orqali ichki qatnovlarida yuk tashish buyurtmanomalarini rasmiylashtirish boʻyicha davlat xizmatini koʻrsatish tartibini belgilaydi.
2. Ushbu Reglamentda quyidagi asosiy tushunchalardan foydalaniladi:
ariza beruvchi — temir yoʻl orqali ichki qatnovlarda yuk tashish buyurtmanomasini rasmiylashtirish uchun murojaat qilgan jismoniy yoki yuridik shaxs;
buyurtmanoma — temir yoʻl orqali ichki qatnovlarda yuk tashishni amalga oshirish uchun rasmiylashtiriladigan hujjat;
vakolatli organ — temir yoʻl orqali ichki qatnovlarda yuk tashish buyurtmanomalarini rasmiylashtiruvchi organ (“Oʻzbekiston temir yoʻllari” AJ);
3. Davlat xizmati ushbu Reglamentga 1-ilovadagi sxemaga muvofiq koʻrsatiladi.
2-bob. Davlat xizmatlarini koʻrsatish tartibi
4. Ariza beruvchi davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki davlat xizmatlaridan elektron shaklda foydalanish uchun YIDXPda roʻyxatdan oʻtadi.
Arizalar YIDXP orqali dam olish va ishlanmaydigan bayram kunlaridan qatʼi nazar, har kuni 24 soat davomida yuborilishi mumkin.
Bunda arizalar ish vaqtidan keyin yoki dam olish va ishlanmaydigan bayram kunlari tushganda, navbatdagi ish kuni arizalarning vakolatli organga tushgan va vakolatli organ tomonidan qabul qilingan kun hisoblanadi.
5. Ariza beruvchi oʻzi kelib murojaat qilganda — Davlat xizmatlari markazi xodimi ariza beruvchi nomidan, YIDXP orqali murojaat qilganda esa — mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.
Soʻrovnoma toʻldirilganidan soʻng ariza beruvchi maʼlumotlar toʻgʻriligini tekshiradi va uni elektron raqamli imzo, Mobil-ID yoki identifikatsiya qilish vositalari orqali tasdiqlaydi.
Ariza beruvchi YIDXP orqali murojaat etganda, soʻrovnomani ERI bilan tasdiqlash talab etilmaydi.
Uchinchi shaxslar manfaati uchun harakat qilayotganda, soʻrovnomaga vakilning vakolatini tasdiqlovchi ishonchnoma ilova qilinadi.
Ariza beruvchi vagon operatori bilan tuzilgan amaldagi shartnoma nusxasini elektron shaklda ilova qiladi.
6. Mazkur davlat xizmati doirasida buyurtmanomani rasmiylashtirish bepul amalga oshiriladi.
Temir yoʻl transporti xizmatlari uchun toʻlovlar amaldagi tariflarga muvofiq undiriladi.
7. Davlat xizmatini koʻrsatishni rad etish uchun quyidagilar asos boʻladi:
Oʻzbekiston Respublikasi temir yoʻl Ustaviga muvofiq muayyan yoʻnalishlarda yuk ortishga taqiq joriy etilgan boʻlsa;
vagonning mansubligi notoʻgʻri koʻrsatilgan boʻlsa (xususiy yoki ijaraga olingan yoki temir yoʻl inventar vagoni);
vagon operatori (“Temiryoʻlkargo” AJ, “Oʻztemiryoʻlkonteyner” AJ, “Yoʻlreftrans” AJ va boshqalar) bilan shartnoma tuzilmagan boʻlsa;
yukni tashish qonunchilik hujjatlariga muvofiq taqiqlangan boʻlsa;
nostandart, katta oʻlchamli yoki ogʻir vaznli yuklarni joylashtirish va mahkamlash sxemasi vakolatli organ bilan kelishilmagan boʻlsa;
yuk tashish buyurtmanomasida koʻzda tutilgan yuk hajmi yoki boshqa koʻrsatkichlar temir yoʻl uchastkasining oʻtkazuvchanlik qobiliyati yoki temir yoʻl stansiyalarining yuklarga ishlov berish quvvatidan ortiq boʻlsa;
tashishni amalga oshirish uchun zarur boʻlgan harakatdagi temir yoʻl tarkibi yoki konteynerlar mavjud boʻlmasa;
temir yoʻl transporti xizmatlari uchun ariza beruvchining qarzdorligi mavjud boʻlsa;
texnik imkoniyatlar mavjud boʻlmasa (yuk qabul qiluvchi shoxobcha yoʻllarining bandligi).
Davlat xizmatini koʻrsatishni boshqa asoslarga, shu jumladan, maqsadga muvofiq emasligi sabablariga koʻra rad etishga yoʻl qoʻyilmaydi.
8. Temir yoʻl orqali ichki qatnovlarda yuk tashish buyurtmanomasi unda koʻrsatilgan yuk joʻnatishning prognoz sanasiga muvofiq joriy kalendar oy yoki undan keyingi kalendar oy davomida amal qiladi.
Belgilangan muddat davomida yuk tashish amalga oshirilmaganda, buyurtmanoma oʻz kuchini yoʻqotadi va yuk tashishni amalga oshirish uchun ariza beruvchi tomonidan yangi buyurtmanoma rasmiylashtiriladi.
9. Soʻrovnomada yoki unga ilova qilingan hujjatlarda kamchiliklar aniqlanganda, vakolatli organ ariza beruvchiga ularni besh ish kuni ichida bartaraf etish zarurligi toʻgʻrisida xabar beradi. Kamchiliklar belgilangan muddatda bartaraf etilmaganda, davlat xizmatini koʻrsatish rad etiladi.
10. Vakolatli organ soʻrovnoma kelib tushgan kundan boshlab yetti ish kuni ichida, kamchiliklarni bartaraf etish uchun berilgan muddatni hisobga olmagan holda, uni koʻrib chiqadi hamda ushbu Reglamentga 3-ilovadagi buyurtmanomani QR-kod (matrik shtrixli kod) bilan rasmiylashtiradi va uni oʻz ERIsi bilan tasdiqlab, Davlat xizmatlari markaziga (oʻzi kelib murojaat etganda) yoki ariza beruvchiga (elektron tarzda murojaat etganda) YIDXP orqali yuboradi.
11. Davlat xizmatlari markazi soʻrov natijasini ariza beruvchining elektron manziliga yuboradi hamda ariza beruvchini bu haqda axborot-kommunikatsiya tizimi orqali xabardor qiladi. Ariza beruvchining soʻroviga koʻra Davlat xizmatlari markazi xizmat natijasini elektron yoki qogʻoz shaklda taqdim etishi mumkin.
3-bob. Yakunlovchi qoidalar
12. Ariza beruvchi davlat xizmatini koʻrsatishni rad etish toʻgʻrisidagi qaror ustidan, shuningdek, vakolatli organ xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.
13. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning maʼmuriy reglamentiga 1-ILOVA
Temir yoʻl orqali ichki qatnovlarda yuk tashish buyurtmanomalarini rasmiylashtirish
Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat xizmatidan foydalanish uchun Davlat xizmatlari markaziga shaxsan kelib yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi. Xohishiga koʻra 2-bosqich 1. Davlat xizmatlari markazlari. 1. Markaz xodimi soʻrovnomani toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada. 2. YIDXP. 2. Toʻldirilgan soʻrovnoma avtomatik tarzda vakolatli organga yuboriladi. 2. Real vaqt rejimida. 3-bosqich Vakolatli organ Soʻrovnomani koʻrib chiqib, natijasini taqdim etadi. 7 ish kunida 4-bosqich 1. Davlat xizmatlari markazlari. 1. Soʻrov natijasini ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi. Ariza beruvchining oʻzi kelib murojaat qilganda, soʻrov natijasini elektron yoki qogʻoz shaklida unga taqdim etadi. 1. 10 daqiqa ichida. 2. YIDXP. 2. Soʻrov natijasi ariza beruvchiga elektron tarzda taqdim etiladi. 2. Real vaqt rejimida.
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning maʼmuriy reglamentiga 2-ILOVA
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. STIR: III. Ariza beruvchi vakili: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Yuridik shaxsning STIR IV. Yuk toʻgʻrisida maʼlumot: 1. Vagonning tegishliligi: 2. Yukning aniq nomi: 3. Yuk kodi: 3.1. Yuklarning yagona tarif-statistik nomenklaturasi (YUYATSN) 3.2. Yuklarning uygʻunlashtirilgan nomenklaturasi (YUUN) 4. Yetkazish stansiyasi temir yoʻl stansiyasi nomi 5. Yetkazish temir yoʻli va stansiyasining, chegara stansiyasi, qayta ortish va yetkazish punktining kodi: 6. Yetkazish davlati kodi: 7. Yuk oluvchining nomi va kodi: 8. Yuk miqdori (tonna): 9. Vagon turi (kodi): 10. Vagon soni: 11. Ekspeditor nomi: 12. Joʻnatish stansiyasi nomi: 13. Yuk nomenklaturasi guruhining nomi: 14. Mintaqaviy temir yoʻl uzellari raqami: 15. Joʻnatma belgisi: 16. Joʻnatuvchi kodi: Izoh. Ariza beruvchi vagon operatori bilan tuzilgan amaldagi shartnoma nusxasini elektron shaklda ilova qiladi.
Temir yoʻl orqali ichki qatnovlarda yuk tashish buyurtmanomalarini rasmiylashtirish boʻyicha davlat xizmatini koʻrsatishning maʼmuriy reglamentiga 3-ILOVA
“Oʻzbekiston temir yoʻllari” AJ Hujjat yaratilgan sana: _____________ Hujjat berilgan sana: ______________ Ariza raqami: ______________ TEMIR YOʻL ORQALI ICHKI QATNOVLARDA YUK TASHISH BUYURTMANOMASI TYM Ekspeditor nomi (joʻnatish stansiyasi nomi) (yuk nomenklaturasi guruhining nomi) Ariza turi Topshirish punkti Joʻnatma belgisi Ariza raqami MTU raqami Kodi Kodi Joʻnatuvchi kodi Vagon turlari kodlari Jami Vagon tegishliligi (jumladan turi) Yukning aniq nomi yuk kodi Yetkazish stansiyasi va temir yoʻli nomi (qisqartirilgan) Yetkazish temir yoʻli va stansiyasining, chegara stansiyasi, qayta ortish va yetkazish punktining kodlari Yetkazish davlati kodi Yukni oluvchining nomi Yuk miqdori (tonna) Vagon turlari nomi Yukning yagona tarif-statistik nomenklaturasi (YUYATSN) Yukning uygʻunlashtirilgan nomenklaturasi (YUUN) Vagonlar soni 1 2 3 4 5 6 7 8 9 10 11 12 13 14 15 JAMI Izoh. Ushbu buyurtmanomada koʻrsatilgan maʼlumotlarning toʻgʻriligi uchun buyurtmanomani rasmiylashtirgan jismoniy va yuridik shaxslar qonunchilik hujjatlariga muvofiq javobgar hisoblanadi . Mazkur hujjat Vazirlar Mahkamasin ing 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun repo.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. QR-kod Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishi qatʼiyan taqiqlangan.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 5-avgust,
433 -son