📅 2026-yil 29-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 29 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2026 г. · Указы Президента
Официальный текст. Официальный документ. Редакционные примечания не включены.
📅 29 August 2026 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Халқаро тан олинган визаларга эга бўлган хорижий фуқаролар учун Ўзбекистон Республикасига кириш тартибини соддалаштириш тўғрисида
Ўзбекистон Республикасида амалга оширилаётган очиқлик сиёсатини изчил давом эттириш, виза тизимини соддалаштириш орқали тўғридан-тўғри хорижий инвестициялар ва сайёҳлар оқимини кўпайтириш, ушбу йўналишда илғор чет давлатлар тажрибаларини мамлакатимизда қўллаш ҳамда ўзаро ҳамкорликни кучайтириш мақсадида қарор қиламан:
1. 2026 йил 1 сентябрдан бошлаб Австралия, Америка Қўшма Штатлари, Буюк Британия ва Шимолий Ирландия Бирлашган Қироллиги, Канада, Корея Республикаси, Шенген келишуви иштирокчилари бўлган давлатлар, Янги Зеландия ва Япониянинг амалдаги кўп марталик бизнес ва туризм тоифасидаги кириш визасига эга бўлган ҳамда ўз ёки учинчи мамлакатга учиш авиачиптасини тақдим қилган Ҳиндистон Республикаси фуқаролари учун ушбу хорижий визалардан бирининг амал қилиш муддати мобайнида Ўзбекистон Республикаси ҳудудига кирган кундан эътиборан 30 кунгача бўлган муддатга визасиз режим амалиёти жорий этилсин.
2. Туризм қўмитаси Ташқи ишлар вазирлиги, бошқа манфаатдор вазирлик ва идоралар билан биргаликда 2027 йил 1 июлга қадар ушбу Фармоннинг ижроси натижаларини, шу жумладан, унинг ҳиндистонлик сайёҳлар оқимига таъсирини чуқур таҳлил қилсин ҳамда мазкур амалиётни бошқа хорижий давлатлар фуқаролари учун ҳам татбиқ этиш юзасидан Ўзбекистон Республикаси Президенти Администрациясига таклиф киритсин.
3. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи Г.О. Умерова зиммасига юклатилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 29 август,
ПФ-180-сон
Oʻzbekiston Respublikasi Prezidentining
Farmoni
Xalqaro tan olingan vizalarga ega boʻlgan xorijiy fuqarolar uchun Oʻzbekiston Respublikasiga kirish tartibini soddalashtirish toʻgʻrisida
Oʻzbekiston Respublikasida amalga oshirilayotgan ochiqlik siyosatini izchil davom ettirish, viza tizimini soddalashtirish orqali toʻgʻridan-toʻgʻri xorijiy investitsiyalar va sayyohlar oqimini koʻpaytirish, ushbu yoʻnalishda ilgʻor chet davlatlar tajribalarini mamlakatimizda qoʻllash hamda oʻzaro hamkorlikni kuchaytirish maqsadida qaror qilaman:
1. 2026-yil 1-sentabrdan boshlab Avstraliya, Amerika Qoʻshma Shtatlari, Buyuk Britaniya va Shimoliy Irlandiya Birlashgan Qirolligi, Kanada, Koreya Respublikasi, Shengen kelishuvi ishtirokchilari boʻlgan davlatlar, Yangi Zelandiya va Yaponiyaning amaldagi koʻp martalik biznes va turizm toifasidagi kirish vizasiga ega boʻlgan hamda oʻz yoki uchinchi mamlakatga uchish aviachiptasini taqdim qilgan Hindiston Respublikasi fuqarolari uchun ushbu xorijiy vizalardan birining amal qilish muddati mobaynida Oʻzbekiston Respublikasi hududiga kirgan kundan eʼtiboran 30 kungacha boʻlgan muddatga vizasiz rejim amaliyoti joriy etilsin.
2. Turizm qoʻmitasi Tashqi ishlar vazirligi, boshqa manfaatdor vazirlik va idoralar bilan birgalikda 2027-yil 1-iyulga qadar ushbu Farmonning ijrosi natijalarini, shu jumladan, uning hindistonlik sayyohlar oqimiga taʼsirini chuqur tahlil qilsin hamda mazkur amaliyotni boshqa xorijiy davlatlar fuqarolari uchun ham tatbiq etish yuzasidan Oʻzbekiston Respublikasi Prezidenti Administratsiyasiga taklif kiritsin.
3. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi G.O. Umerova zimmasiga yuklatilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 29-avgust,
PF-180-son
Президента Республики Узбекистан
Указ
Об упрощении порядка въезда в Республику Узбекистан для иностранных граждан, имеющих международно признанные визы
В целях последовательного продолжения политики открытости, реализуемой в Республике Узбекистан, увеличения притока прямых иностранных инвестиций и туристов путем упрощения визовой системы, применения в стране опыта передовых зарубежных государств и усиления взаимного сотрудничества в данном направлении постановляю:
1. Внедрить с 1 сентября 2026 года практику безвизового режима для граждан Республики Индия, имеющих действующие многократные въездные визы бизнес- и туристической категорий Австралии, Соединенных Штатов Америки, Объединенного Королевства Великобритании и Северной Ирландии, Канады, Республики Корея, государств-участников Шенгенского соглашения, Новой Зеландии и Японии, а также представивших авиабилет на перелет в свою либо третью страну, сроком до 30 дней начиная со дня въезда на территорию Республики Узбекистан в течение срока действия одной из данных иностранных виз.
2. Комитету по туризму совместно с Министерством иностранных дел, другими заинтересованными министерствами и ведомствами в срок до 1 июля 2027 года провести углубленный анализ результатов исполнения настоящего Указа, в частности его влияния на приток индийских туристов, а также внести в Администрацию Президента Республики Узбекистан предложение о применении данной практики также к гражданам других зарубежных государств.
3. Контроль за исполнением настоящего Указа возложить на Премьер-министра Республики Узбекистан А.Н. Арипова и начальника Департамента по креативной экономике и туризму Администрации Президента Республики Узбекистан Г.О. Умерову.
Президент Республики Узбекистан Ш. МИРЗИЁЕВ
г. Ташкент,
29 августа 2026 г.,
№ УП-180