📅 2026-yil 15-sentabr · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 15 сентябрь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 15 сентября 2026 г. · Документы Центрального банка
Официальный текст. Официальный документ. Редакционные примечания не включены.
📅 15 September 2026 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқарувининг
Қарори
НАМУНАВИЙ ШАКЛИ
Ўзбекистон Республикаси Марказий банки бошқаруви томонидан қабул қилинган айрим идоравий норматив-ҳуқуқий ҳужжатларга қўшимчалар киритиш ҳақида
Ўзбекистон Республикасининг «Ўзбекистон Республикасининг Марказий банки тўғрисида»ги Қонуни ва Ўзбекистон Республикаси Президентининг 2026 йил 15 июлдаги ПҚ-265-сон «Аҳолига кўрсатилаётган давлат хизматларини такомиллаштириш ҳамда фуқаролар учун қўшимча қулайликлар яратиш чора-тадбирлари тўғрисида»ги қарорига мувофиқ Ўзбекистон Республикаси Марказий банки бошқаруви қарор қилади:
1. Ўзбекистон Республикаси Марказий банки бошқаруви томонидан қабул қилинган айрим идоравий норматив-ҳуқуқий ҳужжатларга иловага мувофиқ қўшимчалар киритилсин.
2. Мазкур қарор расмий эълон қилинган кундан эътиборан бир ойдан кейин кучга киради.
Ўзбекистон Республикаси Марказий банки бошқарувининг 2026 йил 15 сентябрдаги 24/18-сон қарорига ИЛОВА
Ўзбекистон Республикаси Марказий банки бошқаруви томонидан қабул қилинган айрим идоравий норматив-ҳуқуқий ҳужжатларга киритилаётган қўшимчалар
1. Ўзбекистон Республикаси Марказий банки бошқарувининг 2018 йил 28 апрелдаги 16/18-сон қарори (рўйхат рақами 3030, 2018 йил 2 июль) (Қонун ҳужжатлари маълумотлари миллий базаси, 03.07.2018 й., 10/18/3030/1440-сон) билан тасдиқланган Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низомда :
1) қуйидаги мазмундаги 20 1 -банд билан тўлдирилсин:
«20 1 . Банк ўз кредит рекламасида кредит бўйича мажбуриятларни бажармаслик истеъмолчи учун молиявий хатарларга олиб келиши мумкинлиги ҳақидаги огоҳлантиришни жойлаштириши шарт.
Бунда огоҳлантириш босма ва электрон тасвирли рекламада реклама майдонининг, аудио ва видеорекламада эса реклама давомийлигининг камида ўн фоизини ташкил этиши лозим.»;
2) 36 6 -банд қуйидаги мазмундаги иккинчи хатбоши билан тўлдирилсин:
«кредит шартномасининг биринчи саҳифасида, шартнома матни бошланишидан олдин, ушбу саҳифа асосий юзасининг камида 30 фоизини эгаллайдиган тарзда мазкур Низомнинг 1б-иловасига мувофиқ намунавий шаклдаги огоҳлантириш ахборотини жойлаштириши;»;
иккинчи — тўртинчи хатбошилар тегишли равишда учинчи — бешинчи хатбошилар деб ҳисоблансин;
3) мазкур қўшимчаларнинг иловасига мувофиқ таҳрирдаги 1б-илова билан тўлдирилсин.
2. Ўзбекистон Республикаси Марказий банки бошқарувининг 2023 йил 22 ноябрдаги 36/9-сон қарори (рўйхат рақами 3492, 2024 йил 23 январь) (Қонунчилик маълумотлари миллий базаси, 25.01.2024 й., 10/24/3492/0067-сон) билан тасдиқланган Банклар, нобанк кредит ташкилотлари ва кредит бюроларига нисбатан чоралар ва санкциялар қўллаш тартиби тўғрисидаги низомнинг 33-бандида :
қуйидаги мазмундаги ўн олтинчи хатбоши билан тўлдирилсин:
«банк томонидан таклиф этилаётган кредит маҳсулоти истеъмолчини чалғитувчи деб топилганда;»;
ўн олтинчи — ўн саккизинчи хатбошилар тегишли равишда ўн еттинчи — ўн тўққизинчи хатбошилар деб ҳисоблансин.
Ўзбекистон Республикаси Марказий банки бошқаруви томонидан қабул қилинган айрим идоравий норматив-ҳуқуқий ҳужжатларга киритилаётган қўшимчаларга ИЛОВА
«Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисидаги низомга 1б-ИЛОВА
Кредит шартномасида жойлаштириладиган огоҳлантиришга доир ахборотнинг
ОГОҲЛАНТИРИШ! Кредит бўйича мажбуриятларни ўз вақтида бажармаслик: – умумий қарздорлик миқдорининг ошишига; – қарзни ундириш бўйича мажбурий ижро чораларининг кўрилишига; – кредит бўйича юзага келган қарздорликни қоплаш учун номингиздаги мол-мулкка ундирув қаратилишига, агарда мол-мулк сотилгандан тушган маблағ қарзни тўлиқ қоплашга етмаса, қолган қарздорлик зиммангизда сақланиб қолишига ; – ундирув учинчи шахс томонидан гаровга қўйилган мол-мулкка қаратилишига ёки қарздорликни қоплаш мажбуриятининг кафил зиммасига юклатилишига; – кафил ёки гаровга қўювчи томонидан қопланган қарздорлик суммасининг кейинчалик сиздан ундирилишига; – ҳисобварақларингиздаги маблағлар хатланишига; – суднинг ёки давлат ижрочисининг қарори билан Ўзбекистон Республикасидан чиқиш ҳуқуқингиз вақтинча чекланишига; – кредит тарихингизга салбий таъсир кўрсатиб, келажакда кредит олиш имкониятингизни чекланишига олиб келиши мумкин.
Раис Т. ИШМЕТОВ
Тошкент ш.,
2026 йил 15 сентябрь,
24/18-сон
Oʻzbekiston Respublikasi Markaziy banki boshqaruvining
Qarori
NAMUNAVIY SHAKLI
Oʻzbekiston Respublikasi Markaziy banki boshqaruvi tomonidan qabul qilingan ayrim idoraviy normativ-huquqiy hujjatlarga qoʻshimchalar kiritish haqida
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni va Oʻzbekiston Respublikasi Prezidentining 2026-yil 15-iyuldagi PQ-265-son “Aholiga koʻrsatilayotgan davlat xizmatlarini takomillashtirish hamda fuqarolar uchun qoʻshimcha qulayliklar yaratish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki boshqaruvi qaror qiladi:
1. Oʻzbekiston Respublikasi Markaziy banki boshqaruvi tomonidan qabul qilingan ayrim idoraviy normativ-huquqiy hujjatlarga ilovaga muvofiq qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran bir oydan keyin kuchga kiradi.
Oʻzbekiston Respublikasi Markaziy banki boshqaruvining 2026-yil 15-sentabrdagi 24/18-son qaroriga ILOVA
Oʻzbekiston Respublikasi Markaziy banki boshqaruvi tomonidan qabul qilingan ayrim idoraviy normativ-huquqiy hujjatlarga kiritilayotgan qoʻshimchalar
1. Oʻzbekiston Respublikasi Markaziy banki boshqaruvining 2018-yil 28-apreldagi 16/18-son qarori (roʻyxat raqami 3030, 2018-yil 2-iyul) (Qonun hujjatlari maʼlumotlari milliy bazasi, 03.07.2018-y., 10/18/3030/1440-son) bilan tasdiqlangan Bank xizmatlari isteʼmolchilari bilan oʻzaro munosabatlarni amalga oshirishda tijorat banklarining faoliyatiga qoʻyiladigan minimal talablar toʻgʻrisidagi nizomda :
1) quyidagi mazmundagi 20 1 -band bilan toʻldirilsin:
“20 1 . Bank oʻz kredit reklamasida kredit boʻyicha majburiyatlarni bajarmaslik isteʼmolchi uchun moliyaviy xatarlarga olib kelishi mumkinligi haqidagi ogohlantirishni joylashtirishi shart.
Bunda ogohlantirish bosma va elektron tasvirli reklamada reklama maydonining, audio va videoreklamada esa reklama davomiyligining kamida oʻn foizini tashkil etishi lozim.”;
2) 36 6 -band quyidagi mazmundagi ikkinchi xatboshi bilan toʻldirilsin:
“kredit shartnomasining birinchi sahifasida, shartnoma matni boshlanishidan oldin, ushbu sahifa asosiy yuzasining kamida 30 foizini egallaydigan tarzda mazkur Nizomning 1b-ilovasiga muvofiq namunaviy shakldagi ogohlantirish axborotini joylashtirishi;”;
ikkinchi — toʻrtinchi xatboshilar tegishli ravishda uchinchi — beshinchi xatboshilar deb hisoblansin;
3) mazkur qoʻshimchalarning ilovasiga muvofiq tahrirdagi 1b-ilova bilan toʻldirilsin.
2. Oʻzbekiston Respublikasi Markaziy banki boshqaruvining 2023-yil 22-noyabrdagi 36/9-son qarori (roʻyxat raqami 3492, 2024-yil 23-yanvar) (Qonunchilik maʼlumotlari milliy bazasi, 25.01.2024-y., 10/24/3492/0067-son) bilan tasdiqlangan Banklar, nobank kredit tashkilotlari va kredit byurolariga nisbatan choralar va sanksiyalar qoʻllash tartibi toʻgʻrisidagi nizomning 33-bandida :
quyidagi mazmundagi oʻn oltinchi xatboshi bilan toʻldirilsin:
“bank tomonidan taklif etilayotgan kredit mahsuloti isteʼmolchini chalgʻituvchi deb topilganda;”;
oʻn oltinchi — oʻn sakkizinchi xatboshilar tegishli ravishda oʻn yettinchi — oʻn toʻqqizinchi xatboshilar deb hisoblansin.
Oʻzbekiston Respublikasi Markaziy banki boshqaruvi tomonidan qabul qilingan ayrim idoraviy normativ-huquqiy hujjatlarga kiritilayotgan qoʻshimchalarga ILOVA
“Bank xizmatlari isteʼmolchilari bilan oʻzaro munosabatlarni amalga oshirishda tijorat banklarining faoliyatiga qoʻyiladigan minimal talablar toʻgʻrisidagi nizomga 1b-ILOVA
Kredit shartnomasida joylashtiriladigan ogohlantirishga doir axborotning
OGOHLANTIRISH! Kredit boʻyicha majburiyatlarni oʻz vaqtida bajarmaslik: – umumiy qarzdorlik miqdorining oshishiga; – qarzni undirish boʻyicha majburiy ijro choralarining koʻrilishiga; – kredit boʻyicha yuzaga kelgan qarzdorlikni qoplash uchun nomingizdagi mol-mulkka undiruv qaratilishiga, agarda mol-mulk sotilgandan tushgan mablagʻ qarzni toʻliq qoplashga yetmasa, qolgan qarzdorlik zimmangizda saqlanib qolishiga ; – undiruv uchinchi shaxs tomonidan garovga qoʻyilgan mol-mulkka qaratilishiga yoki qarzdorlikni qoplash majburiyatining kafil zimmasiga yuklatilishiga; – kafil yoki garovga qoʻyuvchi tomonidan qoplangan qarzdorlik summasining keyinchalik sizdan undirilishiga; – hisobvaraqlaringizdagi mablagʻlar xatlanishiga; – sudning yoki davlat ijrochisining qarori bilan Oʻzbekiston Respublikasidan chiqish huquqingiz vaqtincha cheklanishiga; – kredit tarixingizga salbiy taʼsir koʻrsatib, kelajakda kredit olish imkoniyatingizni cheklanishiga olib kelishi mumkin.
Rais T. ISHMETOV
Toshkent sh.,
2026 yil 15 sentabr,
24/18-son