📅 2026-yil 14-avgust · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 14 август · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 14 августа 2026 г. · Документы Центрального банка
Официальный текст. Официальный документ. Редакционные примечания не включены.
📅 14 August 2026 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқарувининг
Қарори
Очиқ валюта позициясини юритиш қоидаларига ўзгартиришлар киритиш ҳақида
Ўзбекистон Республикасининг «Ўзбекистон Республикасининг Марказий банки тўғрисида »ги ва «Банклар ва банк фаолияти тўғрисида »ги қонунларига мувофиқ Ўзбекистон Республикаси Марказий банки бошқаруви қарор қилади:
1. Ўзбекистон Республикаси Марказий банки бошқарувининг 2021 йил 30 апрелдаги 8/1-сон қарори (рўйхат рақами 3301, 2021 йил 7 май) (Қонунчилик маълумотлари миллий базаси, 07.05.2021 й.,10/21/3301/0451-сон) билан тасдиқланган Очиқ валюта позициясини юритиш қоидаларига иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан бир ойдан кейин кучга киради.
Ўзбекистон Республикаси Марказий банки бошқарувининг 2026 йил 14 августдаги 19/17-сон қарорига ИЛОВА
Очиқ валюта позициясини юритиш қоидаларига киритилаётган ўзгартиришлар
1. Муқаддима қуйидаги таҳрирда баён этилсин:
«Мазкур Қоидалар очиқ валюта позициялари лимитларини, уларни ҳисоблаш ҳамда банклар, шу жумладан исломий банк фаолиятини амалга оширувчи банклар (бундан буён матнда банк деб юритилади) томонидан очиқ валюта позициялари лимитларига риоя этилиши устидан назоратни амалга оширишнинг ўзига хос жиҳатларини белгилайди.».
2. 2-банднинг бешинчи хатбошиси қуйидаги таҳрирда баён этилсин:
«ҳисоб-китобларни амалга ошириш усули ва шаклидан қатъи назар чет эл валютасидаги ва базавий активи қимматбаҳо металл бўлган ҳосилавий (дериватив) молиявий воситалари (фьючерс, форвард, своп, опционлар ва бошқалар) билан боғлиқ операцияларни амалга ошириш натижасида чет эл валютасида ҳамда қимматбаҳо металл бўйича юзага келувчи талаб ва мажбуриятлар. Бунда своп битимлари бўйича очиқ валюта позициясини ҳисоблашда мазкур битимларни амалга ошириш натижасида юзага келадиган чет эл валютасидаги талаб ва мажбуриятлар ўртасидаги фарқ, шу жумладан своп битими бўйича ҳисобланган ва олиниши лозим бўлган даромадлар ёки ҳисобланган ва тўланиши лозим бўлган харажатлар очиқ валюта позициясининг ўзгаришига таъсир қилади;».
Раис Т. ИШМЕТОВ
Тошкент ш.,
2026 йил 14 август,
19/17-сон
Oʻzbekiston Respublikasi Markaziy banki boshqaruvining
Qarori
Ochiq valyuta pozitsiyasini yuritish qoidalariga oʻzgartirishlar kiritish haqida
Oʻzbekiston Respublikasining “Oʻzbekiston Respublikasining Markaziy banki toʻgʻrisida ”gi va “Banklar va bank faoliyati toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:
1. Oʻzbekiston Respublikasi Markaziy banki boshqaruvining 2021-yil 30-apreldagi 8/1-son qarori (roʻyxat raqami 3301, 2021-yil 7-may) (Qonunchilik maʼlumotlari milliy bazasi, 07.05.2021-y.,10/21/3301/0451-son) bilan tasdiqlangan Ochiq valyuta pozitsiyasini yuritish qoidalariga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran bir oydan keyin kuchga kiradi.
Oʻzbekiston Respublikasi Markaziy banki boshqaruvining 2026-yil 14-avgustdagi 19/17-son qaroriga ILOVA
Ochiq valyuta pozitsiyasini yuritish qoidalariga kiritilayotgan oʻzgartirishlar
1. Muqaddima quyidagi tahrirda bayon etilsin:
“Mazkur Qoidalar ochiq valyuta pozitsiyalari limitlarini, ularni hisoblash hamda banklar, shu jumladan islomiy bank faoliyatini amalga oshiruvchi banklar (bundan buyon matnda bank deb yuritiladi) tomonidan ochiq valyuta pozitsiyalari limitlariga rioya etilishi ustidan nazoratni amalga oshirishning oʻziga xos jihatlarini belgilaydi.”.
2. 2-bandning beshinchi xatboshisi quyidagi tahrirda bayon etilsin:
“hisob-kitoblarni amalga oshirish usuli va shaklidan qatʼi nazar chet el valyutasidagi va bazaviy aktivi qimmatbaho metall boʻlgan hosilaviy (derivativ) moliyaviy vositalari (fyuchers, forvard, svop, opsionlar va boshqalar) bilan bogʻliq operatsiyalarni amalga oshirish natijasida chet el valyutasida hamda qimmatbaho metall boʻyicha yuzaga keluvchi talab va majburiyatlar. Bunda svop bitimlari boʻyicha ochiq valyuta pozitsiyasini hisoblashda mazkur bitimlarni amalga oshirish natijasida yuzaga keladigan chet el valyutasidagi talab va majburiyatlar oʻrtasidagi farq, shu jumladan svop bitimi boʻyicha hisoblangan va olinishi lozim boʻlgan daromadlar yoki hisoblangan va toʻlanishi lozim boʻlgan xarajatlar ochiq valyuta pozitsiyasining oʻzgarishiga taʼsir qiladi;”.
Rais T. ISHMETOV
Toshkent sh.,
2026-yil 14 avgust,
19/17-son