📅 2026-yil 10-iyul · Vazirlik va idoralar hujjatlari · Qurilish va uy-joy kommunal xoʻjaligi vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 10 июль · Вазирлик ва идоралар ҳужжатлари · Қурилиш ва уй-жой коммунал хўжалиги вазири
Расмий матн. Расмий ҳужжат. Таҳририй изоҳлар киритилмаган.
📅 10 июля 2026 г. · Документы министерств и ведомств · Министр строительства и жилищно-коммунального хозяйства
Официальный текст. Официальный документ. Редакционные примечания не включены.
📅 10 July 2026 · Ministry and agency documents · Qurilish va uy-joy kommunal xoʻjaligi vaziri
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ҚУРИЛИШ ВА УЙ-ЖОЙ КОММУНАЛ ХЎЖАЛИГИ ВАЗИРИНИНГ
БУЙРУҒИ
Кўп квартирали уйларни сақлаш ва улардан фойдаланиш қоидаларига ўзгартириш ва қўшимчалар киритиш тўғрисида
Ўзбекистон Республикасининг Вазирлар Маҳкамасининг 2024 йил 17 апрелдаги 214-сон «Ўзбекистон Республикаси Қурилиш ва уй-жой коммунал хўжалиги вазирлиги ҳамда унинг тизимидаги ташкилотлар тўғрисидаги низомларни тасдиқлаш ҳақида»ги қарорига мувофиқ буюраман:
1. Ўзбекистон Республикаси қурилиш ва уй-жой коммунал хўжалиги вазирининг 2026 йил 17 апрелдаги 01/2-17-сон буйруғи (рўйхат рақами 3824, 2026 йил 29 апрель) (Қонунчилик маълумотлари миллий базаси, 29.04.2026 й., 10/26/3824/0432-сон) билан тасдиқланган Кўп квартирали уйларни сақлаш ва улардан фойдаланиш қоидаларига иловага мувофиқ ўзгартириш ва қўшимчалар киритилсин.
2. Мазкур буйруқ Ўзбекистон Республикаси Камбағалликни қисқартириш ва бандлик вазирлиги, Фавқулодда вазиятлар вазирлиги ҳамда Вазирлар Маҳкамаси ҳузуридаги Саноат, радиация ва ядро хавфсизлиги қўмитаси билан келишилган.
3. Ушбу буйруқ расмий эълон қилинган кундан эътиборан уч ой ўтгач кучга киради.
Келишилди:
Ўзбекистон Республикаси қурилиш ва уй-жой коммунал хўжалиги вазирининг 2026 йил 10 июлдаги 01/2-28-сон буйруғига ИЛОВА
Кўп квартирали уйларни сақлаш ва улардан фойдаланиш қоидаларига киритилаётган ўзгартириш ва қўшимчалар
1. 7 ва 8-бандларнинг биринчи хатбошиларидан ва 10-банднинг йигирма биринчи хатбошисидан «(ижарачилар, ижарага олувчилар)» деган сўзлар чиқариб ташлансин.
2. Қуйидаги мазмундаги 8 1 -банд билан тўлдирилсин:
«8 1 . Мулкдорлар ўзлари ижарага берган кўп квартирали уйлардаги жойлардан фойдаланаётган ижарага олувчилар (ижарачилар) томонидан мазкур Қоидалар талабларига риоя этилишини таъминлашлари лозим.».
3. 26-банднинг бешинчи хатбошисидаги «дарҳол» деган сўз «бир ой ичида» деган сўзлар билан алмаштирилсин.
4. 38-банднинг иккинчи хатбошисидан «, бир ойда камида бир маротаба деворлари билан қўшиб ювилиши керак» деган сўзлар чиқариб ташлансин.
5. 50-банддан «ҳамда инфратузилма объектларини» деган сўзлар чиқариб ташлансин.
6. 54-бандда:
1) тўртинчи хатбоши қуйидаги таҳрирда баён этилсин:
«иссиқлик ўтказувчи қувурларнинг иссиқлик изоляцияларини бут ҳолатда сақлаши (кўп квартирали уйларнинг ертўла қисмидан транзит тарзда ўтадиган магистрал иссиқлик тармоқлари бундан мустасно)»;
2) қуйидаги мазмундаги бешинчи хатбоши билан тўлдирилсин:
«Кўп квартирали уйларнинг ертўла қисмидан транзит сифатида ўтадиган магистрал иссиқлик тармоқларида носозликлар аниқланган тақдирда, бошқариш органи бу ҳақда иссиқлик таъминоти ташкилотини хабардор қилади ва уларга хизмат кўрсатиш учун кириш имкониятини таъминлайди.».
7. 85-банд қуйидаги мазмундаги учинчи хатбоши билан тўлдирилсин:
«Совутиш ва иситиш қурилмаларининг жиҳозларини (сплит) кириш йўлакларига ўрнатишга йўл қўйилмайди.».
8. Қуйидаги мазмундаги 97 1 — 97 3 -бандлар билан тўлдирилсин:
«97 1 . Бошқариш органи лифтларнинг бутун фойдаланиш муддати давомида авариясиз ва хавфсиз ишлашини таъминлаши лозим (лифтларга техник хизмат кўрсатиш ва таъмирлаш учун тўхтатиб қўйилган муддат бундан мустасно).
97 2 . Бошқариш органи лифтлар фаолияти устидан диспетчерлик назоратини ўрнатиши ҳамда қуйидагиларни таъминлаши лозим:
лифтдаги авария-қутқарув қурилмаси, кузатув камераси, алоқани кучайтириш қурилмаси, авария ҳолатлари тўғрисида хабар бериш воситаларини соз ҳолатда сақлаши;
лифт кабиналаридан ва машина хонасидан операторни икки томонлама сўзлашув алоқасига чақирувчи чироқли ва товушли сигнализация ўрнатилиши ва соз ҳолатда сақлаши;
диспетчерлик пункти, лифт кабинаси ва машина хонасида алоқа воситалари ўрнатилиши ва соз ҳолатда сақлаши;
шахта, машина ёки блок хоналарининг эшиклари очилганлиги ва ёпилганлиги ҳақидаги чироқли сигнализация ўрнатилиши ва соз ҳолатда сақлаши.
лифтнинг бутун фойдаланиш муддати давомида лифт журналини сақлаши;
лифтга ҳар ой техник хизмат кўрсатилишини ва йиллик даврий техник кўрикдан ўтказилишини таъминлаши;
хавфли ҳолатлар (авария, носозликлар ва бошқа) тўғрисида дарҳол лифтларга техник хизмат кўрсатувчи ташкилотга хабар бериши;
шахта, машина ёки блок хоналарининг эшиклари очилганлиги ва ёпилганлиги ҳақидаги чироқли сигнализация ўрнатилиши;
ногиронлиги бўлган шахслар томонидан лифтлардан хавфсиз фойдаланилишини таъминлаши;
лифтда тақиқланган юкларни ташишга йўл қўймаслиги.
97 3 . Лифт кабинасида лифтдан фойдаланиш қоидалари ҳамда қуйидагилар кўрсатилган лавҳа осилиши керак:
лифтнинг номи (мақсади бўйича);
юк кўтариш қобилияти (рухсат этилган йўловчилар сони билан);
«Хавфсиз лифт» электрон платформасидаги қайд рақами ва даврий техник кўрикдан ўтганлиги тўғрисидаги маълумотлар;
лифтларга техник хизмат кўрсатувчи ташкилот ёки авария хизмати билан алоқа қилиш учун телефон рақами.
Лифт шахтаси, машина хонаси ва унга кириш жойи бўш ва ёруғ бўлиши лозим.».
Вазир Ш. ХИДОЯТОВ
Фавқулодда вазиятлар вазири А. ИКРАМОВ
Саноат, радиация ва ядро хавфсизлиги қўмитаси раиси А. РАФИҚОВ
Камбағалликни қисқартириш ва бандлик вазири Б. ЗАХИДОВ
Тошкент ш.,
2026 йил 10 июль,
2026 йил 26 июнь
2026 йил 8 июнь
2026 йил 3 июнь
01/2-28 -сон
OʻZBEKISTON RESPUBLIKASI QURILISH VA UY-JOY KOMMUNAL XOʻJALIGI VAZIRINING
BUYRUGʻI
Koʻp kvartirali uylarni saqlash va ulardan foydalanish qoidalariga oʻzgartirish va qoʻshimchalar kiritish toʻgʻrisida
Oʻzbekiston Respublikasining Vazirlar Mahkamasining 2024-yil 17-apreldagi 214-son “Oʻzbekiston Respublikasi Qurilish va uy-joy kommunal xoʻjaligi vazirligi hamda uning tizimidagi tashkilotlar toʻgʻrisidagi nizomlarni tasdiqlash haqida”gi qaroriga muvofiq buyuraman:
1. Oʻzbekiston Respublikasi qurilish va uy-joy kommunal xoʻjaligi vazirining 2026-yil 17-apreldagi 01/2-17-son buyrugʻi (roʻyxat raqami 3824, 2026-yil 29-aprel) (Qonunchilik maʼlumotlari milliy bazasi, 29.04.2026-y., 10/26/3824/0432-son) bilan tasdiqlangan Koʻp kvartirali uylarni saqlash va ulardan foydalanish qoidalariga ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Kambagʻallikni qisqartirish va bandlik vazirligi, Favqulodda vaziyatlar vazirligi hamda Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi bilan kelishilgan.
3. Ushbu buyruq rasmiy eʼlon qilingan kundan eʼtiboran uch oy oʻtgach kuchga kiradi.
Kelishildi:
Oʻzbekiston Respublikasi qurilish va uy-joy kommunal xoʻjaligi vazirining 2026-yil 10-iyuldagi 01/2-28-son buyrugʻiga ILOVA
Koʻp kvartirali uylarni saqlash va ulardan foydalanish qoidalariga kiritilayotgan oʻzgartirish va qoʻshimchalar
1. 7 va 8-bandlarning birinchi xatboshilaridan va 10-bandning yigirma birinchi xatboshisidan “(ijarachilar, ijaraga oluvchilar)” degan soʻzlar chiqarib tashlansin.
2. Quyidagi mazmundagi 8 1 -band bilan toʻldirilsin:
“8 1 . Mulkdorlar oʻzlari ijaraga bergan koʻp kvartirali uylardagi joylardan foydalanayotgan ijaraga oluvchilar (ijarachilar) tomonidan mazkur Qoidalar talablariga rioya etilishini taʼminlashlari lozim.”.
3. 26-bandning beshinchi xatboshisidagi “darhol” degan soʻz “bir oy ichida” degan soʻzlar bilan almashtirilsin.
4. 38-bandning ikkinchi xatboshisidan “, bir oyda kamida bir marotaba devorlari bilan qoʻshib yuvilishi kerak” degan soʻzlar chiqarib tashlansin.
5. 50-banddan “hamda infratuzilma obyektlarini” degan soʻzlar chiqarib tashlansin.
6. 54-bandda:
1) toʻrtinchi xatboshi quyidagi tahrirda bayon etilsin:
“issiqlik oʻtkazuvchi quvurlarning issiqlik izolyatsiyalarini but holatda saqlashi (koʻp kvartirali uylarning yertoʻla qismidan tranzit tarzda oʻtadigan magistral issiqlik tarmoqlari bundan mustasno)”;
2) quyidagi mazmundagi beshinchi xatboshi bilan toʻldirilsin:
“Koʻp kvartirali uylarning yertoʻla qismidan tranzit sifatida oʻtadigan magistral issiqlik tarmoqlarida nosozliklar aniqlangan taqdirda, boshqarish organi bu haqda issiqlik taʼminoti tashkilotini xabardor qiladi va ularga xizmat koʻrsatish uchun kirish imkoniyatini taʼminlaydi.”.
7. 85-band quyidagi mazmundagi uchinchi xatboshi bilan toʻldirilsin:
“Sovutish va isitish qurilmalarining jihozlarini (split) kirish yoʻlaklariga oʻrnatishga yoʻl qoʻyilmaydi.”.
8. Quyidagi mazmundagi 97 1 — 97 3 -bandlar bilan toʻldirilsin:
“97 1 . Boshqarish organi liftlarning butun foydalanish muddati davomida avariyasiz va xavfsiz ishlashini taʼminlashi lozim (liftlarga texnik xizmat koʻrsatish va taʼmirlash uchun toʻxtatib qoʻyilgan muddat bundan mustasno).
97 2 . Boshqarish organi liftlar faoliyati ustidan dispetcherlik nazoratini oʻrnatishi hamda quyidagilarni taʼminlashi lozim:
liftdagi avariya-qutqaruv qurilmasi, kuzatuv kamerasi, aloqani kuchaytirish qurilmasi, avariya holatlari toʻgʻrisida xabar berish vositalarini soz holatda saqlashi;
lift kabinalaridan va mashina xonasidan operatorni ikki tomonlama soʻzlashuv aloqasiga chaqiruvchi chiroqli va tovushli signalizatsiya oʻrnatilishi va soz holatda saqlashi;
dispetcherlik punkti, lift kabinasi va mashina xonasida aloqa vositalari oʻrnatilishi va soz holatda saqlashi;
shaxta, mashina yoki blok xonalarining eshiklari ochilganligi va yopilganligi haqidagi chiroqli signalizatsiya oʻrnatilishi va soz holatda saqlashi.
liftning butun foydalanish muddati davomida lift jurnalini saqlashi;
liftga har oy texnik xizmat koʻrsatilishini va yillik davriy texnik koʻrikdan oʻtkazilishini taʼminlashi;
xavfli holatlar (avariya, nosozliklar va boshqa) toʻgʻrisida darhol liftlarga texnik xizmat koʻrsatuvchi tashkilotga xabar berishi;
shaxta, mashina yoki blok xonalarining eshiklari ochilganligi va yopilganligi haqidagi chiroqli signalizatsiya oʻrnatilishi;
nogironligi boʻlgan shaxslar tomonidan liftlardan xavfsiz foydalanilishini taʼminlashi;
liftda taqiqlangan yuklarni tashishga yoʻl qoʻymasligi.
97 3 . Lift kabinasida liftdan foydalanish qoidalari hamda quyidagilar koʻrsatilgan lavha osilishi kerak:
liftning nomi (maqsadi boʻyicha);
yuk koʻtarish qobiliyati (ruxsat etilgan yoʻlovchilar soni bilan);
“Xavfsiz lift” elektron platformasidagi qayd raqami va davriy texnik koʻrikdan oʻtganligi toʻgʻrisidagi maʼlumotlar;
liftlarga texnik xizmat koʻrsatuvchi tashkilot yoki avariya xizmati bilan aloqa qilish uchun telefon raqami.
Lift shaxtasi, mashina xonasi va unga kirish joyi boʻsh va yorugʻ boʻlishi lozim.”.
Vazir SH. XIDOYATOV
Favqulodda vaziyatlar vaziri A. IKRAMOV
Sanoat, radiatsiya va yadro xavfsizligi qoʻmitasi raisi A. RAFIQOV
Kambagʻallikni qisqartirish va bandlik vaziri B. ZAXIDOV
Toshkent sh.,
2026-yil 10-iyul,
2026-yil 26-iyun
2026-yil 8-iyun
2026-yil 3-iyun
01/2-28 -son