📅 2026-yil 20-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 20 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 августа 2026 г. · Постановления Президента
Официальный текст. Официальный документ. Редакционные примечания не включены.
📅 20 August 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Криптология, ахборот хавфсизлиги ва инновацион технологиялар институти фаолиятини ташкил этиш тўғрисида
Ҳозирги кундаги глобаллашув шароитида давлат ва жамият хавфсизлигига, республиканинг мудофаа қобилияти ва иқтисодий ривожланишида юзага келаётган таҳдидлар ҳамда давлат ташкилотларида замонавий рақамли технологияларнинг жадал қўлланилиши ахборотни ҳимоя қилиш, ахборот хавфсизлиги ҳамда киберхавфсизлик соҳаларида норматив-ҳуқуқий базани, мутахассислар ва илмий кадрлар тайёрлаш тизимини такомиллаштириш, рақобатбардош миллий техник воситалар, сунъий интеллект ва инновацион IT-маҳсулотларни яратиш кўламини янада кенгайтиришни тақозо этмоқда.
Ўзбекистон Республикасининг «Киберхавфсизлик тўғрисида » ги Қонуни ҳамда Ўзбекистон Республикаси Президентининг 2024 йил 15 августдаги «Ўзбекистон Республикасида криптология соҳасида таълим ва илм-фанни ривожлантириш бўйича қўшимча чора-тадбирлар тўғрисида » ги ПҚ-293-сон қарори , шунингдек, «Рақамли Ўзбекистон — 2030 » стратегиясида белгиланган вазифалар ижросини сифатли таъминлаш мақсадида қарор қиламан:
1. Муҳаммад ал-Хоразмий номидаги Тошкент ахборот технологиялари университети ҳузуридаги Радиоэлектрон тизимлар ва ахборот технологиялари маркази негизида Ўзбекистон Республикаси Криптология, ахборот хавфсизлиги ва инновацион технологиялар институти (кейинги ўринларда — Институт) ташкил этилгани маълумот учун қабул қилинсин.
2. Институт Муҳаммад ал-Хоразмий номидаги Тошкент ахборот технологиялари университети ҳузуридаги Радиоэлектрон тизимлар ва ахборот технологиялари марказининг барча вазифалари, ҳуқуқ ва мажбуриятлари бўйича ҳуқуқий вориси ҳисобланади.
3. Қуйидагилар Институтнинг асосий вазифалари этиб белгилансин:
(а) криптология, ахборот хавфсизлиги ва киберхавфсизлик, ахборотни ҳимоялаш, сунъий интеллект, катта ҳажмдаги маълумотларни қайта ишлаш, рақамли криминалистика ва рақамли технологиялар соҳасида кадрларни қайта тайёрлаш ва уларнинг малакасини ошириш;
(б) криптология, ахборот хавфсизлиги ва киберхавфсизлик, ахборотни ҳимоя қилиш, сунъий интеллект, рақамли криминалистика, катта ҳажмдаги маълумотларни қайта ишлаш ҳамда рақамли технологияларнинг бошқа долзарб йўналишлари бўйича илмий-тадқиқот ва тажриба-конструкторлик ишларини қонунчиликда белгиланган маблағлар ҳисобидан танлов асосида ташкил этиш;
(в) давлат буюртмалари доирасида криптология, ахборотни ҳимоя қилиш, ахборот хавфсизлиги ва киберхавфсизлик, сунъий интеллект ва рақамли технологиялар йўналишларида фундаментал, амалий ва инновацион лойиҳаларни шакллантириш ва амалга оширишда иштирок этиш;
(г) киберхавфсизлик соҳасидаги ваколатли орган билан келишган ҳолда фойдаланиш чекланган ахборотни криптографик ва техник ҳимоя қилиш ва ахборотлаштириш техник воситаларини ишлаб чиқиш, ишлаб чиқариш, реализация қилиш ва сертификатлаш, уларнинг техник ҳолатини баҳолаш ва таъмирлаш;
(д) киберхавфсизлик соҳасидаги ваколатли орган билан келишган ҳолда давлат органлари ва ташкилотларининг ахборот ресурслари, ахборот тизимлари, шунингдек, муҳим ахборот инфратузилмаси объектлари тоифасига киритилган ахборот тизимларини киберхавфсизлик талабларига мувофиқлиги юзасидан экспертизадан ўтказиш;
(ж) киберхавфсизлик соҳасидаги ваколатли орган билан келишган ҳолда киберхавфсизликнинг таъминланганлик даражасини баҳолаш, ахборот тизимлари ва ресурсларининг ҳимояланганлик ҳолатини, шунингдек, кўрилаётган ташкилий чоралар самарадорлигини аниқлашга қаратилган ташкилий-техник тадбирларни амалга ошириш;
(з) фойдаланиш чекланган ахборот қайта ишланадиган ахборотлаштириш объектлари ва муҳим ахборот инфратузилмаси объектлари ахборот хавфсизлиги ва киберхавфсизлик талабларига мувофиқлиги бўйича аттестациядан ўтказиш;
(и) криптология, ахборот хавфсизлиги ва киберхавфсизлик, ахборотни ҳимоя қилиш, сунъий интеллект, катта ҳажмдаги маълумотларни қайта ишлаш, рақамли криминалистика ва рақамли технологиялар соҳаларида норматив-ҳуқуқий ҳужжатлар лойиҳалари ҳамда миллий стандартлар ва регламентларни ишлаб чиқиш ва такомиллаштириш.
4. Институтга қуйидагиларга рухсат этилсин:
(а) Институтга юклатилган вазифаларни бажариш учун республика илмий-тадқиқот, ўқув-таълим, илмий-ишлаб чиқариш муассасалари, илмий ва таҳлил марказларининг етакчи мутахассислари, шунингдек, мос ихтисосликка эга шахсларни, шу жумладан, чет эл фуқароларини белгиланган тартибда жалб этиш;
(б) Институт фаолиятини самарали ташкил этиш мақсадида юридик шахс мақомига эга бўлган ўқув-илмий, илмий-ишлаб чиқариш, илмий-техник ва консалтинг марказларини (лабораторияларни) таъсис этиш ҳамда бошқа хўжалик жамиятларининг устав капиталида иштирок этиш;
(в) Институтда криптология, ахборотни ҳимоя қилиш, ахборот хавфсизлиги ва киберхавфсизлик соҳалари ихтисосликлари бўйича олий таълимдан кейинги таълимни ташкил этиш;
(г) Институтга юклатилган вазифалар йўналишларида кадрлар малакасини ошириш, фойдаланиш чекланган ахборотни криптографик ва техник ҳимоя қилиш ва ахборотлаштириш техник воситаларини ишлаб чиқиш, ишлаб чиқариш, реализация қилиш ҳамда аттестациядан ўтказиш ва сертификатлаш хизматлари, шунингдек, бошқа фаолият турларини шартнома асосида амалга ошириш;
(д) Институт моддий-техник базасини мустаҳкамлаш ва ишлаб чиқариш участкасининг технологик жиҳозлари учун бутловчи қисмларни харид қилиш мақсадида, Институт томонидан ишлаб чиқариладиган техник воситалар ва кўрсатиладиган хизматлар (шу жумладан, давлат органлари ва ташкилотларининг бюджет маблағлари ҳисобидан харид қилинадиган) таннархига 25 фоизгача устама жорий этиш.
5. Фанлар академияси ахборотни криптографик ҳимоя қилиш, ахборот хавфсизлиги ҳамда киберхавфсизлик соҳалари ихтисосликлари бўйича бажарилган докторлик диссертацияларини тақриз учун Институтга тақдим этиш амалиётини йўлга қўйсин.
6. Белгилансинки:
(а) Институт юридик шахс ҳисобланади, Ўзбекистон Республикаси Давлат герби тасвири туширилган муҳр, штамп, бланка, шунингдек, рамзий белги ва нишонлар ҳамда тижорат банкларида ҳисобварақлар ва бошқа ҳисобварақларга эга бўлади;
(б) Институт криптология, ахборотни ҳимоя қилиш ҳамда ахборот хавфсизлиги ва киберхавфсизлик соҳаларида республикада етакчи давлат олий таълим муассасаси сифатида бошқа олий таълим ташкилотлар фаолиятини мувофиқлаштиради;
(в) Институт ҳузурида криптология, ахборотни ҳимоя қилиш, ахборот хавфсизлиги ва киберхавфсизлик соҳаларида фундаментал, амалий ва инновацион лойиҳа талабномаларини давлат илмий дастурлари доирасида ташкил этиладиган танловларда иштирок этиш учун экспертизадан ўтказиш мақсадида соҳа олимлари, республика ижро этувчи ҳокимият органлари ҳамда бошқа ташкилотларнинг юқори малакали мутахассисларидан иборат таркибда илмий-техник кенгаш ташкил этилади.
7. Шундай тартиб ўрнатилсинки, унга мувофиқ Институтнинг ходимлари, шунингдек, жалб қилинадиган профессор-ўқитувчилари, мутахассислари ва бошқа ходимларига Тошкент вилояти ҳудудидан бирламчи бозордан уй-жой сотиб олиш учун қуйидаги шартларда ипотека кредити ажратилади:
(а) ипотека кредити бўйича дастлабки бадал тўлови уй-жой қийматининг камида 15 фоизи миқдорида белгиланади;
(б) ипотека кредити тижорат банкларининг ўз маблағлари ҳисобидан 20 йил муддатга қонунчилик ҳужжатларида белгиланган фоиз ставкасида ажратилади;
(в) ипотека кредитининг дастлабки бадал тўловларини ва мазкур кредитларни қоплаш билан боғлиқ барча харажатлар кредит олувчи шахсларнинг ўз маблағлари ҳисобидан тўланади.
Бунда Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомда белгиланган мезонларга мос келадиган Институт ходимларининг ушбу қарорга мувофиқ уй-жой билан таъминланиш ҳуқуқи сақланиб қолади.
8. Институтнинг бюджетдан ташқари ривожлантириш жамғармаси (кейинги ўринларда — Жамғарма) ташкил этилсин, бунда:
(а) Жамғарма маблағлари миллий ва чет эл валюталарида қуйидаги манбалар ҳисобидан шакллантирилади:
(i) Институт томонидан сертификатлаш хизматлари ва қонунчиликда тақиқланмаган бошқа фаолият турларини амалга оширишдан тушадиган тушумлар;
(ii) Институт томонидан шартнома асосида давлат органлари ва бошқа ташкилотлар ҳамда тадбиркорлик субъектларига пулли хизматлар кўрсатиш, шунингдек, ишлаб чиқариладиган техник воситаларни сотишдан (реализация қилишдан) тушадиган маблағлар;
(iii) ҳомийлик хайриялари;
(iv) қонунчилик ҳужжатларида тақиқланмаган бошқа манбалар;
(б) Жамғарма маблағларидан қуйидаги мақсадларда фойдаланилади:
(i) Институт моддий-техник базасини мустаҳкамлаш ҳамда кутубхона фондини ривожлантириш;
(ii) Институтнинг ўқув, илмий, ташкилий ва ишлаб чиқариш харажатларини қоплаш;
(iii) илмий-тадқиқот ва тажриба-конструкторлик лойиҳаларини доимий молиялаштириб бориш;
(iv) ходимларни моддий ва бошқача тарзда рағбатлантириш;
(v) қонунчиликда тақиқланмаган бошқа харажатларни молиялаштириш;
(в) Жамғарма маблағларини шакллантириш ва улардан фойдаланиш тартиби Вазирлар Маҳкамаси томонидан белгиланади.
9. Адлия вазирлиги бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 20 август,
ПҚ- 300 -сон
Oʻzbekiston Respublikasi Prezidentining
qarori
Oʻzbekiston Respublikasi Kriptologiya, axborot xavfsizligi va innovatsion texnologiyalar instituti faoliyatini tashkil etish toʻgʻrisida
Hozirgi kundagi globallashuv sharoitida davlat va jamiyat xavfsizligiga, respublikaning mudofaa qobiliyati va iqtisodiy rivojlanishida yuzaga kelayotgan tahdidlar hamda davlat tashkilotlarida zamonaviy raqamli texnologiyalarning jadal qoʻllanilishi axborotni himoya qilish, axborot xavfsizligi hamda kiberxavfsizlik sohalarida normativ-huquqiy bazani, mutaxassislar va ilmiy kadrlar tayyorlash tizimini takomillashtirish, raqobatbardosh milliy texnik vositalar, sunʼiy intellekt va innovatsion IT-mahsulotlarni yaratish koʻlamini yanada kengaytirishni taqozo etmoqda.
Oʻzbekiston Respublikasining “Kiberxavfsizlik toʻgʻrisida ” gi Qonuni hamda Oʻzbekiston Respublikasi Prezidentining 2024-yil 15-avgustdagi “Oʻzbekiston Respublikasida kriptologiya sohasida taʼlim va ilm-fanni rivojlantirish boʻyicha qoʻshimcha chora-tadbirlar toʻgʻrisida ” gi PQ-293-son qarori , shuningdek, “Raqamli Oʻzbekiston — 2030 ” strategiyasida belgilangan vazifalar ijrosini sifatli taʼminlash maqsadida qaror qilaman:
1. Muhammad al-Xorazmiy nomidagi Toshkent axborot texnologiyalari universiteti huzuridagi Radioelektron tizimlar va axborot texnologiyalari markazi negizida Oʻzbekiston Respublikasi Kriptologiya, axborot xavfsizligi va innovatsion texnologiyalar instituti (keyingi oʻrinlarda — Institut) tashkil etilgani maʼlumot uchun qabul qilinsin.
2. Institut Muhammad al-Xorazmiy nomidagi Toshkent axborot texnologiyalari universiteti huzuridagi Radioelektron tizimlar va axborot texnologiyalari markazining barcha vazifalari, huquq va majburiyatlari boʻyicha huquqiy vorisi hisoblanadi.
3. Quyidagilar Institutning asosiy vazifalari etib belgilansin:
(a) kriptologiya, axborot xavfsizligi va kiberxavfsizlik, axborotni himoyalash, sunʼiy intellekt, katta hajmdagi maʼlumotlarni qayta ishlash, raqamli kriminalistika va raqamli texnologiyalar sohasida kadrlarni qayta tayyorlash va ularning malakasini oshirish;
(b) kriptologiya, axborot xavfsizligi va kiberxavfsizlik, axborotni himoya qilish, sunʼiy intellekt, raqamli kriminalistika, katta hajmdagi maʼlumotlarni qayta ishlash hamda raqamli texnologiyalarning boshqa dolzarb yoʻnalishlari boʻyicha ilmiy-tadqiqot va tajriba-konstruktorlik ishlarini qonunchilikda belgilangan mablagʻlar hisobidan tanlov asosida tashkil etish;
(v) davlat buyurtmalari doirasida kriptologiya, axborotni himoya qilish, axborot xavfsizligi va kiberxavfsizlik, sunʼiy intellekt va raqamli texnologiyalar yoʻnalishlarida fundamental, amaliy va innovatsion loyihalarni shakllantirish va amalga oshirishda ishtirok etish;
(g) kiberxavfsizlik sohasidagi vakolatli organ bilan kelishgan holda foydalanish cheklangan axborotni kriptografik va texnik himoya qilish va axborotlashtirish texnik vositalarini ishlab chiqish, ishlab chiqarish, realizatsiya qilish va sertifikatlash, ularning texnik holatini baholash va taʼmirlash;
(d) kiberxavfsizlik sohasidagi vakolatli organ bilan kelishgan holda davlat organlari va tashkilotlarining axborot resurslari, axborot tizimlari, shuningdek, muhim axborot infratuzilmasi obyektlari toifasiga kiritilgan axborot tizimlarini kiberxavfsizlik talablariga muvofiqligi yuzasidan ekspertizadan oʻtkazish;
(j) kiberxavfsizlik sohasidagi vakolatli organ bilan kelishgan holda kiberxavfsizlikning taʼminlanganlik darajasini baholash, axborot tizimlari va resurslarining himoyalanganlik holatini, shuningdek, koʻrilayotgan tashkiliy choralar samaradorligini aniqlashga qaratilgan tashkiliy-texnik tadbirlarni amalga oshirish;
(z) foydalanish cheklangan axborot qayta ishlanadigan axborotlashtirish obyektlari va muhim axborot infratuzilmasi obyektlari axborot xavfsizligi va kiberxavfsizlik talablariga muvofiqligi boʻyicha attestatsiyadan oʻtkazish;
(i) kriptologiya, axborot xavfsizligi va kiberxavfsizlik, axborotni himoya qilish, sunʼiy intellekt, katta hajmdagi maʼlumotlarni qayta ishlash, raqamli kriminalistika va raqamli texnologiyalar sohalarida normativ-huquqiy hujjatlar loyihalari hamda milliy standartlar va reglamentlarni ishlab chiqish va takomillashtirish.
4. Institutga quyidagilarga ruxsat etilsin:
(a) Institutga yuklatilgan vazifalarni bajarish uchun respublika ilmiy-tadqiqot, oʻquv-taʼlim, ilmiy-ishlab chiqarish muassasalari, ilmiy va tahlil markazlarining yetakchi mutaxassislari, shuningdek, mos ixtisoslikka ega shaxslarni, shu jumladan, chet el fuqarolarini belgilangan tartibda jalb etish;
(b) Institut faoliyatini samarali tashkil etish maqsadida yuridik shaxs maqomiga ega boʻlgan oʻquv-ilmiy, ilmiy-ishlab chiqarish, ilmiy-texnik va konsalting markazlarini (laboratoriyalarni) taʼsis etish hamda boshqa xoʻjalik jamiyatlarining ustav kapitalida ishtirok etish;
(v) Institutda kriptologiya, axborotni himoya qilish, axborot xavfsizligi va kiberxavfsizlik sohalari ixtisosliklari boʻyicha oliy taʼlimdan keyingi taʼlimni tashkil etish;
(g) Institutga yuklatilgan vazifalar yoʻnalishlarida kadrlar malakasini oshirish, foydalanish cheklangan axborotni kriptografik va texnik himoya qilish va axborotlashtirish texnik vositalarini ishlab chiqish, ishlab chiqarish, realizatsiya qilish hamda attestatsiyadan oʻtkazish va sertifikatlash xizmatlari, shuningdek, boshqa faoliyat turlarini shartnoma asosida amalga oshirish;
(d) Institut moddiy-texnik bazasini mustahkamlash va ishlab chiqarish uchastkasining texnologik jihozlari uchun butlovchi qismlarni xarid qilish maqsadida, Institut tomonidan ishlab chiqariladigan texnik vositalar va koʻrsatiladigan xizmatlar (shu jumladan, davlat organlari va tashkilotlarining budjet mablagʻlari hisobidan xarid qilinadigan) tannarxiga 25 foizgacha ustama joriy etish.
5. Fanlar akademiyasi axborotni kriptografik himoya qilish, axborot xavfsizligi hamda kiberxavfsizlik sohalari ixtisosliklari boʻyicha bajarilgan doktorlik dissertatsiyalarini taqriz uchun Institutga taqdim etish amaliyotini yoʻlga qoʻysin.
6. Belgilansinki:
(a) Institut yuridik shaxs hisoblanadi, Oʻzbekiston Respublikasi Davlat gerbi tasviri tushirilgan muhr, shtamp, blanka, shuningdek, ramziy belgi va nishonlar hamda tijorat banklarida hisobvaraqlar va boshqa hisobvaraqlarga ega boʻladi;
(b) Institut kriptologiya, axborotni himoya qilish hamda axborot xavfsizligi va kiberxavfsizlik sohalarida respublikada yetakchi davlat oliy taʼlim muassasasi sifatida boshqa oliy taʼlim tashkilotlar faoliyatini muvofiqlashtiradi;
(v) Institut huzurida kriptologiya, axborotni himoya qilish, axborot xavfsizligi va kiberxavfsizlik sohalarida fundamental, amaliy va innovatsion loyiha talabnomalarini davlat ilmiy dasturlari doirasida tashkil etiladigan tanlovlarda ishtirok etish uchun ekspertizadan oʻtkazish maqsadida soha olimlari, respublika ijro etuvchi hokimiyat organlari hamda boshqa tashkilotlarning yuqori malakali mutaxassislaridan iborat tarkibda ilmiy-texnik kengash tashkil etiladi.
7. Shunday tartib oʻrnatilsinki, unga muvofiq Institutning xodimlari, shuningdek, jalb qilinadigan professor-oʻqituvchilari, mutaxassislari va boshqa xodimlariga Toshkent viloyati hududidan birlamchi bozordan uy-joy sotib olish uchun quyidagi shartlarda ipoteka krediti ajratiladi:
(a) ipoteka krediti boʻyicha dastlabki badal toʻlovi uy-joy qiymatining kamida 15 foizi miqdorida belgilanadi;
(b) ipoteka krediti tijorat banklarining oʻz mablagʻlari hisobidan 20 yil muddatga qonunchilik hujjatlarida belgilangan foiz stavkasida ajratiladi;
(v) ipoteka kreditining dastlabki badal toʻlovlarini va mazkur kreditlarni qoplash bilan bogʻliq barcha xarajatlar kredit oluvchi shaxslarning oʻz mablagʻlari hisobidan toʻlanadi.
Bunda Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda belgilangan mezonlarga mos keladigan Institut xodimlarining ushbu qarorga muvofiq uy-joy bilan taʼminlanish huquqi saqlanib qoladi.
8. Institutning budjetdan tashqari rivojlantirish jamgʻarmasi (keyingi oʻrinlarda — Jamgʻarma) tashkil etilsin, bunda:
(a) Jamgʻarma mablagʻlari milliy va chet el valyutalarida quyidagi manbalar hisobidan shakllantiriladi:
(i) Institut tomonidan sertifikatlash xizmatlari va qonunchilikda taqiqlanmagan boshqa faoliyat turlarini amalga oshirishdan tushadigan tushumlar;
(ii) Institut tomonidan shartnoma asosida davlat organlari va boshqa tashkilotlar hamda tadbirkorlik subyektlariga pulli xizmatlar koʻrsatish, shuningdek, ishlab chiqariladigan texnik vositalarni sotishdan (realizatsiya qilishdan) tushadigan mablagʻlar;
(iii) homiylik xayriyalari;
(iv) qonunchilik hujjatlarida taqiqlanmagan boshqa manbalar;
(b) Jamgʻarma mablagʻlaridan quyidagi maqsadlarda foydalaniladi:
(i) Institut moddiy-texnik bazasini mustahkamlash hamda kutubxona fondini rivojlantirish;
(ii) Institutning oʻquv, ilmiy, tashkiliy va ishlab chiqarish xarajatlarini qoplash;
(iii) ilmiy-tadqiqot va tajriba-konstruktorlik loyihalarini doimiy moliyalashtirib borish;
(iv) xodimlarni moddiy va boshqacha tarzda ragʻbatlantirish;
(v) qonunchilikda taqiqlanmagan boshqa xarajatlarni moliyalashtirish;
(v) Jamgʻarma mablagʻlarini shakllantirish va ulardan foydalanish tartibi Vazirlar Mahkamasi tomonidan belgilanadi.
9. Adliya vazirligi bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 20-avgust,
PQ- 300 -son
Президента Республики Узбекистан
Постановление
Об организации деятельности Института криптологии, информационной безопасности и инновационных технологий Республики Узбекистан
В нынешних условиях глобализации возникающие угрозы безопасности государства и общества, обороноспособности и экономическому развитию республики, а также ускоренное применение современных цифровых технологий в государственных организациях требуют совершенствования нормативно-правовой базы, системы подготовки специалистов и научных кадров, дальнейшего расширения масштаба создания конкурентоспособных национальных технических средств, искусственного интеллекта и инновационных IT-продуктов в области защиты информации, информационной безопасности и кибербезопасности.
В целях качественного обеспечения исполнения задач, определенных Законом Республики Узбекистан «О кибербезопасности», постановлением Президента Республики Узбекистан от 15 августа 2024 года № ПП-293 «О дополнительных мерах по развитию образования и науки в сфере криптологии в Республике Узбекистан», а также Стратегией «Цифровой Узбекистан — 2030», постановляю:
1. Принять к сведению, что на базе Центра радиоэлектронных систем и информационных технологий при Ташкентском университете информационных технологий имени Мухаммада аль-Хорезми создан Институт криптологии, информационной безопасности и инновационных технологий Республики Узбекистан (далее — Институт).
2. Институт является правопреемником Центра радиоэлектронных систем и информационных технологий при Ташкентском университете информационных технологий имени Мухаммада аль-Хорезми по всем задачам, правам и обязательствам.
3. Определить основными задачами Института:
(а) переподготовку и повышение квалификации кадров в сферах криптологии, информационной безопасности и кибербезопасности, защиты информации, а также искусственного интеллекта, обработки больших данных, цифровой криминалистики и цифровых технологий;
(б) организацию на конкурсной основе за счет средств, предусмотренных законодательством, научно-исследовательских и опытно-конструкторских работ по криптологии, информационной безопасности и кибербезопасности, защите информации, искусственному интеллекту, цифровой криминалистике, обработке больших данных, а также другим актуальным направлениям цифровых технологий;
(в) участие в формировании и реализации фундаментальных, прикладных и инновационных проектов в сфере криптологии, защиты информации, информационной безопасности и кибербезопасности, искусственного интеллекта и цифровых технологий в рамках государственных заказов;
(г) разработку, производство, реализацию, сертификацию, оценку технического состояния и ремонт средств криптографической и технической защиты информации ограниченного доступа, а также технических средств информатизации по согласованию с уполномоченным органом в сфере кибербезопасности;
(д) проведение экспертизы на соответствие требованиям кибербезопасности информационных ресурсов, информационных систем государственных органов и организаций, а также информационных систем, отнесенных к категории объектов критической информационной инфраструктуры, по согласованию с уполномоченным органом в сфере кибербезопасности;
(ж) проведение организационно-технических мероприятий, направленных на оценку уровня обеспечения кибербезопасности, определение состояния защищенности информационных систем ресурсов, а также эффективности осуществляемых организационных мер, по согласованию с уполномоченным органом в сфере кибербезопасности;
(з) проведение аттестации на соответствие требованиям информационной безопасности и кибербезопасности объектов информатизации, обрабатывающих информацию ограниченного доступа, и объектов критической информационной инфраструктуры;
(и) разработку и совершенствование проектов нормативно-правовых актов, национальных стандартов и регламентов в сферах криптологии, информационной безопасности и кибербезопасности, защиты информации, а также искусственного интеллекта, обработки больших данных, цифровой криминалистики и цифровых технологий.
4. Предоставить Институту разрешение на:
(а) привлечение в установленном порядке ведущих специалистов научно-исследовательских, учебно-образовательных, научно-производственных учреждений, научных и аналитических центров республики, а также лиц соответствующей специализации, включая иностранных граждан, к выполнению возложенных на Институт задач;
(б) учреждение учебно-научных, научно-производственных, научно-технических и консалтинговых центров (лабораторий) со статусом юридического лица, а также участие в уставном капитале других хозяйственных обществ в целях эффективной организации деятельности Института;
(в) организацию в Институте послевузовского образования по специализациям сфер криптологии, защиты информации, информационной безопасности и кибербезопасности;
(г) повышение квалификации кадров по направлениям задач, возложенных на Институт, разработку, производство, реализацию, проведение аттестации, а также оказание услуг по сертификации средств криптографической и технической защиты информации ограниченного доступа, а также технических средств информатизации и осуществление иных видов деятельности на договорной основе;
(д) внедрение надбавки до 25 процентов к себестоимости производимых технических средств и оказываемых услуг (в том числе приобретаемых за счет бюджетных средств государственных органов и организаций) Институтом в целях укрепления материально-технической базы и приобретения комплектующих частей для технологического оборудования производственного участка Института.
5. Академии наук внедрить практику представления в Институт для рецензирования докторских диссертаций, выполненных по специализациям сфер криптографической защиты информации, информационной безопасности и кибербезопасности.
6. Установить, что:
(а) Институт является юридическим лицом, имеет печать, штамп, бланки с изображением Государственного герба Республики Узбекистан, символику и знаки, а также счета в коммерческих банках и иные счета;
(б) Институт в качестве ведущего высшего государственного образовательного учреждения республики в сферах криптологии, защиты информации, информационной безопасности и кибербезопасности координирует деятельность других высших образовательных организаций;
(в) при Институте в целях проведения экспертизы заявок по фундаментальным, прикладным и инновационным проектам в сферах криптологии, защиты информации, информационной безопасности и кибербезопасности на предмет их участия в конкурсах, организуемых в рамках государственных научных программ, создается научно-технический совет в составе профильных ученых, высококвалифицированных специалистов республиканских органов исполнительной власти и других организаций.
7. Установить порядок, в соответствии с которым работникам Института, а также привлекаемым профессорам-преподавателям, специалистам и прочим работникам выделяется ипотечный кредит для приобретения жилья на первичном рынке на территории Ташкентской области на следующих условиях:
(а) первоначальный взнос по ипотечному кредиту определяется в размере не менее 15 процентов стоимости жилья;
(б) ипотечный кредит выделяется коммерческими банками за счет их собственных средств на срок 20 лет по процентной ставке, установленной актами законодательства;
(в) все расходы, связанные с уплатой первоначального взноса и погашением данных кредитов, оплачиваются за счет собственных средств лиц-кредитополучателей.
При этом за работниками Института, соответствующими критериям, определенным Положением о порядке прохождения военной службы гражданами Республики Узбекистан, утвержденным постановлением Президента Республики Узбекистан от 12 сентября 2019 года № ПП-4447, сохраняется право на обеспечение жильем в соответствии с данным постановлением.
8. Образовать Внебюджетный фонд развития Института (далее — Фонд), при этом:
(а) средства Фонда формируются в национальной и иностранной валютах за счет:
(i) средств, поступающих от оказания Институтом услуг по сертификации и других видов деятельности, не запрещенных законодательством;
(ii) средств, поступающих от оказания Институтом платных услуг государственным органам и другим организациям, субъектам предпринимательства на договорной основе, а также продажи (реализации) производимых технических средств;
(iii) благотворительных пожертвований;
(iv) иных источников, не запрещенных актами законодательства;
(б) средства Фонда используются на следующие цели:
(i) укрепление материально-технической базы и развитие библиотечного фонда Института;
(ii) покрытие учебных, научных, организационных и производственных расходов Института;
(iii) финансирование на постоянной основе научно-исследовательских и опытно-конструкторских проектов;
(iv) материальное и иное стимулирование работников;
(v) финансирование прочих расходов, не запрещенных законодательством;
(в) порядок формирования и использования средств Фонда определяется Кабинетом Министров.
9. Министерству юстиции в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
20 августа 2026 г.,
№ ПП- 300