UzbekAI

Ўзбекистон Республикаси Президентининг

қарори

Ички ишлар органларининг жамоат хавфсизлигини таъминлаш фаолиятига янгича ишлаш тизимини жорий этиш чора-тадбирлари тўғрисида

Мамлакатимизда аҳоли тинчлиги ва осойишталигини самарали таъминлаш, ҳуқуқбузарликларнинг барвақт олдини олиш, фуқароларнинг ҳуқуқ ва эркинларини ишончли ҳимоя қилиш учун ички ишлар органларининг жамоат хавфсизлигини таъминлаш фаолиятига янгича ишлаш тизимини жорий этиш орқали уни янада такомиллаштириш мақсадида қарор қиламан:

I. Асосий мақсадлар ва устувор йўналишлар

1. Қуйидагилар ушбу қарорнинг асосий мақсадлари этиб белгилансин:

(а) ички ишлар органлари профилактика инспекторларининг (кейинги ўринларда — профилактика инспекторлари) маҳаллаларда жиноятчиликни жиловлашдаги ролини оширган ҳолда, аҳолининг давлат томонидан жамоат хавфсизлигини таъминлаш соҳасида амалга оширилаётган чора-тадбирларга нисбатан ишончига эришиш;

(б) ички ишлар органларининг ҳуқуқбузарликлар профилактикасини ташкил этиш, жамоат тартибини сақлаш, йўл ҳаракати хавфсизлигини таъминлаш ҳамда пробация фаолиятини янгича узвий ҳамкорлик механизмлари асосида такомиллаштириш орқали жамоат хавфсизлигини таъминлаш тизимини трансформация қилиш;

(в) жамоат жойлари, маҳаллалар ва хонадонларда хавфсиз муҳитни яратиш ҳамда улардаги ҳар қандай ҳуқуқбузарлик ва ноқонуний ҳолатларга тезкорлик билан муносабат билдириш бўйича янгича ишлаш механизмларини йўлга қўйиш.

2. Ички ишлар органлари жамоат хавфсизлигини таъминлаш бўлинмаларининг фаолияти қуйидаги устувор ишлаш механизмлари асосида яхлит тизим сифатида ташкил этилсин:

(а) хизмат йўналиши ва хизмат ўташ ҳудудидан қатъий назар фуқароларнинг мурожаатлари ва хабарларига тезкорлик билан муносабат билдириш;

(б) аҳоли билан бевосита яқиндан ва очиқ мулоқотга киришиш ҳамда уларнинг ҳуқуқбузарликка сабаб бўлиши мумкин бўлган муаммоларини ҳал этишда кўмаклашиш;

(в) бевосита жойларнинг ўзида ҳуқуқбузарликларни содир этиш сабаб ва омилларини барвақт аниқлаш ва бартараф қилиш, хавф гуруҳига кирувчи шахслар билан кунлик асосда манзилли профилактик ишларни йўлга қўйиш.

II. Профилактика инспекторларининг ҳуқуқий мавқеини ва хизмат масъулиятини ошириш

3. Ички ишлар вазирлиги, Бош прокуратура ва Ўзбекистон маҳаллалари уюшмасининг қуйидагиларни назарда тутувчи таклифлари маъқуллансин:

(а) профилактика инспекторининг мақоми, ҳуқуқлари, мажбуриятлари, жавобгарлиги, хизматни ўташни ташкил этиш, фаолиятини бошқариш ва баҳолаш тартибларини, шунингдек, асосий кафолатларини белгилайдиган Ўзбекистон Республикасининг «Ички ишлар органлари профилактика инспекторининг мақоми тўғрисида»ги қонуни лойиҳасини ишлаб чиқиш ва белгиланган тартибда киритиш;

(б) профилактика инспекторининг хизмат вазифаларини бажаришига тўсқинлик қилганлик учун маъмурий жавобгарликни белгилаш;

(в) профилактика инспекторларига қуйидаги қўшимча ваколатларни бериш:

(i) кўриб чиқиш ваколати доирасидаги биринчи маротаба содир этилаётган 17 турдаги кам аҳамиятли маъмурий ҳуқуқбузарликлар тўғрисидаги ишлар бўйича маъмурий огоҳлантириш жазосини қўллаш;

(ii) йўл ҳаракати хавфсизлигини таъминлаш борасида маҳалла кўчалари ва йўлакларида йўл ҳаракати қоидалари бузилиши билан боғлиқ 4 турдаги маъмурий ҳуқуқбузарликлар бўйича маъмурий жазо қўллаш;

(iii) туман (шаҳар) ички ишлар органи бошлиғи ёки унинг ўринбосарларининг ваколатидаги 9 турдаги маъмурий ҳуқуқбузарликлар тўғрисидаги ишларни кўриб чиқиш ва маъмурий жазо қўллаш.

4. Маҳаллаларда хавфсиз муҳитни яратиш, ҳуқуқбузарликларнинг барвақт олдини олиш ва аҳоли билан яқиндан ишлаш бўйича ҳуқуқбузарликлар профилактикасини манзилли ташкил этишда шундай тартиб ўрнатилсинки, унга мувофиқ:

(а) профилактика инспектори касбий фаолиятининг устувор мақсади унга нисбатан аҳоли ишончининг юқори даражасига эришиш ҳамда хизмат жойида жиноятчиликни жиловлаш этиб белгиланади;

(б) профилактика инспекторларига уларнинг касбий фаолиятига доир вазифалардан ташқари қўшимча вазифалар белгиланиши, шунингдек, бевосита ёки тўғридан-тўғри бошлиқ бўлмаган бошқа раҳбарлар томонидан топшириқ ва кўрсатмалар берилишига йўл қўйилмайди;

(в) аҳоли томонидан овоз бериш тартибида профилактика инспекторининг касбий фаолиятига нисбатан «ишончсизлик ташаббуси»ни билдириш тизими жорий этилади ҳамда натижада унга нисбатан ички ишлар органлари хизматидан бўшатишгача бўлган жазо чораси қўлланилишига асослар яратилади;

(г) судлар томонидан профилактика инспекторларининг электрон шаклда юритилган маъмурий ҳуқуқбузарликлар тўғрисидаги ишлари бўйича заруратсиз қўшимча равишда қоғоз шаклидаги ҳужжатларни талаб этишга оид амалиёт бекор қилинади;

(д) тегишлича суриштирув ёки тергов органлари зиммасига тўлиқ масъулият юклатилиши таъминланган ҳолда, профилактика инспекторлари томонидан жиноят аломатлари яққол кўриниб турган ҳодисаларга оид ариза, хабарлар ва бошқа маълумотларнинг кўриб чиқилиши ҳамда терговга қадар текширув ўтказилиши тақиқланади;

(ж) ҳуқуқбузарликлар профилактикаси соҳасида кўп йиллик амалий тажрибага эга бўлиб, пенсияга чиққан профилактика инспекторларини, уларнинг розилиги билан, ўзи яшаётган маҳалласи ҳудудидаги профилактика инспекторларига мураббийлик қилиш ҳамда касбий фаолиятига кўмаклашишга жалб этишга рухсат берилади;

(з) маҳалла, таълим муассасалари, бозорлар, савдо комплекслари ва бошқа белгиланган объектларда жамоат хавфсизлигини таъминлашга қўшимча жалб этилаётган ҳуқуқ-тартибот органлари ходимларининг мазкур йўналишдаги ҳаракатлари ушбу хизмат жойидаги профилактика инспектори томонидан мувофиқлаштирилади, бундан қонунчилик ҳужжатларида белгиланган алоҳида ҳолатлар мустасно.

5. Белгилансинки, профилактика инспекторининг хизмат жойидаги касбий фаолияти натижадорлигини баҳолаш қуйидаги устувор мезонларга мувофиқ амалга оширилади:

(а) аҳолининг профилактика инспекторига ишончи даражаси;

(б) хавф гуруҳига кирувчи шахслар томонидан (аҳолининг ҳуқуқбузарликлар содир этишга мойил тоифаси) ёки уларга нисбатан (ҳуқуқбузарликдан жабрланиш хавфи бўлган тоифаси) жиноят содир этилиши даражаси;

(в) шахслар томонидан маъмурий ҳуқуқбузарликларни қайта содир этиш даражаси.

III. Профилактика инспектори фаолиятини рақамлаштириш

6. Ички ишлар вазирлиги (А. Ташпулатов) манфаатдор вазирлик ва идоралар билан биргаликда 2027 йил 1 августга қадар профилактика инспекторларининг фаолиятига ишлашнинг рақамли механизмларини кенг татбиқ қилиш мақсадида қуйидагиларни жорий этиш чораларини кўрсин:

(а) профилактика инспекторларининг ўз касбий фаолиятини самарали амалга оширишга ҳамда электрон маконда ўзаро ҳамкорлигини таъминлашга мўлжалланган ягона ахборот тизимини яратиш ҳамда ундан барча профилактика инспекторлари томонидан кунлик асосда фойдаланишни йўлга қўйиш;

(б) профилактика инспекторлари томонидан хизмат жойидаги хавф гуруҳига кирувчи шахслар рўйхатини юритиш ҳамда улар билан якка тартибдаги профилактик тадбирларни ўтказиш фаолиятини ягона ахборот тизими орқали қайд этиб бориш;

(в) аҳолига «Менинг инспекторим» мобил иловаси орқали профилактика инспекторига реал вақт режимида онлайн ариза, шикоят ва хабар юбориш ҳамда унинг фаолиятини баҳолаш имкониятини яратиш. Бунда:

(i) профилактика инспекторига мобил илова орқали реал вақт режимида юборилган ариза, шикоят ва хабарлар белгиланган тартибда кўриб чиқилади;

(ii) мобил илова орқали юборилган ариза, шикоят ва хабарларга зудлик билан муносабат билдирилмаган тақдирда, улар автоматик равишда «112» тизимига ўтказилади ва кўриб чиқилиши мажбурий ҳисобланади;

(г) профилактика инспекторларининг ички ишлар органларидаги хизматини кунлик ташкил этиш бўйича йиғилиш ва йўриқномаларни, қоида тариқасида, масофавий тартибда ўтказиш тизимини йўлга қўйиш;

(д) Бош прокуратура ва Соғлиқни сақлаш вазирлиги билан биргаликда содир этилган ҳуқуқбузарликлар бўйича ахборот тизими орқали электрон шаклда суд-тиббий экспертизасини тайинлаш ва экспертиза хулосасини олиш имкониятини яратиш;

(ж) мустақил таълим шаклида масофавий ўқитиш усуллари орқали профилактика инспекторларининг касбий билим даражасини ошириб бориш тартибини жорий этиш.

IV. Жамоат хавфсизлигини таъминлаш фаолиятини такомиллаштириш

7. Белгилансинки, жамоат тартибини сақлаш фаолиятининг самарадорлигини янада ошириш мақсадида 2026 йил 1 ноябрдан бошлаб:

(а) патруллик йўналишида бўлган ички ишлар органлари патруль-пост ва қўриқлаш хизматлари нарядлари томонидан «112» тизими орқали келиб тушган, нафақат жамоат жойларида, балки аҳоли яшаш хонадонларида содир этилган жиноят ва ҳодисалар тўғрисидаги хабарлар бўйича ҳам тезкорлик билан етиб бориш амалиёти йўлга қўйилади;

(б) жамоат тартибини сақлашга жалб этиладиган куч ва воситалардан комплекс фойдаланиш ва бошқариш режаси асосида патруллик йўналишлари маҳаллалардаги ички кўчаларни ҳам қамраб олади;

(в) 24/7 режимдаги гастрономик кўчаларда жамоат тартибини сақлаш ички ишлар органлари ва ҳудудий ҳокимликлар ўртасида тузиладиган шартнома асосида патруль-пост хизмати бўлинмалари томонидан амалга оширилади;

(г) оммавий тадбирларда жамоат тартибини бузган шахсларга нисбатан келгуси оммавий тадбирларга киришига вақтинча чеклов қўйилади.

8. «Ҳар хил вазифалар — ягона ваколат» тамойили асосида шундай тартиб ўрнатилсинки, унга мувофиқ:

(а) йўл ҳаракати хавфсизлигини таъминлашга доир қуйидаги айрим функция ва ваколатлар ички ишлар органларининг патруль-пост ҳамда қўриқлаш хизматларига ҳам берилади:

(i) йўналишдаги чорраҳалар, бозорлар, йирик савдо мажмуалари, таълим муассасалари атрофлари ҳамда марказий кўчаларида юзага келадиган тирбандликларни бартараф этиш;

(ii) йўлларда содир этилган ҳуқуқбузарлик ва жиноятларга дарҳол муносабат билдириш, уларнинг олдини олиш, жамоат тартибини сақлаш, жабрланувчиларга биринчи тиббий ёрдам кўрсатиш;

(б) жамоат тартибини сақлашга доир қуйидаги айрим функция ва ваколатлар ички ишлар органларининг йўл-патруль хизматига ҳам берилади:

(i) кўча ва жамоат жойларида содир этиладиган жамоат тартибига тажовуз қилувчи ҳуқуқбузарликларга чек қўйиш, уларни содир этаётган шахсларни таъқиб қилиш, ушлаш ҳамда ички ишлар органларига олиб бориш;

(ii) белгиланмаган жойларга қаттиқ маиший чиқиндиларни ва қурилиш чиқиндиларини ташлаш, шунингдек, суюқ маиший чиқиндиларни тўкиш ҳамда жамоат жойида алкоголь маҳсулотини истеъмол қилиш билан боғлиқ маъмурий ҳуқуқбузарликлар тўғрисидаги ишларни кўриб чиқиш ва маъмурий жазо қўллаш.

9. Белгилансинки, йўл ҳаракати хавфсизлигини таъминлаш фаолиятида рақамли технологиялар қамровини янада кенгайтириш мақсадида 2026 йил якунига қадар геоахборот технологияларидан фойдаланган ҳолда авария ва қоидабузарликлар ўчоқлари ҳамда хавфли йўл қисмлари ҳақидаги маълумотларни йиғиш, таҳлил қилиш ва визуал кўриш имкониятини берувчи «ягона электрон харита» яратилади.

V. Ёшлар ўртасидаги ҳуқуқбузарликларнинг барвақт олдини олиш

10. Ички ишлар органлари хотин-қизлар масалалари бўйича инспектор, вояга етмаганлар масалалари бўйича инспектор-психолог ва олий таълим ташкилотларидаги профилактика инспектори лавозимлари тегишинча хотин-қизлар масалалари бўйича профилактика инспектори, вояга етмаганлар масалалари бўйича профилактика инспектори ва ёшлар масалалари бўйича профилактика инспектори этиб қайта ташкил қилинсин ҳамда улар зиммасига мазкур тоифадаги хавф гуруҳига кирувчи шахслар томонидан ёки уларга нисбатан ҳуқуқбузарликлар содир этилишининг барвақт олдини олиш бўйича жойларда профилактик чораларни кўриш вазифаси юклансин.

11. Ички ишлар органларининг вояга етмаганларга ижтимоий-ҳуқуқий ёрдам кўрсатиш марказларига жойлаштирилган 14 ёшдан 18 ёшгача бўлган болалар Ёшлар ишлари агентлиги реестрига киритилган тақдирда уларга «Ёшлар дафтари» тизимида мавжуд ижтимоий хизматлар кўрсатилиши таъминлансин.

12. 2027 йил 1 мартга қадар Олий таълим, фан ва инновациялар вазирлиги Ички ишлар вазирлиги, Рақамли технологиялар вазирлиги билан биргаликда олий таълим муассасаларида талабалар билан манзилли ишлаш ва хавфсизлигини таъминлашга қаратилган «Хавфсиз даргоҳ — хавфсиз талаба» ахборот тизимини ишлаб чиқсин ва синов тариқасида пойтахтдаги йирик олий таълим муассасаларида жорий этиш чораларини кўрсин. Бунда, ушбу ахборот тизими фаолиятини ташкил этиш Ички ишлар вазирлигининг бюджетдан ташқари маблағлари, «Хавфсиз шаҳар» тизимларини ривожлантириш маркази» давлат муассасаси маблағлари ҳамда қонунчиликда тақиқланмаган бошқа манбалар ҳисобидан молиялаштирилиши белгилансин.

VI. Қарор ижросини ташкил этиш, таъминлаш ва назорат

13. Ички ишлар вазирлиги (Т. Исмаилов, Д. Саттаров, З. Курбанов):

(а) 2026 йил якунига қадар ички ишлар органларининг жамоат хавфсизлигини таъминлаш бўлинмалари ходимлари фаолияти самарадорлигини баҳолаш (KPI) мезонларини «Аҳолига хизмат кўрсатувчи тизим» тамойили асосида қайта кўриб чиқсин;

(б) уч ой муддатда ички ишлар органларининг жамоат хавфсизлигини таъминлаш бўлинмалари хизмат фаолиятини «Ҳар хил вазифалар — ягона ваколат» тизими асосида босқичма-босқич ташкил этиш чораларини кўрсин;

(в) 2026 йил 1 декабрга қадар хизматни ўташ хусусиятларидан келиб чиқиб, жамоат хавфсизлигини таъминлаш бўлинмалари учун ёши, антропометрик кўрсаткичлари, жисмоний ва жанговар тайёргарлиги бўйича алоҳида мезонларни, шунингдек, лавозимларни жамлаш ва кадрлар захирасини яратишда касб стандартлари, шу жумладан психологик бардошлилик, соғлиғи ва касбий билимларга нисбатан намунавий талабларни ишлаб чиқсин ҳамда қўлланишини 2027 йил 1 сентябрга қадар Тошкент шаҳар, Самарқанд, Фарғона ва Тошкент вилоятларида синовдан ўтказсин;

(г) Рақамли технологиялар вазирлиги билан биргаликда 2027 йил 1 августга қадар профилактика инспекторларининг ахборот тизимини яратсин, унга тегишли давлат органлари ва ташкилотларининг ахборот тизимларини интеграция қилсин ҳамда амалиётга тўлақонли жорий этсин;

(д) 2027 йил 1 августга қадар бошқа ҳудудларда содир этилган жамоат тартибига тажовуз қилувчи маъмурий ҳуқуқбузарликлар юзасидан ҳуқуқбузарнинг яшаш жойида унинг оила аъзолари ва «маҳалла еттилиги»ни хабардор қилиш тизимини ишга тушириш чораларини кўрсин;

(ж) уч ой муддатда манфаатдор вазирлик ва идоралар билан биргаликда мазкур қарор талабларидан келиб чиққан ҳолда амалдаги қонунчилик ҳужжатларига ўзгартириш ва қўшимчалар киритиш юзасидан Вазирлар Маҳкамасига таклиф киритсин.

14. Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департамент бошлиғи Д.Б. Кадиров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 4 сентябрь,

ПҚ-314-сон

(Қонунчилик маълумотлари миллий базаси, 05.09.2026 й., 07/26/314/0888-сон)

lex.uz

Oʻzbekiston Respublikasi Prezidentining

qarori

Ichki ishlar organlarining jamoat xavfsizligini taʼminlash faoliyatiga yangicha ishlash tizimini joriy etish chora-tadbirlari toʻgʻrisida

Mamlakatimizda aholi tinchligi va osoyishtaligini samarali taʼminlash, huquqbuzarliklarning barvaqt oldini olish, fuqarolarning huquq va erkinlarini ishonchli himoya qilish uchun ichki ishlar organlarining jamoat xavfsizligini taʼminlash faoliyatiga yangicha ishlash tizimini joriy etish orqali uni yanada takomillashtirish maqsadida qaror qilaman:

I. Asosiy maqsadlar va ustuvor yoʻnalishlar

1. Quyidagilar ushbu qarorning asosiy maqsadlari etib belgilansin:

(a) ichki ishlar organlari profilaktika inspektorlarining (keyingi oʻrinlarda — profilaktika inspektorlari) mahallalarda jinoyatchilikni jilovlashdagi rolini oshirgan holda, aholining davlat tomonidan jamoat xavfsizligini taʼminlash sohasida amalga oshirilayotgan chora-tadbirlarga nisbatan ishonchiga erishish;

(b) ichki ishlar organlarining huquqbuzarliklar profilaktikasini tashkil etish, jamoat tartibini saqlash, yoʻl harakati xavfsizligini taʼminlash hamda probatsiya faoliyatini yangicha uzviy hamkorlik mexanizmlari asosida takomillashtirish orqali jamoat xavfsizligini taʼminlash tizimini transformatsiya qilish;

(v) jamoat joylari, mahallalar va xonadonlarda xavfsiz muhitni yaratish hamda ulardagi har qanday huquqbuzarlik va noqonuniy holatlarga tezkorlik bilan munosabat bildirish boʻyicha yangicha ishlash mexanizmlarini yoʻlga qoʻyish.

2. Ichki ishlar organlari jamoat xavfsizligini taʼminlash boʻlinmalarining faoliyati quyidagi ustuvor ishlash mexanizmlari asosida yaxlit tizim sifatida tashkil etilsin:

(a) xizmat yoʻnalishi va xizmat oʻtash hududidan qatʼiy nazar fuqarolarning murojaatlari va xabarlariga tezkorlik bilan munosabat bildirish;

(b) aholi bilan bevosita yaqindan va ochiq muloqotga kirishish hamda ularning huquqbuzarlikka sabab boʻlishi mumkin boʻlgan muammolarini hal etishda koʻmaklashish;

(v) bevosita joylarning oʻzida huquqbuzarliklarni sodir etish sabab va omillarini barvaqt aniqlash va bartaraf qilish, xavf guruhiga kiruvchi shaxslar bilan kunlik asosda manzilli profilaktik ishlarni yoʻlga qoʻyish.

II. Profilaktika inspektorlarining huquqiy mavqeyini va xizmat masʼuliyatini oshirish

3. Ichki ishlar vazirligi, Bosh prokuratura va Oʻzbekiston mahallalari uyushmasining quyidagilarni nazarda tutuvchi takliflari maʼqullansin:

(a) profilaktika inspektorining maqomi, huquqlari, majburiyatlari, javobgarligi, xizmatni oʻtashni tashkil etish, faoliyatini boshqarish va baholash tartiblarini, shuningdek, asosiy kafolatlarini belgilaydigan Oʻzbekiston Respublikasining “Ichki ishlar organlari profilaktika inspektorining maqomi toʻgʻrisida”gi qonuni loyihasini ishlab chiqish va belgilangan tartibda kiritish;

(b) profilaktika inspektorining xizmat vazifalarini bajarishiga toʻsqinlik qilganlik uchun maʼmuriy javobgarlikni belgilash;

(v) profilaktika inspektorlariga quyidagi qoʻshimcha vakolatlarni berish:

(i) koʻrib chiqish vakolati doirasidagi birinchi marotaba sodir etilayotgan 17 turdagi kam ahamiyatli maʼmuriy huquqbuzarliklar toʻgʻrisidagi ishlar boʻyicha maʼmuriy ogohlantirish jazosini qoʻllash;

(ii) yoʻl harakati xavfsizligini taʼminlash borasida mahalla koʻchalari va yoʻlaklarida yoʻl harakati qoidalari buzilishi bilan bogʻliq 4 turdagi maʼmuriy huquqbuzarliklar boʻyicha maʼmuriy jazo qoʻllash;

(iii) tuman (shahar) ichki ishlar organi boshligʻi yoki uning oʻrinbosarlarining vakolatidagi 9 turdagi maʼmuriy huquqbuzarliklar toʻgʻrisidagi ishlarni koʻrib chiqish va maʼmuriy jazo qoʻllash.

4. Mahallalarda xavfsiz muhitni yaratish, huquqbuzarliklarning barvaqt oldini olish va aholi bilan yaqindan ishlash boʻyicha huquqbuzarliklar profilaktikasini manzilli tashkil etishda shunday tartib oʻrnatilsinki, unga muvofiq:

(a) profilaktika inspektori kasbiy faoliyatining ustuvor maqsadi unga nisbatan aholi ishonchining yuqori darajasiga erishish hamda xizmat joyida jinoyatchilikni jilovlash etib belgilanadi;

(b) profilaktika inspektorlariga ularning kasbiy faoliyatiga doir vazifalardan tashqari qoʻshimcha vazifalar belgilanishi, shuningdek, bevosita yoki toʻgʻridan-toʻgʻri boshliq boʻlmagan boshqa rahbarlar tomonidan topshiriq va koʻrsatmalar berilishiga yoʻl qoʻyilmaydi;

(v) aholi tomonidan ovoz berish tartibida profilaktika inspektorining kasbiy faoliyatiga nisbatan “ishonchsizlik tashabbusi”ni bildirish tizimi joriy etiladi hamda natijada unga nisbatan ichki ishlar organlari xizmatidan boʻshatishgacha boʻlgan jazo chorasi qoʻllanilishiga asoslar yaratiladi;

(g) sudlar tomonidan profilaktika inspektorlarining elektron shaklda yuritilgan maʼmuriy huquqbuzarliklar toʻgʻrisidagi ishlari boʻyicha zaruratsiz qoʻshimcha ravishda qogʻoz shaklidagi hujjatlarni talab etishga oid amaliyot bekor qilinadi;

(d) tegishlicha surishtiruv yoki tergov organlari zimmasiga toʻliq masʼuliyat yuklatilishi taʼminlangan holda, profilaktika inspektorlari tomonidan jinoyat alomatlari yaqqol koʻrinib turgan hodisalarga oid ariza, xabarlar va boshqa maʼlumotlarning koʻrib chiqilishi hamda tergovga qadar tekshiruv oʻtkazilishi taqiqlanadi;

(j) huquqbuzarliklar profilaktikasi sohasida koʻp yillik amaliy tajribaga ega boʻlib, pensiyaga chiqqan profilaktika inspektorlarini, ularning roziligi bilan, oʻzi yashayotgan mahallasi hududidagi profilaktika inspektorlariga murabbiylik qilish hamda kasbiy faoliyatiga koʻmaklashishga jalb etishga ruxsat beriladi;

(z) mahalla, taʼlim muassasalari, bozorlar, savdo komplekslari va boshqa belgilangan obyektlarda jamoat xavfsizligini taʼminlashga qoʻshimcha jalb etilayotgan huquq-tartibot organlari xodimlarining mazkur yoʻnalishdagi harakatlari ushbu xizmat joyidagi profilaktika inspektori tomonidan muvofiqlashtiriladi, bundan qonunchilik hujjatlarida belgilangan alohida holatlar mustasno.

5. Belgilansinki, profilaktika inspektorining xizmat joyidagi kasbiy faoliyati natijadorligini baholash quyidagi ustuvor mezonlarga muvofiq amalga oshiriladi:

(a) aholining profilaktika inspektoriga ishonchi darajasi;

(b) xavf guruhiga kiruvchi shaxslar tomonidan (aholining huquqbuzarliklar sodir etishga moyil toifasi) yoki ularga nisbatan (huquqbuzarlikdan jabrlanish xavfi boʻlgan toifasi) jinoyat sodir etilishi darajasi;

(v) shaxslar tomonidan maʼmuriy huquqbuzarliklarni qayta sodir etish darajasi.

III. Profilaktika inspektori faoliyatini raqamlashtirish

6. Ichki ishlar vazirligi (A. Tashpulatov) manfaatdor vazirlik va idoralar bilan birgalikda 2027-yil 1-avgustga qadar profilaktika inspektorlarining faoliyatiga ishlashning raqamli mexanizmlarini keng tatbiq qilish maqsadida quyidagilarni joriy etish choralarini koʻrsin:

(a) profilaktika inspektorlarining oʻz kasbiy faoliyatini samarali amalga oshirishga hamda elektron makonda oʻzaro hamkorligini taʼminlashga moʻljallangan yagona axborot tizimini yaratish hamda undan barcha profilaktika inspektorlari tomonidan kunlik asosda foydalanishni yoʻlga qoʻyish;

(b) profilaktika inspektorlari tomonidan xizmat joyidagi xavf guruhiga kiruvchi shaxslar roʻyxatini yuritish hamda ular bilan yakka tartibdagi profilaktik tadbirlarni oʻtkazish faoliyatini yagona axborot tizimi orqali qayd etib borish;

(v) aholiga “Mening inspektorim” mobil ilovasi orqali profilaktika inspektoriga real vaqt rejimida onlayn ariza, shikoyat va xabar yuborish hamda uning faoliyatini baholash imkoniyatini yaratish. Bunda:

(i) profilaktika inspektoriga mobil ilova orqali real vaqt rejimida yuborilgan ariza, shikoyat va xabarlar belgilangan tartibda koʻrib chiqiladi;

(ii) mobil ilova orqali yuborilgan ariza, shikoyat va xabarlarga zudlik bilan munosabat bildirilmagan taqdirda, ular avtomatik ravishda “112” tizimiga oʻtkaziladi va koʻrib chiqilishi majburiy hisoblanadi;

(g) profilaktika inspektorlarining ichki ishlar organlaridagi xizmatini kunlik tashkil etish boʻyicha yigʻilish va yoʻriqnomalarni, qoida tariqasida, masofaviy tartibda oʻtkazish tizimini yoʻlga qoʻyish;

(d) Bosh prokuratura va Sogʻliqni saqlash vazirligi bilan birgalikda sodir etilgan huquqbuzarliklar boʻyicha axborot tizimi orqali elektron shaklda sud-tibbiy ekspertizasini tayinlash va ekspertiza xulosasini olish imkoniyatini yaratish;

(j) mustaqil taʼlim shaklida masofaviy oʻqitish usullari orqali profilaktika inspektorlarining kasbiy bilim darajasini oshirib borish tartibini joriy etish.

IV. Jamoat xavfsizligini taʼminlash faoliyatini takomillashtirish

7. Belgilansinki, jamoat tartibini saqlash faoliyatining samaradorligini yanada oshirish maqsadida 2026-yil 1-noyabrdan boshlab:

(a) patrullik yoʻnalishida boʻlgan ichki ishlar organlari patrul-post va qoʻriqlash xizmatlari naryadlari tomonidan “112” tizimi orqali kelib tushgan, nafaqat jamoat joylarida, balki aholi yashash xonadonlarida sodir etilgan jinoyat va hodisalar toʻgʻrisidagi xabarlar boʻyicha ham tezkorlik bilan yetib borish amaliyoti yoʻlga qoʻyiladi;

(b) jamoat tartibini saqlashga jalb etiladigan kuch va vositalardan kompleks foydalanish va boshqarish rejasi asosida patrullik yoʻnalishlari mahallalardagi ichki koʻchalarni ham qamrab oladi;

(v) 24/7 rejimdagi gastronomik koʻchalarda jamoat tartibini saqlash ichki ishlar organlari va hududiy hokimliklar oʻrtasida tuziladigan shartnoma asosida patrul-post xizmati boʻlinmalari tomonidan amalga oshiriladi;

(g) ommaviy tadbirlarda jamoat tartibini buzgan shaxslarga nisbatan kelgusi ommaviy tadbirlarga kirishiga vaqtincha cheklov qoʻyiladi.

8. “Har xil vazifalar — yagona vakolat” tamoyili asosida shunday tartib oʻrnatilsinki, unga muvofiq:

(a) yoʻl harakati xavfsizligini taʼminlashga doir quyidagi ayrim funksiya va vakolatlar ichki ishlar organlarining patrul-post hamda qoʻriqlash xizmatlariga ham beriladi:

(i) yoʻnalishdagi chorrahalar, bozorlar, yirik savdo majmualari, taʼlim muassasalari atroflari hamda markaziy koʻchalarida yuzaga keladigan tirbandliklarni bartaraf etish;

(ii) yoʻllarda sodir etilgan huquqbuzarlik va jinoyatlarga darhol munosabat bildirish, ularning oldini olish, jamoat tartibini saqlash, jabrlanuvchilarga birinchi tibbiy yordam koʻrsatish;

(b) jamoat tartibini saqlashga doir quyidagi ayrim funksiya va vakolatlar ichki ishlar organlarining yoʻl-patrul xizmatiga ham beriladi:

(i) koʻcha va jamoat joylarida sodir etiladigan jamoat tartibiga tajovuz qiluvchi huquqbuzarliklarga chek qoʻyish, ularni sodir etayotgan shaxslarni taʼqib qilish, ushlash hamda ichki ishlar organlariga olib borish;

(ii) belgilanmagan joylarga qattiq maishiy chiqindilarni va qurilish chiqindilarini tashlash, shuningdek, suyuq maishiy chiqindilarni toʻkish hamda jamoat joyida alkogol mahsulotini isteʼmol qilish bilan bogʻliq maʼmuriy huquqbuzarliklar toʻgʻrisidagi ishlarni koʻrib chiqish va maʼmuriy jazo qoʻllash.

9. Belgilansinki, yoʻl harakati xavfsizligini taʼminlash faoliyatida raqamli texnologiyalar qamrovini yanada kengaytirish maqsadida 2026-yil yakuniga qadar geoaxborot texnologiyalaridan foydalangan holda avariya va qoidabuzarliklar oʻchoqlari hamda xavfli yoʻl qismlari haqidagi maʼlumotlarni yigʻish, tahlil qilish va vizual koʻrish imkoniyatini beruvchi “yagona elektron xarita” yaratiladi.

V. Yoshlar oʻrtasidagi huquqbuzarliklarning barvaqt oldini olish

10. Ichki ishlar organlari xotin-qizlar masalalari boʻyicha inspektor, voyaga yetmaganlar masalalari boʻyicha inspektor-psixolog va oliy taʼlim tashkilotlaridagi profilaktika inspektori lavozimlari tegishincha xotin-qizlar masalalari boʻyicha profilaktika inspektori, voyaga yetmaganlar masalalari boʻyicha profilaktika inspektori va yoshlar masalalari boʻyicha profilaktika inspektori etib qayta tashkil qilinsin hamda ular zimmasiga mazkur toifadagi xavf guruhiga kiruvchi shaxslar tomonidan yoki ularga nisbatan huquqbuzarliklar sodir etilishining barvaqt oldini olish boʻyicha joylarda profilaktik choralarni koʻrish vazifasi yuklansin.

11. Ichki ishlar organlarining voyaga yetmaganlarga ijtimoiy-huquqiy yordam koʻrsatish markazlariga joylashtirilgan 14 yoshdan 18 yoshgacha boʻlgan bolalar Yoshlar ishlari agentligi reyestriga kiritilgan taqdirda ularga “Yoshlar daftari” tizimida mavjud ijtimoiy xizmatlar koʻrsatilishi taʼminlansin.

12. 2027-yil 1-martga qadar Oliy taʼlim, fan va innovatsiyalar vazirligi Ichki ishlar vazirligi, Raqamli texnologiyalar vazirligi bilan birgalikda oliy taʼlim muassasalarida talabalar bilan manzilli ishlash va xavfsizligini taʼminlashga qaratilgan “Xavfsiz dargoh — xavfsiz talaba” axborot tizimini ishlab chiqsin va sinov tariqasida poytaxtdagi yirik oliy taʼlim muassasalarida joriy etish choralarini koʻrsin. Bunda, ushbu axborot tizimi faoliyatini tashkil etish Ichki ishlar vazirligining budjetdan tashqari mablagʻlari, “Xavfsiz shahar” tizimlarini rivojlantirish markazi” davlat muassasasi mablagʻlari hamda qonunchilikda taqiqlanmagan boshqa manbalar hisobidan moliyalashtirilishi belgilansin.

VI. Qaror ijrosini tashkil etish, taʼminlash va nazorat

13. Ichki ishlar vazirligi (T. Ismailov, D. Sattarov, Z. Kurbanov):

(a) 2026-yil yakuniga qadar ichki ishlar organlarining jamoat xavfsizligini taʼminlash boʻlinmalari xodimlari faoliyati samaradorligini baholash (KPI) mezonlarini “Aholiga xizmat koʻrsatuvchi tizim” tamoyili asosida qayta koʻrib chiqsin;

(b) uch oy muddatda ichki ishlar organlarining jamoat xavfsizligini taʼminlash boʻlinmalari xizmat faoliyatini “Har xil vazifalar — yagona vakolat” tizimi asosida bosqichma-bosqich tashkil etish choralarini koʻrsin;

(v) 2026-yil 1-dekabrga qadar xizmatni oʻtash xususiyatlaridan kelib chiqib, jamoat xavfsizligini taʼminlash boʻlinmalari uchun yoshi, antropometrik koʻrsatkichlari, jismoniy va jangovar tayyorgarligi boʻyicha alohida mezonlarni, shuningdek, lavozimlarni jamlash va kadrlar zaxirasini yaratishda kasb standartlari, shu jumladan psixologik bardoshlilik, sogʻligʻi va kasbiy bilimlarga nisbatan namunaviy talablarni ishlab chiqsin hamda qoʻllanishini 2027-yil 1-sentabrga qadar Toshkent shahar, Samarqand, Fargʻona va Toshkent viloyatlarida sinovdan oʻtkazsin;

(g) Raqamli texnologiyalar vazirligi bilan birgalikda 2027-yil 1-avgustga qadar profilaktika inspektorlarining axborot tizimini yaratsin, unga tegishli davlat organlari va tashkilotlarining axborot tizimlarini integratsiya qilsin hamda amaliyotga toʻlaqonli joriy etsin;

(d) 2027-yil 1-avgustga qadar boshqa hududlarda sodir etilgan jamoat tartibiga tajovuz qiluvchi maʼmuriy huquqbuzarliklar yuzasidan huquqbuzarning yashash joyida uning oila aʼzolari va “mahalla yettiligi”ni xabardor qilish tizimini ishga tushirish choralarini koʻrsin;

(j) uch oy muddatda manfaatdor vazirlik va idoralar bilan birgalikda mazkur qaror talablaridan kelib chiqqan holda amaldagi qonunchilik hujjatlariga oʻzgartirish va qoʻshimchalar kiritish yuzasidan Vazirlar Mahkamasiga taklif kiritsin.

14. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departament boshligʻi D.B. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 4-sentabr,

PQ-314-son

(Qonunchilik maʼlumotlari milliy bazasi, 05.09.2026-y., 07/26/314/0888-son)

lex.uz

Президента Республики Узбекистан

Постановление

О мерах по внедрению новой системы работы в деятельность органов внутренних дел по обеспечению общественной безопасности

В целях дальнейшего совершенствования деятельности органов внутренних дел по обеспечению общественной безопасности путем внедрения новой системы работы для эффективного обеспечения мира и благополучия населения в стране, раннего предупреждения правонарушений, надежной защиты прав и свобод граждан постановляю:

I. Основные цели и приоритетные направления

1. Определить основными целями настоящего постановления:

(а) повышение роли инспекторов по профилактике органов внутренних дел (далее — инспекторы по профилактике) в сдерживании преступности в махаллях, достижение доверия населения к мерам, реализуемым государством в сфере обеспечения общественной безопасности;

(б) трансформацию системы обеспечения общественной безопасности путем совершенствования деятельности органов внутренних дел по организации профилактики правонарушений, охране общественного порядка, обеспечению безопасности дорожного движения, а также пробации на основе новых механизмов тесного взаимодействия;

(в) создание безопасной среды в общественных местах, махаллях и домохозяйствах, а также внедрение новых механизмов работы по оперативному реагированию на любые правонарушения и незаконные действия в них.

2. Организовать деятельность подразделений обеспечения общественной безопасности органов внутренних дел в качестве целостной системы на основе следующих приоритетных механизмов работы:

(а) оперативное реагирование на обращения и сообщения граждан независимо от направления службы и территории прохождения службы;

(б) вступление в непосредственный и открытый диалог с населением и оказание содействия в решении его проблем, которые могут стать причиной правонарушений;

(в) раннее выявление и устранение причин и факторов совершения правонарушений непосредственно на местах, налаживание на ежедневной основе адресной профилактической работы с лицами, входящими в группу риска.

II. Повышение правового статуса и служебной ответственности инспекторов по профилактике

3. Одобрить следующие предложения Министерства внутренних дел, Генеральной прокуратуры и Ассоциации махаллей Узбекистана, предусматривающие:

(а) разработку и внесение в установленном порядке проекта закона Республики Узбекистан «О статусе инспектора по профилактике органов внутренних дел», определяющего статус, права, обязанности, ответственность, порядок организации прохождения службы, управления и оценки деятельности, а также основные гарантии инспектора по профилактике;

(б) установление административной ответственности за воспрепятствование исполнению инспектором по профилактике служебных обязанностей;

(в) предоставление инспекторам по профилактике следующих дополнительных полномочий:

(i) применение в пределах полномочий административного взыскания в виде предупреждения по делам о 17 видах впервые совершаемых малозначительных административных правонарушений;

(ii) применение административного взыскания по 4 видам административных правонарушений, связанных с нарушением правил дорожного движения на улицах и тротуарах махаллей, в части обеспечения безопасности дорожного движения;

(iii) рассмотрение и применение административных взысканий по 9 видам дел об административных правонарушениях, отнесенных к полномочиям начальника районного (городского) органа внутренних дел или его заместителей.

4. Установить порядок адресной организации профилактики правонарушений по созданию безопасной среды в махаллях, раннему предупреждению правонарушений и тесной работе с населением, в соответствии с которым:

(а) приоритетной целью профессиональной деятельности инспектора по профилактике определяется достижение высокого уровня доверия населения к нему и сдерживание преступности на месте несения службы;

(б) не допускается назначение инспекторам по профилактике дополнительных задач, помимо обязанностей, связанных с их профессиональной деятельностью, а также дача поручений и указаний другими руководителями, не являющимися их непосредственными или прямыми начальниками;

(в) внедряется система выражения «инициативы недоверия» к профессиональной деятельности инспектора по профилактике в порядке голосования населением, а также в результате этого создаются основания для применения к нему меры наказания вплоть до увольнения со службы в органах внутренних дел;

(г) отменяется практика истребования судами без необходимости дополнительных документов в бумажной форме по делам об административных правонарушениях, производство которых осуществлялось инспекторами по профилактике в электронной форме;

(д) запрещается рассмотрение и проведение доследственной проверки инспекторами по профилактике заявлений, сообщений и иных сведений о событиях, имеющих явные признаки преступлений, с обеспечением возложения полной ответственности на органы дознания или следствия соответственно;

(ж) разрешается привлечение вышедших на пенсию инспекторов по профилактике, имеющих многолетний практический опыт в сфере профилактики правонарушений, с их согласия к наставничеству и оказанию содействия в профессиональной деятельности инспекторов по профилактике на территории махалли, в которой они проживают;

(з) действия сотрудников правоохранительных органов в данном направлении, дополнительно привлекаемых к обеспечению общественной безопасности в махалле, образовательных учреждениях, на рынках, в торговых комплексах и на других установленных объектах, координируются инспектором по профилактике по месту несения службы, за исключением отдельных случаев, установленных актами законодательства.

5. Установить, что оценка результативности профессиональной деятельности инспектора по профилактике по месту несения службы осуществляется в соответствии со следующими приоритетными критериями:

(а) уровень доверия населения к инспектору по профилактике;

(б) степень совершения преступления лицами, входящими в группу риска (категория населения, склонная к совершению правонарушений), или в отношении них (категория, подверженная риску стать жертвой правонарушения);

(в) степень повторного совершения лицами административных правонарушений.

III. Цифровизация деятельности инспектора по профилактике

6. Министерству внутренних дел (А. Ташпулатов) совместно с заинтересованными министерствами и ведомствами в срок до 1 августа 2027 года в целях широкого внедрения в деятельность инспекторов по профилактике цифровых механизмов работы принять меры по:

(а) созданию единой информационной системы, предназначенной для эффективного осуществления профессиональной деятельности инспекторов по профилактике и обеспечения их взаимодействия в электронном пространстве, а также налаживанию ее использования всеми инспекторами по профилактике на ежедневной основе;

(б) ведению инспекторами по профилактике списка лиц, входящих в группу риска по месту несения службы, и регистрации деятельности по проведению с ними индивидуальных профилактических мероприятий через единую информационную систему;

(в) созданию для населения возможности направления онлайн-заявления, жалобы и сообщения инспектору по профилактике в режиме реального времени через мобильное приложение «Менинг инспекторим», а также оценки его деятельности. При этом:

(i) заявления, жалобы и сообщения, направленные инспектору по профилактике через мобильное приложение в режиме реального времени, рассматриваются в установленном порядке;

(ii) в случае отсутствия незамедлительного реагирования на заявления, жалобы и сообщения, отправленные через мобильное приложение, они автоматически переводятся в систему «112» и подлежат рассмотрению;

(г) налаживанию системы проведения совещаний и инструктажей по повседневной организации службы инспекторов по профилактике в органах внутренних дел, как правило, в дистанционном порядке;

(д) созданию совместно с Генеральной прокуратурой и Министерством здравоохранения возможности назначения судебно-медицинской экспертизы по совершенным правонарушениям и получения заключения экспертизы в электронной форме через информационную систему;

(ж) внедрению порядка повышения уровня профессиональных знаний инспекторов по профилактике посредством методов дистанционного обучения в форме самостоятельного обучения.

IV. Совершенствование деятельности по обеспечению общественной безопасности

7. Установить, что в целях дальнейшего повышения эффективности деятельности по охране общественного порядка начиная с 1 ноября 2026 года:

(а) налаживается практика оперативного прибытия нарядов патрульно-постовой и охранной служб органов внутренних дел, находящихся на патрульном направлении, по сообщениям о преступлениях и происшествиях, совершенных не только в общественных местах, но и в жилых домах населения, поступившим посредством системы «112»;

(б) на основе плана комплексного использования и управления силами и средствами, привлекаемыми для охраны общественного порядка, маршруты патрулирования охватывают также внутренние улицы в махаллях;

(в) охрана общественного порядка на гастрономических улицах в режиме 24/7 осуществляется подразделениями патрульно-постовой службы на основании договора, заключаемого между органами внутренних дел и территориальными хокимиятами;

(г) лицам, нарушившим общественный порядок на массовых мероприятиях, временно ограничивается вход на предстоящие массовые мероприятия.

8. На основе принципа «Разные задачи — единое полномочие» установить порядок, в соответствии с которым:

(а) следующие отдельные функции и полномочия по обеспечению безопасности дорожного движения предоставляются также патрульно-постовым и охранным службам органов внутренних дел:

(i) устранение пробок, возникающих на перекрестках, рынках, в крупных торговых комплексах, вблизи образовательных учреждений и на центральных улицах по маршруту следования;

(ii) незамедлительное реагирование на правонарушения и преступления, совершенные на дорогах, их предупреждение, охрана общественного порядка, оказание первой медицинской помощи пострадавшим;

(б) следующие отдельные функции и полномочия по охране общественного порядка предоставляются также дорожно-патрульной службе органов внутренних дел:

(i) пресечение правонарушений, посягающих на общественный порядок, совершаемых на улицах и в общественных местах, преследование, задержание и доставление в органы внутренних дел лиц, их совершающих;

(ii) рассмотрение дел об административных правонарушениях и применение административных взысканий, связанных с выбросом твердых бытовых отходов и строительного мусора в неустановленных местах, а также со сливом жидких бытовых отходов и употреблением алкогольной продукции в общественном месте.

9. Установить, что в целях дальнейшего расширения охвата цифровых технологий в деятельности по обеспечению безопасности дорожного движения до конца 2026 года будет создана «единая электронная карта», предоставляющая возможность сбора, анализа и визуального просмотра информации об очагах аварий и правонарушений, а также опасных участках дорог с использованием геоинформационных технологий.

V. Ранняя профилактика правонарушений среди молодежи

10. Преобразовать должности инспектора по вопросам женщин, инспектора-психолога по вопросам несовершеннолетних и инспектора по профилактике в высших образовательных организациях органов внутренних дел соответственно в должности инспектора профилактики по вопросам женщин, инспектора профилактики по вопросам несовершеннолетних и инспектора профилактики по вопросам молодежи, возложив на них задачу по принятию на местах профилактических мер по раннему предупреждению совершения правонарушений лицами вышеуказанных категорий, относящимися к группе риска, или в отношении них.

11. В случае включения детей в возрасте от 14 до 18 лет, помещенных в центры социально-правовой помощи несовершеннолетним органов внутренних дел, в реестр Агентства по делам молодежи обеспечить оказание им социальных услуг, имеющихся в системе «Молодежная тетрадь».

12. Министерству высшего образования, науки и инноваций совместно с Министерством внутренних дел и Министерством цифровых технологий в срок до 1 марта 2027 года разработать информационную систему «Хавфсиз даргох — хавфсиз талаба», направленную на адресную работу со студентами и обеспечение их безопасности в высших образовательных учреждениях, и принять меры по ее внедрению в крупных высших образовательных учреждениях столицы в качестве эксперимента. При этом определить, что организация деятельности данной информационной системы финансируется за счет внебюджетных средств Министерства внутренних дел, средств государственного учреждения «Центр развития систем «Безопасный город» и иных источников, не запрещенных законодательством.

VI. Организация, обеспечение и контроль исполнения постановления

13. Министерству внутренних дел (Т. Исмаилов, Д. Саттаров, З. Курбанов):

(а) до конца 2026 года пересмотреть на основе принципа «Система по оказанию услуг населению» критерии оценки эффективности деятельности (KPI) сотрудников подразделений обеспечения общественной безопасности органов внутренних дел;

(б) в трехмесячный срок принять меры по поэтапной организации служебной деятельности подразделений обеспечения общественной безопасности органов внутренних дел на основе системы «Разные задачи — единое полномочие»;

(в) в срок до 1 декабря 2026 года исходя из специфики прохождения службы разработать для подразделений обеспечения общественной безопасности отдельные критерии по возрасту, антропометрическим показателям, физической и боевой подготовке, а также профессиональные стандарты комплектования должностей и создания кадрового резерва, в том числе типовые требования к психологической устойчивости, здоровью и профессиональным знаниям, и в срок до 1 сентября 2027 года апробировать их в городе Ташкенте, Самаркандской, Ферганской и Ташкентской областях;

(г) совместно с Министерством цифровых технологий в срок до 1 августа 2027 года создать информационную систему инспекторов по профилактике, интегрировать ее с информационными системами соответствующих государственных органов и организаций с полноценным внедрением в практику;

(д) в срок до 1 августа 2027 года принять меры по запуску системы уведомления членов семьи правонарушителя и «махаллинскую семерку» по месту его жительства об административных правонарушениях, посягающих на общественный порядок, совершенных в других регионах;

(ж) в трехмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, исходя из требований настоящего постановления.

14. Контроль за исполнением настоящего постановления возложить на Премьер-министра Республики Узбекистан А.Н. Арипова и начальника департамента Администрации Президента Республики Узбекистан Д.Б. Кадирова.

Президент Республики Узбекистан Ш. МИРЗИЁЕВ

г. Ташкент,

4 сентября 2026 г.,

№ ПП-314

(Национальная база данных законодательства, 05.09.2026 г., № 07/26/314/0888)

lex.uz