UzbekAI

ЎЗБЕКИСТОН РЕСПУБЛИКАСИНИНГ ҚОНУНИ

Ўзбекистон Республикасининг айрим қонун ҳужжатларига ов қилиш ва овчилик хўжаликлари фаолиятини янада такомиллаштиришга қаратилган ўзгартириш ва қўшимчалар киритиш тўғрисида

Қонунчилик палатаси томонидан 2026 йил 24 февралда қабул қилинган Сенат томонидан 2026 йил 13 июнда маъқулланган

Кейинги йилларда мамлакатимизда ов қилиш ва овчилар тайёрлаш тартибини тизимлаштириш, соҳага илғор технологияларни татбиқ этиш, овчилик хўжаликларида биохилма-хилликни кўпайтириш, ов туризми инфратузилмасини ривожлантириш орқали маҳаллий аҳолини иш билан таъминлаш, ҳайвонот дунёсини муҳофаза қилиш ва ундан оқилона фойдаланиш борасида кенг кўламли ишлар амалга оширилмоқда.

Шу билан бирга овчилик хўжаликларини ташкил этиш учун ер участкалари ажратиш тартибини аниқ белгилаш, ов қилишни фақат белгиланган ов қилиш жойларида амалга ошириш механизмларини такомиллаштириш, овчиликка тааллуқли ҳужжатларни бериш жараёнларини рақамлаштириш зарурияти юзага келмоқда.

Мазкур Қонун билан айрим қонун ҳужжатларига овчилик гувоҳномалари ва йўлланмаларини бериш тартибини такомиллаштиришга, ёввойи ҳайвонларни тутишга доир квоталарни белгилаш ҳамда тақсимлашнинг илмий асосланган тартибини мустаҳкамлашга, ов қилишни фақат овчилик хўжаликларига бириктирилган жойларда, шунингдек эркин ов қилиш жойларида амалга оширишни белгилашга, қишлоқ хўжалигига мўлжалланмаган ерларда ҳамда ўрмон фонди ерларида овчилик хўжаликларини ташкил этишга қаратилган ўзгартириш ва қўшимчалар киритилмоқда.

Ушбу Қонун овчилик соҳасида ягона ва шаффоф ҳуқуқий механизмларни яратишга, давлат назоратини кучайтиришга, ёввойи ҳайвонлар ресурсларидан оқилона фойдаланишни таъминлашга хизмат қилади.

1-модда . Ўзбекистон Республикасининг 1997 йил 26 декабрда қабул қилинган «Ҳайвонот дунёсини муҳофаза қилиш ва ундан фойдаланиш тўғрисида»ги 545-I-сонли Қонуни (Ўзбекистон Республикасининг 2016 йил 19 сентябрда қабул қилинган ЎРҚ-408-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2016 йил, № 9, 273-модда; 2017 йил, № 9, 510-модда; 2018 йил, № 4, 224-модда; 2019 йил, № 1, 1-модда, № 8, 470-модда; 2020 йил, № 7, 447-модда; 2021 йил, 4-сонга илова; 2022 йил, № 5, 466-модда, № 6, 570-модда; 2023 йил, № 9, 711-модда; 2024 йил, № 8, 831-модда, № 11, 1287-модда; 2025 йил, № 12, 1329-модда) 37-моддасининг тўртинчи қисми қуйидаги таҳрирда баён этилсин:

«Овчилик ва (ёки) балиқ овлаш хўжалигини юритиш тартиби, шунингдек балиқ овлаш қоидалари Ўзбекистон Республикаси Вазирлар Маҳкамаси томонидан белгиланади».

2-модда. Ўзбекистон Республикасининг 2019 йил 29 июлда қабул қилинган «Қурол тўғрисида»ги ЎРҚ-550-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 7, 388-модда; 2020 йил, № 10, 593-модда, № 11, 651-модда; 2021 йил, 4-сонга илова, № 10, 968-модда; 2022 йил, № 3, 216-модда, № 5, 466-модда; 2024 йил, № 2, 105-модда; 2026 йил, № 1, 2-модда) қуйидаги ўзгартиришлар киритилсин:

1) 11-модданинг саккизинчи қисмидаги «овчилар жамоат бирлашмаси» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

2) 13-модда еттинчи қисмининг тўртинчи хатбошисидаги «овчилар жамоат бирлашмаси» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

3) 23-модданинг олтинчи қисмидаги «овчилар жамоат бирлашмаси» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин.

3-модда. Ўзбекистон Республикасининг 2020 йил 8 июлда қабул қилинган «Ов қилиш ва овчилик хўжалиги тўғрисида»ги ЎРҚ-627-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 7, 447-модда; 2022 йил, № 3, 216-модда; 2024 йил, № 1, 7-модда, № 8, 831-модда, № 10, 1073-модда, № 12, 1287-модда) қуйидаги қўшимча ва ўзгартиришлар киритилсин:

1) 3-модда қуйидаги мазмундаги учинчи қисм билан тўлдирилсин:

«Ов қилиш қоидалари ва ов қилиш жойларида ов қилиш тартиби Ўзбекистон Республикаси Экология ва иқлим ўзгариши миллий қўмитаси томонидан белгиланади»;

2) 5-модданинг биринчи қисмидаги «Ҳақиқий» деган сўз чиқариб ташлансин;

3) 9-модда :

қуйидаги мазмундаги иккинчи қисм билан тўлдирилсин:

«Ов қилиш овчилик хўжаликларига бириктирилган ов қилиш жойларида ҳамда Ўзбекистон Республикаси Экология ва иқлим ўзгариши миллий қўмитаси томонидан белгиланадиган эркин ов қилиш жойларида амалга оширилади»;

иккинчи ва учинчи қисмлари тегишинча учинчи ва тўртинчи қисмлар деб ҳисоблансин;

4) 14-модданинг тўртинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

5) 15-модданинг :

биринчи қисми қуйидаги таҳрирда баён этилсин:

«Ёввойи ҳайвонларни тутишга доир ҳар йилги квота ёввойи ҳайвонларнинг кўп миқдорда тутиладиган турларига, шунингдек ёввойи ҳайвонларнинг камёб ва оз сонли турларига нисбатан белгиланади. Ёввойи ҳайвонларни тутишга доир квота ҳайвонот дунёси объектларининг давлат кадастри маълумотларидан, ёввойи ҳайвонлар сонини ҳисобга олиш ва тутиладиган ёввойи ҳайвонларни ҳисобга олиш маълумотларидан, республикадаги мавжуд ўрмон хўжаликларидан ҳамда шундай фаолият билан шуғулланувчи бошқа жисмоний ва юридик шахслардан олинган ёввойи ҳайвонларни ҳисобга олиш маълумотларидан келиб чиққан ҳолда Ўзбекистон Республикаси Экология ва иқлим ўзгариши миллий қўмитаси томонидан белгиланади»;

иккинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигига» деган сўзлар «Ўзбекистон Республикаси Экология ва иқлим ўзгариши миллий қўмитасига» деган сўзлар билан алмаштирилсин;

учинчи — еттинчи қисмлари қуйидаги таҳрирда баён этилсин:

«Ўзбекистон Республикаси Экология ва иқлим ўзгариши миллий қўмитаси талабномалар асосида ёввойи ҳайвонларни тутишга доир квота лойиҳасини тайёрлайди. Бунда Ўзбекистон Республикасининг Қизил китобига киритилган камёб ва йўқолиб бораётган ёввойи ҳайвонлар турларини табиий яшаш муҳитидан ажратиб олишга доир квота лойиҳаси 25 ноябрга қадар (қўшимча квота учун 25 апрелга қадар) Ўзбекистон Республикаси Фанлар академиясига юборилади.

Ўзбекистон Республикаси Фанлар академияси Ўзбекистон Республикасининг Қизил китобига киритилган камёб ва йўқолиб бораётган ёввойи ҳайвонлар турларини табиий яшаш муҳитидан ажратиб олишга доир квота лойиҳаси бўйича олиб борилган илмий изланишлар ва чоп этилган илмий тадқиқотлар асосидаги хулосасини 5 декабрга қадар (қўшимча квота учун 5 майга қадар) Ўзбекистон Республикаси Экология ва иқлим ўзгариши миллий қўмитасига тақдим этади.

Ўзбекистон Республикаси Экология ва иқлим ўзгариши миллий қўмитаси ёввойи ҳайвонларни тутишга доир квоталарни 10 декабрга қадар (қўшимча квота учун 10 майга қадар) бўлган муддатда тасдиқлайди, квотани тақсимлаш тўғрисида қарор қабул қилади ҳамда уни Қорақалпоғистон Республикаси Экология ва иқлим ўзгариши қўмитасига, Ўзбекистон Республикаси Экология ва иқлим ўзгариши миллий қўмитасининг вилоятлар ҳамда Тошкент шаҳар Экология ва иқлим ўзгариши бош бошқармаларига (бундан буён матнда Экология қўмитасининг ҳудудий бўлинмалари деб юритилади) юборади.

Ёввойи ҳайвонларни тутишга доир тасдиқланган квоталарга мувофиқ Экология қўмитасининг ҳудудий бўлинмалари 20 декабрга қадар (қўшимча квота учун 20 майга қадар) квоталарни берилган талабномаларга мувофиқ тақсимлайди ҳамда ҳайвонот дунёсидан фойдаланишга доир рухсатномаларни беради.

Ёввойи ҳайвонларни тутишга доир ҳар йилги квота ҳамда қўшимча квота Ўзбекистон Республикаси Экология ва иқлим ўзгариши миллий қўмитасининг расмий веб-сайтида эълон қилинади»;

6) 17-модда иккинчи қисмининг :

ўн иккинчи хатбошисидаги «экология, атроф-муҳитни муҳофаза қилиш ва иқлим ўзгариши ҳудудий органига» деган сўзлар «Экология қўмитасининг ҳудудий бўлинмасига» деган сўзлар билан алмаштирилсин;

ўн учинчи хатбошисидаги «9-моддасининг иккинчи қисмида» деган сўзлар «9-моддасининг учинчи қисмида» деган сўзлар билан алмаштирилсин;

7) 18-модданинг :

тўққизинчи хатбошисидаги «экология, атроф-муҳитни муҳофаза қилиш ва иқлим ўзгариши ҳудудий органларига» деган сўзлар «Экология қўмитасининг ҳудудий бўлинмаларига» деган сўзлар билан алмаштирилсин;

ўнинчи хатбошисидаги «экология, атроф-муҳитни муҳофаза қилиш ва иқлим ўзгариши ҳудудий органларига» деган сўзлар «Экология қўмитасининг ҳудудий бўлинмаларига» деган сўзлар билан алмаштирилсин;

8) 19-модданинг :

ўн тўртинчи хатбошисидаги «экология, атроф-муҳитни муҳофаза қилиш ва иқлим ўзгариши ҳудудий органларига» деган сўзлар «Экология қўмитасининг ҳудудий бўлинмаларига» деган сўзлар билан алмаштирилсин;

ўн тўққизинчи хатбошисидаги «экология, атроф-муҳитни муҳофаза қилиш ва иқлим ўзгариши органларининг мансабдор шахсларини» деган сўзлар «Ўзбекистон Республикаси Экология ва иқлим ўзгариши миллий қўмитаси тизимидаги мансабдор шахсларни» деган сўзлар билан алмаштирилсин;

9) 23-модда :

тўртинчи ва бешинчи қисмлари қуйидаги таҳрирда баён этилсин:

«Ов қилиш мавсумида ҳафтанинг икки куни — сешанба, чоршанба — Ўзбекистон Республикасининг бутун ҳудудида қушларни ов қилиш учун ёпиқдир. Бундан Ўзбекистон Республикаси Фанлар академиясининг хулосаси инобатга олинган ҳолда Ўзбекистон Республикаси Экология ва иқлим ўзгариши миллий қўмитаси томонидан бериладиган рухсатномалар асосида илмий, тиббий ва назорат ишларини амалга ошириш учун қушларни тутиш ҳоллари ҳамда ушбу модданинг олтинчи ва саккизинчи қисмларида назарда тутилган ҳоллар мустасно.

Синовдан ўтказиладиган ҳар битта итга тўғри келадиган уч бош қушни отган ҳолда, овчи итларнинг балиқчи қушларга доир дала синовларини — 15 мартдан 1 майга қадар ва беданага доир дала синовларини — 1 апрелдан 15 майга қадар ўтказишга рухсат берилади. Синовларни ўтказиш жойлари ҳамда тартиби Экология қўмитасининг ҳудудий бўлинмалари билан келишувга кўра овчилик хўжаликлари томонидан аниқланади»;

қуйидаги мазмундаги олтинчи, еттинчи ва саккизинчи қисмлар билан тўлдирилсин:

«Овчилик хўжаликлари питомникларда ёввойи ҳайвонларни тўлиқ босқичда етиштириш йўлга қўйилган ҳолда ўзларига бириктирилган ов қилиш жойларига қўйиб юборилган ёввойи ҳайвонлар сонига тенг миқдордаги ёввойи ҳайвонларни уларнинг урчиш пайтидан ташқари йил давомида ов қилишни ташкил этиши мумкин. Бунда ёввойи ҳайвонларни тутишга доир рухсатнома олиш талаб этилмайди.

Ёввойи ҳайвонларнинг урчиш пайти Ўзбекистон Республикаси Фанлар академияси Зоология институтининг хулосаси асосида белгиланади.

Ўлжа олиш мақсадида ов қилиш рухсатномалар асосида ёввойи ҳайвонларнинг урчиш пайтидан ташқари, ов мавсумидан қатъи назар, ҳафтанинг барча кунларида амалга оширилиши мумкин»;

10) 24-модданинг учинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

11) 25-модданинг :

иккинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

бешинчи қисмидаги «экология, атроф-муҳитни муҳофаза қилиш ва иқлим ўзгариши ҳудудий органларига» деган сўзлар «Экология қўмитасининг ҳудудий бўлинмаларига» деган сўзлар билан алмаштирилсин;

12) 27-модда биринчи қисмининг еттинчи хатбошисидаги «экология, атроф-муҳитни муҳофаза қилиш ва иқлим ўзгариши ҳудудий органларининг» деган сўзлар «Экология қўмитаси ҳудудий бўлинмаларининг» деган сўзлар билан алмаштирилсин;

13) 28-модданинг матни қуйидаги таҳрирда баён этилсин:

«Овчилик гувоҳномаси муомалага лаёқатли, ўн саккиз ёшга тўлган, овчилик гувоҳномасини олиш учун махсус ўқув курсларини тугатган ва тест синовларидан муваффақиятли ўтган жисмоний шахсларга Ўзбекистон Республикаси Ягона интерактив давлат хизматлари портали орқали Ўзбекистон Республикаси Экология ва иқлим ўзгариши миллий қўмитаси томонидан икки йил муддатга берилади.

Овчилик гувоҳномасини расмийлаштирганлик учун жисмоний шахслардан базавий ҳисоблаш миқдорининг икки баравари миқдорида, пенсиядаги ва II гуруҳ ногиронлиги бўлган шахслардан базавий ҳисоблаш миқдорининг бир баравари миқдорида тўлов ундирилади.

Овчилик гувоҳномасининг амал қилиш муддати талабгорнинг аризасига кўра узайтирилиши мумкин.

Овчилик гувоҳномасининг амал қилиш муддатини узайтириш уни бериш учун назарда тутилган тартибда амалга оширилади. Бунда овчилик гувоҳномасининг амал қилиш муддатини узайтириш учун махсус ўқув курсларида қайта ўқиш талаб этилмайди.

Овчилик гувоҳномасини бериш тартиби ва овчилик гувоҳномасини олиш учун талабгорларни махсус ўқув курсларида ўқитиш тартиби Ўзбекистон Республикаси Экология ва иқлим ўзгариши миллий қўмитаси томонидан белгиланади.

Овчилик гувоҳномасининг амал қилиши унинг амал қилиш муддати ўтганлиги муносабати билан тугаган деб ҳисобланади.

Овчилик гувоҳномасининг амал қилишини муддатидан олдин тугатиш учун қуйидагилар асос бўлади:

овчилик гувоҳномаси эгасининг унинг амал қилишини тугатиш тўғрисидаги аризаси;

овчилик гувоҳномаси эгасининг вафот этиши;

суднинг овчилик гувоҳномаси эгасини белгиланган тартибда муомалага лаёқатсиз ёки муомала лаёқати чекланган деб топиш тўғрисидаги қарори;

суднинг ов қилиш ҳуқуқидан маҳрум қилиш тарзидаги жазони назарда тутувчи қонуний кучга кирган қарори»;

14) 29-модданинг :

биринчи қисмидаги «экология, атроф-муҳитни муҳофаза қилиш ва иқлим ўзгариши ҳудудий органлари» деган сўзлар «Экология қўмитасининг ҳудудий бўлинмалари» деган сўзлар билан алмаштирилсин;

учинчи қисмидаги «экология, атроф-муҳитни муҳофаза қилиш ва иқлим ўзгариши ҳудудий органига» деган сўзлар «Экология қўмитасининг ҳудудий бўлинмасига» деган сўзлар билан алмаштирилсин;

15) 30-модданинг :

биринчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

учинчи қисмидаги «экология, атроф-муҳитни муҳофаза қилиш ва иқлим ўзгариши ҳудудий органининг» деган сўзлар «Экология қўмитаси ҳудудий бўлинмасининг» деган сўзлар билан алмаштирилсин;

тўртинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигига» деган сўзлар «Ўзбекистон Республикаси Экология ва иқлим ўзгариши миллий қўмитасига» деган сўзлар билан алмаштирилсин;

16) 31-модданинг матни қуйидаги таҳрирда баён этилсин:

«Овчилик йўлланмаси (ёввойи ҳайвонларни тутиш карточкаси) ёввойи ҳайвонларни тутишга доир олинган квоталар асосида берилади ва унинг эгасига мавсумий ёки бир марталик овни амалга ошириш ҳуқуқини тақдим этади.

Овчилик йўлланмаси (ёввойи ҳайвонларни тутиш карточкаси) овчиларга махсус электрон дастур орқали:

овчилик хўжаликларига бириктирилган ов қилиш жойларида — овчилик хўжаликларининг эгалари бўлган юридик шахслар томонидан;

эркин ов қилиш жойларида — Ўзбекистон Республикаси Экология ва иқлим ўзгариши миллий қўмитаси томонидан берилади.

Овчилик йўлланмаси (ёввойи ҳайвонларни тутиш карточкаси) уни олганлик учун тўлов киритилганидан кейин берилади.

Овчилик йўлланмасида (ёввойи ҳайвонларни тутиш карточкасида) қуйидагилар кўрсатилади:

жисмоний шахснинг фамилияси, исми ва отасининг исми;

ов қуролини сақлаш ва олиб юришга доир рухсатнома рақами;

рақами ва берилган санаси;

овчилик хўжалигининг номи (овчилик йўлланмаси овчилик хўжалиги томонидан берилганда);

ов қилишга рухсат этиладиган ҳудуд;

ёввойи ҳайвон турининг номи;

тутиш учун рухсат этилган ёввойи ҳайвонлар сони;

ов қилиш муддати;

ов қилиш тури;

овчилик йўлланмасининг (ёввойи ҳайвонларни тутиш карточкасининг) нархи.

Овчилик йўлланмалари (ёввойи ҳайвонларни тутиш карточкалари) берилганлиги учун тўлов миқдори:

овчилик хўжаликларига бириктирилган ов қилиш жойларида — овчилик хўжаликларининг эгалари бўлган юридик шахслар томонидан;

эркин ов қилиш жойларида — Ўзбекистон Республикаси Экология ва иқлим ўзгариши миллий қўмитаси томонидан белгиланади.

Овчилик йўлланмаларини (ёввойи ҳайвонларни тутиш карточкаларини) бериш тартиби Ўзбекистон Республикаси Экология ва иқлим ўзгариши миллий қўмитаси томонидан белгиланади»;

17) 32-модданинг матни қуйидаги таҳрирда баён этилсин:

«Ёввойи ҳайвонларни муҳофаза қилиш ва улардан оқилона фойдаланиш, муҳофаза ҳамда такрор кўпайтириш тадбирларини ўтказиш билан боғлиқ хўжалик фаолиятини илмий асослантирилган тарзда режалаштириш ва амалга ошириш овчилик хўжалигини юритишдир.

Овчилик хўжалигини юритиш ҳуқуқи овчилик хўжаликларини ташкил этиш учун ер участкаларини ижара ҳуқуқи асосида ажратиш бўйича электрон онлайн-аукцион ғолиби бўлган юридик ёки жисмоний шахслар билан Ўзбекистон Республикаси Экология ва иқлим ўзгариши миллий қўмитаси ўртасида овчилик хўжалигини юритиш учун овчилик хўжаликларига туташ ҳудуддаги ов қилиш жойларини бириктириш юзасидан ов қилиш жойларини бериш тўғрисидаги шартнома имзоланган кундан эътиборан юзага келади.

Овчилик хўжаликларини ташкил этиш учун қишлоқ хўжалигига мўлжалланмаган ерлардан ҳамда ўрмон фонди ерларидан 10 гектаргача ер участкаси овчилик базалари ва 100 гектаргача ер участкаси питомниклар барпо этиш учун битта лот сифатида инвестициявий ҳамда шартномавий мажбуриятлар белгиланган ҳолда юридик ва жисмоний шахсларга электрон онлайн-аукцион орқали 49 йил муддатга қуйидаги босқичларда ижара ҳуқуқи асосида ажратилади:

биринчи босқичда — 10 йил муддатга;

инвестициявий ва шартномавий мажбуриятларни бажариш натижаларига кўра:

иккинчи босқичда — 10 йил муддатга;

учинчи босқичда — 29 йил муддатга.

Бунда икки йил муддат ичида ёввойи ҳайвонларни етиштириш ва такрор кўпайтириш бўйича питомниклар инфратузилмаси ёки такрор кўпайтириш участкаси ташкил этилмаса, ижара шартномаси бекор қилинади.

Овчилик хўжаликларини ташкил этиш учун ер участкаларини ижара ҳуқуқи асосида ажратиш бўйича электрон онлайн-аукцион ғолиби бўлган юридик ва жисмоний шахсларга овчилик хўжаликларига (овчилик базаларига ва питомникларга) туташ ҳудуддаги ов қилиш жойлари Ўзбекистон Республикаси Экология ва иқлим ўзгариши миллий қўмитаси билан тўғридан-тўғри тузиладиган ов қилиш жойларини бериш тўғрисидаги шартномага асосан овчилик хўжалигини юритиш учун бириктириб берилади. Бунда электрон онлайн-аукцион ғолиби бўлган юридик ва жисмоний шахслар овчилик хўжалигини юритиш учун туташ ҳудуддаги ов қилиш жойларини бериш тўғрисидаги шартномани тузишдан бош тортган тақдирда, электрон онлайн-аукцион натижалари бекор қилинади ва ер участкалари қайта электрон-онлайн аукцион савдоларига чиқарилади.

Овчилик хўжаликларини ташкил этиш учун қишлоқ хўжалигига мўлжалланмаган ерлардан ҳамда ўрмон фонди ерларидан ер участкаларини ажратиш тартиби Ўзбекистон Республикаси Вазирлар Маҳкамаси томонидан белгиланади.

Ов қилиш жойлари ер эгалари ёки ердан фойдаланувчилар билан келишувга кўра ҳамда улардан ерлар олиб қўйилмаган ҳолда бириктириб берилади.

Бириктирилган ов қилиш жойларидан фойдаланганлик учун ундириладиган йиллик ҳақ миқдори Ўзбекистон Республикаси Иқтисодиёт ва молия вазирлиги билан келишилган ҳолда Ўзбекистон Республикаси Экология ва иқлим ўзгариши миллий қўмитаси томонидан белгиланади.

Овчилик хўжаликлари Ўзбекистон Республикаси Экология ва иқлим ўзгариши миллий қўмитаси томонидан тасдиқланадиган форматда ишлаб чиқилган ва келишилган, ўн йилга мўлжалланган техник-иқтисодий асоснома материаллари асосида фаолият юритади.

Техник-иқтисодий асоснома материаллари ва ов қилиш жойларини бериш тўғрисидаги шартнома овчилик хўжаликларини юритишнинг комплекс тадбирларини амалга ошириш, шунингдек овчилик ресурсларидан оқилона, барқарор фойдаланишга, уларни муҳофаза қилишга, такрор кўпайтиришга ҳамда бириктирилган ов қилиш жойларининг ҳудудини овчилик хўжалигини юритиш учун яроқли ҳолатда сақлаб туришга қаратилган жорий ва истиқболдаги режалаштиришни ривожлантириш бўйича ишларни ташкил этиш ҳамда юритиш учун асосий норматив-техник ҳужжатлардир»;

18) 34-модданинг :

биринчи қисми қуйидаги таҳрирда баён этилсин:

«Овчилик хўжалигини юритиш учун ов қилиш жойларини бериш тўғрисидаги шартнома овчилик хўжаликларини ташкил этиш учун электрон онлайн-аукцион орқали ажратилган ер участкаларининг ижара муддатига мутаносиб бўлган муддатга тузилади»;

учинчи қисми қуйидаги таҳрирда баён этилсин:

«Овчилик хўжалигини юритиш учун ов қилиш жойларини бериш тўғрисидаги шартноманинг намунавий шакли Ўзбекистон Республикаси Экология ва иқлим ўзгариши миллий қўмитаси томонидан тасдиқланади»;

19) 36-модданинг иккинчи қисмидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг» деган сўзлар «Ўзбекистон Республикаси Экология ва иқлим ўзгариши миллий қўмитасининг» деган сўзлар билан алмаштирилсин;

20) 41-модданинг матнидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

21) 1-илова :

«ҚУШЛАР» позициясига оид Изоҳнинг иккинчи хатбошисидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

«УМУРТҚАСИЗЛАР» позициясига оид Изоҳнинг:

бешинчи хатбошисидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

олтинчи хатбошисидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигига» деган сўзлар «Ўзбекистон Республикаси Экология ва иқлим ўзгариши миллий қўмитасига» деган сўзлар билан алмаштирилсин;

еттинчи хатбошисидаги «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин;

22) 2-илованинг изоҳидаги (ҳаволасидаги) «Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги» деган сўзлар «Ўзбекистон Республикаси Экология ва иқлим ўзгариши миллий қўмитаси» деган сўзлар билан алмаштирилсин.

4-модда. Ўзбекистон Республикаси Экология ва иқлим ўзгариши миллий қўмитаси ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

5-модда. Ўзбекистон Республикаси Вазирлар Маҳкамаси:

ушбу Қонун 3-моддаси 17-бандининг ўн биринчи хатбошисида назарда тутилган овчилик хўжаликларини ташкил этиш учун қишлоқ хўжалигига мўлжалланмаган ерлардан ҳамда ўрмон фонди ерларидан ер участкаларини ажратиш тартибини ушбу Қонун расмий эълон қилинган кундан эътиборан уч ой ичида ишлаб чиқсин ва тасдиқласин;

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

Ўзбекистон Республикаси Экология ва иқлим ўзгариши миллий қўмитаси:

ушбу Қонун 3-моддаси 1-бандининг иккинчи хатбошисида назарда тутилган ов қилиш қоидаларини ва ов қилиш жойларида ов қилиш тартибини ушбу Қонун расмий эълон қилинган кундан эътиборан уч ой ичида ишлаб чиқсин ва тасдиқласин;

ушбу Қонун 3-моддаси 13-бандининг олтинчи хатбошисида назарда тутилган овчилик гувоҳномасини бериш тартибини ва овчилик гувоҳномасини олиш учун талабгорларни махсус ўқув курсларида ўқитиш тартибини ушбу Қонун расмий эълон қилинган кундан эътиборан уч ой ичида ишлаб чиқсин ва тасдиқласин;

ушбу Қонун 3-моддаси 16-бандининг йигирма биринчи хатбошисида назарда тутилган овчилик йўлланмаларини (ёввойи ҳайвонларни тутиш карточкаларини) бериш тартибини ушбу Қонун расмий эълон қилинган кундан эътиборан уч ой ичида ишлаб чиқсин ва тасдиқласин.

6-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2026 йил 9 сентябрь,

ЎРҚ-1172-сон

(Қонунчилик маълумотлари миллий базаси, 10.09.2026 й., 03/26/1172/0917-сон)

lex.uz

OʻZBEKISTON RESPUBLIKASINING QONUNI

Oʻzbekiston Respublikasining ayrim qonun hujjatlariga ov qilish va ovchilik xoʻjaliklari faoliyatini yanada takomillashtirishga qaratilgan oʻzgartirish va qoʻshimchalar kiritish toʻgʻrisida

Qonunchilik palatasi tomonidan 2026-yil 24-fevralda qabul qilingan Senat tomonidan 2026-yil 13-iyunda maʼqullangan

Keyingi yillarda mamlakatimizda ov qilish va ovchilar tayyorlash tartibini tizimlashtirish, sohaga ilgʻor texnologiyalarni tatbiq etish, ovchilik xoʻjaliklarida bioxilma-xillikni koʻpaytirish, ov turizmi infratuzilmasini rivojlantirish orqali mahalliy aholini ish bilan taʼminlash, hayvonot dunyosini muhofaza qilish va undan oqilona foydalanish borasida keng koʻlamli ishlar amalga oshirilmoqda.

Shu bilan birga ovchilik xoʻjaliklarini tashkil etish uchun yer uchastkalari ajratish tartibini aniq belgilash, ov qilishni faqat belgilangan ov qilish joylarida amalga oshirish mexanizmlarini takomillashtirish, ovchilikka taalluqli hujjatlarni berish jarayonlarini raqamlashtirish zaruriyati yuzaga kelmoqda.

Mazkur Qonun bilan ayrim qonun hujjatlariga ovchilik guvohnomalari va yoʻllanmalarini berish tartibini takomillashtirishga, yovvoyi hayvonlarni tutishga doir kvotalarni belgilash hamda taqsimlashning ilmiy asoslangan tartibini mustahkamlashga, ov qilishni faqat ovchilik xoʻjaliklariga biriktirilgan joylarda, shuningdek erkin ov qilish joylarida amalga oshirishni belgilashga, qishloq xoʻjaligiga moʻljallanmagan yerlarda hamda oʻrmon fondi yerlarida ovchilik xoʻjaliklarini tashkil etishga qaratilgan oʻzgartirish va qoʻshimchalar kiritilmoqda.

Ushbu Qonun ovchilik sohasida yagona va shaffof huquqiy mexanizmlarni yaratishga, davlat nazoratini kuchaytirishga, yovvoyi hayvonlar resurslaridan oqilona foydalanishni taʼminlashga xizmat qiladi.

1-modda . Oʻzbekiston Respublikasining 1997-yil 26-dekabrda qabul qilingan “Hayvonot dunyosini muhofaza qilish va undan foydalanish toʻgʻrisida”gi 545-I-sonli Qonuni (Oʻzbekiston Respublikasining 2016-yil 19-sentabrda qabul qilingan OʻRQ-408-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 273-modda; 2017-yil, № 9, 510-modda; 2018-yil, № 4, 224-modda; 2019-yil, № 1, 1-modda, № 8, 470-modda; 2020-yil, № 7, 447-modda; 2021-yil, 4-songa ilova; 2022-yil, № 5, 466-modda, № 6, 570-modda; 2023-yil, № 9, 711-modda; 2024-yil, № 8, 831-modda, № 11, 1287-modda; 2025-yil, № 12, 1329-modda) 37-moddasining toʻrtinchi qismi quyidagi tahrirda bayon etilsin:

“Ovchilik va (yoki) baliq ovlash xoʻjaligini yuritish tartibi, shuningdek baliq ovlash qoidalari Oʻzbekiston Respublikasi Vazirlar Mahkamasi tomonidan belgilanadi”.

2-modda. Oʻzbekiston Respublikasining 2019-yil 29-iyulda qabul qilingan “Qurol toʻgʻrisida”gi OʻRQ-550-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 7, 388-modda; 2020-yil, № 10, 593-modda, № 11, 651-modda; 2021-yil, 4-songa ilova, № 10, 968-modda; 2022-yil, № 3, 216-modda, № 5, 466-modda; 2024-yil, № 2, 105-modda; 2026-yil, № 1, 2-modda) quyidagi oʻzgartirishlar kiritilsin:

1) 11-moddaning sakkizinchi qismidagi “ovchilar jamoat birlashmasi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

2) 13-modda yettinchi qismining toʻrtinchi xatboshisidagi “ovchilar jamoat birlashmasi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

3) 23-moddaning oltinchi qismidagi “ovchilar jamoat birlashmasi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin.

3-modda. Oʻzbekiston Respublikasining 2020-yil 8-iyulda qabul qilingan “Ov qilish va ovchilik xoʻjaligi toʻgʻrisida”gi OʻRQ-627-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 7, 447-modda; 2022-yil, № 3, 216-modda; 2024-yil, № 1, 7-modda, № 8, 831-modda, № 10, 1073-modda, № 12, 1287-modda) quyidagi qoʻshimcha va oʻzgartirishlar kiritilsin:

1) 3-modda quyidagi mazmundagi uchinchi qism bilan toʻldirilsin:

“Ov qilish qoidalari va ov qilish joylarida ov qilish tartibi Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi”;

2) 5-moddaning birinchi qismidagi “Haqiqiy” degan soʻz chiqarib tashlansin;

3) 9-modda :

quyidagi mazmundagi ikkinchi qism bilan toʻldirilsin:

“Ov qilish ovchilik xoʻjaliklariga biriktirilgan ov qilish joylarida hamda Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadigan erkin ov qilish joylarida amalga oshiriladi”;

ikkinchi va uchinchi qismlari tegishincha uchinchi va toʻrtinchi qismlar deb hisoblansin;

4) 14-moddaning toʻrtinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

5) 15-moddaning :

birinchi qismi quyidagi tahrirda bayon etilsin:

“Yovvoyi hayvonlarni tutishga doir har yilgi kvota yovvoyi hayvonlarning koʻp miqdorda tutiladigan turlariga, shuningdek yovvoyi hayvonlarning kamyob va oz sonli turlariga nisbatan belgilanadi. Yovvoyi hayvonlarni tutishga doir kvota hayvonot dunyosi obyektlarining davlat kadastri maʼlumotlaridan, yovvoyi hayvonlar sonini hisobga olish va tutiladigan yovvoyi hayvonlarni hisobga olish maʼlumotlaridan, respublikadagi mavjud oʻrmon xoʻjaliklaridan hamda shunday faoliyat bilan shugʻullanuvchi boshqa jismoniy va yuridik shaxslardan olingan yovvoyi hayvonlarni hisobga olish maʼlumotlaridan kelib chiqqan holda Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi”;

ikkinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligiga” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasiga” degan soʻzlar bilan almashtirilsin;

uchinchi — yettinchi qismlari quyidagi tahrirda bayon etilsin:

“Oʻzbekiston Respublikasi Ekologiya va iqlim oʻzgarishi milliy qoʻmitasi talabnomalar asosida yovvoyi hayvonlarni tutishga doir kvota loyihasini tayyorlaydi. Bunda Oʻzbekiston Respublikasining Qizil kitobiga kiritilgan kamyob va yoʻqolib borayotgan yovvoyi hayvonlar turlarini tabiiy yashash muhitidan ajratib olishga doir kvota loyihasi 25-noyabrga qadar (qoʻshimcha kvota uchun 25-aprelga qadar) Oʻzbekiston Respublikasi Fanlar akademiyasiga yuboriladi.

Oʻzbekiston Respublikasi Fanlar akademiyasi Oʻzbekiston Respublikasining Qizil kitobiga kiritilgan kamyob va yoʻqolib borayotgan yovvoyi hayvonlar turlarini tabiiy yashash muhitidan ajratib olishga doir kvota loyihasi boʻyicha olib borilgan ilmiy izlanishlar va chop etilgan ilmiy tadqiqotlar asosidagi xulosasini 5-dekabrga qadar (qoʻshimcha kvota uchun 5-mayga qadar) Oʻzbekiston Respublikasi Ekologiya va iqlim oʻzgarishi milliy qoʻmitasiga taqdim etadi.

Oʻzbekiston Respublikasi Ekologiya va iqlim oʻzgarishi milliy qoʻmitasi yovvoyi hayvonlarni tutishga doir kvotalarni 10-dekabrga qadar (qoʻshimcha kvota uchun 10-mayga qadar) boʻlgan muddatda tasdiqlaydi, kvotani taqsimlash toʻgʻrisida qaror qabul qiladi hamda uni Qoraqalpogʻiston Respublikasi Ekologiya va iqlim oʻzgarishi qoʻmitasiga, Oʻzbekiston Respublikasi Ekologiya va iqlim oʻzgarishi milliy qoʻmitasining viloyatlar hamda Toshkent shahar Ekologiya va iqlim oʻzgarishi bosh boshqarmalariga (bundan buyon matnda Ekologiya qoʻmitasining hududiy boʻlinmalari deb yuritiladi) yuboradi.

Yovvoyi hayvonlarni tutishga doir tasdiqlangan kvotalarga muvofiq Ekologiya qoʻmitasining hududiy boʻlinmalari 20-dekabrga qadar (qoʻshimcha kvota uchun 20-mayga qadar) kvotalarni berilgan talabnomalarga muvofiq taqsimlaydi hamda hayvonot dunyosidan foydalanishga doir ruxsatnomalarni beradi.

Yovvoyi hayvonlarni tutishga doir har yilgi kvota hamda qoʻshimcha kvota Oʻzbekiston Respublikasi Ekologiya va iqlim oʻzgarishi milliy qoʻmitasining rasmiy veb-saytida eʼlon qilinadi”;

6) 17-modda ikkinchi qismining :

oʻn ikkinchi xatboshisidagi “ekologiya, atrof-muhitni muhofaza qilish va iqlim oʻzgarishi hududiy organiga” degan soʻzlar “Ekologiya qoʻmitasining hududiy boʻlinmasiga” degan soʻzlar bilan almashtirilsin;

oʻn uchinchi xatboshisidagi “9-moddasining ikkinchi qismida” degan soʻzlar “9-moddasining uchinchi qismida” degan soʻzlar bilan almashtirilsin;

7) 18-moddaning :

toʻqqizinchi xatboshisidagi “ekologiya, atrof-muhitni muhofaza qilish va iqlim oʻzgarishi hududiy organlariga” degan soʻzlar “Ekologiya qoʻmitasining hududiy boʻlinmalariga” degan soʻzlar bilan almashtirilsin;

oʻninchi xatboshisidagi “ekologiya, atrof-muhitni muhofaza qilish va iqlim oʻzgarishi hududiy organlariga” degan soʻzlar “Ekologiya qoʻmitasining hududiy boʻlinmalariga” degan soʻzlar bilan almashtirilsin;

8) 19-moddaning :

oʻn toʻrtinchi xatboshisidagi “ekologiya, atrof-muhitni muhofaza qilish va iqlim oʻzgarishi hududiy organlariga” degan soʻzlar “Ekologiya qoʻmitasining hududiy boʻlinmalariga” degan soʻzlar bilan almashtirilsin;

oʻn toʻqqizinchi xatboshisidagi “ekologiya, atrof-muhitni muhofaza qilish va iqlim oʻzgarishi organlarining mansabdor shaxslarini” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi tizimidagi mansabdor shaxslarni” degan soʻzlar bilan almashtirilsin;

9) 23-modda :

toʻrtinchi va beshinchi qismlari quyidagi tahrirda bayon etilsin:

“Ov qilish mavsumida haftaning ikki kuni — seshanba, chorshanba — Oʻzbekiston Respublikasining butun hududida qushlarni ov qilish uchun yopiqdir. Bundan Oʻzbekiston Respublikasi Fanlar akademiyasining xulosasi inobatga olingan holda Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan beriladigan ruxsatnomalar asosida ilmiy, tibbiy va nazorat ishlarini amalga oshirish uchun qushlarni tutish hollari hamda ushbu moddaning oltinchi va sakkizinchi qismlarida nazarda tutilgan hollar mustasno.

Sinovdan oʻtkaziladigan har bitta itga toʻgʻri keladigan uch bosh qushni otgan holda, ovchi itlarning baliqchi qushlarga doir dala sinovlarini — 15-martdan 1-mayga qadar va bedanaga doir dala sinovlarini — 1-apreldan 15-mayga qadar oʻtkazishga ruxsat beriladi. Sinovlarni oʻtkazish joylari hamda tartibi Ekologiya qoʻmitasining hududiy boʻlinmalari bilan kelishuvga koʻra ovchilik xoʻjaliklari tomonidan aniqlanadi”;

quyidagi mazmundagi oltinchi, yettinchi va sakkizinchi qismlar bilan toʻldirilsin:

“Ovchilik xoʻjaliklari pitomniklarda yovvoyi hayvonlarni toʻliq bosqichda yetishtirish yoʻlga qoʻyilgan holda oʻzlariga biriktirilgan ov qilish joylariga qoʻyib yuborilgan yovvoyi hayvonlar soniga teng miqdordagi yovvoyi hayvonlarni ularning urchish paytidan tashqari yil davomida ov qilishni tashkil etishi mumkin. Bunda yovvoyi hayvonlarni tutishga doir ruxsatnoma olish talab etilmaydi.

Yovvoyi hayvonlarning urchish payti Oʻzbekiston Respublikasi Fanlar akademiyasi Zoologiya institutining xulosasi asosida belgilanadi.

Oʻlja olish maqsadida ov qilish ruxsatnomalar asosida yovvoyi hayvonlarning urchish paytidan tashqari, ov mavsumidan qatʼi nazar, haftaning barcha kunlarida amalga oshirilishi mumkin”;

10) 24-moddaning uchinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

11) 25-moddaning :

ikkinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

beshinchi qismidagi “ekologiya, atrof-muhitni muhofaza qilish va iqlim oʻzgarishi hududiy organlariga” degan soʻzlar “Ekologiya qoʻmitasining hududiy boʻlinmalariga” degan soʻzlar bilan almashtirilsin;

12) 27-modda birinchi qismining yettinchi xatboshisidagi “ekologiya, atrof-muhitni muhofaza qilish va iqlim oʻzgarishi hududiy organlarining” degan soʻzlar “Ekologiya qoʻmitasi hududiy boʻlinmalarining” degan soʻzlar bilan almashtirilsin;

13) 28-moddaning matni quyidagi tahrirda bayon etilsin:

“Ovchilik guvohnomasi muomalaga layoqatli, oʻn sakkiz yoshga toʻlgan, ovchilik guvohnomasini olish uchun maxsus oʻquv kurslarini tugatgan va test sinovlaridan muvaffaqiyatli oʻtgan jismoniy shaxslarga Oʻzbekiston Respublikasi Yagona interaktiv davlat xizmatlari portali orqali Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan ikki yil muddatga beriladi.

Ovchilik guvohnomasini rasmiylashtirganlik uchun jismoniy shaxslardan bazaviy hisoblash miqdorining ikki baravari miqdorida, pensiyadagi va II guruh nogironligi boʻlgan shaxslardan bazaviy hisoblash miqdorining bir baravari miqdorida toʻlov undiriladi.

Ovchilik guvohnomasining amal qilish muddati talabgorning arizasiga koʻra uzaytirilishi mumkin.

Ovchilik guvohnomasining amal qilish muddatini uzaytirish uni berish uchun nazarda tutilgan tartibda amalga oshiriladi. Bunda ovchilik guvohnomasining amal qilish muddatini uzaytirish uchun maxsus oʻquv kurslarida qayta oʻqish talab etilmaydi.

Ovchilik guvohnomasini berish tartibi va ovchilik guvohnomasini olish uchun talabgorlarni maxsus oʻquv kurslarida oʻqitish tartibi Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi.

Ovchilik guvohnomasining amal qilishi uning amal qilish muddati oʻtganligi munosabati bilan tugagan deb hisoblanadi.

Ovchilik guvohnomasining amal qilishini muddatidan oldin tugatish uchun quyidagilar asos boʻladi:

ovchilik guvohnomasi egasining uning amal qilishini tugatish toʻgʻrisidagi arizasi;

ovchilik guvohnomasi egasining vafot etishi;

sudning ovchilik guvohnomasi egasini belgilangan tartibda muomalaga layoqatsiz yoki muomala layoqati cheklangan deb topish toʻgʻrisidagi qarori;

sudning ov qilish huquqidan mahrum qilish tarzidagi jazoni nazarda tutuvchi qonuniy kuchga kirgan qarori”;

14) 29-moddaning :

birinchi qismidagi “ekologiya, atrof-muhitni muhofaza qilish va iqlim oʻzgarishi hududiy organlari” degan soʻzlar “Ekologiya qoʻmitasining hududiy boʻlinmalari” degan soʻzlar bilan almashtirilsin;

uchinchi qismidagi “ekologiya, atrof-muhitni muhofaza qilish va iqlim oʻzgarishi hududiy organiga” degan soʻzlar “Ekologiya qoʻmitasining hududiy boʻlinmasiga” degan soʻzlar bilan almashtirilsin;

15) 30-moddaning :

birinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

uchinchi qismidagi “ekologiya, atrof-muhitni muhofaza qilish va iqlim oʻzgarishi hududiy organining” degan soʻzlar “Ekologiya qoʻmitasi hududiy boʻlinmasining” degan soʻzlar bilan almashtirilsin;

toʻrtinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligiga” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasiga” degan soʻzlar bilan almashtirilsin;

16) 31-moddaning matni quyidagi tahrirda bayon etilsin:

“Ovchilik yoʻllanmasi (yovvoyi hayvonlarni tutish kartochkasi) yovvoyi hayvonlarni tutishga doir olingan kvotalar asosida beriladi va uning egasiga mavsumiy yoki bir martalik ovni amalga oshirish huquqini taqdim etadi.

Ovchilik yoʻllanmasi (yovvoyi hayvonlarni tutish kartochkasi) ovchilarga maxsus elektron dastur orqali:

ovchilik xoʻjaliklariga biriktirilgan ov qilish joylarida — ovchilik xoʻjaliklarining egalari boʻlgan yuridik shaxslar tomonidan;

erkin ov qilish joylarida — Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan beriladi.

Ovchilik yoʻllanmasi (yovvoyi hayvonlarni tutish kartochkasi) uni olganlik uchun toʻlov kiritilganidan keyin beriladi.

Ovchilik yoʻllanmasida (yovvoyi hayvonlarni tutish kartochkasida) quyidagilar koʻrsatiladi:

jismoniy shaxsning familiyasi, ismi va otasining ismi;

ov qurolini saqlash va olib yurishga doir ruxsatnoma raqami;

raqami va berilgan sanasi;

ovchilik xoʻjaligining nomi (ovchilik yoʻllanmasi ovchilik xoʻjaligi tomonidan berilganda);

ov qilishga ruxsat etiladigan hudud;

yovvoyi hayvon turining nomi;

tutish uchun ruxsat etilgan yovvoyi hayvonlar soni;

ov qilish muddati;

ov qilish turi;

ovchilik yoʻllanmasining (yovvoyi hayvonlarni tutish kartochkasining) narxi.

Ovchilik yoʻllanmalari (yovvoyi hayvonlarni tutish kartochkalari) berilganligi uchun toʻlov miqdori:

ovchilik xoʻjaliklariga biriktirilgan ov qilish joylarida — ovchilik xoʻjaliklarining egalari boʻlgan yuridik shaxslar tomonidan;

erkin ov qilish joylarida — Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi.

Ovchilik yoʻllanmalarini (yovvoyi hayvonlarni tutish kartochkalarini) berish tartibi Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi”;

17) 32-moddaning matni quyidagi tahrirda bayon etilsin:

“Yovvoyi hayvonlarni muhofaza qilish va ulardan oqilona foydalanish, muhofaza hamda takror koʻpaytirish tadbirlarini oʻtkazish bilan bogʻliq xoʻjalik faoliyatini ilmiy asoslantirilgan tarzda rejalashtirish va amalga oshirish ovchilik xoʻjaligini yuritishdir.

Ovchilik xoʻjaligini yuritish huquqi ovchilik xoʻjaliklarini tashkil etish uchun yer uchastkalarini ijara huquqi asosida ajratish boʻyicha elektron onlayn-auksion gʻolibi boʻlgan yuridik yoki jismoniy shaxslar bilan Oʻzbekiston Respublikasi Ekologiya va iqlim oʻzgarishi milliy qoʻmitasi oʻrtasida ovchilik xoʻjaligini yuritish uchun ovchilik xoʻjaliklariga tutash hududdagi ov qilish joylarini biriktirish yuzasidan ov qilish joylarini berish toʻgʻrisidagi shartnoma imzolangan kundan eʼtiboran yuzaga keladi.

Ovchilik xoʻjaliklarini tashkil etish uchun qishloq xoʻjaligiga moʻljallanmagan yerlardan hamda oʻrmon fondi yerlaridan 10 gektargacha yer uchastkasi ovchilik bazalari va 100 gektargacha yer uchastkasi pitomniklar barpo etish uchun bitta lot sifatida investitsiyaviy hamda shartnomaviy majburiyatlar belgilangan holda yuridik va jismoniy shaxslarga elektron onlayn-auksion orqali 49 yil muddatga quyidagi bosqichlarda ijara huquqi asosida ajratiladi:

birinchi bosqichda — 10 yil muddatga;

investitsiyaviy va shartnomaviy majburiyatlarni bajarish natijalariga koʻra:

ikkinchi bosqichda — 10 yil muddatga;

uchinchi bosqichda — 29 yil muddatga.

Bunda ikki yil muddat ichida yovvoyi hayvonlarni yetishtirish va takror koʻpaytirish boʻyicha pitomniklar infratuzilmasi yoki takror koʻpaytirish uchastkasi tashkil etilmasa, ijara shartnomasi bekor qilinadi.

Ovchilik xoʻjaliklarini tashkil etish uchun yer uchastkalarini ijara huquqi asosida ajratish boʻyicha elektron onlayn-auksion gʻolibi boʻlgan yuridik va jismoniy shaxslarga ovchilik xoʻjaliklariga (ovchilik bazalariga va pitomniklarga) tutash hududdagi ov qilish joylari Oʻzbekiston Respublikasi Ekologiya va iqlim oʻzgarishi milliy qoʻmitasi bilan toʻgʻridan-toʻgʻri tuziladigan ov qilish joylarini berish toʻgʻrisidagi shartnomaga asosan ovchilik xoʻjaligini yuritish uchun biriktirib beriladi. Bunda elektron onlayn-auksion gʻolibi boʻlgan yuridik va jismoniy shaxslar ovchilik xoʻjaligini yuritish uchun tutash hududdagi ov qilish joylarini berish toʻgʻrisidagi shartnomani tuzishdan bosh tortgan taqdirda, elektron onlayn-auksion natijalari bekor qilinadi va yer uchastkalari qayta elektron-onlayn auksion savdolariga chiqariladi.

Ovchilik xoʻjaliklarini tashkil etish uchun qishloq xoʻjaligiga moʻljallanmagan yerlardan hamda oʻrmon fondi yerlaridan yer uchastkalarini ajratish tartibi Oʻzbekiston Respublikasi Vazirlar Mahkamasi tomonidan belgilanadi.

Ov qilish joylari yer egalari yoki yerdan foydalanuvchilar bilan kelishuvga koʻra hamda ulardan yerlar olib qoʻyilmagan holda biriktirib beriladi.

Biriktirilgan ov qilish joylaridan foydalanganlik uchun undiriladigan yillik haq miqdori Oʻzbekiston Respublikasi Iqtisodiyot va moliya vazirligi bilan kelishilgan holda Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan belgilanadi.

Ovchilik xoʻjaliklari Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan tasdiqlanadigan formatda ishlab chiqilgan va kelishilgan, oʻn yilga moʻljallangan texnik-iqtisodiy asosnoma materiallari asosida faoliyat yuritadi.

Texnik-iqtisodiy asosnoma materiallari va ov qilish joylarini berish toʻgʻrisidagi shartnoma ovchilik xoʻjaliklarini yuritishning kompleks tadbirlarini amalga oshirish, shuningdek ovchilik resurslaridan oqilona, barqaror foydalanishga, ularni muhofaza qilishga, takror koʻpaytirishga hamda biriktirilgan ov qilish joylarining hududini ovchilik xoʻjaligini yuritish uchun yaroqli holatda saqlab turishga qaratilgan joriy va istiqboldagi rejalashtirishni rivojlantirish boʻyicha ishlarni tashkil etish hamda yuritish uchun asosiy normativ-texnik hujjatlardir”;

18) 34-moddaning :

birinchi qismi quyidagi tahrirda bayon etilsin:

“Ovchilik xoʻjaligini yuritish uchun ov qilish joylarini berish toʻgʻrisidagi shartnoma ovchilik xoʻjaliklarini tashkil etish uchun elektron onlayn-auksion orqali ajratilgan yer uchastkalarining ijara muddatiga mutanosib boʻlgan muddatga tuziladi”;

uchinchi qismi quyidagi tahrirda bayon etilsin:

“Ovchilik xoʻjaligini yuritish uchun ov qilish joylarini berish toʻgʻrisidagi shartnomaning namunaviy shakli Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan tasdiqlanadi”;

19) 36-moddaning ikkinchi qismidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasining” degan soʻzlar bilan almashtirilsin;

20) 41-moddaning matnidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

21) 1-ilova :

“QUSHLAR” pozitsiyasiga oid Izohning ikkinchi xatboshisidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

“UMURTQASIZLAR” pozitsiyasiga oid Izohning:

beshinchi xatboshisidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

oltinchi xatboshisidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligiga” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasiga” degan soʻzlar bilan almashtirilsin;

yettinchi xatboshisidagi “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin;

22) 2-ilovaning izohidagi (havolasidagi) “Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi” degan soʻzlar “Oʻzbekiston Respublikasi Ekologiya va iqlim oʻzgarishi milliy qoʻmitasi” degan soʻzlar bilan almashtirilsin.

4-modda. Oʻzbekiston Respublikasi Ekologiya va iqlim oʻzgarishi milliy qoʻmitasi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

5-modda. Oʻzbekiston Respublikasi Vazirlar Mahkamasi:

ushbu Qonun 3-moddasi 17-bandining oʻn birinchi xatboshisida nazarda tutilgan ovchilik xoʻjaliklarini tashkil etish uchun qishloq xoʻjaligiga moʻljallanmagan yerlardan hamda oʻrmon fondi yerlaridan yer uchastkalarini ajratish tartibini ushbu Qonun rasmiy eʼlon qilingan kundan eʼtiboran uch oy ichida ishlab chiqsin va tasdiqlasin;

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

Oʻzbekiston Respublikasi Ekologiya va iqlim oʻzgarishi milliy qoʻmitasi:

ushbu Qonun 3-moddasi 1-bandining ikkinchi xatboshisida nazarda tutilgan ov qilish qoidalarini va ov qilish joylarida ov qilish tartibini ushbu Qonun rasmiy eʼlon qilingan kundan eʼtiboran uch oy ichida ishlab chiqsin va tasdiqlasin;

ushbu Qonun 3-moddasi 13-bandining oltinchi xatboshisida nazarda tutilgan ovchilik guvohnomasini berish tartibini va ovchilik guvohnomasini olish uchun talabgorlarni maxsus oʻquv kurslarida oʻqitish tartibini ushbu Qonun rasmiy eʼlon qilingan kundan eʼtiboran uch oy ichida ishlab chiqsin va tasdiqlasin;

ushbu Qonun 3-moddasi 16-bandining yigirma birinchi xatboshisida nazarda tutilgan ovchilik yoʻllanmalarini (yovvoyi hayvonlarni tutish kartochkalarini) berish tartibini ushbu Qonun rasmiy eʼlon qilingan kundan eʼtiboran uch oy ichida ishlab chiqsin va tasdiqlasin.

6-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2026-yil 9-sentabr,

OʻRQ-1172-son

(Qonunchilik maʼlumotlari milliy bazasi, 10.09.2026-y., 03/26/1172/0917-son)

lex.uz