📅 2026-yil 14-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 14 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 августа 2026 г. · Постановления Президента
Официальный текст. Официальный документ. Редакционные примечания не включены.
📅 14 August 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Самарқанд вилоятида электр энергиясини тақсимлаш тармоқларини давлат-хусусий шериклик асосида модернизация қилиш ва бошқариш» лойиҳасини амалга ошириш чора-тадбирлари тўғрисида
Аҳолини ва иқтисодиёт тармоқларини энергия ресурслари билан барқарор таъминлаш, электр энергиясини тақсимлаш тармоқларидаги йўқотишларни камайтириш ҳамда соҳага хусусий операторларни жалб этиш орқали илғор халқаро тажрибаларни жорий этиш мақсадида қарор қиламан:
I. Мақсадлар
1. Қуйидагилар ушбу қарорни қабул қилишдан кўзланган асосий мақсадлар этиб белгилансин:
(а) электр энергетика тармоғига хусусий операторларни жалб этиш орқали давлат харажатларини камайтириш ҳамда иқтисодиётда давлат иштироки улушини қисқартириш;
(б) электр энергетика тизимида соғлом рақобат муҳитини яхшилаш орқали истеъмолчиларни узлуксиз ва сифатли электр энергияси билан таъминлаш ҳамда хизмат кўрсатиш сифатини янада ошириш;
(в) Самарқанд вилоятида электр энергиясини тақсимлаш тармоқларидаги йиллик энергия йўқотишларини изчил камайтириш, жумладан, давлат-хусусий шериклик тўғрисидаги битим шартларига асосан техник аудит натижаларига кўра аниқланган йиллик йўқотиш даражаси 20 — 25 фоиз оралиғида бўлганда, операцион даврда уни ҳар йили 1,4 фоизга, 15 — 20 фоиз оралиғида бўлганда эса ҳар йили 0,6 фоизга пасайтиришни таъминлаш.
II. Электр энергиясини тақсимлаш тармоқлари бошқарувига хусусий операторларни жалб этиш
2. Халқаро молия корпорациясининг молиявий ва техник кўмагида Ўзбекистон Республикасининг «Давлат-хусусий шериклик тўғрисида»ги Қонуни асосида ўтказилган халқаро тендер натижаларига кўра:
(а) «Самарқанд вилоятида электр энергиясини тақсимлаш тармоқларини давлат-хусусий шериклик асосида модернизация қилиш ва бошқариш» лойиҳасини (кейинги ўринларда — лойиҳа) молиялаштириш, қуриш, бошқариш, унга техник хизмат кўрсатиш ва ундан фойдаланиш бўйича «AKSA Elektrik Perakende Satış A.Ş.» (Туркия) компанияси тендер ғолиби (кейинги ўринларда — тендер ғолиби) деб топилганлиги;
(б) тендер ғолиби томонидан лойиҳани амалга ошириш учун хусусий шерик сифатида Ўзбекистон Республикасида «AKSA Samarqand Electricity Distribution» МЧЖ (кейинги ўринларда — хусусий шерик) таъсис этилганлиги;
(в) Ўзбекистон Республикаси номидан Иқтисодиёт ва молия вазирлиги ҳамда тендер ғолиби номидан хусусий шерик ўртасида 2026 йил 29 январда давлат томонидан қўллаб-қувватлаш тўғрисидаги битим имзоланганлиги;
(г) давлат томонидан қўллаб-қувватлаш тўғрисидаги битимга мувофиқ тендер ғолиби ва хусусий шерик Самарқанд вилоятида лойиҳа муддатининг дастлабки 12 йили давомида 357 миллион АҚШ доллари миқдорида тўғридан-тўғри инвестиция жалб этиши, бунда лойиҳани амалга ошириш даврида хусусий шерик электр энергиясини тақсимлаш тармоқларининг мавжуд тақсимлаш тизимини кенгайтириши, инвестиция киритиши, модернизация ва реконструкция қилиши, бошқариши ва эксплуатация қилиши;
(д) хусусий шерик ва «Ҳудудий электр тармоқлари» АЖ (кейинги ўринларда — давлат шериги) ўртасида 2026 йил 29 январда давлат-хусусий шериклик тўғрисидаги битим имзоланганлиги маълумот учун қабул қилинсин.
III. Мажбурият ва имтиёзлар
3. Белгилансинки, давлат-хусусий шериклик тўғрисидаги битимга мувофиқ:
(а) хусусий шерикка Самарқанд вилоятида электр энергиясини тақсимлаш тармоқларини бошқариш ва уларни эксплуатация қилиш ҳуқуқи берилади;
(б) хусусий шерик давлат-хусусий шериклик тўғрисидаги битимда ҳамда Ўзбекистон Республикаси қонунчилик ҳужжатларида белгиланган шартлар, халқаро илғор амалиёт талаблари, қоидалари ва стандартларига тўлиқ риоя қилган ҳолда Самарқанд вилоятида электр энергиясини тақсимлаш тармоқларини истеъмолчиларни улаш учун кенгайтириш, қувватларни ошириш, инвестициялар киритиш, модернизация ва реконструкция қилиш, бошқариш ва эксплуатация қилиш мажбуриятини олади;
(в) хусусий шерик 2 йиллик ўтиш даврида 27 млн АҚШ долларидан кам бўлмаган миқдорда ва кейинги даврлар учун тасдиқланган беш йиллик инвестиция ва ривожланиш режалари ҳамда йиллик инвестиция режаларига мувофиқ зарур инвестицияларни киритиш, фаолият самарадорлигини ошириш, йўқотишларни камайтириш ҳамда замонавий бошқарув усулларини жорий этиш мажбуриятини олади;
(г) хусусий шерик ўз мажбуриятлари лозим даражада бажарилишининг таъминоти сифатида дастлабки икки йил давомида 5 млн АҚШ доллари миқдорида ва кейинги даврлар учун ҳам 5 млн АҚШ доллари миқдорида ёки тасдиқланган беш йиллик инвестиция ва ривожланиш режаларидаги инвестиция миқдорининг 5 фоизи миқдоридан қайси бири кўп бўлса (юқори бўлса), ўша қиймат бўйича банк кафолатини тақдим этади;
(д) давлат шериги томонидан тақдим этилган ходимларнинг тўлиқ рўйхати ва уларнинг малакаси, иш тажрибаси ҳамда жорий лавозимлари тўғрисидаги маълумотлар асосида хусусий шерик мавжуд меҳнат шартномаларида назарда тутилган шароитлардан кам бўлмаган шартларда ва Ўзбекистон Республикаси меҳнат қонунчилигига мувофиқ, давлат шеригининг иш таклифи берилган ва бу таклифни қабул қилган ходимлари бўйича ўз танловини тақдим этади. Бунда:
(i) давлат шериги Ўзбекистон Республикаси меҳнат қонунчилигига мувофиқ хусусий шерикнинг иш таклифларини қабул қилган ходимлар билан меҳнат муносабатларини бекор қилади ҳамда барча ишдан бўшатиш нафақаларини ва бошқа мажбурий тўловларни амалга оширади;
(ii) хусусий шерик фақат ўзи томонидан бекор қилинган меҳнат шартномалари бўйича ишдан бўшатиш нафақалари ҳамда меҳнат муносабатларини тугатиш билан боғлиқ бошқа тўловлар, талаблар ва ҳуқуқий жараёнлар учун жавобгар бўлади;
(ж) давлат-хусусий шериклик тўғрисидаги битимга мувофиқ хусусий шерик томонидан кўрсатилган хизматлар учун унга ушбу битим шартларига мувофиқ белгиланган даромадни олиш кафолатланади. Бунда:
(i) хусусий шерик томонидан электр энергиясини тақсимлаш тармоқларини модернизация қилиш ва кенгайтириш учун сарфланган харажатлар давлат шериги томонидан ойлик тўловлар давлат-хусусий шериклик тўғрисидаги битимда белгиланган давр мобайнида чет эл валютасида деноминацияланган қиймат бўйича миллий валютада тўланади;
(ii) хусусий шерикка электр энергиясини тақсимлаш тармоқларини эксплуатация қилиш учун тўловлар белгиланган нарх бўйича миллий валютада тўланади.
4. Иқтисодиёт ва молия вазирлиги ҳамда «Ҳудудий электр тармоқлари» АЖга хусусий шерик томонидан лойиҳани амалга ошириш доирасида имзоланган битимлар бўйича мажбуриятлар бажарилмаганлиги натижасида давлат-хусусий шериклик тўғрисидаги битим бекор қилинган тақдирда, хусусий шерик ва тендер ғолибининг ҳуқуқ ва мажбуриятларини лойиҳани молиялаштиришда иштирок этадиган бошқа кредиторларга ўтказиш бўйича тўғридан-тўғри битимлар тузиш ҳуқуқи берилсин.
5. Қуйидагиларга:
(а) »Ҳудудий электр тармоқлари» АЖга хусусий шерик билан биргаликда давлат-хусусий шериклик тўғрисидаги битимда белгиланган тартиб-таомилларга мувофиқ лойиҳани амалга ошириш учун халқаро мустақил инжиниринг компанияси ва бошқа маслаҳатчиларни тўғридан-тўғри шартномалар тузган ҳолда жалб қилишга;
(б) янги тегишли миллий стандартлар қабул қилиниб, кучга киргунига қадар давлат-хусусий шериклик тўғрисидаги битимга мувофиқ инвестиция харажатлари доирасида материаллар ва хизматларни халқаро стандартлар асосида харид қилишга;
(в) лойиҳа доирасидаги таваккалчиликларни давлат-хусусий шериклик тўғрисидаги битимда белгиланган рейтинг талабларига жавоб берадиган қайта суғурта ташкилотларида қайта суғурталашга рухсат берилсин.
IV. Лойиҳани амалга оширишни жадаллаштириш чора-тадбирлари
6. Лойиҳани амалга ошириш доирасида 2026 йил 29 январда:
(а) Ўзбекистон Республикаси номидан Иқтисодиёт ва молия вазирлиги ҳамда хусусий шерик ўртасида имзоланган давлат томонидан қўллаб-қувватлаш тўғрисидаги битим тасдиқлансин;
(б) «Ҳудудий электр тармоқлари» АЖ ва хусусий шерик ўртасида имзоланган давлат-хусусий шериклик тўғрисидаги битим маъқуллансин.
7. Белгилансинки, давлат шеригига қуйидаги вазифа ва ҳуқуқлар берилади:
(а) Давлат активларини бошқариш агентлиги билан биргаликда Самарқанд вилоятидаги электр тармоқларини ва давлат-хусусий шериклик тўғрисидаги битимда кўрсатилган барча активларни, шу жумладан, Самарқанд вилоятида электр тармоқлари инфратузилмаси билан боғлиқ барча ускуналар, иншоотлар, ахборот ва технология тизимларини хатловдан ўтказиш орқали, хусусий шерикка мулк қилиб олиш ва тасарруф этиш ҳуқуқини бермаган ҳолда, текин фойдаланиш асосида эксплуатация қилиш ҳуқуқини бериш ҳамда Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлигида рўйхатдан ўтказиш;
(б) давлат-хусусий шериклик тўғрисидаги битимда белгиланган муддат ичида лойиҳа учун хусусий шерик томонидан ишга таклиф этилиши мумкин бўлган давлат шеригининг амалдаги ходимлари тўғрисидаги рўйхат ва зарур маълумотларни хусусий шерикка тақдим этиш;
(в) давлат-хусусий шериклик тўғрисидаги битимга мувофиқ давлат шеригининг барча зарур шартномалари ва келишувлари хусусий шерикка ўтказилишини ва топширилишини таъминлаш;
(г) хусусий шерик томонидан Самарқанд вилоятида мавжуд электр тармоқларини кенгайтириш ва янги активлар яратиш учун, зарур ҳолларда, белгиланган тартибда хусусий шерикка ер участкаларини ижарага бериш ёки ижарага олишни ташкил этиш.
8. Белгилаб қўйилсинки, хусусий шерикка барча солиқлар ва йиғимлар тўланган ҳолда лойиҳани молиялаштириш доирасида:
(а) кредит ва чет эл валютасида маблағлар олиш ҳамда улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
(б) Ўзбекистон Республикасидан ташқарида бўлган чет эл пудрат ташкилотлари, етказиб берувчилар ёки чет эл кредиторларига тўловларни Ўзбекистон Республикасидаги банк ҳисобварақлари орқали ўтказмасдан тўғридан-тўғри тўлаш ҳуқуқлари берилади.
9. Самарқанд вилояти ҳокимлиги:
(а) Энергетика вазирлиги, Иқтисодиёт ва молия вазирлиги, Қишлоқ хўжалиги вазирлиги ҳамда хусусий шерик билан биргаликда заруратга кўра, лойиҳани амалга ошириш учун Самарқанд вилоятида электр тармоқларини кенгайтириш ва янги активлар яратиш учун зарур ер участкаларини танлаб олсин ҳамда уларнинг чегараларига аниқлик киритиб, тегишлилиги бўйича оммавий сервитут белгилаш ва ер фонди тоифасини ўзгартириш юзасидан Ҳукумат комиссиясига таклифлар киритсин;
(б) хусусий шерик томонидан тақдим этиладиган лойиҳа ҳужжатлари асосида танланган ер участкалари Энергетика вазирлигига доимий фойдаланиш ҳуқуқи билан ажратилишини таъминласин. Бунда:
(i) Энергетика вазирлиги ўзига берилган тегишли ер участкалари хусусий шерикка Самарқанд вилоятида электр тармоқларини кенгайтириш ва янги активлар яратиш учун лойиҳа муддатига тенг даврга ижарага берилишини таъминласин;
(ii) хусусий шерик томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
10. Хусусий шерикка «Ҳудудий электр тармоқлари» АЖ билан келишган ҳолда давлат-хусусий шериклик тўғрисидаги битимда назарда тутилган икки йиллик ўтиш босқичини кутмасдан муҳим инфратузилмани модернизация қилиш ва кенгайтириш учун зарур инвестицияларни киритишни бошлашга рухсат берилсин. Бунда «Ҳудудий электр тармоқлари» АЖ ушбу инвестиция дастурларини Иқтисодиёт ва молия вазирлиги, Энергетика вазирлиги ҳамда Энергетика бозорини ривожлантириш ва тартибга солиш агентлиги билан келишишни таъминласин.
11. Энергетика вазирлиги, Энергетика бозорини ривожлантириш ва тартибга солиш агентлиги ҳамда «Ҳудудий электр тармоқлари» АЖ хусусий шерик томонидан ишлаб чиқилган беш йиллик инвестиция ва ривожланиш режалари Иқтисодиёт ва молия вазирлиги билан келишган ҳолда тасдиқланишини таъминласин.
12. Тендер ғолиби ва хусусий шерикнинг буюртманомасига биноан лойиҳани амалга ошириш доирасида:
(а) Ташқи ишлар вазирлиги — жалб қилинадиган хорижий мутахассислар ҳамда уларнинг оила аъзолари учун кириш визалари, зарур ҳолларда, И. Каримов номидаги Тошкент халқаро аэропортида белгиланган тартибда расмийлаштирилишини;
(б) Ички ишлар вазирлиги — жалб қилинадиган хорижий мутахассислар ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, турган жойи бўйича рўйхатга олиниши ва унинг муддати узайтирилишини;
(в) Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
13. Иқтисодиёт ва молия вазирлиги Камбағалликни қисқартириш ва бандлик вазирлиги ҳамда Энергетика вазирлиги билан биргаликда давлат-хусусий шериклик битими доирасида жалб қилинадиган хорижий мутахассисларнинг чекланган сонини белгиласин. Бунда битимда маҳаллий ходимларни асоссиз ишдан бўшатишга йўл қўймаслик, хорижий ишчиларнинг қатъий квотасини ўрнатиш ҳамда улар томонидан маҳаллий кадрларга тажриба ўргатиш мажбурияти назарда тутилсин.
V. Қарор ижросини ташкил этиш, таъминлаш ва назорат
14. Энергетика вазирлиги ҳамда Иқтисодиёт ва молия вазирлиги лойиҳанинг амалга оширилиши, шунингдек, томонлар ўртасидаги битимлар доирасидаги мажбуриятлар бажарилиши устидан доимий назорат ўрнатсин.
15. Энергетика бозорини ривожлантириш ва тартибга солиш агентлиги ҳамда бошқа ваколатли органлар лойиҳани амалга ошириш учун хусусий шерикка зарур бўлган барча лицензиялар, рухсатномалар ва тасдиқларни, жумладан, электр таъминоти тармоқлари фаолиятини амалга ошириш лицензиясини ўз вақтида беришни, шунингдек, зарур бўлган барча қўллаб-қувватлаш хизматларини кўрсатишни таъминласин.
16. Адлия вазирлиги лойиҳани амалга ошириш доирасида давлат томонидан қўллаб-қувватлаш тўғрисидаги битим ҳамда унинг қоидаларига мувофиқ имзоланадиган битимлар юзасидан юридик хулосалар берсин.
17. Экология ва иқлим ўзгариши миллий қўмитаси лойиҳа ҳужжатлари белгиланган тартибда экологик экспертизадан ўтказилишини ва лойиҳани амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
18. Мазкур қарорнинг ижросини самарали ташкил қилишга масъул ва шахсан жавобгар этиб энергетика вазири Ш.Х. Ходжаев белгилансин.
19. Ушбу қарор ижроси учун масъул вазирлик ва идоралар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 14 август,
ПҚ-295-сон
Oʻzbekiston Respublikasi Prezidentining
qarori
“Samarqand viloyatida elektr energiyasini taqsimlash tarmoqlarini davlat-xususiy sheriklik asosida modernizatsiya qilish va boshqarish” loyihasini amalga oshirish chora-tadbirlari toʻgʻrisida
Aholini va iqtisodiyot tarmoqlarini energiya resurslari bilan barqaror taʼminlash, elektr energiyasini taqsimlash tarmoqlaridagi yoʻqotishlarni kamaytirish hamda sohaga xususiy operatorlarni jalb etish orqali ilgʻor xalqaro tajribalarni joriy etish maqsadida qaror qilaman:
I. Maqsadlar
1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:
(a) elektr energetika tarmogʻiga xususiy operatorlarni jalb etish orqali davlat xarajatlarini kamaytirish hamda iqtisodiyotda davlat ishtiroki ulushini qisqartirish;
(b) elektr energetika tizimida sogʻlom raqobat muhitini yaxshilash orqali isteʼmolchilarni uzluksiz va sifatli elektr energiyasi bilan taʼminlash hamda xizmat koʻrsatish sifatini yanada oshirish;
(v) Samarqand viloyatida elektr energiyasini taqsimlash tarmoqlaridagi yillik energiya yoʻqotishlarini izchil kamaytirish, jumladan, davlat-xususiy sheriklik toʻgʻrisidagi bitim shartlariga asosan texnik audit natijalariga koʻra aniqlangan yillik yoʻqotish darajasi 20 — 25 foiz oraligʻida boʻlganda, operatsion davrda uni har yili 1,4 foizga, 15 — 20 foiz oraligʻida boʻlganda esa har yili 0,6 foizga pasaytirishni taʼminlash.
II. Elektr energiyasini taqsimlash tarmoqlari boshqaruviga xususiy operatorlarni jalb etish
2. Xalqaro moliya korporatsiyasining moliyaviy va texnik koʻmagida Oʻzbekiston Respublikasining “Davlat-xususiy sheriklik toʻgʻrisida”gi Qonuni asosida oʻtkazilgan xalqaro tender natijalariga koʻra:
(a) “Samarqand viloyatida elektr energiyasini taqsimlash tarmoqlarini davlat-xususiy sheriklik asosida modernizatsiya qilish va boshqarish” loyihasini (keyingi oʻrinlarda — loyiha) moliyalashtirish, qurish, boshqarish, unga texnik xizmat koʻrsatish va undan foydalanish boʻyicha “AKSA Elektrik Perakende Satış A.Ş.” (Turkiya) kompaniyasi tender gʻolibi (keyingi oʻrinlarda — tender gʻolibi) deb topilganligi;
(b) tender gʻolibi tomonidan loyihani amalga oshirish uchun xususiy sherik sifatida Oʻzbekiston Respublikasida “AKSA Samarqand Electricity Distribution” MCHJ (keyingi oʻrinlarda — xususiy sherik) taʼsis etilganligi;
(v) Oʻzbekiston Respublikasi nomidan Iqtisodiyot va moliya vazirligi hamda tender gʻolibi nomidan xususiy sherik oʻrtasida 2026-yil 29-yanvarda davlat tomonidan qoʻllab-quvvatlash toʻgʻrisidagi bitim imzolanganligi;
(g) davlat tomonidan qoʻllab-quvvatlash toʻgʻrisidagi bitimga muvofiq tender gʻolibi va xususiy sherik Samarqand viloyatida loyiha muddatining dastlabki 12 yili davomida 357 million AQSH dollari miqdorida toʻgʻridan-toʻgʻri investitsiya jalb etishi, bunda loyihani amalga oshirish davrida xususiy sherik elektr energiyasini taqsimlash tarmoqlarining mavjud taqsimlash tizimini kengaytirishi, investitsiya kiritishi, modernizatsiya va rekonstruksiya qilishi, boshqarishi va ekspluatatsiya qilishi;
(d) xususiy sherik va “Hududiy elektr tarmoqlari” AJ (keyingi oʻrinlarda — davlat sherigi) oʻrtasida 2026-yil 29-yanvarda davlat-xususiy sheriklik toʻgʻrisidagi bitim imzolanganligi maʼlumot uchun qabul qilinsin.
III. Majburiyat va imtiyozlar
3. Belgilansinki, davlat-xususiy sheriklik toʻgʻrisidagi bitimga muvofiq:
(a) xususiy sherikka Samarqand viloyatida elektr energiyasini taqsimlash tarmoqlarini boshqarish va ularni ekspluatatsiya qilish huquqi beriladi;
(b) xususiy sherik davlat-xususiy sheriklik toʻgʻrisidagi bitimda hamda Oʻzbekiston Respublikasi qonunchilik hujjatlarida belgilangan shartlar, xalqaro ilgʻor amaliyot talablari, qoidalari va standartlariga toʻliq rioya qilgan holda Samarqand viloyatida elektr energiyasini taqsimlash tarmoqlarini isteʼmolchilarni ulash uchun kengaytirish, quvvatlarni oshirish, investitsiyalar kiritish, modernizatsiya va rekonstruksiya qilish, boshqarish va ekspluatatsiya qilish majburiyatini oladi;
(v) xususiy sherik 2 yillik oʻtish davrida 27 mln AQSH dollaridan kam boʻlmagan miqdorda va keyingi davrlar uchun tasdiqlangan besh yillik investitsiya va rivojlanish rejalari hamda yillik investitsiya rejalariga muvofiq zarur investitsiyalarni kiritish, faoliyat samaradorligini oshirish, yoʻqotishlarni kamaytirish hamda zamonaviy boshqaruv usullarini joriy etish majburiyatini oladi;
(g) xususiy sherik oʻz majburiyatlari lozim darajada bajarilishining taʼminoti sifatida dastlabki ikki yil davomida 5 mln AQSH dollari miqdorida va keyingi davrlar uchun ham 5 mln AQSH dollari miqdorida yoki tasdiqlangan besh yillik investitsiya va rivojlanish rejalaridagi investitsiya miqdorining 5 foizi miqdoridan qaysi biri koʻp boʻlsa (yuqori boʻlsa), oʻsha qiymat boʻyicha bank kafolatini taqdim etadi;
(d) davlat sherigi tomonidan taqdim etilgan xodimlarning toʻliq roʻyxati va ularning malakasi, ish tajribasi hamda joriy lavozimlari toʻgʻrisidagi maʼlumotlar asosida xususiy sherik mavjud mehnat shartnomalarida nazarda tutilgan sharoitlardan kam boʻlmagan shartlarda va Oʻzbekiston Respublikasi mehnat qonunchiligiga muvofiq, davlat sherigining ish taklifi berilgan va bu taklifni qabul qilgan xodimlari boʻyicha oʻz tanlovini taqdim etadi. Bunda:
(i) davlat sherigi Oʻzbekiston Respublikasi mehnat qonunchiligiga muvofiq xususiy sherikning ish takliflarini qabul qilgan xodimlar bilan mehnat munosabatlarini bekor qiladi hamda barcha ishdan boʻshatish nafaqalarini va boshqa majburiy toʻlovlarni amalga oshiradi;
(ii) xususiy sherik faqat oʻzi tomonidan bekor qilingan mehnat shartnomalari boʻyicha ishdan boʻshatish nafaqalari hamda mehnat munosabatlarini tugatish bilan bogʻliq boshqa toʻlovlar, talablar va huquqiy jarayonlar uchun javobgar boʻladi;
(j) davlat-xususiy sheriklik toʻgʻrisidagi bitimga muvofiq xususiy sherik tomonidan koʻrsatilgan xizmatlar uchun unga ushbu bitim shartlariga muvofiq belgilangan daromadni olish kafolatlanadi. Bunda:
(i) xususiy sherik tomonidan elektr energiyasini taqsimlash tarmoqlarini modernizatsiya qilish va kengaytirish uchun sarflangan xarajatlar davlat sherigi tomonidan oylik toʻlovlar davlat-xususiy sheriklik toʻgʻrisidagi bitimda belgilangan davr mobaynida chet el valyutasida denominatsiyalangan qiymat boʻyicha milliy valyutada toʻlanadi;
(ii) xususiy sherikka elektr energiyasini taqsimlash tarmoqlarini ekspluatatsiya qilish uchun toʻlovlar belgilangan narx boʻyicha milliy valyutada toʻlanadi.
4. Iqtisodiyot va moliya vazirligi hamda “Hududiy elektr tarmoqlari” AJga xususiy sherik tomonidan loyihani amalga oshirish doirasida imzolangan bitimlar boʻyicha majburiyatlar bajarilmaganligi natijasida davlat-xususiy sheriklik toʻgʻrisidagi bitim bekor qilingan taqdirda, xususiy sherik va tender gʻolibining huquq va majburiyatlarini loyihani moliyalashtirishda ishtirok etadigan boshqa kreditorlarga oʻtkazish boʻyicha toʻgʻridan-toʻgʻri bitimlar tuzish huquqi berilsin.
5. Quyidagilarga:
(a) ”Hududiy elektr tarmoqlari” AJga xususiy sherik bilan birgalikda davlat-xususiy sheriklik toʻgʻrisidagi bitimda belgilangan tartib-taomillarga muvofiq loyihani amalga oshirish uchun xalqaro mustaqil injiniring kompaniyasi va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
(b) yangi tegishli milliy standartlar qabul qilinib, kuchga kirguniga qadar davlat-xususiy sheriklik toʻgʻrisidagi bitimga muvofiq investitsiya xarajatlari doirasida materiallar va xizmatlarni xalqaro standartlar asosida xarid qilishga;
(v) loyiha doirasidagi tavakkalchiliklarni davlat-xususiy sheriklik toʻgʻrisidagi bitimda belgilangan reyting talablariga javob beradigan qayta sugʻurta tashkilotlarida qayta sugʻurtalashga ruxsat berilsin.
IV. Loyihani amalga oshirishni jadallashtirish chora-tadbirlari
6. Loyihani amalga oshirish doirasida 2026-yil 29-yanvarda:
(a) Oʻzbekiston Respublikasi nomidan Iqtisodiyot va moliya vazirligi hamda xususiy sherik oʻrtasida imzolangan davlat tomonidan qoʻllab-quvvatlash toʻgʻrisidagi bitim tasdiqlansin;
(b) “Hududiy elektr tarmoqlari” AJ va xususiy sherik oʻrtasida imzolangan davlat-xususiy sheriklik toʻgʻrisidagi bitim maʼqullansin.
7. Belgilansinki, davlat sherigiga quyidagi vazifa va huquqlar beriladi:
(a) Davlat aktivlarini boshqarish agentligi bilan birgalikda Samarqand viloyatidagi elektr tarmoqlarini va davlat-xususiy sheriklik toʻgʻrisidagi bitimda koʻrsatilgan barcha aktivlarni, shu jumladan, Samarqand viloyatida elektr tarmoqlari infratuzilmasi bilan bogʻliq barcha uskunalar, inshootlar, axborot va texnologiya tizimlarini xatlovdan oʻtkazish orqali, xususiy sherikka mulk qilib olish va tasarruf etish huquqini bermagan holda, tekin foydalanish asosida ekspluatatsiya qilish huquqini berish hamda Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligida roʻyxatdan oʻtkazish;
(b) davlat-xususiy sheriklik toʻgʻrisidagi bitimda belgilangan muddat ichida loyiha uchun xususiy sherik tomonidan ishga taklif etilishi mumkin boʻlgan davlat sherigining amaldagi xodimlari toʻgʻrisidagi roʻyxat va zarur maʼlumotlarni xususiy sherikka taqdim etish;
(v) davlat-xususiy sheriklik toʻgʻrisidagi bitimga muvofiq davlat sherigining barcha zarur shartnomalari va kelishuvlari xususiy sherikka oʻtkazilishini va topshirilishini taʼminlash;
(g) xususiy sherik tomonidan Samarqand viloyatida mavjud elektr tarmoqlarini kengaytirish va yangi aktivlar yaratish uchun, zarur hollarda, belgilangan tartibda xususiy sherikka yer uchastkalarini ijaraga berish yoki ijaraga olishni tashkil etish.
8. Belgilab qoʻyilsinki, xususiy sherikka barcha soliqlar va yigʻimlar toʻlangan holda loyihani moliyalashtirish doirasida:
(a) kredit va chet el valyutasida mablagʻlar olish hamda ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
(b) Oʻzbekiston Respublikasidan tashqarida boʻlgan chet el pudrat tashkilotlari, yetkazib beruvchilar yoki chet el kreditorlariga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan toʻgʻridan-toʻgʻri toʻlash huquqlari beriladi.
9. Samarqand viloyati hokimligi:
(a) Energetika vazirligi, Iqtisodiyot va moliya vazirligi, Qishloq xoʻjaligi vazirligi hamda xususiy sherik bilan birgalikda zaruratga koʻra, loyihani amalga oshirish uchun Samarqand viloyatida elektr tarmoqlarini kengaytirish va yangi aktivlar yaratish uchun zarur yer uchastkalarini tanlab olsin hamda ularning chegaralariga aniqlik kiritib, tegishliligi boʻyicha ommaviy servitut belgilash va yer fondi toifasini oʻzgartirish yuzasidan Hukumat komissiyasiga takliflar kiritsin;
(b) xususiy sherik tomonidan taqdim etiladigan loyiha hujjatlari asosida tanlangan yer uchastkalari Energetika vazirligiga doimiy foydalanish huquqi bilan ajratilishini taʼminlasin. Bunda:
(i) Energetika vazirligi oʻziga berilgan tegishli yer uchastkalari xususiy sherikka Samarqand viloyatida elektr tarmoqlarini kengaytirish va yangi aktivlar yaratish uchun loyiha muddatiga teng davrga ijaraga berilishini taʼminlasin;
(ii) xususiy sherik tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
10. Xususiy sherikka “Hududiy elektr tarmoqlari” AJ bilan kelishgan holda davlat-xususiy sheriklik toʻgʻrisidagi bitimda nazarda tutilgan ikki yillik oʻtish bosqichini kutmasdan muhim infratuzilmani modernizatsiya qilish va kengaytirish uchun zarur investitsiyalarni kiritishni boshlashga ruxsat berilsin. Bunda “Hududiy elektr tarmoqlari” AJ ushbu investitsiya dasturlarini Iqtisodiyot va moliya vazirligi, Energetika vazirligi hamda Energetika bozorini rivojlantirish va tartibga solish agentligi bilan kelishishni taʼminlasin.
11. Energetika vazirligi, Energetika bozorini rivojlantirish va tartibga solish agentligi hamda “Hududiy elektr tarmoqlari” AJ xususiy sherik tomonidan ishlab chiqilgan besh yillik investitsiya va rivojlanish rejalari Iqtisodiyot va moliya vazirligi bilan kelishgan holda tasdiqlanishini taʼminlasin.
12. Tender gʻolibi va xususiy sherikning buyurtmanomasiga binoan loyihani amalga oshirish doirasida:
(a) Tashqi ishlar vazirligi — jalb qilinadigan xorijiy mutaxassislar hamda ularning oila aʼzolari uchun kirish vizalari, zarur hollarda, I. Karimov nomidagi Toshkent xalqaro aeroportida belgilangan tartibda rasmiylashtirilishini;
(b) Ichki ishlar vazirligi — jalb qilinadigan xorijiy mutaxassislar hamda ularning oila aʼzolariga koʻp martalik viza berilishi va uning muddati uzaytirilishini, shuningdek, turgan joyi boʻyicha roʻyxatga olinishi va uning muddati uzaytirilishini;
(v) Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
13. Iqtisodiyot va moliya vazirligi Kambagʻallikni qisqartirish va bandlik vazirligi hamda Energetika vazirligi bilan birgalikda davlat-xususiy sheriklik bitimi doirasida jalb qilinadigan xorijiy mutaxassislarning cheklangan sonini belgilasin. Bunda bitimda mahalliy xodimlarni asossiz ishdan boʻshatishga yoʻl qoʻymaslik, xorijiy ishchilarning qatʼiy kvotasini oʻrnatish hamda ular tomonidan mahalliy kadrlarga tajriba oʻrgatish majburiyati nazarda tutilsin.
V. Qaror ijrosini tashkil etish, taʼminlash va nazorat
14. Energetika vazirligi hamda Iqtisodiyot va moliya vazirligi loyihaning amalga oshirilishi, shuningdek, tomonlar oʻrtasidagi bitimlar doirasidagi majburiyatlar bajarilishi ustidan doimiy nazorat oʻrnatsin.
15. Energetika bozorini rivojlantirish va tartibga solish agentligi hamda boshqa vakolatli organlar loyihani amalga oshirish uchun xususiy sherikka zarur boʻlgan barcha litsenziyalar, ruxsatnomalar va tasdiqlarni, jumladan, elektr taʼminoti tarmoqlari faoliyatini amalga oshirish litsenziyasini oʻz vaqtida berishni, shuningdek, zarur boʻlgan barcha qoʻllab-quvvatlash xizmatlarini koʻrsatishni taʼminlasin.
16. Adliya vazirligi loyihani amalga oshirish doirasida davlat tomonidan qoʻllab-quvvatlash toʻgʻrisidagi bitim hamda uning qoidalariga muvofiq imzolanadigan bitimlar yuzasidan yuridik xulosalar bersin.
17. Ekologiya va iqlim oʻzgarishi milliy qoʻmitasi loyiha hujjatlari belgilangan tartibda ekologik ekspertizadan oʻtkazilishini va loyihani amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
18. Mazkur qarorning ijrosini samarali tashkil qilishga masʼul va shaxsan javobgar etib energetika vaziri Sh.X. Xodjayev belgilansin.
19. Ushbu qaror ijrosi uchun masʼul vazirlik va idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 14-avgust,
PQ-295-son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по реализации проекта «Модернизация и управление электрораспределительными сетями на основе государственно-частного партнерства в Самаркандской области»
В целях стабильного обеспечения энергоресурсами населения и отраслей экономики, снижения потерь в электрораспределительных сетях, а также внедрения в сферу передового международного опыта путем привлечения частных операторов в отрасль постановляю:
I. Цели
1. Определить основными целями принятия настоящего постановления:
(а) снижение государственных расходов и сокращение доли государственного участия в экономике путем привлечения частных операторов в сферу электроэнергетики;
(б) бесперебойное обеспечение потребителей качественной электроэнергией и дальнейшее повышение качества оказания им услуг путем улучшения здоровой конкурентной среды в системе электроэнергетики;
(в) последовательное уменьшение годовых энергопотерь в электрораспределительных сетях в Самаркандской области, в том числе в случае если по результатам технического аудита выявленный уровень ежегодных потерь составляет 20 — 25 процентов, обеспечение на основании условий договора о государственно-частном партнерстве его снижения в течение операционного периода на 1,4 процента ежегодно, а если уровень составляет 15 — 20 процентов — на 0,6 процента ежегодно.
II. Привлечение частных операторов к управлению электрораспределительными сетями
2. Принять к сведению, что по результатам международного тендера, проведенного на основании Закона Республики Узбекистан «О государственно-частном партнерстве» при финансовой и технической поддержке Международной финансовой корпорации:
(а) компания «AKSA Elektrik Perakende Satış A.Ş.» (Турция) признана победителем тендера (далее — победитель тендера) по финансированию, строительству, управлению, оказанию технического обслуживания и использованию проекта «Модернизация и управление электрораспределительными сетями на основе государственно-частного партнерства в Самаркандской области» (далее — проект);
(б) победителем тендера для реализации проекта в качестве частного партнера в Республике Узбекистан учреждено ООО «AKSA Samarqand Electricity Distribution» (далее — частный партнер);
(в) между Министерством экономики и финансов от имени Республики Узбекистан и частным партнером от имени победителя тендера 29 января 2026 года подписано Соглашение о государственной поддержке;
(г) в соответствии с Соглашением о государственной поддержке победитель тендера и частный партнер привлекают прямые инвестиции в размере 357 миллионов долларов США в течение первых 12 лет срока проекта в Самаркандской области, при этом частный партнер в период реализации проекта расширяет существующую систему распределения, осуществляет инвестирование, модернизацию и реконструкцию, а также управление и эксплуатацию электрораспределительных сетей;
(д) между частным партнером и АО «Региональные электрические сети» (далее — государственный партнер) 29 января 2026 года подписано Соглашение о государственно-частном партнерстве.
III. Обязательства и льготы
3. Определить, что в соответствии с Соглашением о государственно-частном партнерстве:
(а) частному партнеру предоставляется право управления и эксплуатации электрораспределительных сетей в Самаркандской области;
(б) частный партнер с полным соблюдением условий, определенных в Соглашении о государственно-частном партнерстве и актах законодательства Республики Узбекистан, требований, правил и стандартов передовой международной практики берет на себя обязательство по расширению электрораспределительных сетей для подключения потребителей в Самаркандской области, повышению их мощностей, модернизации и реконструкции, управлению и эксплуатации, осуществлению вложения инвестиций;
(в) частный партнер берет на себя обязательство осуществлять вложение необходимых инвестиций, повышать эффективность деятельности, сокращать потери и внедрять современные методы управления в соответствии с пятилетними планами инвестиций и развития, утвержденными в размере не менее 27 млн долларов США в течение двухлетнего переходного периода, а также планами на последующие периоды и ежегодными инвестиционными планами;
(г) в качестве обеспечения исполнения на надлежащем уровне частным партнером своих обязательств, в течение первых двух лет предоставляется банковская гарантия в размере 5 млн долларов США и для последующих периодов — в размере 5 млн долларов США или 5 процентов от суммы инвестиций, в зависимости от того, какая из величин больше (выше) согласно утвержденным пятилетним планам инвестиций и развития;
(д) на основании полного списка работников, представленного государственным партнером, а также информации об их квалификации, опыте работы и текущих должностях частный партнер представляет свой выбор в отношении работников, которым государственным партнером было сделано предложение о работе и которые приняли это предложение, на условиях не менее благоприятных, чем предусмотренных в существующих трудовых договорах, и согласно трудовому законодательству Республики Узбекистан. При этом:
(i) государственный партнер в соответствии с трудовым законодательством Республики Узбекистан расторгает трудовые отношения с работниками, принявшими предложения о работе частного партнера, а также осуществляет все выходные пособия и другие обязательные платежи;
(ii) частный партнер несет ответственность по выплате выходных пособий по трудовым договорам, расторгнутым исключительно им самим, а также по другим выплатам, требованиям и юридическим процессам, связанным с прекращением трудовых отношений;
(ж) в соответствии с Соглашением о государственно-частном партнерстве частному партнеру гарантируется получение установленного дохода за оказанные им услуги согласно условиям данного соглашения. При этом:
(i) расходы, осуществленные частным партнером на модернизацию и расширение электрораспределительных сетей, выплачиваются государственным партнером в национальной валюте по деноминированной стоимости в иностранной валюте в виде ежемесячных платежей в течение периода, установленного Соглашением о государственно-частном партнерстве;
(ii) платежи за эксплуатацию электрораспределительных сетей выплачиваются частному партнеру в национальной валюте по установленной цене.
4. Предоставить Министерству экономики и финансов и АО «Региональные электрические сети» право на заключение прямых соглашений о передаче прав и обязанностей частного партнера и победителя тендера другим кредиторам, участвующим в финансировании проекта, в случае расторжения Соглашения о государственно-частном партнерстве вследствие невыполнения частным партнером обязательств по соглашениям, подписанным в рамках реализации проекта.
5. Разрешить:
(а) АО «Региональные электрические сети» привлекать совместно с частным партнером международную независимую инжиниринговую компанию и других консультантов для реализации проекта в соответствии с процедурами, определенными в Соглашении о государственно-частном партнерстве, с заключением с ними прямых договоров;
(б) осуществлять до принятия и вступления в силу новых соответствующих национальных стандартов закупку материалов и услуг на основе международных стандартов в рамках инвестиционных расходов в соответствии с Соглашением о государственно-частном партнерстве;
(в) перестраховать риски в рамках проекта у перестраховочных организаций, соответствующих рейтинговым требованиям, установленным в Соглашении о государственно-частном партнерстве.
IV. Меры по ускорению реализации проекта
6. В рамках реализации проекта:
(а) утвердить Соглашение о государственной поддержке, подписанное между Министерством экономики и финансов от имени Республики Узбекистан и частным партнером 29 января 2026 года;
(б) одобрить Соглашение о государственно-частном партнерстве, подписанное между АО «Региональные электрические сети» и частным партнером 29 января 2026 года.
7. Установить, что государственному партнеру предоставляются следующие задачи и права:
(а) право на эксплуатацию на безвозмездной основе без передачи в собственность и без предоставления права распоряжения частному партнеру путем проведения совместно с Агентством по управлению государственными активами инвентаризации электрических сетей в Самаркандской области и всех указанных в Соглашении о государственно-частном партнерстве активов, в том числе всего оборудования, сооружений, информационных и технологических систем, связанных с инфраструктурой электрических сетей в Самаркандской области, а также проведение регистрации в Агентстве по кадастру при Национальном комитете по устойчивому развитию урбанизации и рынка жилья;
(б) предоставление частному партнеру списка и необходимых данных об имеющихся работниках государственного партнера, которые могут быть приглашены на работу частным партнером для проекта на срок, установленный в Соглашении о государственном партнерстве;
(в) обеспечение передачи и сдачи частному партнеру всех необходимых договоров и соглашений государственного партнера в соответствии с Соглашением о государственно-частном партнерстве;
(г) организация передачи в аренду частному партнеру или получения в аренду им земельных участков при необходимости в установленном порядке для расширения частным партнером имеющихся в Самаркандской области электрических сетей и создания новых активов.
8. Установить, что частному партнеру после оплаты всех налогов и сборов предоставляются следующие права в рамках финансирования проекта:
(а) открывать банковские счета в иностранных банках за рубежом для получения кредита, получения и использования денежных средств в иностранной валюте (включая кредитные поступления в иностранной валюте);
(б) напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
9. Хокимияту Самаркандской области:
(а) совместно с Министерством энергетики, Министерством экономики и финансов, Министерством сельского хозяйства и частным партнером по мере необходимости, выбрать земельные участки, необходимые для расширения электрических сетей и создания новых активов в Самаркандской области, для реализации проекта, а также представить в Правительственную комиссию предложения по установлению публичного сервитута по принадлежности и изменению категории земельного фонда после уточнения их границ;
(б) обеспечить выделение Министерству энергетики выбранные земельные участки на праве постоянного пользования на основании проектной документации, представленной частным партнером. При этом:
(i) Министерству энергетики обеспечить передачу в аренду частному партнеру предоставленных ему соответствующих земельных участков на период, равный сроку проекта для расширения электрических сетей и создания новых активов в Самаркандской области;
(ii) приравнять размер арендной платы, уплачиваемой частным партнером за земельные участки, к размеру земельного налога.
10. Разрешить частному партнеру по согласованию с АО «Региональные электрические сети» начать вложение необходимых инвестиций для модернизации и расширения требуемой инфраструктуры, не дожидаясь двухлетнего переходного периода, предусмотренного Соглашением о государственно-частном партнерстве. При этом АО «Региональные электрические сети» обеспечить согласование данных инвестиционных программ с Министерством экономики и финансов, Министерством энергетики и Агентством по развитию и регулированию рынка энергетики.
11. Министерству энергетики, Агентству по развитию и регулированию рынка энергетики и АО «Региональные электрические сети» обеспечить утверждение по согласованию с Министерством экономики и финансов пятилетних планов инвестиций и развития, разработанных частным партнером.
12. По заявкам победителя тендера и частного партнера в рамках реализации проекта обеспечить:
(а) Министерству иностранных дел — оформление в установленном порядке въездных виз привлекаемым зарубежным специалистам и членам их семей, при необходимости — в Международном аэропорту «Ташкент» имени Ислама Каримова;
(б) Министерству внутренних дел — выдачу и продление срока действия многократных виз, а также регистрацию по месту пребывания и ее продление привлекаемым зарубежным специалистам и членам их семей;
(в) Министерству занятости и сокращения бедности — выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
13. Министерству экономики и финансов совместно с Министерством занятости и сокращения бедности, а также Министерством энергетики определить предельную численность зарубежных специалистов, привлекаемых в рамках Соглашения о государственно-частном партнерстве. При этом в соглашении предусмотреть недопущение необоснованного увольнения с работы местных работников, установление строгой квоты зарубежных рабочих и обязательство обучения ими опыту отечественных кадров.
V. Организация, обеспечение и контроль исполнения постановления
14. Министерству энергетики и Министерству экономики и финансов установить постоянный контроль за реализацией проекта, а также выполнением обязательств в рамках соглашений между сторонами.
15. Агентству по развитию и регулированию рынка энергетики и другим уполномоченным органам обеспечить своевременную выдачу частному партнеру всех необходимых для реализации проекта лицензий, разрешений и подтверждений, в том числе лицензии на осуществление деятельности сетей электроснабжения, а также оказание всех необходимых услуг поддержки.
16. Министерству юстиции выдать юридические заключения по Соглашению о государственной поддержке и соглашениям, подписываемым в соответствии с его положениями в рамках реализации проекта.
17. Национальному комитету по экологии и изменению климата обеспечить проведение экологической экспертизы проектной документации в установленном порядке и соблюдение природоохранного законодательства при реализации проекта.
18. Возложить на министра энергетики Ш.Х. Ходжаева персональную ответственность за эффективную организацию исполнения настоящего постановления.
19. Осуществление координации деятельности министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
14 августа 2026 г.,
№ ПП-295