📅 2026-yil 28-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 28 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 сентября 2026 г. · Постановления Президента
Официальный текст. Официальный документ. Редакционные примечания не включены.
📅 28 September 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«ЙЎЛ ХАРИТАСИ»
СХЕМАСИ
Давлат пенсия таъминотига оид замонавий хизматларни жорий этишнинг қўшимча чора-тадбирлари тўғрисида
Ўзбекистон Республикаси Президентининг 2025 йил 26 июндаги «Иқтисодиёт ва молия вазирлиги ҳузуридаги Ғазначилик хизмати қўмитаси ҳамда бюджетдан ташқари Пенсия жамғармаси томонидан замонавий хизматларни жорий этиш чора-тадбирлари тўғрисида»ги ПФ-105-сон Фармони ижросини таъминлаш, давлат пенсия таъминоти тизимини рақамлаштириш орқали фуқароларга кўрсатилаётган хизматлар сифатини янада ошириш мақсадида қарор қиламан:
I. Мақсадлар
1. Қуйидагилар пенсия таъминотига оид кўрсатиладиган хизматларни рақамлаштиришнинг асосий мақсадлари этиб белгилансин:
(а) фуқароларга кўрсатиладиган хизматлар 2027 йил 1 январга қадар тўлиқ интерактив ва проактив шаклга ўтказилишини таъминлаш;
(б) соҳада рақамли технологияларни кенг қўллаш орқали бюрократик тўсиқларни бартараф этиш.
II. Пенсия тайинлаш тартибини соддалаштириш ва янги хизматларни жорий этиш
2. Шундай тартиб ўрнатилсинки, унга мувофиқ, қуйидаги пенсия таъминотига оид хизматлар фуқаролардан алоҳида мурожаат талаб этмаган ҳолда проактив шаклда кўрсатилади, бунда фуқарога проактив шаклда тайинланган пенсияларни рад қилиш ҳуқуқи берилади:
(а) 2026 йил 1 ноябрдан бошлаб ишлар ҳажмининг қисқарганлиги ёхуд корхонанинг тугатилганлиги муносабати билан ишсиз деб эътироф этилган шахсларга умумий белгиланган ёшдан икки йил аввал ёшга доир пенсия тайинлаш;
(б) 2027 йил 1 январдан бошлаб боқувчисини йўқотганлик пенсиясини тайинлаш.
3. Белгилансинки, қуйидаги хизматлар фуқароларнинг хоҳишига кўра, Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали уларнинг мурожаатларига асосан интерактив шаклда кўрсатилади:
(а) 2026 йил 1 ноябрдан бошлаб меҳнат шароити зарарли ва оғир ишларда банд бўлган ҳамда бошқа умумий белгиланган ёшни қисқартирган ҳолда пенсия олиш ҳуқуқи мавжуд шахсларга имтиёзли шартларда пенсия тайинлаш;
(б) 2026 йил 1 декабрдан бошлаб:
(i) Ўзбекистон Республикасининг «Фуқароларнинг давлат пенсия таъминоти тўғрисида»ги Қонунига мувофиқ, пенсиянинг бошқа турига ўтказиш учун мурожаат қилиш. Бунда фуқаро олаётган пенсия миқдоридан кам пенсия тайинланган тақдирда, аввалги пенсия тури ўзгаришсиз қолдирилади;
(ii) фуқаронинг иш стажи ва иш ҳақи тўғрисида архив ёки ташкилотлар томонидан тақдим этилган қўшимча электрон маълумотларга асосан пенсия миқдорини қайта ҳисоблаш учун мурожаат қилиш;
(в) 2027 йил 1 январдан бошлаб:
(i) пенсия тўловини нақд пул шаклига ўтказиш ва тўхтатиб турилган пенсия тўловларини тиклаш;
(ii) суднинг ҳал қилув қарорлари, ажримлари, қарорлари ва ҳукмлари, ижро ҳужжатлари ҳамда бошқа қарорлар асосида пенсия миқдоридан чегирма қилинганлик тўғрисида, ҳисобланган пенсия тўғрисида ва ихтиёрий равишда ижтимоий солиқ тўланганлиги тўғрисидаги маълумотларни олиш;
(iii) яшаш манзили ўзгаргани муносабати билан пенсияга оид ҳужжатлар йиғмажилдини ҳисобга қўйиш;
(г) 2027 йил 1 январдан бошлаб «Менинг пенсиям» онлайн хизмати доирасида:
(i) пенсия ҳисоблашда иш стажи сифатида инобатга олинадиган меҳнат фаолияти даври, олий таълим ташкилотларида кундузги таълим (диплом) ва ҳарбий хизмат даври тўғрисида маълумот олиш;
(ii) тайинланадиган пенсия миқдорини аниқлаш ва давлат архиви идораларига иш ҳақи ва иш стажи тўғрисидаги маълумотларни олиш учун электрон сўровлар юбориш;
(iii) пенсия ёшига бир йил қолган фуқароларни олдиндан хабардор қилиш имконияти яратилади.
4. Белгилансинки, 2027 йил 1 январдан бошлаб Пенсия жамғармаси томонидан фуқаролардан қоғоз шаклидаги ҳужжатлар ҳамда маълумотларни қабул қилиш амалиёти бекор қилинади.
III. Пенсия тизимида янгича ёндашув асосида ишни ташкил этиш
5. Белгилаб қўйилсинки:
(а) 2026 йил 1 октябрдан бошлаб фуқаролик-ҳуқуқий хусусиятга эга шартномалар асосида фаолиятни амалга оширган шахслар ўзини ўзи банд қилган шахслар учун белгиланган миқдордаги ижтимоий солиқ тўлаганда, уларга бир йил иш стажи автоматик ҳисобланади;
(б) 2027 йил 1 январдан бошлаб расмий даромадга эга бўлган шахсларга ишламайдиган оила аъзолари иш стажига эга бўлиши учун ҳар ойда ихтиёрий равишда меҳнатга ҳақ тўлашнинг энг кам миқдорининг 12 фоизи миқдорида ижтимоий солиқ тўлаш ҳуқуқи берилади.
6. Иқтисодиёт ва молия вазирлиги:
(а) 2027 йил 1 январдан фуқароларга I ва II гуруҳ ногиронлик пенсияларини қайта ҳисоблашда III гуруҳ ногиронлик пенсиясини олган даврда ишлаган иш стажи ва иш ҳақини инобатга олиш тартибини;
(б) 2027 йил 1 февралдан бошлаб Солиқ қўмитаси билан биргаликда Пенсия жамғармасига имтиёзли пенсияларни тўлаш харажатларининг ўрнини қопловчи пулни ҳар ойда ўтказиш имкониятини яратувчи тизимни жорий этсин.
7. Камбағалликни қисқартириш ва бандлик вазирлиги 2026 йил 1 ноябрга қадар иш берувчилар томонидан фуқароларнинг имтиёзли шартларда пенсия олиш ҳуқуқини берадиган махсус иш стажлари даври тўғрисида ҳамда иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан аттестациядан ўтказиш натижалари тўғрисидаги маълумотларни «Ягона миллий меҳнат тизими» идоралараро дастурий-аппарат комплексида шакллантириш ва юритиш имкониятини яратсин.
8. «Ўзархив» агентлиги 2027 йил 1 апрелга қадар тугатилган корхона ва ташкилотларнинг архив идораларига топширилмаган бухгалтерия ҳужжатлари ва бошқа ҳужжатларини (иш ҳақи китоблари ва ишга қабул қилиш ва ишдан бўшатиш тўғрисидаги буйруқлари), истисно тариқасида, беғараз асосда қабул қилсин.
9. Марказий банк:
(а) 2026 йил 1 ноябрдан бошлаб пенсионерларга банк картасини очиш билан боғлиқ хизматларни фуқароларни биометрик идентификация қилиш (Face-ID) орқали амалга ошириш тартибини;
(б) 2027 йил 1 апрелдан бошлаб барча тижорат банклари билан биргаликда пенсия ва бошқа тўловлар учун маблағларни тижорат банкларининг ягона ҳисобварақларига молиялаштириш ҳамда пенсионерларнинг банк карталарига ёки тижорат банкларининг мобил иловаларида очилган пенсия электрон ҳамёнларига юклаш тизимини жорий этсин.
IV. Аҳолининг пенсия саводхонлигини ошириш
10. Иқтисодиёт ва молия вазирлиги Ўзбекистон Миллий телерадиокомпанияси, Ўзбекистон Миллий ахборот агентлиги ҳамда Оммавий ахборот воситалари учун контент тайёрлаш маркази билан биргаликда:
(а) пенсия таъминотига оид аҳолига яратилган қулайликларни оммавий ахборот воситаларида, шу жумладан, интернет ва ижтимоий тармоқларда кенг ёритиб борсин;
(б) соҳа мутахассисларининг фикрлари, мисоллар ва ҳаётий воқеалар асосида видеоматериаллар яратиш, меҳнат фаолиятига оид маълумотларни рақамлаштиришнинг аҳамияти бўйича ижтимоий видеороликлар тайёрлаш ва уларни мунтазам намойиш этиб бориш чораларини кўрсин.
V. Қарор ижросини ташкил этиш, таъминлаш ва назорат
11. Қуйидагилар:
(а) Пенсия жамғармаси томонидан кўрсатиладиган хизматларни тўлиқ интерактив ва проактив шаклга ўтказишга эришиш бўйича «йўл харитаси» 1-иловага мувофиқ;
(б) Боқувчисини йўқотганлик пенсияларини проактив шаклда тайинлаш схемаси 2-иловага мувофиқ тасдиқлансин.
12. Иқтисодиёт ва молия вазирлиги уч ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Ушбу қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров белгилансин.
14. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 28 сентябрдаги ПҚ-355-сон қарорига 1-ИЛОВА
Пенсия жамғармаси томонидан кўрсатиладиган хизматларни тўлиқ интерактив ва проактив шаклга ўтказишга эришиш бўйича
Т/р Чора-тадбирлар номи Амалга ошириш шакли Бажариш муддати Ижро учун масъуллар 1. Пенсия ёшига бир йил қолган фуқароларнинг биометрик паспорти (идентификация ID-карта) маълумотларини Рақамли технологиялар вазирлигига ва Пенсия жамғармасининг «Пенсия» дастурий мажмуаси ҳамда Камбағалликни қисқартириш ва бандлик вазирлигининг «Ягона миллий меҳнат тизими» идоралараро дастурий-аппарат комплексига (кейинги ўринларда — ЯММТ ИДАК) электрон шаклда юбориш тизимини жорий этиш. Техник йўриқнома 2026 йил 1 декабрь Ички ишлар вазирлиги , Рақамли технологиялар вазирлиги, Камбағалликни қисқартириш ва бандлик вазирлиги , Пенсия жамғармаси 2. Ҳисобланган ижтимоий солиқ (солиқ коди — 36), имтиёзли шартларда тайинланган пенсиялар (солиқ коди — 40), шунингдек, ходимларнинг меҳнат вазифаларини бажариш билан боғлиқ ҳолда меҳнатда майиб бўлиш ва касб касаллиги оқибатида тайинланган пенсиялар (солиқ коди — 42) ҳамда муддатидан олдин тайинланган пенсиялар (солиқ коди — 41) учун тўлашга сарфланган харажатларни қоплаш бўйича корхона ва ташкилотларнинг қарздорлиги тўғрисидаги электрон маълумотларни Пенсия жамғармасига юбориш тизимини жорий этиш. Техник йўриқнома 2027 йил 1 февраль Солиқ қўмитаси, Пенсия жамғармаси 3. Пенсия жамғармаси ва Олий суднинг ахборот тизимлари ўртасида тўғридан-тўғри электрон маълумотлар алмашинувини йўлга қўйиш. Корхона ва ташкилотларнинг Пенсия жамғармаси олдидаги имтиёзли пенсиялар, шунингдек, ходимларнинг меҳнат вазифаларини бажариш билан боғлиқ ҳолда меҳнатда майиб бўлиш ва касб касаллиги оқибатида тайинланган пенсияларини тўлашга сарфланган харажатлар бўйича қарздорлигини ҳамда ортиқча тўланган пенсия маблағларини ундириш бўйича судларга даъво аризаларини электрон шаклда юбориш тизимини жорий этиш. Техник йўриқнома 2027 йил 1 март Олий суд, Пенсия жамғармаси 4. Туман (шаҳар) камбағалликни қисқартириш ва бандликка кўмаклашиш бўлимлари томонидан «ЯММТ» ИДАК орқали фуқароларнинг 2005 йил 1 январдан аввалги давр учун иш ҳақи ва иш стажи маълумотларини олиш бўйича сўровларни «Ўзархив» агентлигига «Рақамли ҳукумат» тизимининг идоралараро интеграциялашув платформаси орқали электрон шаклда юбориш тизимини жорий этиш. Бунда электрон сўровга асосан «Ўзархив» агентлиги фуқароларнинг 2005 йилдан аввалги давр учун иш ҳақи ва иш стажи маълумотномасини «ЯММТ» ИДАКга электрон шаклда тақдим этади. Техник йўриқнома 2026 йил 1 декабрь Камбағалликни қисқартириш ва бандлик вазирлиги, Адлия вазирлиги 5. Фуқароларнинг тугатилган корхона ва ташкилотлардаги имтиёзли шартларда пенсия олиш ҳуқуқини берадиган махсус иш стажлари даври тўғрисида ҳамда иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан аттестациядан ўтказиш натижалари тўғрисидаги маълумотлар «ЯММТ» ИДАКга фуқароларнинг мурожаатларига асосан туман (шаҳар) камбағалликни қисқартириш ва бандликка кўмаклашиш бўлимлари томонидан киритилишини йўлга қўйиш. Техник чора-тадбир лар 2026 йил 1 ноябрь Камбағалликни қисқартириш ва бандлик вазирлиги 6. Ўзбекистон Республикасининг республика бюджети ҳисобидан пенсия тайинловчи органларнинг пенсионерлари тўғрисидаги маълумотлари юритиладиган ахборот тизимларини яратиш. Пенсия ёшига тўлган фуқарога бюджетдан ташқари Пенсия жамғармаси ёки Ўзбекистон Республикасининг республика бюджети ҳисобидан пенсия тайинловчи органлар томонидан пенсия тайинлангани ёки тайинланмаганини тасдиқлаш («ҳа» ёки «йўқ») бўйича веб-сервис ишлаб чиқиш. Техник йўриқнома 2026 йил 1 декабрь Конституциявий суд, Олий суд, Судьялар олий кенгаши, Электрон технологияларини ривожлантириш маркази 7. Давлат мукофотлари билан тақдирланган шахслар тўғрисидаги маълумотларни ўз ичига олган ахборот тизимини ишлаб чиқиш ва Пенсия жамғармасининг «Пенсия» дастурий мажмуаси билан ўзаро электрон маълумот алмашинувини йўлга қўйиш. Техник йўриқнома 2027 йил 1 апрель Рақамли технологиялар вазирлиги, Ўзбекистон Республикаси Президенти ҳузуридаги Давлат мукофотлари ва геральдика бўйича комиссия ишчи органи 8. Юридик шахсларга «Фуқароларнинг давлат пенсия таъминоти тўғрисида»ги Ўзбекистон Республикаси Қонунининг 12-моддаси «б» банди ва 14-моддасига мувофиқ тайинланган пенсиялар, шунингдек, меҳнат вазифаларини бажариш билан боғлиқ ҳолда меҳнатда майиб бўлиш ва касб касаллиги оқибатида тайинланган боқувчисини йўқотганлик ҳамда ногиронлик пенсияларини тўлашга сарфланган харажатларни қоплаш тўғрисида регресс талабномаларини электрон юбориш тартибини жорий этиш. Техник чора-тадбир лар 2027 йил 1 февраль Солиқ қўмитаси, Пенсия жамғармаси 9. Жисмоний ва юридик шахсларнинг Пенсия жамғармаси олдидаги ижтимоий солиқ бўйича қарздорлиги вужудга келиши хавфининг (риски) олдини олиш ва бартараф этиш чораларини кўриш. Амалий чора-тадбирлар 2026 йил 1 декабрь Солиқ қўмитаси 10. Сунъий интеллект ёрдамида «Пенсия-2» дастурий мажмуасида қуйидаги механизмларни жорий этиш: фуқароларнинг мавжуд иш стажи ва иш ҳақи маълумотлари асосида келгусида тайинланиши кутилаётган пенсия миқдори ҳамда пенсия миқдорини ошириш бўйича «Менинг пенсиям» онлайн хизмати орқали турли сценарийлар ва тавсиялар тақдим этиш; Пенсия жамғармаси ахборот тизимидаги маълумотларнинг ишончлилиги ва тўғрилигини таҳлил қилиш; ташқи ахборот тизимларидан олинган маълумотларни солиштириш ва улардаги мантиқий номувофиқликларни аниқлаш; пенсия миқдори, иш стажи ва иш ҳақига оид кескин ўзгариш ҳолатларини аниқлаш ва Пенсия жамғармаси ички аудит хизматининг риск таҳлилида автоматик тарзда акс эттириш. Амалий чора-тадбирлар 2027 йил декабрь Пенсия жамғармаси, Рақамли технологиялар вазирлиги
Ўзбекистон Республикаси Президентининг 2026 йил 28 сентябрдаги ПҚ-355-сон қарорига 2-ИЛОВА
Боқувчисини йўқотганлик пенсияларини проактив шаклда тайинлаш
Босқичлар Субъектлар Тадбирлар Бажариш муддатлари 1-босқич Адлия вазирлиги Вафот этган шахснинг ЖШШИР маълумотларини «Рақамли ҳукумат» тизимининг идоралараро интеграциялашув платформаси орқали Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади. Ўлим ҳақидаги далолатнома қайд этилган вақтда автоматик тарзда 2-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси «Рақамли ҳукумат» тизимининг идоралараро интеграциялашув платформаси орқали: 1. Вафот этган шахснинг оила аъзолари (яқин қариндошлари) тўғрисидаги маълумотларни олиш учун тегишлилиги бўйича Адлия вазирлигининг « ФҲД Ё нинг ягона электрон архиви » маълумотлар базасига электрон сўров юборади. 2. Боқувчисини йўқотганлик пенсиясини расмийлаштириш қуйидаги тартибда амалга оширилади: (а) вафот этган шахснинг турмуш ўртоғи тирик бўлган тақдирда, турмуш ўртоғи номига расмийлаштирилади; (б) вафот этган шахснинг турмуш ўртоғи вафот этган тақдирда, 18 ёшга тўлган фарзанди номига расмийлаштирилади. 3 . Вафот этган шахс нинг иш стажи тўғрисидаги маълумотларни олиш учун Камбағалликни қисқартириш ва бандлик вазирлигининг « Ягона миллий меҳнат тизими » идоралараро дастурий-аппарат комплексига , Солиқ қўмитаси , Олий таълим, фан ва инновациялар вазирлиги ва Мудофаа вазирлиги ахборот тизимига электрон сўров юборади. 4 . Вафот этган шахс нинг иш ҳақи тўғрисидаги маълумотларни олиш учун Солиқ қўмитаси нинг ахборот тизими, АТ « Халқ банки » нинг ж амғариб бориладиган пенсия тизимига ҳамда Камбағалликни қисқартириш ва бандлик вазирлигининг «Ягона миллий меҳнат тизими» идоралараро дастурий-аппарат комплексига электрон сўров юборади. 5 . Боқувчисини йўқотганлик пенсияси расмийлаштири лган шахснинг яшаш жойи тўғрисидаги электрон маълумотларни олиш учун Ички ишлар вазирлиги нинг «Манзил» ахборот тизимига электрон сўров юборади. Маълумотлар келиб тушгандан сўнг автоматик тарзда 3-босқич Адлия вазирлиги , Камбағалликни қисқартириш ва бандлик вазирлиги , Ички ишлар вазирлиги , Солиқ қўмитаси , Мудофаа вазирлиги, А Т «Халқ банки» «Рақамли ҳукумат» тизимининг идоралараро интеграциялашув платформаси орқали вафот этган шахснинг оила аъзолари (яқин қариндошлари) , иш стажи, иш ҳақи, жамғариб бориладиган пенсия бадали ҳамда б оқувчисини йўқотганлик пенсияси расмийлаштири лган шахснинг яшаш жойи тўғрисидаги электрон маълумотларни тегишлилиги бўйича Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади. Электрон сўров келиб тушгандан сўнг автоматик тарзда 4-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси «Рақамли ҳукумат » тизими идоралараро и нтеграцион платформаси о рқали пенсия ёки нафақа тайинлаш ваколатига эга органларга вафот этган боқувчининг қарамоғида бўлган меҳнатга қобилиятсиз оила аъзоларига пенсия ёки нафақа тайинланган ёки тайинланмагани тўғрисидаги маълумотларни олиш учун электрон сўров юборади. Маълумотлар келиб тушгандан сўнг автоматик тарзда 5-босқич Пенсия ёки нафақа тайинлаш ваколатига эга органлар «Рақамли ҳукумат» тизимининг идоралараро интеграциялашув платформаси орқали вафот этган боқувчининг қарамоғида бўлган меҳнатга қобилиятсиз оила аъзолари га пенсия ёки нафақа тайинланган ёки тайинланмагани тўғрисидаги электрон маълумотларни тегишлилиги бўйича Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади. Электрон сўров келиб тушгандан сўнг автоматик тарзда 6-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси 1. Вафот этган боқувчининг қарамоғида бўлган меҳнатга қобилиятсиз оила аъзолари га п ен с ия ёки нафақа тайинлангани тўғрисида маълумотлар келиб тушганда , пенсия тайинлашни рад қилиш тўғрисида қарор қабул қилади. 1 иш кунида 2 . Вафот этган боқувчининг қарамоғида бўлган меҳнатга қобилиятсиз оила аъзоларига пенсия ёки нафақа тайинланмагани тўғрисида маълумотлар келиб тушганда , « Пенсия » ахборот тизимидаги мавжуд вафот этган боқувчининг иш стажи, иш ҳақи, устама олиш ҳуқуқини берадиган электрон маълумотлар асосида дастлаб меҳнатга қобилиятсиз оила аъзолари нинг пенсияга бўлган ҳуқуқини аниқлайди, пенсия миқдори ни ҳисоблайди ва пенсия тайинлайди. 1 иш кунида Рақамли технологиялар вазирлиги 3. Рақамли технологиялар вазирлиги нинг ахборот тизимига б оқувчисини йўқотганлик пенсияси расмийлаштири лган шахснинг ЖШШИР маълумотлари ва пенсия тайинлангани ёки пенсия тайинлаш рад этилгани тўғрисидаги хабар матнини юборади. Қарор қабул қилинган вақтда автоматик тарзда 4. Ахборот т изим и орқали: б оқувчисини йўқотганлик пенсияси расмийлаштири лган шахснинг ЖШШИР маълумотлари асосида унинг мобил алоқа воситасига пенсия тайинлангани ёки пенсия тайинлаш рад этилгани тўғрисида СМС - хабар нома юборади ; боқувчисини йўқотганлик пенсияси расмийлаштири лган шахснинг номига мобил телефон рақам и расмийлаштирилмаган бўлса, бу ҳақ и да Пенсия жамғармасини хабардор қилади. Маълумотлар келиб тушгандан сўнг автоматик тарзда 7-босқич Иқтисодиёт ва молия вазирлиги ҳузуридаги бюджетдан ташқари Пенсия жамғармаси Боқувчисини йўқотганлик пенсияси расмийлаштири лган шахснинг номига мобил телефон рақами расмийлаштирилмаган бўлса, пенсия тайинлангани ёки пенсия тайинлаш рад этилгани тўғрисида хабарни етказиш учун яшаш жойи бўйича «Ўзбекистон почтаси» АЖни электрон почта жўнатмаларининг ягона миллий тизими орқали хабардор қилади. Маълумотлар келиб тушгандан сўнг автоматик тарзда 8-босқич « Ўзбекистон почтаси » АЖ Пенсия тайинлангани ёки тайинлаш рад этилгани тўғрисидаги хабарномани б оқувчисини йўқотганлик пенсияси расмийлаштири лган шахснинг яшаш жойига етказиб беради ҳамда хабарнома етказилганлиги ҳақидаги маълумотни Пенсия жамғармасига юборади. Маълумотлар келиб тушгандан сўнг 5 кун ичида
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 28 сентябрь,
ПҚ-355-сон
Oʻzbekiston Respublikasi Prezidentining
qarori
“YOʻL XARITASI”
SXEMASI
Davlat pensiya taʼminotiga oid zamonaviy xizmatlarni joriy etishning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2025-yil 26-iyundagi “Iqtisodiyot va moliya vazirligi huzuridagi Gʻaznachilik xizmati qoʻmitasi hamda budjetdan tashqari Pensiya jamgʻarmasi tomonidan zamonaviy xizmatlarni joriy etish chora-tadbirlari toʻgʻrisida”gi PF-105-son Farmoni ijrosini taʼminlash, davlat pensiya taʼminoti tizimini raqamlashtirish orqali fuqarolarga koʻrsatilayotgan xizmatlar sifatini yanada oshirish maqsadida qaror qilaman:
I. Maqsadlar
1. Quyidagilar pensiya taʼminotiga oid koʻrsatiladigan xizmatlarni raqamlashtirishning asosiy maqsadlari etib belgilansin:
(a) fuqarolarga koʻrsatiladigan xizmatlar 2027-yil 1-yanvarga qadar toʻliq interaktiv va proaktiv shaklga oʻtkazilishini taʼminlash;
(b) sohada raqamli texnologiyalarni keng qoʻllash orqali byurokratik toʻsiqlarni bartaraf etish.
II. Pensiya tayinlash tartibini soddalashtirish va yangi xizmatlarni joriy etish
2. Shunday tartib oʻrnatilsinki, unga muvofiq, quyidagi pensiya taʼminotiga oid xizmatlar fuqarolardan alohida murojaat talab etmagan holda proaktiv shaklda koʻrsatiladi, bunda fuqaroga proaktiv shaklda tayinlangan pensiyalarni rad qilish huquqi beriladi:
(a) 2026-yil 1-noyabrdan boshlab ishlar hajmining qisqarganligi yoxud korxonaning tugatilganligi munosabati bilan ishsiz deb eʼtirof etilgan shaxslarga umumiy belgilangan yoshdan ikki yil avval yoshga doir pensiya tayinlash;
(b) 2027-yil 1-yanvardan boshlab boquvchisini yoʻqotganlik pensiyasini tayinlash.
3. Belgilansinki, quyidagi xizmatlar fuqarolarning xohishiga koʻra, Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali orqali ularning murojaatlariga asosan interaktiv shaklda koʻrsatiladi:
(a) 2026-yil 1-noyabrdan boshlab mehnat sharoiti zararli va ogʻir ishlarda band boʻlgan hamda boshqa umumiy belgilangan yoshni qisqartirgan holda pensiya olish huquqi mavjud shaxslarga imtiyozli shartlarda pensiya tayinlash;
(b) 2026-yil 1-dekabrdan boshlab:
(i) Oʻzbekiston Respublikasining “Fuqarolarning davlat pensiya taʼminoti toʻgʻrisida”gi Qonuniga muvofiq, pensiyaning boshqa turiga oʻtkazish uchun murojaat qilish. Bunda fuqaro olayotgan pensiya miqdoridan kam pensiya tayinlangan taqdirda, avvalgi pensiya turi oʻzgarishsiz qoldiriladi;
(ii) fuqaroning ish staji va ish haqi toʻgʻrisida arxiv yoki tashkilotlar tomonidan taqdim etilgan qoʻshimcha elektron maʼlumotlarga asosan pensiya miqdorini qayta hisoblash uchun murojaat qilish;
(v) 2027-yil 1-yanvardan boshlab:
(i) pensiya toʻlovini naqd pul shakliga oʻtkazish va toʻxtatib turilgan pensiya toʻlovlarini tiklash;
(ii) sudning hal qiluv qarorlari, ajrimlari, qarorlari va hukmlari, ijro hujjatlari hamda boshqa qarorlar asosida pensiya miqdoridan chegirma qilinganlik toʻgʻrisida, hisoblangan pensiya toʻgʻrisida va ixtiyoriy ravishda ijtimoiy soliq toʻlanganligi toʻgʻrisidagi maʼlumotlarni olish;
(iii) yashash manzili oʻzgargani munosabati bilan pensiyaga oid hujjatlar yigʻmajildini hisobga qoʻyish;
(g) 2027-yil 1-yanvardan boshlab “Mening pensiyam” onlayn xizmati doirasida:
(i) pensiya hisoblashda ish staji sifatida inobatga olinadigan mehnat faoliyati davri, oliy taʼlim tashkilotlarida kunduzgi taʼlim (diplom) va harbiy xizmat davri toʻgʻrisida maʼlumot olish;
(ii) tayinlanadigan pensiya miqdorini aniqlash va davlat arxivi idoralariga ish haqi va ish staji toʻgʻrisidagi maʼlumotlarni olish uchun elektron soʻrovlar yuborish;
(iii) pensiya yoshiga bir yil qolgan fuqarolarni oldindan xabardor qilish imkoniyati yaratiladi.
4. Belgilansinki, 2027-yil 1-yanvardan boshlab Pensiya jamgʻarmasi tomonidan fuqarolardan qogʻoz shaklidagi hujjatlar hamda maʼlumotlarni qabul qilish amaliyoti bekor qilinadi.
III. Pensiya tizimida yangicha yondashuv asosida ishni tashkil etish
5. Belgilab qoʻyilsinki:
(a) 2026-yil 1-oktabrdan boshlab fuqarolik-huquqiy xususiyatga ega shartnomalar asosida faoliyatni amalga oshirgan shaxslar oʻzini oʻzi band qilgan shaxslar uchun belgilangan miqdordagi ijtimoiy soliq toʻlaganda, ularga bir yil ish staji avtomatik hisoblanadi;
(b) 2027-yil 1-yanvardan boshlab rasmiy daromadga ega boʻlgan shaxslarga ishlamaydigan oila aʼzolari ish stajiga ega boʻlishi uchun har oyda ixtiyoriy ravishda mehnatga haq toʻlashning eng kam miqdorining 12 foizi miqdorida ijtimoiy soliq toʻlash huquqi beriladi.
6. Iqtisodiyot va moliya vazirligi:
(a) 2027-yil 1-yanvardan fuqarolarga I va II guruh nogironlik pensiyalarini qayta hisoblashda III guruh nogironlik pensiyasini olgan davrda ishlagan ish staji va ish haqini inobatga olish tartibini;
(b) 2027-yil 1-fevraldan boshlab Soliq qoʻmitasi bilan birgalikda Pensiya jamgʻarmasiga imtiyozli pensiyalarni toʻlash xarajatlarining oʻrnini qoplovchi pulni har oyda oʻtkazish imkoniyatini yaratuvchi tizimni joriy etsin.
7. Kambagʻallikni qisqartirish va bandlik vazirligi 2026-yil 1-noyabrga qadar ish beruvchilar tomonidan fuqarolarning imtiyozli shartlarda pensiya olish huquqini beradigan maxsus ish stajlari davri toʻgʻrisida hamda ish oʻrinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan oʻtkazish natijalari toʻgʻrisidagi maʼlumotlarni “Yagona milliy mehnat tizimi” idoralararo dasturiy-apparat kompleksida shakllantirish va yuritish imkoniyatini yaratsin.
8. “Oʻzarxiv” agentligi 2027-yil 1-aprelga qadar tugatilgan korxona va tashkilotlarning arxiv idoralariga topshirilmagan buxgalteriya hujjatlari va boshqa hujjatlarini (ish haqi kitoblari va ishga qabul qilish va ishdan boʻshatish toʻgʻrisidagi buyruqlari), istisno tariqasida, begʻaraz asosda qabul qilsin.
9. Markaziy bank:
(a) 2026-yil 1-noyabrdan boshlab pensionerlarga bank kartasini ochish bilan bogʻliq xizmatlarni fuqarolarni biometrik identifikatsiya qilish (Face-ID) orqali amalga oshirish tartibini;
(b) 2027-yil 1-apreldan boshlab barcha tijorat banklari bilan birgalikda pensiya va boshqa toʻlovlar uchun mablagʻlarni tijorat banklarining yagona hisobvaraqlariga moliyalashtirish hamda pensionerlarning bank kartalariga yoki tijorat banklarining mobil ilovalarida ochilgan pensiya elektron hamyonlariga yuklash tizimini joriy etsin.
IV. Aholining pensiya savodxonligini oshirish
10. Iqtisodiyot va moliya vazirligi Oʻzbekiston Milliy teleradiokompaniyasi, Oʻzbekiston Milliy axborot agentligi hamda Ommaviy axborot vositalari uchun kontent tayyorlash markazi bilan birgalikda:
(a) pensiya taʼminotiga oid aholiga yaratilgan qulayliklarni ommaviy axborot vositalarida, shu jumladan, internet va ijtimoiy tarmoqlarda keng yoritib borsin;
(b) soha mutaxassislarining fikrlari, misollar va hayotiy voqealar asosida videomateriallar yaratish, mehnat faoliyatiga oid maʼlumotlarni raqamlashtirishning ahamiyati boʻyicha ijtimoiy videoroliklar tayyorlash va ularni muntazam namoyish etib borish choralarini koʻrsin.
V. Qaror ijrosini tashkil etish, taʼminlash va nazorat
11. Quyidagilar:
(a) Pensiya jamgʻarmasi tomonidan koʻrsatiladigan xizmatlarni toʻliq interaktiv va proaktiv shaklga oʻtkazishga erishish boʻyicha “yoʻl xaritasi” 1-ilovaga muvofiq;
(b) Boquvchisini yoʻqotganlik pensiyalarini proaktiv shaklda tayinlash sxemasi 2-ilovaga muvofiq tasdiqlansin.
12. Iqtisodiyot va moliya vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Ushbu qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov belgilansin.
14. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 28-sentabrdagi PQ-355-son qaroriga 1-ILOVA
Pensiya jamgʻarmasi tomonidan koʻrsatiladigan xizmatlarni toʻliq interaktiv va proaktiv shaklga oʻtkazishga erishish boʻyicha
T/r Chora-tadbirlar nomi Amalga oshirish shakli Bajarish muddati Ijro uchun masʼullar 1. Pensiya yoshiga bir yil qolgan fuqarolarning biometrik pasporti (identifikatsiya ID-karta) maʼlumotlarini Raqamli texnologiyalar vazirligiga va Pensiya jamgʻarmasining “Pensiya” dasturiy majmuasi hamda Kambagʻallikni qisqartirish va bandlik vazirligining “Yagona milliy mehnat tizimi” idoralararo dasturiy-apparat kompleksiga (keyingi oʻrinlarda — YAMMT IDAK) elektron shaklda yuborish tizimini joriy etish. Texnik yoʻriqnoma 2026-yil 1-dekabr Ichki ishlar vazirligi , Raqamli texnologiyalar vazirligi, Kambagʻallikni qisqartirish va bandlik vazirligi , Pensiya jamgʻarmasi 2. Hisoblangan ijtimoiy soliq (soliq kodi — 36), imtiyozli shartlarda tayinlangan pensiyalar (soliq kodi — 40), shuningdek, xodimlarning mehnat vazifalarini bajarish bilan bogʻliq holda mehnatda mayib boʻlish va kasb kasalligi oqibatida tayinlangan pensiyalar (soliq kodi — 42) hamda muddatidan oldin tayinlangan pensiyalar (soliq kodi — 41) uchun toʻlashga sarflangan xarajatlarni qoplash boʻyicha korxona va tashkilotlarning qarzdorligi toʻgʻrisidagi elektron maʼlumotlarni Pensiya jamgʻarmasiga yuborish tizimini joriy etish. Texnik yoʻriqnoma 2027-yil 1-fevral Soliq qoʻmitasi, Pensiya jamgʻarmasi 3. Pensiya jamgʻarmasi va Oliy sudning axborot tizimlari oʻrtasida toʻgʻridan-toʻgʻri elektron maʼlumotlar almashinuvini yoʻlga qoʻyish. Korxona va tashkilotlarning Pensiya jamgʻarmasi oldidagi imtiyozli pensiyalar, shuningdek, xodimlarning mehnat vazifalarini bajarish bilan bogʻliq holda mehnatda mayib boʻlish va kasb kasalligi oqibatida tayinlangan pensiyalarini toʻlashga sarflangan xarajatlar boʻyicha qarzdorligini hamda ortiqcha toʻlangan pensiya mablagʻlarini undirish boʻyicha sudlarga daʼvo arizalarini elektron shaklda yuborish tizimini joriy etish. Texnik yoʻriqnoma 2027-yil 1-mart Oliy sud, Pensiya jamgʻarmasi 4. Tuman (shahar) kambagʻallikni qisqartirish va bandlikka koʻmaklashish boʻlimlari tomonidan “YAMMT” IDAK orqali fuqarolarning 2005-yil 1-yanvardan avvalgi davr uchun ish haqi va ish staji maʼlumotlarini olish boʻyicha soʻrovlarni “Oʻzarxiv” agentligiga “Raqamli hukumat” tizimining idoralararo integratsiyalashuv platformasi orqali elektron shaklda yuborish tizimini joriy etish. Bunda elektron soʻrovga asosan “Oʻzarxiv” agentligi fuqarolarning 2005-yildan avvalgi davr uchun ish haqi va ish staji maʼlumotnomasini “YAMMT” IDAKga elektron shaklda taqdim etadi. Texnik yoʻriqnoma 2026-yil 1-dekabr Kambagʻallikni qisqartirish va bandlik vazirligi, Adliya vazirligi 5. Fuqarolarning tugatilgan korxona va tashkilotlardagi imtiyozli shartlarda pensiya olish huquqini beradigan maxsus ish stajlari davri toʻgʻrisida hamda ish oʻrinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan oʻtkazish natijalari toʻgʻrisidagi maʼlumotlar “YAMMT” IDAKga fuqarolarning murojaatlariga asosan tuman (shahar) kambagʻallikni qisqartirish va bandlikka koʻmaklashish boʻlimlari tomonidan kiritilishini yoʻlga qoʻyish. Texnik chora-tadbir lar 2026-yil 1-noyabr Kambagʻallikni qisqartirish va bandlik vazirligi 6. Oʻzbekiston Respublikasining respublika budjeti hisobidan pensiya tayinlovchi organlarning pensionerlari toʻgʻrisidagi maʼlumotlari yuritiladigan axborot tizimlarini yaratish. Pensiya yoshiga toʻlgan fuqaroga budjetdan tashqari Pensiya jamgʻarmasi yoki Oʻzbekiston Respublikasining respublika budjeti hisobidan pensiya tayinlovchi organlar tomonidan pensiya tayinlangani yoki tayinlanmaganini tasdiqlash (“ha” yoki “yoʻq”) boʻyicha veb-servis ishlab chiqish. Texnik yoʻriqnoma 2026-yil 1-dekabr Konstitutsiyaviy sud, Oliy sud, Sudyalar oliy kengashi, Elektron texnologiyalarini rivojlantirish markazi 7. Davlat mukofotlari bilan taqdirlangan shaxslar toʻgʻrisidagi maʼlumotlarni oʻz ichiga olgan axborot tizimini ishlab chiqish va Pensiya jamgʻarmasining “Pensiya” dasturiy majmuasi bilan oʻzaro elektron maʼlumot almashinuvini yoʻlga qoʻyish. Texnik yoʻriqnoma 2027-yil 1-aprel Raqamli texnologiyalar vazirligi, Oʻzbekiston Respublikasi Prezidenti huzuridagi Davlat mukofotlari va geraldika boʻyicha komissiya ishchi organi 8. Yuridik shaxslarga “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 12-moddasi “b” bandi va 14-moddasiga muvofiq tayinlangan pensiyalar, shuningdek, mehnat vazifalarini bajarish bilan bogʻliq holda mehnatda mayib boʻlish va kasb kasalligi oqibatida tayinlangan boquvchisini yoʻqotganlik hamda nogironlik pensiyalarini toʻlashga sarflangan xarajatlarni qoplash toʻgʻrisida regress talabnomalarini elektron yuborish tartibini joriy etish. Texnik chora-tadbir lar 2027-yil 1-fevral Soliq qoʻmitasi, Pensiya jamgʻarmasi 9. Jismoniy va yuridik shaxslarning Pensiya jamgʻarmasi oldidagi ijtimoiy soliq boʻyicha qarzdorligi vujudga kelishi xavfining (riski) oldini olish va bartaraf etish choralarini koʻrish. Amaliy chora-tadbirlar 2026-yil 1-dekabr Soliq qoʻmitasi 10. Sunʼiy intellekt yordamida “Pensiya-2” dasturiy majmuasida quyidagi mexanizmlarni joriy etish: fuqarolarning mavjud ish staji va ish haqi maʼlumotlari asosida kelgusida tayinlanishi kutilayotgan pensiya miqdori hamda pensiya miqdorini oshirish boʻyicha “Mening pensiyam” onlayn xizmati orqali turli ssenariylar va tavsiyalar taqdim etish; Pensiya jamgʻarmasi axborot tizimidagi maʼlumotlarning ishonchliligi va toʻgʻriligini tahlil qilish; tashqi axborot tizimlaridan olingan maʼlumotlarni solishtirish va ulardagi mantiqiy nomuvofiqliklarni aniqlash; pensiya miqdori, ish staji va ish haqiga oid keskin oʻzgarish holatlarini aniqlash va Pensiya jamgʻarmasi ichki audit xizmatining risk tahlilida avtomatik tarzda aks ettirish. Amaliy chora-tadbirlar 2027-yil dekabr Pensiya jamgʻarmasi, Raqamli texnologiyalar vazirligi
Oʻzbekiston Respublikasi Prezidentining 2026-yil 28-sentabrdagi PQ-355-son qaroriga 2-ILOVA
Boquvchisini yoʻqotganlik pensiyalarini proaktiv shaklda tayinlash
Bosqichlar Subyektlar Tadbirlar Bajarish muddatlari 1-bosqich Adliya vazirligi Vafot etgan shaxsning JSHSHIR maʼlumotlarini “Raqamli hukumat” tizimining idoralararo integratsiyalashuv platformasi orqali Iqtisodiyot va moliya vazirligi huzuridagi budjetdan tashqari Pensiya jamgʻarmasining “Pensiya” axborot tizimiga yuboradi. Oʻlim haqidagi dalolatnoma qayd etilgan vaqtda avtomatik tarzda 2-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi “Raqamli hukumat” tizimining idoralararo integratsiyalashuv platformasi orqali: 1. Vafot etgan shaxsning oila aʼzolari (yaqin qarindoshlari) toʻgʻrisidagi maʼlumotlarni olish uchun tegishliligi boʻyicha Adliya vazirligining “ FHD Yo ning yagona elektron arxivi ” maʼlumotlar bazasiga elektron soʻrov yuboradi. 2. Boquvchisini yoʻqotganlik pensiyasini rasmiylashtirish quyidagi tartibda amalga oshiriladi: (a) vafot etgan shaxsning turmush oʻrtogʻi tirik boʻlgan taqdirda, turmush oʻrtogʻi nomiga rasmiylashtiriladi; (b) vafot etgan shaxsning turmush oʻrtogʻi vafot etgan taqdirda, 18 yoshga toʻlgan farzandi nomiga rasmiylashtiriladi. 3 . Vafot etgan shaxs ning ish staji toʻgʻrisidagi maʼlumotlarni olish uchun Kambagʻallikni qisqartirish va bandlik vazirligining “ Yagona milliy mehnat tizimi ” idoralararo dasturiy-apparat kompleksiga , Soliq qoʻmitasi , Oliy taʼlim, fan va innovatsiyalar vazirligi va Mudofaa vazirligi axborot tizimiga elektron soʻrov yuboradi. 4 . Vafot etgan shaxs ning ish haqi toʻgʻrisidagi maʼlumotlarni olish uchun Soliq qoʻmitasi ning axborot tizimi, AT “ Xalq banki ” ning j amgʻarib boriladigan pensiya tizimiga hamda Kambagʻallikni qisqartirish va bandlik vazirligining “Yagona milliy mehnat tizimi” idoralararo dasturiy-apparat kompleksiga elektron soʻrov yuboradi. 5 . Boquvchisini yoʻqotganlik pensiyasi rasmiylashtiri lgan shaxsning yashash joyi toʻgʻrisidagi elektron maʼlumotlarni olish uchun Ichki ishlar vazirligi ning “Manzil” axborot tizimiga elektron soʻrov yuboradi. Maʼlumotlar kelib tushgandan soʻng avtomatik tarzda 3-bosqich Adliya vazirligi , Kambagʻallikni qisqartirish va bandlik vazirligi , Ichki ishlar vazirligi , Soliq qoʻmitasi , Mudofaa vazirligi, A T “Xalq banki” “Raqamli hukumat” tizimining idoralararo integratsiyalashuv platformasi orqali vafot etgan shaxsning oila aʼzolari (yaqin qarindoshlari) , ish staji, ish haqi, jamgʻarib boriladigan pensiya badali hamda b oquvchisini yoʻqotganlik pensiyasi rasmiylashtiri lgan shaxsning yashash joyi toʻgʻrisidagi elektron maʼlumotlarni tegishliligi boʻyicha Iqtisodiyot va moliya vazirligi huzuridagi budjetdan tashqari Pensiya jamgʻarmasining “Pensiya” axborot tizimiga yuboradi. Elektron soʻrov kelib tushgandan soʻng avtomatik tarzda 4-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi “Raqamli hukumat ” tizimi idoralararo i ntegratsion platformasi o rqali pensiya yoki nafaqa tayinlash vakolatiga ega organlarga vafot etgan boquvchining qaramogʻida boʻlgan mehnatga qobiliyatsiz oila aʼzolariga pensiya yoki nafaqa tayinlangan yoki tayinlanmagani toʻgʻrisidagi maʼlumotlarni olish uchun elektron soʻrov yuboradi. Maʼlumotlar kelib tushgandan soʻng avtomatik tarzda 5-bosqich Pensiya yoki nafaqa tayinlash vakolatiga ega organlar “Raqamli hukumat” tizimining idoralararo integratsiyalashuv platformasi orqali vafot etgan boquvchining qaramogʻida boʻlgan mehnatga qobiliyatsiz oila aʼzolari ga pensiya yoki nafaqa tayinlangan yoki tayinlanmagani toʻgʻrisidagi elektron maʼlumotlarni tegishliligi boʻyicha Iqtisodiyot va moliya vazirligi huzuridagi budjetdan tashqari Pensiya jamgʻarmasining “Pensiya” axborot tizimiga yuboradi. Elektron soʻrov kelib tushgandan soʻng avtomatik tarzda 6-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi 1. Vafot etgan boquvchining qaramogʻida boʻlgan mehnatga qobiliyatsiz oila aʼzolari ga p yen s iya yoki nafaqa tayinlangani toʻgʻrisida maʼlumotlar kelib tushganda , pensiya tayinlashni rad qilish toʻgʻrisida qaror qabul qiladi. 1 ish kunida 2 . Vafot etgan boquvchining qaramogʻida boʻlgan mehnatga qobiliyatsiz oila aʼzolariga pensiya yoki nafaqa tayinlanmagani toʻgʻrisida maʼlumotlar kelib tushganda , “ Pensiya ” axborot tizimidagi mavjud vafot etgan boquvchining ish staji, ish haqi, ustama olish huquqini beradigan elektron maʼlumotlar asosida dastlab mehnatga qobiliyatsiz oila aʼzolari ning pensiyaga boʻlgan huquqini aniqlaydi, pensiya miqdori ni hisoblaydi va pensiya tayinlaydi. 1 ish kunida Raqamli texnologiyalar vazirligi 3. Raqamli texnologiyalar vazirligi ning axborot tizimiga b oquvchisini yoʻqotganlik pensiyasi rasmiylashtiri lgan shaxsning JSHSHIR maʼlumotlari va pensiya tayinlangani yoki pensiya tayinlash rad etilgani toʻgʻrisidagi xabar matnini yuboradi. Qaror qabul qilingan vaqtda avtomatik tarzda 4. Axborot t izim i orqali: b oquvchisini yoʻqotganlik pensiyasi rasmiylashtiri lgan shaxsning JSHSHIR maʼlumotlari asosida uning mobil aloqa vositasiga pensiya tayinlangani yoki pensiya tayinlash rad etilgani toʻgʻrisida SMS - xabar noma yuboradi ; boquvchisini yoʻqotganlik pensiyasi rasmiylashtiri lgan shaxsning nomiga mobil telefon raqam i rasmiylashtirilmagan boʻlsa, bu haq i da Pensiya jamgʻarmasini xabardor qiladi. Maʼlumotlar kelib tushgandan soʻng avtomatik tarzda 7-bosqich Iqtisodiyot va moliya vazirligi huzuridagi budjetdan tashqari Pensiya jamgʻarmasi Boquvchisini yoʻqotganlik pensiyasi rasmiylashtiri lgan shaxsning nomiga mobil telefon raqami rasmiylashtirilmagan boʻlsa, pensiya tayinlangani yoki pensiya tayinlash rad etilgani toʻgʻrisida xabarni yetkazish uchun yashash joyi boʻyicha “Oʻzbekiston pochtasi” AJni elektron pochta joʻnatmalarining yagona milliy tizimi orqali xabardor qiladi. Maʼlumotlar kelib tushgandan soʻng avtomatik tarzda 8-bosqich “ Oʻzbekiston pochtasi ” AJ Pensiya tayinlangani yoki tayinlash rad etilgani toʻgʻrisidagi xabarnomani b oquvchisini yoʻqotganlik pensiyasi rasmiylashtiri lgan shaxsning yashash joyiga yetkazib beradi hamda xabarnoma yetkazilganligi haqidagi maʼlumotni Pensiya jamgʻarmasiga yuboradi. Maʼlumotlar kelib tushgandan soʻng 5 kun ichida
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 28-sentabr,
PQ-355-son
Президента Республики Узбекистан
Постановление
О дополнительных мерах по внедрению современных услуг по государственному пенсионному обеспечению
В целях обеспечения исполнения Указа Президента Республики Узбекистан от 26 июня 2025 года № УП-105 «О мерах по внедрению современных услуг Комитетом казначейской службы и Внебюджетным пенсионным фондом при Министерстве экономики и финансов», а также дальнейшего повышения качества оказываемых гражданам услуг путем цифровизации системы государственного пенсионного обеспечения постановляю:
I. Цели
1. Определить основными целями цифровизации оказываемых услуг по пенсионному обеспечению:
(а) обеспечение полного перевода оказываемых гражданам услуг в интерактивную и проактивную формы в срок до 1 января 2027 года;
(б) искоренение бюрократических препон путем широкого применения цифровых технологий в сфере.
II. Упрощение порядка назначения пенсий и внедрение новых услуг
2. Установить порядок, в соответствии с которым следующие услуги пенсионного обеспечения оказываются в проактивной форме без истребования от граждан отдельного обращения, при этом гражданам предоставляется право на отказ от пенсий, назначенных в проактивной форме:
(а) начиная с 1 ноября 2026 года назначение пенсии по возрасту на два года раньше общеустановленного возраста лицам, признанным безработными в связи с сокращением объема работы либо ликвидацией предприятия;
(б) начиная с 1 января 2027 года назначение пенсии по случаю потери кормильца.
3. Установить, что следующие услуги осуществляются по желанию граждан в интерактивной форме посредством центров государственных услуг либо Единого портала интерактивных государственных услуг Республики Узбекистан на основании их обращения:
(а) начиная с 1 ноября 2026 года — назначение пенсии на льготных условиях лицам, которые были заняты на работах с вредными и тяжелыми условиями труда, а также другим лицам, имеющим право на пенсию с сокращением общеустановленного возраста;
(б) начиная с 1 декабря 2026 года:
(i) обращение о переводе на другой вид пенсии в соответствии с Законом Республики Узбекистан «О государственном пенсионном обеспечении граждан». При этом если назначенная пенсия меньше размера получаемой гражданином пенсии, прежний вид пенсии остается без изменения;
(ii) обращение о перерасчете размера пенсии на основании дополнительных электронных сведений о трудовом стаже и заработной плате гражданина, представленных архивом или организациями;
(в) начиная с 1 января 2027 года:
(i) перевод выплаты пенсии в форму наличных денежных средств и возобновление приостановленной выплаты пенсии;
(ii) получение сведений об удержании из суммы пенсии на основании судебных решений, определений, постановлений и приговоров, исполнительного документа и других решений, а также о начисленной пенсии и об уплате социального налога в добровольном порядке;
(iii) постановка на учет пенсионного дела в связи с изменением места жительства;
(г) начиная с 1 января 2027 года в рамках онлайн-услуги «Моя пенсия» создается возможность:
(i) получения учитываемых при исчислении пенсии в качестве стажа работы сведений о периоде трудовой деятельности, учебы в высших образовательных организациях по очной форме (диплом) и военной службы;
(ii) определения размера назначаемой пенсии и направления запросов в электронной форме в государственные архивные организации для получения сведений о заработной плате и стаже работы;
(iii) заблаговременного оповещения граждан, которым остался один год до достижения пенсионного возраста.
4. С 1 января 2027 года отменяется практика приема Пенсионным фондом документов и сведений в бумажной форме от граждан.
III. Организация работы в пенсионной системе на основе нового подхода
5. Определить, что:
(а) начиная с 1 октября 2026 года при уплате лицами, осуществлявших деятельность на основании договора гражданского-правового характера, социального налога в размере, установленном для самозанятых лиц, один год стажа работы им исчисляется автоматически;
(б) начиная с 1 января 2027 года лицам, имеющим официальный доход, предоставляется право на ежемесячную уплату социального налога в размере 12 процентов минимального размера оплаты труда в добровольном порядке для накопления стажа работы их неработающими членами семьи.
6. Министерству экономики и финансов внедрить:
(а) начиная с 1 января 2027 года порядок учета стажа работы и заработной платы в период получения пенсии по инвалидности III группы при перерасчете гражданам пенсии по инвалидности I и II группы;
(б) начиная с 1 февраля 2027 года совместно с Налоговым комитетом систему, предоставляющую возможность ежемесячного перечисления Пенсионному фонду денежных средств для покрытия расходов на выплату льготных пенсий.
7. Министерству занятости и сокращения бедности в срок до 1 ноября 2026 года создать возможность формирования и ведения работодателями на Межведомственном аппаратно-программном комплексе «Единая национальная система труда» сведений о периоде специального стажа работы, дающего гражданам право на получение пенсии на льготных условиях, а также результатах аттестации рабочих мест по условиям труда и степени травмоопасности оборудования.
8. Агентству «Узархив» в срок до 1 апреля 2027 года принять не сданные в архивные организации бухгалтерские и другие документы ликвидированных предприятий и организаций (книги начисления заработной платы, приказы о приеме на работу и освобождении от занимаемой должности), в порядке исключения на безвозмездной основе.
9. Центральному банку внедрить:
(а) начиная с 1 ноября 2026 года — порядок оказания услуг, связанных с открытием банковской карты пенсионерам, путем биометрической идентификации (Face-ID) граждан;
(б) начиная с 1 апреля 2027 года совместно со всеми коммерческими банками — систему финансирования на едином счету коммерческого банка и зачисления средств для пенсионных и прочих выплат на банковскую карту либо открытый на мобильном приложении коммерческого банка пенсионный электронный кошелек пенсионеров.
IV. Повышение пенсионной грамотности населения
10. Министерству экономики и финансов совместно с Национальной телерадиокомпанией Узбекистана, Национальным информационным агентством Узбекистана, а также Центром подготовки контента для средств массовой информации:
(а) широко освещать созданные для населения удобства по пенсионному обеспечению в средствах массовой информации, в том числе сети Интернет и социальных сетях;
(б) принять меры по созданию видеоматериалов на основе мнений специалистов сферы, примеров и случаев из жизни, подготовке социальных видеороликов о значении оцифровки сведений по трудовой деятельности, а также их регулярному показу.
V. Организация, обеспечение и контроль исполнения постановления
11. Утвердить:
(а) «Дорожную карту» по достижению полного перевода оказываемых Пенсионным фондом услуг в интерактивную и проактивную формы согласно приложению № 1 * ;
(б) Схему назначения пенсии по случаю потери кормильца в проактивной форме согласно приложению № 2 * .
12. Министерству экономики и финансов совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
14. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
28 сентября 2026 г.,
№ ПП-355