📅 2026-yil 2-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 2 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 октября 2026 г. · Постановления Президента
Официальный текст. Официальный документ. Редакционные примечания не включены.
📅 2 October 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
Айрим давлат олий таълим муассасаларининг бошқарув тизимини янада такомиллаштириш чора-тадбирлари тўғрисида
Олий таълим соҳасида ягона давлат сиёсатини таъминлаш, бошқарувни самарали ташкил этиш, «Янги Ўзбекистон» университети ҳамда педагогика йўналишидаги олий таълим муассасаларининг инновацион ва илмий-тадқиқот салоҳиятидан тўлақонли фойдаланиш ҳамда уларнинг рақобатбардошлигини ошириш мақсадида қарор қиламан:
1. Қуйидагилар:
(а) Мактабгача ва мактаб таълими вазирлиги ҳамда Ихтисослаштирилган таълим муассасалари агентлиги тизимидаги олий таълим муассасалари иловага мувофиқ Олий таълим, фан ва инновациялар вазирлиги тизимига ўтказилсин;
(б) Мактабгача ва мактаб таълими вазирлиги марказий аппарати тузилмасида вазирнинг педагогик таълимни ривожлантириш масалалари бўйича ўринбосари — Низомий номидаги Ўзбекистон миллий педагогика университети ректори лавозими тугатилсин;
(в) Ўзбекистон миллий педагогика университети Низомий Ганжавий номидаги Ўзбекистон миллий педагогика университети деб қайта номлансин.
2. Мактабгача ва мактаб таълими вазирлигининг педагог кадрлар тайёрлаш соҳасидаги қуйидаги вазифалари Олий таълим, фан ва инновациялар вазирлигига юклансин:
(а) ягона концептуал ёндашув асосида олий маълумотли педагог кадрлар тайёрлаш сиёсатини юритиш;
(б) педагогик таълим соҳасини ривожлантиришнинг асосий йўналишларини белгилаш;
(в) педагогик таълимнинг узвийлиги ва узлуксизлигини, таълим-тарбия жараёнига илғор педагогик ва ахборот технологиялари жорий этилишини таъминлаш;
(г) педагогика соҳасида илмий-тадқиқот ва инновацион фаолиятни ривожлантириш;
(д) педагогика соҳасида кадрлар тайёрлайдиган олий таълим муассасаларининг бошқарув тизимини такомиллаштириб бориш.
3. Мактабгача ва мактаб таълими вазирлиги Олий таълим, фан ва инновациялар вазирлиги билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.
4. Иқтисодиёт ва молия вазирлиги Олий таълим, фан ва инновациялар вазирлиги ҳамда Мактабгача ва мактаб таълими вазирлиги билан биргаликда бир ой муддатда 2026 йил учун Ўзбекистон Республикасининг республика бюджети параметрлари доирасида Мактабгача ва мактаб таълими вазирлиги ҳамда Олий таълим, фан ва инновациялар вазирлигига биринчи даражали бюджет маблағларини тақсимловчилар сифатида ажратилган бюджет маблағларини ушбу қарор талабларидан келиб чиққан ҳолда қайта тақсимлаш ва бюджет параметрларига тегишли ўзгартиришлар киритиш чораларини кўрсин.
5. Ушбу қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 2 октябрдаги ПҚ-358-сон қарорига ИЛОВА
Мактабгача ва мактаб таълими вазирлиги ҳамда Ихтисослаштирилган таълим муассасалари агентлиги тизимидан Олий таълим, фан ва инновациялар вазирлиги тизимига ўтказиладиган олий таълим муассасалари
Т/р Олий таълим муассасаси номи Мактабгача ва мактаб таълими вазирлиги тизимидан ўтказиладиган олий таълим муассасалари 1. Андижон давлат педагогика институти 2. Бухоро давлат педагогика институти 3. Гулистон давлат педагогика институти 4. Жиззах давлат педагогика университети 5. Каттақўрғон давлат педагогика институти 6. Наманган давлат педагогика институти 7. Низомий Ганжавий номидаги Ўзбекистон миллий педагогика университети 8. Нукус давлат педагогика институти 9. Самарқанд давлат педагогика институти 10. Термиз давлат педагогика институти 11. Тошкент шаҳридаги Пучон университети 12. Урганч давлат педагогика институти 13. Чирчиқ давлат педагогика университети 14. Шаҳрисабз давлат педагогика институти Ихтисослаштирилган таълим муассасалари агентлиги тизимидан ўтказиладиган олий таълим муассасалари 15. «Янги Ўзбекистон» университети 16. Ал-Хоразмий университети 17. Исҳоқхон Ибрат номидаги Наманган давлат чет тиллари институти
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 2 октябрь,
ПҚ- 358 -сон
Oʻzbekiston Respublikasi Prezidentining
qarori
ROʻYXATI
Ayrim davlat oliy taʼlim muassasalarining boshqaruv tizimini yanada takomillashtirish chora-tadbirlari toʻgʻrisida
Oliy taʼlim sohasida yagona davlat siyosatini taʼminlash, boshqaruvni samarali tashkil etish, “Yangi Oʻzbekiston” universiteti hamda pedagogika yoʻnalishidagi oliy taʼlim muassasalarining innovatsion va ilmiy-tadqiqot salohiyatidan toʻlaqonli foydalanish hamda ularning raqobatbardoshligini oshirish maqsadida qaror qilaman:
1. Quyidagilar:
(a) Maktabgacha va maktab taʼlimi vazirligi hamda Ixtisoslashtirilgan taʼlim muassasalari agentligi tizimidagi oliy taʼlim muassasalari ilovaga muvofiq Oliy taʼlim, fan va innovatsiyalar vazirligi tizimiga oʻtkazilsin;
(b) Maktabgacha va maktab taʼlimi vazirligi markaziy apparati tuzilmasida vazirning pedagogik taʼlimni rivojlantirish masalalari boʻyicha oʻrinbosari — Nizomiy nomidagi Oʻzbekiston milliy pedagogika universiteti rektori lavozimi tugatilsin;
(v) Oʻzbekiston milliy pedagogika universiteti Nizomiy Ganjaviy nomidagi Oʻzbekiston milliy pedagogika universiteti deb qayta nomlansin.
2. Maktabgacha va maktab taʼlimi vazirligining pedagog kadrlar tayyorlash sohasidagi quyidagi vazifalari Oliy taʼlim, fan va innovatsiyalar vazirligiga yuklansin:
(a) yagona konseptual yondashuv asosida oliy maʼlumotli pedagog kadrlar tayyorlash siyosatini yuritish;
(b) pedagogik taʼlim sohasini rivojlantirishning asosiy yoʻnalishlarini belgilash;
(v) pedagogik taʼlimning uzviyligi va uzluksizligini, taʼlim-tarbiya jarayoniga ilgʻor pedagogik va axborot texnologiyalari joriy etilishini taʼminlash;
(g) pedagogika sohasida ilmiy-tadqiqot va innovatsion faoliyatni rivojlantirish;
(d) pedagogika sohasida kadrlar tayyorlaydigan oliy taʼlim muassasalarining boshqaruv tizimini takomillashtirib borish.
3. Maktabgacha va maktab taʼlimi vazirligi Oliy taʼlim, fan va innovatsiyalar vazirligi bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.
4. Iqtisodiyot va moliya vazirligi Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi bilan birgalikda bir oy muddatda 2026-yil uchun Oʻzbekiston Respublikasining respublika budjeti parametrlari doirasida Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligiga birinchi darajali budjet mablagʻlarini taqsimlovchilar sifatida ajratilgan budjet mablagʻlarini ushbu qaror talablaridan kelib chiqqan holda qayta taqsimlash va budjet parametrlariga tegishli oʻzgartirishlar kiritish choralarini koʻrsin.
5. Ushbu qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 2-oktabrdagi PQ-358-son qaroriga ILOVA
Maktabgacha va maktab taʼlimi vazirligi hamda Ixtisoslashtirilgan taʼlim muassasalari agentligi tizimidan Oliy taʼlim, fan va innovatsiyalar vazirligi tizimiga oʻtkaziladigan oliy taʼlim muassasalari
T/r Oliy taʼlim muassasasi nomi Maktabgacha va maktab taʼlimi vazirligi tizimidan oʻtkaziladigan oliy taʼlim muassasalari 1. Andijon davlat pedagogika instituti 2. Buxoro davlat pedagogika instituti 3. Guliston davlat pedagogika instituti 4. Jizzax davlat pedagogika universiteti 5. Kattaqoʻrgʻon davlat pedagogika instituti 6. Namangan davlat pedagogika instituti 7. Nizomiy Ganjaviy nomidagi Oʻzbekiston milliy pedagogika universiteti 8. Nukus davlat pedagogika instituti 9. Samarqand davlat pedagogika instituti 10. Termiz davlat pedagogika instituti 11. Toshkent shahridagi Puchon universiteti 12. Urganch davlat pedagogika instituti 13. Chirchiq davlat pedagogika universiteti 14. Shahrisabz davlat pedagogika instituti Ixtisoslashtirilgan taʼlim muassasalari agentligi tizimidan oʻtkaziladigan oliy taʼlim muassasalari 15. “Yangi Oʻzbekiston” universiteti 16. Al-Xorazmiy universiteti 17. Isʼhoqxon Ibrat nomidagi Namangan davlat chet tillari instituti
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 2-oktabr,
PQ- 358 -son
Президента Республики Узбекистан
Постановление
О мерах по дальнейшему совершенствованию системы управления некоторых государственных высших образовательных учреждений
В целях обеспечения единой государственной политики в сфере высшего образования, эффективной организации управления, полноценного использования инновационного и научно-исследовательского потенциала Университета «Новый Узбекистан» и высших образовательных учреждений педагогического направления, а также повышения их конкурентоспособности постановляю:
1. Нижеследующие:
(а) перевести высшие образовательные учреждения в системе Министерства дошкольного и школьного образования и Агентства специализированных образовательных учреждений в систему Министерства высшего образования, науки и инноваций согласно приложению * ;
(б) упразднить в структуре центрального аппарата Министерства дошкольного и школьного образования должность заместителя министра по вопросам развития педагогического образования — ректора Узбекского национального педагогического университета имени Низами;
(в) переименовать Узбекский национальный педагогический университет в Национальный педагогический университет Узбекистана имени Низами Ганжави.
2. Возложить на Министерство высшего образования, науки и инноваций следующие задачи Министерства дошкольного и школьного образования в области подготовки педагогических кадров:
(а) ведение политики подготовки педагогических кадров с высшим образованием на основе единого концептуального подхода;
(б) определение основных направлений развития сферы педагогического образования;
(в) обеспечение преемственности и непрерывности педагогического образования, внедрения передовых педагогических и информационных технологий в образовательно-воспитательный процесс;
(г) развитие научно-исследовательской и инновационной деятельности в сфере педагогики;
(д) совершенствование системы управления высших образовательных учреждений по подготовке кадров в сфере педагогики.
3. Министерству дошкольного и школьного образования совместно с Министерством высшего образования, науки и инноваций в трехмесячный срок внести в Кабинет Министров предложение об изменениях и дополнениях в акты законодательства, вытекающих из настоящего постановления.
4. Министерству экономики и финансов совместно с Министерством высшего образования, науки и инноваций, Министерством дошкольного и школьного образования в месячный срок принять меры по перераспределению бюджетных средств, выделенных Министерству дошкольного и школьного образования и Министерству высшего образования, науки и инноваций на 2026 год в качестве распределителей бюджетных средств первого уровня в рамках параметров республиканского бюджета Республики Узбекистан, а также внесению соответствующих изменений в бюджетные параметры исходя из требований настоящего постановления.
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
2 октября 2026 г.,
№ ПП- 358