📅 2026-yil 21-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 21 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 сентября 2026 г. · Постановления Президента
Официальный текст. Официальный документ. Редакционные примечания не включены.
📅 21 September 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Меҳнат соҳасида хавфсиз ва ҳурматга асосланган иш муҳитини таъминлаш чора-тадбирлари тўғрисида
Меҳнат соҳасида ходимларнинг шаъни ва қадр-қимматини ҳимоя қилиш, хавфсиз, ҳурматга асосланган ва камситишдан холи иш муҳитини таъминлаш, тазйиқ, зўравонлик ва шу мақсадда хизмат мавқеини суиистеъмол қилиш ҳолатларининг (workplace harassment) олдини олиш, бундай ҳолатлар юзасидан мурожаатларни холис, тезкор ва шахсга доир маълумотлар тўғрисидаги қонунчиликка асосан кўриб чиқишнинг ягона рақамли механизмларини жорий этиш мақсадида қарор қиламан:
I. Мақсадлар
1. Қуйидагилар меҳнат соҳасида хавфсиз ва ҳурматга асосланган иш муҳитини (safe workplace) таъминлашнинг энг асосий вазифалари этиб белгилансин:
(а) меҳнат соҳасида тазйиқ, жинсий ва жисмоний зўравонлик, шаҳвоний шилқимлик, руҳий босим, таъқиб қилиш, камситиш ва шу мақсадда мансаб мавқеини суиистеъмол қилишга қаратилган ҳаракатларнинг (кейинги ўринларда — тазйиқ ва зўравонлик ҳолатлари) олдини олиш ва уларга нисбатан таъсир чораларини кўриш бўйича самарали тизимни жорий қилиш;
(б) меҳнат соҳасида тазйиқ ва зўравонлик ҳолатлари содир этилганлиги бўйича мурожаатларни қабул қилиш, бундай ҳолатларга холисона баҳо бериш жараёнларини рақамлаштириш ва унинг устидан қатъий назорат ўрнатиш;
(в) меҳнат соҳасида тазйиқ ва зўравонлик ҳолатлари юзасидан мурожаат қилган фуқароларнинг шахсига оид маълумотларни ҳимоя қилиш кафолатларини кучайтириш;
(г) меҳнат соҳасида ходимларга нисбатан ёки улар томонидан содир этилган тазйиқ ва зўравонлик ҳолатларига оид ҳуқуқбузарликлар яширилишининг олдини олиш.
II. Меҳнат соҳасида тазйиқ ва зўравонлик ҳолатлари бўйича мурожаатларни қабул қилиш ва кўриб чиқишнинг самарали тизимини жорий қилиш
2. Олий Мажлис Сенати, Камбағалликни қисқартириш ва бандлик вазирлиги (кейинги ўринларда — Вазирлик), Ўзбекистон касаба уюшмалари федерацияси ва Ўзбекистон иш берувчилари конфедерациясининг давлат органлари ва ташкилотларида, устав капиталида давлат улуши 50 фоиз ва ундан ортиқ бўлган юридик шахсларда ҳамда устав капиталида ушбу юридик шахсларнинг улуши 50 фоиз ва ундан ортиқ бўлган юридик шахсларда (кейинги ўринларда — давлат органлари ва ташкилотлари), шунингдек, мулкчилик шаклидан қатъи назар бошқа корхона, ташкилот ва муассасаларда (кейинги ўринларда — нодавлат ташкилотлар) Меҳнат соҳасида хавфсиз ва ҳурматга асосланган иш муҳитини таъминлаш дастурини (кейинги ўринларда — Дастур) босқичма-босқич жорий этиш тўғрисидаги таклифи маъқуллансин.
3. Рақамли технологиялар вазирлиги 2026 йил 1 декабрга қадар Бошқарув самарадорлиги агентлигининг (кейинги ўринларда — Агентлик) ахборот тизимларида давлат органлари ва ташкилотлари учун қуйидаги имкониятларга эга «Хавфсиз ва ҳурматга асосланган иш муҳити» ахборот порталини (кейинги ўринларда — Портал) ишга туширсин:
(а) ахборот-коммуникация воситаларидан фойдаланган ҳолда тазйиқ ва зўравонлик ҳолатларига оид мурожаатни онлайн қабул қилиш;
(б) давлат органлари ва ташкилотларида Портални юритиш учун масъул ходимлар (кейинги ўринларда — масъул ходимлар), уларнинг бевосита раҳбарлари ёки давлат органлари ва ташкилотлари мансабдор шахслари томонидан содир этилган тазйиқ ва зўравонлик ҳолатлари бўйича мурожаатларни автоматик тарзда давлат органлари ва ташкилотларининг юқори турувчи инстанциясига жўнатиш;
(в) тазйиқ ва зўравонлик ҳолатлари бўйича мурожаатларни текшириш, далилларни тўплаш, хулосалар тайёрлаш, ахборот алмашинуви ва мулоқотларни Портал орқали амалга ошириш;
(г) тазйиқ ва зўравонлик ҳолатлари бўйича текширувлар ўтказилиши, уларнинг натижалари, кўрилган чоралар ҳамда уларнинг ўзгартирилиши билан боғлиқ жараёнларга оид маълумотларни Порталда сақлаб қолиш ва уларнинг йўқ қилинишига йўл қўймаслик;
(д) тазйиқ ва зўравонлик ҳолатларининг олдини олиш бўйича қисқа онлайн тренинг курсларини (кейинги ўринларда — қисқа тренинг курслари) ташкил этиб бориш ҳамда улар ўтказилганлигини электрон тасдиқлаш амалиётини йўлга қўйиш;
(ж) тазйиқ ва зўравонлик ҳолатлари бўйича мурожаатларни ўрганиш якунлари, тегишли қисқа тренинг курслари ва улар ўтказилганлиги натижалари бўйича таҳлилларни амалга ошириш, статистик маълумотларни тўплаш ва шахсга доир маълумотлар тўғрисидаги қонунчиликка мувофиқ умумлаштирилган маълумотларни очиқ эълон қилиб бориш;
(з) тазйиқ ва зўравонлик ҳолатлари бўйича маъмурий ҳуқуқбузарлик ёки жиноят аломатлари мавжуд бўлган ҳолларда мурожаатларни «112» ягона диспетчерлик хизмати орқали қонунчиликда белгиланган тартибда ваколатли органга юбориш.
4. Вазирлик 2026 йил 1 декабрга қадар «dmi.mehnat.uz» ахборот тизимида нодавлат ташкилотлар учун ихтиёрий равишда фойдаланиш мақсадида ушбу қарорнинг 3 бандида назарда тутилган имкониятларни яратсин.
5. Тазйиқ ва зўравонлик ҳолатларига доир мурожаатлар, уларни кўриб чиқиш билан боғлиқ маълумотларнинг махфийлигини таъминлаш ҳамда уларнинг қонунчиликда назарда тутилмаган ҳолларда ошкор этилиши ва тарқатилишига йўл қўймаслик юзасидан жавобгарлик барча даражадаги ташкилотлар раҳбарларининг зиммасига юклатилсин.
III. Меҳнат соҳасида тазйиқ ва зўравонлик ҳолатларининг олдини олиш бўйича самарали тизимни жорий қилиш
6. Шундай тартиб ўрнатилсинки, унга мувофиқ:
(а) давлат органлари ва ташкилотлари ходимлари ва мансабдор шахслари ҳар йили Агентлик билан келишилган ўқув дастурлари асосида қисқа тренинг курсларида ўқитилади;
(б) нодавлат ташкилотлар ходимлари ихтиёрий равишда Вазирлик томонидан ташкил этиладиган қисқа тренинг курсларида ўқитилиши мумкин.
7. Белгилансинки, давлат органлари ва ташкилотларида инсон ресурсларини бошқариш ва ривожлантиришга ёки кадрлар билан ишлашга масъул бўлган ходимлар орасидан камида бир нафар ходим Портални юритиш, қисқа тренинг курсларини ташкил этиш учун масъул бўлади.
8. Рақамли технологиялар вазирлиги Вазирлик, Агентлик ва Ички ишлар вазирлиги билан биргаликда 2026 йил 1 декабрга қадар Портални ишга тушириш учун уни «112» ягона диспетчерлик хизмати, «dmi.mehnat.uz» ахборот тизими хамда давлат органлари ва ташкилотларининг тегишли ахборот тизимларига ўзаро интеграция қилишни таъминласин.
9. Ички ишлар вазирлиги ва Бош прокуратура меҳнат соҳасида тазйиқ ва зўравонлик ҳолатлари юзасидан «112» ягона диспетчерлик хизмати орқали келиб тушган мурожаатларнинг ўз вақтида, тўлиқ ва холисона кўриб чиқилишини алоҳида назоратга олсин.
10. Агентликка давлат органлари ва ташкилотларида Дастур доирасида белгиланган қоидалар аниқ ва бир хилда ижро этилишини таъминлаш мақсадида Портал орқали мониторинг қилиш натижасида аниқланган қоидабузарликларни бартараф этиш бўйича кўриб чиқилиши мажбурий бўлган тақдимномалар киритиш ваколати берилсин.
11. Вазирлик Ўзбекистон касаба уюшмалари федерацияси, Ўзбекистон иш берувчилари конфедерацияси билан биргаликда доимий равишда нодавлат ташкилотлар учун «dmi.mehnat.uz» ахборот тизимида меҳнат соҳасида тазйиқ ва зўравонлик ҳолатлари бўйича мурожаатлар билан ишлаш имкониятлари тарғиботини амалга ошириб борсин.
12. Агентлик, Вазирлик, Ижтимоий ҳимоя миллий агентлиги уч ой муддатда:
(а) давлат органлари ва ташкилотлари масъул ходимлари учун тазйиқ ва зўравонлик ҳолатлари, шу жумладан, улар юзасидан мурожаатлар билан Дастур доирасида ишлаш бўйича махсус тренинг курсларини ўтказсин. Бунда махсус тренинг курслари методологияси Агентлик томонидан Ижтимоий ҳимоя миллий агентлиги кўмагида ишлаб чиқилади;
(б) давлат органлари ва ташкилотлари масъул ходимларининг тазйиқ ва зўравонлик ҳолатларининг олдини олиш борасидаги фаолиятини рағбатлантириш бўйича таклифларни Ўзбекистон Республикаси Президенти Администрациясига киритсин.
13. Белгилаб қўйилсинки:
(а) Портални ишга тушириш ва сақлаш ҳамда уни бошқа ахборот тизимлари ва «112» ягона диспетчерлик хизмати билан интеграция қилиш харажатлари Рақамли технологиялар вазирлиги ҳузуридаги Рақамли технологияларни ривожлантириш жамғармаси маблағлари ҳисобидан;
(б) Вазирликнинг «dmi.mehnat.uz» ахборот тизимини бошқа ахборот тизимлари ва «112» ягона диспетчерлик хизмати билан интеграция қилиш харажатлари Вазирликнинг маблағлари ҳисобидан қопланади.
14. Давлат органлари ва ташкилотларининг меҳнат жамоаларига ички меҳнат тартиби қоидалари доирасида:
(а) қонунчиликда белгиланган тартибда аниқланган жинсий ёки жисмоний зўравонлик, шаҳвоний шилқимлик ҳолатларини меҳнат мажбуриятларини бир марта қўпол бузиш сифатида;
(б) ходим тарафидан ёки ходимга нисбатан содир этилган тазйиқ, руҳий босим, камситиш ҳолатлари ҳамда мурожаат муносабати билан таъқиб қилиш ҳолатларини меҳнат интизомини бузиш сифатида баҳолашни белгилаш тавсия этилсин.
IV. Меҳнат соҳасида хавфсиз ва ҳурматга асосланган иш муҳитини таъминлаш амалиётини жорий этиш бўйича ташкилий масалалар
15. Вазирлик:
(а) бир ой муддатда нодавлат ташкилотлар учун тазйиқ ва зўравонлик ҳолатларининг олдини олиш, уларни аниқлаш ҳамда бундай ҳолатларга чора кўриш бўйича ягона намунавий методологияни соҳадаги асосий талабларни инобатга олган ҳолда ишлаб чиқсин;
(б) икки ой муддатда Адлия вазирлиги билан биргаликда Бирлашган Миллатлар Ташкилоти Халқаро меҳнат ташкилотининг Меҳнат соҳасида тазйиқ ва зўравонликка барҳам бериш тўғрисидаги конвенциясини (190-сон, 2019 йил) ратификация қилиш бўйича таклифларни ишлаб чиқсин ва белгиланган тартибда Вазирлар Маҳкамасига киритсин.
16. Вазирлар Маҳкамаси бир ҳафта муддатда давлат органлари ва ташкилотларининг меҳнат соҳасида хавфсиз ва ҳурматга асосланган иш муҳитини таъминлашнинг аниқ механизмларини белгиласин.
V. Қарор ижросини ташкил этиш, таъминлаш ва назорат
17. Давлат органлари ва ташкилотларининг меҳнат соҳасида хавфсиз ва ҳурматга асосланган иш муҳитини таъминлаш бўйича янги амалиётни мониторинг қилиш ва унинг ижроси тўғри ташкил этилишини назорат қилишга масъул этиб Ўзбекистон Республикаси Президенти Администрацияси Раҳбарининг шартнома асосида жалб қилинган маслаҳатчиси Н.Э. Давлетова белгилансин.
18. Адлия вазирлиги Вазирлик, Агентлик, манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
19. Мазкур қарор ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Раҳбари С.Ш. Мирзиёева зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 21 сентябрь,
ПҚ-345-сон
Oʻzbekiston Respublikasi Prezidentining
qarori
Mehnat sohasida xavfsiz va hurmatga asoslangan ish muhitini taʼminlash chora-tadbirlari toʻgʻrisida
Mehnat sohasida xodimlarning shaʼni va qadr-qimmatini himoya qilish, xavfsiz, hurmatga asoslangan va kamsitishdan xoli ish muhitini taʼminlash, tazyiq, zoʻravonlik va shu maqsadda xizmat mavqeyini suiisteʼmol qilish holatlarining (workplace harassment) oldini olish, bunday holatlar yuzasidan murojaatlarni xolis, tezkor va shaxsga doir maʼlumotlar toʻgʻrisidagi qonunchilikka asosan koʻrib chiqishning yagona raqamli mexanizmlarini joriy etish maqsadida qaror qilaman:
I. Maqsadlar
1. Quyidagilar mehnat sohasida xavfsiz va hurmatga asoslangan ish muhitini (safe workplace) taʼminlashning eng asosiy vazifalari etib belgilansin:
(a) mehnat sohasida tazyiq, jinsiy va jismoniy zoʻravonlik, shahvoniy shilqimlik, ruhiy bosim, taʼqib qilish, kamsitish va shu maqsadda mansab mavqeyini suiisteʼmol qilishga qaratilgan harakatlarning (keyingi oʻrinlarda — tazyiq va zoʻravonlik holatlari) oldini olish va ularga nisbatan taʼsir choralarini koʻrish boʻyicha samarali tizimni joriy qilish;
(b) mehnat sohasida tazyiq va zoʻravonlik holatlari sodir etilganligi boʻyicha murojaatlarni qabul qilish, bunday holatlarga xolisona baho berish jarayonlarini raqamlashtirish va uning ustidan qatʼiy nazorat oʻrnatish;
(v) mehnat sohasida tazyiq va zoʻravonlik holatlari yuzasidan murojaat qilgan fuqarolarning shaxsiga oid maʼlumotlarni himoya qilish kafolatlarini kuchaytirish;
(g) mehnat sohasida xodimlarga nisbatan yoki ular tomonidan sodir etilgan tazyiq va zoʻravonlik holatlariga oid huquqbuzarliklar yashirilishining oldini olish.
II. Mehnat sohasida tazyiq va zoʻravonlik holatlari boʻyicha murojaatlarni qabul qilish va koʻrib chiqishning samarali tizimini joriy qilish
2. Oliy Majlis Senati, Kambagʻallikni qisqartirish va bandlik vazirligi (keyingi oʻrinlarda — Vazirlik), Oʻzbekiston kasaba uyushmalari federatsiyasi va Oʻzbekiston ish beruvchilari konfederatsiyasining davlat organlari va tashkilotlarida, ustav kapitalida davlat ulushi 50 foiz va undan ortiq boʻlgan yuridik shaxslarda hamda ustav kapitalida ushbu yuridik shaxslarning ulushi 50 foiz va undan ortiq boʻlgan yuridik shaxslarda (keyingi oʻrinlarda — davlat organlari va tashkilotlari), shuningdek, mulkchilik shaklidan qatʼi nazar boshqa korxona, tashkilot va muassasalarda (keyingi oʻrinlarda — nodavlat tashkilotlar) Mehnat sohasida xavfsiz va hurmatga asoslangan ish muhitini taʼminlash dasturini (keyingi oʻrinlarda — Dastur) bosqichma-bosqich joriy etish toʻgʻrisidagi taklifi maʼqullansin.
3. Raqamli texnologiyalar vazirligi 2026-yil 1-dekabrga qadar Boshqaruv samaradorligi agentligining (keyingi oʻrinlarda — Agentlik) axborot tizimlarida davlat organlari va tashkilotlari uchun quyidagi imkoniyatlarga ega “Xavfsiz va hurmatga asoslangan ish muhiti” axborot portalini (keyingi oʻrinlarda — Portal) ishga tushirsin:
(a) axborot-kommunikatsiya vositalaridan foydalangan holda tazyiq va zoʻravonlik holatlariga oid murojaatni onlayn qabul qilish;
(b) davlat organlari va tashkilotlarida Portalni yuritish uchun masʼul xodimlar (keyingi oʻrinlarda — masʼul xodimlar), ularning bevosita rahbarlari yoki davlat organlari va tashkilotlari mansabdor shaxslari tomonidan sodir etilgan tazyiq va zoʻravonlik holatlari boʻyicha murojaatlarni avtomatik tarzda davlat organlari va tashkilotlarining yuqori turuvchi instansiyasiga joʻnatish;
(v) tazyiq va zoʻravonlik holatlari boʻyicha murojaatlarni tekshirish, dalillarni toʻplash, xulosalar tayyorlash, axborot almashinuvi va muloqotlarni Portal orqali amalga oshirish;
(g) tazyiq va zoʻravonlik holatlari boʻyicha tekshiruvlar oʻtkazilishi, ularning natijalari, koʻrilgan choralar hamda ularning oʻzgartirilishi bilan bogʻliq jarayonlarga oid maʼlumotlarni Portalda saqlab qolish va ularning yoʻq qilinishiga yoʻl qoʻymaslik;
(d) tazyiq va zoʻravonlik holatlarining oldini olish boʻyicha qisqa onlayn trening kurslarini (keyingi oʻrinlarda — qisqa trening kurslari) tashkil etib borish hamda ular oʻtkazilganligini elektron tasdiqlash amaliyotini yoʻlga qoʻyish;
(j) tazyiq va zoʻravonlik holatlari boʻyicha murojaatlarni oʻrganish yakunlari, tegishli qisqa trening kurslari va ular oʻtkazilganligi natijalari boʻyicha tahlillarni amalga oshirish, statistik maʼlumotlarni toʻplash va shaxsga doir maʼlumotlar toʻgʻrisidagi qonunchilikka muvofiq umumlashtirilgan maʼlumotlarni ochiq eʼlon qilib borish;
(z) tazyiq va zoʻravonlik holatlari boʻyicha maʼmuriy huquqbuzarlik yoki jinoyat alomatlari mavjud boʻlgan hollarda murojaatlarni “112” yagona dispetcherlik xizmati orqali qonunchilikda belgilangan tartibda vakolatli organga yuborish.
4. Vazirlik 2026-yil 1-dekabrga qadar “dmi.mehnat.uz” axborot tizimida nodavlat tashkilotlar uchun ixtiyoriy ravishda foydalanish maqsadida ushbu qarorning 3 bandida nazarda tutilgan imkoniyatlarni yaratsin.
5. Tazyiq va zoʻravonlik holatlariga doir murojaatlar, ularni koʻrib chiqish bilan bogʻliq maʼlumotlarning maxfiyligini taʼminlash hamda ularning qonunchilikda nazarda tutilmagan hollarda oshkor etilishi va tarqatilishiga yoʻl qoʻymaslik yuzasidan javobgarlik barcha darajadagi tashkilotlar rahbarlarining zimmasiga yuklatilsin.
III. Mehnat sohasida tazyiq va zoʻravonlik holatlarining oldini olish boʻyicha samarali tizimni joriy qilish
6. Shunday tartib oʻrnatilsinki, unga muvofiq:
(a) davlat organlari va tashkilotlari xodimlari va mansabdor shaxslari har yili Agentlik bilan kelishilgan oʻquv dasturlari asosida qisqa trening kurslarida oʻqitiladi;
(b) nodavlat tashkilotlar xodimlari ixtiyoriy ravishda Vazirlik tomonidan tashkil etiladigan qisqa trening kurslarida oʻqitilishi mumkin.
7. Belgilansinki, davlat organlari va tashkilotlarida inson resurslarini boshqarish va rivojlantirishga yoki kadrlar bilan ishlashga masʼul boʻlgan xodimlar orasidan kamida bir nafar xodim Portalni yuritish, qisqa trening kurslarini tashkil etish uchun masʼul boʻladi.
8. Raqamli texnologiyalar vazirligi Vazirlik, Agentlik va Ichki ishlar vazirligi bilan birgalikda 2026-yil 1-dekabrga qadar Portalni ishga tushirish uchun uni “112” yagona dispetcherlik xizmati, “dmi.mehnat.uz” axborot tizimi xamda davlat organlari va tashkilotlarining tegishli axborot tizimlariga oʻzaro integratsiya qilishni taʼminlasin.
9. Ichki ishlar vazirligi va Bosh prokuratura mehnat sohasida tazyiq va zoʻravonlik holatlari yuzasidan “112” yagona dispetcherlik xizmati orqali kelib tushgan murojaatlarning oʻz vaqtida, toʻliq va xolisona koʻrib chiqilishini alohida nazoratga olsin.
10. Agentlikka davlat organlari va tashkilotlarida Dastur doirasida belgilangan qoidalar aniq va bir xilda ijro etilishini taʼminlash maqsadida Portal orqali monitoring qilish natijasida aniqlangan qoidabuzarliklarni bartaraf etish boʻyicha koʻrib chiqilishi majburiy boʻlgan taqdimnomalar kiritish vakolati berilsin.
11. Vazirlik Oʻzbekiston kasaba uyushmalari federatsiyasi, Oʻzbekiston ish beruvchilari konfederatsiyasi bilan birgalikda doimiy ravishda nodavlat tashkilotlar uchun “dmi.mehnat.uz” axborot tizimida mehnat sohasida tazyiq va zoʻravonlik holatlari boʻyicha murojaatlar bilan ishlash imkoniyatlari targʻibotini amalga oshirib borsin.
12. Agentlik, Vazirlik, Ijtimoiy himoya milliy agentligi uch oy muddatda:
(a) davlat organlari va tashkilotlari masʼul xodimlari uchun tazyiq va zoʻravonlik holatlari, shu jumladan, ular yuzasidan murojaatlar bilan Dastur doirasida ishlash boʻyicha maxsus trening kurslarini oʻtkazsin. Bunda maxsus trening kurslari metodologiyasi Agentlik tomonidan Ijtimoiy himoya milliy agentligi koʻmagida ishlab chiqiladi;
(b) davlat organlari va tashkilotlari masʼul xodimlarining tazyiq va zoʻravonlik holatlarining oldini olish borasidagi faoliyatini ragʻbatlantirish boʻyicha takliflarni Oʻzbekiston Respublikasi Prezidenti Administratsiyasiga kiritsin.
13. Belgilab qoʻyilsinki:
(a) Portalni ishga tushirish va saqlash hamda uni boshqa axborot tizimlari va “112” yagona dispetcherlik xizmati bilan integratsiya qilish xarajatlari Raqamli texnologiyalar vazirligi huzuridagi Raqamli texnologiyalarni rivojlantirish jamgʻarmasi mablagʻlari hisobidan;
(b) Vazirlikning “dmi.mehnat.uz” axborot tizimini boshqa axborot tizimlari va “112” yagona dispetcherlik xizmati bilan integratsiya qilish xarajatlari Vazirlikning mablagʻlari hisobidan qoplanadi.
14. Davlat organlari va tashkilotlarining mehnat jamoalariga ichki mehnat tartibi qoidalari doirasida:
(a) qonunchilikda belgilangan tartibda aniqlangan jinsiy yoki jismoniy zoʻravonlik, shahvoniy shilqimlik holatlarini mehnat majburiyatlarini bir marta qoʻpol buzish sifatida;
(b) xodim tarafidan yoki xodimga nisbatan sodir etilgan tazyiq, ruhiy bosim, kamsitish holatlari hamda murojaat munosabati bilan taʼqib qilish holatlarini mehnat intizomini buzish sifatida baholashni belgilash tavsiya etilsin.
IV. Mehnat sohasida xavfsiz va hurmatga asoslangan ish muhitini taʼminlash amaliyotini joriy etish boʻyicha tashkiliy masalalar
15. Vazirlik:
(a) bir oy muddatda nodavlat tashkilotlar uchun tazyiq va zoʻravonlik holatlarining oldini olish, ularni aniqlash hamda bunday holatlarga chora koʻrish boʻyicha yagona namunaviy metodologiyani sohadagi asosiy talablarni inobatga olgan holda ishlab chiqsin;
(b) ikki oy muddatda Adliya vazirligi bilan birgalikda Birlashgan Millatlar Tashkiloti Xalqaro mehnat tashkilotining Mehnat sohasida tazyiq va zoʻravonlikka barham berish toʻgʻrisidagi konvensiyasini (190-son, 2019-yil) ratifikatsiya qilish boʻyicha takliflarni ishlab chiqsin va belgilangan tartibda Vazirlar Mahkamasiga kiritsin.
16. Vazirlar Mahkamasi bir hafta muddatda davlat organlari va tashkilotlarining mehnat sohasida xavfsiz va hurmatga asoslangan ish muhitini taʼminlashning aniq mexanizmlarini belgilasin.
V. Qaror ijrosini tashkil etish, taʼminlash va nazorat
17. Davlat organlari va tashkilotlarining mehnat sohasida xavfsiz va hurmatga asoslangan ish muhitini taʼminlash boʻyicha yangi amaliyotni monitoring qilish va uning ijrosi toʻgʻri tashkil etilishini nazorat qilishga masʼul etib Oʻzbekiston Respublikasi Prezidenti Administratsiyasi Rahbarining shartnoma asosida jalb qilingan maslahatchisi N.E. Davletova belgilansin.
18. Adliya vazirligi Vazirlik, Agentlik, manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Rahbari S.Sh. Mirziyoyeva zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 21-sentabr,
PQ-345-son
Президента Республики Узбекистан
Постановление
О мерах по обеспечению безопасной и основанной на уважении рабочей среды в сфере труда
В целях защиты чести и достоинства работников, обеспечения безопасной, основанной на уважении и свободной от дискриминации рабочей среды в сфере труда, предупреждения случаев притеснения, насилия и злоупотребления своим служебным положением в данных целях (workplace harassment), внедрения единого цифрового механизма объективного, оперативного рассмотрения обращений по таким случаям, в соответствии с законодательством о персональных данных, постановляю:
I. Цели
1. Определить основными задачами обеспечения безопасной и основанной на уважении рабочей среды в сфере труда (safe workplace):
(а) внедрение эффективной системы предупреждения действий, направленных на притеснение, половое и физическое насилие, сексуальное домогательство, психологический прессинг, преследование, дискриминацию и злоупотребление своим служебным положением в сфере труда в данных целях (далее — случаи притеснения и насилия) и принятия в отношении них мер воздействия;
(б) цифровизацию процессов приема обращений о совершившихся случаях притеснения и насилия в сфере труда, объективной оценки таких случаев и установление строгого контроля по ним;
(в) усиление гарантий охраны персональных данных граждан, обратившихся по случаям притеснения и насилия в сфере труда;
(г) предупреждение сокрытия правонарушений по случаям притеснения и насилия в отношении работников в сфере труда либо совершенным ими.
II. Внедрение эффективной системы приема и рассмотрения обращений по случаям притеснения и насилия в сфере труда
2. Одобрить предложение Сената Олий Мажлиса, Министерства занятости и сокращения бедности (далее — Министерство), Федерации профсоюзов Узбекистана и Конфедерации работодателей Узбекистана о поэтапном внедрении Программы обеспечения безопасной и основанной на уважении рабочей среды в сфере труда (далее — Программа) в государственных органах и организациях, юридических лицах, в уставном капитале которых государственная доля составляет 50 процентов и более, юридических лицах, в уставном капитале которых доля таких юридических лиц составляет 50 процентов и более (далее — государственные органы и организации), а также на иных предприятиях, в организациях и учреждениях независимо от формы собственности (далее — негосударственные организации).
3. Министерству цифровых технологий в срок до 1 декабря 2026 года запустить Информационный портал «Безопасная и основанная на уважении рабочая среда» (далее — Портал) в информационных системах Агентства эффективности управления (далее — Агентство) для государственных органов и организаций, наделенный следующими возможностями:
(а) онлайн-прием обращений о случаях притеснения и насилия с использованием информационно-коммуникационных средств;
(б) автоматическое направление в вышестоящие инстанции государственных органов и организаций обращений о случаях притеснения и насилия, совершенных работниками государственных органов и организаций, ответственными за ведение Портала (далее — ответственные работники), их непосредственными руководителями либо должностными лицами государственных органов и организаций;
(в) осуществление проверки обращений о случаях притеснения и насилия, сбора доказательств, подготовки заключений, обмена данными и диалога посредством Портала;
(г) хранение и недопущение уничтожения на Портале данных, связанных с процессами проведения проверок по случаям притеснения и насилия, их результатами, принятыми мерами и их изменением;
(д) регулярную организацию краткосрочных онлайн-тренинговых курсов по предупреждению случаев притеснения и насилия (далее — краткосрочные тренинговые курсы), а также внедрение практики электронного подтверждения их фактического проведения;
(ж) анализ итогов изучения обращений о случаях притеснения и насилия, соответствующих краткосрочных тренинговых курсов и результатов их проведения, сбор статистической информации и открытое опубликование обобщенных данных в соответствии с законодательством о персональных данных;
(з) направление обращений о случаях притеснения и насилия, имеющих признаки административного правонарушения или преступления, в компетентные органы посредством единой диспетчерской службы «112».
4. Министерству до 1 декабря 2026 года создать в информационной системе «dmi.mehnat.uz» возможности, предусмотренные в пункте 3 настоящего постановления, для негосударственных организаций в целях использования их в добровольном порядке.
5. Возложить на руководителей всех уровней ответственность за обеспечение конфиденциальности обращений касательно случаев притеснения и насилия, сведений, связанных с их рассмотрением, а также недопущение их раскрытия и распространения в случаях, не предусмотренных законодательством.
III. Внедрение эффективной системы по предотвращению случаев притеснения и насилия в сфере труда
6. Установить порядок, в соответствии с которым:
(а) работники и должностные лица государственных органов и организаций ежегодно обучаются на краткосрочных тренинговых курсах на основе учебных программ, согласованных с Агентством;
(б) работники негосударственных организаций в добровольном порядке могут обучаться на краткосрочных тренинговых курсах, организуемых Министерством.
7. Установить, что как минимум один работник из числа работников, ответственных за управление и развитие человеческих ресурсов или работу с кадрами в государственных органах и организациях, является ответственным за ведение Портала, организацию краткосрочных тренинговых курсов.
8. Министерству цифровых технологий совместно с Министерством, Агентством и Министерством внутренних дел до 1 декабря 2026 года для запуска Портала обеспечить его взаимную интеграцию с единой диспетчерской службой «112», информационной системой «dmi.mehnat.uz» и соответствующими информационными системами государственных органов и организаций.
9. Министерству внутренних дел и Генеральной прокуратуре взять под особый контроль своевременное, полное и объективное рассмотрение обращений касательно случаев притеснения и насилия в сфере труда, поступивших через единую диспетчерскую службу «112».
10. В целях обеспечения точного и единообразного исполнения в государственных органах и организациях положений, определенных в рамках Программы, предоставить Агентству полномочие на внесение подлежащих обязательному рассмотрению представлений по устранению правонарушений, выявленных в результате мониторинга посредством Портала.
11. Министерству совместно с Федерацией профсоюзов Узбекистана и Конфедерацией работодателей Узбекистана на постоянной основе проводить среди негосударственных организаций информационно-разъяснительную работу по популяризации возможностей информационной системы «dmi.mehnat.uz» по работе с обращениями о случаях притеснения и насилия в сфере труда.
12. Агентству, Министерству, Национальному агентству социальной защиты в трехмесячный срок:
(а) провести для ответственных работников государственных органов и организаций специальные тренинговые курсы по случаям притеснения и насилия, в том числе работе в рамках Программы с обращениями по ним. При этом методология специальных тренинговых курсов разрабатывается Агентством при содействии Национального агентства социальной защиты;
(б) внести в Администрацию Президента Республики Узбекистан предложения по стимулированию деятельности ответственных работников государственных органов и организаций, связанной с предотвращением случаев притеснения и насилия.
13. Определить, что:
(а) расходы по запуску и содержанию Портала, а также его интеграции с другими информационными системами и единой диспетчерской службой «112» покрываются за счет средств Фонда развития цифровых технологий при Министерстве цифровых технологий;
(б) расходы по интеграции информационной системы «dmi.mehnat.uz» Министерства с другими информационными системами и единой диспетчерской службой «112» покрываются за счет средств Министерства.
14. Рекомендовать трудовым коллективам государственных органов и организаций определение в рамках правил внутреннего трудового распорядка оценки случаев:
(а) полового или физического насилия, сексуального домогательства, выявленных в установленном законодательством порядке, — в качестве однократного грубого нарушения трудовых обязательств;
(б) притеснения, совершенного со стороны работника или в отношении работника, психологического прессинга, случаев дискриминации, а также преследования в связи с обращениями — в качестве нарушения трудовой дисциплины.
IV. Организационные вопросы по внедрению практики обеспечения безопасной и основанной на уважении рабочей среды в сфере труда
15. Министерству:
(а) в месячный срок разработать единую типовую методологию по предотвращению случаев притеснения и насилия в негосударственных организациях, их выявлению и принятию мер по таким случаям, с учетом основных требований в данной сфере;
(б) в двухмесячный срок совместно с Министерством юстиции разработать предложения по ратификации Конвенции Международной организации труда ООН № 190 «Об искоренении насилия и домогательств в сфере труда» (2019 год) и в установленном порядке внести их в Кабинет Министров.
16. Кабинету Министров в недельный срок определить конкретные механизмы обеспечения безопасной и основанной на уважении рабочей среды в сфере труда государственных органов и организаций.
V. Организация, обеспечение и контроль исполнения постановления
17. Возложить на советника Руководителя Администрации Президента Республики Узбекистан, привлекаемого на договорной основе, Н.Э. Давлетову персональную ответственность за проведение мониторинга новой практики по обеспечению безопасной и основанной на уважении рабочей среды в сфере труда государственных органов и организаций, а также осуществление контроля надлежащей организации его исполнения.
18. Министерству юстиции совместно с Министерством, Агентством, заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
19. Контроль за исполнением настоящего постановления возложить на Премьер-министра Республики Узбекистан А.Н. Арипова и Руководителя Администрации Президента Республики Узбекистан С.Ш. Мирзиёеву.
Президент Республики Узбекистан Ш. МИРЗИЁЕВ
г. Ташкент,
21 сентября 2026 г.,
№ ПП-345