📅 2026-yil 7-avgust · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 август · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 7 августа 2026 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 7 August 2026 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
Нотариуслар томонидан ижро хатларини ёзиш тартиби тўғрисидаги низомга ўзгартиришлар киритиш ҳақида
Ўзбекистон Республикасининг «Нотариат тўғрисида»ги Қонуни ҳамда Ўзбекистон Республикаси Президентининг 2018 йил 13 апрелдаги ПҚ-3666-сон « Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида »ги ва 2025 йил 9 сентябрдаги ПҚ-280-сон « Нотариат институтини янада ривожлантириш ҳамда соҳага замонавий ахборот-коммуникация технологияларини кенг жорий этишга оид қўшимча чора-тадбирлар тўғрисида »ги қарорларига мувофиқ буюраман:
1. Ўзбекистон Республикаси адлия вазирининг 2026 йил 13 январдаги 2-мҳ-сон буйруғи (рўйхат рақами 3757, 2026 йил 19 январь) (Қонунчилик маълумотлари миллий базаси, 20.01.2026 й., 10/26/3757/0058-сон) билан тасдиқланган Нотариуслар томонидан ижро хатларини ёзиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ Ўзбекистон Республикаси Нотариал палатаси билан келишилган.
3. Ушбу буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси адлия вазирининг 2026 йил 7 августдаги 26-мҳ-сон буйруғига ИЛОВА
Нотариуслар томонидан ижро хатларини ёзиш тартиби тўғрисидаги низомга киритилаётган ўзгартиришлар
1. 1-бандда :
еттинчи хатбоши чиқариб ташлансин;
саккизинчи хатбоши еттинчи хатбоши деб ҳисоблансин;
еттинчи хатбошидан «ёки электрон шаклда» деган сўзлар чиқариб ташлансин.
2. 8-банддаги «Тизим» деган сўз «Нотариус» автоматлаштирилган ахборот тизими (бундан буён матнда Тизим деб юритилади)» деган сўзлар билан алмаштирилсин.
3. 14-бандда :
учинчи ва тўртинчи хатбошилар чиқариб ташлансин;
бешинчи — саккизинчи хатбошилар тегишли равишда учинчи — олтинчи хатбошилар деб ҳисоблансин;
олтинчи хатбошидаги «(бармоқ изи ва Face-ID )» деган сўзлар «(бармоқ изи ёки Face-ID )» деган сўзлар билан алмаштирилсин;
қуйидаги мазмундаги хатбоши билан тўлдирилсин:
«Бунда Ўзбекистон Республикаси фуқаросининг жисмоний нуқсони (бармоқларнинг йўқлиги, бармоқ изларининг йўқолганлиги ва бошқалар) сабабли махсус мосламалар орқали бармоқ изларини сканер қилиш имконияти мавжуд бўлмаса, унинг шахси Face-ID орқали верификация қилинади.».
4. 27-банднинг еттинчи хатбошиси қуйидаги таҳрирда баён этилсин:
«қарздор ижро хатига қарши эътирозларини билдириб, ижро хатини ёзган нотариусга ижро хати нусхасини олган ёки ижро хати ёзилганлиги унга маълум бўлган кундан эътиборан ўн кунлик муддатда ижро хатини бекор қилишни сўраб мурожаат қилиш ҳуқуқи тушунтирилиши;».
5. 41-банд қуйидаги таҳрирда баён этилсин:
«41. Қарздор ижро хатига қарши эътирозларини билдириб, ижро хати нусхасини олган ёки ижро хати ёзилганлиги унга маълум бўлган кундан эътиборан ўн кунлик муддатда тегишли нотариусга ижро хатини бекор қилишни сўраб мурожаат қилишга ҳақли.
Бундай ҳолда нотариус ижро хатини бекор қилиб, бу ҳақда қарор чиқаради. Ижро хатини бекор қилиш тўғрисидаги қарорда нотариус ундирувчи билдирган талаб даъво ишини юритиш тартибида тақдим этилиши мумкинлиги ҳақида тушунтиради.
Ижро хатини бекор қилиш тўғрисидаги қарор нусхаси ундирувчи ва қарздорга (унинг оила аъзоларидан бирига) топширилиши ёки уларга почта ёхуд бошқа алоқа воситалари орқали, шу жумладан қарор жўнатилганлиги ва қабул қилиб олинганлиги фактини қайд этиш имконини берувчи воситалардан фойдаланган ҳолда электрон почтага ёки мобил телефонга (мавжуд бўлганда) юборилади.
Агар ижро хати нотариус томонидан Ўзбекистон Республикаси Бош прокуратураси ҳузуридаги Мажбурий ижро бюросининг тегишли бўлинмасига юборилган бўлса, ижро хати бекор қилинганлиги ҳақидаги қарор ушбу қарор қабул қилинган куннинг ўзида мазкур органга ҳам юборилади.
Қарздор эътироз билдириш учун белгиланган ўн кунлик муддатни узрли сабабларсиз ўтказиб мурожаат қилса (бундан касаллиги, яқин қариндошларининг вафоти, Ўзбекистон Республикасидан ташқарида бўлиши ва бошқа узрли сабаблар бўлган ҳолатлар мустасно), нотариус ижро хатини бекор қилишни рад этади ва бу ҳақида қарор чиқаради. Ушбу қарор устидан белгиланган тартибда судга мурожаат қилиниши мумкин.
Ижро хати ёзишга асос бўлган қарздорлик электрон тизимлардаги техник носозликлар сабабли юзага келганлиги (ҳисобланганлиги) аниқланган тақдирда ундирувчи ёки қарздорнинг шу ҳақидаги мурожаатига асосан ижро хати бекор қилинади.».
6. Илованинг 3-банди қуйидаги мазмундаги «э» кичик банд билан тўлдирилсин:
«э) қонунчиликда шартнома асосида хизмат кўрсатиш, шунингдек кўп квартирали уйни бошқариш назарда тутилган ҳолларда тегишли шартнома нусхаси.».
Вазир А. ТАШКУЛОВ
Нотариал палата р аиси Д. АШУРОВ
Тошкент ш.,
2026 йил 7 август,
2026 йил 8 июнь
26-мҳ-сон
Oʻzbekiston Respublikasi Adliya vazirining
buyrugʻi
Notariuslar tomonidan ijro xatlarini yozish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasining “Notariat toʻgʻrisida”gi Qonuni hamda Oʻzbekiston Respublikasi Prezidentining 2018-yil 13-apreldagi PQ-3666-son “ Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida ”gi va 2025-yil 9-sentabrdagi PQ-280-son “ Notariat institutini yanada rivojlantirish hamda sohaga zamonaviy axborot-kommunikatsiya texnologiyalarini keng joriy etishga oid qoʻshimcha chora-tadbirlar toʻgʻrisida ”gi qarorlariga muvofiq buyuraman:
1. Oʻzbekiston Respublikasi adliya vazirining 2026-yil 13-yanvardagi 2-mh-son buyrugʻi (roʻyxat raqami 3757, 2026-yil 19-yanvar) (Qonunchilik maʼlumotlari milliy bazasi, 20.01.2026-y., 10/26/3757/0058-son) bilan tasdiqlangan Notariuslar tomonidan ijro xatlarini yozish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Notarial palatasi bilan kelishilgan.
3. Ushbu buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi adliya vazirining 2026-yil 7-avgustdagi 26-mh-son buyrugʻiga ILOVA
Notariuslar tomonidan ijro xatlarini yozish tartibi toʻgʻrisidagi nizomga kiritilayotgan oʻzgartirishlar
1. 1-bandda :
yettinchi xatboshi chiqarib tashlansin;
sakkizinchi xatboshi yettinchi xatboshi deb hisoblansin;
yettinchi xatboshidan “yoki elektron shaklda” degan soʻzlar chiqarib tashlansin.
2. 8-banddagi “Tizim” degan soʻz “Notarius” avtomatlashtirilgan axborot tizimi (bundan buyon matnda Tizim deb yuritiladi)” degan soʻzlar bilan almashtirilsin.
3. 14-bandda :
uchinchi va toʻrtinchi xatboshilar chiqarib tashlansin;
beshinchi — sakkizinchi xatboshilar tegishli ravishda uchinchi — oltinchi xatboshilar deb hisoblansin;
oltinchi xatboshidagi “(barmoq izi va Face-ID )” degan soʻzlar “(barmoq izi yoki Face-ID )” degan soʻzlar bilan almashtirilsin;
quyidagi mazmundagi xatboshi bilan toʻldirilsin:
“Bunda Oʻzbekiston Respublikasi fuqarosining jismoniy nuqsoni (barmoqlarning yoʻqligi, barmoq izlarining yoʻqolganligi va boshqalar) sababli maxsus moslamalar orqali barmoq izlarini skaner qilish imkoniyati mavjud boʻlmasa, uning shaxsi Face-ID orqali verifikatsiya qilinadi.”.
4. 27-bandning yettinchi xatboshisi quyidagi tahrirda bayon etilsin:
“qarzdor ijro xatiga qarshi eʼtirozlarini bildirib, ijro xatini yozgan notariusga ijro xati nusxasini olgan yoki ijro xati yozilganligi unga maʼlum boʻlgan kundan eʼtiboran oʻn kunlik muddatda ijro xatini bekor qilishni soʻrab murojaat qilish huquqi tushuntirilishi;”.
5. 41-band quyidagi tahrirda bayon etilsin:
“41. Qarzdor ijro xatiga qarshi eʼtirozlarini bildirib, ijro xati nusxasini olgan yoki ijro xati yozilganligi unga maʼlum boʻlgan kundan eʼtiboran oʻn kunlik muddatda tegishli notariusga ijro xatini bekor qilishni soʻrab murojaat qilishga haqli.
Bunday holda notarius ijro xatini bekor qilib, bu haqda qaror chiqaradi. Ijro xatini bekor qilish toʻgʻrisidagi qarorda notarius undiruvchi bildirgan talab daʼvo ishini yuritish tartibida taqdim etilishi mumkinligi haqida tushuntiradi.
Ijro xatini bekor qilish toʻgʻrisidagi qaror nusxasi undiruvchi va qarzdorga (uning oila aʼzolaridan biriga) topshirilishi yoki ularga pochta yoxud boshqa aloqa vositalari orqali, shu jumladan qaror joʻnatilganligi va qabul qilib olinganligi faktini qayd etish imkonini beruvchi vositalardan foydalangan holda elektron pochtaga yoki mobil telefonga (mavjud boʻlganda) yuboriladi.
Agar ijro xati notarius tomonidan Oʻzbekiston Respublikasi Bosh prokuraturasi huzuridagi Majburiy ijro byurosining tegishli boʻlinmasiga yuborilgan boʻlsa, ijro xati bekor qilinganligi haqidagi qaror ushbu qaror qabul qilingan kunning oʻzida mazkur organga ham yuboriladi.
Qarzdor eʼtiroz bildirish uchun belgilangan oʻn kunlik muddatni uzrli sabablarsiz oʻtkazib murojaat qilsa (bundan kasalligi, yaqin qarindoshlarining vafoti, Oʻzbekiston Respublikasidan tashqarida boʻlishi va boshqa uzrli sabablar boʻlgan holatlar mustasno), notarius ijro xatini bekor qilishni rad etadi va bu haqida qaror chiqaradi. Ushbu qaror ustidan belgilangan tartibda sudga murojaat qilinishi mumkin.
Ijro xati yozishga asos boʻlgan qarzdorlik elektron tizimlardagi texnik nosozliklar sababli yuzaga kelganligi (hisoblanganligi) aniqlangan taqdirda undiruvchi yoki qarzdorning shu haqidagi murojaatiga asosan ijro xati bekor qilinadi.”.
6. Ilovaning 3-bandi quyidagi mazmundagi “e” kichik band bilan toʻldirilsin:
“e) qonunchilikda shartnoma asosida xizmat koʻrsatish, shuningdek koʻp kvartirali uyni boshqarish nazarda tutilgan hollarda tegishli shartnoma nusxasi.”.
Vazir A. TASHKULOV
Notarial palata r aisi D. ASHUROV
Toshkent sh.,
2026-yil 7-avgust,
2026-yil 8-iyun
26-mh-son