UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

Аҳолига муддатли тўлов хизматлари кўрсатилишини такомиллаштириш чора-тадбирлари тўғрисида

Молиявий хизматлар истеъмолчиларининг ҳуқуқлари ҳимоя қилинишини таъминлаш, аҳоли қарз юки яширин ўсишининг олдини олиш, товарларни муддатли тўлов асосида реализация қилишда шаффофликни ошириш ва зарур ҳуқуқий муҳитни шакллантириш мақсадида қарор қиламан:

I. Мақсадлар

1. Аҳолига муддатли тўлов хизматлари кўрсатилишини такомиллаштиришнинг асосий мақсадлари этиб қуйидагилар белгилансин:

(а) муддатли тўлов хизматлари истеъмолчиларининг ҳуқуқларини ҳимоя қилиш;

(б) аҳоли қарз юки даражасининг ҳаддан ташқари ва яширин ўсишига йўл қўймаслик;

(в) муддатли тўлов хизматларини кўрсатишда молиявий технологиялардан кенг фойдаланишни жорий этиш.

II. Муддатли тўлов хизматларини тартибга солиш чора-тадбирлари

2. Марказий банк, Истиқболли лойиҳалар миллий агентлиги (кейинги ўринларда — Агентлик) ҳамда Рақобатни ривожлантириш ва истеъмолчилар ҳуқуқларини ҳимоя қилиш қўмитасининг (кейинги ўринларда — Рақобат қўмитаси) 2027 йил 1 январдан бошлаб муддатли тўлов хизмати операторлари фаолиятини йўлга қўйиш тўғрисидаги таклифига розилик берилсин.

3. Белгилансинки:

(а) юридик шахс томонидан жисмоний шахс (истеъмолчи) учун товар (иш, хизмат)лар қийматини кейинчалик комиссия (устама) ҳисобланган ҳолда истеъмолчи томонидан бўлиб-бўлиб қайтарилишини назарда тутган ҳолда сотувчига тўлаб бериш муддатли тўлов хизмати (бундан сотувчи томонидан истеъмолчига тўғридан-тўғри сотиш ҳоллари мустасно) ҳисобланади;

(б) муддатли тўлов хизматини кўрсатувчи юридик шахс (банклар ва микромолия ташкилотлари бундан мустасно) муддатли тўлов хизмати оператори деб эътироф этилади;

(в) юридик шахсларнинг муддатли тўлов хизматларини кўрсатиш фаолиятини амалга ошириш ҳуқуқи Марказий банк томонидан шакллантириладиган Муддатли тўлов хизмати оператори фаолиятини амалга оширувчи ташкилотлар реестрига (кейинги ўринларда — Реестр) киритилгандан сўнг вужудга келади;

(г) юридик шахслар қуйидаги тартибда Реестрга киритилади:

(i) банклар, микромолия ташкилотлари Марказий банкни хабардор қилиш орқали;

(ii) бошқа юридик шахслар Марказий банкда ҳисоб рўйхатидан ўтиш орқали;

(д) кўчмас мулк, шунингдек, қонунчиликка мувофиқ муомаладан чиқарилган ёки муомалада бўлиши чекланган бошқа мулк муддатли тўлов хизмати объекти бўлиши мумкин эмас;

(ж) муддатли тўлов хизматларини кўрсатиш шартномалари қуйидаги шартларга мувофиқ бўлиши лозим:

(i) муддатли тўлов хизмати объектининг қиймати базавий ҳисоблаш миқдорининг икки юз эллик бараваридан ошмаслиги;

(ii) муддатли тўлов хизмати операторининг комиссия (устама) тўловлари ва товар (иш, хизмат)ларнинг якуний қийматига киритиладиган бошқа тўловлар алоҳида кўрсатилиши;

(iii) муддатли тўлов хизмати бўйича асосий қарздан ташқари барча тўловлар, шу жумладан, воситачилик ҳақлари, неустойка (жарима, пеня), жавобгарликнинг бошқа чоралари йиғиндиси йилига муддатли тўлов миқдорининг ярмидан кўпини ташкил этиши мумкин эмаслиги;

(iv) истеъмолчи муддатли тўлов хизмати суммасини исталган вақтда (тўлиқ ёки қисман) қўшимча жарима, пеня ва комиссияларсиз муддатидан олдин сўндириш ҳуқуқига эга бўлиши;

(v) муддатли тўлов хизматини кўрсатиш шартномаси бўйича истеъмолчи мажбуриятининг энг кўп муддати шартнома тузилган кундан бошлаб ўн икки ойдан ошмаслиги. Бунда сотиб олинган товар (иш, хизмат)лар ҳақини ўн икки ойдан ортиқ муддатга бўлиб-бўлиб тўлашни назарда тутувчи шартнома истеъмол кредити шартномаси деб эътироф этилади;

(з) муддатли тўлов хизмати операторига:

(i) молиявий истеъмол кредитларини ажратиш ҳамда жисмоний шахслардан пул маблағларини жалб қилиш (облигациялар чиқариш бундан мустасно) тақиқланади;

(ii) муддатли тўлов хизматларини кўрсатиш шартномалари бўйича талаб қилиш ҳуқуқидан фақат бошқа муддатли тўлов хизмати оператори, микромолия ташкилоти ва банклар фойдасига воз кечиш ҳуқуқи берилади;

(и) муддатли тўлов хизмати операторлари ўз фаолиятини амалга ошириш жараёнида:

(i) Марказий банкнинг тартибга солиш ва назорат қилишни амалга оширишга оид пруденциал норматив ва талабларига риоя қилиши;

(ii) муддатли тўлов хизматларини амалга оширишда ахборот технологияларини қўллаган ҳолда мижозларни рақамли идентификация ва верификация қилиши;

(iii) тузилаётган барча муддатли тўлов хизматларини кўрсатиш шартномалари ва уларнинг ижроси тўғрисидаги маълумотлар бўйича кредит бюролари билан кредит ахбороти алмашинувини йўлга қўйиши;

(iv) муддатли тўлов хизматини кўрсатиш тўғрисида қарор қабул қилишда Марказий банк томонидан белгиланадиган қарз юки кўрсаткичининг энг юқори миқдори талабларига риоя қилиши шарт;

(к) чорак якуни бўйича товар (иш, хизмат)ларни реализация қилиш айланмаси 500 млн сўмдан ошган ҳамда унда бўлиб-бўлиб тўлаш хизмати улуши 50 фоиз ва ундан юқори қисмни ташкил этган товар истеъмол кредити берувчи ташкилотлар (бундан ишлаб чиқарувчи корхоналар мустасно):

(i) ҳисоб рўйхатидан ўтиши ва Реестрга кириши;

(ii) муддатли тўлов хизмати операторларига мазкур қарор билан белгиланган талабларга риоя қилиши шарт.

4. Шундай тартиб ўрнатилсинки, унга мувофиқ 2027 йил 1 январдан бошлаб товар истеъмол кредитини тақдим этувчи ташкилотлар қиймати базавий ҳисоблаш миқдорининг уч бараваригача бўлган товар истеъмол кредити шартномалари ва уларнинг ижро этилиши ҳолати ҳақидаги маълумотларни кредит бюроларига тақдим этиши талаб этилмайди.

5. Марказий банк муддатли тўлов хизмати оператори фаолиятини амалга оширувчи ташкилотлар ишини тартибга солиш ва назорат қилишга масъул этиб белгилансин ва унга иловага мувофиқ қўшимча ваколатлар берилсин.

6. Рақобат қўмитаси Марказий банк ва Агентлик билан биргаликда:

(а) муддатли тўлов хизматини кўрсатиш орқали сотилаётган товар (иш, хизмат)лар рекламасида комиссия (устама) тўғрисида истеъмолчини чалғитувчи маълумотлардан фойдаланилмаслиги;

(б) савдо объектларида ва электрон савдо платформаларида товарнинг базавий қиймати билан бир қаторда муддатли тўлов учун комиссия (устама) миқдори ҳамда кредитнинг тўлиқ қиймати мажбурий тарзда ва матн ҳарфлари бир хил ўлчамда кўрсатилишига риоя этилиши устидан назорат ўрнатсин.

III. Қарор ижросини ташкил этиш, таъминлаш ва назорат

7. Марказий банк:

(а) Агентлик, Рақобат қўмитаси, Адлия вазирлиги ва бошқа манфаатдор идоралар билан биргаликда:

(i) уч ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисидаги таклифларни;

(ii) 2027 йил 1 январга қадар муддатли тўлов хизмати операторлари фаолиятини тартибга солишга қаратилган қонун лойиҳасини ишлаб чиқсин ва Вазирлар Маҳкамасига киритсин;

(б) Солиқ қўмитаси билан биргаликда 2026 йил 1 декабрга қадар:

(i) чорак якуни бўйича товар (иш, хизмат)лар реализация қилиш айланмасидан келиб чиқиб Марказий банкда ҳисоб рўйхатидан ўтиши лозим бўлган товар истеъмол кредити берувчи ташкилотларни аниқлаш тартибини ишлаб чиқсин;

(ii) Реестрга киритилмаган юридик шахсларнинг ноқонуний муддатли тўлов хизмати оператори фаолияти билан шуғулланганлиги учун жавобгарлик ҳамда қиймати базавий ҳисоблаш миқдорининг уч баравари ва ундан ортиқ бўлган товар истеъмол кредити шартномалари ҳамда уларнинг ижро этилиши ҳолати тўғрисидаги маълумотлар кредит бюроларига тақдим этилмаган тақдирда қўлланадиган чоралар бўйича Вазирлар Маҳкамасига таклиф киритсин.

8. Марказий банк Ўзбекистон Миллий телерадиокомпанияси билан биргаликда мазкур қарорнинг мазмун-моҳияти, мақсади ва вазифалари ҳамда ундан кутилаётган натижаларни тадбиркорлик субъектларига етказсин ҳамда оммавий ахборот воситаларида кенг ёритиб борилишини таъминласин.

9. Ушбу қарор ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ва Марказий банк раиси Т.А. Ишметов белгилансин.

10. Қарор ижросини муҳокама қилиб бориш, ижро учун масъул ташкилотларнинг фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 14 августдаги ПҚ-294-сон қарорига ИЛОВА

Марказий банкнинг муддатли тўлов хизмати оператори фаолиятини амалга оширувчи ташкилотлар ишини тартибга солиш ва назорат қилиш бўйича қўшимча ваколатлари

(а) муддатли тўлов хизмати оператори фаолиятини амалга оширувчи ташкилотларга рухсат бериш ва хабардор қилиш тартиб-таомилларидан ўтиш тартибини белгилаш;

(б) муддатли тўлов хизмати оператори фаолиятини амалга оширувчи ташкилотлар реестрини юритиш;

(в) муддатли тўлов хизмати оператори томонидан жисмоний шахсларга муддатли тўлов хизматини кўрсатишда қарз юки кўрсаткичини ҳисоблаш тартиби ва унинг рухсат этилган миқдорини белгилаш;

(г) муддатли тўлов хизмати оператори устав фонди (устав капитали)нинг энг кам миқдорига бўлган талабларни белгилаш;

(д) муддатли тўлов хизмати операторлари учун муддатли тўлов хизматларини кўрсатиш бўйича мажбурий қоидаларни, ахборот хавфсизлиги талабларини, пруденциал нормативларни ва жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролларини тарқатишни молиялаштиришга қарши курашиш чораларини белгилаш, шунингдек, уларга риоя қилинишини назорат қилиш;

(ж) истеъмолчилар ҳуқуқларини ҳимоя қилишга қаратилган талабларни, хусусан, шартнома шартларининг шаффофлиги, комиссия ва бошқа тўловлар, қарздорликни муддатидан олдин сўндириш ҳуқуқини белгилаш;

(з) белгиланган талабларга риоя қилмаганликлари учун муддатли тўлов хизмати оператори фаолиятини амалга оширувчи ташкилотларга таъсир чораларини қўллаш.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 14 август,

ПҚ- 294 -сон

(Қонунчилик маълумотлари миллий базаси, 17.08.2026 й., 07/26/294/0848-сон)

lex.uz

OʻZBEKISTON RESPUBLIKASI PREZIDENTINING

QARORI

Aholiga muddatli toʻlov xizmatlari koʻrsatilishini takomillashtirish chora-tadbirlari toʻgʻrisida

Moliyaviy xizmatlar isteʼmolchilarining huquqlari himoya qilinishini taʼminlash, aholi qarz yuki yashirin oʻsishining oldini olish, tovarlarni muddatli toʻlov asosida realizatsiya qilishda shaffoflikni oshirish va zarur huquqiy muhitni shakllantirish maqsadida qaror qilaman:

I. Maqsadlar

1. Aholiga muddatli toʻlov xizmatlari koʻrsatilishini takomillashtirishning asosiy maqsadlari etib quyidagilar belgilansin:

(a) muddatli toʻlov xizmatlari isteʼmolchilarining huquqlarini himoya qilish;

(b) aholi qarz yuki darajasining haddan tashqari va yashirin oʻsishiga yoʻl qoʻymaslik;

(v) muddatli toʻlov xizmatlarini koʻrsatishda moliyaviy texnologiyalardan keng foydalanishni joriy etish.

II. Muddatli toʻlov xizmatlarini tartibga solish chora-tadbirlari

2. Markaziy bank, Istiqbolli loyihalar milliy agentligi (keyingi oʻrinlarda — Agentlik) hamda Raqobatni rivojlantirish va isteʼmolchilar huquqlarini himoya qilish qoʻmitasining (keyingi oʻrinlarda — Raqobat qoʻmitasi) 2027-yil 1-yanvardan boshlab muddatli toʻlov xizmati operatorlari faoliyatini yoʻlga qoʻyish toʻgʻrisidagi taklifiga rozilik berilsin.

3. Belgilansinki:

(a) yuridik shaxs tomonidan jismoniy shaxs (isteʼmolchi) uchun tovar (ish, xizmat)lar qiymatini keyinchalik komissiya (ustama) hisoblangan holda isteʼmolchi tomonidan boʻlib-boʻlib qaytarilishini nazarda tutgan holda sotuvchiga toʻlab berish muddatli toʻlov xizmati (bundan sotuvchi tomonidan isteʼmolchiga toʻgʻridan-toʻgʻri sotish hollari mustasno) hisoblanadi;

(b) muddatli toʻlov xizmatini koʻrsatuvchi yuridik shaxs (banklar va mikromoliya tashkilotlari bundan mustasno) muddatli toʻlov xizmati operatori deb eʼtirof etiladi;

(v) yuridik shaxslarning muddatli toʻlov xizmatlarini koʻrsatish faoliyatini amalga oshirish huquqi Markaziy bank tomonidan shakllantiriladigan Muddatli toʻlov xizmati operatori faoliyatini amalga oshiruvchi tashkilotlar reyestriga (keyingi oʻrinlarda — Reyestr) kiritilgandan soʻng vujudga keladi;

(g) yuridik shaxslar quyidagi tartibda Reyestrga kiritiladi:

(i) banklar, mikromoliya tashkilotlari Markaziy bankni xabardor qilish orqali;

(ii) boshqa yuridik shaxslar Markaziy bankda hisob roʻyxatidan oʻtish orqali;

(d) koʻchmas mulk, shuningdek, qonunchilikka muvofiq muomaladan chiqarilgan yoki muomalada boʻlishi cheklangan boshqa mulk muddatli toʻlov xizmati obyekti boʻlishi mumkin emas;

(j) muddatli toʻlov xizmatlarini koʻrsatish shartnomalari quyidagi shartlarga muvofiq boʻlishi lozim:

(i) muddatli toʻlov xizmati obyektining qiymati bazaviy hisoblash miqdorining ikki yuz ellik baravaridan oshmasligi;

(ii) muddatli toʻlov xizmati operatorining komissiya (ustama) toʻlovlari va tovar (ish, xizmat)larning yakuniy qiymatiga kiritiladigan boshqa toʻlovlar alohida koʻrsatilishi;

(iii) muddatli toʻlov xizmati boʻyicha asosiy qarzdan tashqari barcha toʻlovlar, shu jumladan, vositachilik haqlari, neustoyka (jarima, penya), javobgarlikning boshqa choralari yigʻindisi yiliga muddatli toʻlov miqdorining yarmidan koʻpini tashkil etishi mumkin emasligi;

(iv) isteʼmolchi muddatli toʻlov xizmati summasini istalgan vaqtda (toʻliq yoki qisman) qoʻshimcha jarima, penya va komissiyalarsiz muddatidan oldin soʻndirish huquqiga ega boʻlishi;

(v) muddatli toʻlov xizmatini koʻrsatish shartnomasi boʻyicha isteʼmolchi majburiyatining eng koʻp muddati shartnoma tuzilgan kundan boshlab oʻn ikki oydan oshmasligi. Bunda sotib olingan tovar (ish, xizmat)lar haqini oʻn ikki oydan ortiq muddatga boʻlib-boʻlib toʻlashni nazarda tutuvchi shartnoma isteʼmol krediti shartnomasi deb eʼtirof etiladi;

(z) muddatli toʻlov xizmati operatoriga:

(i) moliyaviy isteʼmol kreditlarini ajratish hamda jismoniy shaxslardan pul mablagʻlarini jalb qilish (obligatsiyalar chiqarish bundan mustasno) taqiqlanadi;

(ii) muddatli toʻlov xizmatlarini koʻrsatish shartnomalari boʻyicha talab qilish huquqidan faqat boshqa muddatli toʻlov xizmati operatori, mikromoliya tashkiloti va banklar foydasiga voz kechish huquqi beriladi;

(i) muddatli toʻlov xizmati operatorlari oʻz faoliyatini amalga oshirish jarayonida:

(i) Markaziy bankning tartibga solish va nazorat qilishni amalga oshirishga oid prudensial normativ va talablariga rioya qilishi;

(ii) muddatli toʻlov xizmatlarini amalga oshirishda axborot texnologiyalarini qoʻllagan holda mijozlarni raqamli identifikatsiya va verifikatsiya qilishi;

(iii) tuzilayotgan barcha muddatli toʻlov xizmatlarini koʻrsatish shartnomalari va ularning ijrosi toʻgʻrisidagi maʼlumotlar boʻyicha kredit byurolari bilan kredit axboroti almashinuvini yoʻlga qoʻyishi;

(iv) muddatli toʻlov xizmatini koʻrsatish toʻgʻrisida qaror qabul qilishda Markaziy bank tomonidan belgilanadigan qarz yuki koʻrsatkichining eng yuqori miqdori talablariga rioya qilishi shart;

(k) chorak yakuni boʻyicha tovar (ish, xizmat)larni realizatsiya qilish aylanmasi 500 mln soʻmdan oshgan hamda unda boʻlib-boʻlib toʻlash xizmati ulushi 50 foiz va undan yuqori qismni tashkil etgan tovar isteʼmol krediti beruvchi tashkilotlar (bundan ishlab chiqaruvchi korxonalar mustasno):

(i) hisob roʻyxatidan oʻtishi va Reyestrga kirishi;

(ii) muddatli toʻlov xizmati operatorlariga mazkur qaror bilan belgilangan talablarga rioya qilishi shart.

4. Shunday tartib oʻrnatilsinki, unga muvofiq 2027-yil 1-yanvardan boshlab tovar isteʼmol kreditini taqdim etuvchi tashkilotlar qiymati bazaviy hisoblash miqdorining uch baravarigacha boʻlgan tovar isteʼmol krediti shartnomalari va ularning ijro etilishi holati haqidagi maʼlumotlarni kredit byurolariga taqdim etishi talab etilmaydi.

5. Markaziy bank muddatli toʻlov xizmati operatori faoliyatini amalga oshiruvchi tashkilotlar ishini tartibga solish va nazorat qilishga masʼul etib belgilansin va unga ilovaga muvofiq qoʻshimcha vakolatlar berilsin.

6. Raqobat qoʻmitasi Markaziy bank va Agentlik bilan birgalikda:

(a) muddatli toʻlov xizmatini koʻrsatish orqali sotilayotgan tovar (ish, xizmat)lar reklamasida komissiya (ustama) toʻgʻrisida isteʼmolchini chalgʻituvchi maʼlumotlardan foydalanilmasligi;

(b) savdo obyektlarida va elektron savdo platformalarida tovarning bazaviy qiymati bilan bir qatorda muddatli toʻlov uchun komissiya (ustama) miqdori hamda kreditning toʻliq qiymati majburiy tarzda va matn harflari bir xil oʻlchamda koʻrsatilishiga rioya etilishi ustidan nazorat oʻrnatsin.

III. Qaror ijrosini tashkil etish, taʼminlash va nazorat

7. Markaziy bank:

(a) Agentlik, Raqobat qoʻmitasi, Adliya vazirligi va boshqa manfaatdor idoralar bilan birgalikda:

(i) uch oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni;

(ii) 2027-yil 1-yanvarga qadar muddatli toʻlov xizmati operatorlari faoliyatini tartibga solishga qaratilgan qonun loyihasini ishlab chiqsin va Vazirlar Mahkamasiga kiritsin;

(b) Soliq qoʻmitasi bilan birgalikda 2026-yil 1-dekabrga qadar:

(i) chorak yakuni boʻyicha tovar (ish, xizmat)lar realizatsiya qilish aylanmasidan kelib chiqib Markaziy bankda hisob roʻyxatidan oʻtishi lozim boʻlgan tovar isteʼmol krediti beruvchi tashkilotlarni aniqlash tartibini ishlab chiqsin;

(ii) Reyestrga kiritilmagan yuridik shaxslarning noqonuniy muddatli toʻlov xizmati operatori faoliyati bilan shugʻullanganligi uchun javobgarlik hamda qiymati bazaviy hisoblash miqdorining uch baravari va undan ortiq boʻlgan tovar isteʼmol krediti shartnomalari hamda ularning ijro etilishi holati toʻgʻrisidagi maʼlumotlar kredit byurolariga taqdim etilmagan taqdirda qoʻllanadigan choralar boʻyicha Vazirlar Mahkamasiga taklif kiritsin.

8. Markaziy bank Oʻzbekiston Milliy teleradiokompaniyasi bilan birgalikda mazkur qarorning mazmun-mohiyati, maqsadi va vazifalari hamda undan kutilayotgan natijalarni tadbirkorlik subyektlariga yetkazsin hamda ommaviy axborot vositalarida keng yoritib borilishini taʼminlasin.

9. Ushbu qaror ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov va Markaziy bank raisi T.A. Ishmetov belgilansin.

10. Qaror ijrosini muhokama qilib borish, ijro uchun masʼul tashkilotlarning faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 14-avgustdagi PQ-294-son qaroriga ILOVA

Markaziy bankning muddatli toʻlov xizmati operatori faoliyatini amalga oshiruvchi tashkilotlar ishini tartibga solish va nazorat qilish boʻyicha qoʻshimcha vakolatlari

(a) muddatli toʻlov xizmati operatori faoliyatini amalga oshiruvchi tashkilotlarga ruxsat berish va xabardor qilish tartib-taomillaridan oʻtish tartibini belgilash;

(b) muddatli toʻlov xizmati operatori faoliyatini amalga oshiruvchi tashkilotlar reyestrini yuritish;

(v) muddatli toʻlov xizmati operatori tomonidan jismoniy shaxslarga muddatli toʻlov xizmatini koʻrsatishda qarz yuki koʻrsatkichini hisoblash tartibi va uning ruxsat etilgan miqdorini belgilash;

(g) muddatli toʻlov xizmati operatori ustav fondi (ustav kapitali)ning eng kam miqdoriga boʻlgan talablarni belgilash;

(d) muddatli toʻlov xizmati operatorlari uchun muddatli toʻlov xizmatlarini koʻrsatish boʻyicha majburiy qoidalarni, axborot xavfsizligi talablarini, prudensial normativlarni va jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurollarini tarqatishni moliyalashtirishga qarshi kurashish choralarini belgilash, shuningdek, ularga rioya qilinishini nazorat qilish;

(j) isteʼmolchilar huquqlarini himoya qilishga qaratilgan talablarni, xususan, shartnoma shartlarining shaffofligi, komissiya va boshqa toʻlovlar, qarzdorlikni muddatidan oldin soʻndirish huquqini belgilash;

(z) belgilangan talablarga rioya qilmaganliklari uchun muddatli toʻlov xizmati operatori faoliyatini amalga oshiruvchi tashkilotlarga taʼsir choralarini qoʻllash.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 14-avgust,

PQ- 294 -son

(Qonunchilik maʼlumotlari milliy bazasi, 17.08.2026-y., 07/26/294/0848-son)

lex.uz

Президента Республики Узбекистан

Постановление

О мерах по совершенствованию оказания населению услуг оплаты в рассрочку

В целях обеспечения защиты прав потребителей финансовых услуг, предотвращения скрытого роста долговой нагрузки населения, повышения прозрачности при реализации товаров на основе оплаты в рассрочку и формирования необходимой правовой среды постановляю:

I. Цели

1. Определить основными целями совершенствования оказания населению услуг оплаты в рассрочку:

(а) защиту прав потребителей услуг оплаты в рассрочку;

(б) недопущение чрезмерного и скрытого роста уровня долговой нагрузки населения;

(в) внедрение широкого использования финансовых технологий при оказании услуг оплаты в рассрочку.

II. Меры регулирования услуг оплаты в рассрочку

2. Согласиться с предложением Центрального банка, Национального агентства перспективных проектов (далее — Агентство), а также Комитета по развитию конкуренции и защите прав потребителей (далее — Комитет по конкуренции) об организации с 1 января 2027 года деятельности операторов услуг оплаты в рассрочку.

3. Определить, что:

(а) оплата продавцу стоимости товаров (работ, услуг) юридическим лицом вместо физического лица (потребителя), предусматривающая последующее погашение потребителем оплаченной суммы вместе с начисленной комиссией (надбавкой) на условиях рассрочки, является услугой оплаты в рассрочку (за исключением случаев прямой реализации продавцом потребителю);

(б) юридические лица, осуществляющие деятельность по оказанию услуг оплаты в рассрочку, признаются операторами услуг оплаты в рассрочку (за исключением банков и микрофинансовых организаций);

(в) право юридического лица на осуществление деятельности по оказанию услуг оплаты в рассрочку возникает после включения его в Реестр организаций, осуществляющих деятельность оператора услуг оплаты в рассрочку (далее — Реестр), формируемый Центральным банком;

(г) юридические лица включаются в Реестр в следующем порядке:

(i) банки, микрофинансовые организации — путем уведомления Центрального банка;

(ii) другие юридические лица — путем учетной регистрации в Центральном банке;

(д) недвижимое имущество, а также другое имущество, которое в соответствии с законодательством изъято из оборота либо является ограниченным к обороту, не могут быть объектом услуг оплаты в рассрочку;

(ж) договоры на оказание услуг оплаты в рассрочку должны соответствовать следующим условиям:

(i) стоимость объекта услуг оплаты в рассрочку не должна превышать двухсот пятидесятикратного размера базовой расчетной величины;

(ii) комиссионные платежи (надбавки) оператора услуг оплаты в рассрочку и другие платежи, включаемые в окончательную стоимость товаров (работ, услуг), указываются отдельно;

(iii) кроме основного долга по услуге оплаты в рассрочку сумма всех платежей, включая комиссионные платежи, неустойку (штраф, пеня), прочие меры ответственности, не должна составлять больше половины размера оплаты в рассрочку за год;

(iv) обладание потребителем правом на досрочное погашение (в полном размере либо частично) суммы услуги оплаты в рассрочку в любое время без дополнительных штрафа, пени и комиссии;

(v) максимальный срок обязательств потребителя по договору услуги оплаты в рассрочку не должен превышать двенадцати месяцев со дня заключения договора. При этом договор, предусматривающий оплату стоимости приобретенных товаров (работ, услуг) в рассрочку в течении более двенадцати месяцев, признается договором потребительского кредита;

(з) операторам услуг оплаты в рассрочку:

(i) запрещается предоставлять финансовые потребительские кредиты и привлекать денежные средства физических лиц (кроме выпуска облигаций);

(ii) предоставляется право на переуступку права требования по договорам оказания услуг оплаты в рассрочку только в пользу других операторов услуг оплаты в рассрочку, микрофинансовых организаций и банков;

(и) операторы услуг оплаты в рассрочку в процессе осуществления своей деятельности обязаны:

(i) соблюдать пруденциальные нормативы и требования Центрального банка касательно осуществления регулирования и контроля;

(ii) проводить цифровую идентификацию и верификацию клиентов с применением информационных технологий при оказании услуг оплаты в рассрочку;

(iii) организовать обмен кредитной информацией с кредитными бюро по всем заключаемым договорам оказания услуг оплаты в рассрочку и их исполнению;

(iv) соблюдать требования по максимальному размеру показателя долговой нагрузки, устанавливаемые Центральным банком, при принятии решения об оказании услуг оплаты в рассрочку;

(к) организации, предоставляющие товарные потребительские кредиты, по итогам квартала оборот по реализации товаров (работ, услуг) которых превысил 500 млн сумов, и в которых доля услуг оплаты в рассрочку составила 50 процентов и более, (за исключением производственных предприятий), обязаны:

(i) пройти учетную регистрацию и состоять в Реестре;

(ii) соблюдать требования, установленные настоящим постановлением для операторов услуг оплаты в рассрочку.

4. Установить порядок, в соответствии с которым с 1 января 2027 года для организаций, предоставляющих товарные потребительские кредиты, представление в кредитные бюро данных по договорам потребительского кредита стоимостью до трехкратного размера базовой расчетной величины и состоянию их исполнения не требуется.

5. Определить Центральный банк ответственным за регулирование и контроль деятельности организаций, осуществляющих работу оператора услуг оплаты в рассрочку, а также предоставить ему дополнительные полномочия согласно приложению * .

6. Комитету по конкуренции совместно с Центральным банком и Агентством установить контроль за:

(а) неиспользованием вводящих потребителей в заблуждение сведений по комиссиям (надбавкам) в рекламе товаров (работ, услуг), реализуемых путем оказания услуг оплаты в рассрочку;

(б) обязательным указанием на торговых объектах и электронных торговых платформах наряду с базовой стоимостью товаров суммы комиссии (надбавки) за оказание услуг оплаты в рассрочку и полной стоимости кредита в форме текста буквами одинакового размера.

III. Организация, обеспечение и контроль исполнения постановления

7. Центральному банку:

(а) совместно с Агентством, Комитетом по конкуренции, Министерством юстиции и другими заинтересованными ведомствами разработать и внести в Кабинет Министров:

(i) в трехмесячный срок — предложения об изменениях и дополнениях в акты законодательства, вытекающих из настоящего постановления;

(ii) в срок до 1 января 2027 года — проект закона, направленный на регулирование деятельности операторов услуг оплаты в рассрочку;

(б) совместно с Налоговым комитетом в срок до 1 декабря 2026 года:

(i) разработать порядок определения организаций, предоставляющих товарные потребительские кредиты, подлежащих учетной регистрации в Центральном банке, исходя из оборота по реализации товаров (работ, услуг) по итогам квартала;

(ii) внести в Кабинет Министров предложение об ответственности юридических лиц, не включенных в Реестр, за незаконное осуществление деятельности оператора услуг оплаты в рассрочку, а также о применяемых мерах в случае непредставления в кредитные бюро данных по договорам товарного потребительского кредита в сумме трехкратного размера базовой расчетной величины и более, а также состоянию их исполнения.

8. Центральному банку совместно с Национальной телерадиокомпанией Узбекистана довести до субъектов предпринимательства и обеспечить широкое освещение в средствах массовой информации сути и значения, целей и задач настоящего постановления, а также ожидаемых от него результатов.

9. Возложить на заместителя Премьер-министра Д.А. Кучкарова и председателя Центрального банка Т.А. Ишметова персональную ответственность за эффективную организацию исполнения настоящего постановления.

10. Обсуждение хода исполнения настоящего постановления, а также осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Тошкент,

14 августа 2026 г.,

№ ПП- 294

(Национальная база данных законодательства, 17.08.2026 г., № 07/26/294/0848)

lex.uz