📅 2026-yil 5-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 5 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 5 September 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
ТАВСИФИ
ТАВСИФИ
«Интеллектуал мулк соҳасини ривожлантиришга қўшган ҳиссаси учун» кўкрак нишонини таъсис этиш тўғрисида
Ўзбекистон Республикаси Президентининг «Интеллектуал фаолият натижаларини рағбатлантириш ҳамда соҳага замонавий ахборот-коммуникация технологияларини жорий этишни кенгайтиришга оид қўшимча чора-тадбирлар тўғрисида» 2025 йил 27 ноябрдаги ПҚ-358-сон қарори ижросини таъминлаш, шунингдек, интеллектуал мулк соҳасини ривожлантиришга муносиб ҳисса қўшган фуқароларни рағбатлантириш мақсадида Вазирлар Маҳкамаси қарор қилади:
1. «Интеллектуал мулк соҳасини ривожлантиришга қўшган ҳиссаси учун» кўкрак нишони таъсис этилсин.
2. Қуйидагилар:
«Интеллектуал мулк соҳасини ривожлантиришга қўшган ҳиссаси учун» кўкрак нишони тўғрисидаги низом 1-иловага мувофиқ;
«Интеллектуал мулк соҳасини ривожлантиришга қўшган ҳиссаси учун» кўкрак нишони ва унинг гувоҳномаси тавсифлари 2 ва 3-иловаларга мувофиқ тасдиқлансин.
3. «Интеллектуал мулк соҳасини ривожлантиришга қўшган ҳиссаси учун» кўкрак нишони ва унинг гувоҳномаси Адлия вазирлигининг буюртмасига асосан «Давлат белгиси» МЧЖ томонидан белгиланган тартибда тайёрланиши таъминлансин.
4. «Интеллектуал мулк соҳасини ривожлантиришга қўшган ҳиссаси учун» кўкрак нишони ва унинг гувоҳномасини тайёрлаш ҳамда мукофотланганларни тақдирлаш билан боғлиқ харажатлар Адлия вазирлигининг бюджетдан ташқари Адлия органлари ва муассасаларини ривожлантириш жамғармаси маблағлари ҳисобидан қопланиши инобатга олинсин.
5. Адлия вазирлиги «Интеллектуал мулк соҳасини ривожлантиришга қўшган ҳиссаси учун» кўкрак нишони ҳар йили 26 апрель — Халқаро интеллектуал мулк куни арафасида тантанали равишда топширилишини таъминласин.
6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда адлия вазири А.Ж. Ташкулов зиммасига юклансин.
Вазирлар Маҳкамасининг 2026 йил 5 сентябрдаги 471-сон қарорига 1-ИЛОВА
«Интеллектуал мулк соҳасини ривожлантиришга қўшган ҳиссаси учун» кўкрак нишони тўғрисида
1-боб. Умумий қоидалар
1. Ушбу Низом «Интеллектуал мулк соҳасини ривожлантиришга қўшган ҳиссаси учун» кўкрак нишони (кейинги ўринларда — кўкрак нишони) билан тақдирлаш тартибини белгилайди.
2. Кўкрак нишони билан мамлакатимизда интеллектуал мулк соҳасини ривожлантиришга, интеллектуал мулк объектларининг ҳуқуқий ҳимоясини таъминлашга, шунингдек, аҳолида интеллектуал фаолият натижаларига ҳурмат ҳиссини шакллантиришга муносиб ҳисса қўшган давлат ташкилотлари ва нодавлат ташкилотлар ходимлари, халқаро ташкилотлар вакиллари ҳамда тадбиркорлик субъектлари тақдирланади.
2-боб. Кўкрак нишони билан тақдирлаш учун ҳужжатларни тақдим этиш ва кўриб чиқиш
3. Кўкрак нишони билан тақдирлаш ушбу Низомга иловада келтирилган схемага мувофиқ амалга оширилади.
4. Кўкрак нишони билан тақдирлашга оид таклифлар ташкилий-ҳуқуқий шаклидан қатъи назар, давлат ташкилотлари, нодавлат ташкилотлар ҳамда тадбиркорлик субъектлари томонидан ҳар йили 1 январдан 1 мартга қадар Ўзбекистон Республикаси Адлия вазирлигига (кейинги ўринларда — вазирлик) тақдим этилади.
5. Кўкрак нишони билан тақдирлаш бўйича таклифларга номзодлар ҳақида қуйидаги ҳужжатлар илова қилинади:
номзод ҳақида маълумотнома;
номзоднинг шахсини тасдиқловчи ҳужжат нусхаси (фуқаролик паспорти ёки ID-карта);
номзоднинг сўнгги уч йил давомида интеллектуал мулк соҳасини ривожлантириш борасидаги амалий ишлари акс эттирилган тавсифнома.
6. Кўкрак нишони билан тақдирлашга оид таклифларни кўриб чиқиш учун Ўзбекистон Республикаси адлия вазири (кейинги ўринларда — вазир) томонидан соҳада кўп йиллик тажрибага эга бўлган беш кишидан иборат таркибда комиссия (кейинги ўринларда — Комиссия) ташкил этилади.
Комиссия таркибига олий таълим, илмий-тадқиқот муассасалари, нодавлат нотижорат ташкилотлари вакилларидан иборат экспертлар киритилиши мумкин.
7. Комиссия таркиби вазир томонидан тасдиқланади.
8. Комиссия томонидан номзодларни кўкрак нишони билан тақдирлашда қуйидагилар инобатга олинади:
интеллектуал мулк соҳасини ривожлантириш бўйича давлат дастурларини, норматив-ҳуқуқий ҳужжатлар лойиҳаларини ишлаб чиқишда иштирок этганлиги;
интеллектуал мулк объектлари яратилишини қўллаб-қувватлаш борасидаги фаолияти;
интеллектуал мулк объектларининг ҳуқуқий ҳимоясини таъминлашда фаол иштирок этганлиги;
жамиятда интеллектуал фаолият натижаларига ҳурмат ҳиссини шакллантиришга қўшган ҳиссаси;
интеллектуал мулк соҳасида халқаро ҳамкорликни ривожлантиришда, шу жумладан, интеллектуал мулк соҳасида амалга оширилаётган ислоҳотлар тўғрисида халқаро ҳамжамиятни хабардор қилишда иштирок этганлиги.
9. Комиссия йиғилишида номзодларга оид ҳужжатлар белгиланган тартибда ўрганилади ҳамда 1 апрелга қадар энг муносиб номзодлар бўйича якуний хулоса қабул қилинади.
3-боб. Кўкрак нишони билан тақдирлаш
10. Комиссия хулосаси асосида вазирнинг кўкрак нишони билан тақдирлаш тўғрисидаги буйруғи ҳар йили 20 апрелгача қабул қилинади.
11. Кўкрак нишони ҳар йили 26 апрель — Халқаро интеллектуал мулк куни арафасида вазир (ёки унинг топшириғига биноан бошқа масъул шахслар) томонидан тантанали равишда топширилади.
12. Кўкрак нишони билан тақдирланган шахсларга базавий ҳисоблаш миқдорининг тўрт баравари миқдорида бир йўла тўланадиган пул мукофоти берилади.
Бир йўла тўланадиган пул мукофоти билан боғлиқ харажатлар вазирликнинг бюджетдан ташқари Адлия органлари ва муассасаларини ривожлантириш жамғармаси маблағлари ҳисобидан амалга оширилади.
13. Кўкрак нишони билан тақдирланганлар рўйхати вазирликнинг Интернет жаҳон ахборот тармоғидаги расмий веб-сайтида, ижтимоий тармоқлардаги расмий саҳифаларида ва бошқа оммавий ахборот воситаларида эълон қилинади.
14. Бир шахс кўкрак нишони билан бир марта мукофотланади.
15. Кўкрак нишони давлат мукофотларидан кейин кўкракнинг чап томонига тақилади.
4-боб. Якунловчи қоидалар
16. Вазирлик ушбу Низомга мувофиқ кўкрак нишонига тавсия этилган номзодлар ҳужжатларининг холис кўриб чиқилиши учун бевосита масъулдир.
17. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
«Интеллектуал мулк соҳасини ривожлантиришга қўшган ҳиссаси учун» кўкрак нишони тўғрисидаги низомга ИЛОВА
«Интеллектуал мулк соҳасини ривожлантиришга қўшган ҳиссаси учун» кўкрак нишони билан тақдирлаш
Босқичлар Субъектлар Тадбирлар Муддатлар 1-босқич Давлат ташкилотлари ва нодавлат ташкилотлар ходимлари ҳамда халқаро ташкилотлар вакиллари Кўкрак нишони билан тақдирлаш бўйича таклифларни Адлия вазирлигига тақдим этади. Ҳар йили 1 январдан 1 мартга қадар 2-босқич Комиссия Номзодлар ҳақидаги тегишли ҳужжатларни ўрганиб чиқади ва якуний хулоса қабул қилади. Ҳар йили 1 апрелга қадар 3-босқич Адлия вазирлиги Комиссия хулосаси асосида кўкрак нишони билан тақдирлаш тўғрисида вазирнинг буйруғи қабул қилинади. Ҳар йили 20 апрелга қадар 4-босқич Вазир (ёки унинг топшириғига мувофиқ бошқа масъул шахслар) Кўкрак нишонини тантанали равишда топширади. Ҳар йили 26 апрель — Халқаро интеллектуал мулк куни арафасида
Вазирлар Маҳкамасининг 2026 йил 5 сентябрдаги 471-сон қарорига 2-ИЛОВА
«Интеллектуал мулк соҳасини ривожлантиришга қўшган ҳиссаси учун» кўкрак нишонининг
«Интеллектуал мулк соҳасини ривожлантиришга қўшган ҳиссаси учун» кўкрак нишони диаметри 34 миллиметрли доира шаклида бўлиб, мис қотишмасидан тайёрланади.
Кўкрак нишонининг қалинлиги 2,5 миллиметрни ташкил этади.
Кўкрак нишонининг олд томони марказида Ўзбекистон Республикаси Интеллектуал мулк агентлигининг «ip» белгиси кўк рангда тасвирланган. Ушбу белги абстракт шаклдаги уч элементдан ташкил топган бўлиб, элементлардан бири лотин алифбосидаги «i» ҳарфи кўринишида инсон тимсолини англатади. Уни ўраб турган икки элемент эса лотин алифбосидаги «p» ҳарфи кўринишида бўлиб, инсон тафаккури ва интеллектуал фаолият натижасини яратиш жараёнининг рамзий ифодаси ҳисобланади.
Кўкрак нишонининг олд томонида ташқи ҳалқа бўйлаб «INTELLEKTUAL MULK SOHASINI RIVOJLANTIRISHGA QOʻSHGAN HISSASI UCHUN» ёзуви жойлаштирилган.
Унинг пастки қисмида дафна япроқлари тасвирланган бўлиб, фахр, эътироф ва шараф рамзини ифода этади.
Кўкрак нишонининг орқа томони марказида Ўзбекистон Республикаси Давлат герби тасвири жойлаштирилган.
Кўкрак нишонининг олд ва орқа томонлари четлари қавариқ ҳошия билан ўралган. Кўкрак нишонидаги барча тасвирлар ва ёзувлар қавариқдир.
Кўкрак нишони ҳалқа ва илмоқча ёрдамида тўғри тўртбурчак шаклидаги қадағичга уланган.
Қадағичнинг эни 26 миллиметр, бўйи 25 миллиметрни ташкил этади. Қадағичнинг олд қисми кўк рангли лента билан қопланган бўлиб, пастки қисмида дафна япроқлари жойлаштирилган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Интеллектуал мулк соҳасини ривожлантиришга қўшган ҳиссаси учун» кўкрак нишони
Вазирлар Маҳкамасининг 2026 йил 5 сентябрдаги 471-сон қарорига 3-ИЛОВА
«Интеллектуал мулк соҳасини ривожлантиришга қўшган ҳиссаси учун» кўкрак нишони гувоҳномасининг
«Интеллектуал мулк соҳасини ривожлантиришга қўшган ҳиссаси учун» кўкрак нишони гувоҳномаси 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) кўк рангда бўлиб, плёнка билан қопланган.
Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли тўрт сатрдан иборат матн жойлашган. Биринчи сатрда «Intellektual mulk», иккинчи сатрда «sohasini rivojlantirishga», учинчи сатрда «qoʻshgan hissasi uchun», тўртинчи сатрда «koʻkrak nishoni» («Times New Roman Bold» шрифти, 12 кегль) сўзлари ёзилган. Ундан 6 миллиметр пастда «GUVOHNOMASI» (катта ҳарфларда, «Times New Roman Bold» шрифти, 17 кегль) сўзи ёзилган.
Ёзувлар зарҳал рангда акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч кўк рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда «GUVOHNOMA» (катта ҳарфларда, «Times New Roman Bold» шрифти, 10 кегль) сўзи ҳамда гувоҳнома тартиб рақами учун «№» белгиси ва 15 миллиметрли чизиқ жойлашган.
«GUVOHNOMA» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.
Пастки чизиқдан 6 миллиметр қуйида, марказда оралиғи 2 миллиметрли икки сатрдан иборат матн жойлашган. Биринчи сатрда «Oʻzbekiston Respublikasi», иккинчи сатрда «adliya vazirining» («Times New Roman Bold» шрифти, 10 кегль) сўзлари ёзилган.
Ундан 5 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20__ y. «___» ___________dagi», иккинчи сатрда «____-sonli buyrugʻiga asosan» («Times New Roman Bold» шрифти, 10 кегль) сўзлари ёзилган.
Ундан 5 миллиметр пастда, марказда оралиғи 3 миллиметрли тўрт сатрдан иборат матн жойлашган. Биринчи сатрда «INTELLEKTUAL MULK SOHASINI», иккинчи сатрда «RIVOJLANTIRISHGA QOʻSHGAN», учинчи сатрда «HISSASI UCHUN» (катта ҳарфларда, «Times New Roman Bold» шрифти, 14 кегль), тўртинчи сатрда «koʻkrak nishoni bilan mukofotlandi» (кичик ҳарфларда, «Times New Roman Bold» шрифти, 10 кегль) сўзлари ёзилган.
Сўнгги сўзлардан 9 миллиметр пастда, чап томонда «Vazir» («Times new Roman Bold» шрифти, 10 кегль) сўзи ёзилган.
«Интеллектуал мулк соҳасини ривожлантиришга қўшган ҳиссаси учун» кўкрак нишони гувоҳномаси
Ўзбекистон Республикасининг Бош вазири А. АРИПОВ
Тошкент ш.,
2026 йил 5 сентябрь,
471-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
TAVSIFI
TAVSIFI
“Intellektual mulk sohasini rivojlantirishga qoʻshgan hissasi uchun” koʻkrak nishonini taʼsis etish toʻgʻrisida
Oʻzbekiston Respublikasi Prezidentining “Intellektual faoliyat natijalarini ragʻbatlantirish hamda sohaga zamonaviy axborot-kommunikatsiya texnologiyalarini joriy etishni kengaytirishga oid qoʻshimcha chora-tadbirlar toʻgʻrisida” 2025-yil 27-noyabrdagi PQ-358-son qarori ijrosini taʼminlash, shuningdek, intellektual mulk sohasini rivojlantirishga munosib hissa qoʻshgan fuqarolarni ragʻbatlantirish maqsadida Vazirlar Mahkamasi qaror qiladi:
1. “Intellektual mulk sohasini rivojlantirishga qoʻshgan hissasi uchun” koʻkrak nishoni taʼsis etilsin.
2. Quyidagilar:
“Intellektual mulk sohasini rivojlantirishga qoʻshgan hissasi uchun” koʻkrak nishoni toʻgʻrisidagi nizom 1-ilovaga muvofiq;
“Intellektual mulk sohasini rivojlantirishga qoʻshgan hissasi uchun” koʻkrak nishoni va uning guvohnomasi tavsiflari 2 va 3-ilovalarga muvofiq tasdiqlansin.
3. “Intellektual mulk sohasini rivojlantirishga qoʻshgan hissasi uchun” koʻkrak nishoni va uning guvohnomasi Adliya vazirligining buyurtmasiga asosan “Davlat belgisi” MCHJ tomonidan belgilangan tartibda tayyorlanishi taʼminlansin.
4. “Intellektual mulk sohasini rivojlantirishga qoʻshgan hissasi uchun” koʻkrak nishoni va uning guvohnomasini tayyorlash hamda mukofotlanganlarni taqdirlash bilan bogʻliq xarajatlar Adliya vazirligining budjetdan tashqari Adliya organlari va muassasalarini rivojlantirish jamgʻarmasi mablagʻlari hisobidan qoplanishi inobatga olinsin.
5. Adliya vazirligi “Intellektual mulk sohasini rivojlantirishga qoʻshgan hissasi uchun” koʻkrak nishoni har yili 26-aprel — Xalqaro intellektual mulk kuni arafasida tantanali ravishda topshirilishini taʼminlasin.
6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda adliya vaziri A.J. Tashkulov zimmasiga yuklansin.
Vazirlar Mahkamasining 2026-yil 5-sentabrdagi 471-son qaroriga 1-ILOVA
“Intellektual mulk sohasini rivojlantirishga qoʻshgan hissasi uchun” koʻkrak nishoni toʻgʻrisida
1-bob. Umumiy qoidalar
1. Ushbu Nizom “Intellektual mulk sohasini rivojlantirishga qoʻshgan hissasi uchun” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Koʻkrak nishoni bilan mamlakatimizda intellektual mulk sohasini rivojlantirishga, intellektual mulk obyektlarining huquqiy himoyasini taʼminlashga, shuningdek, aholida intellektual faoliyat natijalariga hurmat hissini shakllantirishga munosib hissa qoʻshgan davlat tashkilotlari va nodavlat tashkilotlar xodimlari, xalqaro tashkilotlar vakillari hamda tadbirkorlik subyektlari taqdirlanadi.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
3. Koʻkrak nishoni bilan taqdirlash ushbu Nizomga ilovada keltirilgan sxemaga muvofiq amalga oshiriladi.
4. Koʻkrak nishoni bilan taqdirlashga oid takliflar tashkiliy-huquqiy shaklidan qatʼi nazar, davlat tashkilotlari, nodavlat tashkilotlar hamda tadbirkorlik subyektlari tomonidan har yili 1-yanvardan 1-martga qadar Oʻzbekiston Respublikasi Adliya vazirligiga (keyingi oʻrinlarda — vazirlik) taqdim etiladi.
5. Koʻkrak nishoni bilan taqdirlash boʻyicha takliflarga nomzodlar haqida quyidagi hujjatlar ilova qilinadi:
nomzod haqida maʼlumotnoma;
nomzodning shaxsini tasdiqlovchi hujjat nusxasi (fuqarolik pasporti yoki ID-karta);
nomzodning soʻnggi uch yil davomida intellektual mulk sohasini rivojlantirish borasidagi amaliy ishlari aks ettirilgan tavsifnoma.
6. Koʻkrak nishoni bilan taqdirlashga oid takliflarni koʻrib chiqish uchun Oʻzbekiston Respublikasi adliya vaziri (keyingi oʻrinlarda — vazir) tomonidan sohada koʻp yillik tajribaga ega boʻlgan besh kishidan iborat tarkibda komissiya (keyingi oʻrinlarda — Komissiya) tashkil etiladi.
Komissiya tarkibiga oliy taʼlim, ilmiy-tadqiqot muassasalari, nodavlat notijorat tashkilotlari vakillaridan iborat ekspertlar kiritilishi mumkin.
7. Komissiya tarkibi vazir tomonidan tasdiqlanadi.
8. Komissiya tomonidan nomzodlarni koʻkrak nishoni bilan taqdirlashda quyidagilar inobatga olinadi:
intellektual mulk sohasini rivojlantirish boʻyicha davlat dasturlarini, normativ-huquqiy hujjatlar loyihalarini ishlab chiqishda ishtirok etganligi;
intellektual mulk obyektlari yaratilishini qoʻllab-quvvatlash borasidagi faoliyati;
intellektual mulk obyektlarining huquqiy himoyasini taʼminlashda faol ishtirok etganligi;
jamiyatda intellektual faoliyat natijalariga hurmat hissini shakllantirishga qoʻshgan hissasi;
intellektual mulk sohasida xalqaro hamkorlikni rivojlantirishda, shu jumladan, intellektual mulk sohasida amalga oshirilayotgan islohotlar toʻgʻrisida xalqaro hamjamiyatni xabardor qilishda ishtirok etganligi.
9. Komissiya yigʻilishida nomzodlarga oid hujjatlar belgilangan tartibda oʻrganiladi hamda 1-aprelga qadar eng munosib nomzodlar boʻyicha yakuniy xulosa qabul qilinadi.
3-bob. Koʻkrak nishoni bilan taqdirlash
10. Komissiya xulosasi asosida vazirning koʻkrak nishoni bilan taqdirlash toʻgʻrisidagi buyrugʻi har yili 20-aprelgacha qabul qilinadi.
11. Koʻkrak nishoni har yili 26-aprel — Xalqaro intellektual mulk kuni arafasida vazir (yoki uning topshirigʻiga binoan boshqa masʼul shaxslar) tomonidan tantanali ravishda topshiriladi.
12. Koʻkrak nishoni bilan taqdirlangan shaxslarga bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti beriladi.
Bir yoʻla toʻlanadigan pul mukofoti bilan bogʻliq xarajatlar vazirlikning budjetdan tashqari Adliya organlari va muassasalarini rivojlantirish jamgʻarmasi mablagʻlari hisobidan amalga oshiriladi.
13. Koʻkrak nishoni bilan taqdirlanganlar roʻyxati vazirlikning Internet jahon axborot tarmogʻidagi rasmiy veb-saytida, ijtimoiy tarmoqlardagi rasmiy sahifalarida va boshqa ommaviy axborot vositalarida eʼlon qilinadi.
14. Bir shaxs koʻkrak nishoni bilan bir marta mukofotlanadi.
15. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
16. Vazirlik ushbu Nizomga muvofiq koʻkrak nishoniga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
17. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
“Intellektual mulk sohasini rivojlantirishga qoʻshgan hissasi uchun” koʻkrak nishoni toʻgʻrisidagi nizomga ILOVA
“Intellektual mulk sohasini rivojlantirishga qoʻshgan hissasi uchun” koʻkrak nishoni bilan taqdirlash
Bosqichlar Subyektlar Tadbirlar Muddatlar 1-bosqich Davlat tashkilotlari va nodavlat tashkilotlar xodimlari hamda xalqaro tashkilotlar vakillari Koʻkrak nishoni bilan taqdirlash boʻyicha takliflarni Adliya vazirligiga taqdim etadi. Har yili 1-yanvardan 1-martga qadar 2-bosqich Komissiya Nomzodlar haqidagi tegishli hujjatlarni oʻrganib chiqadi va yakuniy xulosa qabul qiladi. Har yili 1-aprelga qadar 3-bosqich Adliya vazirligi Komissiya xulosasi asosida koʻkrak nishoni bilan taqdirlash toʻgʻrisida vazirning buyrugʻi qabul qilinadi. Har yili 20-aprelga qadar 4-bosqich Vazir (yoki uning topshirigʻiga muvofiq boshqa masʼul shaxslar) Koʻkrak nishonini tantanali ravishda topshiradi. Har yili 26-aprel — Xalqaro intellektual mulk kuni arafasida
Vazirlar Mahkamasining 2026-yil 5-sentabrdagi 471-son qaroriga 2-ILOVA
“Intellektual mulk sohasini rivojlantirishga qoʻshgan hissasi uchun” koʻkrak nishonining
“Intellektual mulk sohasini rivojlantirishga qoʻshgan hissasi uchun” koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining qalinligi 2,5 millimetrni tashkil etadi.
Koʻkrak nishonining old tomoni markazida Oʻzbekiston Respublikasi Intellektual mulk agentligining “ip” belgisi koʻk rangda tasvirlangan. Ushbu belgi abstrakt shakldagi uch elementdan tashkil topgan boʻlib, elementlardan biri lotin alifbosidagi “i” harfi koʻrinishida inson timsolini anglatadi. Uni oʻrab turgan ikki element esa lotin alifbosidagi “p” harfi koʻrinishida boʻlib, inson tafakkuri va intellektual faoliyat natijasini yaratish jarayonining ramziy ifodasi hisoblanadi.
Koʻkrak nishonining old tomonida tashqi halqa boʻylab “INTELLEKTUAL MULK SOHASINI RIVOJLANTIRISHGA QOʻSHGAN HISSASI UCHUN” yozuvi joylashtirilgan.
Uning pastki qismida dafna yaproqlari tasvirlangan boʻlib, faxr, eʼtirof va sharaf ramzini ifoda etadi.
Koʻkrak nishonining orqa tomoni markazida Oʻzbekiston Respublikasi Davlat gerbi tasviri joylashtirilgan.
Koʻkrak nishonining old va orqa tomonlari chetlari qavariq hoshiya bilan oʻralgan. Koʻkrak nishonidagi barcha tasvirlar va yozuvlar qavariqdir.
Koʻkrak nishoni halqa va ilmoqcha yordamida toʻgʻri toʻrtburchak shaklidagi qadagʻichga ulangan.
Qadagʻichning eni 26 millimetr, boʻyi 25 millimetrni tashkil etadi. Qadagʻichning old qismi koʻk rangli lenta bilan qoplangan boʻlib, pastki qismida dafna yaproqlari joylashtirilgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Intellektual mulk sohasini rivojlantirishga qoʻshgan hissasi uchun” koʻkrak nishoni
Vazirlar Mahkamasining 2026-yil 5-sentabrdagi 471-son qaroriga 3-ILOVA
“Intellektual mulk sohasini rivojlantirishga qoʻshgan hissasi uchun” koʻkrak nishoni guvohnomasining
“Intellektual mulk sohasini rivojlantirishga qoʻshgan hissasi uchun” koʻkrak nishoni guvohnomasi 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) koʻk rangda boʻlib, plyonka bilan qoplangan.
Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli toʻrt satrdan iborat matn joylashgan. Birinchi satrda “Intellektual mulk”, ikkinchi satrda “sohasini rivojlantirishga”, uchinchi satrda “qoʻshgan hissasi uchun”, toʻrtinchi satrda “koʻkrak nishoni” (“Times New Roman Bold” shrifti, 12 kegl) soʻzlari yozilgan. Undan 6 millimetr pastda “GUVOHNOMASI” (katta harflarda, “Times New Roman Bold” shrifti, 17 kegl) soʻzi yozilgan.
Yozuvlar zarhal rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och koʻk rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “GUVOHNOMA” (katta harflarda, “Times New Roman Bold” shrifti, 10 kegl) soʻzi hamda guvohnoma tartib raqami uchun “№” belgisi va 15 millimetrli chiziq joylashgan.
“GUVOHNOMA” soʻzidan 11 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Pastki chiziqdan 6 millimetr quyida, markazda oraligʻi 2 millimetrli ikki satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “adliya vazirining” (“Times New Roman Bold” shrifti, 10 kegl) soʻzlari yozilgan.
Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli buyrugʻiga asosan” (“Times New Roman Bold” shrifti, 10 kegl) soʻzlari yozilgan.
Undan 5 millimetr pastda, markazda oraligʻi 3 millimetrli toʻrt satrdan iborat matn joylashgan. Birinchi satrda “INTELLEKTUAL MULK SOHASINI”, ikkinchi satrda “RIVOJLANTIRISHGA QOʻSHGAN”, uchinchi satrda “HISSASI UCHUN” (katta harflarda, “Times New Roman Bold” shrifti, 14 kegl), toʻrtinchi satrda “koʻkrak nishoni bilan mukofotlandi” (kichik harflarda, “Times New Roman Bold” shrifti, 10 kegl) soʻzlari yozilgan.
Soʻnggi soʻzlardan 9 millimetr pastda, chap tomonda “Vazir” (“Times new Roman Bold” shrifti, 10 kegl) soʻzi yozilgan.
“Intellektual mulk sohasini rivojlantirishga qoʻshgan hissasi uchun” koʻkrak nishoni guvohnomasi
Oʻzbekiston Respublikasining Bosh vaziri A. ARIPOV
Toshkent sh.,
2026-yil 5-sentabr,
471-son