📅 2026-yil 17-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 17 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 сентября 2026 г. · Постановления Президента
Официальный текст. Официальный документ. Редакционные примечания не включены.
📅 17 September 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Жиззах ва Сирдарё вилоятларида қаттиқ маиший чиқиндиларни ёқиш орқали электр энергияси ишлаб чиқариш» инвестиция лойиҳасини амалга ошириш чора-тадбирлари тўғрисида
Жиззах ва Сирдарё вилоятларида экологик вазиятни яхшилаш, чиқиндиларни қайта ишлаш соҳасига замонавий ечимлар ва технологияларни жорий этиш орқали электр энергияси ишлаб чиқариш ҳамда соҳага тўғридан-тўғри инвестицияларни жалб этиш мақсадида қарор қиламан:
I. Қаттиқ маиший чиқиндилардан электр энергияси ишлаб чиқаришни ташкил этиш
1. Тўғридан-тўғри музокаралар натижасида:
(а) «China Civil Engineering Construction Corporation (CCECC)» ва «Cevia Enviro Inc. (Henan Investment Group)» компаниялари консорциуми (Хитой Халқ Республикаси) (кейинги ўринларда — Инвестор) томонидан «Жиззах ва Сирдарё вилоятларида қаттиқ маиший чиқиндиларни ёқиш орқали электр энергияси ишлаб чиқариш» инвестиция лойиҳаси (кейинги ўринларда — Лойиҳа) доирасида хорижий корхона (кейинги ўринларда — Лойиҳа компанияси) таъсис этилиши;
(б) Инвестор ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида 2026 йил 14 сентябрда инвестиция шартномаси имзолангани;
(в) «Ўзэнергосотиш» АЖ ва Инвестор ўртасида 2026 йил 11 сентябрда Лойиҳа доирасида ишлаб чиқарилган электр энергиясини сотиб олиш тўғрисидаги битим имзолангани;
(г) Экология ва иқлим ўзгариши миллий қўмитаси ҳузуридаги Чиқиндиларни бошқариш ва циркуляр иқтисодиётни ривожлантириш агентлиги (кейинги ўринларда — Агентлик) ва Инвестор ўртасида 2026 йил 11 сентябрда қаттиқ маиший чиқиндиларни Лойиҳа компаниясига етказиб бериш тўғрисидаги битим имзолангани маълумот учун қабул қилинсин.
2. Лойиҳани амалга ошириш доирасида Инвестор ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида тузилган инвестиция шартномаси тасдиқлансин.
II. Мажбурият ва имтиёзлар
3. Белгилансинки, электр энергиясини сотиб олиш ва қаттиқ маиший чиқиндиларни етказиб бериш тўғрисидаги битимларга мувофиқ:
(а) Лойиҳа компанияси ишлаб чиқарилган электр энергиясини 30 йил давомида «Ўзэнергосотиш» АЖга кафолатланган тарзда сотади;
(б) Лойиҳа компанияси лойиҳа доирасида электр станциясини ягона электр энергияси тармоғига улаш учун зарур бўлган ҳаво электр узатиш тармоқлари ва тегишли электр инфратузилмаси қурилмаларини «Ўзбекистон миллий электр тармоқлари» АЖ томонидан бериладиган техник шартлар асосида қуради ва ишга туширилгандан сўнг уларни «Ўзбекистон миллий электр тармоқлари» АЖга топширади;
(в) Лойиҳа компанияси электр станциясини ишга туширишдан олдин «Миллий диспетчерлик маркази» ДУК ва «Ўзбекистон миллий электр тармоқлари» АЖ билан биргаликда унинг электр энергетика тизимига таъсирини баҳолаш бўйича техник хулоса тайёрлайди ҳамда мазкур хулоса асосида тармоққа уланишнинг якуний шартлари келишилади;
(г) «Ўзэнергосотиш» АЖ 30 йил давомида электр энергиясини кафолатланган тарзда миллий валютада харид қилади;
(д) Агентлик Лойиҳа компаниясига 30 йил давомида қаттиқ маиший чиқиндиларни кафолатланган ҳажмда етказиб беради;
(ж) Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 8 миллион АҚШ доллари миқдорида биринчи даражали банк кафолатини тақдим этади;
(з) Инвестор ўз ҳуқуқ ва мажбуриятларидан Лойиҳа доирасида ўзи томонидан таъсис этиладиган Лойиҳа компанияси фойдасига воз кечади.
4. Белгилаб қўйилсинки:
(а) Лойиҳа компанияси ва «Ўзбекистон миллий электр тармоқлари» АЖ томонидан ер участкалари учун тўланадиган ижара тўлови миқдори ер солиғи миқдорига тенглаштирилади;
(б) Лойиҳа чиқиндиларни утилизация қилиш ва қайта ишлашга ихтисослашган саноат зоналари (кейинги ўринларда — экосаноат зонаси) ва уларга туташ бўлган ҳудудларда амалга оширилади.
5. Агентлик:
(а) ҳаво электр узатиш тармоқлари учун ажратилган ер участкаларини Лойиҳа компаниясига ва «Ўзбекистон миллий электр тармоқлари» АЖга ижарага беради;
(б) экосаноат зоналаридаги ер участкаларини улардан Лойиҳа доирасида фойдаланиш учун Лойиҳа муддатига тенг бўлган муддатга Лойиҳа компаниясига ижарага беради.
6. Белгилансинки, Инвестор ва Лойиҳа компанияси 2026 — 2028 йилларда Жиззах вилоятида 130 миллион АҚШ доллари миқдорида тўғридан-тўғри инвестицияларни жалб этган ҳолда кунига 1 минг тонна чиқиндиларни термик усулда қайта ишлаш орқали 110 миллион кВт электр энергияси ишлаб чиқариш қувватига эга ускуналар ишга туширилишини таъминлайди.
III. Лойиҳани амалга оширишни жадаллаштириш чора-тадбирлари
7. Белгилаб қўйилсинки, экосаноат зоналарига туташ ҳудудлар ҳамда Лойиҳа доирасида ҳаво электр узатиш тармоқлари ва электр инфратузилмаси қурилмаларини қуриш учун зарур бўлган ер участкалари доимий фойдаланиш ҳуқуқи билан Агентликка ўтказилади.
8. Агентлик ва «Ўзэнергосотиш» АЖга:
(а) Лойиҳа компанияси билан биргаликда Лойиҳани амалга ошириш учун халқаро мустақил инжиниринг компанияси ва бошқа маслаҳатчиларни «таклиф сўрови» харид қилиш тартиб-таомили орқали жалб қилишга;
(б) Лойиҳа доирасида уч ой давомида ишлаб чиқариладиган электр энергиясини сотиб олиш, чиқиндиларни етказиб бериш мажбурияти бажарилишининг таъминоти сифатида Лойиҳа компанияси фойдасига республика банкларида тасдиқланган ва тикланадиган аккредитивлар очишга рухсат берилсин.
9. Белгилансинки, Лойиҳа компаниясига барча солиқлар ва йиғимлар тўланган ҳолда Лойиҳани молиялаштириш доирасида:
(а) кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
(б) Ўзбекистон Республикасидан ташқарида бўлган чет эл пудрат ташкилотлари, етказиб берувчилар ёки чет эл кредиторларига тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш ҳуқуқлари берилади.
10. Жиззах вилояти ҳокимлигининг Лойиҳани амалга ошириш учун Жиззах вилояти Шароф Рашидов тумани «Ғозғонтепа» МФЙ ҳудуди 85ч — 87ч-контурлардан ажратиладиган 10,8 гектар ер участкалари тоифасини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.
11. Белгилансинки, Лойиҳа доирасида:
(а) инфратузилма объектларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ амалга оширилади;
(б) инфратузилма объектларини қуриш-таъмирлаш ишлари бўйича буюртмачи вазифаси Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорида белгиланган ташкилотлар томонидан амалга оширилади;
(в) Инвестициялар, саноат ва савдо вазирлиги, Агентлик, «Ўзэнергосотиш» АЖ ва «Ўзбекистон миллий электр тармоқлари» АЖга Инвестор томонидан Лойиҳани амалга ошириш доирасида имзоланган битимлар бўйича мажбуриятлар бажарилмаган тақдирда, Лойиҳа компанияси ва Инвестор ҳуқуқини Лойиҳани молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилади;
(г) зарур ер участкалари ҳамда унга туташ ҳудудларда ҳаво электр узатиш тармоқлари ва электр инфратузилмаси қурилмаларини қуришда қишлоқ хўжалигига мўлжалланган ерлардан фойдаланганлик (тоифаси ўзгартирилганлиги) учун қишлоқ хўжалиги ишлаб чиқариши нобудгарчилиги ўрни (компенсация тўловлари) қонунчилик ҳужжатларида белгиланган тартибда қоплаб берилади.
12. Инвесторнинг буюртманомасига биноан Лойиҳани амалга ошириш доирасида:
(а) Ташқи ишлар вазирлиги — жалб қилинадиган хорижий мутахассислар ҳамда уларнинг оила аъзолари учун кириш визалари, зарур ҳолларда, Ислом Каримов номидаги Тошкент халқаро аэропортида белгиланган тартибда расмийлаштирилишини;
(б) Ички ишлар вазирлиги — жалб қилинадиган хорижий мутахассислар ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
(в) Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
13. Жиззах вилояти ҳокимлиги бир ой муддатда Шароф Рашидов тумани «Ғозғонтепа» МФЙ ҳудудидан 10,8 гектар ер майдони экосаноат зонаси ташкил этиш учун доимий фойдаланиш ҳуқуқи билан Агентликка ажратилишини таъминласин.
14. Агентлик Энергетика вазирлиги, Қишлоқ хўжалиги вазирлиги, Иқтисодиёт ва молия вазирлиги билан биргаликда, заруратга кўра, Лойиҳани амалга ошириш учун зарур бўлган ер участкаларининг ер фонди тоифасини ўзгартириш юзасидан Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклифлар киритиб борсин.
15. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясига, зарур ҳолларда, Лойиҳанинг мақсадли кўрсаткичларига ва техник-иқтисодий параметрларига Инвестор билан келишган ҳолда ўзгартириш ва қўшимчалар киритиш ҳуқуқи берилсин.
IV. Қарор ижросини ташкил этиш, таъминлаш ва назорат
16. Экология ва иқлим ўзгариши миллий қўмитаси лойиҳа ҳужжатлари белгиланган тартибда экологик экспертизадан ўтказилишини ва Лойиҳани амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
17. Инвестициялар, саноат ва савдо вазирлиги, Экология ва иқлим ўзгариши миллий қўмитаси ҳамда Энергетика вазирлиги Лойиҳа амалга оширилиши, шунингдек, томонлар ўртасидаги битимлар доирасидаги мажбуриятлар бажарилиши устидан доимий назорат ўрнатсин.
18. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 17 сентябрь,
ПҚ-333-сон
Oʻzbekiston Respublikasi Prezidentining
qarori
“Jizzax va Sirdaryo viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasini amalga oshirish chora-tadbirlari toʻgʻrisida
Jizzax va Sirdaryo viloyatlarida ekologik vaziyatni yaxshilash, chiqindilarni qayta ishlash sohasiga zamonaviy yechimlar va texnologiyalarni joriy etish orqali elektr energiyasi ishlab chiqarish hamda sohaga toʻgʻridan-toʻgʻri investitsiyalarni jalb etish maqsadida qaror qilaman:
I. Qattiq maishiy chiqindilardan elektr energiyasi ishlab chiqarishni tashkil etish
1. Toʻgʻridan-toʻgʻri muzokaralar natijasida:
(a) “China Civil Engineering Construction Corporation (CCECC)” va “Cevia Enviro Inc. (Henan Investment Group)” kompaniyalari konsorsiumi (Xitoy Xalq Respublikasi) (keyingi oʻrinlarda — Investor) tomonidan “Jizzax va Sirdaryo viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasi (keyingi oʻrinlarda — Loyiha) doirasida xorijiy korxona (keyingi oʻrinlarda — Loyiha kompaniyasi) taʼsis etilishi;
(b) Investor va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida 2026-yil 14-sentabrda investitsiya shartnomasi imzolangani;
(v) “Oʻzenergosotish” AJ va Investor oʻrtasida 2026-yil 11-sentabrda Loyiha doirasida ishlab chiqarilgan elektr energiyasini sotib olish toʻgʻrisidagi bitim imzolangani;
(g) Ekologiya va iqlim oʻzgarishi milliy qoʻmitasi huzuridagi Chiqindilarni boshqarish va sirkulyar iqtisodiyotni rivojlantirish agentligi (keyingi oʻrinlarda — Agentlik) va Investor oʻrtasida 2026-yil 11-sentabrda qattiq maishiy chiqindilarni Loyiha kompaniyasiga yetkazib berish toʻgʻrisidagi bitim imzolangani maʼlumot uchun qabul qilinsin.
2. Loyihani amalga oshirish doirasida Investor va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida tuzilgan investitsiya shartnomasi tasdiqlansin.
II. Majburiyat va imtiyozlar
3. Belgilansinki, elektr energiyasini sotib olish va qattiq maishiy chiqindilarni yetkazib berish toʻgʻrisidagi bitimlarga muvofiq:
(a) Loyiha kompaniyasi ishlab chiqarilgan elektr energiyasini 30 yil davomida “Oʻzenergosotish” AJga kafolatlangan tarzda sotadi;
(b) Loyiha kompaniyasi loyiha doirasida elektr stansiyasini yagona elektr energiyasi tarmogʻiga ulash uchun zarur boʻlgan havo elektr uzatish tarmoqlari va tegishli elektr infratuzilmasi qurilmalarini “Oʻzbekiston milliy elektr tarmoqlari” AJ tomonidan beriladigan texnik shartlar asosida quradi va ishga tushirilgandan soʻng ularni “Oʻzbekiston milliy elektr tarmoqlari” AJga topshiradi;
(v) Loyiha kompaniyasi elektr stansiyasini ishga tushirishdan oldin “Milliy dispetcherlik markazi” DUK va “Oʻzbekiston milliy elektr tarmoqlari” AJ bilan birgalikda uning elektr energetika tizimiga taʼsirini baholash boʻyicha texnik xulosa tayyorlaydi hamda mazkur xulosa asosida tarmoqqa ulanishning yakuniy shartlari kelishiladi;
(g) “Oʻzenergosotish” AJ 30 yil davomida elektr energiyasini kafolatlangan tarzda milliy valyutada xarid qiladi;
(d) Agentlik Loyiha kompaniyasiga 30 yil davomida qattiq maishiy chiqindilarni kafolatlangan hajmda yetkazib beradi;
(j) Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 8 million AQSH dollari miqdorida birinchi darajali bank kafolatini taqdim etadi;
(z) Investor oʻz huquq va majburiyatlaridan Loyiha doirasida oʻzi tomonidan taʼsis etiladigan Loyiha kompaniyasi foydasiga voz kechadi.
4. Belgilab qoʻyilsinki:
(a) Loyiha kompaniyasi va “Oʻzbekiston milliy elektr tarmoqlari” AJ tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtiriladi;
(b) Loyiha chiqindilarni utilizatsiya qilish va qayta ishlashga ixtisoslashgan sanoat zonalari (keyingi oʻrinlarda — ekosanoat zonasi) va ularga tutash boʻlgan hududlarda amalga oshiriladi.
5. Agentlik:
(a) havo elektr uzatish tarmoqlari uchun ajratilgan yer uchastkalarini Loyiha kompaniyasiga va “Oʻzbekiston milliy elektr tarmoqlari” AJga ijaraga beradi;
(b) ekosanoat zonalaridagi yer uchastkalarini ulardan Loyiha doirasida foydalanish uchun Loyiha muddatiga teng boʻlgan muddatga Loyiha kompaniyasiga ijaraga beradi.
6. Belgilansinki, Investor va Loyiha kompaniyasi 2026 — 2028-yillarda Jizzax viloyatida 130 million AQSH dollari miqdorida toʻgʻridan-toʻgʻri investitsiyalarni jalb etgan holda kuniga 1 ming tonna chiqindilarni termik usulda qayta ishlash orqali 110 million kVt elektr energiyasi ishlab chiqarish quvvatiga ega uskunalar ishga tushirilishini taʼminlaydi.
III. Loyihani amalga oshirishni jadallashtirish chora-tadbirlari
7. Belgilab qoʻyilsinki, ekosanoat zonalariga tutash hududlar hamda Loyiha doirasida havo elektr uzatish tarmoqlari va elektr infratuzilmasi qurilmalarini qurish uchun zarur boʻlgan yer uchastkalari doimiy foydalanish huquqi bilan Agentlikka oʻtkaziladi.
8. Agentlik va “Oʻzenergosotish” AJga:
(a) Loyiha kompaniyasi bilan birgalikda Loyihani amalga oshirish uchun xalqaro mustaqil injiniring kompaniyasi va boshqa maslahatchilarni “taklif soʻrovi” xarid qilish tartib-taomili orqali jalb qilishga;
(b) Loyiha doirasida uch oy davomida ishlab chiqariladigan elektr energiyasini sotib olish, chiqindilarni yetkazib berish majburiyati bajarilishining taʼminoti sifatida Loyiha kompaniyasi foydasiga respublika banklarida tasdiqlangan va tiklanadigan akkreditivlar ochishga ruxsat berilsin.
9. Belgilansinki, Loyiha kompaniyasiga barcha soliqlar va yigʻimlar toʻlangan holda Loyihani moliyalashtirish doirasida:
(a) kredit olish, chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
(b) Oʻzbekiston Respublikasidan tashqarida boʻlgan chet el pudrat tashkilotlari, yetkazib beruvchilar yoki chet el kreditorlariga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish huquqlari beriladi.
10. Jizzax viloyati hokimligining Loyihani amalga oshirish uchun Jizzax viloyati Sharof Rashidov tumani “Gʻozgʻontepa” MFY hududi 85ch — 87ch-konturlardan ajratiladigan 10,8 gektar yer uchastkalari toifasini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
11. Belgilansinki, Loyiha doirasida:
(a) infratuzilma obyektlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq amalga oshiriladi;
(b) infratuzilma obyektlarini qurish-taʼmirlash ishlari boʻyicha buyurtmachi vazifasi Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarorida belgilangan tashkilotlar tomonidan amalga oshiriladi;
(v) Investitsiyalar, sanoat va savdo vazirligi, Agentlik, “Oʻzenergosotish” AJ va “Oʻzbekiston milliy elektr tarmoqlari” AJga Investor tomonidan Loyihani amalga oshirish doirasida imzolangan bitimlar boʻyicha majburiyatlar bajarilmagan taqdirda, Loyiha kompaniyasi va Investor huquqini Loyihani moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi beriladi;
(g) zarur yer uchastkalari hamda unga tutash hududlarda havo elektr uzatish tarmoqlari va elektr infratuzilmasi qurilmalarini qurishda qishloq xoʻjaligiga moʻljallangan yerlardan foydalanganlik (toifasi oʻzgartirilganligi) uchun qishloq xoʻjaligi ishlab chiqarishi nobudgarchiligi oʻrni (kompensatsiya toʻlovlari) qonunchilik hujjatlarida belgilangan tartibda qoplab beriladi.
12. Investorning buyurtmanomasiga binoan Loyihani amalga oshirish doirasida:
(a) Tashqi ishlar vazirligi — jalb qilinadigan xorijiy mutaxassislar hamda ularning oila aʼzolari uchun kirish vizalari, zarur hollarda, Islom Karimov nomidagi Toshkent xalqaro aeroportida belgilangan tartibda rasmiylashtirilishini;
(b) Ichki ishlar vazirligi — jalb qilinadigan xorijiy mutaxassislar hamda ularning oila aʼzolariga koʻp martalik viza berilishi va uning muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
(v) Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
13. Jizzax viloyati hokimligi bir oy muddatda Sharof Rashidov tumani “Gʻozgʻontepa” MFY hududidan 10,8 gektar yer maydoni ekosanoat zonasi tashkil etish uchun doimiy foydalanish huquqi bilan Agentlikka ajratilishini taʼminlasin.
14. Agentlik Energetika vazirligi, Qishloq xoʻjaligi vazirligi, Iqtisodiyot va moliya vazirligi bilan birgalikda, zaruratga koʻra, Loyihani amalga oshirish uchun zarur boʻlgan yer uchastkalarining yer fondi toifasini oʻzgartirish yuzasidan Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga takliflar kiritib borsin.
15. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga, zarur hollarda, Loyihaning maqsadli koʻrsatkichlariga va texnik-iqtisodiy parametrlariga Investor bilan kelishgan holda oʻzgartirish va qoʻshimchalar kiritish huquqi berilsin.
IV. Qaror ijrosini tashkil etish, taʼminlash va nazorat
16. Ekologiya va iqlim oʻzgarishi milliy qoʻmitasi loyiha hujjatlari belgilangan tartibda ekologik ekspertizadan oʻtkazilishini va Loyihani amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
17. Investitsiyalar, sanoat va savdo vazirligi, Ekologiya va iqlim oʻzgarishi milliy qoʻmitasi hamda Energetika vazirligi Loyiha amalga oshirilishi, shuningdek, tomonlar oʻrtasidagi bitimlar doirasidagi majburiyatlar bajarilishi ustidan doimiy nazorat oʻrnatsin.
18. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 17-sentabr,
PQ-333-son
президента республики узбекистан
Постановление
О мерах по реализации инвестиционного проекта «Производство электрической энергии путем сжигания твердых бытовых отходов в Джизакской и Сырдарьинской областях»
В целях улучшения экологической обстановки в Джизакской и Сырдарьинской областях, производства электрической энергии путем внедрения современных решений и технологий в сферу переработки отходов, а также привлечения прямых инвестиций в данную отрасль постановляю:
I. Организация производства электрической энергии из твердых бытовых отходов
1. Принять к сведению, что в результате прямых переговоров:
(а) консорциумом компаний «China Civil Engineering Construction Corporation (CCECC)» и «Cevia Enviro Inc. (Henan Investment Group)» (Китайская Народная Республика) (далее — Инвестор) в рамках инвестиционного проекта «Производство электрической энергии путем сжигания твердых бытовых отходов в Джизакской и Сырдарьинской областях» (далее — Проект) учреждается иностранное предприятие (далее — Проектная компания);
(б) между Инвестором и Правительством Республики Узбекистан в лице Министерства инвестиций, промышленности и торговли 14 сентября 2026 года был подписан инвестиционный договор;
(в) между АО «Узэнергосотиш» и Инвестором 11 сентября 2026 года было подписано соглашение о закупке электрической энергии, произведенной в рамках Проекта;
(г) между Агентством по управлению отходами и развитию циркулярной экономики при Национальном комитете по экологии и изменению климата (далее — Агентство) и Инвестором 11 сентября 2026 года было подписано соглашение о поставке Проектной компании твердых бытовых отходов.
2. Утвердить Инвестиционный договор между Инвестором и Правительством Республики Узбекистан в лице Министерства инвестиций, промышленности и торговли, заключенный в рамках реализации Проекта.
II. Обязательства и льготы
3. Определить, что в соответствии с соглашениями о закупке электрической энергии и поставке твердых бытовых отходов:
(а) Проектная компания осуществляет гарантированную реализацию произведенной электрической энергии АО «Узэнергосотиш» в течение 30 лет;
(б) Проектная компания в рамках Проекта осуществляет строительство воздушных линий электропередачи и соответствующих сооружений электрической инфраструктуры, необходимых для подключения электростанции к единой электроэнергетической сети, на основе технических условий, представляемых АО «Национальные электрические сети Узбекистана», и после ввода в эксплуатацию — их передачу АО «Национальные электрические сети Узбекистана»;
(в) Проектная компания совместно с ГУП «Национальный диспетчерский центр» и АО «Национальные электрические сети Узбекистана» перед вводом электростанции в эксплуатацию подготавливают техническое заключение по оценке ее воздействия на электроэнергетическую систему и на основе этого заключения достигается договоренность по итоговым условиям подключения к сети;
(г) АО «Узэнергосотиш» осуществляет гарантированную закупку электрической энергии в национальной валюте в течение 30 лет;
(д) Агентство осуществляет поставки твердых бытовых отходов Проектной компании в течение 30 лет в гарантированном объеме;
(ж) Проектная компания предоставляет гарантию первоклассного банка в качестве обеспечения надлежащего исполнения своих обязательств в период строительства в размере 8 миллионов долларов США;
(з) Инвестор отказывается от своих прав и обязательств в пользу учреждаемой им Проектной компании в рамках Проекта.
4. Установить, что:
(а) размер арендной платы, уплачиваемой Проектной компанией и АО «Национальные электрические сети Узбекистана» за земельные участки, приравнивается к размеру земельного налога;
(б) Проект реализуется на территории промышленных зон, специализированных на утилизации и переработке отходов (далее — экопромышленные зоны, а также на прилегающих к ним территориях.
5. Агентство передает в аренду:
(а) земельные участки, выделенные для воздушных линий электропередачи, Проектной компании и АО «Национальные электрические сети Узбекистана»;
(б) земельные участки в экопромышленных зонах Проектной компании для использования в рамках Проекта на срок, равный сроку Проекта.
6. Определить, что Инвестор и Проектная компания обеспечивают запуск в Джизакской области оборудования мощностью производства 110 миллионов кВт электрической энергии путем переработки 1 тысячи тонн отходов в день термическим методом с привлечением прямых инвестиций в размере 130 миллионов долларов США в 2026 — 2028 годах.
III. Меры по ускорению реализации Проекта
7. Установить, что территории, прилегающие к экопромышленным зонам, а также земельные участки, необходимые для строительства воздушных линий электропередачи и сооружений электрической инфраструктуры в рамках Проекта, передаются Агентству с правом постоянного пользования.
8. Разрешить Агентству и АО «Узэнергосотиш»:
(а) привлекать совместно с Проектной компанией международные независимые инжиниринговые компании и иных консультантов к реализации Проекта посредством закупочных процедур «запрос предложений»;
(б) открывать в банках республики в рамках Проекта подтвержденные и возобновляемые аккредитивы в пользу Проектной компании в качестве обеспечения исполнения обязательств закупки произведенной электрической энергии, поставки отходов в течение трех месяцев.
9. Установить, что Проектной компании после оплаты всех налогов и сборов предоставляются следующие права в пределах финансирования Проекта:
(а) открывать банковские счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);
(б) напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
10. Согласиться с предложением хокимията Джизакской области о переводе выделяемых для реализации Проекта 10,8 гектара земельных участков на контурах 85ч — 87ч на территории СГМ «Гозгонтепа» в Шараф-Рашидовском районе Джизакской области из категории земель сельскохозяйственного назначения в категорию земель промышленности, транспорта, связи, обороны и иного назначения.
11. Определить, что в рамках Проекта:
(а) финансирование работ по строительству объектов инфраструктуры осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
(б) задача заказчика работ по строительству и ремонту объектов инфраструктуры осуществляется организациями, определенными постановлением Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон»;
(в) Министерству инвестиций, промышленности и торговли, Агентству, АО «Узэнергосотиш» и АО «Национальные электрические сети Узбекистана» предоставляется право на заключение соглашений о прямой передаче прав Проектной компании и Инвестора другим кредиторам, участвующим в финансировании Проекта, в случае неисполнения Инвестором обязательств по соглашениям, подписанным в рамках реализации Проекта;
(г) потери сельскохозяйственного производства (компенсационные выплаты) за использование (изменение категории) земель сельскохозяйственного назначения при строительстве воздушных линий электропередачи и сооружений электрической инфраструктуры на необходимых земельных участках и прилегающих к ним территориях возмещаются в установленном актами законодательства порядке.
12. Обеспечить по заявкам Инвестора в рамках реализации Проекта:
(а) Министерству иностранных дел — оформление в установленном порядке въездных виз привлекаемым зарубежным специалистам, а также членам их семей, при необходимости — в Международном аэропорту «Ташкент» имени Ислама Каримова;
(б) Министерству внутренних дел — выдачу и продление срока действия многократных виз, регистрацию по месту пребывания и ее продление привлекаемым зарубежным специалистам, а также членам их семей;
(в) Министерству занятости и сокращения бедности — выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
13. Хокимияту Джизакской области в месячный срок обеспечить выделение Агентству 10,8 гектара земельной площади на территории СГМ «Гозгонтепа» Шараф-Рашидовского района с правом постоянного пользования для создания экопромышленной зоны.
14. Агентству совместно с Министерством энергетики, Министерством сельского хозяйства, Министерством экономики и финансов регулярно при необходимости вносить в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда предложения об изменении категории земельного фонда земельных участков, необходимых для реализации Проекта.
15. Предоставить Правительственной комиссии по вопросам привлечения инвестиций, развития промышленности и регулирования торговли право на внесение при необходимости изменений и дополнений в целевые показатели и технико-экономические параметры Проекта по согласованию с Инвестором.
IV. Организация, обеспечение и контроль исполнения постановления
16. Национальному комитету по экологии и изменению климата обеспечить проведение в установленном порядке экологической экспертизы проектной документации и соблюдение актов законодательства об охране природы при реализации Проекта.
17. Министерству инвестиций, промышленности и торговли, Национальному комитету по экологии и изменению климата, Министерству энергетики установить постоянный контроль за реализацией Проекта, а также выполнением обязательств в рамках соглашений между сторонами.
18. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
17 сентября 2026 г.,
№ ПП-333