UzbekAI

Ўзбекистон Республикаси Вазирлар Маҳкамасининг

қарори

УСТАВИ

НИЗОМ

СХЕМАСИ

ШАКЛИ

ТАВСИФИ

РЎЙХАТИ

Техник жиҳатдан тартибга солиш соҳасидаги қонунчилик ҳужжатларини такомиллаштиришга доир қўшимча чора-тадбирлар тўғрисида

[Кўчирма]

Ўзбекистон Республикаси Президентининг «Техник жиҳатдан тартибга солиш соҳасидаги ислоҳотларни илғор халқаро амалиёт асосида жадаллаштириш чора-тадбирлари тўғрисида» 2026 йил 16 февралдаги ПФ-25-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Техник жиҳатдан тартибга солиш соҳасидаги ислоҳотларни илғор халқаро амалиёт асосида жадаллаштириш чора-тадбирлари тўғрисида» 2026 йил 16 февралдаги ПФ-25-сон Фармонига асосан:

миллий сифат инфратузилмаси иштирокчиларининг мустақил фаолиятини йўлга қўйиш соҳани ислоҳ қилишнинг ташкилий асоси сифатида эътироф этилгани;

техник жиҳатдан тартибга солиш, метрология ва мувофиқликни баҳолаш соҳасида амалдаги самарасиз назорат тизими бекор қилингани ва унинг ўрнига маҳсулотнинг бозор назорати амалиёти жорий этилиши белгилангани;

ҳар қандай даражадаги стандартлардан фойдаланишга ихтиёрий тус берилгани ва халқаро (минтақавий, хорижий) стандартларни республика ҳудудида қабул қилишнинг халқаро амалиёти жорий этилгани ҳамда стандартларнинг расмий рўйхати миллий стандартлар даражасида шакллантирилиши;

Ўзбекистон илмий-синов ва сифат назорати маркази (кейинги ўринларда — Марказ) ҳамда унинг таркибидаги маҳсулотларни сертификатлаштириш идоралари фаолияти тугатилгани ҳамда Ўзбекистон стандартлар институти Марказни қўшиб олиш орқали қайта ташкил этилгани маълумот учун қабул қилинсин.

2. Қуйидагилар:

Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги Ўзбекистон стандартлар институтининг устави 1-иловага мувофиқ;

Олий маълумотга эга бўлган шахсларни техник жиҳатдан тартибга солиш, стандартлаштириш ва метрология йўналиши бўйича касбий қайта тайёрлаш тартиби тўғрисидаги низом 2-иловага мувофиқ тасдиқлансин.

3. Белгилансинки:

Ўзбекистон стандартлар институти Марказнинг барча ҳуқуқлари ва мажбуриятлари бўйича ҳуқуқий вориси ҳисобланади;

Марказ томонидан серияли ишлаб чиқаришга расмийлаштирилган ва амалда бўлган барча мувофиқлик сертификатлари устидан даврий баҳолаш уларнинг амал қилиши тугагунига қадар Ўзбекистон стандартлар институти томонидан ўтказилади.

4. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

5. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2026 йил 7 сентябрдаги 472-сон қарорига 1-ИЛОВА

Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги Ўзбекистон стандартлар институтининг

1-боб. Умумий қоидалар

1. Ушбу Устав Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг (кейинги ўринларда — Агентлик) Ўзбекистон стандартлар институтининг (кейинги ўринларда — Институт) ҳуқуқий мақоми, асосий вазифалари, ҳуқуқ ва мажбуриятлари ҳамда фаолиятини ташкил этиш тартибини белгилайди.

2. Институт стандартлаштириш, техник жиҳатдан тартибга солиш, метрология ва мувофиқликни баҳолаш, кадрларни қайта тайёрлаш соҳасида давлат муассасаси ҳисобланади.

Институт Ўзбекистон Республикасининг «Стандартлаштириш тўғрисида»ги Қонунига мувофиқ стандартлаштириш бўйича миллий орган ҳисобланади.

3. Институт ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, бошқа қонунчилик ҳужжатларига, Агентликнинг буйруқлари ва қарорларига ҳамда ушбу Уставга амал қилади.

4. Институт юридик шахс ҳисобланади, ўзининг алоҳида мулкига, ҳудудий филиалларига, мустақил балансига, Ўзбекистон Республикасининг Давлат герби тасвири туширилган ва давлат тилида ўз номи ёзилган муҳрга, миллий ва чет эл валютасидаги ҳисобварақларга эга бўлади.

5. Институтнинг расмий номи:

а) давлат тилида:

тўлиқ номи — Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Ўзбекистон стандартлар институти давлат муассасаси;

қисқартирилган номи — Ўзбекистон стандартлар институти ДМ;

б) инглиз тилида:

тўлиқ номи — state institution Uzbek Institute of Standards of the Agency for Technical Regulation of Uzbekistan under the Cabinet of Ministers of the Republic of Uzbekistan;

қисқартирилган номи — Uzbek Institute of Standards SI;

в) рус тилида:

тўлиқ номи — государственное учреждение Узбекский институт стандартов Узбекского агентства по техническому регулированию при Кабинете Министров Республики Узбекистан;

қисқартирилган номи — ГУ Узбекский институт стандартов.

6. Институтнинг жойлашган жойи (почта манзили): Ўзбекистон Республикаси, Тошкент шаҳри, Чўпонота кўчаси, 9-В уй.

2-боб. Институтнинг вазифалари ва функциялари

7. Қуйидагилар Институтнинг асосий вазифалари ҳисобланади:

манфаатдор тарафларнинг ташаббусларига кўра стандартлаштириш бўйича техник қўмиталарни ташкил этиш, уларнинг фаолиятини бирлаштириш, тўхтатиб туриш ва тугатиш ҳақида қарорлар қабул қилиш, мувофиқлаштириш ҳамда халқаро амалиёт асосида уларни ривожлантиришга кўмаклашиш;

стандартлаштириш фаолиятини тартибли ташкил этиш ва бошқаришни назарда тутувчи техник қўмиталар тўғрисидаги намунавий низомни ишлаб чиқиш ва тасдиқлаш;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида кадрларни қайта тайёрлаш;

стандартлаштириш бўйича ҳужжатларни, шу жумладан, хўжалик юритувчи субъектлар ва бошқа ташкилотларнинг буюртмалари бўйича шартнома асосида тарқатиш;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида илмий-тадқиқот ишларини амалга ошириш, илмий-техник ахборотни тарқатиш, шунингдек, уларни халқаро тизим билан уйғунлаштириш;

стандартлаштириш бўйича халқаро ва минтақавий ташкилотларда Ўзбекистон Республикасининг миллий манфаатларини ифодалаш;

очиқ бозор тамойилларга мувофиқ ҳолда мувофиқликни баҳолаш (маҳсулотларни сертификатлаштириш бундан мустасно), лаборатория синовларини ўтказиш ҳамда стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида кадрлар малакасини ошириш;

хорижий мамлакатларнинг стандартлаштириш бўйича миллий органлари билан битимлар тузиш ва улар билан ҳамкорлик қилиш;

савдодаги техник тўсиқлар бўйича ахборот марказининг фаолиятини амалга ошириш.

8. Институт ўзига юкланган вазифаларни бажариш учун қуйидаги функцияларни амалга оширади:

а) манфаатдор тарафларнинг ташаббусларига кўра стандартлаштириш бўйича техник қўмиталарни ташкил этиш, уларнинг фаолиятини бирлаштириш, тўхтатиб туриш ва тугатиш ҳақида қарорлар қабул қилиш, мувофиқлаштириш ҳамда халқаро амалиёт асосида уларни ривожлантиришга кўмаклашиш соҳасида:

стандартлаштиришнинг янги фаолият йўналишлари тўғрисидаги таклифларни, стандартлаштириш бўйича техник қўмиталар ташкил этиш ташаббусларини кўриб чиқади;

стандартлаштириш бўйича техник қўмиталарнинг фаолият йўналишларини ва соҳаларини белгилайди;

стандартлаштириш бўйича техник қўмиталарнинг фаолиятини ташкил этади, бирлаштиради, мувофиқлаштиради ва тугатишда иштирок этади;

лойиҳа бошқаруви тамойили асосида стандартлаштириш бўйича техник қўмиталарнинг фаолиятини режалаштириш, юритиш, мониторинг ўтказиш тизимини яратади ва доимий такомиллаштириб боради;

стандартлаштириш бўйича техник қўмиталарни ташкил этиш, уларнинг фаолиятини тўхтатиб туриш, бирлаштириш ва тугатиш ҳақида манфаатдор тарафларнинг мурожаатларига биноан қарорлар қабул қилади;

стандартлаштириш бўйича халқаро техник қўмиталар ва минтақавий ташкилотлар фаолиятида ҳамда миллий стандартларни халқаро даражада тарқатишда фаол иштирок этади;

б) стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида кадрларни қайта тайёрлаш соҳасида:

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида кадрлар малакасини ошириш ва уларни қайта тайёрлаш, шунингдек, таснифлаш ҳамда кодлаш ишларини амалга оширади;

стандартлаштириш, техник жиҳатдан тартибга солиш, мувофиқликни баҳолаш ва метрология, таснифлаш ва кодлаш масалалари бўйича кадрлар малакасини ошириш ва уларни қайта тайёрлаш юзасидан ўз ўқув режаларини тузади ва тасдиқлайди;

кадрлар малакасини ошириш ва уларни қайта тайёрлаш бўйича дастурларни, ҳар бир дастурнинг мазмуни, мақсади, қоидаларидан иборат дастур йўриқномаларини ишлаб чиқади, тасдиқлайди ва очиқ манбаларда жойлаштиради;

стандартлаштириш, техник жиҳатдан тартибга солиш, мувофиқликни баҳолаш ва метрология соҳасида малакасини оширилган ва қайта тайёрлашдан ўтган кадрларнинг, таснифлаш ва кодлашнинг ахборот-маълумот базасини яратади ва қўллаб-қувватлайди;

олий таълим ташкилотлари, илмий-тадқиқот муассасалари, хўжалик бошқаруви органлари ва бошқа манфаатдор ташкилотлар, шунингдек, хусусий сектор билан стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида инновацияларни жорий этишга йўналтирилган ўзаро ҳамкорлик қилиш бўйича тадбирларни ишлаб чиқади ва амалга оширади;

бакалавриат ва магистратура мутахассисликлари учун тегишли таълим йўналишларида янги ўқув дастурлари, дарсликлар, ўқув қўлланмаларини яратишга кўмаклашиш орқали ўқув-методик ишларнинг сифати ва даражасини оширади;

бакалавр ва магистрларни тайёрлашда илмий-методик кўмаклашади, шунингдек, Институт базасида стандартлаштириш, техник жиҳатдан тартибга солиш, мувофиқликни баҳолаш ва метрология мутахассисликлари бўйича олий таълимдан кейинги таълимни ташкил этиш орқали билан олий малакали илмий кадрлар тайёрлашни амалга оширади;

иқтисодиёт тармоқлари учун стандартлаштириш, техник жиҳатдан тартибга солиш, мувофиқликни баҳолаш ва метрология соҳасида кадрлар малакасини ошириш ва уларни қайта тайёрлаш жараёнларига замонавий инновацион педагогик технологияларни, ўқитишнинг самарали шакл ва усулларини жорий этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳасида мутахассислар тайёрловчи таълим ташкилотлари учун илмий, ўқув, ўқув-методик адабиётларнинг янги авлодини нашр этишга тайёрлаш ишларида иштирок этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида дастурлар, ўқув қўлланмалари, илмий асарлар тўпламлари, илмий-амалий конференциялар материаллари, методик кўрсатмалар, шунингдек, кадрлар малакасини ошириш ва уларни қайта тайёрлаш бўйича қўлланмалар тайёрлайди ва нашр қилади;

мутахассисларнинг аттестация ишларини ташкил этади;

корхоналарда менежмент тизимлари бўйича стандартлар талаблари асосида ўқув курс, семинар ва конференциялар ташкил этади;

в) стандартлаштириш бўйича ҳужжатларни ишлаб чиқиш ва тарқатиш соҳасида:

стандартлаштириш бўйича техник қўмиталар таклифига асосан миллий стандартларни қабул қилиш, бекор қилиш, уларга ўзгартириш ва қўшимчалар киритиш ҳамда реализация қилиш ишларини ташкил қилади;

стандартлаштириш ҳужжатларини ишлаб чиқишда ҳамда илмий-методик кўрсатмалар беришда кўмаклашади;

маҳсулотлар ва технологияларнинг янги турларини ишлаб чиқишни ўзлаштиришга кўмаклашадиган, шу асосда маҳаллий маҳсулотларнинг ташқи бозорларда рақобатбардошлигини таъминлайдиган, шунингдек, белгиланган тартибда мувофиқлик призумциясини таъминлайдиган илғор стандартлар стандартлаштириш бўйича техник қўмиталар орқали ишлаб чиқилишини ташкил этади;

техник регламентларни ишлаб чиқишда иштирок этади;

стандартларнинг ягона ахборот базасини юритади ва долзарблаштиради, шунингдек, назорат нусхалари сақланишини таъминлайди;

стандартлаштириш ҳужжатларининг йиллик кўрсаткичини (каталогини) тайёрлайди;

стандартлаштириш ҳужжатларининг ягона ахборот-маълумот базасини яратади ва кузатиб боради, ундан барча манфаатдор томонларнинг шартнома асосида фойдаланиш имкониятини беради;

стандартлаштириш ҳужжатлари бўйича ахборот маълумотлар базаларини шакллантириш, сақлаш ва фойдаланишнинг ягона тизимини яратади;

стандартлаштириш ҳужжатларини ишлаб чиқувчилар билан ўзаро ҳамкорлик қилади;

манфаатдор томонларнинг буюртмаларига кўра стандартлаштириш бўйича ҳужжатларини шартнома асосида таржима қилади;

республика ижро этувчи ҳокимият органлари ва хўжалик бирлашмалари, стандартлаштириш бўйича техник қўмиталар ва манфаатдор томонларнинг таклифларини инобатга олган ҳолда, Ўзбекистон Республикаси миллий стандартларини ишлаб чиқиш ва қайта кўриб чиқишнинг ҳар йилги дастурини шакллантиради;

халқаро стандартлаштириш ташкилотлари ва хорижий давлатларнинг стандартлаштириш идораларининг қоидалари ва шартномаларига мувофиқ халқаро ва хорижий давлатлар стандартларини тарқатади;

стандартларни ишлаб чиқиш, тасдиқлаш ва қўллашда Жаҳон савдо ташкилоти Савдодаги техник тўсиқлар келишувининг Стандартларни ишлаб чиқиш, тасдиқлаш ва қўллашда зарур амалиёт кодекси талабларининг бажарилишини таъминлайди;

стандартлаштириш тартиб-таомилларига тааллуқли зарур ахборотни ўзининг расмий веб-сайти орқали эркин олиш имкониятини яратади;

штрихли кодлаш ишларини амалга оширади;

стандартларни ишлаб чиқиш вазифаларни энг яхши амалиётларга мувофиқ сифатли бажариш мақсадида мустақил маслаҳатчилар ва экспертларни, шу жумладан, хорижий маслаҳатчилар ва экспертларни шартнома асосида ўз маблағлари ҳисобидан молиявий имкониятдан келиб чиқиб жалб қилади;

халқаро тажрибадан келиб чиқиб, стандартларни қабул қилиш, ишлаб чиқиш, келишиш, кўриб чиқиш (текшириш), қайта кўриб чиқиш, уларга ўзгартириш ва тузатиш киритиш ва уларни бекор қилиш тартиб-таомилни ишлаб чиқади ва тасдиқлайди;

г) стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида илмий-тадқиқот ишларини амалга ошириш, илмий-техник ахборотларни тарқатиш, шунингдек, уларни халқаро тизим билан уйғунлаштириш соҳасида:

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида илмий материалларни нашр этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида устувор йўналишларни шакллантиришда, фундаментал ва амалий илмий тадқиқотлар ўтказишда, инновацион лойиҳаларни амалга оширишда, шунингдек, иқтисодиёт тармоқлари ривожланишининг замонавий жаҳон тенденцияларини таҳлил қилишда иштирок этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳалари бўйича янги қонунчилик ҳужжатларини ишлаб чиқиш ва амалдагиларини такомиллаштириш юзасидан таклифлар ишлаб чиқади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларини ривожлантиришнинг асосий йўналишлари, стратегияси, истиқболли дастурларини ишлаб чиқишда иштирок этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳасида халқаро амалиётни доимий равишда ўрганади, унинг натижалари бўйича илғор амалиётларни жорий қилиш бўйича таклифлар киритади;

маҳсулотни экспорт қилишга кўмаклашиш бюросининг самарали фаолият кўрсатишини ташкил этади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида эришилган ютуқларнинг илмий-техник тарғиботини амалга оширади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида, шу жумладан, манфаатдор вазирликлар, идоралар, хўжалик бирлашмалари, олий таълим ташкилотлари, вазирликлар ва идораларнинг тасарруфида бўлган бошқа илмий муассасалар билан илмий-тадқиқот ишларини амалга оширади;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида илмий конференциялар, семинарлар, ҳамкорликдаги тадқиқотлар, лойиҳалар, ходимларнинг тажриба алмашиши ва уларни ўқитиш бўйича халқаро, хорижий илмий-тадқиқот муассасалари, институтлар ва марказлар билан ҳамкорликни ривожлантиради;

хорижий мамлакатларнинг стандартлаштириш бўйича миллий институтлари билан яқин ва фаол ҳамкорликни амалга оширади;

халқаро, минтақавий ва давлатлараро илмий-техник ҳамкорликни ривожлантиради;

хорижий давлатларда амалга оширилган мувофиқликни баҳолаш ишлари натижаларини Ўзбекистон ҳудудида белгиланган тартибда эътироф этиш ишларини ташкил этиш ва амалга оширишда иштирок этади;

д) стандартлаштириш бўйича халқаро ва минтақавий ташкилотларда Ўзбекистон Республикасининг миллий манфаатларини ифодалаш соҳасида:

халқаро ва минтақавий стандартлаштириш ташкилотларига Ўзбекистон Республикаси номидан аъзо бўлади, уларнинг ишида доимий иштирок этади ва миллий манфаатларни ҳимоя қилади;

халқаро стандартлар лойиҳаларини таҳлил қилади, улар бўйича таклифлар тайёрлайди;

илғор хорижий тажрибани ўрганади ва миллий стандартлаштириш тизимига жорий этиш бўйича таклифлар ишлаб чиқади;

миллий техник қўмиталар фаолиятини мувофиқлаштиради ва улар орқали халқаро техник қўмиталар ишида иштирокни таъминлайди;

е) мувофиқликни баҳолаш ва лаборатория синовларини ўтказиш соҳасида:

белгиланган тартибда аккредитациядан ўтган ҳолда синовларни, лабораториялар малакасини баҳолаш бўйича малака тестларини (провайдерлик) ўтказиш, ходимларни сертификатлаштириш, мустақил инспекция, валидация ва верификация хизматларини кўрсатади;

миллий ва халқаро стандартларни жорий этишда, шунингдек, мувофиқликни баҳолаш идораларини аккредитация қилиш, лабораторияларни мақуллаш бўйича ҳужжатларни тайёрлашда консалтинг хизматларини кўрсатади;

белгиланган тартибда аккредитациядан ўтган ҳолда маҳсулот ва хизматларни «ҳалол» талабларига мувофиқ сертификатлаштириш ишларини ташкил этади, ушбу йўналишда даврий баҳолаш ишларини ўтказади, сертификатларни рўйхатга олади, сертификатлаштирилган маҳсулотлар ва хизматлар реестрини юритади;

республикада реализация қилинадиган истеъмол товарларининг давлат тилидаги тамғалаш маълумотларини тайёрлаш хизматларини кўрсатади;

стандартлаштириш ва мувофиқликни баҳолаш тизимини халқаро талабларга уйғунлаштириш мақсадида транспорт воситаларини ишлаб чиқарувчиларнинг халқаро идентификация кодини (WMI-кодини) беради ва транспорт воситаларини турини (шасси) тасдиқлаш ҳужжатини рўйхатдан ўтказади;

ташқи иқтисодий фаолият товар номенклатураси (ТИФ ТН) бўйича товар кодларини аниқлайди;

маҳсулотларни синаш соҳасида илмий ва услубий тадқиқотлар ўтказади;

тадбиркорларга мувофиқликни баҳолаш ишларида амалий ёрдам кўрсатиш ишларини ташкил этади;

ж) хорижий мамлакатларнинг стандартлаштириш бўйича миллий органлари билан битимлар тузиш ва улар билан ҳамкорлик қилиш соҳасида:

стандартлаштириш бўйича хорижий мамлакатларнинг миллий органлари билан икки томонлама ва кўп томонлама битимлар тузади;

стандартларни ўзаро мувофиқлаштириш ва уйғунлаштириш бўйича ҳамкорлик қилади;

қўшма илмий-техник лойиҳалар ва тадқиқотларни ташкил этади ҳамда мувофиқлаштиради;

мутахассислар тажриба алмашиши, малака ошириш бўйича қўшма семинар ҳамда конференциялар ўтказади;

техник тўсиқларни бартараф этишга қаратилган ҳамкорликни ривожлантиради;

з) савдодаги техник тўсиқлар бўйича ахборот марказининг фаолиятини амалга ошириш соҳасида:

Жаҳон савдо ташкилотига (кейинги ўринларда — ЖСТ) аъзо давлатларни Ўзбекистон Республикасида халқаро стандартларга асосланмаган ёки мавжуд халқаро стандартлардан сезиларли даражада фарқ қиладиган, қонуний мақсадларга эришиш учун зарур ва ЖСТга аъзо бошқа давлатлар билан товарлар савдосига сезиларли таъсир кўрсатиши мумкин бўлган янги техник регламентлар ёки мувофиқликни баҳолаш тартиб-таомиллари ишлаб чиқилаётгани ёхуд мавжуд техник регламентлар ва мувофиқликни баҳолаш тартиб-таомилларига ўзгартиришлар киритилаётгани тўғрисида ўз вақтида уларни ишлаб чиқиш босқичида хабарномалар бериш орқали хабардор қилади;

ЖСТга аъзо давлатларнинг ишлаб чиқилаётган техник регламентлар ва мувофиқликни баҳолаш тартиб-таомиллари тўғрисидаги хабарномаларга шарҳларини ва (ёки) эътирозларини тегишли республика ижро этувчи ҳокимият органларига уларни муҳокама қилиш, ишлаб чиқилаётган техник регламентлар ва мувофиқликни баҳолаш тартиб-таомиллари лойиҳаларига зарур ўзгартиришлар киритиш учун юборади;

ЖСТга аъзо давлатларнинг савдодаги техник тўсиқлар соҳасида режалаштирилган ёки қабул қилинган чоралари тўғрисидаги хабарномаларни тегишли республика ижро этувчи ҳокимият органлари, корхоналар ва бошқа манфаатдор томонларга уларнинг сўровига кўра тақдим этади.

3-боб. Институтнинг ҳуқуқ ва мажбуриятлари

9. Институт ўзига юкланган вазифалар ва функцияларни бажариш учун қуйидаги ҳуқуқларга эга:

республика ижро этувчи ҳокимият органлари ва хўжалик бошқаруви органлари ва бошқа ташкилотлардан ўзига юкланган вазифаларни бажариш учун зарур бўлган ахборотни белгиланган тартибда сўраш ва олиш;

стандартлаштириш бўйича техник қўмиталарни ташкил этиш, манфаатдор вазирликлар ва идоралар билан биргаликда стандартлаштириш бўйича тармоқ техник қўмиталарини ташкил этишда иштирок этиш;

Институтга юкланган вазифаларни бажариш учун давлат ва хўжалик бошқаруви органлари ва бошқа ташкилотларнинг мутахассисларини, шу жумладан, хорижий мутахассисларни шартнома асосида жалб қилиш;

Институт ходимларини соатбай ҳақ тўлаш асосида ўқув машғулотларига жалб этиш;

ўз ваколатларини бажариш доирасида халқаро, минтақавий ва хорижий ташкилотлар билан ҳамкорликни, жумладан, ўзаро ҳисоб-китобларни амалга ошириш;

стандартлаштириш, техник жиҳатдан тартибга солиш, мувофиқликни баҳолаш ва метрология тизимини ривожлантиришнинг долзарб ва истиқболли вазифаларини амалга ошириш учун ташкил этилган ишчи гуруҳлар йиғилишларида иштирок этиш;

техник жиҳатдан тартибга солиш соҳасида эксперт кенгашлари ҳамда комиссиялар ишида иштирок этиш;

ўз ваколатлари доирасида кадрлар малакасини ошириш ва уларни қайта тайёрлаш бўйича йўриқномалар, чора-тадбирлар режалари ва бошқа ҳужжатларни тасдиқлаш;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида халқаро лойиҳалар ва дастурларни ишлаб чиқиш ва амалга оширишда иштирок этиш;

маҳсулотлар, хизматлар, ходимларни сертификатлаштириш, маҳсулотни синаш усуллари, ўлчаш ва синов воситалари ҳамда стандарт намуналари бўйича илмий-тадқиқот ишларини амалга ошириш;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида ноширлик фаолиятини амалга ошириш, илмий-техник ахборотни тарқатиш;

аҳоли ва турли ташкилотларга пулли таълим хизматларини кўрсатиш, шунингдек, қонунчилик ҳужжатларида тақиқланмаган бошқа турдаги фаолиятни амалга ошириш;

стандартлаштириш, техник жиҳатдан тартибга солиш, мувофиқликни баҳолаш ва метрология соҳаларида минтақавий ва халқаро ташкилотларнинг ишчи кенгашларида ва йиғилишларида иштирок этиш;

стандартлаштириш, техник жиҳатдан тартибга солиш, мувофиқликни баҳолаш ва метрология масалалари бўйича илмий-амалий конференциялар, семинарлар, форумлар, давра суҳбатлари ва бошқа тадбирларни ўтказиш;

халқаро стандартлаштириш ташкилотлари ва хорижий давлатларнинг стандартлаштириш идораларининг қоидалари ва шартномаларига мувофиқ ушбу ташкилотларга бадалларни тўлаб бериш;

энг яхши амалиётларга мувофиқ мустақил маслаҳатчилар ва экспертларни, шу жумладан, хорижий маслаҳатчилар ва экспертларни шартнома асосида жалб қилиш.

Институт қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

10. Институт ўзига юкланган вазифалар самарали бажарилиши учун жавоб беради.

4-боб. Институт фаолиятини ташкил этиш

11. Институт ўз фаолиятида бевосита Агентликка бўйсунади ва унга ҳисобот беради.

12. Институт фаолиятига Вазирлар Маҳкамаси билан келишилган ҳолда, Агентлик директори томонидан лавозимга тайинланадиган ва лавозимдан озод этиладиган директор умумий раҳбарлик қилади.

13. Институт директори:

Институт ваколатига кирадиган масалалар юзасидан қарорлар қабул қилади ва Институтга юкланган вазифалар ва функциялар амалга оширилиши учун шахсан жавоб беради;

Институтда илмий-тадқиқот ва илмий-методик ишларни бажариш учун шарт-шароитлар яратади;

Институт Илмий кенгашининг тавсиялари асосида ўқув дастурлари ҳамда илмий-методик ишлар режаларини тасдиқлайди;

Институт фаолиятини янада такомиллаштириш бўйича концепциялар, дастурлар ва комплекс тадбирлар бажарилишини танқидий ва чуқур таҳлил қилади;

директор ўринбосарлари, Институтнинг бошқа мансабдор шахсларининг ваколатларини белгилайди;

Институт ходимлари, шунингдек, малака ошириш ва қайта тайёрлаш курслари тингловчилари учун бажарилиши мажбурий бўлган буйруқлар, фармойишлар ва кўрсатмалар беради;

Институтнинг ташкилий тузилмаси ва штат жадвалини тасдиқлайди, уларга ўзгартиришлар киритади;

Институт ходимларини меҳнат қонунчилигида белгиланган тартибда лавозимга тайинлайди ва лавозимдан озод қилади;

Институт номидан хўжалик шартномалари тузади, ишончномалар беради.

Директор қонунчилик ҳужжатларида белгиланган тартибда бошқа ваколатларни амалга оширади.

14. Институт директори Агентлик директори билан келишган ҳолда лавозимга тайинланадиган ва лавозимдан озод этиладиган ўринбосарларга эга бўлади.

15. Директор ўринбосарлари:

таркибий бўлинмалар фаолиятига бевосита раҳбарлик қилади, ушбу бўлинмаларга юкланган вазифалар ва функциялар бажарилишини ташкил этади;

Агентлик қарорлари, Институт директорининг буйруқлари ва топшириқлари ўз вақтида ва сифатли бажарилишини таъминлайди;

таркибий бўлинмаларга юкланган вазифалар бажарилишини назорат қилади ва мувофиқлаштиради;

таркибий бўлинмалар фаолияти бўйича қонунчиликни такомиллаштириш тўғрисида таклифларни ишлаб чиқади ва кўриб чиқиш учун директорга киритади;

директорга Институтнинг таркибий бўлинмаларида ходимларни танлаш ва жой-жойига қўйиш бўйича таклифларни киритади, уларнинг касбий маҳоратини, малакасини, амалий тажрибасини, ишчанлик ва ахлоқий фазилатларини юқори даражада таъминлайди, уларнинг касбий малакаларини оширишга кўмаклашади, таркибий бўлинмаларда кадрлар захирасини шакллантиради;

Институтнинг таркибий бўлинмалари ходимлари фаолиятининг самарадорлиги ва натижадорлигини тизимли таҳлил қилади, ҳисоботларини эшитади, якунлари бўйича зарур чораларни кўради.

16. Директор бўлмаган даврда унинг ваколатларини директорнинг биринчи ўринбосари амалга оширади.

17. Институт ҳузурида директор (Илмий кенгаш раиси), фаолиятнинг асосий йўналишларини мувофиқлаштирувчи унинг ўринбосарлари (лавозимига кўра), Институт таркибий бўлинмалари раҳбарлари, Фанлар академияси вакиллари, шунингдек, турдош илмий-тадқиқот институтларида ва ташкилотларда ишловчи етакчи олимлар, малакали мутахассислардан иборат таркибда Илмий кенгаш ташкил этилади.

Институт Илмий кенгашининг шахсий таркиби, аъзолари сони ва низоми Институт директори томонидан тасдиқланади.

Институт Илмий кенгашининг иш тартиби Институтнинг иш режаларига мувофиқ ташкил этилади.

5-боб. Институт фаолиятини баҳолаш мезонлари ҳамда унинг фаолияти самарадорлиги ва натижадорлигининг ишчи индикаторлари

18. Институт фаолияти самарадорлиги мунтазам равишда баҳоланади.

19. Институт фаолияти самарадорлиги ва натижадорлигини баҳолаш Агентлик томонидан тасдиқланадиган Институт фаолиятини баҳолаш мезонларига ҳамда унинг фаолияти самарадорлиги ва натижадорлигининг ишчи индикаторларига асосланади.

20. Институт фаолиятининг самарадорлиги ва натижадорлигини баҳолаш якунлари бўйича:

Институт раҳбарлари ва ходимларига нисбатан рағбатлантириш (тақдирлаш) ёки интизомий жавобгарлик чоралари;

Институт фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

21. Институт фаолиятининг самарадорлиги ва натижадорлигини баҳолаш тартиби ва методикаси қонунчилик ҳужжатларида белгиланади.

6-боб. Институт фаолиятини молиялаштириш ва унинг ходимларини моддий рағбатлантириш

22. Институт фаолиятини молиялаштириш ва унинг ходимларини моддий рағбатлантириш қонунчилик ҳужжатларига мувофиқ амалга оширилади.

23. Қуйидагилар Институт фаолиятини молиялаштириш манбалари этиб белгиланади:

Институт томонидан шартнома асосида кўрсатиладиган хизматлардан, реализация қилинган стандартлардан тушадиган пул маблағлари;

бўш турган маблағларни тижорат банкларининг депозитларига жойлаштиришдан олинадиган даромадлар;

қонунчиликка зид бўлмаган бошқа манбалар.

24. Институт ходимларининг меҳнатига ҳақ тўлаш фонди лавозим маоши, узоқ муддат узлуксиз хизмати учун устама ҳақлар, мукофотлар, қўшимча ҳақлар ва устамалар, рағбатлантириш тўловларидан, шунингдек, қонунчилик ҳужжатларида назарда тутилган бошқа тўловлардан иборат. Институтнинг ходимлари меҳнатига ҳақ тўлаш ва уларни моддий рағбатлантириш тартиби қонунчилик ҳамда ички ҳужжатларда белгиланади.

25. Институт ходимлари учун (техник ва хизмат кўрсатувчи ходимлардан ташқари) узоқ йиллик хизмати учун қўшимча устама коэффициенти миқдорлари қуйидагича белгиланади:

1 йилдан 3 йилгача — 0,3;

3 йилдан 5 йилгача — 0,6;

5 йилдан 10 йилгача — 0,8;

10 йилдан 15 йилгача — 1,0;

15 йилдан 20 йилгача — 1,2;

20 йилдан ортиқ — 1,5.

Бунда кўп йиллик хизмати учун ойлик устама ҳақлари коэффициентини ҳисоблашда ташкилий-ҳуқуқий шаклидан қатъи назар (якка тартибдаги тадбиркор ва ўзини ўзи банд қилган шахс сифатида ишлаган давридан ташқари), барча ташкилотлардаги меҳнат фаолияти даври ҳисобга олинади.

26. Институт ходимларининг лавозим маоши Ягона тариф сеткаси бўйича меҳнатга ҳақ тўлашга доир тасдиқланган разрядлар ставкасининг 1,8 баравари миқдоридаги коэффициентни қўлланган ҳолда белгиланади.

27. Институт ходимлари меҳнатига ҳақ тўлаш разрядлари қуйидагича белгиланади:

Т/р Лавозимлар номи Ягона тариф сеткаси бўйича разрядлар 1. Директор 16 2. Директор ўринбосарлари 15 3. Директор маслаҳатчиси 14 4. Илмий котиб 13 5. Бўлим (марказ) бошлиғи 13 6. Бўлим (марказ) бошлиғи ўринбосари 13 (-5%) 7. Сектор бошлиғи 12 8. Бош мутахассис 11 9. Етакчи мутахассис 10 10. Мутахассис 8

28. Институтнинг ходимларига қуйидаги рағбатлантириш тўловлари тўланади:

ходимларнинг KPI (энг муҳим самарадорлик кўрсаткичларини) бажаргани учун кўрсаткичларидан келиб чиқиб, лавозим маошининг уч бараваригача миқдорда ойлик устамалар;

иш участкасининг мураккаблиги ва муҳимлигини ҳисобга олиб, шунингдек, мамлакат иқтисодий манфаатларини ҳимоя қилиш борасида шахсий ҳиссасини қўшган, меҳнатда юқори натижаларга эришган, алоҳида муҳим вазифаларини сидқидилдан ва самарали бажараётган (ҳар бир бажарилган иш учун) раҳбар ва ходимларга лавозим маошининг икки бараваригача миқдорда шахсий устамалар;

умумхалқ байрамлари, чорак ва йил якунлари муносабати билан меҳнатга ҳақ тўлашнинг энг кам миқдорининг саккиз бараваригача миқдорда мукофотлар;

Институтда фаолият юритаётган фан номзоди ёки фалсафа доктори (PhD) (ёки хорижий мамлакатларда уларга тенглаштирилган даражалар) илмий даражасига эга ходимлар лавозим маошига 30 фоизгача, шунингдек, фан доктори (DSc) (ёки хорижий мамлакатларда унга тенглаштирилган даража) илмий даражасига эга ходимлар лавозим маошига 60 фоизгача қўшимча ҳақ;

транспорт харажатларини қоплаш учун базавий ҳисоблаш миқдорининг уч бараваригача миқдорида ойлик тўловлар;

ходимларни ижтимоий муҳофаза қилиш ва уларнинг меҳнати самарадорлигини ошириш мақсадида ҳар ойда овқатланиш харажатларини қоплаш учун базавий ҳисоблаш миқдорининг уч бараваригача миқдорида тўловлар;

ходим вафот этганда — вафоти тўғрисидаги гувоҳнома нусхаси тақдим этилганда бир йўла меҳнатга ҳақ тўлашнинг энг кам миқдорининг ўн бараваригача миқдорда моддий ёрдам тўловлари;

ходимнинг яқин қариндоши (ота-онаси, турмуш ўртоғи, фарзанди) вафот этганда — вафоти тўғрисидаги гувоҳнома нусхаси тақдим этилганда, бир марта меҳнатга ҳақ тўлашнинг энг кам миқдорининг ўн бараваригача миқдорда моддий ёрдам тўловлари;

алоҳида заруратга кўра (юбилей саналарида, ходимлар 50, 55 ва 60 ёшга тўлганда, бахтсиз ҳодиса, оғир касаллиги сабабли даволаниш, соғлиғини тиклаш, оиланинг кам таъминлангани ва молиявий ҳолатининг оғирлиги) бир марта меҳнатга ҳақ тўлашнинг энг кам миқдорининг ўн бараваригача миқдорда моддий ёрдам тўловлари;

қишлоқ хўжалиги маҳсулотларини харид қилиш учун ходимларга бир йилда бир марта меҳнатга ҳақ тўлашнинг энг кам миқдорининг етти бараваригача миқдорда моддий ёрдам тўловлари.

Мазкур Уставда ходимлар меҳнатига ҳақ тўлаш учун белгиланган барча тўловлар (қўшимча ҳақ, устама, мукофот, ижтимоий ҳимоя тўловлари ва бошқалар) кафолатланган тўлов ҳисобланмайди ҳамда Институтнинг молиявий шароитидан келиб чиққан ҳолда қонунчиликда белгиланган тартибда амалга оширилади.

7-боб. Якунловчи қоида

29. Институт қонунчилик ҳужжатларига мувофиқ қайта ташкил этилади ва тугатилади.

Вазирлар Маҳкамасининг 2026 йил 7 сентябрдаги 472-сон қарорига 2-ИЛОВА

Олий маълумотга эга бўлган шахсларни техник жиҳатдан тартибга солиш, стандартлаштириш ва метрология йўналиши бўйича касбий қайта тайёрлаш тартиби тўғрисида

1-боб. Умумий қоидалар

1. Ушбу Низом стандартлаштириш, техник жиҳатдан тартибга солиш, метрология ва мувофиқликни баҳолаш соҳалари бўйича фаолият юритадиган, олий маълумотга эга бўлган мутахассисларни стандартлаштириш, техник жиҳатдан тартибга солиш, метрология ва мувофиқликни баҳолаш йўналиши (кейинги ўринларда — йўналиш) бўйича Ўзбекистон Республикаси Вазирлар Маҳкамаси Ўзбекистон техник жиҳатдан тартибга солиш агентлигининг Ўзбекистон стандартлар институтида (кейинги ўринларда — Институт) касбий қайта тайёрлаш тартибини белгилайди.

2. Ушбу Низомда қуйидаги асосий тушунчалардан фойдаланилади:

буюртмачи — қайта тайёрлаш курсларида таълим олиш учун мурожаат қилган жисмоний ёки юридик шахс;

олий маълумотга эга бўлган мутахассисларни йўналиш бўйича касбий қайта тайёрлаш курслари (кейинги ўринларда — қайта тайёрлаш курслари) — корхона ва ташкилотларнинг стандартлаштириш, техник жиҳатдан тартибга солиш, метрология ва мувофиқликни баҳолаш йўналиши бўйича маълумот ҳамда билим талаб этадиган касб ва лавозимларида фаолият юритиш учун етарли даражада билим олиш ва кўникма шакллантиришни назарда тутадиган олий таълимдан кейинги ўқитиш шакли;

педагог-маслаҳатчи — таълим жараёнида тегишли ўқув курси (модули) бўйича тингловчилар фаолиятини мувофиқлаштирувчи ва йўналтирувчи, методик ёрдам кўрсатувчи, ўқиши ва билимини назорат қилувчи субъект;

тингловчи — қайта тайёрлаш курсларига қабул қилинган жисмоний шахс;

ўқув дастури — қайта тайёрлаш курсларининг таълим мазмунини, унинг тингловчилар томонидан ўзлаштирилишининг мақсадга мувофиқ усулларини ташкил этишни назарда тутадиган, ахборот манбаи бўлган, мутахассисликларнинг малака талаблари, ўқув курсининг асосий мазмуни ва методик тузилишини аниқлаб берувчи асосий ҳужжат;

ўқув режаси — блоклар ва ўқув фанлари (курслар)нинг номларини, уларни ўзлаштириш учун ажратилган соатлар ҳажмини ҳамда тингловчиларнинг билимларини назорат қилиш шаклларини белгилаб берувчи асосий ҳужжат;

қайта тайёрлаш — стандартлаштириш, техник жиҳатдан тартибга солиш, метрология ва мувофиқликни баҳолаш соҳаларида халқаро стандартлар ва талабларни ҳисобга олган ҳолда ишлаб чиқилган ўқув дастурлари асосида зарур билим, кўникма ва малакаларни ўзлаштириш орқали янги касбий фаолиятга йўналтиришга қаратилган ўқитиш шакли;

қайта тайёрлашнинг анъанавий шакли — ўқув дастурларини ишлаб чиқаришдан ажралган ҳолда, қайта тайёрлаш курсларида бевосита иштирок этиш орқали ўзлаштириш;

қайта тайёрлашнинг масофавий шакли — ўқув дастурларини ишлаб чиқаришдан ажралмаган ҳолда, онлайн (реал вақт режимида) ҳамда офлайн (видеомаърузалар, мавзуга доир маърузалар матни, ассесмент топшириқлари, амалиёт материаллари таҳлили, кичик назорат ишини бажариш орқали тегишли ўқув-методик ресурсларни мустақил равишда ўзлаштириш) тарзда ўзлаштириш.

3. Йўналиш бўйича қайта тайёрлаш курслари ушбу Низомга 1-иловада келтирилган схемага мувофиқ ташкил этилади.

2-боб. Қайта тайёрлаш курсларида ўқиш тартиби

4. Институт томонидан қайта тайёрлаш курслари ҳар йили йилнинг бошида қайта тайёрлаш курсларини ўтказиш бўйича ишлаб чиқилган ҳамда тасдиқланган режа-жадвал асосида ташкил этилади.

5. Режа-жадвалда кўрсатилган саналар бўйича қайта тайёрлаш курсларини ўтказиш ҳақида корхона ва ташкилотларга мурожаатлар юборилади.

6. Буюртмачи қайта тайёрлаш курсларини ташкил этиш учун онлайн тарзда (Институтнинг расмий веб-сайти ёки Edu.tris.uz платформаси орқали) ёки бевосита Институтга ариза билан ёзма мурожаат қилади.

7. Аризага қуйидаги ҳужжатлар илова қилинади:

қайта тайёрлаш курсларида ўқиш учун буюртмачининг ушбу Низомга 2-иловага мувофиқ шакл бўйича анкетаси;

буюртмачи хорижий давлатларда таълим олган бўлса, хорижий давлатларда таълим олганлигини тасдиқловчи ҳужжатнинг ва ваколатли давлат органи томонидан берилган таълим тўғрисидаги ҳужжатнинг тан олингани ёки эквивалентлиги қайд этилган гувоҳнома нусхаси;

иш жойидан тавсифнома.

8. Аризалар икки кун муддатда кўриб чиқилиб, буюртмачи билан қонунчилик ҳужжатларида белгиланган тартибда шартнома расмийлаштирилади.

9. Қуйидагилар аризанинг рад этилиши учун асос ҳисобланади:

зарур даражада расмийлаштирилмаган ҳужжатларни тақдим этганлик ёки ҳужжатларни тўлиқ ҳажмда тақдим этмаслик;

тақдим этилган ҳужжатларда сохта маълумотларнинг мавжудлиги.

Ушбу банднинг иккинчи хатбошисида назарда тутилган ҳолатларни бартараф этиш юзасидан тингловчи икки иш куни ичида хабардор қилинади, унга қайта тайёрлаш курси бошланиши санасигача имконият берилади.

10. Мутахассислар Институт билан буюртмачилар ўртасида тузиладиган шартномалар асосида тўлов эвазига қайта тайёрланади.

11. Институтда қайта тайёрлаш курслари тингловчининг асосий иш жойидан ажралган ёки ажралмаган ҳолда қайта тайёрлаш шаклларида (анъанавий, масофавий) ташкил этилади.

Қайта тайёрлаш курслари анъанавий шаклда ташкил этилганда, тингловчиларнинг асосий иш жойидаги ўртача иш ҳақи меҳнат қонунчилигида белгиланган тартибда сақлаб қолинади.

Қайта тайёрлаш курслари масофавий шаклда ташкил этилганда, ўқув режаси ва дастурига мувофиқ таълимнинг назарий қисми Институт базасида (тегишли таълим платформаларида), амалий қисми тингловчининг асосий иш жойида (таълим жараёни билан бирга) ташкил этилишини назарда тутган ҳолда ишлаб чиқилади.

Институтда ташкил этиладиган қайта тайёрлаш курсларида аудитория ўқув юкламасининг энг кўп ҳажми, қоида тариқасида, ҳафтасига 36 соат этиб белгиланади.

Ўқитиш давомийлиги, қоида тариқасида, камида 576 соат (16 ҳафта)ни ташкил этади.

12. Қайта тайёрлаш курслари тингловчилари қуйидаги ҳолларда тингловчилар сафидан четлаштирилади:

ўз хоҳишига биноан;

ўқув интизоми ва Институт тингловчиларининг ички тартиб-қоидаларини мунтазам равишда ёки бир маротаба қўпол равишда бузганда;

узрли (яқин қариндошининг вафоти, тингловчининг меҳнатга лаёқатсизлик даври, фарзандининг бетоблиги, тингловчининг никоҳ маросими, судларда иштирок этган даври) сабабларсиз қайта тайёрлаш курслари бўйича ўқув машғулотларини ўттиз академик соатдан ортиқ қолдирганда;

шартнома мажбуриятларини бажармагани (бажарилмаганлиги) учун;

суд томонидан озодликдан маҳрум этилганда;

вафот этганда.

13. Тингловчи қайта тайёрлаш курси тингловчилари сафидан чиқарилганда, Институт бу ҳақида буюртмачига хабар беради.

14. Тингловчи ўз хоҳиши билан таълим олишни рад этганда, тўланган тўлов миқдори Институт томонидан қуйидаги тартибда қайтариб берилади:

қайта тайёрлаш курслари бошланмаган ҳолда буюртмачи томонидан тўланган тўловнинг тўлиқ миқдорида;

бошланган ҳолда буюртмачи томонидан тўланган тўловнинг қайта тайёрлаш курслари қолган муддатига нисбатан мос миқдорда.

Ушбу Низомнинг 12-банди учинчи — бешинчи хатбошиларидаги ҳолларда тингловчи тингловчилар сафидан чиқарилган тақдирда, тўланган тўлов миқдори қайтарилмайди.

15. Айрим сабабларга кўра (меҳнат таътили, хизмат сафари, тингловчининг меҳнатга лаёқатсизлик даври, фарзандининг бетоблиги) қайта тайёрлаш курсларида қатнаша олмаган тингловчилар ташкилот раҳбарининг мурожаатига асосан кейинги қайта тайёрлаш курсларига аввалги тўланган тўловлар эвазига киритилади.

3-боб. Қайта тайёрлаш курсларининг ўқув жараёнини ташкил этиш механизмлари

16. Тингловчилар ўқув жараёнларига гуруҳларга киритилган ҳолда жалб этилади.

17. Ўқув жараёни белгиланган тартибда тасдиқланган давлат таълим талаблари ва буюртмачи билан келишилган ҳолда, Институт илмий кенгашида маъқулланган ҳамда Институт директори томонидан тасдиқланган ўқув режаси ва дастурларига мувофиқ ташкил этилади.

18. Тингловчи қайта тайёрлаш курсларига буюртмачининг мурожаатига асосан Институт директорининг буйруғи билан қабул қилинади.

19. Институтда ўқув жараёни, қоида тариқасида, 25 кишидан ортиқ бўлмаган тингловчилардан иборат гуруҳларда ташкил қилинади.

20. Барча турдаги аудитория машғулотларининг давомийлиги 80 дақиқани, ўқув машғулотлари ўртасидаги танаффус камида 10 дақиқани ташкил этади.

21. Ўқув жараёнида ўқув машғулотларининг асосий турлари, жумладан, маъруза, семинар ва амалий (лаборатория) машғулотлардан фойдаланади.

22. Ўқув машғулотларининг қўшимча турлари сайёр машғулотлар ва дарс машғулотларини ташкил этишнинг амалиётга йўналтирилган замонавий усуллари (кейс-стади, илмий тақдимотлар, жамоада ишлаш ва бошқалар) қўлланилиши мумкин.

23. Масофавий шаклдаги қайта тайёрлаш курсларида ўқув жараёни махсус таълим платформаларида онлайн (реал вақт режимида) ва оффлайн (тегишли ўқув-методик ресурсларни мустақил равишда ўзлаштириш) режимда ташкил қилинади.

24. Қайта тайёрлаш курслари тингловчиларнинг билими, қоида тариқасида, жорий назорат, оралиқ назорат ва якуний назорат турлари бўйича баҳоланади.

25. Масофавий шаклда ташкил этилган қайта тайёрлаш курслари якуний назорат, қоида тариқасида, тингловчининг бевосита иштирокида Институт аудиторияларида ўтказилади.

Масофавий шаклда таълим олаётган тингловчиларга якуний назорат имтиҳонини топшириш (имтиҳон синовларидан ўтиш) даври учун ўртача ойлик маоши сақланган қўшимча таътил берилади.

26. Тингловчилар билимини баҳолаш шакллари ҳамда уларни ўтказиш тартибига доир талаблар Институт томонидан тасдиқланади. Бунда тингловчиларнинг фанлар (курслар)ни ўзлаштириш даражаси электрон тизим орқали назорат қилинади.

27. Муайян назорат турларидан (синовлардан, имтиҳонлардан) ўтолмаган тингловчиларга фақат бир марта тўловсиз қайта топшириш имконияти берилади.

4-боб. Масофавий таълимни ташкил этиш

28. Масофавий таълимнинг давомийлиги тегишли қайта тайёрлаш курслари учун ажратилган академик соатларда белгиланади.

29. Онлайн шаклдаги масофадан ўқитиш усули махсус жиҳозланган ўқув хоналарида реал вақт режимида амалга оширилади.

Тингловчиларнинг масофавий ўқишда иштироки буюртмачи ташкилотлар томонидан таъминланади.

30. Масофавий ўқиш бошланишидан уч кун олдин Институт томонидан тингловчиларни OneID ягона идентификация тизими орқали Институт расмий веб-сайтидан махсус бўлимига киришлари таъминланади.

31. Тингловчилар OneID ягона идентификация тизими орқали Институт расмий веб-сайтидаги махсус бўлимга кирадилар ва унда ўзининг шахсий кабинетига эга бўладилар.

32. Тингловчилар ўзларининг логин ва пароли ҳамда шахсий кабинетини бошқа шахсларга фойдаланиш учун бериши тақиқланади.

33. Масофавий таълим давомида тингловчилар қайта тайёрлаш курсларини ташкил этиш ва ўтказиш режаси, ўқиш давомийлигига амал қилиши, шунингдек, онлайн ва оффлайн режимдаги таълим жараёнида шахсан ўзи иштирок этиши талаб этилади.

34. Масофавий ўқиш жараёнида тингловчилар фаолияти, таълим жараёнини мувофиқлаштириш ва йўналтириш Институт директорининг буйруғи билан бириктириладиган педагог-маслаҳатчи томонидан амалга оширилади.

35. Тингловчилар билан доимий алоқани йўлга қўйиш, тингловчиларга зарур методик ёрдам бериш, якка тартибдаги машғулотни ўтказиш юзасидан назоратни амалга ошириш ва тингловчилар билимларини баҳолаш педагог-маслаҳатчининг вазифаларига киради. Педагог-маслаҳатчи якка тартибдаги топшириқнинг тингловчи томонидан бажарилиши холисона баҳоланиши учун жавоб беради.

Педагог-маслаҳатчи билан алоқа электрон почта, телефон ва бошқа электрон алоқа воситалари ёрдамида амалга оширилади. Педагог-маслаҳатчи билан алоқа сессиялар (бевосита юзма-юз мулоқот) тарзида ҳам амалга оширилиши мумкин.

5-боб. Қайта тайёрлаш курслари тингловчиларини давлат аттестациясидан ўтказиш

36. Институт буйруғи билан қайта тайёрлаш курслари тингловчиларининг давлат аттестациясини ўтказиш бўйича давлат аттестация комиссияси тузилади.

37. Тингловчиларнинг аттестациясини ташкил этиш ва ўтказишга доир талаблар Институт кенгаши томонидан тасдиқланади.

38. Давлат аттестация комиссиясининг қарори Институт директори томонидан тингловчиларга белгиланган намунадаги дипломларни бериш тўғрисидаги буйруқ қабул қилиш учун асос ҳисобланади.

39. Давлат аттестацияси якунлари бўйича қониқарсиз баҳо олган тингловчиларга фақат бир марта, кейинги қайта тайёрлаш курслари якунлари бўйича давлат аттестациясини такроран топшириш имконияти берилади.

40. Давлат аттестация комиссияси аъзолари меҳнатига қонунчиликда белгиланган тартибда ҳақ тўланади.

41. Қайта тайёрлаш курсларининг ўқув режасига киритилган ўқув фанларини (курсларни) ўзлаштирмаган тингловчилар давлат аттестациясига қўйилмайди.

42. Қайта тайёрлаш курсини тамомлаган, аттестациядан муваффақиятли ўтган тингловчиларга ушбу Низомга 3-иловада белгиланган намунадаги (QR-код билан тасдиқланган) қайта тайёрлаш ҳақидаги диплом берилади.

Қайта тайёрлашга иккинчи олий таълим сифатида қаралмайди. Қайта тайёрлаш натижасида бериладиган ҳужжат (диплом) фақат муайян лавозимда белгиланган талабларга кўра фаолият кўрсатиш ҳуқуқини беради.

6-боб. Тингловчиларнинг ҳуқуқ ва мажбуриятлари

43. Тингловчилар қуйидаги ҳуқуқларга эга:

ўқув жараёнини янада яхшилаш, қайта тайёрлаш тизимини такомиллаштириш бўйича Институт раҳбариятига таклифлар киритиш;

маънавий-маърифий ва маданий тадбирларда қатнашиш;

қайта тайёрлаш билан боғлиқ бўлган қўшимча маълумотлар ва маслаҳатлар олиш;

Институтнинг ахборот-ресурс маркази, ўқув хоналари ва компьютер техника воситаларидан фойдаланиш;

Институт ходимларининг хатти-ҳаракатлари юзасидан шикоят қилиш.

Тингловчилар қонунчилик ҳужжатларига мувофиқ бошқа ҳуқуқларга ҳам эга бўлишлари мумкин.

44. Тингловчилар:

белгиланган тартибда ўқув режаси ва дастурлари асосида ўқиши;

ўқув машғулотларига ўз вақтида шахсан ўзлари иштирок этиши ва онлайн ўқув машғулотларида қатнашиши;

ўқув дастурларида назарда тутилган назорат турларини ва якуний назорат имтиҳонини топшириши;

ўз назарий билимларини, касбий кўникмалари ва маҳорат даражасини ошириши;

ўқув жараёнида берилган топшириқларни ўз вақтида бажариши;

Институтга тегишли бўлган мол-мулкни асраб-авайлаши, Институт тингловчиларининг ички тартиб-қоидаларга қатъий риоя этиши лозим.

7-боб. Апелляцияларни кўриб чиқиш

45. Тингловчилар аттестация натижаларидан норози бўлса, якуний назорат имтиҳони ўтган санадан бошлаб уч иш куни мобайнида Институтга онлайн (Институтнинг расмий веб-сайти ёки Еdu.tris.uz орқали) ёки ёзма шаклда апелляция бериш ҳуқуқига эга.

46. Апелляция комиссияси ҳар бир апелляцияни кўриб чиқиш учун заруратга кўра, шакллантирилади. Бунда Институт директорининг буйруғи билан уч нафардан кам бўлмаган таркибда соҳанинг етук мутахассислари ва олий таълим ташкилотининг тажрибали ходимлари, профессор-ўқитувчиларидан иборат апелляция комиссияси ташкил этилади.

Апелляция комиссияси таркибига давлат аттестациясида иштирок этган имтиҳон комиссияси аъзоларининг киритилишига йўл қўйилмайди.

Имтиҳонни қабул қилган имтиҳон комиссияси аъзоси апелляция жараёнида қатнашиб, ўз фикрини билдириш ҳуқуқига эга.

Апелляция шикоятлари имтиҳон натижалари эълон қилинган вақтдан бошлаб 24 соат ичида қабул қилинади ва апелляция комиссияси томонидан уч кун муддат ичида кўриб чиқилади.

Тингловчи апелляция шикоятини кўриб чиқишда иштирок этиш ҳуқуқига эга. Апелляция шикоятининг кўриб чиқилиш вақти ва жойи ҳақида тингловчига камида бир кун олдин онлайн (Институтнинг расмий веб-сайти ёки Еdu.tris.uz орқали) ёки ёзма шаклда хабар берилади.

Апелляция комиссияси апелляцияни кўриб чиқади ва қабул қилинган қарор тўғрисида тингловчига онлайн (Институтнинг расмий веб-сайти ёки Edu.tris.uz орқали) ёки ёзма шаклда маълум қилади.

47. Кўриб чиқилган апелляция натижалари бўйича апелляция комиссияси қуйидаги қарорлардан бирини қабул қилади:

якуний назорат имтиҳони натижаларини ўзгаришсиз қолдириш ва апелляцияни қаноатлантиришни рад этиш;

апелляцияни қаноатлантириш.

48. Апелляцияда келтирилган сабаблар тасдиқланмаган тақдирда, якуний назорат имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисидаги қарор қабул қилинади.

49. Апелляцияни қаноатлантириш тўғрисидаги қарор қабул қилинган тақдирда, Институт томонидан мазкур Низомга 3-иловада кўрсатилган намунадаги диплом берилади.

50. Институт икки иш кунидан ортиқ бўлмаган муддатда қабул қилинган қарор тўғрисидаги хабарномани апелляция берган буюртмачига онлайн (Институтнинг расмий веб-сайти ёки Еdu.tris.uz орқали) ёки ёзма шаклда юборади.

51. Айнан бир масала бўйича апелляцияни такроран беришга йўл қўйилмайди.

52. Апелляция комиссиясининг қарори юзасидан қонунчиликда белгиланган тартибда судга шикоят қилиш мумкин.

8-боб. Қайта тайёрлаш курсларини битирганлик ҳақидаги диплом дубликатларини қайта расмийлаштириш ва тақдим этиш

53. Диплом йўқотилган ёки яроқсиз ҳолга келган ҳолларда дипломнинг дубликати (кейинги ўринларда — дубликат) берилади. Бунда Институт директори номига дипломнинг йўқолиш, яроқсиз ҳолга келиш ҳолати тўлиқ баён этилган ариза қайта тайёрлаш курсларини тамомлаган жисмоний шахс томонидан Институтнинг расмий веб-сайти орқали электрон шаклда юборади.

54. Дубликат мурожаат қилинган санадан бошлаб ўн беш кун муддат мобайнида берилади.

55. Дубликатда ҳужжатларнинг аввалги қайд этилган рақами, серияси, берилган санаси кўрсатилади, янги бланканинг юқоридаги ўнг бурчагига «Дубликат» сўзи ёзилади.

56. Яроқсиз ҳолатга келган ёки бузилган диплом Институтга қайтарилиши ва қонунчилик ҳужжатларида белгиланган тартибда йўқ қилиниши лозим.

57. Дипломнинг қайта расмийлаштирилиши ёки дубликатининг тақдим этилиши учун қайта тайёрлашдан ўтиш талаб қилинмайди.

9-боб. Якунловчи қоидалар

58. Ушбу Низомни қўллашда юзага келадиган низолар қонунчиликда белгиланган тартибда ҳал этилади.

59. Ушбу Низом талабларининг бузилишида айбдор шахслар қонунчилик ҳужжатларига мувофиқ жавоб берадилар.

Олий маълумотга эга бўлган мутахассисларни метрология ва стандартлаштириш йўналиши бўйича касбий қайта тайёрлаш тартиби тўғрисидаги низомга 1-ИЛОВА

Қайта тайёрлаш курсларини ташкил қилиш ва ўтказиш

Босқичлар Субъектлар Тадбирлар Бажариш муддатлари 1-босқич Ўзбекистон стандартлар институти (Институт) 1. Режа-жадвал ишлаб чиқади. 2. Қайта тайёрлаш курсини ўтказиш ҳақида корхона ва ташкилотларга мурожаат юборади. Йил бошида 2-босқич Буюртмачи Ариза билан мурожаат қилади. Режа-жадвалга мувофиқ 3-босқич Институт 1. Ариза ва зарур ҳужжатларни қабул қилади. 2. Шартнома расмийлаштиради. 3. Ўқув режаси ва дастурларини тасдиқлайди. Икки иш кунида 4-босқич Институт 1. Қайта тайёрлаш курсларига тингловчиларни қабул қилади. Уч иш куни мобайнида 2. Ўқув жараёнини ташкил этади. Режа жадвалга мувофиқ Аттестация комиссияси 3. Аттестацияни ўтказади. Ўқув жараёнининг якуни бўйича 5-босқич Институт Диплом беради. Комиссия қарори асосида

Олий маълумотга эга бўлган мутахассисларни метрология ва стандартлаштириш йўналиши бўйича касбий қайта тайёрлаш тартиби тўғрисидаги низомга 2-ИЛОВА

Қайта тайёрлаш курсларида ўқиш учун буюртмачи АНКЕТАСИ 1. _______________________________________________________________________________________ (исми, фамилияси, отасининг исми) 2. _______________________________________________________________________________________ (туғилган санаси (кун, ой, йил) 3. _______________________________________________________________________________________ (фуқаролик паспорти/идентификацияловчи ID-картаси (серияси, рақами, берилган сана) 4. ________________________________ _ ______________________________________________________ (яшаш жойи, манзили, телефон рақами) 5. _______________________________________________________________________________________ (маълумоти, таълим ташкилоти номи, мутахассислиги, тамомлаган йили) 6. _______________________________________________________________________________________ (иш жойи ва лавозими) Тўлдирилган сана ва имзо.

Олий маълумотга эга бўлган мутахассисларни метрология ва стандартлаштириш йўналиши бўйича касбий қайта тайёрлаш тартиби тўғрисидаги низомга 3-ИЛОВА

Қайта тайёрлаш ҳақида давлат намунасидаги диплом

Mazkur diplom egasi ______________________________ (tinglovchining familiyasi, ismi, otasining ismi) 20___-yil «___» ______dan 20 »___» ______-yilgacha _______________________________________da OʻZBEKISTON STANDARTLAR INSTITUTI (tashkilot nomi) Qayta tayyorlash haqida _________ soatga moʻljallangan _________________________________________ (kasbiy qayta tayyorlash kursining nomi) DIPLOM _______________ yoʻnalishi boyicha kasbiy qayta tayyorlash kursining oquv dasturini toliq oʻzlashtirdi. Attestatsiya komissiyasining 20___-yil _______dagi ________-son qarori bilan _____________________________ sohasida ______________________ yoʻnalishida kasbiy faoliyat yuritish huquqi berildi. QT № 000000 Qayd raqami: ________________ Berilgan sana: 20___-yil «___» _________ Berilgan joy: ______________ Rahbar ________ ___ _______________________ QR-kod _____________ (imzo) ___________ (familiyasi, ismi, otasining ismi)

Қайта тайёрлаш ҳақида давлат намунасидаги дипломнинг

Олий маълумотга эга бўлган мутахассисларни метрология ва стандартлаштириш йўналиши бўйича касбий қайта тайёрлаш ҳақидаги давлат намунасидаги диплом А5 форматдаги оқ қоғозда, офсет усулида, беш хил рангдан: матн учун — қора ранг, расмлар тасвири учун — яшил, кўк ва қизил ранглардан, фон учун — оч пушти рангдан фойдаланган ҳолда босиб чиқарилади.

Варақнинг чап юқори қисмида Ўзбекистон Республикаси Давлат герби тасвири ва давлат тилида лотин ёзуви билан қуйидагилар жойлаштирилади:

ЎЗБЕКИСТОН РЕСПУБЛИКАСИ ГЕРБИ

ЎЗБЕКИСТОН СТАНДАРТЛАР ИНСТИТУТИ

Қайта тайёрлаш ҳақида

ДИПЛОМ

QT № 000000

Қайд рақами: ____________

Берилган жой: ____________

Берилган сана: 20__ йил «___» _________

QR-код жойи

Дипломнинг ўнг қисмида давлат тилида лотин ёзуви билан қуйидагилар кўрсатилади:

тингловчининг фамилияси, исми, отасининг исми;

ўқиш даври;

ташкилот номи;

қайта тайёрлаш курсининг умумий соати ва номи;

Аттестация комиссияси қарорининг санаси ва рақами;

ташкилот раҳбарининг электрон имзоси ва фамилияси, исми, отасининг исми;

Диплом:

тартиб рақами иккита лотин ҳарфидан «QT» ва олти рақамли сондан иборат бўлиши;

барча матн ва тасвирлар нақшли растрдан иборат оч — пушти ранг фонда акс эттирилиши;

такрорланмайдиган рақамлардан, олтита ҳимояга эга ва кетма-кет ўзгарувчи рақамлардан иборат бўлиши;

юқори сифатли офсет қоғозда чоп этилиши;

QR-код дипломнинг чап қисми ўнг томонига жойлаштирилади.

Мазкур диплом босма қоғоз ёки электрон шаклда берилиши мумкин.

Вазирлар Маҳкамасининг 2026 йил 7 сентябрдаги 472-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2011 йил 28 апрелдаги 122-сон қарори билан тасдиқланган Маҳсулотни экспорт қилишга кўмаклашиш бюроси тўғрисидаги низомда :

а) 1-банд қуйидаги таҳрирда баён қилинсин:

«1. Маҳсулотни экспорт қилишга кўмаклашиш бюроси (кейинги ўринларда — Бюро) Ўзбекистон техник жиҳатдан тартибга солиш агентлигининг Ўзбекистон стандартлар институти (кейинги ўринларда — Институт) таркибий бўлинмаси ҳисобланади ҳамда Институтнинг ҳудудий филиалларида биттадан вакилга эга»;

б) 3-банддаги «давлат ва хўжалик бошқаруви органлари» сўзлари «республика ижро этувчи ҳокимият органлари ва хўжалик бошқаруви органлари» сўзлари билан алмаштирилсин;

в) 7-банднинг биринчи хатбошисидаги «Ўзбекистон илмий-синов ва сифат назорати маркази» сўзлари «Институт» сўзи билан алмаштирилсин;

г) 8-банд чиқариб ташлансин;

д) 10-банд қуйидаги таҳрирда баён қилинсин:

«10. Бюро бошлиғи Низом билан юкланган вазифаларнинг зарур даражада ва ўз вақтида бажарилиши учун шахсан жавоб беради».

2. Вазирлар Маҳкамасининг 2017 йил 25 апрелдаги 237-сон қарори билан рус тилида тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламентда :

а) 34-банддаги «Национальным органом по сертификации» сўзлари «Узбекским институтом стандартов Узбекского агентства по техническому регулированию» сўзлари билан алмаштирилсин;

б) 42-банд қуйидаги таҳрирда баён этилсин:

«42. Сертификация единичного транспортного средства и малой партии транспортных средств проводится на соответствие требованиям, предусмотренным пунктами 1, 21, 23 — 26, 32, 38, 39, 41, 46, 47, 49, 52, 53, 55 — 61 приложения № 3, а также приложений № 2 и 6 к Техническому регламенту»;

в) 44-банд қуйидаги таҳрирда баён этилсин:

«44. При представлении заявителем протоколов испытаний на конкретную модель, тип, марку, коммерческое наименование автотранспортного средства, подтверждающие соответствие требованиям, указанным в пунктах 1, 21, 23-24, 32, 38, 47, 49, 52, 53, 55 — 61 приложения № 3 к Техническому регламенту, не проводятся.

При этом, срок давности протоколов испытаний не должен превышать срока, указанного в пункте 26 настоящего Технического регламента».

3. Вазирлар Маҳкамасининг «Ўзбекистон техник жиҳатдан тартибга солиш агентлигининг Ўзбекистон стандартлар институти фаолиятини ташкил этиш тўғрисида» 2019 йил 14 мартдаги 220-сон қарорида :

а) 1-бандда :

иккинчи хатбоши чиқариб ташлансин;

учинчи хатбошидаги «давлатлараро,» сўзи чиқариб ташлансин;

б) 2-банднинг иккинчи хатбошиси чиқариб ташлансин;

в) 3-иловада :

номланишидаги «давлатлараро,» сўзи чиқариб ташлансин;

1-банддаги «давлатлараро,» сўзи чиқариб ташлансин;

2-бандда :

учинчи хатбошидаги «ёки давлатлараро» сўзлари чиқариб ташлансин;

бешинчи хатбошидаги «давлат ва хўжалик бошқаруви органлари ва» сўзлари «республика ижро этувчи ҳокимият органлари ва хўжалик бошқаруви органлари ҳамда» сўзлари билан алмаштирилсин;

3-бандда :

учинчи хатбоши қуйидаги таҳрирда баён этилсин:

«стандартлаштириш режаси;»;

бешинчи хатбошидаги «Ўзбекистон техник жиҳатдан тартибга солиш агентлигига» сўзлари «Стандартлаштириш бўйича миллий органга» сўзлари билан алмаштирилсин;

олтинчи хатбошидаги «давлатлараро,» сўзи чиқариб ташлансин;

қуйидаги таҳрирдаги еттинчи хатбоши билан тўлдирилсин:

«Халқаро, минтақавий стандартларни, хорижий мамлакатларнинг стандартларини, шунингдек, уларга киритилган ўзгартишларни Ўзбекистон Республикаси ҳудудида амалга киритиш ва уларнинг амал қилишини бекор қилиш тўғрисидаги қарорлар ушбу Низом талабларини ҳисобга олган ҳолда, Стандартлаштириш бўйича миллий орган томонидан тасдиқланадиган тартиб-таомилларга мувофиқ қабул қилинади»;

5-6-бандлар қуйидаги таҳрирда баён этилсин:

«5. Республикада халқаро стандартлар ISO/IEC Guide 21 талабларига мувофиқ қабул қилинади.

6. Республикада халқаро стандартлар қуйидаги мувофиқлик даражалари бўйича қабул қилинади:

халқаро стандартлар билан айнан ўхшаш (IDT);

халқаро стандартга нисбатан модификацияланган (MOD);

халқаро стандартларга нисбатан эквивалент бўлмаган (NEQ).

Бунда халқаро стандартларни қабул қилишнинг мувофиқлик даражалари ISO/IEC Guide 21 талабларида белгиланган мезонларга мувофиқ тегишли стандартлаштириш бўйича техник қўмиталарнинг хулосаси асосида белгиланади»;

10-банд қуйидаги таҳрирда баён этилсин:

«10. Халқаро стандартлар тегишли стандартлаштириш бўйича техник қўмиталар томонидан аниқлик киритилган мувофиқлик даражасидан келиб чиқиб миллий стандарт сифатида қабул қилинади»;

3-боб номланишидаги «ёки давлатлараро» сўзлари чиқариб ташлансин;

18-банддаги «ҳудудий ёки давлатлараро стандартларда республикада қабул қилинмаган бошқа халқаро, минтақавий ёки давлатлараро» сўзлари «минтақавий стандартларда республикада қабул қилинмаган бошқа халқаро ёки минтақавий» сўзлари билан алмаштирилсин;

19-банддаги «ёки давлатлараро» сўзлари чиқариб ташлансин;

30-бандда :

биринчи хатбошидаги «уч ойдан кечикмай кучга киради» сўзлари «камида олтмиш кундан кейин амалга киритилади» сўзлари билан алмаштирилсин;

иккинчи хатбоши қуйидаги таҳрирда баён этилсин:

«Амалдаги миллий стандарт ўрнига стандарт қабул қилинган тақдирда ўтиш даври назарда тутилади. Бунда амалга киритилмаган стандарт талаблари ўтиш даври мобайнида қўлланилиши мумкин»;

31-банддаги «техник жиҳатдан тартибга солиш соҳасидаги норматив ҳужжатларнинг Давлат фонди таркибига» сўзлари «ягона ахборот базасига» сўзлари билан алмаштирилсин;

33 — 35-бандлардаги «давлатлараро,» сўзи чиқариб ташлансин;

иловада :

номланишидаги «давлатлараро,» сўзи чиқариб ташлансин;

8-босқичнинг «Муддатлар» устунидаги «уч ойдан кечикмай» сўзлари «камида олтмиш кундан кейин» сўзлари билан алмаштирилсин;

г) 4-иловада :

36-банддаги «давлатлараро» сўзи «минтақавий» сўзи билан алмаштирилсин;

37-бандда :

олтинчи хатбошидаги «халқаро (давлатлараро, минтақавий)» сўзлари «халқаро, минтақавий» сўзлари билан алмаштирилсин;

қуйидаги мазмундаги ўнинчи-ўн биринчи хатбошилар билан тўлдирилсин:

«муҳокама қилинадиган стандарт лойиҳасида келтирилган талабларнинг техник қўмита фаолият йўналиши доирасида тўғрилиги, ишончлиги ва асослантирилганини таъминлаш;

халқаро стандартларни қабул қилишнинг мувофиқлик даражаларини аниқлаш бўйича хулосалар бериш»;

ўнинчи хатбоши ўн иккинчи хатбоши деб ҳисоблансин;

56-банднинг учинчи хатбошисидаги «халқаро (давлатлараро, минтақавий)» сўзлари «халқаро, минтақавий» сўзлари билан алмаштирилсин;

58-бандда «халқаро (давлатлараро, минтақавий)» сўзлари «халқаро, минтақавий» сўзлари билан алмаштирилсин.

4. Вазирлар Маҳкамасининг 2021 йил 30 январдаги 43-сон қарори билан тасдиқланган Мажбурий тартибда мувофиқлиги баҳоланиши лозим бўлган маҳсулотлар рўйхатида :

а) 46-позиция қуйидаги таҳрирда баён этилсин:

« 46. Автотранспорт воситалари учун хавфсиз шиша, озиқ-овқат маҳсулотлари ва дориларни қадоқлаш учун шиша идиш, емакхона ва ошхона идишлари, лаборатория, гигиеник ва фармацевтик вазифалар учун шиша идиш 7008 00, 7009 91 000 0, 7009 92 000 0, 7010, 7013, 7016 10 — 7016 90 700 9, 7017, 7019 »;

б) қуйидаги мазмундаги 91 1 -банди билан тўлдирилсин:

« 91 1 . Ойналар (шиша) 7003 12 — 7003 30 000 0, 7004 20 — 7004 90, 7005 10 — 7005 30 000 0, 7006 00 100 0, 7006 00 900 0, 7007 ».

5. Вазирлар Маҳкамасининг «Қимматбаҳо металларни биржа савдолари ва тўғридан-тўғри шартномалар асосида сотишда заргарлик соҳасида иш ўринларини яратган тадбиркорлик субъектларига чегирмалар бериш тартибини такомиллаштириш тўғрисида» 2024 йил 4 мартдаги 109-сон қарорида :

а) 1-банд қўйидаги таҳрирда баён этилсин:

«1. Ўзбекистон Республикаси Президентининг «Заргарлик буюмларини ишлаб чиқариш қувватларини кенгайтириш ва маҳаллий заргарларни ҳар томонлама қўллаб-қувватлаш бўйича қўшимча чора-тадбирлар тўғрисида» 2022 йил 22 декабрдаги ПҚ-452-сон ҳамда «Заргарлик соҳасида фаолият юритаётган тадбиркорлик субъектларини янада қўллаб-қувватлаш чора-тадбирлари тўғрисида» 2025 йил 15 октябрдаги ПҚ-303-сон қарорларида:

а) 2029 йил 1 февралга қадар «Навоий кон-металлургия комбинати» АЖ ва «Олмалиқ кон-металлургия комбинати» АЖ томонидан ишлаб чиқарилган қимматбаҳо металларни биржа савдолари ва тўғридан-тўғри шартномалар асосида сотишда заргарлик соҳасида 75 дан 125 тагача иш ўринларини яратган тадбиркорлик субъектларига — Лондон қимматбаҳо металлар бозори уюшмасининг эрталабки фиксинг нархининг 1 фоизи миқдорида, 125 дан 200 тагача иш ўринларини яратганларга — 2 фоизи миқдорида, 200 дан 300 тагача иш ўринларини яратганларга — 3 фоизи миқдорида, 300 та ва ундан ортиқ иш ўринларини яратганларга — 4 фоизи миқдорида чегирма бериш жорий этилгани;

б) Иқтисодиёт ва молия вазирлиги томонидан Камбағалликни қисқартириш ва бандлик вазирлиги ҳамда «Ўзбекзаргарсаноати» уюшмаси билан биргаликда заргарлик буюмларини ишлаб чиқарувчи тадбиркорлик субъектларининг рўйхатини ва улар томонидан яратилган заргарлик соҳасидаги иш ўринлари тўғрисидаги маълумотлар «Ўзбекистон республика товар-хом ашё биржаси» АЖ, «Навоий кон-металлургия комбинати» АЖ ҳамда «Олмалиқ кон-металлургия комбинати» АЖга киритиб борилиши ва янгилаб борилиши;

в) чегирмалардан фойдаланадиган заргарлик буюмларини ишлаб чиқарувчи тадбиркорлик субъектларининг рўйхати (кейинги ўринларда — рўйхат) қуйидаги мезонларни инобатга олган ҳолда шакллантирилиши:

заргарлик буюмларини ишлаб чиқарувчи тадбиркорлик субъектлари томонидан яратилган иш ўринлари сони;

яратилган иш ўринларига ишга қабул қилинган ходимлар билан белгиланган тартибда меҳнат шартномаси тузилганлиги, уларга камида олти ой давомида меҳнатга ҳақ тўлашнинг энг кам миқдорининг тўрт бараваридан кам бўлмаган миқдорда иш ҳақи ҳисоблангани ҳамда ушбу ҳолат солиқ органлари томонидан тасдиқлангани;

заргарлик буюмларини ишлаб чиқарувчи тадбиркорлик субъектларида юқори қўшилган қийматли заргарлик буюмларини ишлаб чиқариш учун зарур бўлган моддий-техника базаси, ускуналар ва бошқа техника воситалари, шунингдек, заргарлик буюмларини ишлаб чиқариш бўйича белгиланган талабларга жавоб берадиган ишлаб чиқариш майдонлари ва шароитларининг мавжудлиги;

тадбиркорлик субъекти заргарлик марказида камида бир ой давомида фаолият юритаётган бўлиши;

г) Қимматбаҳо металларни биржа савдоларида сотишда чегирмалар бериш учун заргарлик буюмларини ишлаб чиқарувчи тадбиркорлик субъектларининг рўйхатини шакллантириш ва юритиш тартиби Вазирлар Маҳкамаси томонидан тасдиқланиши белгилангани маълумот учун қабул қилинсин»;

б) 2-банднинг бешинчи хатбошиси чиқариб ташлансин;

в) 3-банд ўз кучини йўқотган деб ҳисоблансин;

г) қарорга 1-илова билан тасдиқланган Қимматбаҳо металларни биржа савдоларида сотишда чегирмалар бериш учун заргарлик буюмларини ишлаб чиқарувчи тадбиркорлик субъектларининг рўйхатини шакллантириш ва юритиш тартиби тўғрисидаги низомда :

2-банднинг бешинчи хатбошиси қуйидаги таҳрирда баён этилсин:

«Комплаенс назорат хизмати — Иқтисодиёт ва молия вазирининг комплаенс ва коррупцияга қарши ички назорат бўйича ўринбосари»;

4-банддаги «ишлаб чиқилади ва Комиссия томонидан» сўзлари чиқариб ташлансин;

7-бандда :

учинчи хатбошидаги «бир» сўзи «тўрт» сўзи билан алмаштирилсин;

қуйидаги мазмундаги олтинчи хатбоши билан тўлдирилсин:

«заргарлик марказида камида бир ой давомида фаолият юритиши тўғрисида маълумот»;

олтинчи хатбоши еттинчи хатбоши деб ҳисоблансин;

9-банднинг «в» кичик банди қуйидаги мазмундаги тўртинчи хатбоши билан тўлдирилсин:

«тадбиркорлик субъекти заргарлик марказида камида бир ой давомида фаолият олиб бориши»;

10-банд қуйидаги таҳрирда баён этилсин:

«10. Ваколатли орган:

ҳар ойнинг 10-санасига қадар тадбиркорлик субъектларининг аризаларини ва улар юзасидан тегишли ташкилотларнинг хулосалари асосида тадбиркорлик субъектларининг рўйхатини шакллантириб, келишиш учун Комплаенс назорат хизматига киритади;

ҳар ойнинг 15-санасига қадар Комплаенс назорат хизмати билан келишилган тадбиркорлик субъектларининг рўйхатини «Ўзбекистон республика товар-хом ашё биржаси» АЖ, «Тошкент товар хомашё биржаси» АЖ, «Навоий кон-металлургия комбинати» АЖ ҳамда «Олмалиқ кон-металлургия комбинати» АЖга киритилади»;

11-банд ўз кучини йўқотган деб ҳисоблансин;

12-банддаги «Комиссия томонидан маъқулланган» сўзлари чиқариб ташлансин;

16-банддаги «Комиссия» сўзи «Комплаенс назорат хизмати» сўзлари билан алмаштирилсин;

18-банд ўз кучини йўқотган деб ҳисоблансин;

д) Қимматбаҳо металларни биржа савдоларида сотишда чегирмалар бериш учун заргарлик буюмларини ишлаб чиқарувчи тадбиркорлик субъектларининг рўйхатини шакллантириш ва юритиш тартиби тўғрисидаги низомга 1-иловада :

«Тадбирлар» устунининг «2-босқич» бўлимидаги «Тадбиркорлик субъектларига тақдим этилган имтиёзларнинг тўғри қўлланилишини мувофиқлаштириш бўйича Комиссияга маъқуллаш учун» сўзлари «Иқтисодиёт ва молия вазирининг комплаенс ва коррупцияга қарши ички назорат бўйича ўринбосарига келишиш учун» сўзлари билан алмаштирилсин;

«Субъектлар» устунининг «3-босқич» бўлимидаги «Комиссия» сўзи «Иқтисодиёт ва молия вазирининг комплаенс ва коррупцияга қарши ички назорат бўйича ўринбосари» сўзлари билан алмаштирилсин;

«Тадбирлар» устунининг «3-босқич» бўлимидаги «маъқуллайди» сўзи «келишади» сўзи билан алмаштирилсин;

«Тадбирлар» устунининг «4-босқич» бўлимидаги «Комиссия томонидан маъқулланган» сўзлари «Иқтисодиёт ва молия вазирининг комплаенс ва коррупцияга қарши ички назорат бўйича ўринбосари билан келишилган» сўзлари билан алмаштирилсин;

«Тадбирлар» устунининг «5-босқич» бўлимидаги «Комиссия томонидан маъқулланган» сўзлари «Иқтисодиёт ва молия вазирининг комплаенс ва коррупцияга қарши ички назорат бўйича ўринбосари билан келишилган» сўзлари билан алмаштирилсин;

ж) қарорга 2-илова ўз кучини йўқотган деб ҳисоблансин.

6. Вазирлар Маҳкамасининг «Стандартлаштириш фаолиятини такомиллаштиришга доир қўшимча чора-тадбирлар тўғрисида» 2024 йил 30 мартдаги 177-сон қарорида :

а) 2-иловада :

5-банд қуйидаги таҳрирда баён этилсин:

«5. Ягона ахборот базаси стандартларнинг электрон вариантларини ўз ичига олувчи қуйидаги платформалардан ташкил топади:

миллий стандартлар базаси — халқаро стандартларни адаптация (мослаштириш) қилиш орқали қабул қилинган миллий стандартлар ва миллий техник қўмиталар томонидан ишлаб чиқилган ҳамда стандартлаштириш бўйича миллий орган томонидан тасдиқланган миллий стандартлар тўғрисидаги маълумот;

стандартлар каталоги — халқаро, минтақавий, хорижий мамлакатларнинг стандартлари, шунингдек, бошқа тоифадаги стандартлар, стандартлаштиришга оид ҳужжатлар ҳамда улар ҳақидаги маълумотлар мажмуаси»;

9-банд қуйидаги мазмундаги иккинчи хатбоши билан тўлдирилсин:

«Стандартларнинг расмий рўйхати миллий стандартлар базасида мавжуд стандартлар асосида шакллантирилади ҳамда юритилади»;

15-банддаги «, хорижий мамлакатларнинг стандартларини» сўзлари «стандартларни» сўзи билан алмаштирилсин;

18-банд қуйидаги таҳрирда баён этилсин:

«18. Техник жиҳатдан тартибга солиш соҳасида назорат инспекцияси назорат давомида айнан Стандартлар институтининг расмий веб-сайтидан олинган стандартлардан фойдаланишни назорат қилади»;

б) 4-иловада :

2-банд қуйидаги мазмундаги бешинчи хатбоши билан тўлдирилсин:

«таълим ташкилотлари — техник жиҳатдан тартибга солиш, стандартлаштириш, метрология, мувофиқликни баҳолаш, шунингдек, ветеринария, карантин ва санитария соҳалари мутахассисларининг малакасини ошириш фаолияти билан шуғулланувчи юридик шахс»;

4-банднинг иккинчи хатбошисидаги «(институт биносида)» сўзлари чиқариб ташлансин;

5-банд қуйидаги таҳрирда баён этилсин:

«5. Мутахассисларнинг малакасини ошириш дастурлари таълим ташкилотлари томонидан ишлаб чиқилади ва тасдиқланади»;

6-банд «Стандартлар институти» сўзларидан кейин «ёки таълим ташкилотлари» сўзлари билан тўлдирилсин;

7-банддаги «Ўзбекистон стандартлар институтида» сўзлари «Ўзбекистон стандартлар институти ёки таълим ташкилотларида» сўзлари билан алмаштирилсин;

8-банднинг биринчи хатбошиси «Стандартлар институти директорига» сўзларидан кейин «ёки таълим ташкилоти раҳбарига» сўзлари билан тўлдирилсин;

9-банд ўз кучини йўқотган деб ҳисоблансин;

12-банд қуйидаги таҳрирда баён этилсин:

«12. Ишга қабул қилинган мутахассис бир йилдан сўнг Стандартлар институти ёки таълим ташкилотларида малакасини оширганидан сўнг Стандартлар институтида аттестациядан ўтказилиши шарт.

Техник жиҳатдан тартибга солиш, стандартлаштириш, метрология, мувофиқликни баҳолаш, шунингдек, ветеринария, карантин ва санитария соҳалар билан боғлиқ соҳаларда аттестациядан ўтганлик тўғрисидаги гувоҳномага эга бўлган шахслар мазкур гувоҳноманинг амал қилиш муддати тугашига икки ойдан кам бўлмаган муддатда Стандартлар институти ёки таълим ташкилотларида қайтадан малакаси оширилиб, Стандартлар институтида қайта аттестациядан ўтказилади»;

13-банднинг учинчи хатбошиси қуйидаги таҳрирда баён этилсин:

«Техник жиҳатдан тартибга солиш соҳасида назорат инспекцияси назорат давомида мутахассислар аттестациядан ўтганлиги талабининг бажарилишини ҳам ўрганади»;

15-банднинг учинчи-тўртинчи хатбошиси қуйидаги таҳрирда баён этилсин:

«Стандартлар институти директорининг ўринбосари (Малака ошириш фаолиятига алоқадор бўлмаган) лавозими бўйича аттестация комиссиясининг раиси ҳисобланади.

Аттестация комиссияси таркибига келишувга кўра Техник жиҳатдан тартибга солиш агентлиги ва Стандартлар институтининг комплаенс назорати хизмати ходимлари, мутахассислари, малакали профессор-ўқитувчилар, баҳоловчилар, экспертлар, малакаси баҳоланаётган ташкилотнинг соҳа мутахассислари киритилади, бунда айни бир мутахассиснинг малакаси оширилишида иштирок этган комиссия аъзоси ушбу ходимнинг аттестациясига киритилмайди»;

17-бандда :

учинчи хатбоши чиқариб ташлансин;

тўртинчи — олтинчи хатбошилар тегишлича учинчи — бешинчи хатбошилар деб ҳисоблансин;

бешинчи хатбоши қуйидаги таҳрирда баён этилсин:

«Аттестациядан ўтказиш ва аттестациядан ўтганлик тўғрисидаги гувоҳномани олиш учун БҲМнинг 1,5 баравари миқдорида ҳақ ундирилади»;

26-банднинг тўртинчи хатбошиси қуйидаги таҳрирда баён этилсин:

«Ташкилотлар аттестация саволлари таркибига ўз таклифларини беришлари мумкин. Саволлар Стандартлар институти томонидан тасдиқланади ва манфаатдор томонлар танишиши учун ўзининг расмий веб сайтида жойлаштирилади»;

27-бандда :

иккинчи хатбошидаги «унинг» сўзи чиқариб ташлансин;

қуйидаги мазмундаги тўртинчи хатбоши билан тўлдирилсин:

«Кейинги ҳар бир қайта аттестация учун 17-бандда кўрсатилган миқдорда ҳақ ундирилади»;

28-банд қуйидаги таҳрирда баён этилсин:

«28. Аттестациядан муваффақиятли ўтган талабгорларнинг 3-иловага мувофиқ шакл бўйича гувоҳномалари беш кун муддатда «Техник тартибга солиш» миллий ахборот тизими базасидаги ягона реестрга киритилади.

Талабгор аттестациядан ўтганлик тўғрисидаги гувоҳномасини ўзининг шахсий кабинетидан олиши мумкин»;

29-банднинг биринчи хатбошисидаги «бир ой ўтгач,» сўзлари «бошлаб» сўзи билан алмаштирилсин;

6-боб ўз кучини йўқотган деб ҳисоблансин;

37-банд қуйидаги таҳрирда баён этилсин:

«37. Стандартлар институти техник жиҳатдан тартибга солиш, стандартлаштириш, метрология, мувофиқликни баҳолаш билан боғлиқ соҳалар мутахассисларининг малакаси оширилганлиги ва аттестациядан ўтганлиги тўғрисидаги ахборот киритилган реестрни (кейинги ўринларда — Реестр) юритади.

Реестр электрон шаклда «Техник тартибга солиш» миллий ахборот тизими орқали юритилади»;

38-банд ўз кучини йўқотган деб ҳисоблансин;

39-банднинг саккизинчи хатбошисидаги «ҳамда дубликат бериш» сўзлари чиқариб ташлансин;

41-42-бандлар ўз кучини йўқотган деб ҳисоблансин;

43-банд қуйидаги таҳрирда баён этилсин:

«43. Аттестациядан муваффақиятли ўтган мутахассиснинг гувоҳномасида унинг фамилияси, исми ёки отасининг исми ўзгарган тақдирда, ташкилотнинг ёки ўзининг аризасига асосан аттестация комиссияси томонидан «Техник тартибга солиш» миллий ахборот тизими базасидаги ягона реестрдаги гувоҳномага ўзгартириш киритилади»;

47-банд қуйидаги таҳрирда баён этилсин:

«47. Техник жиҳатдан тартибга солиш, стандартлаштириш, метрология, мувофиқликни баҳолаш, шунингдек, ветеринария, карантин, санитария ва улар билан боғлиқ соҳалар мутахассислари аттестациядан ўтказилади Стандартлар институти томонидан аттестациядан ўтказилади. Соҳа бўйича функциялари мулкчилик шаклидан қатъи назар, бошқа ташкилотларда аттестациядан ўтказишга йўл қўйилмайди»;

2-иловада «Ўзбекистон Республикаси давлат герби тасвири» ҳамда «Ўзбекистон стандартлар институтида» сўзлари чиқариб ташлансин.

7. Вазирлар Маҳкамасининг 2024 йил 14 августдаги 502-сон қарори билан тасдиқланган Маҳсулотларни сертификатлаштириш тартиби тўғрисидаги низомда :

а) 1-бандда :

иккинчи хатбоши «техник регламентларда» сўзларидан кейин «ва стандартларда (ихтиёрий)» сўзлари билан тўлдирилсин;

учинчи хатбоши «мажбурий» сўзидан кейин «ва ихтиёрий» сўзлари билан тўлдирилсин;

б) 93-банд қуйидаги мазмундаги бешинчи хатбоши билан тўлдирилсин:

«3А схема — айнан бир хил товарларга битта ташқи савдо шартномаси (контракти) доирасида келтирилган маҳсулотни (транспорт воситаларидан ташқари) сертификатлаштиришда мувофиқлик сертификати бир календарь йилдан ошмаган муддатга бир маротаба тақдим этишда қўлланилади ва сертификатланган маҳсулотларнинг мувофиқлик белгиси билан (импорт қилинган маҳсулотлар ариза берувчига қулай шаклда) тамғаланишини таъминлайди»;

бешинчи — ўнинчи хатбошилар тегишлича олтинчи — ўн биринчи хатбошилар деб ҳисоблансин.

9. Вазирлар Маҳкамасининг 2025 йил 21 майдаги 325-сон қарори билан тасдиқланган Бюджет ташкилотларининг харажатларини молиялаштириш тартиби тўғрисидаги низомнинг 12-бандида :

иккинчи хатбошидаги «ва Истиқболли кадрларни тайёрлаш бўйича «Эл-юрт умиди» жамғармасида камида 25 фоизи» сўзлари «, Истиқболли кадрларни тайёрлаш бўйича «Эл-юрт умиди» жамғармасида, Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекциясида камида 25 фоизи» сўзлари билан алмаштирилсин;

учинчи хатбошидаги «соғлиқни сақлаш тизимидаги барча давлат тиббиёт муассасаларида 75 фоиз» сўзлари «соғлиқни сақлаш тизимидаги барча давлат тиббиёт муассасаларида, Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекциясида» сўзлар билан алмаштирилсин.

Вазирлар Маҳкамасининг 2026 йил 7 сентябрдаги 472-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Маҳсулотларни сертификатлаштириш тартиботини соддалаштиришга доир қўшимча чора-тадбирлар тўғрисида» 2004 йил 6 июлдаги 318-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2005 йил 12 августдаги 196-сон қарорига 2-илованинг 43-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2007 йил 18 майдаги 104-сон қарори .

4. Вазирлар Маҳкамасининг «Тадбиркорлик фаолиятини амалга оширишда рухсатномалар олиш тартиботларини такомиллаштириш ва соддалаштириш тўғрисида» 2009 йил 10 июндаги 158-сон қарори .

5. Вазирлар Маҳкамасининг «Сертификатлаштириш тартиботларини ва сифат менежменти тизимларини жорий этишни такомиллаштиришга доир қўшимча чора-тадбирлар тўғрисида» 2011 йил 28 апрелдаги 122-сон қарори 5-банднинг иккинчи хатбошиси ва қарорга 7-илова .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида» 2012 йил 18 июлдаги ПФ-4455-сон Фармони)» 2012 йил 31 июлдаги 232-қарорига илованинг 6-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Статистик, солиқ ва молиявий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида» 2012 йил 16 июлдаги ПФ-4453-сон Фармони)» 2012 йил 1 ноябрдаги 313-сон қарорига 1-илованинг 66-банди .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш ҳамда баъзиларини ўз кучини йўқотган деб ҳисоблаш тўғрисида («Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Ўзбекистон Республикасининг 2013 йил 30 апрелдаги ЎРҚ-352-сон Қонуни)» 2014 йил 3 мартдаги 45-сон қарорига 1-илованинг 19-банди .

9. Вазирлар Маҳкамасининг ««Мувофиқликни баҳолаш тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 2015 йил 14 октябрдаги 292-сон қарорига 3-илованинг 2-банди .

10. Вазирлар Маҳкамасининг «Ўрта махсус, касб-ҳунар ва олий таълим муассасалари ўқув хоналарининг хавфсизлиги тўғрисидаги умумий техник регламентни тасдиқлаш ҳақида» 2017 йил 10 майдаги 265-сон қарори .

11. Вазирлар Маҳкамасининг «Ўқув асбоб-ускуналари ва анжомларининг хавфсизлиги тўғрисидаги умумий техник регламентни тасдиқлаш ҳақида» 2017 йил 2 июндаги 345-сон қарори .

12. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон стандартлаштириш, метрология ва сертификатлаштириш агентлиги фаолиятини такомиллаштириш чора-тадбирлари тўғрисида» 2017 йил 28 апрелдаги ПҚ-2935-сон қарори)» 2017 йил 2 июндаги 348-сон қарорига илованинг 5-банди .

13. Вазирлар Маҳкамасининг «Ветеринария дори воситалари ва озуқа қўшимчаларининг хавфсизлиги тўғрисидаги умумий техник регламентни тасдиқлаш ҳақида» 2017 йил 11 ноябрдаги 905-сон қарори .

14. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида» 2018 йил 17 апрелдаги ПФ-5418-сон Фармони, Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3671-сон қарори, «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарори)» 2018 йил 7 декабрдаги 995-сон қарорига 1-илованинг 40-банди .

15. Вазирлар Маҳкамасининг «Ўзбекистон техник жиҳатдан тартибга солиш агентлигининг Ўзбекистон стандартлар институти фаолиятини ташкил этиш тўғрисида» 2019 йил 14 мартдаги 220-сон қарорининг 1-банди иккинчи хатбошиси ва қарорга 1-илова ҳамда 3-илованинг 11 — 15-бандлари .

16. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида» 2019 йил 21 майдаги ПФ-5723-сон Фармони)» 2019 йил 28 декабрдаги 1046-сон қарорига илованинг 52-банди .

17. Вазирлар Маҳкамасининг «Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси фаолиятини тартибга солувчи норматив-ҳуқуқий ҳужжатларни тасдиқлаш тўғрисида» 2019 йил 27 июндаги 532-сон қарорига 5-илованинг 7-банди .

18. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ташқи иқтисодий фаолиятни амалга оширишда маъмурий тартиб-таомилларни янада такомиллаштириш чора-тадбирлари тўғрисида» 2019 йил 23 апрелдаги ПҚ-4297-сон қарори)» 2019 йил 18 сентябрдаги 787-сон қарорига илованинг 2-банди .

19. Вазирлар Маҳкамасининг «Экологик хавфсизлик тўғрисидаги умумий техник регламентни тасдиқлаш ҳақида» 2020 йил 18 февралдаги 95-сон қарори .

20. Вазирлар Маҳкамасининг «Вазирлар Маҳкамасининг 2004 йил 6 июлдаги 318-сон қарори билан тасдиқланган Маҳсулотларни сертификатлаштириш тартиби тўғрисидаги низомга ўзгартириш ва қўшимчалар киритиш ҳақида» 2020 йил 20 майдаги 302-сон қарори .

21. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Техник жиҳатдан тартибга солиш соҳасида давлат бошқарувини тубдан такомиллаштириш тўғрисида» 2021 йил 2 июндаги ПФ-6240-сон ва «Ҳудудларнинг саноат салоҳиятини оширишга доир қўшимча чора-тадбирлар тўғрисида» 2021 йил 9 июндаги ПФ-6244-сон фармонлари)»2021 йил 16 ноябрдаги 683-сон қарорига илованинг 2-банди .

22. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида» 2020 йил 25 июлдаги ПФ-6035-сон Фармони)» 2021 йил 19 ноябрдаги 694-сон қарорига 1-илованинг 12-банди .

23. Вазирлар Маҳкамасининг «Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги тўғрисидаги ва Ўзбекистон техник жиҳатдан тартибга солиш агентлигининг Техник жиҳатдан тартибга солиш, стандартлаштириш, сертификатлаштириш ва метрология соҳасида давлат назорати департаменти тўғрисидаги низомларни тасдиқлаш ҳақида» 2022 йил 11 мартдаги 114-сон қарорига 3-илованинг 7 , 16 , 18-бандлари ҳамда 22-банди «а» ва «б» кичик бандлари .

24. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 119 ва 788-бандлари .

25. Вазирлар Маҳкамасининг «Таълим муассасалари учун матбаа маҳсулотлари хавфсизлиги талабларини белгилашнинг техник регламентини тасдиқлаш тўғрисида» 2022 йил 28 декабрдаги 726-сон қарори .

26. Вазирлар Маҳкамасининг «Давлат ветеринария назорати соҳасидаги рухсат этиш хусусиятига эга айрим ҳужжатларни бериш тартиби тўғрисидаги норматив-ҳуқуқий ҳужжатларни тасдиқлаш ҳақида» 2023 йил 10 апрелдаги 148-сон қарорига 3-илованинг 2-банди .

27. Вазирлар Маҳкамасининг «Замонавий талаблар ва жамият эҳтиёжларига жавоб берадиган янги ўқув режалари, дастурлари ва ўқув-методик адабиётларни ишлаб чиқиш ҳамда амалиётга киритиш муносабати билан Таълим муассасалари учун матбаа маҳсулотлари хавфсизлиги талабларини белгилашнинг умумий техник регламентига ўзгартиришлар киритиш ҳақида» 2023 йил 20 майдаги 209-сон қарори .

28. Вазирлар Маҳкамасининг «Ўзбекистон Республикасининг миллий қонунчилиги Жаҳон савдо ташкилоти битимларига уйғунлаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2023 йил 21 августдаги 407-сон қарорига илованинг 4-банди .

29. Вазирлар Маҳкамасининг «Ўзбекистон Республикасининг «Техник жиҳатдан тартибга солиш тўғрисида»ги Қонунини амалга ошириш чора-тадбирлари ҳақида» 2024 йил 25 мартдаги 153-сон қарорига 3-илованинг 6-банди .

30. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги ва унинг тизимидаги ташкилотлари фаолиятини самарали йўлга қўйиш чоралари тўғрисида» 2024 йил 1 июлдаги 370-сон қарорига 3-илованинг 3-банди «е» кичик банди .

31. Вазирлар Маҳкамасининг «Маҳсулотларни давлат рўйхатидан ўтказиш ва мувофиқликни баҳолаш тартибларига оид низомларни тасдиқлаш тўғрисида» 2024 йил 14 августдаги 502-сон қарорига 6-илованинг 1-банди .

32. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2025 йил 21 октябрдаги 662-сон қарорига 1-илованинг 3-банди .

33. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2025 йил 24 ноябрдаги 740-сон қарорига 1-илованинг 20-банди .

Ўзбекистон Республикасининг Бош вазири А. АРИПОВ

Тошкент ш.,

2026 йил 7 сентябрь,

472 -сон

(Қонунчилик маълумотлари миллий базаси, 09.09.2026 й., 09/26/472/0908-сон)

lex.uz

Oʻzbekiston Respublikasi Vazirlar Mahkamasining

qarori

USTAVI

NIZOM

SXEMASI

SHAKLI

TAVSIFI

ROʻYXATI

Texnik jihatdan tartibga solish sohasidagi qonunchilik hujjatlarini takomillashtirishga doir qoʻshimcha chora-tadbirlar toʻgʻrisida

[Koʻchirma]

Oʻzbekiston Respublikasi Prezidentining “Texnik jihatdan tartibga solish sohasidagi islohotlarni ilgʻor xalqaro amaliyot asosida jadallashtirish chora-tadbirlari toʻgʻrisida” 2026-yil 16-fevraldagi PF-25-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Texnik jihatdan tartibga solish sohasidagi islohotlarni ilgʻor xalqaro amaliyot asosida jadallashtirish chora-tadbirlari toʻgʻrisida” 2026-yil 16-fevraldagi PF-25-son Farmoniga asosan:

milliy sifat infratuzilmasi ishtirokchilarining mustaqil faoliyatini yoʻlga qoʻyish sohani isloh qilishning tashkiliy asosi sifatida eʼtirof etilgani;

texnik jihatdan tartibga solish, metrologiya va muvofiqlikni baholash sohasida amaldagi samarasiz nazorat tizimi bekor qilingani va uning oʻrniga mahsulotning bozor nazorati amaliyoti joriy etilishi belgilangani;

har qanday darajadagi standartlardan foydalanishga ixtiyoriy tus berilgani va xalqaro (mintaqaviy, xorijiy) standartlarni respublika hududida qabul qilishning xalqaro amaliyoti joriy etilgani hamda standartlarning rasmiy roʻyxati milliy standartlar darajasida shakllantirilishi;

Oʻzbekiston ilmiy-sinov va sifat nazorati markazi (keyingi oʻrinlarda — Markaz) hamda uning tarkibidagi mahsulotlarni sertifikatlashtirish idoralari faoliyati tugatilgani hamda Oʻzbekiston standartlar instituti Markazni qoʻshib olish orqali qayta tashkil etilgani maʼlumot uchun qabul qilinsin.

2. Quyidagilar:

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi Oʻzbekiston standartlar institutining ustavi 1-ilovaga muvofiq;

Oliy maʼlumotga ega boʻlgan shaxslarni texnik jihatdan tartibga solish, standartlashtirish va metrologiya yoʻnalishi boʻyicha kasbiy qayta tayyorlash tartibi toʻgʻrisidagi nizom 2-ilovaga muvofiq tasdiqlansin.

3. Belgilansinki:

Oʻzbekiston standartlar instituti Markazning barcha huquqlari va majburiyatlari boʻyicha huquqiy vorisi hisoblanadi;

Markaz tomonidan seriyali ishlab chiqarishga rasmiylashtirilgan va amalda boʻlgan barcha muvofiqlik sertifikatlari ustidan davriy baholash ularning amal qilishi tugaguniga qadar Oʻzbekiston standartlar instituti tomonidan oʻtkaziladi.

4. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2026-yil 7-sentabrdagi 472-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi Oʻzbekiston standartlar institutining

1-bob. Umumiy qoidalar

1. Ushbu Ustav Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining (keyingi oʻrinlarda — Agentlik) Oʻzbekiston standartlar institutining (keyingi oʻrinlarda — Institut) huquqiy maqomi, asosiy vazifalari, huquq va majburiyatlari hamda faoliyatini tashkil etish tartibini belgilaydi.

2. Institut standartlashtirish, texnik jihatdan tartibga solish, metrologiya va muvofiqlikni baholash, kadrlarni qayta tayyorlash sohasida davlat muassasasi hisoblanadi.

Institut Oʻzbekiston Respublikasining “Standartlashtirish toʻgʻrisida”gi Qonuniga muvofiq standartlashtirish boʻyicha milliy organ hisoblanadi.

3. Institut oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, boshqa qonunchilik hujjatlariga, Agentlikning buyruqlari va qarorlariga hamda ushbu Ustavga amal qiladi.

4. Institut yuridik shaxs hisoblanadi, oʻzining alohida mulkiga, hududiy filiallariga, mustaqil balansiga, Oʻzbekiston Respublikasining Davlat gerbi tasviri tushirilgan va davlat tilida oʻz nomi yozilgan muhrga, milliy va chet el valyutasidagi hisobvaraqlarga ega boʻladi.

5. Institutning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligining Oʻzbekiston standartlar instituti davlat muassasasi;

qisqartirilgan nomi — Oʻzbekiston standartlar instituti DM;

b) ingliz tilida:

toʻliq nomi — state institution Uzbek Institute of Standards of the Agency for Technical Regulation of Uzbekistan under the Cabinet of Ministers of the Republic of Uzbekistan;

qisqartirilgan nomi — Uzbek Institute of Standards SI;

v) rus tilida:

toʻliq nomi — gosudarstvennoye uchrejdeniye Uzbekskiy institut standartov Uzbekskogo agentstva po texnicheskomu regulirovaniyu pri Kabinete Ministrov Respubliki Uzbekistan;

qisqartirilgan nomi — GU Uzbekskiy institut standartov.

6. Institutning joylashgan joyi (pochta manzili): Oʻzbekiston Respublikasi, Toshkent shahri, Choʻponota koʻchasi, 9-V uy.

2-bob. Institutning vazifalari va funksiyalari

7. Quyidagilar Institutning asosiy vazifalari hisoblanadi:

manfaatdor taraflarning tashabbuslariga koʻra standartlashtirish boʻyicha texnik qoʻmitalarni tashkil etish, ularning faoliyatini birlashtirish, toʻxtatib turish va tugatish haqida qarorlar qabul qilish, muvofiqlashtirish hamda xalqaro amaliyot asosida ularni rivojlantirishga koʻmaklashish;

standartlashtirish faoliyatini tartibli tashkil etish va boshqarishni nazarda tutuvchi texnik qoʻmitalar toʻgʻrisidagi namunaviy nizomni ishlab chiqish va tasdiqlash;

standartlashtirish, texnik jihatdan tartibga solish, muvofiqlikni baholash va metrologiya sohalarida kadrlarni qayta tayyorlash;

standartlashtirish boʻyicha hujjatlarni, shu jumladan, xoʻjalik yurituvchi subyektlar va boshqa tashkilotlarning buyurtmalari boʻyicha shartnoma asosida tarqatish;

standartlashtirish, texnik jihatdan tartibga solish, muvofiqlikni baholash va metrologiya sohalarida ilmiy-tadqiqot ishlarini amalga oshirish, ilmiy-texnik axborotni tarqatish, shuningdek, ularni xalqaro tizim bilan uygʻunlashtirish;

standartlashtirish boʻyicha xalqaro va mintaqaviy tashkilotlarda Oʻzbekiston Respublikasining milliy manfaatlarini ifodalash;

ochiq bozor tamoyillarga muvofiq holda muvofiqlikni baholash (mahsulotlarni sertifikatlashtirish bundan mustasno), laboratoriya sinovlarini oʻtkazish hamda standartlashtirish, texnik jihatdan tartibga solish, muvofiqlikni baholash va metrologiya sohalarida kadrlar malakasini oshirish;

xorijiy mamlakatlarning standartlashtirish boʻyicha milliy organlari bilan bitimlar tuzish va ular bilan hamkorlik qilish;

savdodagi texnik toʻsiqlar boʻyicha axborot markazining faoliyatini amalga oshirish.

8. Institut oʻziga yuklangan vazifalarni bajarish uchun quyidagi funksiyalarni amalga oshiradi:

a) manfaatdor taraflarning tashabbuslariga koʻra standartlashtirish boʻyicha texnik qoʻmitalarni tashkil etish, ularning faoliyatini birlashtirish, toʻxtatib turish va tugatish haqida qarorlar qabul qilish, muvofiqlashtirish hamda xalqaro amaliyot asosida ularni rivojlantirishga koʻmaklashish sohasida:

standartlashtirishning yangi faoliyat yoʻnalishlari toʻgʻrisidagi takliflarni, standartlashtirish boʻyicha texnik qoʻmitalar tashkil etish tashabbuslarini koʻrib chiqadi;

standartlashtirish boʻyicha texnik qoʻmitalarning faoliyat yoʻnalishlarini va sohalarini belgilaydi;

standartlashtirish boʻyicha texnik qoʻmitalarning faoliyatini tashkil etadi, birlashtiradi, muvofiqlashtiradi va tugatishda ishtirok etadi;

loyiha boshqaruvi tamoyili asosida standartlashtirish boʻyicha texnik qoʻmitalarning faoliyatini rejalashtirish, yuritish, monitoring oʻtkazish tizimini yaratadi va doimiy takomillashtirib boradi;

standartlashtirish boʻyicha texnik qoʻmitalarni tashkil etish, ularning faoliyatini toʻxtatib turish, birlashtirish va tugatish haqida manfaatdor taraflarning murojaatlariga binoan qarorlar qabul qiladi;

standartlashtirish boʻyicha xalqaro texnik qoʻmitalar va mintaqaviy tashkilotlar faoliyatida hamda milliy standartlarni xalqaro darajada tarqatishda faol ishtirok etadi;

b) standartlashtirish, texnik jihatdan tartibga solish, muvofiqlikni baholash va metrologiya sohalarida kadrlarni qayta tayyorlash sohasida:

standartlashtirish, texnik jihatdan tartibga solish, muvofiqlikni baholash va metrologiya sohalarida kadrlar malakasini oshirish va ularni qayta tayyorlash, shuningdek, tasniflash hamda kodlash ishlarini amalga oshiradi;

standartlashtirish, texnik jihatdan tartibga solish, muvofiqlikni baholash va metrologiya, tasniflash va kodlash masalalari boʻyicha kadrlar malakasini oshirish va ularni qayta tayyorlash yuzasidan oʻz oʻquv rejalarini tuzadi va tasdiqlaydi;

kadrlar malakasini oshirish va ularni qayta tayyorlash boʻyicha dasturlarni, har bir dasturning mazmuni, maqsadi, qoidalaridan iborat dastur yoʻriqnomalarini ishlab chiqadi, tasdiqlaydi va ochiq manbalarda joylashtiradi;

standartlashtirish, texnik jihatdan tartibga solish, muvofiqlikni baholash va metrologiya sohasida malakasini oshirilgan va qayta tayyorlashdan oʻtgan kadrlarning, tasniflash va kodlashning axborot-maʼlumot bazasini yaratadi va qoʻllab-quvvatlaydi;

oliy taʼlim tashkilotlari, ilmiy-tadqiqot muassasalari, xoʻjalik boshqaruvi organlari va boshqa manfaatdor tashkilotlar, shuningdek, xususiy sektor bilan standartlashtirish, texnik jihatdan tartibga solish, muvofiqlikni baholash va metrologiya sohalarida innovatsiyalarni joriy etishga yoʻnaltirilgan oʻzaro hamkorlik qilish boʻyicha tadbirlarni ishlab chiqadi va amalga oshiradi;

bakalavriat va magistratura mutaxassisliklari uchun tegishli taʼlim yoʻnalishlarida yangi oʻquv dasturlari, darsliklar, oʻquv qoʻllanmalarini yaratishga koʻmaklashish orqali oʻquv-metodik ishlarning sifati va darajasini oshiradi;

bakalavr va magistrlarni tayyorlashda ilmiy-metodik koʻmaklashadi, shuningdek, Institut bazasida standartlashtirish, texnik jihatdan tartibga solish, muvofiqlikni baholash va metrologiya mutaxassisliklari boʻyicha oliy taʼlimdan keyingi taʼlimni tashkil etish orqali bilan oliy malakali ilmiy kadrlar tayyorlashni amalga oshiradi;

iqtisodiyot tarmoqlari uchun standartlashtirish, texnik jihatdan tartibga solish, muvofiqlikni baholash va metrologiya sohasida kadrlar malakasini oshirish va ularni qayta tayyorlash jarayonlariga zamonaviy innovatsion pedagogik texnologiyalarni, oʻqitishning samarali shakl va usullarini joriy etadi;

standartlashtirish, texnik jihatdan tartibga solish, muvofiqlikni baholash va metrologiya sohasida mutaxassislar tayyorlovchi taʼlim tashkilotlari uchun ilmiy, oʻquv, oʻquv-metodik adabiyotlarning yangi avlodini nashr etishga tayyorlash ishlarida ishtirok etadi;

standartlashtirish, texnik jihatdan tartibga solish, muvofiqlikni baholash va metrologiya sohalarida dasturlar, oʻquv qoʻllanmalari, ilmiy asarlar toʻplamlari, ilmiy-amaliy konferensiyalar materiallari, metodik koʻrsatmalar, shuningdek, kadrlar malakasini oshirish va ularni qayta tayyorlash boʻyicha qoʻllanmalar tayyorlaydi va nashr qiladi;

mutaxassislarning attestatsiya ishlarini tashkil etadi;

korxonalarda menejment tizimlari boʻyicha standartlar talablari asosida oʻquv kurs, seminar va konferensiyalar tashkil etadi;

v) standartlashtirish boʻyicha hujjatlarni ishlab chiqish va tarqatish sohasida:

standartlashtirish boʻyicha texnik qoʻmitalar taklifiga asosan milliy standartlarni qabul qilish, bekor qilish, ularga oʻzgartirish va qoʻshimchalar kiritish hamda realizatsiya qilish ishlarini tashkil qiladi;

standartlashtirish hujjatlarini ishlab chiqishda hamda ilmiy-metodik koʻrsatmalar berishda koʻmaklashadi;

mahsulotlar va texnologiyalarning yangi turlarini ishlab chiqishni oʻzlashtirishga koʻmaklashadigan, shu asosda mahalliy mahsulotlarning tashqi bozorlarda raqobatbardoshligini taʼminlaydigan, shuningdek, belgilangan tartibda muvofiqlik prizumsiyasini taʼminlaydigan ilgʻor standartlar standartlashtirish boʻyicha texnik qoʻmitalar orqali ishlab chiqilishini tashkil etadi;

texnik reglamentlarni ishlab chiqishda ishtirok etadi;

standartlarning yagona axborot bazasini yuritadi va dolzarblashtiradi, shuningdek, nazorat nusxalari saqlanishini taʼminlaydi;

standartlashtirish hujjatlarining yillik koʻrsatkichini (katalogini) tayyorlaydi;

standartlashtirish hujjatlarining yagona axborot-maʼlumot bazasini yaratadi va kuzatib boradi, undan barcha manfaatdor tomonlarning shartnoma asosida foydalanish imkoniyatini beradi;

standartlashtirish hujjatlari boʻyicha axborot maʼlumotlar bazalarini shakllantirish, saqlash va foydalanishning yagona tizimini yaratadi;

standartlashtirish hujjatlarini ishlab chiquvchilar bilan oʻzaro hamkorlik qiladi;

manfaatdor tomonlarning buyurtmalariga koʻra standartlashtirish boʻyicha hujjatlarini shartnoma asosida tarjima qiladi;

respublika ijro etuvchi hokimiyat organlari va xoʻjalik birlashmalari, standartlashtirish boʻyicha texnik qoʻmitalar va manfaatdor tomonlarning takliflarini inobatga olgan holda, Oʻzbekiston Respublikasi milliy standartlarini ishlab chiqish va qayta koʻrib chiqishning har yilgi dasturini shakllantiradi;

xalqaro standartlashtirish tashkilotlari va xorijiy davlatlarning standartlashtirish idoralarining qoidalari va shartnomalariga muvofiq xalqaro va xorijiy davlatlar standartlarini tarqatadi;

standartlarni ishlab chiqish, tasdiqlash va qoʻllashda Jahon savdo tashkiloti Savdodagi texnik toʻsiqlar kelishuvining Standartlarni ishlab chiqish, tasdiqlash va qoʻllashda zarur amaliyot kodeksi talablarining bajarilishini taʼminlaydi;

standartlashtirish tartib-taomillariga taalluqli zarur axborotni oʻzining rasmiy veb-sayti orqali erkin olish imkoniyatini yaratadi;

shtrixli kodlash ishlarini amalga oshiradi;

standartlarni ishlab chiqish vazifalarni eng yaxshi amaliyotlarga muvofiq sifatli bajarish maqsadida mustaqil maslahatchilar va ekspertlarni, shu jumladan, xorijiy maslahatchilar va ekspertlarni shartnoma asosida oʻz mablagʻlari hisobidan moliyaviy imkoniyatdan kelib chiqib jalb qiladi;

xalqaro tajribadan kelib chiqib, standartlarni qabul qilish, ishlab chiqish, kelishish, koʻrib chiqish (tekshirish), qayta koʻrib chiqish, ularga oʻzgartirish va tuzatish kiritish va ularni bekor qilish tartib-taomilni ishlab chiqadi va tasdiqlaydi;

g) standartlashtirish, texnik jihatdan tartibga solish, muvofiqlikni baholash va metrologiya sohalarida ilmiy-tadqiqot ishlarini amalga oshirish, ilmiy-texnik axborotlarni tarqatish, shuningdek, ularni xalqaro tizim bilan uygʻunlashtirish sohasida:

standartlashtirish, texnik jihatdan tartibga solish, muvofiqlikni baholash va metrologiya sohalarida ilmiy materiallarni nashr etadi;

standartlashtirish, texnik jihatdan tartibga solish, muvofiqlikni baholash va metrologiya sohalarida ustuvor yoʻnalishlarni shakllantirishda, fundamental va amaliy ilmiy tadqiqotlar oʻtkazishda, innovatsion loyihalarni amalga oshirishda, shuningdek, iqtisodiyot tarmoqlari rivojlanishining zamonaviy jahon tendensiyalarini tahlil qilishda ishtirok etadi;

standartlashtirish, texnik jihatdan tartibga solish, muvofiqlikni baholash va metrologiya sohalari boʻyicha yangi qonunchilik hujjatlarini ishlab chiqish va amaldagilarini takomillashtirish yuzasidan takliflar ishlab chiqadi;

standartlashtirish, texnik jihatdan tartibga solish, muvofiqlikni baholash va metrologiya sohalarini rivojlantirishning asosiy yoʻnalishlari, strategiyasi, istiqbolli dasturlarini ishlab chiqishda ishtirok etadi;

standartlashtirish, texnik jihatdan tartibga solish, muvofiqlikni baholash va metrologiya sohasida xalqaro amaliyotni doimiy ravishda oʻrganadi, uning natijalari boʻyicha ilgʻor amaliyotlarni joriy qilish boʻyicha takliflar kiritadi;

mahsulotni eksport qilishga koʻmaklashish byurosining samarali faoliyat koʻrsatishini tashkil etadi;

standartlashtirish, texnik jihatdan tartibga solish, muvofiqlikni baholash va metrologiya sohalarida erishilgan yutuqlarning ilmiy-texnik targʻibotini amalga oshiradi;

standartlashtirish, texnik jihatdan tartibga solish, muvofiqlikni baholash va metrologiya sohalarida, shu jumladan, manfaatdor vazirliklar, idoralar, xoʻjalik birlashmalari, oliy taʼlim tashkilotlari, vazirliklar va idoralarning tasarrufida boʻlgan boshqa ilmiy muassasalar bilan ilmiy-tadqiqot ishlarini amalga oshiradi;

standartlashtirish, texnik jihatdan tartibga solish, muvofiqlikni baholash va metrologiya sohalarida ilmiy konferensiyalar, seminarlar, hamkorlikdagi tadqiqotlar, loyihalar, xodimlarning tajriba almashishi va ularni oʻqitish boʻyicha xalqaro, xorijiy ilmiy-tadqiqot muassasalari, institutlar va markazlar bilan hamkorlikni rivojlantiradi;

xorijiy mamlakatlarning standartlashtirish boʻyicha milliy institutlari bilan yaqin va faol hamkorlikni amalga oshiradi;

xalqaro, mintaqaviy va davlatlararo ilmiy-texnik hamkorlikni rivojlantiradi;

xorijiy davlatlarda amalga oshirilgan muvofiqlikni baholash ishlari natijalarini Oʻzbekiston hududida belgilangan tartibda eʼtirof etish ishlarini tashkil etish va amalga oshirishda ishtirok etadi;

d) standartlashtirish boʻyicha xalqaro va mintaqaviy tashkilotlarda Oʻzbekiston Respublikasining milliy manfaatlarini ifodalash sohasida:

xalqaro va mintaqaviy standartlashtirish tashkilotlariga Oʻzbekiston Respublikasi nomidan aʼzo boʻladi, ularning ishida doimiy ishtirok etadi va milliy manfaatlarni himoya qiladi;

xalqaro standartlar loyihalarini tahlil qiladi, ular boʻyicha takliflar tayyorlaydi;

ilgʻor xorijiy tajribani oʻrganadi va milliy standartlashtirish tizimiga joriy etish boʻyicha takliflar ishlab chiqadi;

milliy texnik qoʻmitalar faoliyatini muvofiqlashtiradi va ular orqali xalqaro texnik qoʻmitalar ishida ishtirokni taʼminlaydi;

e) muvofiqlikni baholash va laboratoriya sinovlarini oʻtkazish sohasida:

belgilangan tartibda akkreditatsiyadan oʻtgan holda sinovlarni, laboratoriyalar malakasini baholash boʻyicha malaka testlarini (provayderlik) oʻtkazish, xodimlarni sertifikatlashtirish, mustaqil inspeksiya, validatsiya va verifikatsiya xizmatlarini koʻrsatadi;

milliy va xalqaro standartlarni joriy etishda, shuningdek, muvofiqlikni baholash idoralarini akkreditatsiya qilish, laboratoriyalarni maqullash boʻyicha hujjatlarni tayyorlashda konsalting xizmatlarini koʻrsatadi;

belgilangan tartibda akkreditatsiyadan oʻtgan holda mahsulot va xizmatlarni “halol” talablariga muvofiq sertifikatlashtirish ishlarini tashkil etadi, ushbu yoʻnalishda davriy baholash ishlarini oʻtkazadi, sertifikatlarni roʻyxatga oladi, sertifikatlashtirilgan mahsulotlar va xizmatlar reyestrini yuritadi;

respublikada realizatsiya qilinadigan isteʼmol tovarlarining davlat tilidagi tamgʻalash maʼlumotlarini tayyorlash xizmatlarini koʻrsatadi;

standartlashtirish va muvofiqlikni baholash tizimini xalqaro talablarga uygʻunlashtirish maqsadida transport vositalarini ishlab chiqaruvchilarning xalqaro identifikatsiya kodini (WMI-kodini) beradi va transport vositalarini turini (shassi) tasdiqlash hujjatini roʻyxatdan oʻtkazadi;

tashqi iqtisodiy faoliyat tovar nomenklaturasi (TIF TN) boʻyicha tovar kodlarini aniqlaydi;

mahsulotlarni sinash sohasida ilmiy va uslubiy tadqiqotlar oʻtkazadi;

tadbirkorlarga muvofiqlikni baholash ishlarida amaliy yordam koʻrsatish ishlarini tashkil etadi;

j) xorijiy mamlakatlarning standartlashtirish boʻyicha milliy organlari bilan bitimlar tuzish va ular bilan hamkorlik qilish sohasida:

standartlashtirish boʻyicha xorijiy mamlakatlarning milliy organlari bilan ikki tomonlama va koʻp tomonlama bitimlar tuzadi;

standartlarni oʻzaro muvofiqlashtirish va uygʻunlashtirish boʻyicha hamkorlik qiladi;

qoʻshma ilmiy-texnik loyihalar va tadqiqotlarni tashkil etadi hamda muvofiqlashtiradi;

mutaxassislar tajriba almashishi, malaka oshirish boʻyicha qoʻshma seminar hamda konferensiyalar oʻtkazadi;

texnik toʻsiqlarni bartaraf etishga qaratilgan hamkorlikni rivojlantiradi;

z) savdodagi texnik toʻsiqlar boʻyicha axborot markazining faoliyatini amalga oshirish sohasida:

Jahon savdo tashkilotiga (keyingi oʻrinlarda — JST) aʼzo davlatlarni Oʻzbekiston Respublikasida xalqaro standartlarga asoslanmagan yoki mavjud xalqaro standartlardan sezilarli darajada farq qiladigan, qonuniy maqsadlarga erishish uchun zarur va JSTga aʼzo boshqa davlatlar bilan tovarlar savdosiga sezilarli taʼsir koʻrsatishi mumkin boʻlgan yangi texnik reglamentlar yoki muvofiqlikni baholash tartib-taomillari ishlab chiqilayotgani yoxud mavjud texnik reglamentlar va muvofiqlikni baholash tartib-taomillariga oʻzgartirishlar kiritilayotgani toʻgʻrisida oʻz vaqtida ularni ishlab chiqish bosqichida xabarnomalar berish orqali xabardor qiladi;

JSTga aʼzo davlatlarning ishlab chiqilayotgan texnik reglamentlar va muvofiqlikni baholash tartib-taomillari toʻgʻrisidagi xabarnomalarga sharhlarini va (yoki) eʼtirozlarini tegishli respublika ijro etuvchi hokimiyat organlariga ularni muhokama qilish, ishlab chiqilayotgan texnik reglamentlar va muvofiqlikni baholash tartib-taomillari loyihalariga zarur oʻzgartirishlar kiritish uchun yuboradi;

JSTga aʼzo davlatlarning savdodagi texnik toʻsiqlar sohasida rejalashtirilgan yoki qabul qilingan choralari toʻgʻrisidagi xabarnomalarni tegishli respublika ijro etuvchi hokimiyat organlari, korxonalar va boshqa manfaatdor tomonlarga ularning soʻroviga koʻra taqdim etadi.

3-bob. Institutning huquq va majburiyatlari

9. Institut oʻziga yuklangan vazifalar va funksiyalarni bajarish uchun quyidagi huquqlarga ega:

respublika ijro etuvchi hokimiyat organlari va xoʻjalik boshqaruvi organlari va boshqa tashkilotlardan oʻziga yuklangan vazifalarni bajarish uchun zarur boʻlgan axborotni belgilangan tartibda soʻrash va olish;

standartlashtirish boʻyicha texnik qoʻmitalarni tashkil etish, manfaatdor vazirliklar va idoralar bilan birgalikda standartlashtirish boʻyicha tarmoq texnik qoʻmitalarini tashkil etishda ishtirok etish;

Institutga yuklangan vazifalarni bajarish uchun davlat va xoʻjalik boshqaruvi organlari va boshqa tashkilotlarning mutaxassislarini, shu jumladan, xorijiy mutaxassislarni shartnoma asosida jalb qilish;

Institut xodimlarini soatbay haq toʻlash asosida oʻquv mashgʻulotlariga jalb etish;

oʻz vakolatlarini bajarish doirasida xalqaro, mintaqaviy va xorijiy tashkilotlar bilan hamkorlikni, jumladan, oʻzaro hisob-kitoblarni amalga oshirish;

standartlashtirish, texnik jihatdan tartibga solish, muvofiqlikni baholash va metrologiya tizimini rivojlantirishning dolzarb va istiqbolli vazifalarini amalga oshirish uchun tashkil etilgan ishchi guruhlar yigʻilishlarida ishtirok etish;

texnik jihatdan tartibga solish sohasida ekspert kengashlari hamda komissiyalar ishida ishtirok etish;

oʻz vakolatlari doirasida kadrlar malakasini oshirish va ularni qayta tayyorlash boʻyicha yoʻriqnomalar, chora-tadbirlar rejalari va boshqa hujjatlarni tasdiqlash;

standartlashtirish, texnik jihatdan tartibga solish, muvofiqlikni baholash va metrologiya sohalarida xalqaro loyihalar va dasturlarni ishlab chiqish va amalga oshirishda ishtirok etish;

mahsulotlar, xizmatlar, xodimlarni sertifikatlashtirish, mahsulotni sinash usullari, oʻlchash va sinov vositalari hamda standart namunalari boʻyicha ilmiy-tadqiqot ishlarini amalga oshirish;

standartlashtirish, texnik jihatdan tartibga solish, muvofiqlikni baholash va metrologiya sohalarida noshirlik faoliyatini amalga oshirish, ilmiy-texnik axborotni tarqatish;

aholi va turli tashkilotlarga pulli taʼlim xizmatlarini koʻrsatish, shuningdek, qonunchilik hujjatlarida taqiqlanmagan boshqa turdagi faoliyatni amalga oshirish;

standartlashtirish, texnik jihatdan tartibga solish, muvofiqlikni baholash va metrologiya sohalarida mintaqaviy va xalqaro tashkilotlarning ishchi kengashlarida va yigʻilishlarida ishtirok etish;

standartlashtirish, texnik jihatdan tartibga solish, muvofiqlikni baholash va metrologiya masalalari boʻyicha ilmiy-amaliy konferensiyalar, seminarlar, forumlar, davra suhbatlari va boshqa tadbirlarni oʻtkazish;

xalqaro standartlashtirish tashkilotlari va xorijiy davlatlarning standartlashtirish idoralarining qoidalari va shartnomalariga muvofiq ushbu tashkilotlarga badallarni toʻlab berish;

eng yaxshi amaliyotlarga muvofiq mustaqil maslahatchilar va ekspertlarni, shu jumladan, xorijiy maslahatchilar va ekspertlarni shartnoma asosida jalb qilish.

Institut qonunchilik hujjatlariga muvofiq boshqa huquqlarga ham ega boʻlishi mumkin.

10. Institut oʻziga yuklangan vazifalar samarali bajarilishi uchun javob beradi.

4-bob. Institut faoliyatini tashkil etish

11. Institut oʻz faoliyatida bevosita Agentlikka boʻysunadi va unga hisobot beradi.

12. Institut faoliyatiga Vazirlar Mahkamasi bilan kelishilgan holda, Agentlik direktori tomonidan lavozimga tayinlanadigan va lavozimdan ozod etiladigan direktor umumiy rahbarlik qiladi.

13. Institut direktori:

Institut vakolatiga kiradigan masalalar yuzasidan qarorlar qabul qiladi va Institutga yuklangan vazifalar va funksiyalar amalga oshirilishi uchun shaxsan javob beradi;

Institutda ilmiy-tadqiqot va ilmiy-metodik ishlarni bajarish uchun shart-sharoitlar yaratadi;

Institut Ilmiy kengashining tavsiyalari asosida oʻquv dasturlari hamda ilmiy-metodik ishlar rejalarini tasdiqlaydi;

Institut faoliyatini yanada takomillashtirish boʻyicha konsepsiyalar, dasturlar va kompleks tadbirlar bajarilishini tanqidiy va chuqur tahlil qiladi;

direktor oʻrinbosarlari, Institutning boshqa mansabdor shaxslarining vakolatlarini belgilaydi;

Institut xodimlari, shuningdek, malaka oshirish va qayta tayyorlash kurslari tinglovchilari uchun bajarilishi majburiy boʻlgan buyruqlar, farmoyishlar va koʻrsatmalar beradi;

Institutning tashkiliy tuzilmasi va shtat jadvalini tasdiqlaydi, ularga oʻzgartirishlar kiritadi;

Institut xodimlarini mehnat qonunchiligida belgilangan tartibda lavozimga tayinlaydi va lavozimdan ozod qiladi;

Institut nomidan xoʻjalik shartnomalari tuzadi, ishonchnomalar beradi.

Direktor qonunchilik hujjatlarida belgilangan tartibda boshqa vakolatlarni amalga oshiradi.

14. Institut direktori Agentlik direktori bilan kelishgan holda lavozimga tayinlanadigan va lavozimdan ozod etiladigan oʻrinbosarlarga ega boʻladi.

15. Direktor oʻrinbosarlari:

tarkibiy boʻlinmalar faoliyatiga bevosita rahbarlik qiladi, ushbu boʻlinmalarga yuklangan vazifalar va funksiyalar bajarilishini tashkil etadi;

Agentlik qarorlari, Institut direktorining buyruqlari va topshiriqlari oʻz vaqtida va sifatli bajarilishini taʼminlaydi;

tarkibiy boʻlinmalarga yuklangan vazifalar bajarilishini nazorat qiladi va muvofiqlashtiradi;

tarkibiy boʻlinmalar faoliyati boʻyicha qonunchilikni takomillashtirish toʻgʻrisida takliflarni ishlab chiqadi va koʻrib chiqish uchun direktorga kiritadi;

direktorga Institutning tarkibiy boʻlinmalarida xodimlarni tanlash va joy-joyiga qoʻyish boʻyicha takliflarni kiritadi, ularning kasbiy mahoratini, malakasini, amaliy tajribasini, ishchanlik va axloqiy fazilatlarini yuqori darajada taʼminlaydi, ularning kasbiy malakalarini oshirishga koʻmaklashadi, tarkibiy boʻlinmalarda kadrlar zaxirasini shakllantiradi;

Institutning tarkibiy boʻlinmalari xodimlari faoliyatining samaradorligi va natijadorligini tizimli tahlil qiladi, hisobotlarini eshitadi, yakunlari boʻyicha zarur choralarni koʻradi.

16. Direktor boʻlmagan davrda uning vakolatlarini direktorning birinchi oʻrinbosari amalga oshiradi.

17. Institut huzurida direktor (Ilmiy kengash raisi), faoliyatning asosiy yoʻnalishlarini muvofiqlashtiruvchi uning oʻrinbosarlari (lavozimiga koʻra), Institut tarkibiy boʻlinmalari rahbarlari, Fanlar akademiyasi vakillari, shuningdek, turdosh ilmiy-tadqiqot institutlarida va tashkilotlarda ishlovchi yetakchi olimlar, malakali mutaxassislardan iborat tarkibda Ilmiy kengash tashkil etiladi.

Institut Ilmiy kengashining shaxsiy tarkibi, aʼzolari soni va nizomi Institut direktori tomonidan tasdiqlanadi.

Institut Ilmiy kengashining ish tartibi Institutning ish rejalariga muvofiq tashkil etiladi.

5-bob. Institut faoliyatini baholash mezonlari hamda uning faoliyati samaradorligi va natijadorligining ishchi indikatorlari

18. Institut faoliyati samaradorligi muntazam ravishda baholanadi.

19. Institut faoliyati samaradorligi va natijadorligini baholash Agentlik tomonidan tasdiqlanadigan Institut faoliyatini baholash mezonlariga hamda uning faoliyati samaradorligi va natijadorligining ishchi indikatorlariga asoslanadi.

20. Institut faoliyatining samaradorligi va natijadorligini baholash yakunlari boʻyicha:

Institut rahbarlari va xodimlariga nisbatan ragʻbatlantirish (taqdirlash) yoki intizomiy javobgarlik choralari;

Institut faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

21. Institut faoliyatining samaradorligi va natijadorligini baholash tartibi va metodikasi qonunchilik hujjatlarida belgilanadi.

6-bob. Institut faoliyatini moliyalashtirish va uning xodimlarini moddiy ragʻbatlantirish

22. Institut faoliyatini moliyalashtirish va uning xodimlarini moddiy ragʻbatlantirish qonunchilik hujjatlariga muvofiq amalga oshiriladi.

23. Quyidagilar Institut faoliyatini moliyalashtirish manbalari etib belgilanadi:

Institut tomonidan shartnoma asosida koʻrsatiladigan xizmatlardan, realizatsiya qilingan standartlardan tushadigan pul mablagʻlari;

boʻsh turgan mablagʻlarni tijorat banklarining depozitlariga joylashtirishdan olinadigan daromadlar;

qonunchilikka zid boʻlmagan boshqa manbalar.

24. Institut xodimlarining mehnatiga haq toʻlash fondi lavozim maoshi, uzoq muddat uzluksiz xizmati uchun ustama haqlar, mukofotlar, qoʻshimcha haqlar va ustamalar, ragʻbatlantirish toʻlovlaridan, shuningdek, qonunchilik hujjatlarida nazarda tutilgan boshqa toʻlovlardan iborat. Institutning xodimlari mehnatiga haq toʻlash va ularni moddiy ragʻbatlantirish tartibi qonunchilik hamda ichki hujjatlarda belgilanadi.

25. Institut xodimlari uchun (texnik va xizmat koʻrsatuvchi xodimlardan tashqari) uzoq yillik xizmati uchun qoʻshimcha ustama koeffitsiyenti miqdorlari quyidagicha belgilanadi:

1 yildan 3 yilgacha — 0,3;

3 yildan 5 yilgacha — 0,6;

5 yildan 10 yilgacha — 0,8;

10 yildan 15 yilgacha — 1,0;

15 yildan 20 yilgacha — 1,2;

20 yildan ortiq — 1,5.

Bunda koʻp yillik xizmati uchun oylik ustama haqlari koeffitsiyentini hisoblashda tashkiliy-huquqiy shaklidan qatʼi nazar (yakka tartibdagi tadbirkor va oʻzini oʻzi band qilgan shaxs sifatida ishlagan davridan tashqari), barcha tashkilotlardagi mehnat faoliyati davri hisobga olinadi.

26. Institut xodimlarining lavozim maoshi Yagona tarif setkasi boʻyicha mehnatga haq toʻlashga doir tasdiqlangan razryadlar stavkasining 1,8 baravari miqdoridagi koeffitsiyentni qoʻllangan holda belgilanadi.

27. Institut xodimlari mehnatiga haq toʻlash razryadlari quyidagicha belgilanadi:

T/r Lavozimlar nomi Yagona tarif setkasi boʻyicha razryadlar 1. Direktor 16 2. Direktor oʻrinbosarlari 15 3. Direktor maslahatchisi 14 4. Ilmiy kotib 13 5. Boʻlim (markaz) boshligʻi 13 6. Boʻlim (markaz) boshligʻi oʻrinbosari 13 (-5%) 7. Sektor boshligʻi 12 8. Bosh mutaxassis 11 9. Yetakchi mutaxassis 10 10. Mutaxassis 8

28. Institutning xodimlariga quyidagi ragʻbatlantirish toʻlovlari toʻlanadi:

xodimlarning KPI (eng muhim samaradorlik koʻrsatkichlarini) bajargani uchun koʻrsatkichlaridan kelib chiqib, lavozim maoshining uch baravarigacha miqdorda oylik ustamalar;

ish uchastkasining murakkabligi va muhimligini hisobga olib, shuningdek, mamlakat iqtisodiy manfaatlarini himoya qilish borasida shaxsiy hissasini qoʻshgan, mehnatda yuqori natijalarga erishgan, alohida muhim vazifalarini sidqidildan va samarali bajarayotgan (har bir bajarilgan ish uchun) rahbar va xodimlarga lavozim maoshining ikki baravarigacha miqdorda shaxsiy ustamalar;

umumxalq bayramlari, chorak va yil yakunlari munosabati bilan mehnatga haq toʻlashning eng kam miqdorining sakkiz baravarigacha miqdorda mukofotlar;

Institutda faoliyat yuritayotgan fan nomzodi yoki falsafa doktori (PhD) (yoki xorijiy mamlakatlarda ularga tenglashtirilgan darajalar) ilmiy darajasiga ega xodimlar lavozim maoshiga 30 foizgacha, shuningdek, fan doktori (DSc) (yoki xorijiy mamlakatlarda unga tenglashtirilgan daraja) ilmiy darajasiga ega xodimlar lavozim maoshiga 60 foizgacha qoʻshimcha haq;

transport xarajatlarini qoplash uchun bazaviy hisoblash miqdorining uch baravarigacha miqdorida oylik toʻlovlar;

xodimlarni ijtimoiy muhofaza qilish va ularning mehnati samaradorligini oshirish maqsadida har oyda ovqatlanish xarajatlarini qoplash uchun bazaviy hisoblash miqdorining uch baravarigacha miqdorida toʻlovlar;

xodim vafot etganda — vafoti toʻgʻrisidagi guvohnoma nusxasi taqdim etilganda bir yoʻla mehnatga haq toʻlashning eng kam miqdorining oʻn baravarigacha miqdorda moddiy yordam toʻlovlari;

xodimning yaqin qarindoshi (ota-onasi, turmush oʻrtogʻi, farzandi) vafot etganda — vafoti toʻgʻrisidagi guvohnoma nusxasi taqdim etilganda, bir marta mehnatga haq toʻlashning eng kam miqdorining oʻn baravarigacha miqdorda moddiy yordam toʻlovlari;

alohida zaruratga koʻra (yubiley sanalarida, xodimlar 50, 55 va 60 yoshga toʻlganda, baxtsiz hodisa, ogʻir kasalligi sababli davolanish, sogʻligʻini tiklash, oilaning kam taʼminlangani va moliyaviy holatining ogʻirligi) bir marta mehnatga haq toʻlashning eng kam miqdorining oʻn baravarigacha miqdorda moddiy yordam toʻlovlari;

qishloq xoʻjaligi mahsulotlarini xarid qilish uchun xodimlarga bir yilda bir marta mehnatga haq toʻlashning eng kam miqdorining yetti baravarigacha miqdorda moddiy yordam toʻlovlari.

Mazkur Ustavda xodimlar mehnatiga haq toʻlash uchun belgilangan barcha toʻlovlar (qoʻshimcha haq, ustama, mukofot, ijtimoiy himoya toʻlovlari va boshqalar) kafolatlangan toʻlov hisoblanmaydi hamda Institutning moliyaviy sharoitidan kelib chiqqan holda qonunchilikda belgilangan tartibda amalga oshiriladi.

7-bob. Yakunlovchi qoida

29. Institut qonunchilik hujjatlariga muvofiq qayta tashkil etiladi va tugatiladi.

Vazirlar Mahkamasining 2026-yil 7-sentabrdagi 472-son qaroriga 2-ILOVA

Oliy maʼlumotga ega boʻlgan shaxslarni texnik jihatdan tartibga solish, standartlashtirish va metrologiya yoʻnalishi boʻyicha kasbiy qayta tayyorlash tartibi toʻgʻrisida

1-bob. Umumiy qoidalar

1. Ushbu Nizom standartlashtirish, texnik jihatdan tartibga solish, metrologiya va muvofiqlikni baholash sohalari boʻyicha faoliyat yuritadigan, oliy maʼlumotga ega boʻlgan mutaxassislarni standartlashtirish, texnik jihatdan tartibga solish, metrologiya va muvofiqlikni baholash yoʻnalishi (keyingi oʻrinlarda — yoʻnalish) boʻyicha Oʻzbekiston Respublikasi Vazirlar Mahkamasi Oʻzbekiston texnik jihatdan tartibga solish agentligining Oʻzbekiston standartlar institutida (keyingi oʻrinlarda — Institut) kasbiy qayta tayyorlash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

buyurtmachi — qayta tayyorlash kurslarida taʼlim olish uchun murojaat qilgan jismoniy yoki yuridik shaxs;

oliy maʼlumotga ega boʻlgan mutaxassislarni yoʻnalish boʻyicha kasbiy qayta tayyorlash kurslari (keyingi oʻrinlarda — qayta tayyorlash kurslari) — korxona va tashkilotlarning standartlashtirish, texnik jihatdan tartibga solish, metrologiya va muvofiqlikni baholash yoʻnalishi boʻyicha maʼlumot hamda bilim talab etadigan kasb va lavozimlarida faoliyat yuritish uchun yetarli darajada bilim olish va koʻnikma shakllantirishni nazarda tutadigan oliy taʼlimdan keyingi oʻqitish shakli;

pedagog-maslahatchi — taʼlim jarayonida tegishli oʻquv kursi (moduli) boʻyicha tinglovchilar faoliyatini muvofiqlashtiruvchi va yoʻnaltiruvchi, metodik yordam koʻrsatuvchi, oʻqishi va bilimini nazorat qiluvchi subyekt;

tinglovchi — qayta tayyorlash kurslariga qabul qilingan jismoniy shaxs;

oʻquv dasturi — qayta tayyorlash kurslarining taʼlim mazmunini, uning tinglovchilar tomonidan oʻzlashtirilishining maqsadga muvofiq usullarini tashkil etishni nazarda tutadigan, axborot manbai boʻlgan, mutaxassisliklarning malaka talablari, oʻquv kursining asosiy mazmuni va metodik tuzilishini aniqlab beruvchi asosiy hujjat;

oʻquv rejasi — bloklar va oʻquv fanlari (kurslar)ning nomlarini, ularni oʻzlashtirish uchun ajratilgan soatlar hajmini hamda tinglovchilarning bilimlarini nazorat qilish shakllarini belgilab beruvchi asosiy hujjat;

qayta tayyorlash — standartlashtirish, texnik jihatdan tartibga solish, metrologiya va muvofiqlikni baholash sohalarida xalqaro standartlar va talablarni hisobga olgan holda ishlab chiqilgan oʻquv dasturlari asosida zarur bilim, koʻnikma va malakalarni oʻzlashtirish orqali yangi kasbiy faoliyatga yoʻnaltirishga qaratilgan oʻqitish shakli;

qayta tayyorlashning anʼanaviy shakli — oʻquv dasturlarini ishlab chiqarishdan ajralgan holda, qayta tayyorlash kurslarida bevosita ishtirok etish orqali oʻzlashtirish;

qayta tayyorlashning masofaviy shakli — oʻquv dasturlarini ishlab chiqarishdan ajralmagan holda, onlayn (real vaqt rejimida) hamda oflayn (videomaʼruzalar, mavzuga doir maʼruzalar matni, assesment topshiriqlari, amaliyot materiallari tahlili, kichik nazorat ishini bajarish orqali tegishli oʻquv-metodik resurslarni mustaqil ravishda oʻzlashtirish) tarzda oʻzlashtirish.

3. Yoʻnalish boʻyicha qayta tayyorlash kurslari ushbu Nizomga 1-ilovada keltirilgan sxemaga muvofiq tashkil etiladi.

2-bob. Qayta tayyorlash kurslarida oʻqish tartibi

4. Institut tomonidan qayta tayyorlash kurslari har yili yilning boshida qayta tayyorlash kurslarini oʻtkazish boʻyicha ishlab chiqilgan hamda tasdiqlangan reja-jadval asosida tashkil etiladi.

5. Reja-jadvalda koʻrsatilgan sanalar boʻyicha qayta tayyorlash kurslarini oʻtkazish haqida korxona va tashkilotlarga murojaatlar yuboriladi.

6. Buyurtmachi qayta tayyorlash kurslarini tashkil etish uchun onlayn tarzda (Institutning rasmiy veb-sayti yoki Edu.tris.uz platformasi orqali) yoki bevosita Institutga ariza bilan yozma murojaat qiladi.

7. Arizaga quyidagi hujjatlar ilova qilinadi:

qayta tayyorlash kurslarida oʻqish uchun buyurtmachining ushbu Nizomga 2-ilovaga muvofiq shakl boʻyicha anketasi;

buyurtmachi xorijiy davlatlarda taʼlim olgan boʻlsa, xorijiy davlatlarda taʼlim olganligini tasdiqlovchi hujjatning va vakolatli davlat organi tomonidan berilgan taʼlim toʻgʻrisidagi hujjatning tan olingani yoki ekvivalentligi qayd etilgan guvohnoma nusxasi;

ish joyidan tavsifnoma.

8. Arizalar ikki kun muddatda koʻrib chiqilib, buyurtmachi bilan qonunchilik hujjatlarida belgilangan tartibda shartnoma rasmiylashtiriladi.

9. Quyidagilar arizaning rad etilishi uchun asos hisoblanadi:

zarur darajada rasmiylashtirilmagan hujjatlarni taqdim etganlik yoki hujjatlarni toʻliq hajmda taqdim etmaslik;

taqdim etilgan hujjatlarda soxta maʼlumotlarning mavjudligi.

Ushbu bandning ikkinchi xatboshisida nazarda tutilgan holatlarni bartaraf etish yuzasidan tinglovchi ikki ish kuni ichida xabardor qilinadi, unga qayta tayyorlash kursi boshlanishi sanasigacha imkoniyat beriladi.

10. Mutaxassislar Institut bilan buyurtmachilar oʻrtasida tuziladigan shartnomalar asosida toʻlov evaziga qayta tayyorlanadi.

11. Institutda qayta tayyorlash kurslari tinglovchining asosiy ish joyidan ajralgan yoki ajralmagan holda qayta tayyorlash shakllarida (anʼanaviy, masofaviy) tashkil etiladi.

Qayta tayyorlash kurslari anʼanaviy shaklda tashkil etilganda, tinglovchilarning asosiy ish joyidagi oʻrtacha ish haqi mehnat qonunchiligida belgilangan tartibda saqlab qolinadi.

Qayta tayyorlash kurslari masofaviy shaklda tashkil etilganda, oʻquv rejasi va dasturiga muvofiq taʼlimning nazariy qismi Institut bazasida (tegishli taʼlim platformalarida), amaliy qismi tinglovchining asosiy ish joyida (taʼlim jarayoni bilan birga) tashkil etilishini nazarda tutgan holda ishlab chiqiladi.

Institutda tashkil etiladigan qayta tayyorlash kurslarida auditoriya oʻquv yuklamasining eng koʻp hajmi, qoida tariqasida, haftasiga 36 soat etib belgilanadi.

Oʻqitish davomiyligi, qoida tariqasida, kamida 576 soat (16 hafta)ni tashkil etadi.

12. Qayta tayyorlash kurslari tinglovchilari quyidagi hollarda tinglovchilar safidan chetlashtiriladi:

oʻz xohishiga binoan;

oʻquv intizomi va Institut tinglovchilarining ichki tartib-qoidalarini muntazam ravishda yoki bir marotaba qoʻpol ravishda buzganda;

uzrli (yaqin qarindoshining vafoti, tinglovchining mehnatga layoqatsizlik davri, farzandining betobligi, tinglovchining nikoh marosimi, sudlarda ishtirok etgan davri) sabablarsiz qayta tayyorlash kurslari boʻyicha oʻquv mashgʻulotlarini oʻttiz akademik soatdan ortiq qoldirganda;

shartnoma majburiyatlarini bajarmagani (bajarilmaganligi) uchun;

sud tomonidan ozodlikdan mahrum etilganda;

vafot etganda.

13. Tinglovchi qayta tayyorlash kursi tinglovchilari safidan chiqarilganda, Institut bu haqida buyurtmachiga xabar beradi.

14. Tinglovchi oʻz xohishi bilan taʼlim olishni rad etganda, toʻlangan toʻlov miqdori Institut tomonidan quyidagi tartibda qaytarib beriladi:

qayta tayyorlash kurslari boshlanmagan holda buyurtmachi tomonidan toʻlangan toʻlovning toʻliq miqdorida;

boshlangan holda buyurtmachi tomonidan toʻlangan toʻlovning qayta tayyorlash kurslari qolgan muddatiga nisbatan mos miqdorda.

Ushbu Nizomning 12-bandi uchinchi — beshinchi xatboshilaridagi hollarda tinglovchi tinglovchilar safidan chiqarilgan taqdirda, toʻlangan toʻlov miqdori qaytarilmaydi.

15. Ayrim sabablarga koʻra (mehnat taʼtili, xizmat safari, tinglovchining mehnatga layoqatsizlik davri, farzandining betobligi) qayta tayyorlash kurslarida qatnasha olmagan tinglovchilar tashkilot rahbarining murojaatiga asosan keyingi qayta tayyorlash kurslariga avvalgi toʻlangan toʻlovlar evaziga kiritiladi.

3-bob. Qayta tayyorlash kurslarining oʻquv jarayonini tashkil etish mexanizmlari

16. Tinglovchilar oʻquv jarayonlariga guruhlarga kiritilgan holda jalb etiladi.

17. Oʻquv jarayoni belgilangan tartibda tasdiqlangan davlat taʼlim talablari va buyurtmachi bilan kelishilgan holda, Institut ilmiy kengashida maʼqullangan hamda Institut direktori tomonidan tasdiqlangan oʻquv rejasi va dasturlariga muvofiq tashkil etiladi.

18. Tinglovchi qayta tayyorlash kurslariga buyurtmachining murojaatiga asosan Institut direktorining buyrugʻi bilan qabul qilinadi.

19. Institutda oʻquv jarayoni, qoida tariqasida, 25 kishidan ortiq boʻlmagan tinglovchilardan iborat guruhlarda tashkil qilinadi.

20. Barcha turdagi auditoriya mashgʻulotlarining davomiyligi 80 daqiqani, oʻquv mashgʻulotlari oʻrtasidagi tanaffus kamida 10 daqiqani tashkil etadi.

21. Oʻquv jarayonida oʻquv mashgʻulotlarining asosiy turlari, jumladan, maʼruza, seminar va amaliy (laboratoriya) mashgʻulotlardan foydalanadi.

22. Oʻquv mashgʻulotlarining qoʻshimcha turlari sayyor mashgʻulotlar va dars mashgʻulotlarini tashkil etishning amaliyotga yoʻnaltirilgan zamonaviy usullari (keys-stadi, ilmiy taqdimotlar, jamoada ishlash va boshqalar) qoʻllanilishi mumkin.

23. Masofaviy shakldagi qayta tayyorlash kurslarida oʻquv jarayoni maxsus taʼlim platformalarida onlayn (real vaqt rejimida) va offlayn (tegishli oʻquv-metodik resurslarni mustaqil ravishda oʻzlashtirish) rejimda tashkil qilinadi.

24. Qayta tayyorlash kurslari tinglovchilarning bilimi, qoida tariqasida, joriy nazorat, oraliq nazorat va yakuniy nazorat turlari boʻyicha baholanadi.

25. Masofaviy shaklda tashkil etilgan qayta tayyorlash kurslari yakuniy nazorat, qoida tariqasida, tinglovchining bevosita ishtirokida Institut auditoriyalarida oʻtkaziladi.

Masofaviy shaklda taʼlim olayotgan tinglovchilarga yakuniy nazorat imtihonini topshirish (imtihon sinovlaridan oʻtish) davri uchun oʻrtacha oylik maoshi saqlangan qoʻshimcha taʼtil beriladi.

26. Tinglovchilar bilimini baholash shakllari hamda ularni oʻtkazish tartibiga doir talablar Institut tomonidan tasdiqlanadi. Bunda tinglovchilarning fanlar (kurslar)ni oʻzlashtirish darajasi elektron tizim orqali nazorat qilinadi.

27. Muayyan nazorat turlaridan (sinovlardan, imtihonlardan) oʻtolmagan tinglovchilarga faqat bir marta toʻlovsiz qayta topshirish imkoniyati beriladi.

4-bob. Masofaviy taʼlimni tashkil etish

28. Masofaviy taʼlimning davomiyligi tegishli qayta tayyorlash kurslari uchun ajratilgan akademik soatlarda belgilanadi.

29. Onlayn shakldagi masofadan oʻqitish usuli maxsus jihozlangan oʻquv xonalarida real vaqt rejimida amalga oshiriladi.

Tinglovchilarning masofaviy oʻqishda ishtiroki buyurtmachi tashkilotlar tomonidan taʼminlanadi.

30. Masofaviy oʻqish boshlanishidan uch kun oldin Institut tomonidan tinglovchilarni OneID yagona identifikatsiya tizimi orqali Institut rasmiy veb-saytidan maxsus boʻlimiga kirishlari taʼminlanadi.

31. Tinglovchilar OneID yagona identifikatsiya tizimi orqali Institut rasmiy veb-saytidagi maxsus boʻlimga kiradilar va unda oʻzining shaxsiy kabinetiga ega boʻladilar.

32. Tinglovchilar oʻzlarining login va paroli hamda shaxsiy kabinetini boshqa shaxslarga foydalanish uchun berishi taqiqlanadi.

33. Masofaviy taʼlim davomida tinglovchilar qayta tayyorlash kurslarini tashkil etish va oʻtkazish rejasi, oʻqish davomiyligiga amal qilishi, shuningdek, onlayn va offlayn rejimdagi taʼlim jarayonida shaxsan oʻzi ishtirok etishi talab etiladi.

34. Masofaviy oʻqish jarayonida tinglovchilar faoliyati, taʼlim jarayonini muvofiqlashtirish va yoʻnaltirish Institut direktorining buyrugʻi bilan biriktiriladigan pedagog-maslahatchi tomonidan amalga oshiriladi.

35. Tinglovchilar bilan doimiy aloqani yoʻlga qoʻyish, tinglovchilarga zarur metodik yordam berish, yakka tartibdagi mashgʻulotni oʻtkazish yuzasidan nazoratni amalga oshirish va tinglovchilar bilimlarini baholash pedagog-maslahatchining vazifalariga kiradi. Pedagog-maslahatchi yakka tartibdagi topshiriqning tinglovchi tomonidan bajarilishi xolisona baholanishi uchun javob beradi.

Pedagog-maslahatchi bilan aloqa elektron pochta, telefon va boshqa elektron aloqa vositalari yordamida amalga oshiriladi. Pedagog-maslahatchi bilan aloqa sessiyalar (bevosita yuzma-yuz muloqot) tarzida ham amalga oshirilishi mumkin.

5-bob. Qayta tayyorlash kurslari tinglovchilarini davlat attestatsiyasidan oʻtkazish

36. Institut buyrugʻi bilan qayta tayyorlash kurslari tinglovchilarining davlat attestatsiyasini oʻtkazish boʻyicha davlat attestatsiya komissiyasi tuziladi.

37. Tinglovchilarning attestatsiyasini tashkil etish va oʻtkazishga doir talablar Institut kengashi tomonidan tasdiqlanadi.

38. Davlat attestatsiya komissiyasining qarori Institut direktori tomonidan tinglovchilarga belgilangan namunadagi diplomlarni berish toʻgʻrisidagi buyruq qabul qilish uchun asos hisoblanadi.

39. Davlat attestatsiyasi yakunlari boʻyicha qoniqarsiz baho olgan tinglovchilarga faqat bir marta, keyingi qayta tayyorlash kurslari yakunlari boʻyicha davlat attestatsiyasini takroran topshirish imkoniyati beriladi.

40. Davlat attestatsiya komissiyasi aʼzolari mehnatiga qonunchilikda belgilangan tartibda haq toʻlanadi.

41. Qayta tayyorlash kurslarining oʻquv rejasiga kiritilgan oʻquv fanlarini (kurslarni) oʻzlashtirmagan tinglovchilar davlat attestatsiyasiga qoʻyilmaydi.

42. Qayta tayyorlash kursini tamomlagan, attestatsiyadan muvaffaqiyatli oʻtgan tinglovchilarga ushbu Nizomga 3-ilovada belgilangan namunadagi (QR-kod bilan tasdiqlangan) qayta tayyorlash haqidagi diplom beriladi.

Qayta tayyorlashga ikkinchi oliy taʼlim sifatida qaralmaydi. Qayta tayyorlash natijasida beriladigan hujjat (diplom) faqat muayyan lavozimda belgilangan talablarga koʻra faoliyat koʻrsatish huquqini beradi.

6-bob. Tinglovchilarning huquq va majburiyatlari

43. Tinglovchilar quyidagi huquqlarga ega:

oʻquv jarayonini yanada yaxshilash, qayta tayyorlash tizimini takomillashtirish boʻyicha Institut rahbariyatiga takliflar kiritish;

maʼnaviy-maʼrifiy va madaniy tadbirlarda qatnashish;

qayta tayyorlash bilan bogʻliq boʻlgan qoʻshimcha maʼlumotlar va maslahatlar olish;

Institutning axborot-resurs markazi, oʻquv xonalari va kompyuter texnika vositalaridan foydalanish;

Institut xodimlarining xatti-harakatlari yuzasidan shikoyat qilish.

Tinglovchilar qonunchilik hujjatlariga muvofiq boshqa huquqlarga ham ega boʻlishlari mumkin.

44. Tinglovchilar:

belgilangan tartibda oʻquv rejasi va dasturlari asosida oʻqishi;

oʻquv mashgʻulotlariga oʻz vaqtida shaxsan oʻzlari ishtirok etishi va onlayn oʻquv mashgʻulotlarida qatnashishi;

oʻquv dasturlarida nazarda tutilgan nazorat turlarini va yakuniy nazorat imtihonini topshirishi;

oʻz nazariy bilimlarini, kasbiy koʻnikmalari va mahorat darajasini oshirishi;

oʻquv jarayonida berilgan topshiriqlarni oʻz vaqtida bajarishi;

Institutga tegishli boʻlgan mol-mulkni asrab-avaylashi, Institut tinglovchilarining ichki tartib-qoidalarga qatʼiy rioya etishi lozim.

7-bob. Apellyatsiyalarni koʻrib chiqish

45. Tinglovchilar attestatsiya natijalaridan norozi boʻlsa, yakuniy nazorat imtihoni oʻtgan sanadan boshlab uch ish kuni mobaynida Institutga onlayn (Institutning rasmiy veb-sayti yoki Yedu.tris.uz orqali) yoki yozma shaklda apellyatsiya berish huquqiga ega.

46. Apellyatsiya komissiyasi har bir apellyatsiyani koʻrib chiqish uchun zaruratga koʻra, shakllantiriladi. Bunda Institut direktorining buyrugʻi bilan uch nafardan kam boʻlmagan tarkibda sohaning yetuk mutaxassislari va oliy taʼlim tashkilotining tajribali xodimlari, professor-oʻqituvchilaridan iborat apellyatsiya komissiyasi tashkil etiladi.

Apellyatsiya komissiyasi tarkibiga davlat attestatsiyasida ishtirok etgan imtihon komissiyasi aʼzolarining kiritilishiga yoʻl qoʻyilmaydi.

Imtihonni qabul qilgan imtihon komissiyasi aʼzosi apellyatsiya jarayonida qatnashib, oʻz fikrini bildirish huquqiga ega.

Apellyatsiya shikoyatlari imtihon natijalari eʼlon qilingan vaqtdan boshlab 24 soat ichida qabul qilinadi va apellyatsiya komissiyasi tomonidan uch kun muddat ichida koʻrib chiqiladi.

Tinglovchi apellyatsiya shikoyatini koʻrib chiqishda ishtirok etish huquqiga ega. Apellyatsiya shikoyatining koʻrib chiqilish vaqti va joyi haqida tinglovchiga kamida bir kun oldin onlayn (Institutning rasmiy veb-sayti yoki Yedu.tris.uz orqali) yoki yozma shaklda xabar beriladi.

Apellyatsiya komissiyasi apellyatsiyani koʻrib chiqadi va qabul qilingan qaror toʻgʻrisida tinglovchiga onlayn (Institutning rasmiy veb-sayti yoki Edu.tris.uz orqali) yoki yozma shaklda maʼlum qiladi.

47. Koʻrib chiqilgan apellyatsiya natijalari boʻyicha apellyatsiya komissiyasi quyidagi qarorlardan birini qabul qiladi:

yakuniy nazorat imtihoni natijalarini oʻzgarishsiz qoldirish va apellyatsiyani qanoatlantirishni rad etish;

apellyatsiyani qanoatlantirish.

48. Apellyatsiyada keltirilgan sabablar tasdiqlanmagan taqdirda, yakuniy nazorat imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisidagi qaror qabul qilinadi.

49. Apellyatsiyani qanoatlantirish toʻgʻrisidagi qaror qabul qilingan taqdirda, Institut tomonidan mazkur Nizomga 3-ilovada koʻrsatilgan namunadagi diplom beriladi.

50. Institut ikki ish kunidan ortiq boʻlmagan muddatda qabul qilingan qaror toʻgʻrisidagi xabarnomani apellyatsiya bergan buyurtmachiga onlayn (Institutning rasmiy veb-sayti yoki Yedu.tris.uz orqali) yoki yozma shaklda yuboradi.

51. Aynan bir masala boʻyicha apellyatsiyani takroran berishga yoʻl qoʻyilmaydi.

52. Apellyatsiya komissiyasining qarori yuzasidan qonunchilikda belgilangan tartibda sudga shikoyat qilish mumkin.

8-bob. Qayta tayyorlash kurslarini bitirganlik haqidagi diplom dublikatlarini qayta rasmiylashtirish va taqdim etish

53. Diplom yoʻqotilgan yoki yaroqsiz holga kelgan hollarda diplomning dublikati (keyingi oʻrinlarda — dublikat) beriladi. Bunda Institut direktori nomiga diplomning yoʻqolish, yaroqsiz holga kelish holati toʻliq bayon etilgan ariza qayta tayyorlash kurslarini tamomlagan jismoniy shaxs tomonidan Institutning rasmiy veb-sayti orqali elektron shaklda yuboradi.

54. Dublikat murojaat qilingan sanadan boshlab oʻn besh kun muddat mobaynida beriladi.

55. Dublikatda hujjatlarning avvalgi qayd etilgan raqami, seriyasi, berilgan sanasi koʻrsatiladi, yangi blankaning yuqoridagi oʻng burchagiga “Dublikat” soʻzi yoziladi.

56. Yaroqsiz holatga kelgan yoki buzilgan diplom Institutga qaytarilishi va qonunchilik hujjatlarida belgilangan tartibda yoʻq qilinishi lozim.

57. Diplomning qayta rasmiylashtirilishi yoki dublikatining taqdim etilishi uchun qayta tayyorlashdan oʻtish talab qilinmaydi.

9-bob. Yakunlovchi qoidalar

58. Ushbu Nizomni qoʻllashda yuzaga keladigan nizolar qonunchilikda belgilangan tartibda hal etiladi.

59. Ushbu Nizom talablarining buzilishida aybdor shaxslar qonunchilik hujjatlariga muvofiq javob beradilar.

Oliy maʼlumotga ega boʻlgan mutaxassislarni metrologiya va standartlashtirish yoʻnalishi boʻyicha kasbiy qayta tayyorlash tartibi toʻgʻrisidagi nizomga 1-ILOVA

Qayta tayyorlash kurslarini tashkil qilish va oʻtkazish

Bosqichlar Subyektlar Tadbirlar Bajarish muddatlari 1-bosqich Oʻzbekiston standartlar instituti (Institut) 1. Reja-jadval ishlab chiqadi. 2. Qayta tayyorlash kursini oʻtkazish haqida korxona va tashkilotlarga murojaat yuboradi. Yil boshida 2-bosqich Buyurtmachi Ariza bilan murojaat qiladi. Reja-jadvalga muvofiq 3-bosqich Institut 1. Ariza va zarur hujjatlarni qabul qiladi. 2. Shartnoma rasmiylashtiradi. 3. Oʻquv rejasi va dasturlarini tasdiqlaydi. Ikki ish kunida 4-bosqich Institut 1. Qayta tayyorlash kurslariga tinglovchilarni qabul qiladi. Uch ish kuni mobaynida 2. Oʻquv jarayonini tashkil etadi. Reja jadvalga muvofiq Attestatsiya komissiyasi 3. Attestatsiyani oʻtkazadi. Oʻquv jarayonining yakuni boʻyicha 5-bosqich Institut Diplom beradi. Komissiya qarori asosida

Oliy maʼlumotga ega boʻlgan mutaxassislarni metrologiya va standartlashtirish yoʻnalishi boʻyicha kasbiy qayta tayyorlash tartibi toʻgʻrisidagi nizomga 2-ILOVA

Qayta tayyorlash kurslarida oʻqish uchun buyurtmachi ANKETASI 1. _______________________________________________________________________________________ (ismi, familiyasi, otasining ismi) 2. _______________________________________________________________________________________ (tugʻilgan sanasi (kun, oy, yil) 3. _______________________________________________________________________________________ (fuqarolik pasporti/identifikatsiyalovchi ID-kartasi (seriyasi, raqami, berilgan sana) 4. ________________________________ _ ______________________________________________________ (yashash joyi, manzili, telefon raqami) 5. _______________________________________________________________________________________ (maʼlumoti, taʼlim tashkiloti nomi, mutaxassisligi, tamomlagan yili) 6. _______________________________________________________________________________________ (ish joyi va lavozimi) Toʻldirilgan sana va imzo.

Oliy maʼlumotga ega boʻlgan mutaxassislarni metrologiya va standartlashtirish yoʻnalishi boʻyicha kasbiy qayta tayyorlash tartibi toʻgʻrisidagi nizomga 3-ILOVA

Qayta tayyorlash haqida davlat namunasidagi diplom

Mazkur diplom egasi ______________________________ (tinglovchining familiyasi, ismi, otasining ismi) 20___-yil “___” ______dan 20 ”___” ______-yilgacha _______________________________________da OʻZBEKISTON STANDARTLAR INSTITUTI (tashkilot nomi) Qayta tayyorlash haqida _________ soatga moʻljallangan _________________________________________ (kasbiy qayta tayyorlash kursining nomi) DIPLOM _______________ yoʻnalishi boyicha kasbiy qayta tayyorlash kursining oquv dasturini toliq oʻzlashtirdi. Attestatsiya komissiyasining 20___-yil _______dagi ________-son qarori bilan _____________________________ sohasida ______________________ yoʻnalishida kasbiy faoliyat yuritish huquqi berildi. QT № 000000 Qayd raqami: ________________ Berilgan sana: 20___-yil “___” _________ Berilgan joy: ______________ Rahbar ________ ___ _______________________ QR-kod _____________ (imzo) ___________ (familiyasi, ismi, otasining ismi)

Qayta tayyorlash haqida davlat namunasidagi diplomning

Oliy maʼlumotga ega boʻlgan mutaxassislarni metrologiya va standartlashtirish yoʻnalishi boʻyicha kasbiy qayta tayyorlash haqidagi davlat namunasidagi diplom A5 formatdagi oq qogʻozda, ofset usulida, besh xil rangdan: matn uchun — qora rang, rasmlar tasviri uchun — yashil, koʻk va qizil ranglardan, fon uchun — och pushti rangdan foydalangan holda bosib chiqariladi.

Varaqning chap yuqori qismida Oʻzbekiston Respublikasi Davlat gerbi tasviri va davlat tilida lotin yozuvi bilan quyidagilar joylashtiriladi:

OʻZBEKISTON RESPUBLIKASI GERBI

OʻZBEKISTON STANDARTLAR INSTITUTI

Qayta tayyorlash haqida

DIPLOM

QT № 000000

Qayd raqami: ____________

Berilgan joy: ____________

Berilgan sana: 20__ yil “___” _________

QR-kod joyi

Diplomning oʻng qismida davlat tilida lotin yozuvi bilan quyidagilar koʻrsatiladi:

tinglovchining familiyasi, ismi, otasining ismi;

oʻqish davri;

tashkilot nomi;

qayta tayyorlash kursining umumiy soati va nomi;

Attestatsiya komissiyasi qarorining sanasi va raqami;

tashkilot rahbarining elektron imzosi va familiyasi, ismi, otasining ismi;

Diplom:

tartib raqami ikkita lotin harfidan “QT” va olti raqamli sondan iborat boʻlishi;

barcha matn va tasvirlar naqshli rastrdan iborat och — pushti rang fonda aks ettirilishi;

takrorlanmaydigan raqamlardan, oltita himoyaga ega va ketma-ket oʻzgaruvchi raqamlardan iborat boʻlishi;

yuqori sifatli ofset qogʻozda chop etilishi;

QR-kod diplomning chap qismi oʻng tomoniga joylashtiriladi.

Mazkur diplom bosma qogʻoz yoki elektron shaklda berilishi mumkin.

Vazirlar Mahkamasining 2026-yil 7-sentabrdagi 472-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2011-yil 28-apreldagi 122-son qarori bilan tasdiqlangan Mahsulotni eksport qilishga koʻmaklashish byurosi toʻgʻrisidagi nizomda :

a) 1-band quyidagi tahrirda bayon qilinsin:

“1. Mahsulotni eksport qilishga koʻmaklashish byurosi (keyingi oʻrinlarda — Byuro) Oʻzbekiston texnik jihatdan tartibga solish agentligining Oʻzbekiston standartlar instituti (keyingi oʻrinlarda — Institut) tarkibiy boʻlinmasi hisoblanadi hamda Institutning hududiy filiallarida bittadan vakilga ega”;

b) 3-banddagi “davlat va xoʻjalik boshqaruvi organlari” soʻzlari “respublika ijro etuvchi hokimiyat organlari va xoʻjalik boshqaruvi organlari” soʻzlari bilan almashtirilsin;

v) 7-bandning birinchi xatboshisidagi “Oʻzbekiston ilmiy-sinov va sifat nazorati markazi” soʻzlari “Institut” soʻzi bilan almashtirilsin;

g) 8-band chiqarib tashlansin;

d) 10-band quyidagi tahrirda bayon qilinsin:

“10. Byuro boshligʻi Nizom bilan yuklangan vazifalarning zarur darajada va oʻz vaqtida bajarilishi uchun shaxsan javob beradi”.

2. Vazirlar Mahkamasining 2017-yil 25-apreldagi 237-son qarori bilan rus tilida tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglamentda :

a) 34-banddagi “Natsionalnim organom po sertifikatsii” soʻzlari “Uzbekskim institutom standartov Uzbekskogo agentstva po texnicheskomu regulirovaniyu” soʻzlari bilan almashtirilsin;

b) 42-band quyidagi tahrirda bayon etilsin:

“42. Sertifikatsiya yedinichnogo transportnogo sredstva i maloy partii transportnix sredstv provoditsya na sootvetstviye trebovaniyam, predusmotrennim punktami 1, 21, 23 — 26, 32, 38, 39, 41, 46, 47, 49, 52, 53, 55 — 61 prilojeniya № 3, a takje prilojeniy № 2 i 6 k Texnicheskomu reglamentu”;

v) 44-band quyidagi tahrirda bayon etilsin:

“44. Pri predstavlenii zayavitelem protokolov ispitaniy na konkretnuyu model, tip, marku, kommercheskoye naimenovaniye avtotransportnogo sredstva, podtverjdayushiye sootvetstviye trebovaniyam, ukazannim v punktax 1, 21, 23-24, 32, 38, 47, 49, 52, 53, 55 — 61 prilojeniya № 3 k Texnicheskomu reglamentu, ne provodyatsya.

Pri etom, srok davnosti protokolov ispitaniy ne doljen previshat sroka, ukazannogo v punkte 26 nastoyashego Texnicheskogo reglamenta”.

3. Vazirlar Mahkamasining “Oʻzbekiston texnik jihatdan tartibga solish agentligining Oʻzbekiston standartlar instituti faoliyatini tashkil etish toʻgʻrisida” 2019-yil 14-martdagi 220-son qarorida :

a) 1-bandda :

ikkinchi xatboshi chiqarib tashlansin;

uchinchi xatboshidagi “davlatlararo,” soʻzi chiqarib tashlansin;

b) 2-bandning ikkinchi xatboshisi chiqarib tashlansin;

v) 3-ilovada :

nomlanishidagi “davlatlararo,” soʻzi chiqarib tashlansin;

1-banddagi “davlatlararo,” soʻzi chiqarib tashlansin;

2-bandda :

uchinchi xatboshidagi “yoki davlatlararo” soʻzlari chiqarib tashlansin;

beshinchi xatboshidagi “davlat va xoʻjalik boshqaruvi organlari va” soʻzlari “respublika ijro etuvchi hokimiyat organlari va xoʻjalik boshqaruvi organlari hamda” soʻzlari bilan almashtirilsin;

3-bandda :

uchinchi xatboshi quyidagi tahrirda bayon etilsin:

“standartlashtirish rejasi;”;

beshinchi xatboshidagi “Oʻzbekiston texnik jihatdan tartibga solish agentligiga” soʻzlari “Standartlashtirish boʻyicha milliy organga” soʻzlari bilan almashtirilsin;

oltinchi xatboshidagi “davlatlararo,” soʻzi chiqarib tashlansin;

quyidagi tahrirdagi yettinchi xatboshi bilan toʻldirilsin:

“Xalqaro, mintaqaviy standartlarni, xorijiy mamlakatlarning standartlarini, shuningdek, ularga kiritilgan oʻzgartishlarni Oʻzbekiston Respublikasi hududida amalga kiritish va ularning amal qilishini bekor qilish toʻgʻrisidagi qarorlar ushbu Nizom talablarini hisobga olgan holda, Standartlashtirish boʻyicha milliy organ tomonidan tasdiqlanadigan tartib-taomillarga muvofiq qabul qilinadi”;

5-6-bandlar quyidagi tahrirda bayon etilsin:

“5. Respublikada xalqaro standartlar ISO/IEC Guide 21 talablariga muvofiq qabul qilinadi.

6. Respublikada xalqaro standartlar quyidagi muvofiqlik darajalari boʻyicha qabul qilinadi:

xalqaro standartlar bilan aynan oʻxshash (IDT);

xalqaro standartga nisbatan modifikatsiyalangan (MOD);

xalqaro standartlarga nisbatan ekvivalent boʻlmagan (NEQ).

Bunda xalqaro standartlarni qabul qilishning muvofiqlik darajalari ISO/IEC Guide 21 talablarida belgilangan mezonlarga muvofiq tegishli standartlashtirish boʻyicha texnik qoʻmitalarning xulosasi asosida belgilanadi”;

10-band quyidagi tahrirda bayon etilsin:

“10. Xalqaro standartlar tegishli standartlashtirish boʻyicha texnik qoʻmitalar tomonidan aniqlik kiritilgan muvofiqlik darajasidan kelib chiqib milliy standart sifatida qabul qilinadi”;

3-bob nomlanishidagi “yoki davlatlararo” soʻzlari chiqarib tashlansin;

18-banddagi “hududiy yoki davlatlararo standartlarda respublikada qabul qilinmagan boshqa xalqaro, mintaqaviy yoki davlatlararo” soʻzlari “mintaqaviy standartlarda respublikada qabul qilinmagan boshqa xalqaro yoki mintaqaviy” soʻzlari bilan almashtirilsin;

19-banddagi “yoki davlatlararo” soʻzlari chiqarib tashlansin;

30-bandda :

birinchi xatboshidagi “uch oydan kechikmay kuchga kiradi” soʻzlari “kamida oltmish kundan keyin amalga kiritiladi” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Amaldagi milliy standart oʻrniga standart qabul qilingan taqdirda oʻtish davri nazarda tutiladi. Bunda amalga kiritilmagan standart talablari oʻtish davri mobaynida qoʻllanilishi mumkin”;

31-banddagi “texnik jihatdan tartibga solish sohasidagi normativ hujjatlarning Davlat fondi tarkibiga” soʻzlari “yagona axborot bazasiga” soʻzlari bilan almashtirilsin;

33 — 35-bandlardagi “davlatlararo,” soʻzi chiqarib tashlansin;

ilovada :

nomlanishidagi “davlatlararo,” soʻzi chiqarib tashlansin;

8-bosqichning “Muddatlar” ustunidagi “uch oydan kechikmay” soʻzlari “kamida oltmish kundan keyin” soʻzlari bilan almashtirilsin;

g) 4-ilovada :

36-banddagi “davlatlararo” soʻzi “mintaqaviy” soʻzi bilan almashtirilsin;

37-bandda :

oltinchi xatboshidagi “xalqaro (davlatlararo, mintaqaviy)” soʻzlari “xalqaro, mintaqaviy” soʻzlari bilan almashtirilsin;

quyidagi mazmundagi oʻninchi-oʻn birinchi xatboshilar bilan toʻldirilsin:

“muhokama qilinadigan standart loyihasida keltirilgan talablarning texnik qoʻmita faoliyat yoʻnalishi doirasida toʻgʻriligi, ishonchligi va asoslantirilganini taʼminlash;

xalqaro standartlarni qabul qilishning muvofiqlik darajalarini aniqlash boʻyicha xulosalar berish”;

oʻninchi xatboshi oʻn ikkinchi xatboshi deb hisoblansin;

56-bandning uchinchi xatboshisidagi “xalqaro (davlatlararo, mintaqaviy)” soʻzlari “xalqaro, mintaqaviy” soʻzlari bilan almashtirilsin;

58-bandda “xalqaro (davlatlararo, mintaqaviy)” soʻzlari “xalqaro, mintaqaviy” soʻzlari bilan almashtirilsin.

4. Vazirlar Mahkamasining 2021-yil 30-yanvardagi 43-son qarori bilan tasdiqlangan Majburiy tartibda muvofiqligi baholanishi lozim boʻlgan mahsulotlar roʻyxatida :

a) 46-pozitsiya quyidagi tahrirda bayon etilsin:

“ 46. Avtotransport vositalari uchun xavfsiz shisha, oziq-ovqat mahsulotlari va dorilarni qadoqlash uchun shisha idish, yemakxona va oshxona idishlari, laboratoriya, gigiyenik va farmatsevtik vazifalar uchun shisha idish 7008 00, 7009 91 000 0, 7009 92 000 0, 7010, 7013, 7016 10 — 7016 90 700 9, 7017, 7019 ”;

b) quyidagi mazmundagi 91 1 -bandi bilan toʻldirilsin:

“ 91 1 . Oynalar (shisha) 7003 12 — 7003 30 000 0, 7004 20 — 7004 90, 7005 10 — 7005 30 000 0, 7006 00 100 0, 7006 00 900 0, 7007 ”.

5. Vazirlar Mahkamasining “Qimmatbaho metallarni birja savdolari va toʻgʻridan-toʻgʻri shartnomalar asosida sotishda zargarlik sohasida ish oʻrinlarini yaratgan tadbirkorlik subyektlariga chegirmalar berish tartibini takomillashtirish toʻgʻrisida” 2024-yil 4-martdagi 109-son qarorida :

a) 1-band qoʻyidagi tahrirda bayon etilsin:

“1. Oʻzbekiston Respublikasi Prezidentining “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida” 2022-yil 22-dekabrdagi PQ-452-son hamda “Zargarlik sohasida faoliyat yuritayotgan tadbirkorlik subyektlarini yanada qoʻllab-quvvatlash chora-tadbirlari toʻgʻrisida” 2025-yil 15-oktabrdagi PQ-303-son qarorlarida:

a) 2029-yil 1-fevralga qadar “Navoiy kon-metallurgiya kombinati” AJ va “Olmaliq kon-metallurgiya kombinati” AJ tomonidan ishlab chiqarilgan qimmatbaho metallarni birja savdolari va toʻgʻridan-toʻgʻri shartnomalar asosida sotishda zargarlik sohasida 75 dan 125 tagacha ish oʻrinlarini yaratgan tadbirkorlik subyektlariga — London qimmatbaho metallar bozori uyushmasining ertalabki fiksing narxining 1 foizi miqdorida, 125 dan 200 tagacha ish oʻrinlarini yaratganlarga — 2 foizi miqdorida, 200 dan 300 tagacha ish oʻrinlarini yaratganlarga — 3 foizi miqdorida, 300 ta va undan ortiq ish oʻrinlarini yaratganlarga — 4 foizi miqdorida chegirma berish joriy etilgani;

b) Iqtisodiyot va moliya vazirligi tomonidan Kambagʻallikni qisqartirish va bandlik vazirligi hamda “Oʻzbekzargarsanoati” uyushmasi bilan birgalikda zargarlik buyumlarini ishlab chiqaruvchi tadbirkorlik subyektlarining roʻyxatini va ular tomonidan yaratilgan zargarlik sohasidagi ish oʻrinlari toʻgʻrisidagi maʼlumotlar “Oʻzbekiston respublika tovar-xom ashyo birjasi” AJ, “Navoiy kon-metallurgiya kombinati” AJ hamda “Olmaliq kon-metallurgiya kombinati” AJga kiritib borilishi va yangilab borilishi;

v) chegirmalardan foydalanadigan zargarlik buyumlarini ishlab chiqaruvchi tadbirkorlik subyektlarining roʻyxati (keyingi oʻrinlarda — roʻyxat) quyidagi mezonlarni inobatga olgan holda shakllantirilishi:

zargarlik buyumlarini ishlab chiqaruvchi tadbirkorlik subyektlari tomonidan yaratilgan ish oʻrinlari soni;

yaratilgan ish oʻrinlariga ishga qabul qilingan xodimlar bilan belgilangan tartibda mehnat shartnomasi tuzilganligi, ularga kamida olti oy davomida mehnatga haq toʻlashning eng kam miqdorining toʻrt baravaridan kam boʻlmagan miqdorda ish haqi hisoblangani hamda ushbu holat soliq organlari tomonidan tasdiqlangani;

zargarlik buyumlarini ishlab chiqaruvchi tadbirkorlik subyektlarida yuqori qoʻshilgan qiymatli zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalari, shuningdek, zargarlik buyumlarini ishlab chiqarish boʻyicha belgilangan talablarga javob beradigan ishlab chiqarish maydonlari va sharoitlarining mavjudligi;

tadbirkorlik subyekti zargarlik markazida kamida bir oy davomida faoliyat yuritayotgan boʻlishi;

g) Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi Vazirlar Mahkamasi tomonidan tasdiqlanishi belgilangani maʼlumot uchun qabul qilinsin”;

b) 2-bandning beshinchi xatboshisi chiqarib tashlansin;

v) 3-band oʻz kuchini yoʻqotgan deb hisoblansin;

g) qarorga 1-ilova bilan tasdiqlangan Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisidagi nizomda :

2-bandning beshinchi xatboshisi quyidagi tahrirda bayon etilsin:

“Komplayens nazorat xizmati — Iqtisodiyot va moliya vazirining komplayens va korrupsiyaga qarshi ichki nazorat boʻyicha oʻrinbosari”;

4-banddagi “ishlab chiqiladi va Komissiya tomonidan” soʻzlari chiqarib tashlansin;

7-bandda :

uchinchi xatboshidagi “bir” soʻzi “toʻrt” soʻzi bilan almashtirilsin;

quyidagi mazmundagi oltinchi xatboshi bilan toʻldirilsin:

“zargarlik markazida kamida bir oy davomida faoliyat yuritishi toʻgʻrisida maʼlumot”;

oltinchi xatboshi yettinchi xatboshi deb hisoblansin;

9-bandning “v” kichik bandi quyidagi mazmundagi toʻrtinchi xatboshi bilan toʻldirilsin:

“tadbirkorlik subyekti zargarlik markazida kamida bir oy davomida faoliyat olib borishi”;

10-band quyidagi tahrirda bayon etilsin:

“10. Vakolatli organ:

har oyning 10-sanasiga qadar tadbirkorlik subyektlarining arizalarini va ular yuzasidan tegishli tashkilotlarning xulosalari asosida tadbirkorlik subyektlarining roʻyxatini shakllantirib, kelishish uchun Komplayens nazorat xizmatiga kiritadi;

har oyning 15-sanasiga qadar Komplayens nazorat xizmati bilan kelishilgan tadbirkorlik subyektlarining roʻyxatini “Oʻzbekiston respublika tovar-xom ashyo birjasi” AJ, “Toshkent tovar xomashyo birjasi” AJ, “Navoiy kon-metallurgiya kombinati” AJ hamda “Olmaliq kon-metallurgiya kombinati” AJga kiritiladi”;

11-band oʻz kuchini yoʻqotgan deb hisoblansin;

12-banddagi “Komissiya tomonidan maʼqullangan” soʻzlari chiqarib tashlansin;

16-banddagi “Komissiya” soʻzi “Komplayens nazorat xizmati” soʻzlari bilan almashtirilsin;

18-band oʻz kuchini yoʻqotgan deb hisoblansin;

d) Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibi toʻgʻrisidagi nizomga 1-ilovada :

“Tadbirlar” ustunining “2-bosqich” boʻlimidagi “Tadbirkorlik subyektlariga taqdim etilgan imtiyozlarning toʻgʻri qoʻllanilishini muvofiqlashtirish boʻyicha Komissiyaga maʼqullash uchun” soʻzlari “Iqtisodiyot va moliya vazirining komplayens va korrupsiyaga qarshi ichki nazorat boʻyicha oʻrinbosariga kelishish uchun” soʻzlari bilan almashtirilsin;

“Subyektlar” ustunining “3-bosqich” boʻlimidagi “Komissiya” soʻzi “Iqtisodiyot va moliya vazirining komplayens va korrupsiyaga qarshi ichki nazorat boʻyicha oʻrinbosari” soʻzlari bilan almashtirilsin;

“Tadbirlar” ustunining “3-bosqich” boʻlimidagi “maʼqullaydi” soʻzi “kelishadi” soʻzi bilan almashtirilsin;

“Tadbirlar” ustunining “4-bosqich” boʻlimidagi “Komissiya tomonidan maʼqullangan” soʻzlari “Iqtisodiyot va moliya vazirining komplayens va korrupsiyaga qarshi ichki nazorat boʻyicha oʻrinbosari bilan kelishilgan” soʻzlari bilan almashtirilsin;

“Tadbirlar” ustunining “5-bosqich” boʻlimidagi “Komissiya tomonidan maʼqullangan” soʻzlari “Iqtisodiyot va moliya vazirining komplayens va korrupsiyaga qarshi ichki nazorat boʻyicha oʻrinbosari bilan kelishilgan” soʻzlari bilan almashtirilsin;

j) qarorga 2-ilova oʻz kuchini yoʻqotgan deb hisoblansin.

6. Vazirlar Mahkamasining “Standartlashtirish faoliyatini takomillashtirishga doir qoʻshimcha chora-tadbirlar toʻgʻrisida” 2024-yil 30-martdagi 177-son qarorida :

a) 2-ilovada :

5-band quyidagi tahrirda bayon etilsin:

“5. Yagona axborot bazasi standartlarning elektron variantlarini oʻz ichiga oluvchi quyidagi platformalardan tashkil topadi:

milliy standartlar bazasi — xalqaro standartlarni adaptatsiya (moslashtirish) qilish orqali qabul qilingan milliy standartlar va milliy texnik qoʻmitalar tomonidan ishlab chiqilgan hamda standartlashtirish boʻyicha milliy organ tomonidan tasdiqlangan milliy standartlar toʻgʻrisidagi maʼlumot;

standartlar katalogi — xalqaro, mintaqaviy, xorijiy mamlakatlarning standartlari, shuningdek, boshqa toifadagi standartlar, standartlashtirishga oid hujjatlar hamda ular haqidagi maʼlumotlar majmuasi”;

9-band quyidagi mazmundagi ikkinchi xatboshi bilan toʻldirilsin:

“Standartlarning rasmiy roʻyxati milliy standartlar bazasida mavjud standartlar asosida shakllantiriladi hamda yuritiladi”;

15-banddagi “, xorijiy mamlakatlarning standartlarini” soʻzlari “standartlarni” soʻzi bilan almashtirilsin;

18-band quyidagi tahrirda bayon etilsin:

“18. Texnik jihatdan tartibga solish sohasida nazorat inspeksiyasi nazorat davomida aynan Standartlar institutining rasmiy veb-saytidan olingan standartlardan foydalanishni nazorat qiladi”;

b) 4-ilovada :

2-band quyidagi mazmundagi beshinchi xatboshi bilan toʻldirilsin:

“taʼlim tashkilotlari — texnik jihatdan tartibga solish, standartlashtirish, metrologiya, muvofiqlikni baholash, shuningdek, veterinariya, karantin va sanitariya sohalari mutaxassislarining malakasini oshirish faoliyati bilan shugʻullanuvchi yuridik shaxs”;

4-bandning ikkinchi xatboshisidagi “(institut binosida)” soʻzlari chiqarib tashlansin;

5-band quyidagi tahrirda bayon etilsin:

“5. Mutaxassislarning malakasini oshirish dasturlari taʼlim tashkilotlari tomonidan ishlab chiqiladi va tasdiqlanadi”;

6-band “Standartlar instituti” soʻzlaridan keyin “yoki taʼlim tashkilotlari” soʻzlari bilan toʻldirilsin;

7-banddagi “Oʻzbekiston standartlar institutida” soʻzlari “Oʻzbekiston standartlar instituti yoki taʼlim tashkilotlarida” soʻzlari bilan almashtirilsin;

8-bandning birinchi xatboshisi “Standartlar instituti direktoriga” soʻzlaridan keyin “yoki taʼlim tashkiloti rahbariga” soʻzlari bilan toʻldirilsin;

9-band oʻz kuchini yoʻqotgan deb hisoblansin;

12-band quyidagi tahrirda bayon etilsin:

“12. Ishga qabul qilingan mutaxassis bir yildan soʻng Standartlar instituti yoki taʼlim tashkilotlarida malakasini oshirganidan soʻng Standartlar institutida attestatsiyadan oʻtkazilishi shart.

Texnik jihatdan tartibga solish, standartlashtirish, metrologiya, muvofiqlikni baholash, shuningdek, veterinariya, karantin va sanitariya sohalar bilan bogʻliq sohalarda attestatsiyadan oʻtganlik toʻgʻrisidagi guvohnomaga ega boʻlgan shaxslar mazkur guvohnomaning amal qilish muddati tugashiga ikki oydan kam boʻlmagan muddatda Standartlar instituti yoki taʼlim tashkilotlarida qaytadan malakasi oshirilib, Standartlar institutida qayta attestatsiyadan oʻtkaziladi”;

13-bandning uchinchi xatboshisi quyidagi tahrirda bayon etilsin:

“Texnik jihatdan tartibga solish sohasida nazorat inspeksiyasi nazorat davomida mutaxassislar attestatsiyadan oʻtganligi talabining bajarilishini ham oʻrganadi”;

15-bandning uchinchi-toʻrtinchi xatboshisi quyidagi tahrirda bayon etilsin:

“Standartlar instituti direktorining oʻrinbosari (Malaka oshirish faoliyatiga aloqador boʻlmagan) lavozimi boʻyicha attestatsiya komissiyasining raisi hisoblanadi.

Attestatsiya komissiyasi tarkibiga kelishuvga koʻra Texnik jihatdan tartibga solish agentligi va Standartlar institutining komplayens nazorati xizmati xodimlari, mutaxassislari, malakali professor-oʻqituvchilar, baholovchilar, ekspertlar, malakasi baholanayotgan tashkilotning soha mutaxassislari kiritiladi, bunda ayni bir mutaxassisning malakasi oshirilishida ishtirok etgan komissiya aʼzosi ushbu xodimning attestatsiyasiga kiritilmaydi”;

17-bandda :

uchinchi xatboshi chiqarib tashlansin;

toʻrtinchi — oltinchi xatboshilar tegishlicha uchinchi — beshinchi xatboshilar deb hisoblansin;

beshinchi xatboshi quyidagi tahrirda bayon etilsin:

“Attestatsiyadan oʻtkazish va attestatsiyadan oʻtganlik toʻgʻrisidagi guvohnomani olish uchun BHMning 1,5 baravari miqdorida haq undiriladi”;

26-bandning toʻrtinchi xatboshisi quyidagi tahrirda bayon etilsin:

“Tashkilotlar attestatsiya savollari tarkibiga oʻz takliflarini berishlari mumkin. Savollar Standartlar instituti tomonidan tasdiqlanadi va manfaatdor tomonlar tanishishi uchun oʻzining rasmiy veb saytida joylashtiriladi”;

27-bandda :

ikkinchi xatboshidagi “uning” soʻzi chiqarib tashlansin;

quyidagi mazmundagi toʻrtinchi xatboshi bilan toʻldirilsin:

“Keyingi har bir qayta attestatsiya uchun 17-bandda koʻrsatilgan miqdorda haq undiriladi”;

28-band quyidagi tahrirda bayon etilsin:

“28. Attestatsiyadan muvaffaqiyatli oʻtgan talabgorlarning 3-ilovaga muvofiq shakl boʻyicha guvohnomalari besh kun muddatda “Texnik tartibga solish” milliy axborot tizimi bazasidagi yagona reyestrga kiritiladi.

Talabgor attestatsiyadan oʻtganlik toʻgʻrisidagi guvohnomasini oʻzining shaxsiy kabinetidan olishi mumkin”;

29-bandning birinchi xatboshisidagi “bir oy oʻtgach,” soʻzlari “boshlab” soʻzi bilan almashtirilsin;

6-bob oʻz kuchini yoʻqotgan deb hisoblansin;

37-band quyidagi tahrirda bayon etilsin:

“37. Standartlar instituti texnik jihatdan tartibga solish, standartlashtirish, metrologiya, muvofiqlikni baholash bilan bogʻliq sohalar mutaxassislarining malakasi oshirilganligi va attestatsiyadan oʻtganligi toʻgʻrisidagi axborot kiritilgan reyestrni (keyingi oʻrinlarda — Reyestr) yuritadi.

Reyestr elektron shaklda “Texnik tartibga solish” milliy axborot tizimi orqali yuritiladi”;

38-band oʻz kuchini yoʻqotgan deb hisoblansin;

39-bandning sakkizinchi xatboshisidagi “hamda dublikat berish” soʻzlari chiqarib tashlansin;

41-42-bandlar oʻz kuchini yoʻqotgan deb hisoblansin;

43-band quyidagi tahrirda bayon etilsin:

“43. Attestatsiyadan muvaffaqiyatli oʻtgan mutaxassisning guvohnomasida uning familiyasi, ismi yoki otasining ismi oʻzgargan taqdirda, tashkilotning yoki oʻzining arizasiga asosan attestatsiya komissiyasi tomonidan “Texnik tartibga solish” milliy axborot tizimi bazasidagi yagona reyestrdagi guvohnomaga oʻzgartirish kiritiladi”;

47-band quyidagi tahrirda bayon etilsin:

“47. Texnik jihatdan tartibga solish, standartlashtirish, metrologiya, muvofiqlikni baholash, shuningdek, veterinariya, karantin, sanitariya va ular bilan bogʻliq sohalar mutaxassislari attestatsiyadan oʻtkaziladi Standartlar instituti tomonidan attestatsiyadan oʻtkaziladi. Soha boʻyicha funksiyalari mulkchilik shaklidan qatʼi nazar, boshqa tashkilotlarda attestatsiyadan oʻtkazishga yoʻl qoʻyilmaydi”;

2-ilovada “Oʻzbekiston Respublikasi davlat gerbi tasviri” hamda “Oʻzbekiston standartlar institutida” soʻzlari chiqarib tashlansin.

7. Vazirlar Mahkamasining 2024-yil 14-avgustdagi 502-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomda :

a) 1-bandda :

ikkinchi xatboshi “texnik reglamentlarda” soʻzlaridan keyin “va standartlarda (ixtiyoriy)” soʻzlari bilan toʻldirilsin;

uchinchi xatboshi “majburiy” soʻzidan keyin “va ixtiyoriy” soʻzlari bilan toʻldirilsin;

b) 93-band quyidagi mazmundagi beshinchi xatboshi bilan toʻldirilsin:

“3A sxema — aynan bir xil tovarlarga bitta tashqi savdo shartnomasi (kontrakti) doirasida keltirilgan mahsulotni (transport vositalaridan tashqari) sertifikatlashtirishda muvofiqlik sertifikati bir kalendar yildan oshmagan muddatga bir marotaba taqdim etishda qoʻllaniladi va sertifikatlangan mahsulotlarning muvofiqlik belgisi bilan (import qilingan mahsulotlar ariza beruvchiga qulay shaklda) tamgʻalanishini taʼminlaydi”;

beshinchi — oʻninchi xatboshilar tegishlicha oltinchi — oʻn birinchi xatboshilar deb hisoblansin.

9. Vazirlar Mahkamasining 2025-yil 21-maydagi 325-son qarori bilan tasdiqlangan Budjet tashkilotlarining xarajatlarini moliyalashtirish tartibi toʻgʻrisidagi nizomning 12-bandida :

ikkinchi xatboshidagi “va Istiqbolli kadrlarni tayyorlash boʻyicha “El-yurt umidi” jamgʻarmasida kamida 25 foizi” soʻzlari “, Istiqbolli kadrlarni tayyorlash boʻyicha “El-yurt umidi” jamgʻarmasida, Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasida kamida 25 foizi” soʻzlari bilan almashtirilsin;

uchinchi xatboshidagi “sogʻliqni saqlash tizimidagi barcha davlat tibbiyot muassasalarida 75 foiz” soʻzlari “sogʻliqni saqlash tizimidagi barcha davlat tibbiyot muassasalarida, Oʻzbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasida” soʻzlar bilan almashtirilsin.

Vazirlar Mahkamasining 2026-yil 7-sentabrdagi 472-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida” 2004-yil 6-iyuldagi 318-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 12-avgustdagi 196-son qaroriga 2-ilovaning 43-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2007-yil 18-maydagi 104-son qarori .

4. Vazirlar Mahkamasining “Tadbirkorlik faoliyatini amalga oshirishda ruxsatnomalar olish tartibotlarini takomillashtirish va soddalashtirish toʻgʻrisida” 2009-yil 10-iyundagi 158-son qarori .

5. Vazirlar Mahkamasining “Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida” 2011-yil 28-apreldagi 122-son qarori 5-bandning ikkinchi xatboshisi va qarorga 7-ilova .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida” 2012-yil 18-iyuldagi PF-4455-son Farmoni)” 2012-yil 31-iyuldagi 232-qaroriga ilovaning 6-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni)” 2012-yil 1-noyabrdagi 313-son qaroriga 1-ilovaning 66-bandi .

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2013-yil 30-apreldagi OʻRQ-352-son Qonuni)” 2014-yil 3-martdagi 45-son qaroriga 1-ilovaning 19-bandi .

9. Vazirlar Mahkamasining ““Muvofiqlikni baholash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 2015-yil 14-oktabrdagi 292-son qaroriga 3-ilovaning 2-bandi .

10. Vazirlar Mahkamasining “Oʻrta maxsus, kasb-hunar va oliy taʼlim muassasalari oʻquv xonalarining xavfsizligi toʻgʻrisidagi umumiy texnik reglamentni tasdiqlash haqida” 2017-yil 10-maydagi 265-son qarori .

11. Vazirlar Mahkamasining “Oʻquv asbob-uskunalari va anjomlarining xavfsizligi toʻgʻrisidagi umumiy texnik reglamentni tasdiqlash haqida” 2017-yil 2-iyundagi 345-son qarori .

12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston standartlashtirish, metrologiya va sertifikatlashtirish agentligi faoliyatini takomillashtirish chora-tadbirlari toʻgʻrisida” 2017-yil 28-apreldagi PQ-2935-son qarori)” 2017-yil 2-iyundagi 348-son qaroriga ilovaning 5-bandi .

13. Vazirlar Mahkamasining “Veterinariya dori vositalari va ozuqa qoʻshimchalarining xavfsizligi toʻgʻrisidagi umumiy texnik reglamentni tasdiqlash haqida” 2017-yil 11-noyabrdagi 905-son qarori .

14. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son Farmoni, Oʻzbekiston Respublikasi Prezidentining “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3671-son qarori, “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarori)” 2018-yil 7-dekabrdagi 995-son qaroriga 1-ilovaning 40-bandi .

15. Vazirlar Mahkamasining “Oʻzbekiston texnik jihatdan tartibga solish agentligining Oʻzbekiston standartlar instituti faoliyatini tashkil etish toʻgʻrisida” 2019-yil 14-martdagi 220-son qarorining 1-bandi ikkinchi xatboshisi va qarorga 1-ilova hamda 3-ilovaning 11 — 15-bandlari .

16. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida” 2019-yil 21-maydagi PF-5723-son Farmoni)” 2019-yil 28-dekabrdagi 1046-son qaroriga ilovaning 52-bandi .

17. Vazirlar Mahkamasining “Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2019-yil 27-iyundagi 532-son qaroriga 5-ilovaning 7-bandi .

18. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Tashqi iqtisodiy faoliyatni amalga oshirishda maʼmuriy tartib-taomillarni yanada takomillashtirish chora-tadbirlari toʻgʻrisida” 2019-yil 23-apreldagi PQ-4297-son qarori)” 2019-yil 18-sentabrdagi 787-son qaroriga ilovaning 2-bandi .

19. Vazirlar Mahkamasining “Ekologik xavfsizlik toʻgʻrisidagi umumiy texnik reglamentni tasdiqlash haqida” 2020-yil 18-fevraldagi 95-son qarori .

20. Vazirlar Mahkamasining “Vazirlar Mahkamasining 2004-yil 6-iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomga oʻzgartirish va qoʻshimchalar kiritish haqida” 2020-yil 20-maydagi 302-son qarori .

21. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Texnik jihatdan tartibga solish sohasida davlat boshqaruvini tubdan takomillashtirish toʻgʻrisida” 2021-yil 2-iyundagi PF-6240-son va “Hududlarning sanoat salohiyatini oshirishga doir qoʻshimcha chora-tadbirlar toʻgʻrisida” 2021-yil 9-iyundagi PF-6244-son farmonlari)”2021-yil 16-noyabrdagi 683-son qaroriga ilovaning 2-bandi .

22. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida” 2020-yil 25-iyuldagi PF-6035-son Farmoni)” 2021-yil 19-noyabrdagi 694-son qaroriga 1-ilovaning 12-bandi .

23. Vazirlar Mahkamasining “Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston texnik jihatdan tartibga solish agentligi toʻgʻrisidagi va Oʻzbekiston texnik jihatdan tartibga solish agentligining Texnik jihatdan tartibga solish, standartlashtirish, sertifikatlashtirish va metrologiya sohasida davlat nazorati departamenti toʻgʻrisidagi nizomlarni tasdiqlash haqida” 2022-yil 11-martdagi 114-son qaroriga 3-ilovaning 7 , 16 , 18-bandlari hamda 22-bandi “a” va “b” kichik bandlari .

24. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 119 va 788-bandlari .

25. Vazirlar Mahkamasining “Taʼlim muassasalari uchun matbaa mahsulotlari xavfsizligi talablarini belgilashning texnik reglamentini tasdiqlash toʻgʻrisida” 2022-yil 28-dekabrdagi 726-son qarori .

26. Vazirlar Mahkamasining “Davlat veterinariya nazorati sohasidagi ruxsat etish xususiyatiga ega ayrim hujjatlarni berish tartibi toʻgʻrisidagi normativ-huquqiy hujjatlarni tasdiqlash haqida” 2023-yil 10-apreldagi 148-son qaroriga 3-ilovaning 2-bandi .

27. Vazirlar Mahkamasining “Zamonaviy talablar va jamiyat ehtiyojlariga javob beradigan yangi oʻquv rejalari, dasturlari va oʻquv-metodik adabiyotlarni ishlab chiqish hamda amaliyotga kiritish munosabati bilan Taʼlim muassasalari uchun matbaa mahsulotlari xavfsizligi talablarini belgilashning umumiy texnik reglamentiga oʻzgartirishlar kiritish haqida” 2023-yil 20-maydagi 209-son qarori .

28. Vazirlar Mahkamasining “Oʻzbekiston Respublikasining milliy qonunchiligi Jahon savdo tashkiloti bitimlariga uygʻunlashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2023-yil 21-avgustdagi 407-son qaroriga ilovaning 4-bandi .

29. Vazirlar Mahkamasining “Oʻzbekiston Respublikasining “Texnik jihatdan tartibga solish toʻgʻrisida”gi Qonunini amalga oshirish chora-tadbirlari haqida” 2024-yil 25-martdagi 153-son qaroriga 3-ilovaning 6-bandi .

30. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi va uning tizimidagi tashkilotlari faoliyatini samarali yoʻlga qoʻyish choralari toʻgʻrisida” 2024-yil 1-iyuldagi 370-son qaroriga 3-ilovaning 3-bandi “e” kichik bandi .

31. Vazirlar Mahkamasining “Mahsulotlarni davlat roʻyxatidan oʻtkazish va muvofiqlikni baholash tartiblariga oid nizomlarni tasdiqlash toʻgʻrisida” 2024-yil 14-avgustdagi 502-son qaroriga 6-ilovaning 1-bandi .

32. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2025-yil 21-oktabrdagi 662-son qaroriga 1-ilovaning 3-bandi .

33. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2025-yil 24-noyabrdagi 740-son qaroriga 1-ilovaning 20-bandi .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 7-sentabr,

472 -son

(Qonunchilik maʼlumotlari milliy bazasi, 09.09.2026-y., 09/26/472/0908-son)

lex.uz