📅 2026-yil 21-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 21 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 сентября 2026 г. · Постановления Президента
Официальный текст. Официальный документ. Редакционные примечания не включены.
📅 21 September 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ДАСТУРИ
Теннис спорт турини оммалаштириш ва ривожлантириш чора-тадбирлари тўғрисида
Мамлакатимизда теннис спорт турини янада оммалаштириш, спортчиларни саралаб олиш тизимини яхшилаш, ушбу спорт тури бўйича замонавий спорт инфратузилмасини яратиш ҳамда нуфузли спорт мусобақаларида натижадорликни таъминлаш мақсадида қарор қиламан:
I. Мақсадлар
1. Қуйидагилар теннис спорт турини оммалаштириш ва ривожлантиришнинг асосий мақсадлари этиб белгилансин:
(а) аҳоли ўртасида теннис спорт турининг оммавийлигини ошириш, иқтидорли спортчиларни аниқлаш, танлаш ва саралаб олиш ҳамда уларни профессионал спортчилар сифатида тайёрлашнинг янги тизимини йўлга қўйиш;
(б) теннис спорт тури бўйича профессионал тренерлар ва бошқа мутахассисларни тайёрлаш тизимини такомиллаштириш;
(в) теннис спорт тури бўйича замонавий спорт инфратузилмасини барпо этиш ва мавжуд спорт иншоотларининг моддий-техника базасини мустаҳкамлаш, замонавий спорт анжомлари ва жиҳозлари билан таъминлаш;
(г) теннис спорт тури бўйича профессионал спортчиларни тайёрлашнинг барча босқичларини рақамлаштириш;
(д) теннис бўйича мусобақаларни тизимли ташкил этиб бориш.
2. Қуйидагилар теннис спорт турини 2030 йилгача оммалаштириш ва ривожлантиришнинг асосий мақсадли кўрсаткичлари этиб белгилансин:
(а) теннис билан доимий шуғулланувчилар сонини 3 000 нафаргача етказиш;
(б) теннис бўйича тренерлар сонини 200 нафарга етказиш;
(в) теннис спорт тури бўйича Осиёда топ-5 таликка кириш;
(г) теннис спорт турини истиқболли спорт турлари қаторига киритиш чораларини кўриш.
II. Теннис спорт турини оммалаштириш
3. Белгилаб қўйилсинки, 2026 йил 1 октябрдан бошлаб анъанавий тарзда теннис бўйича Ўзбекистон Республикасида қуйидаги мусобақаларни ўтказиб бориш йўлга қўйилади:
(а) Профессионал теннисчилар ассоциацияси (ATP) ва Аёллар тенниси ассоциацияси (WTA) ҳамда Халқаро теннис федерацияси (ITF) шафелиги остида бўлиб ўтадиган халқаро теннис мусобақалари. Бунда ушбу мусобақаларни ўтказиш ҳамда ғолиб ва совриндорларни тақдирлаш билан боғлиқ харажатлар ҳомийлик хайриялари ҳисобидан молиялаштирилади;
(б) ёшлар ва катталар ўртасида Ўзбекистон кубоги;
(в) ёшлар, ўсмирлар ва катталар ўртасида Республика чемпионати;
(г) катталар ўртасида «Uzbekistan open» халқаро турнири;
(д) эркаклар ўртасида «ATP Challenger» халқаро мусобақаси.
4. Мактабгача ва мактаб таълими вазирлиги ҳамда Ўзбекистон теннис федерациясининг 2027 йил 1 январдан бошлаб умумий ўрта таълим ташкилотларида «Juniors Tennis Initiative» дастурини жорий қилиш тўғрисидаги таклифлари маъқуллансин. Бунда дастур доирасида:
(а) 1 — 4-синф ўқувчилари учун жисмоний тарбия дарсларида теннисга қизиқишни шакллантириш бўйича бошланғич машғулотлар йўлга қўйилади;
(б) ўқувчиларнинг теннисга қизиқиши ҳамда спорт инфратузилмаси мавжудлигига қараб теннис ривожлантириладиган умумий ўрта таълим ташкилотлари танлаб олинади;
(в) танлаб олинган умумий ўрта таълим ташкилотларида теннис бўйича спорт секциялари ташкил этилади ҳамда уларнинг моддий-техника базаси яхшиланиб, спорт инвентарлари, шу жумладан, «tennis wall» мосламалари билан Ўзбекистон теннис федерацияси маблағлари ҳисобидан жиҳозланади;
(г) машғулотлар танлаб олинган умумий ўрта таълим ташкилоти жойлашган ҳудуддаги спорт мактабидан жалб этилган тренерлар томонидан олиб борилади.
5. Спорт вазирлигининг Республика олимпия захиралари теннис мактабини (кейинги ўринларда — Мактаб) бошқариш функцияси амалдаги молиялаштириш тартибини сақлаган ҳолда Ўзбекистон теннис федерациясига берилсин.
6. Белгилансинки, Ўзбекистон теннис федерацияси:
(а) Мактаб фаолиятининг энг муҳим самарадорлик кўрсаткичларини белгилайди, унинг раҳбар кадрларини лавозимига тайинлайди ва лавозимидан озод қилади;
(б) Мактабнинг молиявий ва стратегик фаолиятини ривожлантириш бўйича дастур ва узоқ муддатли режаларни тасдиқлайди ҳамда уларнинг бажарилишини назорат қилади;
(в) Мактаб томонидан кўрсатиладиган пулли хизматлар учун тўловлар миқдори ҳамда унинг бюджетдан ташқари маблағларини сарфлаш йўналишларини мустақил белгилайди.
7. Ўзбекистон теннис федерацияси:
(а) Мактаб фаолиятини замонавий бошқарув моделлари асосида самарали ташкил этсин;
(б) икки ой муддатда Мактабга юқори малакали хорижий эксперт ва тренерларни жалб қилсин ҳамда илғор тажрибалар асосида профессионал спортчилар, мураббийлар ва ҳакамларнинг касбий компетенцияларини ривожлантириш бўйича замонавий методикаларни ишлаб чиқиб, жорий қилсин;
(в) 2027 йил 1 июнга қадар ҳомийлик маблағларини жалб қилган ҳолда Мактаб моддий-техника базасини мустаҳкамласин;
(г) 2027 йилдан бошлаб Мактаб базасида Халқаро теннис федерацияси (ITF) шафелиги остида бўлиб ўтадиган халқаро теннис мусобақаларини ўтказиш чораларини кўрсин.
III. Теннис спорт турини молиялаштиришни ташкил этиш
8. Спорт вазирлиги тизимидаги спорт-таълим ташкилотларининг теннис кортларини сақлаш харажатларини молиялаштиришнинг қуйидаги тартиби жорий этилсин:
(а) 2027 йил 1 январдан бошлаб пулли хизматларни кўрсатиш учун етарли имкониятларга эга теннис кортлари ўзини ўзи молиялаштириш тартибига ўтказилади. Бунда:
(i) спорт-таълим ташкилотига теннис кортларида жорий этиладиган пулли хизматлар учун тўловлар миқдорини мустақил белгилаш ҳуқуқи берилади;
(ii) пулли хизматлардан тушадиган тушумлар, биринчи навбатда, коммунал тўловлар харажатларига йўналтирилади ҳамда спорт-таълим ташкилотларига маблағларнинг қолган қисмидан мустақил фойдаланиш ҳуқуқи берилади;
(iii) спорт-таълим ташкилотларининг ўзини ўзи молиялаштиришга ўтказилган теннис кортларида теннис бўйича мавжуд гуруҳлар билан шуғулланаётган тренерларнинг иш ҳақи ва унга тенглаштирилган тўловлар Давлат бюджети маблағлари ҳисобидан амалга оширилади;
(б) даромадлари харажатларини қопламайдиган ва реконструкцияга муҳтож теннис кортлари давлат-хусусий шериклик шартлари асосида хусусий инвесторларга берилади. Бунда:
(i) спорт-таълим ташкилотларининг давлат-хусусий шериклик асосида хусусий инвесторларга берилган теннис кортларида теннис бўйича мавжуд гуруҳларнинг машғулотларини беғараз асосда ўтказиб бориш таъминланади;
(ii) ушбу талаб тегишли давлат-хусусий шериклик тўғрисидаги битимларда назарда тутилади;
(в) теннис кортларини ўзини ўзи молиялаштиришга ўтказиш натижасида тежаб қолинадиган бюджет маблағлари теннис бўйича спортчиларни витаминлар, асбоб-ускуналар, экипировка ва бошқа зарур воситалар билан таъминлашга мақсадли йўналтирилади.
IV. Қарор ижросини ташкил этиш, таъминлаш ва назорат
9. Спорт вазирлиги Давлат активларини бошқариш агентлиги, Иқтисодиёт ва молия вазирлиги, Ўзбекистон теннис федерацияси билан биргаликда:
(а) 2027 йил 1 январга қадар:
(i) Спорт вазирлиги тизимида ҳамда давлат мулкида бўлган теннис кортларини хатловдан ўтказсин;
(ii) давлат мулкида бўлган теннис кортларини ўзини ўзи молиялаштиришга ўтказиш бўйича таклифларни Вазирлар Маҳкамасига киритсин;
(iii) давлат-хусусий шериклик шартлари асосида хусусий инвесторга бериладиган теннис кортлари рўйхатини шакллантирсин ҳамда ўзининг расмий веб-сайтида тегишли эълонлар жойлаштирилишини таъминласин;
(б) 2027 йил 1 январдан бошлаб ўзини ўзи молиялаштиришга ўтказиладиган теннис кортлари фаолиятини мазкур қарор асосида ташкил этиш бўйича зарур чора-тадбирларни амалга оширсин.
10. Теннис спорт турини янада ривожлантириш ва оммалаштириш чора-тадбирлари дастури иловага мувофиқ тасдиқлансин.
11. Ўзбекистон Республикаси Президентининг 2023 йил 7 апрелдаги «Маъмурий ислоҳотлар доирасида ёшлар сиёсати ва спорт соҳасида давлат бошқарувини самарали ташкил қилиш чора-тадбирлари тўғрисида»ги ПҚ-114-сон қарорига 7-илованинг 9 ва 10-бандлари қуйидаги таҳрирда баён этилсин:
«9. Осиё ва Параосиё ўйинлари ғолиблари ҳамда совриндорлари қуйидаги миқдорда бир марталик пул мукофоти билан рағбатлантирилади:
олтин медаль учун — 25 000 АҚШ доллари;
кумуш медаль учун — 12 500 АҚШ доллари;
бронза медаль учун — 6 250 АҚШ доллари.
10. Осиё ва Параосиё ўйинларида ғолиб ва совриндор бўлган спортчиларни тайёрлаган тренерлар қуйидаги миқдорда бир марталик пул мукофоти билан рағбатлантирилади:
олтин медаль учун — 10 000 АҚШ доллари;
кумуш медаль учун — 5 000 АҚШ доллари;
бронза медаль учун — 2 500 АҚШ доллари».
12. Спорт вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсан жавобгар этиб спорт вазири А.И. Икрамов белгилансин.
14. Ушбу қарор ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг спорт бўйича вакили О.Қ. Абдурахманов зиммасига юклансин.
Ўзбекистон Республикаси Президентининг 2026 йил 21 сентябрдаги ПҚ-347-сон қарорига ИЛОВА
Теннис спорт турини янада ривожлантириш ва оммалаштириш чора-тадбирлари
Т/р Чора-тадбирлар номи Амалга ошириш механизми Ижро муддати Молиялаштириш манбаси Масъул ижрочилар 1. Теннис спорт турини оммалаштириш ва ривожлантириш. 1. Ўзбекистонда теннис спорт тури билан доимий шуғулланувчилар сонини 3 000 нафаргача етказиш. 2. Теннис спорт тури бўйича тренерлар сонини 200 нафарга етказиш. 3. Теннис спорт тури бўйича Осиёда топ-5 таликка кириш. 4. Теннис спорт турини истиқболли спорт турлари қаторига киритиш чораларини кўриш. 2026 — 2030 йиллар Ижрочилар маблағлари, ҳомийлик хайриялари Спорт вазирлиги , Ўзбекистон теннис федерацияси, Ўзбекистон Миллий олимпия қўмитаси 2. Ҳудудларда теннис спорт тури бўйича иқтидорли ёшларни аниқлаш, танлаш ва саралаш (селекция) ишларини такомиллаштириш. 1. Ҳудудлардаги селекционерларни жалб қилган ҳолда иқтидорли ёшларни аниқлаш. 2. Ҳудудларда хорижий ва маҳаллий мутахассислар иштирокида теннис спорт тури бўйича ёш спортчилар билан маҳорат дарсларини ташкил қилиб бориш. 3. Иқтидорли ёшларни аниқлаш ва саралаб олиш ҳамда уларни профессионал спортчи сифатида тайёрлаш учун спорт-таълим муассасаларига йўналтириб бориш. Доимий - Ўзбекистон теннис федерацияси, Спорт вазирлиги , Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 3. Теннис спорт тури бўйича терма жамоаларнинг нуфузли халқаро мусобақаларга тайёргарлик кўриши ва унда муносиб иштирок этишини таъминлаш. 1. Теннис спорт тури бўйича миллий терма жамоаларга малакали хорижий мутахассисларни жалб қилиш. 2. Нуфузли халқаро мусобақаларга тайёргарлик кўриш режасини ишлаб чиқиш. 3. Режага мувофиқ терма жамоа аъзолари учун халқаро ва маҳаллий ўқув-машғулот йиғинларини ўтказиб бориш. 4. Терма жамоа аъзоларининг нуфузли халқаро мусобақаларда иштирокини таъминлаш. 2026 — 2030 йиллар Ижрочилар маблағлари, ҳомийлик хайриялари Ўзбекистон Миллий олимпия қўмитаси , Ўзбекистон теннис федерацияси, Спорт вазирлиги 4. Теннис спорт тури бўйича миллий терма жамоаларни зарур спорт инвентарлари, жиҳозлар, спорт экипировкалари ва махсус кийимлар билан таъминлаш. 1 . Теннис спорт тури бўйича миллий терма жамоаларнинг халқаро мусобақаларга самарали тайёргарлик кўриши учун зарур спорт инвентарлари, жиҳозлар, спорт экипировкалари ва махсус кийимлар рўйхатини шакллантириш. 2. Спорт инвентарлари, жиҳозлар, спорт экипировкалари ва махсус кийимларни харид қилиш. 2027 йил 1 январдан бошлаб Ижрочилар маблағлари, ҳомийлик хайриялари Ўзбекистон Миллий олимпия қўмитаси , Ўзбекистон теннис федерацияси, Спорт вазирлиги 5. Жойлардаги теннис спорт тури бўйича спорт инфратузилмасини яхшилаш. 1. Ҳудудларда давлат спорт таълим муассасаларининг теннис кортларини хатловдан ўтказиш ҳамда спорт иншоотларининг таъмирга муҳтожлигини жойига чиққан ҳолда ўрганиш. 2027 йил 1 январь - Спорт вазирлиги, Ўзбекистон теннис федерацияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2. Ўрганиш натижаларига мувофиқ теннис спорт тури бўйича ўзини ўзи молиялаштириш имкониятига эга бўлмаган теннис кортларини давлат-хусусий шериклик шартлари асосида хусусий инвесторга бериш тўғрисида ўрнатилган тартибда эълон бериш. 2027 — 2030 йиллар 6. Умумий ўрта таълим мактабларида «Juniors Tennis Initiative» дастурини жорий қилиш. 1. Дастурни ишлаб чиқиш жараёнига мутахассисларни жалб этиш. 2026 йил ноябрь Ижрочилар маблағлари, ҳомийлик хайриялари Ўзбекистон теннис федерацияси, Мактабгача ва мактаб таълими вазирлиги 2. Илғор хорижий тажрибалардан фойдаланган ҳолда дастурни ишлаб чиқиш. Бунда дастурни 4-синф ўқувчилари учун жисмоний тарбия фани доирасида амалга оширишни назарда тутиш. 3. Теннис бўйича спорт инфратузилмаси мавжуд умумий ўрта таълим мактабларини хатловдан ўтказиш. 4. Хатлов натижаларига кўра танлаб олинган умумий ўрта таълим мактабларида теннис бўйича спорт секцияларини ташкил этиш. 2026 йил декабрь 5. Теннис бўйича спорт секциялари ташкил этилган умумий ўрта таълим мактабларининг моддий-техника базасини яхшилаш, спорт инвентарлари, жумладан, «tennis wall» мосламалари билан жиҳозлаш. 2026-2027 йиллар 7. Теннис спорт тури бўйича етакчи хорижий давлатларнинг илғор тажрибасини ўрганиш ва амалиётга жорий этиб бориш чораларини кўриш. 1. Ўқув-машғулот жараёнларига жаҳоннинг етакчи мутахассисларини тизимли асосда жалб этиб бориш. 2. Миллий терма жамоалар тренерлари ва бошқа мутахассисларини тажриба алмашиш мақсадида теннис спорт тури ривожланган етакчи хорижий давлатларга юборишни йўлга қўйиш. 2026 йил ноябрь Ижрочилар маблағлари, ҳомийлик хайриялари Ўзбекистон теннис федерацияси , Ўзбекистон Миллий олимпия қўмитаси 8. Миллий терма жамоаларни илмий ва услубий жиҳатдан таъминлаш тизимини такомиллаштириш. 1. Теннис спорт тури бўйича миллий терма жамоалар учун илмий ва услубий қўлланмалар рўйхатини шакллантириш. 2. Рўйхатга мувофиқ илмий ва услубий қўлланмаларни такомиллаштириш. 3. Такомиллаштирилган илмий ва услубий қўлланмаларни илмий кенгашларда кўриб чиқиш ва чоп этиш. 2026 йил ноябрь Ижрочилар маблағлари Ўзбекистон теннис федерацияси 9. Миллий терма жамоаларни тиббий ва тиббий-биологик қўллаб-қувватлаш тизимини такомиллаштириш. 1. Теннис спорт тури бўйича миллий терма жамоаларнинг тиббий ва тиббий-биологик воситалар билан таъминланганлик ҳолати ва эҳтиёжини ўрганиш. 2. Аниқланган эҳтиёжга кўра, теннис спорт тури бўйича миллий терма жамоаларни тиббий ва тиббий-биологик воситалар билан таъминлаб боришни ташкил қилиш. Доимий Ижрочилар маблағлари, ҳомийлик хайриялари Ўзбекистон Миллий олимпия қўмитаси , Ўзбекистон теннис федерацияси
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 21 сентябрь,
ПҚ-347-сон
OʻZBEKISTON RESPUBLIKASI PREZIDENTINING
QARORI
DASTURI
Tennis sport turini ommalashtirish va rivojlantirish chora-tadbirlari toʻgʻrisida
Mamlakatimizda tennis sport turini yanada ommalashtirish, sportchilarni saralab olish tizimini yaxshilash, ushbu sport turi boʻyicha zamonaviy sport infratuzilmasini yaratish hamda nufuzli sport musobaqalarida natijadorlikni taʼminlash maqsadida qaror qilaman:
I. Maqsadlar
1. Quyidagilar tennis sport turini ommalashtirish va rivojlantirishning asosiy maqsadlari etib belgilansin:
(a) aholi oʻrtasida tennis sport turining ommaviyligini oshirish, iqtidorli sportchilarni aniqlash, tanlash va saralab olish hamda ularni professional sportchilar sifatida tayyorlashning yangi tizimini yoʻlga qoʻyish;
(b) tennis sport turi boʻyicha professional trenerlar va boshqa mutaxassislarni tayyorlash tizimini takomillashtirish;
(v) tennis sport turi boʻyicha zamonaviy sport infratuzilmasini barpo etish va mavjud sport inshootlarining moddiy-texnika bazasini mustahkamlash, zamonaviy sport anjomlari va jihozlari bilan taʼminlash;
(g) tennis sport turi boʻyicha professional sportchilarni tayyorlashning barcha bosqichlarini raqamlashtirish;
(d) tennis boʻyicha musobaqalarni tizimli tashkil etib borish.
2. Quyidagilar tennis sport turini 2030-yilgacha ommalashtirish va rivojlantirishning asosiy maqsadli koʻrsatkichlari etib belgilansin:
(a) tennis bilan doimiy shugʻullanuvchilar sonini 3 000 nafargacha yetkazish;
(b) tennis boʻyicha trenerlar sonini 200 nafarga yetkazish;
(v) tennis sport turi boʻyicha Osiyoda top-5 talikka kirish;
(g) tennis sport turini istiqbolli sport turlari qatoriga kiritish choralarini koʻrish.
II. Tennis sport turini ommalashtirish
3. Belgilab qoʻyilsinki, 2026-yil 1-oktabrdan boshlab anʼanaviy tarzda tennis boʻyicha Oʻzbekiston Respublikasida quyidagi musobaqalarni oʻtkazib borish yoʻlga qoʻyiladi:
(a) Professional tennischilar assotsiatsiyasi (ATP) va Ayollar tennisi assotsiatsiyasi (WTA) hamda Xalqaro tennis federatsiyasi (ITF) shafeligi ostida boʻlib oʻtadigan xalqaro tennis musobaqalari. Bunda ushbu musobaqalarni oʻtkazish hamda gʻolib va sovrindorlarni taqdirlash bilan bogʻliq xarajatlar homiylik xayriyalari hisobidan moliyalashtiriladi;
(b) yoshlar va kattalar oʻrtasida Oʻzbekiston kubogi;
(v) yoshlar, oʻsmirlar va kattalar oʻrtasida Respublika chempionati;
(g) kattalar oʻrtasida “Uzbekistan open” xalqaro turniri;
(d) erkaklar oʻrtasida “ATP Challenger” xalqaro musobaqasi.
4. Maktabgacha va maktab taʼlimi vazirligi hamda Oʻzbekiston tennis federatsiyasining 2027-yil 1-yanvardan boshlab umumiy oʻrta taʼlim tashkilotlarida “Juniors Tennis Initiative” dasturini joriy qilish toʻgʻrisidagi takliflari maʼqullansin. Bunda dastur doirasida:
(a) 1 — 4-sinf oʻquvchilari uchun jismoniy tarbiya darslarida tennisga qiziqishni shakllantirish boʻyicha boshlangʻich mashgʻulotlar yoʻlga qoʻyiladi;
(b) oʻquvchilarning tennisga qiziqishi hamda sport infratuzilmasi mavjudligiga qarab tennis rivojlantiriladigan umumiy oʻrta taʼlim tashkilotlari tanlab olinadi;
(v) tanlab olingan umumiy oʻrta taʼlim tashkilotlarida tennis boʻyicha sport seksiyalari tashkil etiladi hamda ularning moddiy-texnika bazasi yaxshilanib, sport inventarlari, shu jumladan, “tennis wall” moslamalari bilan Oʻzbekiston tennis federatsiyasi mablagʻlari hisobidan jihozlanadi;
(g) mashgʻulotlar tanlab olingan umumiy oʻrta taʼlim tashkiloti joylashgan hududdagi sport maktabidan jalb etilgan trenerlar tomonidan olib boriladi.
5. Sport vazirligining Respublika olimpiya zaxiralari tennis maktabini (keyingi oʻrinlarda — Maktab) boshqarish funksiyasi amaldagi moliyalashtirish tartibini saqlagan holda Oʻzbekiston tennis federatsiyasiga berilsin.
6. Belgilansinki, Oʻzbekiston tennis federatsiyasi:
(a) Maktab faoliyatining eng muhim samaradorlik koʻrsatkichlarini belgilaydi, uning rahbar kadrlarini lavozimiga tayinlaydi va lavozimidan ozod qiladi;
(b) Maktabning moliyaviy va strategik faoliyatini rivojlantirish boʻyicha dastur va uzoq muddatli rejalarni tasdiqlaydi hamda ularning bajarilishini nazorat qiladi;
(v) Maktab tomonidan koʻrsatiladigan pulli xizmatlar uchun toʻlovlar miqdori hamda uning budjetdan tashqari mablagʻlarini sarflash yoʻnalishlarini mustaqil belgilaydi.
7. Oʻzbekiston tennis federatsiyasi:
(a) Maktab faoliyatini zamonaviy boshqaruv modellari asosida samarali tashkil etsin;
(b) ikki oy muddatda Maktabga yuqori malakali xorijiy ekspert va trenerlarni jalb qilsin hamda ilgʻor tajribalar asosida professional sportchilar, murabbiylar va hakamlarning kasbiy kompetensiyalarini rivojlantirish boʻyicha zamonaviy metodikalarni ishlab chiqib, joriy qilsin;
(v) 2027-yil 1-iyunga qadar homiylik mablagʻlarini jalb qilgan holda Maktab moddiy-texnika bazasini mustahkamlasin;
(g) 2027-yildan boshlab Maktab bazasida Xalqaro tennis federatsiyasi (ITF) shafeligi ostida boʻlib oʻtadigan xalqaro tennis musobaqalarini oʻtkazish choralarini koʻrsin.
III. Tennis sport turini moliyalashtirishni tashkil etish
8. Sport vazirligi tizimidagi sport-taʼlim tashkilotlarining tennis kortlarini saqlash xarajatlarini moliyalashtirishning quyidagi tartibi joriy etilsin:
(a) 2027-yil 1-yanvardan boshlab pulli xizmatlarni koʻrsatish uchun yetarli imkoniyatlarga ega tennis kortlari oʻzini oʻzi moliyalashtirish tartibiga oʻtkaziladi. Bunda:
(i) sport-taʼlim tashkilotiga tennis kortlarida joriy etiladigan pulli xizmatlar uchun toʻlovlar miqdorini mustaqil belgilash huquqi beriladi;
(ii) pulli xizmatlardan tushadigan tushumlar, birinchi navbatda, kommunal toʻlovlar xarajatlariga yoʻnaltiriladi hamda sport-taʼlim tashkilotlariga mablagʻlarning qolgan qismidan mustaqil foydalanish huquqi beriladi;
(iii) sport-taʼlim tashkilotlarining oʻzini oʻzi moliyalashtirishga oʻtkazilgan tennis kortlarida tennis boʻyicha mavjud guruhlar bilan shugʻullanayotgan trenerlarning ish haqi va unga tenglashtirilgan toʻlovlar Davlat budjeti mablagʻlari hisobidan amalga oshiriladi;
(b) daromadlari xarajatlarini qoplamaydigan va rekonstruksiyaga muhtoj tennis kortlari davlat-xususiy sheriklik shartlari asosida xususiy investorlarga beriladi. Bunda:
(i) sport-taʼlim tashkilotlarining davlat-xususiy sheriklik asosida xususiy investorlarga berilgan tennis kortlarida tennis boʻyicha mavjud guruhlarning mashgʻulotlarini begʻaraz asosda oʻtkazib borish taʼminlanadi;
(ii) ushbu talab tegishli davlat-xususiy sheriklik toʻgʻrisidagi bitimlarda nazarda tutiladi;
(v) tennis kortlarini oʻzini oʻzi moliyalashtirishga oʻtkazish natijasida tejab qolinadigan budjet mablagʻlari tennis boʻyicha sportchilarni vitaminlar, asbob-uskunalar, ekipirovka va boshqa zarur vositalar bilan taʼminlashga maqsadli yoʻnaltiriladi.
IV. Qaror ijrosini tashkil etish, taʼminlash va nazorat
9. Sport vazirligi Davlat aktivlarini boshqarish agentligi, Iqtisodiyot va moliya vazirligi, Oʻzbekiston tennis federatsiyasi bilan birgalikda:
(a) 2027-yil 1-yanvarga qadar:
(i) Sport vazirligi tizimida hamda davlat mulkida boʻlgan tennis kortlarini xatlovdan oʻtkazsin;
(ii) davlat mulkida boʻlgan tennis kortlarini oʻzini oʻzi moliyalashtirishga oʻtkazish boʻyicha takliflarni Vazirlar Mahkamasiga kiritsin;
(iii) davlat-xususiy sheriklik shartlari asosida xususiy investorga beriladigan tennis kortlari roʻyxatini shakllantirsin hamda oʻzining rasmiy veb-saytida tegishli eʼlonlar joylashtirilishini taʼminlasin;
(b) 2027-yil 1-yanvardan boshlab oʻzini oʻzi moliyalashtirishga oʻtkaziladigan tennis kortlari faoliyatini mazkur qaror asosida tashkil etish boʻyicha zarur chora-tadbirlarni amalga oshirsin.
10. Tennis sport turini yanada rivojlantirish va ommalashtirish chora-tadbirlari dasturi ilovaga muvofiq tasdiqlansin.
11. Oʻzbekiston Respublikasi Prezidentining 2023-yil 7-apreldagi “Maʼmuriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari toʻgʻrisida”gi PQ-114-son qaroriga 7-ilovaning 9 va 10-bandlari quyidagi tahrirda bayon etilsin:
“9. Osiyo va Paraosiyo oʻyinlari gʻoliblari hamda sovrindorlari quyidagi miqdorda bir martalik pul mukofoti bilan ragʻbatlantiriladi:
oltin medal uchun — 25 000 AQSH dollari;
kumush medal uchun — 12 500 AQSH dollari;
bronza medal uchun — 6 250 AQSH dollari.
10. Osiyo va Paraosiyo oʻyinlarida gʻolib va sovrindor boʻlgan sportchilarni tayyorlagan trenerlar quyidagi miqdorda bir martalik pul mukofoti bilan ragʻbatlantiriladi:
oltin medal uchun — 10 000 AQSH dollari;
kumush medal uchun — 5 000 AQSH dollari;
bronza medal uchun — 2 500 AQSH dollari”.
12. Sport vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga masʼul va shaxsan javobgar etib sport vaziri A.I. Ikramov belgilansin.
14. Ushbu qaror ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining sport boʻyicha vakili O.Q. Abduraxmanov zimmasiga yuklansin.
Oʻzbekiston Respublikasi Prezidentining 2026-yil 21-sentabrdagi PQ-347-son qaroriga ILOVA
Tennis sport turini yanada rivojlantirish va ommalashtirish chora-tadbirlari
T/r Chora-tadbirlar nomi Amalga oshirish mexanizmi Ijro muddati Moliyalashtirish manbasi Masʼul ijrochilar 1. Tennis sport turini ommalashtirish va rivojlantirish. 1. Oʻzbekistonda tennis sport turi bilan doimiy shugʻullanuvchilar sonini 3 000 nafargacha yetkazish. 2. Tennis sport turi boʻyicha trenerlar sonini 200 nafarga yetkazish. 3. Tennis sport turi boʻyicha Osiyoda top-5 talikka kirish. 4. Tennis sport turini istiqbolli sport turlari qatoriga kiritish choralarini koʻrish. 2026 — 2030-yillar Ijrochilar mablagʻlari, homiylik xayriyalari Sport vazirligi , Oʻzbekiston tennis federatsiyasi, Oʻzbekiston Milliy olimpiya qoʻmitasi 2. Hududlarda tennis sport turi boʻyicha iqtidorli yoshlarni aniqlash, tanlash va saralash (seleksiya) ishlarini takomillashtirish. 1. Hududlardagi seleksionerlarni jalb qilgan holda iqtidorli yoshlarni aniqlash. 2. Hududlarda xorijiy va mahalliy mutaxassislar ishtirokida tennis sport turi boʻyicha yosh sportchilar bilan mahorat darslarini tashkil qilib borish. 3. Iqtidorli yoshlarni aniqlash va saralab olish hamda ularni professional sportchi sifatida tayyorlash uchun sport-taʼlim muassasalariga yoʻnaltirib borish. Doimiy - Oʻzbekiston tennis federatsiyasi, Sport vazirligi , Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 3. Tennis sport turi boʻyicha terma jamoalarning nufuzli xalqaro musobaqalarga tayyorgarlik koʻrishi va unda munosib ishtirok etishini taʼminlash. 1. Tennis sport turi boʻyicha milliy terma jamoalarga malakali xorijiy mutaxassislarni jalb qilish. 2. Nufuzli xalqaro musobaqalarga tayyorgarlik koʻrish rejasini ishlab chiqish. 3. Rejaga muvofiq terma jamoa aʼzolari uchun xalqaro va mahalliy oʻquv-mashgʻulot yigʻinlarini oʻtkazib borish. 4. Terma jamoa aʼzolarining nufuzli xalqaro musobaqalarda ishtirokini taʼminlash. 2026 — 2030-yillar Ijrochilar mablagʻlari, homiylik xayriyalari Oʻzbekiston Milliy olimpiya qoʻmitasi , Oʻzbekiston tennis federatsiyasi, Sport vazirligi 4. Tennis sport turi boʻyicha milliy terma jamoalarni zarur sport inventarlari, jihozlar, sport ekipirovkalari va maxsus kiyimlar bilan taʼminlash. 1 . Tennis sport turi boʻyicha milliy terma jamoalarning xalqaro musobaqalarga samarali tayyorgarlik koʻrishi uchun zarur sport inventarlari, jihozlar, sport ekipirovkalari va maxsus kiyimlar roʻyxatini shakllantirish. 2. Sport inventarlari, jihozlar, sport ekipirovkalari va maxsus kiyimlarni xarid qilish. 2027-yil 1-yanvardan boshlab Ijrochilar mablagʻlari, homiylik xayriyalari Oʻzbekiston Milliy olimpiya qoʻmitasi , Oʻzbekiston tennis federatsiyasi, Sport vazirligi 5. Joylardagi tennis sport turi boʻyicha sport infratuzilmasini yaxshilash. 1. Hududlarda davlat sport taʼlim muassasalarining tennis kortlarini xatlovdan oʻtkazish hamda sport inshootlarining taʼmirga muhtojligini joyiga chiqqan holda oʻrganish. 2027-yil 1-yanvar - Sport vazirligi, Oʻzbekiston tennis federatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Oʻrganish natijalariga muvofiq tennis sport turi boʻyicha oʻzini oʻzi moliyalashtirish imkoniyatiga ega boʻlmagan tennis kortlarini davlat-xususiy sheriklik shartlari asosida xususiy investorga berish toʻgʻrisida oʻrnatilgan tartibda eʼlon berish. 2027 — 2030-yillar 6. Umumiy oʻrta taʼlim maktablarida “Juniors Tennis Initiative” dasturini joriy qilish. 1. Dasturni ishlab chiqish jarayoniga mutaxassislarni jalb etish. 2026-yil noyabr Ijrochilar mablagʻlari, homiylik xayriyalari Oʻzbekiston tennis federatsiyasi, Maktabgacha va maktab taʼlimi vazirligi 2. Ilgʻor xorijiy tajribalardan foydalangan holda dasturni ishlab chiqish. Bunda dasturni 4-sinf oʻquvchilari uchun jismoniy tarbiya fani doirasida amalga oshirishni nazarda tutish. 3. Tennis boʻyicha sport infratuzilmasi mavjud umumiy oʻrta taʼlim maktablarini xatlovdan oʻtkazish. 4. Xatlov natijalariga koʻra tanlab olingan umumiy oʻrta taʼlim maktablarida tennis boʻyicha sport seksiyalarini tashkil etish. 2026-yil dekabr 5. Tennis boʻyicha sport seksiyalari tashkil etilgan umumiy oʻrta taʼlim maktablarining moddiy-texnika bazasini yaxshilash, sport inventarlari, jumladan, “tennis wall” moslamalari bilan jihozlash. 2026-2027-yillar 7. Tennis sport turi boʻyicha yetakchi xorijiy davlatlarning ilgʻor tajribasini oʻrganish va amaliyotga joriy etib borish choralarini koʻrish. 1. Oʻquv-mashgʻulot jarayonlariga jahonning yetakchi mutaxassislarini tizimli asosda jalb etib borish. 2. Milliy terma jamoalar trenerlari va boshqa mutaxassislarini tajriba almashish maqsadida tennis sport turi rivojlangan yetakchi xorijiy davlatlarga yuborishni yoʻlga qoʻyish. 2026-yil noyabr Ijrochilar mablagʻlari, homiylik xayriyalari Oʻzbekiston tennis federatsiyasi , Oʻzbekiston Milliy olimpiya qoʻmitasi 8. Milliy terma jamoalarni ilmiy va uslubiy jihatdan taʼminlash tizimini takomillashtirish. 1. Tennis sport turi boʻyicha milliy terma jamoalar uchun ilmiy va uslubiy qoʻllanmalar roʻyxatini shakllantirish. 2. Roʻyxatga muvofiq ilmiy va uslubiy qoʻllanmalarni takomillashtirish. 3. Takomillashtirilgan ilmiy va uslubiy qoʻllanmalarni ilmiy kengashlarda koʻrib chiqish va chop etish. 2026-yil noyabr Ijrochilar mablagʻlari Oʻzbekiston tennis federatsiyasi 9. Milliy terma jamoalarni tibbiy va tibbiy-biologik qoʻllab-quvvatlash tizimini takomillashtirish. 1. Tennis sport turi boʻyicha milliy terma jamoalarning tibbiy va tibbiy-biologik vositalar bilan taʼminlanganlik holati va ehtiyojini oʻrganish. 2. Aniqlangan ehtiyojga koʻra, tennis sport turi boʻyicha milliy terma jamoalarni tibbiy va tibbiy-biologik vositalar bilan taʼminlab borishni tashkil qilish. Doimiy Ijrochilar mablagʻlari, homiylik xayriyalari Oʻzbekiston Milliy olimpiya qoʻmitasi , Oʻzbekiston tennis federatsiyasi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 21-sentabr,
PQ-347-son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по популяризации и развитию вида спорта теннис
В целях дальнейшей популяризации вида спорта теннис в нашей стране, улучшения системы отбора спортсменов, создания современной спортивной инфраструктуры по данному виду спорта, а также обеспечения результативности в престижных спортивных соревнованиях постановляю:
I. Цели
1. Определить основными целями популяризации и развития вида спорта теннис:
(а) повышение уровня массовости вида спорта теннис среди населения, а также внедрение новой системы выявления, выбора и отбора талантливых спортсменов, их подготовки в качестве профессиональных спортсменов;
(б) совершенствование системы подготовки профессиональных тренеров и других специалистов по виду спорта теннис;
(в) возведение современной спортивной инфраструктуры по виду спорта теннис и укрепление материально-технической базы действующих спортивных сооружений, обеспечение современными спортивным оборудованием и инвентарем;
(г) цифровизацию всех этапов подготовки профессиональных спортсменов по виду спорта теннис;
(д) организацию соревнований по теннису на системной основе.
2. Определить основными целевыми показателями популяризации и развития вида спорта теннис до 2030 года:
(а) доведение числа постоянно занимающихся теннисом до 3 000 человек;
(б) доведение числа тренеров по теннису до 200 человек;
(в) вхождение в топ-5 по виду спорта теннис в Азии;
(г) принятие мер по включению вида спорта теннис в перечень перспективных видов спорта.
II. Популяризация вида спорта теннис
3. Установить, что с 1 октября 2026 года внедряется проведение в Республике Узбекистан следующих соревнований по теннису на традиционной основе:
(а) международных соревнований по теннису, проводимых под эгидой Ассоциации теннисистов-профессионалов (ATP) и Женской теннисной ассоциации (WTA), а также Международной федерации тенниса (ITF). При этом расходы, связанные с проведением указанных соревнований, а также награждением их победителей и призеров, финансируются за счет благотворительных пожертвований;
(б) Кубка Узбекистана среди молодежи и взрослых;
(в) Республиканского чемпионата среди молодежи, подростков и взрослых;
(г) Международного турнира «Uzbekistan оpen» среди взрослых;
(д) международного соревнования «ATP Challenger» среди мужчин.
4. Одобрить предложения Министерства дошкольного и школьного образования и Федерации тенниса Узбекистана о внедрении с 1 января 2027 года программы «Juniors Tennis Initiative» в общих средних образовательных организациях. При этом в рамках программы:
(а) для учащихся 1 — 4 классов на уроках физического воспитания будут проводиться начальные занятия по привитию интереса к теннису;
(б) с учетом наличия у учащихся интереса к теннису и спортивной инфраструктуры отбираются общие средние образовательные организации, в которых планируется развивать теннис;
(в) в отобранных общих средних образовательных организациях будут созданы спортивные секции по теннису, их материально-техническая база будет улучшена, а также они будут оснащены спортивным инвентарем, включая устройства «tennis wall», за счет средств Федерации тенниса Узбекистана;
(г) занятия будут проводиться привлеченными тренерами спортивных школ на территории дислокации отобранных общих средних образовательных организаций.
5. Передать Федерации тенниса Узбекистана функцию Министерства спорта по управлению Республиканской теннисной школой олимпийского резерва (далее — Школа) с сохранением действующего порядка финансирования.
6. Определить, что Федерация тенниса Узбекистана:
(а) определяет ключевые показатели эффективности деятельности Школы, а также назначает на должность и освобождает от должности ее руководящие кадры;
(б) утверждает программы и долгосрочные планы развития финансовой и стратегической деятельности Школы, контролирует их исполнение;
(в) самостоятельно устанавливает размер оплаты услуг, оказываемых Школой на платной основе, а также направления расходования ее внебюджетных средств.
7. Федерации тенниса Узбекистана:
(а) эффективно организовать деятельность Школы на основе современных управленческих моделей;
(б) в двухмесячный срок привлечь в Школу высококвалифицированных зарубежных экспертов и тренеров, разработать и внедрить современные методики развития компетенций профессиональных спортсменов, тренеров и судей на основе передового опыта;
(в) в срок до 1 июня 2027 года путем привлечения благотворительных пожертвований укрепить материально-техническую базу Школы;
(г) принять меры по проведению с 2027 года международных соревнований по теннису под эгидой Международной федерации тенниса (ITF) на базе Школы.
III. Организация финансирования вида спорта теннис
8. Внедрить порядок финансирования расходов на содержание теннисных кортов спортивно-образовательных организаций в системе Министерства спорта, в соответствии с которым:
(а) начиная с 1 января 2027 года теннисные корты, имеющие достаточно возможностей для оказания платных услуг, переводятся на систему самофинансирования. При этом:
(i) спортивно-образовательным организациям предоставляется право на самостоятельное установление размера оплаты платных услуг, внедряемых на теннисных кортах;
(ii) поступления от оказания платных услуг направляются в первую очередь на расходы по коммунальным платежам, а также спортивно-образовательным организациям предоставляется право на самостоятельное использование оставшейся части средств;
(iii) заработная плата и приравненные к ней выплаты для тренеров, занятых в действующих группах по теннису на переведенных на самофинансирование теннисных кортах спортивно-образовательных организаций осуществляются за счет средств Государственного бюджета;
(б) теннисные корты, доходы которых не покрывают их расходов, и нуждающиеся в реконструкции, передаются частным инвесторам на основе условий государственно-частного партнерства. При этом:
(i) на теннисных кортах спортивно-образовательных организаций, которые переданы частным инвесторам на основе государственно-частного партнерства, обеспечивается проведение занятий в действующих группах по теннису на безвозмездной основе;
(ii) данное требование предусматривается в соответствующих соглашениях о государственно-частном партнерстве;
(в) бюджетные средства, сэкономленные за счет перевода теннисных кортов на самофинансирование, направляются в целевом порядке на обеспечение спортсменов по виду спорта теннис витаминами, снаряжением, экипировкой и прочими необходимыми средствами.
IV. Организация, обеспечение и контроль исполнения постановления
9. Министерству спорта совместно с Агентством по управлению государственными активами, Министерством экономики и финансов, а также Федерацией тенниса Узбекистана:
(а) в срок до 1 января 2027 года:
(i) провести инвентаризацию теннисных кортов в системе Министерства спорта, а также находящихся в государственной собственности;
(ii) внести в Кабинет Министров предложения о переводе теннисных кортов, находящихся в государственной собственности, на самофинансирование;
(iii) сформировать перечень теннисных кортов, подлежащих передаче частным инвесторам на основе условий государственно-частного партнерства, и обеспечить размещение на своем официальном веб-сайте соответствующих объявлений;
(б) осуществить меры, необходимые для организации в соответствии с настоящим постановлением деятельности теннисных кортов, подлежащих переводу на самофинансирование с 1 января 2027 года.
10. Утвердить Программу мер по дальнейшему развитию и популяризации вида спорта теннис согласно приложению * .
11. Пункты 9 и 10 приложения № 7 к постановлению Президента Республики Узбекистан от 7 апреля 2023 года № ПП-114 «О мерах по эффективной организации государственного управления в сфере молодежной политики и спорта в рамках административных реформ» изложить в следующей редакции:
«9. Победители и призеры Азиатских и Паразиатских игр поощряются единовременным денежным вознаграждением в следующих размерах:
за золотую медаль — 25 000 долларов США;
за серебряную медаль — 12 500 долларов США;
за бронзовую медаль — 6 250 долларов США.
10. Тренеры, подготовившие спортсменов, ставших победителями и призерами Азиатских и Паразиатских игр, поощряются единовременным денежным вознаграждением в следующих размерах:
за золотую медаль — 10 000 долларов США;
за серебряную медаль — 5 000 долларов США;
за бронзовую медаль — 2 500 долларов США».
12. Министерству спорта совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Возложить на министра спорта А.И. Икрамова персональную ответственность за эффективную организацию исполнения настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и представителя Президента Республики Узбекистан по спорту О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
21 сентября 2026 г.,
№ ПП-347