UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

Аҳолини суюлтирилган газ билан таъминлаш тизимини ислоҳ қилиш ва бозор механизмларини босқичма-босқич жорий этиш чора-тадбирлари тўғрисида

Аҳолини суюлтирилган газ билан узлуксиз таъминлаш тизимининг барқарорлигини ошириш, суюлтирилган газ ресурсларидан самарали фойдаланиш, давлат томонидан кўрсатилаётган ижтимоий қўллаб-қувватлаш механизмларининг шаффофлиги ва манзиллилигини таъминлаш, давлат иштирокидаги корхоналар зиммасига юкланган квазифискал мажбуриятларни босқичма-босқич қисқартириш ҳамда мазкур соҳага бозор механизмларини жорий этиш учун ҳуқуқий ва институционал асосларни яратиш мақсадида қарор қиламан:

I. Мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) мавжуд ресурслардан оқилона фойдаланишни йўлга қўйган ҳолда суюлтирилган газни аҳолига ўз вақтида етарли миқдорда бозор механизмларини босқичма-босқич жорий этиш асосида етказиб беришни йўлга қўйиш;

(б) соҳада узоқ муддатга мўлжалланган стратегияни шакллантириш ҳисобига инвестициялар ва хусусий секторни жалб қилиш имкониятларини кенгайтириш;

(в) соҳани тартибга солувчи қонунчиликни такомиллаштириш;

(г) суюлтирилган газни етказиб беришда замонавий, тезкор ва қулай технологик ускуналарни жорий қилиш, йўқотишларни камайтириш ва тизимни тўлиқ рақамлаштириш.

II. Суюлтирилган газ таъминотида бозор механизмларини жорий этиш

2. Иқтисодиёт ва молия вазирлиги ҳамда Энергетика вазирлигининг қуйидаги таклифларига розилик берилсин:

(а) аҳолини суюлтирилган газ билан таъминлаш соҳасидаги функцияларни ихтисослаштириш, мазкур фаолиятнинг молиявий шаффофлигини таъминлаш ва бозор механизмларини босқичма-босқич жорий этиш мақсадида «Ҳудудгазтаъминот» АЖ таъсисчилигида «LPG-Trade» масъулияти чекланган жамиятини (кейинги ўринларда — «LPG-Trade» МЧЖ) ташкил қилиш;

(б) халқаро консалтинг компанияларини жалб қилган ҳолда суюлтирилган газ бозорини эркинлаштириш стратегиясини ишлаб чиқиш.

3. Белгилансинки, республикада суюлтирилган газ таъминоти тизимида бозор механизмлари босқичма-босқич жорий этилади. Бунда:

(а) аҳолига суюлтирилган газ етказиб бериш устуворлиги таъминланади;

(б) республика корхоналарида ишлаб чиқариладиган ва импорт қилинадиган суюлтирилган газ (ўз шохобчаларида сотиладиган ҳажмлардан ташқари) фақат биржа савдолари орқали сотилади. Бунда суюлтирилган газни биржа орқали сотиш нархининг уни биржа савдосига чиқариш нархига нисбатан ўсиш чегарасини (спред) белгилаш бекор қилинади;

(в) аҳолига суюлтирилган газ етказиб берадиган корхоналар маҳсулотни биржадан ва импортдан тўғридан-тўғри харид қиладилар. Бунда «LPG-Trade» МЧЖ томонидан суюлтирилган газни импорт қилишга рухсат берилмайди;

(г) аҳоли эҳтиёжлари учун етказиб бериладиган суюлтирилган газ таъминоти тизимида ислоҳотларни амалга ошириш ва хусусий секторни жалб қилиш орқали соҳада рақобат муҳити босқичма-босқич шакллантирилади ҳамда кросс-субсидиялаш амалиёти босқичма-босқич бекор қилинади;

(д) суюлтирилган газ таъминотидаги ислоҳотларни амалга ошириш жараёнида аҳолининг ижтимоий ҳимояга муҳтож қатламлари давлат томонидан моддий жиҳатдан қўллаб-қувватланади.

4. Белгилаб қўйилсинки:

(а) давлат томонидан аҳолига имтиёзли нархларда суюлтирилган газ етказиб бериш мақсадида «LPG-Trade» МЧЖ ўз фаолиятини республика бўйича ягона юридик шахс сифатида амалга оширади ҳамда республика ҳудудларидаги филиаллари орқали фаолият юритади;

(б) «Ҳудудгазтаъминот» АЖ таъсисчилигида «LPG-Trade» МЧЖни ташкил қилиш доирасида хўжалик жамиятларининг бир ташкилотдан бошқа бир ташкилотга ўтказилаётган мулки, мулкий ҳуқуқлари, шунингдек, устав капиталидаги акциялари (активлари) ва улушлари қиймати, шу жумладан, уларни қайта ташкил этиш ва тугатиш чоғида солиққа тортишнинг барча турлари бўйича солиқ солиш объектлари ҳисобланмайди;

(в) аҳолига суюлтирилган газни давлат томонидан тартибга солинадиган чакана нархларда етказиб бериш билан боғлиқ нархлар тафовути ҳамда иқтисодий жиҳатдан асосланган харажатлар «LPG-Trade» МЧЖга Ўзбекистон Республикаси республика бюджети маблағлари ҳисобидан қоплаб берилади.

5. Шундай тартиб ўрнатилсинки, унга мувофиқ 2026 йил 1 ноябрдан бошлаб:

(а) «LPG-Trade» МЧЖ томонидан суюлтирилган газни биржа орқали сотиб олиб, аҳолига етказиб бериш тизими жорий қилинади. Бунда хусусий тадбиркорлик субъектлари импорт ҳисобидан ҳам аҳолига суюлтирилган газ етказиб беради;

(б) «Ўзбекнефтгаз» АЖ ва «Lukoil Overseas Supply and Trading Ltd» компанияси томонидан ишлаб чиқариладиган суюлтирилган газ тўлиқ ҳажмда товар-хомашё биржаларининг алоҳида савдо майдончаси орқали савдога қўйилади. Бунда бошқа тадбиркорлик субъектлари, жумладан, импорт қилувчи корхоналар суюлтирилган газни ихтиёрий равишда биржанинг алоҳида савдо майдончасида сотишлари мумкин;

(в) биржанинг алоҳида савдо майдончасида сотиладиган суюлтирилган газ «LPG-Trade» МЧЖ томонидан аҳолига етказиб бериш учун харид қилинади;

(г) биржанинг алоҳида савдо майдончасидан харид қилинадиган суюлтирилган газ ҳажмлари аҳоли эҳтиёжлари учун етарли бўлмаган тақдирда, «LPG-Trade» МЧЖ суюлтирилган газни биржанинг очиқ савдолари орқали харид қилади;

(д) ижтимоий соҳа объектлари эҳтиёжлари учун суюлтирилган газ бозор тамойилларига асосан шаклланадиган биржа нархларида «LPG-Trade» МЧЖ томонидан етказиб берилади.

6. Иқтисодиёт ва молия вазирлиги Энергетика вазирлиги билан биргаликда аҳолига суюлтирилган газ етказиб бериш тизими тўлиқ бозор механизмига ўтказилгандан сўнг товар-хомашё биржаларининг алоҳида савдо майдончасини ёпиш бўйича Вазирлар Маҳкамасига таклиф киритсин.

7. Андижон вилояти ҳокимлиги ва Энергетика вазирлигининг 2026 йил 1 октябрдан бошлаб Андижон вилоятида «LPG-Trade» МЧЖнинг фаолияти билан бир қаторда тажриба сифатида тадбиркорлик субъектлари томонидан импортдан олиб келинадиган суюлтирилган газни тўғридан-тўғри истеъмолчиларга маиший газ баллонларида эркин нархларда етказиб бериш лойиҳасини (кейинги ўринларда — Андижон лойиҳаси) амалга ошириш тўғрисидаги таклифига розилик берилсин.

Бунда Андижон лойиҳасини амалга ошириш учун қуйидаги талаблар белгиланади:

(а) вилоят ҳудудида суюлтирилган газни импортдан олиб келиш ва маиший газ баллонларида истеъмолчиларга чакана тарзда сотиш фаолиятини камида 2 та тадбиркорлик субъекти (кейинги ўринларда — Оператор) томонидан амалга ошириш;

(б) Операторнинг суюлтирилган газни ташиш, қабул қилиш, сақлаш ва тарқатиш учун зарур инфратузилма ҳамда моддий-техника базасига эга бўлиши ёки ижара (аутсорсинг) шартномаси асосида фойдаланиш ҳуқуқининг мавжудлиги ҳамда тегишли фаолиятни амалга ошириш учун лицензия ва рухсат этиш ҳужжатларининг мавжудлиги;

(в) Операторнинг муҳандис-техник ва ишчи ходимлари хавфсиз иш юритиш усуллари бўйича ўқитилганлиги, аттестация ва даврий билим синовларидан ўтказилганлиги;

(г) истеъмолчиларга қулайлик яратиш мақсадида Оператор томонидан кўрсатиладиган хизматларни онлайн амалга оширишни таъминловчи мобил иловани ишга тушириш.

8. Белгилансинки:

(а) Андижон лойиҳаси доирасида Оператор истеъмолчиларга суюлтирилган газни ўзига тегишли бўлган ва идентификация қилиш имконини берадиган (бар-код, логотип, ранг ва бошқа белгилар) турли ҳажмдаги маиший газ баллонларида чекланмаган миқдорларда етказиб беради;

(б) Оператор ва «LPG-Trade» МЧЖга ўз фаолиятларини олиб боришда Андижон вилояти ҳудудидаги суюлтирилган газ таъминоти объектлари, жумладан, газ тўлдириш иншоотлари, суюлтирилган газ сақлаш омборлари ва бошқа моддий-техника воситаларидан биргаликда фойдаланишга йўл қўйилмайди.

9. Андижон лойиҳаси доирасида истеъмолчиларга қўшимча қулайлик яратиш ва Операторнинг ташиш харажатларини камайтириш мақсадида:

(а) ҳудудлардаги истеъмолчилар сони ва жойлашув масофасидан келиб чиққан ҳолда Операторга шаҳарсозлик нормалари ва қоидаларига ҳамда ёнғин ва саноат хавфсизлиги талабларига жавоб берадиган маиший газ баллонларини сақлаш ва сотиш шохобчаларини ташкил этишга;

(б) Андижон вилояти ҳокимлигига Операторнинг мурожаатига асосан маиший газ баллонларини сақлаш ва сотиш шохобчаларини ташкил этишга туман (шаҳар) ҳокимликлари тасарруфидаги бўш турган ер участкаларини белгиланган тартибда ажратишга рухсат этилсин.

10. Солиқ қўмитаси ва Божхона қўмитаси бир ой муддатда Андижон вилоятида Оператор томонидан импорт қилинадиган ва истеъмолчиларга маиший газ баллонларида эркин нархларда сотиладиган суюлтирилган газ ҳажмларининг алоҳида ҳисобини юритиш тизимини жорий этсин. Оператор зиммасига Андижон лойиҳаси бўйича ҳисоботларни Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва Энергетика вазирлигига ҳар ойнинг 10-санасига қадар тақдим этиш юклатилади.

11. Қурилиш ва уй-жой коммунал хўжалиги вазирлиги икки ой муддатда халқаро тажрибани ўрганган ҳолда фуқаролик инфратузилма объектлари ва уларга ёндош ҳудудларда маиший газ баллонларини сақлаш ва сотиш шохобчаларини лойиҳалаш ва қуришга қўйиладиган талабларни янада такомиллаштириш бўйича норматив ҳужжатларга зарур ўзгартиришлар юзасидан таклиф киритсин.

12. Транспорт вазирлиги ва Ички ишлар вазирлиги икки ой муддатда маиший газ баллонларини ташувчи транспорт воситаларига қўйиладиган талабларни соддалаштириш, аварияларнинг олдини олиш ва инсон ҳаётига хавф солувчи омилларни инобатга олган ҳолда қонунчилик ҳужжатларига тегишли ўзгартириш ва қўшимчалар юзасидан таклиф киритсин.

13. Ўзбекистон техник жиҳатдан тартибга солиш агентлиги бир ой муддатда маиший газ баллонларига қўйилган техник жиҳатдан тартибга солиш соҳасидаги норматив ҳужжатларда белгиланган талабларни хатловдан ўтказсин ва уларни халқаро талабларга мувофиқлаштириш чораларини кўрсин.

14. Вазирлар Маҳкамаси бир ҳафта муддатда қуйидагиларни назарда тутувчи Ҳукумат қарори қабул қилинишини таъминласин:

(а) аҳоли эҳтиёжлари учун етказиб бериладиган суюлтирилган газнинг чакана нархи ва етказиб бериш бўйича кўрсатиладиган хизматнинг чекланган нархини белгилаш;

(б) ижтимоий ҳимояга муҳтож аҳолига манзилли асосда кўрсатиладиган ижтимоий қўллаб-қувватлаш механизмларини жорий этиш;

(в) хусусий тадбиркорлик субъектлари томонидан Андижон лойиҳасини амалга ошириш тартибини белгилаш;

(г) «LPG-Trade» МЧЖ талаблари учун республиканинг барча ҳудудларига, ташиш масофасидан қатъи назар, аҳоли эҳтиёжлари учун етказиб бериладиган маҳаллий корхоналарда ишлаб чиқариладиган суюлтирилган газни темир йўлда ташишнинг ягона тарифини татбиқ қилиш;

(д) «LPG-Trade» МЧЖ томонидан аҳолига давлат томонидан тартибга солинадиган чакана нархларда суюлтирилган газни етказиб бериш билан боғлиқ нархлар тафовути ва иқтисодий жиҳатдан асосланган харажатларни қоплаш мақсадида Давлат бюджетидан ажратиладиган субсидияларни ҳисоблаш, молиялаштириш ҳамда мониторинг қилиш тартиби.

15. Вазирлар Маҳкамаси (Қўчқоров) бир ой муддатда «Lukoil Overseas Supply and Trading Ltd» компанияси билан биргаликда компания объектларида ишлаб чиқариладиган суюлтирилган газ ҳажмларини тўлиқ товар-хомашё биржаларининг алоҳида савдо майдончасида сотиш бўйича келишувга эришиш юзасидан амалий чоралар кўрсин.

16. Иқтисодиёт ва молия вазирлиги Энергетика вазирлиги ва «Ўзбекистон Республикаси миллий инвестиция жамғармаси» АЖ билан биргаликда уч ой муддатда халқаро консалтинг компанияларини жалб қилган ҳолда «LPG-Trade» МЧЖнинг активларини хусусийлаштириш стратегиясини ишлаб чиқиб, Вазирлар Маҳкамасига киритсин.

17. Вазирлар Маҳкамаси Давлат активларини бошқариш агентлиги, Энергетика вазирлиги, Иқтисодиёт ва молия вазирлиги ва «Ҳудудгазтаъминот» АЖ билан биргаликда «LPG-Trade» МЧЖнинг ҳудудий филиалларини тайёр лойиҳа сифатида босқичма-босқич хусусийлаштириш ишларини бошласин.

18. Энергетика вазирлиги Ўзэнергоинспекция, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Иқтисодиёт ва молия вазирлиги, «Ҳудудгазтаъминот» АЖ билан биргаликда Андижон лойиҳаси доирасида хусусий тадбиркорлик субъектлари томонидан босқичма-босқич республиканинг бошқа ҳудудларида суюлтирилган газни импорт қилиш, сақлаш ва истеъмолчиларга маиший газ баллонларида эркин чакана нархларда етказиб бериш тизимини Вазирлар Маҳкамаси билан келишилган ҳолда амалиётга жорий этсин.

19. Ҳисоб палатаси «Ҳудудгазтаъминот» АЖдан «LPG-Trade» МЧЖга мол-мулкни, мулкий ҳуқуқларни, шунингдек, устав капиталидаги акцияларни (активларни) ва улушлари қийматини ҳамда ҳисоб рақамларидаги қолдиқларни ўтказиш жараёни устидан назорат ўрнатсин.

20. Энергетика вазирлиги «Ҳудудгазтаъминот» АЖ билан биргаликда «Ҳудудгазтаъминот» АЖдан «LPG-Trade» МЧЖга мол-мулкни, мулкий ҳуқуқларни, шунингдек, устав капиталидаги акцияларни (активларни) ва улушлар қийматини ўтказиш жараёнини тўғри ташкил этиш мақсадида катта тўртлик («big four») аудиторлик ташкилотларидан бирини «таклиф сўрови» харид қилиш тартиб-таомили асосида жалб қилсин.

21. Иқтисодиёт ва молия вазирлиги «LPG-Trade» МЧЖга суюлтирилган газ етказиб бериш тизимини қайта ташкил этиш учун 200 млрд сўм миқдорида Ўзбекистон Республикаси республика бюджетидан ссуда ажратсин.

22. Белгилансинки, дизель ёқилғисини харид қилиш билан боғлиқ харажатларни қисман қоплаш мақсадида 2026 йил 1 июлдан бошлаб 2026 йил 1 декабрга қадар қишлоқ хўжалиги корхоналари томонидан товар-хомашё биржаларидаги савдолар орқали харид қилинадиган ҳар бир тонна дизель ёқилғиси қийматининг 15 миллион сўмдан ошган қисми учун, бироқ 2 миллион сўмдан кўп бўлмаган миқдорда Ўзбекистон Республикаси республика бюджети ҳисобидан Аграр соҳада тўловлар агентлиги орқали амалдаги қонунчиликда белгиланган тартибда субсидия ажратилади.

III. Қарор ижросини ташкил этиш, таъминлаш ва назорат

23. Энергетика вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

24. Иқтисодиёт ва молия вазирлиги «LPG-Trade» МЧЖ томонидан аҳолига давлат томонидан тартибга солинадиган чакана нархларда суюлтирилган газни етказиб бериш билан боғлиқ нархлар тафовутини ҳамда иқтисодий жиҳатдан асосланган харажатларни қоплаш мақсадида:

(а) «2026 йил учун Ўзбекистон Республикасининг Давлат бюджети тўғрисида»ги Қонунга ўзгартириш ва қўшимчалар киритиш бўйича қонун лойиҳасини Вазирлар Маҳкамасига киритсин;

(б) 2027 йилдан бошлаб ушбу белгиланган мақсадлар учун зарур бўладиган маблағларни тегишли йил учун Давлат бюджети параметрларида алоҳида сатр билан белгилашни назарда тутсин.

25. Мазкур қарор ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ҳамда энергетика вазири Ш.Х. Ходжаев белгилансин.

26. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 12 сентябрь,

ПҚ-326-сон

(Қонунчилик маълумотлари миллий базаси, 15.09.2026 й., 07/26/326/0934-сон)

lex.uz

OʻZBEKISTON RESPUBLIKASI PREZIDENTINING

QARORI

Aholini suyultirilgan gaz bilan taʼminlash tizimini isloh qilish va bozor mexanizmlarini bosqichma-bosqich joriy etish chora-tadbirlari toʻgʻrisida

Aholini suyultirilgan gaz bilan uzluksiz taʼminlash tizimining barqarorligini oshirish, suyultirilgan gaz resurslaridan samarali foydalanish, davlat tomonidan koʻrsatilayotgan ijtimoiy qoʻllab-quvvatlash mexanizmlarining shaffofligi va manzilliligini taʼminlash, davlat ishtirokidagi korxonalar zimmasiga yuklangan kvazifiskal majburiyatlarni bosqichma-bosqich qisqartirish hamda mazkur sohaga bozor mexanizmlarini joriy etish uchun huquqiy va institutsional asoslarni yaratish maqsadida qaror qilaman:

I. Maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) mavjud resurslardan oqilona foydalanishni yoʻlga qoʻygan holda suyultirilgan gazni aholiga oʻz vaqtida yetarli miqdorda bozor mexanizmlarini bosqichma-bosqich joriy etish asosida yetkazib berishni yoʻlga qoʻyish;

(b) sohada uzoq muddatga moʻljallangan strategiyani shakllantirish hisobiga investitsiyalar va xususiy sektorni jalb qilish imkoniyatlarini kengaytirish;

(v) sohani tartibga soluvchi qonunchilikni takomillashtirish;

(g) suyultirilgan gazni yetkazib berishda zamonaviy, tezkor va qulay texnologik uskunalarni joriy qilish, yoʻqotishlarni kamaytirish va tizimni toʻliq raqamlashtirish.

II. Suyultirilgan gaz taʼminotida bozor mexanizmlarini joriy etish

2. Iqtisodiyot va moliya vazirligi hamda Energetika vazirligining quyidagi takliflariga rozilik berilsin:

(a) aholini suyultirilgan gaz bilan taʼminlash sohasidagi funksiyalarni ixtisoslashtirish, mazkur faoliyatning moliyaviy shaffofligini taʼminlash va bozor mexanizmlarini bosqichma-bosqich joriy etish maqsadida “Hududgaztaʼminot” AJ taʼsischiligida “LPG-Trade” masʼuliyati cheklangan jamiyatini (keyingi oʻrinlarda — “LPG-Trade” MCHJ) tashkil qilish;

(b) xalqaro konsalting kompaniyalarini jalb qilgan holda suyultirilgan gaz bozorini erkinlashtirish strategiyasini ishlab chiqish.

3. Belgilansinki, respublikada suyultirilgan gaz taʼminoti tizimida bozor mexanizmlari bosqichma-bosqich joriy etiladi. Bunda:

(a) aholiga suyultirilgan gaz yetkazib berish ustuvorligi taʼminlanadi;

(b) respublika korxonalarida ishlab chiqariladigan va import qilinadigan suyultirilgan gaz (oʻz shoxobchalarida sotiladigan hajmlardan tashqari) faqat birja savdolari orqali sotiladi. Bunda suyultirilgan gazni birja orqali sotish narxining uni birja savdosiga chiqarish narxiga nisbatan oʻsish chegarasini (spred) belgilash bekor qilinadi;

(v) aholiga suyultirilgan gaz yetkazib beradigan korxonalar mahsulotni birjadan va importdan toʻgʻridan-toʻgʻri xarid qiladilar. Bunda “LPG-Trade” MCHJ tomonidan suyultirilgan gazni import qilishga ruxsat berilmaydi;

(g) aholi ehtiyojlari uchun yetkazib beriladigan suyultirilgan gaz taʼminoti tizimida islohotlarni amalga oshirish va xususiy sektorni jalb qilish orqali sohada raqobat muhiti bosqichma-bosqich shakllantiriladi hamda kross-subsidiyalash amaliyoti bosqichma-bosqich bekor qilinadi;

(d) suyultirilgan gaz taʼminotidagi islohotlarni amalga oshirish jarayonida aholining ijtimoiy himoyaga muhtoj qatlamlari davlat tomonidan moddiy jihatdan qoʻllab-quvvatlanadi.

4. Belgilab qoʻyilsinki:

(a) davlat tomonidan aholiga imtiyozli narxlarda suyultirilgan gaz yetkazib berish maqsadida “LPG-Trade” MCHJ oʻz faoliyatini respublika boʻyicha yagona yuridik shaxs sifatida amalga oshiradi hamda respublika hududlaridagi filiallari orqali faoliyat yuritadi;

(b) “Hududgaztaʼminot” AJ taʼsischiligida “LPG-Trade” MCHJni tashkil qilish doirasida xoʻjalik jamiyatlarining bir tashkilotdan boshqa bir tashkilotga oʻtkazilayotgan mulki, mulkiy huquqlari, shuningdek, ustav kapitalidagi aksiyalari (aktivlari) va ulushlari qiymati, shu jumladan, ularni qayta tashkil etish va tugatish chogʻida soliqqa tortishning barcha turlari boʻyicha soliq solish obyektlari hisoblanmaydi;

(v) aholiga suyultirilgan gazni davlat tomonidan tartibga solinadigan chakana narxlarda yetkazib berish bilan bogʻliq narxlar tafovuti hamda iqtisodiy jihatdan asoslangan xarajatlar “LPG-Trade” MCHJga Oʻzbekiston Respublikasi respublika budjeti mablagʻlari hisobidan qoplab beriladi.

5. Shunday tartib oʻrnatilsinki, unga muvofiq 2026-yil 1-noyabrdan boshlab:

(a) “LPG-Trade” MCHJ tomonidan suyultirilgan gazni birja orqali sotib olib, aholiga yetkazib berish tizimi joriy qilinadi. Bunda xususiy tadbirkorlik subyektlari import hisobidan ham aholiga suyultirilgan gaz yetkazib beradi;

(b) “Oʻzbekneftgaz” AJ va “Lukoil Overseas Supply and Trading Ltd” kompaniyasi tomonidan ishlab chiqariladigan suyultirilgan gaz toʻliq hajmda tovar-xomashyo birjalarining alohida savdo maydonchasi orqali savdoga qoʻyiladi. Bunda boshqa tadbirkorlik subyektlari, jumladan, import qiluvchi korxonalar suyultirilgan gazni ixtiyoriy ravishda birjaning alohida savdo maydonchasida sotishlari mumkin;

(v) birjaning alohida savdo maydonchasida sotiladigan suyultirilgan gaz “LPG-Trade” MCHJ tomonidan aholiga yetkazib berish uchun xarid qilinadi;

(g) birjaning alohida savdo maydonchasidan xarid qilinadigan suyultirilgan gaz hajmlari aholi ehtiyojlari uchun yetarli boʻlmagan taqdirda, “LPG-Trade” MCHJ suyultirilgan gazni birjaning ochiq savdolari orqali xarid qiladi;

(d) ijtimoiy soha obyektlari ehtiyojlari uchun suyultirilgan gaz bozor tamoyillariga asosan shakllanadigan birja narxlarida “LPG-Trade” MCHJ tomonidan yetkazib beriladi.

6. Iqtisodiyot va moliya vazirligi Energetika vazirligi bilan birgalikda aholiga suyultirilgan gaz yetkazib berish tizimi toʻliq bozor mexanizmiga oʻtkazilgandan soʻng tovar-xomashyo birjalarining alohida savdo maydonchasini yopish boʻyicha Vazirlar Mahkamasiga taklif kiritsin.

7. Andijon viloyati hokimligi va Energetika vazirligining 2026-yil 1-oktabrdan boshlab Andijon viloyatida “LPG-Trade” MCHJning faoliyati bilan bir qatorda tajriba sifatida tadbirkorlik subyektlari tomonidan importdan olib kelinadigan suyultirilgan gazni toʻgʻridan-toʻgʻri isteʼmolchilarga maishiy gaz ballonlarida erkin narxlarda yetkazib berish loyihasini (keyingi oʻrinlarda — Andijon loyihasi) amalga oshirish toʻgʻrisidagi taklifiga rozilik berilsin.

Bunda Andijon loyihasini amalga oshirish uchun quyidagi talablar belgilanadi:

(a) viloyat hududida suyultirilgan gazni importdan olib kelish va maishiy gaz ballonlarida isteʼmolchilarga chakana tarzda sotish faoliyatini kamida 2 ta tadbirkorlik subyekti (keyingi oʻrinlarda — Operator) tomonidan amalga oshirish;

(b) Operatorning suyultirilgan gazni tashish, qabul qilish, saqlash va tarqatish uchun zarur infratuzilma hamda moddiy-texnika bazasiga ega boʻlishi yoki ijara (autsorsing) shartnomasi asosida foydalanish huquqining mavjudligi hamda tegishli faoliyatni amalga oshirish uchun litsenziya va ruxsat etish hujjatlarining mavjudligi;

(v) Operatorning muhandis-texnik va ishchi xodimlari xavfsiz ish yuritish usullari boʻyicha oʻqitilganligi, attestatsiya va davriy bilim sinovlaridan oʻtkazilganligi;

(g) isteʼmolchilarga qulaylik yaratish maqsadida Operator tomonidan koʻrsatiladigan xizmatlarni onlayn amalga oshirishni taʼminlovchi mobil ilovani ishga tushirish.

8. Belgilansinki:

(a) Andijon loyihasi doirasida Operator isteʼmolchilarga suyultirilgan gazni oʻziga tegishli boʻlgan va identifikatsiya qilish imkonini beradigan (bar-kod, logotip, rang va boshqa belgilar) turli hajmdagi maishiy gaz ballonlarida cheklanmagan miqdorlarda yetkazib beradi;

(b) Operator va “LPG-Trade” MCHJga oʻz faoliyatlarini olib borishda Andijon viloyati hududidagi suyultirilgan gaz taʼminoti obyektlari, jumladan, gaz toʻldirish inshootlari, suyultirilgan gaz saqlash omborlari va boshqa moddiy-texnika vositalaridan birgalikda foydalanishga yoʻl qoʻyilmaydi.

9. Andijon loyihasi doirasida isteʼmolchilarga qoʻshimcha qulaylik yaratish va Operatorning tashish xarajatlarini kamaytirish maqsadida:

(a) hududlardagi isteʼmolchilar soni va joylashuv masofasidan kelib chiqqan holda Operatorga shaharsozlik normalari va qoidalariga hamda yongʻin va sanoat xavfsizligi talablariga javob beradigan maishiy gaz ballonlarini saqlash va sotish shoxobchalarini tashkil etishga;

(b) Andijon viloyati hokimligiga Operatorning murojaatiga asosan maishiy gaz ballonlarini saqlash va sotish shoxobchalarini tashkil etishga tuman (shahar) hokimliklari tasarrufidagi boʻsh turgan yer uchastkalarini belgilangan tartibda ajratishga ruxsat etilsin.

10. Soliq qoʻmitasi va Bojxona qoʻmitasi bir oy muddatda Andijon viloyatida Operator tomonidan import qilinadigan va isteʼmolchilarga maishiy gaz ballonlarida erkin narxlarda sotiladigan suyultirilgan gaz hajmlarining alohida hisobini yuritish tizimini joriy etsin. Operator zimmasiga Andijon loyihasi boʻyicha hisobotlarni Raqobatni rivojlantirish va isteʼmolchilar huquqlarini himoya qilish qoʻmitasi va Energetika vazirligiga har oyning 10-sanasiga qadar taqdim etish yuklatiladi.

11. Qurilish va uy-joy kommunal xoʻjaligi vazirligi ikki oy muddatda xalqaro tajribani oʻrgangan holda fuqarolik infratuzilma obyektlari va ularga yondosh hududlarda maishiy gaz ballonlarini saqlash va sotish shoxobchalarini loyihalash va qurishga qoʻyiladigan talablarni yanada takomillashtirish boʻyicha normativ hujjatlarga zarur oʻzgartirishlar yuzasidan taklif kiritsin.

12. Transport vazirligi va Ichki ishlar vazirligi ikki oy muddatda maishiy gaz ballonlarini tashuvchi transport vositalariga qoʻyiladigan talablarni soddalashtirish, avariyalarning oldini olish va inson hayotiga xavf soluvchi omillarni inobatga olgan holda qonunchilik hujjatlariga tegishli oʻzgartirish va qoʻshimchalar yuzasidan taklif kiritsin.

13. Oʻzbekiston texnik jihatdan tartibga solish agentligi bir oy muddatda maishiy gaz ballonlariga qoʻyilgan texnik jihatdan tartibga solish sohasidagi normativ hujjatlarda belgilangan talablarni xatlovdan oʻtkazsin va ularni xalqaro talablarga muvofiqlashtirish choralarini koʻrsin.

14. Vazirlar Mahkamasi bir hafta muddatda quyidagilarni nazarda tutuvchi Hukumat qarori qabul qilinishini taʼminlasin:

(a) aholi ehtiyojlari uchun yetkazib beriladigan suyultirilgan gazning chakana narxi va yetkazib berish boʻyicha koʻrsatiladigan xizmatning cheklangan narxini belgilash;

(b) ijtimoiy himoyaga muhtoj aholiga manzilli asosda koʻrsatiladigan ijtimoiy qoʻllab-quvvatlash mexanizmlarini joriy etish;

(v) xususiy tadbirkorlik subyektlari tomonidan Andijon loyihasini amalga oshirish tartibini belgilash;

(g) “LPG-Trade” MCHJ talablari uchun respublikaning barcha hududlariga, tashish masofasidan qatʼi nazar, aholi ehtiyojlari uchun yetkazib beriladigan mahalliy korxonalarda ishlab chiqariladigan suyultirilgan gazni temir yoʻlda tashishning yagona tarifini tatbiq qilish;

(d) “LPG-Trade” MCHJ tomonidan aholiga davlat tomonidan tartibga solinadigan chakana narxlarda suyultirilgan gazni yetkazib berish bilan bogʻliq narxlar tafovuti va iqtisodiy jihatdan asoslangan xarajatlarni qoplash maqsadida Davlat budjetidan ajratiladigan subsidiyalarni hisoblash, moliyalashtirish hamda monitoring qilish tartibi.

15. Vazirlar Mahkamasi (Qoʻchqorov) bir oy muddatda “Lukoil Overseas Supply and Trading Ltd” kompaniyasi bilan birgalikda kompaniya obyektlarida ishlab chiqariladigan suyultirilgan gaz hajmlarini toʻliq tovar-xomashyo birjalarining alohida savdo maydonchasida sotish boʻyicha kelishuvga erishish yuzasidan amaliy choralar koʻrsin.

16. Iqtisodiyot va moliya vazirligi Energetika vazirligi va “Oʻzbekiston Respublikasi milliy investitsiya jamgʻarmasi” AJ bilan birgalikda uch oy muddatda xalqaro konsalting kompaniyalarini jalb qilgan holda “LPG-Trade” MCHJning aktivlarini xususiylashtirish strategiyasini ishlab chiqib, Vazirlar Mahkamasiga kiritsin.

17. Vazirlar Mahkamasi Davlat aktivlarini boshqarish agentligi, Energetika vazirligi, Iqtisodiyot va moliya vazirligi va “Hududgaztaʼminot” AJ bilan birgalikda “LPG-Trade” MCHJning hududiy filiallarini tayyor loyiha sifatida bosqichma-bosqich xususiylashtirish ishlarini boshlasin.

18. Energetika vazirligi Oʻzenergoinspeksiya, Raqobatni rivojlantirish va isteʼmolchilar huquqlarini himoya qilish qoʻmitasi, Iqtisodiyot va moliya vazirligi, “Hududgaztaʼminot” AJ bilan birgalikda Andijon loyihasi doirasida xususiy tadbirkorlik subyektlari tomonidan bosqichma-bosqich respublikaning boshqa hududlarida suyultirilgan gazni import qilish, saqlash va isteʼmolchilarga maishiy gaz ballonlarida erkin chakana narxlarda yetkazib berish tizimini Vazirlar Mahkamasi bilan kelishilgan holda amaliyotga joriy etsin.

19. Hisob palatasi “Hududgaztaʼminot” AJdan “LPG-Trade” MCHJga mol-mulkni, mulkiy huquqlarni, shuningdek, ustav kapitalidagi aksiyalarni (aktivlarni) va ulushlari qiymatini hamda hisob raqamlaridagi qoldiqlarni oʻtkazish jarayoni ustidan nazorat oʻrnatsin.

20. Energetika vazirligi “Hududgaztaʼminot” AJ bilan birgalikda “Hududgaztaʼminot” AJdan “LPG-Trade” MCHJga mol-mulkni, mulkiy huquqlarni, shuningdek, ustav kapitalidagi aksiyalarni (aktivlarni) va ulushlar qiymatini oʻtkazish jarayonini toʻgʻri tashkil etish maqsadida katta toʻrtlik (“big four”) auditorlik tashkilotlaridan birini “taklif soʻrovi” xarid qilish tartib-taomili asosida jalb qilsin.

21. Iqtisodiyot va moliya vazirligi “LPG-Trade” MCHJga suyultirilgan gaz yetkazib berish tizimini qayta tashkil etish uchun 200 mlrd soʻm miqdorida Oʻzbekiston Respublikasi respublika budjetidan ssuda ajratsin.

22. Belgilansinki, dizel yoqilgʻisini xarid qilish bilan bogʻliq xarajatlarni qisman qoplash maqsadida 2026-yil 1-iyuldan boshlab 2026-yil 1-dekabrga qadar qishloq xoʻjaligi korxonalari tomonidan tovar-xomashyo birjalaridagi savdolar orqali xarid qilinadigan har bir tonna dizel yoqilgʻisi qiymatining 15 million soʻmdan oshgan qismi uchun, biroq 2 million soʻmdan koʻp boʻlmagan miqdorda Oʻzbekiston Respublikasi respublika budjeti hisobidan Agrar sohada toʻlovlar agentligi orqali amaldagi qonunchilikda belgilangan tartibda subsidiya ajratiladi.

III. Qaror ijrosini tashkil etish, taʼminlash va nazorat

23. Energetika vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

24. Iqtisodiyot va moliya vazirligi “LPG-Trade” MCHJ tomonidan aholiga davlat tomonidan tartibga solinadigan chakana narxlarda suyultirilgan gazni yetkazib berish bilan bogʻliq narxlar tafovutini hamda iqtisodiy jihatdan asoslangan xarajatlarni qoplash maqsadida:

(a) “2026-yil uchun Oʻzbekiston Respublikasining Davlat budjeti toʻgʻrisida”gi Qonunga oʻzgartirish va qoʻshimchalar kiritish boʻyicha qonun loyihasini Vazirlar Mahkamasiga kiritsin;

(b) 2027-yildan boshlab ushbu belgilangan maqsadlar uchun zarur boʻladigan mablagʻlarni tegishli yil uchun Davlat budjeti parametrlarida alohida satr bilan belgilashni nazarda tutsin.

25. Mazkur qaror ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov hamda energetika vaziri Sh.X. Xodjayev belgilansin.

26. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 12-sentabr,

PQ-326-son

(Qonunchilik maʼlumotlari milliy bazasi, 15.09.2026-y., 07/26/326/0934-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О мерах по реформированию системы обеспечения населения сжиженным газом и поэтапному внедрению рыночных механизмов

В целях повышения устойчивости системы бесперебойного обеспечения населения сжиженным газом, эффективного использования ресурсов сжиженного газа, обеспечения прозрачности и адресности механизмов оказываемой государством социальной поддержки, поэтапного сокращения квазифискальных обязательств, возложенных на предприятия с государственным участием, а также создания правовых и институциональных основ для внедрения рыночных механизмов в данную сферу постановляю:

I. Цели

1. Определить основными целями принятия настоящего постановления:

(а) налаживание своевременной поставки населению сжиженного газа в достаточном объеме на основе поэтапного внедрения рыночных механизмов при организации рационального использования имеющихся ресурсов;

(б) расширение возможностей привлечения инвестиций и частного сектора за счет формирования долгосрочной стратегии в сфере;

(в) совершенствование регулирующего сферу законодательства;

(г) внедрение при поставке сжиженного газа современного, быстродействующего и функционального технологического оборудования, сокращение потерь и полную цифровизацию системы.

II. Внедрение рыночных механизмов в обеспечение сжиженным газом

2. Согласиться с предложениями Министерства экономики и финансов, а также Министерства энергетики по:

(а) образованию Общества с ограниченной ответственностью «LPG-Trade» (далее — ООО «LPG-Trade») при учредительстве АО «Худудгазтаъминот» в целях специализации функций в сфере снабжения населения сжиженным газом, обеспечения финансовой прозрачности этой деятельности и поэтапного внедрения рыночных механизмов;

(б) разработке стратегии либерализации рынка сжиженного газа с привлечением международных консалтинговых компаний.

3. Установить, что в республике в системе снабжения сжиженным газом поэтапно внедряются рыночные механизмы. При этом:

(а) обеспечивается приоритет поставок сжиженного газа населению;

(б) производимый и импортируемый предприятиями республики сжиженный газ реализуется исключительно посредством биржевых торгов (за исключением объемов, реализуемых на собственных станциях). При этом установление предела роста (спреда) цены реализации сжиженного газа через биржу по отношению к цене его выставления на биржевые торги отменяется;

(в) предприятия, занимающиеся поставкой сжиженного газа населению, осуществляют закупку продукции на бирже и посредством импорта напрямую. При этом ООО «LPG-Trade» не разрешается осуществлять импорт сжиженного газа;

(г) в сфере поэтапно формируется конкурентная среда и поэтапно отменяется практика кросс-субсидирования путем осуществления реформ в системе обеспечения сжиженным газом, поставляемым для нужд населения, и привлечения частного сектора;

(д) в процессе осуществления реформ в сфере обеспечения сжиженным газом нуждающимся в социальной защите слоям населения государством оказывается материальная поддержка.

4. Определить, что:

(а) в целях обеспечения государством поставок населению сжиженного газа по льготным ценам ООО «LPG-Trade» осуществляет свою деятельность в качестве единого юридического лица по республике и функционирует посредством своих филиалов в регионах республики;

(б) имущество, имущественные права, а также стоимость акций (активов) и долей в уставном капитале хозяйственных обществ, передаваемые из одной организации в другую в рамках образования ООО «LPG-Trade» при учредительстве АО «Худудгазтаъминот», в том числе при их реорганизации и ликвидации, не являются объектами налогообложения по всем видам налогообложения;

(в) разница между ценами, а также экономически обоснованные расходы, связанные с поставками сжиженного газа населению по регулируемым государством розничным ценам, компенсируются ООО «LPG-Trade» за счет средств республиканского бюджета Республики Узбекистан.

5. Установить порядок, в соответствии с которым начиная с 1 ноября 2026 года:

(а) внедряется система приобретения через биржу и поставки населению сжиженного газа со стороны ООО «LPG-Trade». При этом субъекты частного предпринимательства осуществляют поставки сжиженного газа населению также за счет импорта;

(б) сжиженный газ, производимый АО «Узбекнефтегаз» и компанией «Lukoil Overseas Supply and Trading Ltd», выставляется на торги на отдельной торговой площадке товарно-сырьевых бирж в полном объеме. При этом другие субъекты предпринимательства, в частности предприятия-импортеры, могут реализовывать сжиженный газ на отдельной торговой площадке бирж в добровольном порядке;

(в) ООО «LPG-Trade» осуществляет закупку сжиженного газа, реализуемого на отдельной торговой площадке бирж, для поставки населению;

(г) при недостаточности объемов сжиженного газа, закупаемого для нужд населения на отдельной торговой площадке бирж, ООО «LPG-Trade» осуществляет закупку сжиженного газа посредством открытых биржевых торгов;

(д) сжиженный газ для нужд объектов социальной сферы поставляется ООО «LPG-Trade» по биржевым ценам, формирующимся на основе рыночных принципов.

6. Министерству экономики и финансов совместно с Министерством энергетики внести в Кабинет Министров предложение о закрытии отдельной торговой площадки товарно-сырьевых бирж после полного перехода системы поставки сжиженного газа населению на рыночные механизмы.

7. Согласиться с предложением хокимията Андижанской области и Министерства энергетики о реализации начиная с 1 октября 2026 года в порядке эксперимента в Андижанской области проекта осуществления наряду с деятельностью ООО «LPG-Trade» прямых поставок потребителям сжиженного газа, импортируемого субъектами предпринимательства, в бытовых газовых баллонах по свободным ценам (далее — Андижанский проект). При этом для реализации Андижанского проекта устанавливаются следующие требования:

(а) осуществления деятельности по импорту сжиженного газа и реализации его в розницу потребителям в бытовых газовых баллонах на территории области не менее чем 2 субъектами предпринимательства (далее — Оператор);

(б) обеспеченности Оператора инфраструктурой и материально-технической базой, необходимыми для транспортировки, приема, хранения и распределения сжиженного газа, либо наличия права на их эксплуатацию на основании договора аренды (аутсорсинга), а также лицензии и разрешительной документации на осуществление соответствующей деятельности;

(в) обученности инженерно-технического и рабочего персонала Оператора методам безопасного ведения работ, прохождения им аттестации и периодической проверки знаний;

(г) запуска мобильного приложения, обеспечивающего оказание услуг Оператором в режиме онлайн, в целях создания удобств потребителям.

8. Установить, что:

(а) в рамках Андижанского проекта Оператор поставляет потребителям сжиженный газ в принадлежащих ему бытовых газовых баллонах разного объема, предоставляющих возможность идентификации (по бар-коду, логотипу, цвету и иным признакам), в неограниченном количестве;

(б) совместное использование объектов обеспечения сжиженного газа, в частности газонаполнительных сооружений, складов хранения сжиженного газа и прочих материально-технических средств на территории Андижанской области Оператором и ООО «LPG-Trade» при осуществлении ими своей деятельности не допускается.

9. В целях создания дополнительных удобств потребителям и сокращения расходов Оператора на транспортировку в рамках Андижанского проекта разрешить:

(а) Оператору — создавать пункты хранения и реализации бытовых газовых баллонов, отвечающих градостроительным нормам и правилам, требованиям пожарной и промышленной безопасности, исходя из численности потребителей на территориях и расстояния их расположения;

(б) хокимияту Андижанской области — выделять в установленном порядке пустующие земельные участки, находящиеся в распоряжении хокимиятов районов (городов), по обращениям Оператора, для организации пунктов хранения и реализации бытовых газовых баллонов.

10. Налоговому комитету и Таможенному комитету в месячный срок внедрить систему отдельного учета объемов сжиженного газа, импортируемого и реализуемого потребителям в бытовых газовых баллонах по свободным ценам Оператором в Андижанской области. На Оператора возлагается представление в Комитет по развитию конкуренции и защите прав потребителей и Министерство энергетики отчетов по Андижанскому проекту до 10 числа каждого месяца.

11. Министерству строительства и жилищно-коммунального хозяйства в двухмесячный срок на основе изучения международного опыта внести предложение о необходимых изменениях в нормативные акты по дальнейшему совершенствованию требований, предъявляемых к проектированию и строительству пунктов хранения и реализации бытовых газовых баллонов на объектах гражданской инфраструктуры и прилегающей к ним территории.

12. Министерству транспорта и Министерству внутренних дел в двухмесячный срок внести предложение по соответствующим изменениям и дополнениям в акты законодательства с учетом упрощения требований, предъявляемых к транспортным средствам, перевозящим бытовые газовые баллоны, предупреждения аварий и факторов, представляющих угрозу жизни человека.

13. Узбекскому агентству по техническому регулированию в месячный срок провести инвентаризацию требований, предъявляемых к бытовым газовым баллонам, установленных нормативными актами в области технического регулирования, и принять меры по приведению их в соответствие с международными требованиями.

14. Кабинету Министров в недельный срок обеспечить принятие постановления Правительства, предусматривающего:

(а) определение розничной цены сжиженного газа, поставляемого для нужд населения, и предельной цены оказываемой услуги поставки;

(б) внедрение механизмов социальной поддержки, оказываемой на адресной основе нуждающемуся в социальной защите населению;

(в) установление порядка реализации Андижанского проекта субъектами частного предпринимательства;

(г) применение для потребностей ООО «LPG-Trade» единого тарифа на железнодорожные перевозки во все регионы республики, независимо от расстояния транспортировки, сжиженного газа, производимого на отечественных предприятиях и поставляемого для нужд населения;

(д) порядок расчета, финансирования и мониторинга субсидий, выделяемых из Государственного бюджета для компенсации разницы между ценами и экономически обоснованных расходов, связанных с поставками населению сжиженного газа ООО «LPG-Trade» по регулируемым государством розничным ценам.

15. Кабинету Министров (Кучкаров) совместно с компанией «Lukoil Overseas Supply and Trading Ltd» в месячный срок принять практические меры для достижения соглашения о реализации объемов сжиженного газа, производимого на объектах компании, на отдельной торговой площадке товарно-сырьевых бирж в полном объеме.

16. Министерству экономики и финансов совместно с Министерством энергетики и АО «Национальный инвестиционный фонд Республики Узбекистан» в трехмесячный срок разработать с привлечением международных консалтинговых компаний и внести в Кабинет Министров стратегию приватизации активов ООО «LPG-Trade».

17. Кабинету Министров совместно с Агентством по управлению государственными активами, Министерством энергетики, Министерством экономики и финансов, АО «Худудгазтаъминот» приступить к работам по поэтапной приватизации региональных филиалов ООО «LPG-Trade» в качестве готового проекта.

18. Министерству энергетики совместно с Узэнергоинспекцией, Комитетом по развитию конкуренции и защите прав потребителей, Министерством экономики и финансов, АО «Худудгазтаъминот» в рамках Андижанского проекта внедрить на практике систему импорта, хранения и поставки потребителям сжиженного газа в бытовых газовых баллонах по свободным розничным ценам субъектами частного предпринимательства поэтапно в других регионах республики по согласованию с Кабинетом Министров.

19. Счетной палате установить контроль над процессом передачи имущества, имущественных прав, стоимости акций (активов) и долей в уставном капитале, а также остатка на счетах от АО «Худудгазтаъминот» ООО «LPG-Trade».

20. Министерству энергетики совместно с АО «Худудгазтаъминот» привлечь одну из аудиторских организаций большой четверки («big four») на основе закупочной процедуры «запрос предложений» для надлежащей организации процесса передачи имущества, имущественных прав, стоимости акций (активов) и долей в уставном капитале от АО «Худудгазтаъминот» ООО «LPG-Trade».

21. Министерству экономики и финансов выделить ООО «LPG-Trade» ссуду из республиканского бюджета Республики Узбекистан в размере 200 млрд сумов для реорганизации системы поставки сжиженного газа.

22. Определить, что в период с 1 июля 2026 года по 1 декабря 2026 года в целях частичной компенсации расходов, связанных с приобретением дизельного топлива, из республиканского бюджета Республики Узбекистан посредством Агентства по платежам в аграрной сфере в порядке, установленном действующим законодательством, выделяется субсидия на часть стоимости каждой тонны дизельного топлива, приобретаемого сельскохозяйственными предприятиями на торгах товарно-сырьевых бирж, превышающую 15 миллионов сумов, но в размере не более 2 миллионов сумов.

III. Организация, обеспечение и контроль исполнения постановления

23. Министерству энергетики совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

24. Министерству экономики и финансов в целях компенсации разницы между ценами и экономически обоснованных расходов, связанных с поставками населению сжиженного газа ООО «LPG-Trade» по регулируемым государством розничным ценам:

(а) представить в Кабинет Министров проект закона о внесении изменений и дополнений в Закон «О Государственном бюджете Республики Узбекистан на 2026 год»;

(б) предусматривать начиная с 2027 года определение средств, необходимых для указанных целей, отдельной строкой в параметрах Государственного бюджета на соответствующий год.

25. Возложить на заместителя Премьер-министра Д.А. Кучкарова, а также министра энергетики Ш.Х. Ходжаева персональную ответственность за эффективную организацию исполнения настоящего постановления.

26. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

12 сентября 2026 г.,

№ ПП-326

(Национальная база данных законодательства, 15.09.2026 г., № 07/26/326/0934)

lex.uz