📅 2026-yil 2-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 2 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 октября 2026 г. · Постановления Президента
Официальный текст. Официальный документ. Редакционные примечания не включены.
📅 2 October 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
РЎЙХАТИ
РЎЙХАТИ
«ЙЎЛ ХАРИТАСИ»
Ўзбекистонда Хитой Халқ Республикасининг Ляонинг педагогика университети филиалини ташкил этиш тўғрисида
Хорижий дастурлар асосида иқтисодиёт тармоқлари учун рақобатбардош кадрлар тайёрлаш, таълим сифатини ошириш, соҳага илғор таълим технологияларини жорий қилиш, замонавий билим ва педагогик технологияларни қўллаш кўникмаларига эга бўлган юқори малакали мутахассислар тайёрлаш мақсадида қарор қиламан:
I. Асосий мақсад
1. Белгилансинки, ушбу қарорнинг асосий мақсади Хитой Халқ Республикаси тажрибаси асосида иқтисодиёт тармоқлари ҳамда ижтимоий соҳа учун малакали кадрлар тайёрлаш, қўшма илмий тадқиқот лойиҳаларини амалга ошириш ҳамда профессор-ўқитувчилар ва соҳа мутахассислари салоҳиятини ривожлантириб бориш тизимини йўлга қўйиш ҳисобланади.
II. Ляонинг педагогика университетининг Ўзбекистондаги филиалини ташкил этиш
2. Олий таълим, фан ва инновациялар вазирлиги, Хоразм вилояти ҳокимлиги ҳамда Хитой Халқ Республикаси Ляонинг педагогика университетининг (кейинги ўринларда — Университет) қуйидаги таклифларига розилик берилсин:
(а) Хоразм вилоятида Ляонинг педагогика университетининг Ўзбекистондаги филиалини (кейинги ўринларда — Филиал) ташкил этиш;
(б) Ляонинг педагогика университетининг Ўзбекистондаги филиали кузатув кенгаши таркибини 1-иловага мувофиқ тасдиқлаш.
3. Олий таълим, фан ва инновациялар вазирлиги, Урганч давлат университети ҳамда Университет ўртасида Филиални ташкил этиш юзасидан қуйидагиларни назарда тутувчи битим имзолангани маълумот учун қабул қилинсин:
(а) Филиалда таълим жараёнини Ўзбекистон Республикасининг давлат таълим стандартлари ва малака талабларини ҳисобга олган ҳолда Университетнинг ўқув режалари ва таълим стандартлари асосида ташкил этиш;
(б) Кузатув кенгаши Филиалнинг олий бошқарув органи ҳисобланиши ҳамда унинг вазифалари ва фаолиятини ташкил этиш тартиби Филиал уставида белгиланиши;
(в) академик фаолиятни ташкил этиш, таълим сифатини таъминлаш ва мувофиқлаштириш учун масъул Филиал директори Олий таълим, фан ва инновациялар вазирлиги тавсиясига асосан Кузатув кенгаши томонидан лавозимга тайинланиши;
(г) Филиалнинг қабул параметрлари, тўлов-контракт суммаси, ўқишга қабул қилиш ва битирувчиларни аттестациядан ўтказиш тартиби Кузатув кенгаши томонидан белгиланиши;
(д) Университет томонидан Филиалнинг таълим сифати ва академик нуфузини ошириш ҳамда ўқув дастурлари ва малакали кадрлар билан таъминлаш.
4. Белгилаб қўйилсинки:
(а) Филиал Олий таълим, фан ва инновациялар вазирлиги, Урганч давлат университети ва Университет муассислигидаги олий таълим ташкилоти — юридик шахс мақомига эга бўлган Ўзбекистон Республикаси резиденти ҳисобланади;
(б) Филиал академик мустақил олий таълим ташкилоти ҳисобланади;
(в) Филиалда таълим жараёни 2026/2027 ўқув йилидан бошланади ҳамда кундузги ва муқобил таълим шаклларида ўзбек, хитой ёки инглиз тилларида олиб борилади;
(г) молиявий-хўжалик, ташкилий ва маъмурий фаолиятини ташкил этиш ва мувофиқлаштириш учун масъул бўлган Филиал ижрочи директори Олий таълим, фан ва инновациялар вазирлиги томонидан лавозимга тайинланади;
(д) Филиалда таълим жараёни давлат гранти ва тўлов-контракт асосида амалга оширилади. Бунда:
(i) 2030/2031 ўқув йилига қадар ўқишга қабул қилинган талабалар ўқишнинг бутун даври давомида тўлиқ давлат гранти асосида ўқитилади;
(ii) 2030/2031 ўқув йилидан бошлаб белгиланган тартибда тасдиқланадиган йиллик қабул параметрларининг 30 фоизи давлат гранти асосида шакллантирилади;
(ж) Филиал битирувчиларига олий маълумот тўғрисидаги ҳужжат сифатида тан олинадиган Филиал ва (ёки) Университет дипломи берилади;
(з) Филиал талабаларининг амалиётлари ўқув режаларига мувофиқ ҳудуддаги ишлаб чиқариш ва хизмат кўрсатиш корхона (ташкилот)ларида, жумладан, дуал таълим асосида йўлга қўйилади.
5. Хоразм вилояти ҳокимлиги Мактабгача ва мактаб таълими вазирлиги, Олий таълим, фан ва инновациялар вазирлиги билан биргаликда Филиал ҳамда корхона ва ташкилотлар ўртасида ўзаро ҳамкорлик шартномалари имзоланиши ҳамда талабалар амалиётининг дуал таълим асосида ташкил этилишини таъминласин.
6. Ляонинг педагогика университетининг Ўзбекистондаги филиалига академик ҳамкор сифатида маҳаллий олий таълим ташкилотлари 2-иловага мувофиқ бириктирилсин.
7. Академик ҳамкор олий таълим ташкилотлари:
(а) Филиални юқори малакали педагог кадрлар ҳамда ўқув адабиётлари билан таъминлашга кўмаклашсин;
(б) Филиал дастурлари асосида 2027/2028 ўқув йили учун ўзининг тегишли бакалавриат таълим йўналишлари фан дастурларини такомиллаштирсин;
(в) 2027/2028 ўқув йилидан бошлаб Филиал билан ҳамкорликда талабалар ва педагог кадрларнинг ўзаро академик мобиллигини босқичма-босқич амалга оширсин;
(г) Филиал билан биргаликда тегишли ҳамкорлик йўналишлари бўйича қўшма илмий-тадқиқот лойиҳаларини амалга ошириш чораларини кўрсин.
8. Туризм ва ахборот технологиялари йўналишларида кадрлар тайёрлайдиган техникумлар 3-иловага мувофиқ Филиалга бириктирилсин. Бунда:
(а) техникумларда Хитой тажрибаси асосида туризм ва ахборот технологиялари йўналишлари бўйича такомиллаштирилган таълим дастурлари ҳамда ўқитиш методикалари жорий этилади. Бунда техникум битирувчисига таълим дастурига мос бакалавриат таълим йўналишининг тегишли босқичидан ўқишни тўлов-контракт асосида давом эттириш имконияти яратилади;
(б) Филиалда техникумларнинг махсус фан ўқитувчилари учун туризм ва сунъий интеллект бўйича касбий кўникмаларини ривожлантириш ўқув курслари жорий этилади ва бу муқобил малака ошириш сифатида тан олинади;
(в) Хоразм вилоятидан Филиалга бириктирилган туризм ва ахборот технологиялари йўналишларидаги техникум ўқувчиларнинг ўқув амалиёти Филиал базасида ташкил этилади;
(г) Хоразм вилоятидан Филиалга бириктирилган техникум ўқувчиларига туризм ва ахборот технологиялари соҳаларига оид махсус фанларнинг амалий қисмини Филиал базасида ўқитиш имконияти яратилади;
(д) мазкур банднинг «б» , «в» ва «г» кичик бандларида белгиланган вазифаларни амалга ошириш билан боғлиқ харажатлар Касбий таълим агентлигига ушбу мақсадлар учун ажратилган Давлат бюджети маблағлари ҳамда Касбий таълимни ривожлантириш жамғармаси маблағлари ҳисобидан қопланади.
9. Мактабгача ва мактаб таълими вазирлиги 2027 йил 1 январдан бошлаб Филиалда ташкил этиладиган сунъий интеллектни ўқитиш бўйича менторлик малака ошириш курсларига умумтаълим мактабларининг информатика фани ўқитувчиларини жалб этиб борсин. Бунда:
(а) ҳар йили 5 декабрга қадар навбатдаги йил учун 250 нафар малака оширувчи педагоглар рўйхати Мактабгача ва мактаб таълими вазирлиги томонидан белгиланган танлов асосида энг юқори натижа кўрсатган номзодлар орасидан шакллантирилади ва Филиалга тақдим этилади;
(б) Филиал томонидан педагоглар учун аралаш (онлайн ва офлайн) шаклдаги камида 72 соатлик малака ошириш курслари ташкил этилади;
(в) малака ошириш курсида ўқиш учун тўлов миқдори Кузатув кенгаши томонидан белгиланади;
(г) тингловчиларнинг Филиалда малака ошириш ҳамда хизмат сафари (транспорт ва яшаш) харажатлари Мактабгача ва мактаб таълими вазирлигига Давлат бюджетидан ушбу мақсадлар учун ажратилган маблағлар ҳисобидан Филиал билан тузилган шартномага асосан молиялаштирилади;
(д) малака ошириш курслари Университет томонидан жалб қилинадиган хорижлик мутахассислар ҳамда Филиалнинг профессор-ўқитувчилари иштирокида олиб борилади;
(ж) малака ошириш курси тингловчилари Хоразм вилояти педагогик маҳорат марказининг ётоқхонасига жойлаштирилади;
(з) малака ошириш курсини муваффақиятли якунлаган тингловчиларга Филиал томонидан белгиланган тартибда сертификат берилади ва ушбу сертификат информатика фани ўқитувчиларининг муқобил малака оширганлигини тасдиқловчи ҳужжат сифатида тан олинади;
(и) малака оширишдан ўтган ўқитувчилар 2027/2028 ўқув йилидан бошлаб «Касбий ривожланиш куни» тадбирларида ментор ўқитувчи сифатида фаолият юритиши таъминланади.
10. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига ҳудудда инвестицион лойиҳаларни амалга ошириш учун мутахассисларга бўлган эҳтиёжлардан келиб чиқиб, маҳаллий бюджетнинг қўшимча манбалари ҳисобидан Филиалга буюртма бериш орқали кадрларни мақсадли тайёрлашга рухсат берилсин.
III. Филиал фаолиятини молиялаштириш ва моддий-техник таъминот
11. Қуйидагилар Филиал фаолиятини молиялаштириш манбалари этиб белгилансин:
(а) Ўзбекистон Республикаси Давлат бюджети маблағлари;
(б) тўлов-контракт асосида ўқитишдан тушган маблағлар;
(в) жисмоний ва юридик шахсларнинг инвестициялари ва ҳомийлик хайриялари, шунингдек, муассисларнинг бюджетдан ташқари маблағлари;
(г) кўрсатилган пулли хизматлар ва илмий натижаларни тижоратлаштиришдан тушган маблағлар;
(д) қонунчилик ҳужжатларида тақиқланмаган бошқа манбалар.
12. Белгилансинки:
(а) Филиалга хориждан, жумладан, Университетдан жалб қилинадиган раҳбар ва профессор-ўқитувчиларнинг меҳнатига ҳақ тўлаш миқдорлари меҳнат бозори конъюнктурасидан келиб чиқиб, тузилган шартномаларга мувофиқ белгиланади;
(б) Филиалнинг педагогик ва илмий салоҳиятини ошириш, таълим жараёнини сифатли ташкил этиш мақсадида Филиалга жалб қилинган маҳаллий профессор-ўқитувчилар ва ходимларга Ягона тариф сеткаси бўйича меҳнатга ҳақ тўлаш разрядларига кўра тариф коэффициентлари ва базавий лавозим маошлари 1,5 баравар миқдорда ҳисобланади;
(в) Филиални Давлат бюджети маблағлари ҳисобидан сақлаш билан боғлиқ харажатларни молиялаштириш 2026 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Олий таълим, фан ва инновациялар вазирлигига ажратилган маблағлар доирасида амалга оширилади ва 2027 йилдан бошлаб бюджет қонунчилиги талабларига мувофиқ тақдим этилган бюджет сўровномаларига асосан Давлат бюджети параметрларида назарда тутилади.
13. Давлат активларини бошқариш агентлиги Филиал Хоразм вилояти Хива шаҳри «Қибла Тозабоғ» МФЙ Мактаб кўчаси 57-уй манзилидаги бино ва иншоотларга текин фойдаланиш ҳуқуқи асосида жойлаштирилишини таъминласин.
IV. Қарор ижросини ташкил этиш, таъминлаш ва назорат
14. Ляонинг педагогика университетининг Ўзбекистондаги филиали фаолиятини ташкил этиш бўйича «йўл харитаси» 4-иловага мувофиқ тасдиқлансин.
15. Олий таълим, фан ва инновациялар вазирлиги Мактабгача ва мактаб таълими вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
16. Мазкур қарор ижросини самарали ташкил қилишга масъул ва шахсан жавобгар этиб олий таълим, фан ва инновациялар вазири К.А. Шарипов ҳамда Хоразм вилояти ҳокими Ж.Р. Рахимов белгилансин.
17. Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Раҳбарининг таълимни ислоҳ қилиш бўйича ўринбосари И.Т. Сираджев зиммасига юклансин.
Ўзбекистон Республикаси Президентининг 2026 йил 2 октябрдаги ПҚ-359-сон қарорига 1-ИЛОВА
Ляонинг педагогика университетининг Ўзбекистондаги филиали кузатув кенгашининг
1. К.А. Шарипов — олий таълим, фан ва инновациялар вазири, Кузатув кенгаши ҳамраиси 2. Ло Вэньбо — Ляонинг педагогика университети (Хитой Халқ Республикаси) президенти, Кузатув кенгаши ҳамраиси 3. О.Р. Фазилкаримов — иқтисодиёт ва молия вазири ўринбосари 4. Ш.А. Каримов — мактабгача ва мактаб таълими вазирининг биринчи ўринбосари 5. Р.О. Каримжонов — рақамли технологиялар вазири ўринбосари 6. С.Р. Бобокалонов — Туризм қўмитаси раиси ўринбосари 7. Ф.Р. Мадрахимова — Урганч давлат университети ректори 8. Лавозими бўйича — Ляонинг педагогика университетининг (Хитой Халқ Республикаси) Ўзбекистондаги филиали директори 9. Гун Чжэн — Ляонинг педагогика университети халқаро алоқалар бошқармаси бошлиғи (Хитой Халқ Республикаси) 10. Ци Шую — Ляонинг педагогика университети матбуот директори (Хитой Халқ Республикаси ) 11. Не Хайцян — «Jinshan Foreign Investment» МЧЖ раиси (Хитой Халқ Республикаси) 12. Чжоу Чжиян — «BEB Agro» МЧЖ вакили (Хитой Халқ Республикаси) 13. Лавозими бўйича — Ляонинг педагогика университетининг (Хитой Халқ Республикаси) Ўзбекистондаги филиали ижрочи директори, Кузатув кенгаши котиби
Ўзбекистон Республикаси Президентининг 2026 йил 2 октябрдаги ПҚ-359-сон қарорига 2-ИЛОВА
Ляонинг педагогика университетининг Ўзбекистондаги филиалига академик ҳамкор сифатида бириктирилган маҳаллий олий таълим ташкилотлари
Т/р Ҳамкорлик йўналиши Академик ҳамкор олий таълим ташкилотлари номи 1. Халқаро хитой тили таълими Тошкент давлат шарқшунослик университети, Ўзбекистон давлат жаҳон тиллари университети, Самарқанд давлат чет тиллар институти 2. Туризм бошқаруви «Ипак йўли» туризм ва маданий мерос халқаро университети, Тошкент давлат иқтисодиёт университети, Урганч давлат университети 3. Халқаро бизнес Тошкент давлат иқтисодиёт университети, Тошкент давлат шарқшунослик университети, Урганч давлат университети 4. Сунъий интеллект Тошкент ахборот технологиялари университети, Ўзбекистон Миллий университети, Урганч давлат университети
Ўзбекистон Республикаси Президентининг 2026 йил 2 октябрдаги ПҚ-359-сон қарорига 3-ИЛОВА
Ляонинг педагогика университетининг Ўзбекистондаги филиалига бириктирилган туризм ва ахборот технологиялари йўналишларида кадрлар тайёрлайдиган техникумлар
Т/р Ҳудуд номи Таянч техникум номи Йўналиш номи 1. Қорақалпоғистон Республикаси Нукус шаҳар 1-сон техникуми Ахборот технологиялари 2. Андижон вилояти Андижон туризм ва маданий мерос техникуми Туризм 3. Бухоро вилояти Бухоро туризм ва маданий мерос техникуми Туризм 4. Жиззах вилояти Зомин туризм ва маданий мерос техникуми Туризм 5. Қашқадарё вилояти Шаҳрисабз туризм ва маданий мерос техникуми Туризм 6. Навоий вилояти Навоий рақамли технологиялар техникуми Ахборот технологиялари 7. Наманган вилояти Косонсой тумани 4-сон техникуми Ахборот технологиялари 8. Самарқанд вилояти Самарқанд туризм ва маданий мерос техникуми Туризм 9. Сирдарё вилояти Сирдарё тумани 1-сон техникуми Ахборот технологиялари 10. Сурхондарё вилояти Ангор тумани 4-сон техникуми Ахборот технологиялари 11. Тошкент вилояти Бўстонлиқ туризм ва маданий мерос техникуми Туризм 12. Фарғона вилояти Марғилон туризм ва маданий мерос техникуми Туризм 13. Хоразм вилояти Хива туризм ва маданий мерос техникуми Туризм Хива шаҳар техникуми Ахборот технологиялари 14. Тошкент шаҳри Тошкент туризм ва маданий мерос техникуми Туризм
Ўзбекистон Республикаси Президентининг 2026 йил 2 октябрдаги ПҚ-359-сон қарорига 4-ИЛОВА
Ляонинг педагогика университетининг Ўзбекистондаги филиали фаолиятини ташкил этиш бўйича
Т/р Чора-тадбирлар номи Амалга ошириш механизми Ижро муддати Молиялаштириш манбалари Масъуллар 1. Ляонинг педагогика университетининг (Хитой Халқ Республикаси) Ўзбекистондаги филиали (кейинги ўринларда — Филиал) фаолиятини йўлга қўйиш. 1. Филиал уставини ишлаб чиқиш ва тасдиқлаш. 2. Филиални белгиланган тартибда давлат рўйхатидан ўтказиш. 3. Филиал тузилмасини шакллантириш ва тасдиқлаш. 2026 йил ноябрь - Олий таълим, фан ва инновациялар вазирлиги, Адлия вазирлиги, Давлат активларини бошқариш агентлиги 2. Филиални малакали кадрлар билан таъминлаш. 1. Филиални малакали кадрлар билан таъминлаш мақсадида эълонлар бериш. 2. Танлов асосида малакали кадрларни ишга қабул қилиш. 2026 йил октябрь -ноябрь - Олий таълим, фан ва инновациялар вазирлиги, Филиал 3. Филиалга талабалар қабулини амалга ошириш. 1. Филиалда кадрлар тайёрлаш йўналишларига қабул бўйича эълонлар бериш ва тарғибот ишларини ташкил қилиш. 2026 йил октябрь - Филиал, Олий таълим, фан ва инновациялар вазирлиги 2. Филиалда ўқиш истагини билдирган абитуриентларни танлов асосида саралаш ва талабаликка қабул қилиш. 2026 йил ноябрь 4. Филиалнинг буюртмасига асосан жалб қилинадиган хорижий ўқитувчилар ва мутахассислар ҳамда уларнинг оила аъзолари учун рухсатномаларни белгиланган тартибда расмийлаштириш. 1. Хорижий ўқитувчи ва мутахассислар ҳамда уларнинг оила аъзолари учун кўп марталик кириш визаларини белгиланган тартибда расмийлаштириш. Филиал ва хорижий ўқитувчи, мутахассислар сўровига асосан - Ташқи ишлар вазирлиги 2. Филиалга жалб этиладиган хорижий ўқитувчилар ва мутахассислар, уларнинг оила аъзолари учун белгиланган тартибда кўп марталик визалар бериш ва уларнинг муддатини узайтириш, шунингдек, уларнинг Ўзбекистонда турган жойи бўйича рўйхатдан ўтказиш ва унинг муддатини узайтириш. Ички ишлар вазирлиги 3. Хорижий ўқитувчи ва мутахассисларни жалб қилишда белгиланган тартибда Ўзбекистонда меҳнат фаолиятини амалга ошириш ҳуқуқини берувчи тасдиқномаларни бериш ва муддатини узайтириш. Камбағалликни қисқартириш ва бандлик вазирлиги, Филиал 5. Филиалнинг илмий салоҳиятини ошириш мақсадида олий таълимдан кейинги таълим институтини тизимли ташкил этиш. 1. Филиалнинг устувор илмий тадқиқот йўналишларини аниқлаш. 2028 йил апрель Давлат бюджети маблағлари Инновацион ривожланиш агентлиги , Филиал 2. Илмий даражали кадрлар тайёрлаш учун олий таълимдан кейинги таълим институтлари фаолиятини ташкил этиш. 2029 йил январь 6. Филиалда сунъий интеллектни ўқитиш бўйича ташкил этилган менторлик малака ошириш курслари тингловчиларига тегишли шарт-шароитларни яратиш. 1. Малака ошириш курси тингловчиларини Хоразм вилояти педагогик маҳорат марказининг ётоқхонасига жойлаштириш. 2. Малака ошириш курсини муваффақиятли якунлаган тингловчиларга Филиал томонидан белгиланган тартибда сертификат бериш чораларини кўриш. Режа-график асосида Мактабгача ва мактаб таълими вазирлигининг ушбу мақсадлар учун ажратилган маблағлари Мактабгача ва мактаб таълими вазирлиги, Олий таълим, фан ва инновациялар вазирлиги, Филиал 3. Малака оширишдан ўтган ўқитувчилар «Касбий ривожланиш куни» тадбирларида ментор ўқитувчи сифатида фаолият юритишини таъминлаш. 2027/2028 ўқув йили 7. Филиал томонидан бериладиган малака ошириш сертификатини узлуксиз касбий ривожлантириш тизимида муқобил малака ошириш сифатида тан олиш. 1. Норматив-ҳуқуқий ҳужжатларга, жумладан, Вазирлар Маҳкамасининг 2024 йил 20 декабрдаги 867-сон қарорига ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритиш. 2026 йил декабрь - Мактабгача ва мактаб таълими вазирлиги, Филиал 2. Сертификатларнинг ягона электрон реестрини « Узлуксиз касбий таълим» платформасида юритиш. 2027 йил мартдан бошлаб 8. Филиалга бириктирилган техникумларда Хитой тажрибаси асосида туризм ва ахборот технологиялари йўналишлари бўйича такомиллаштирилган таълим дастурлари ҳамда ўқитиш методикаларини жорий этиш. 1. Хитой тажрибасини ўрганиш ва илғор та ъ лим дастурлари ҳамда ўқитиш методикаларини таҳлил қилиш. 2027 йил апрель - Касбий таълим агентлиги, Филиал 2. Туризм ва ахборот технологиялари йў налишлари б ўйича такомиллаштирилган таълим дастурларини ишлаб чиқиш ҳамда белгиланган тартибда тасдиқлаш. 2027 йил август 3. Ишлаб чиқилган таълим дастурлари ҳамда ўқитиш методикаларини бириктирилган техникумларда босқичма-босқич жорий этиш. 2027/2028 ўқув йилидан бошлаб 9. Таълим дастурларининг ўзаро мослигидан келиб чиқиб, техникум битирувчилари бакалавриатнинг тегишли босқичидан тўлов-контракт асосида ўқишни давом эттириши механизмини жорий этиш. 1. Техникумларнинг туризм ва ахборот технологиялари йўналишлари бўйича ўқув дастурларини Филиалдаги бакалавриат таълим дастурлари билан ўзаро мувофиқлаштириш. 2027 йил май - Касбий таълим агентлиги, Олий таълим, фан ва инновациялар вазирлиги, Филиал 2. Ўзлаштирилган фанларни инобатга олган ҳолда техникум битирувчиларини бакалавриатнинг тегишли босқичидан ўқишни давом эттириш тартибини ишлаб чиқиш. 2027 йил август Олий таълим, фан ва инновациялар вазирлиги, Филиал 10. Филиалда техникумларнинг махсус фан ўқитувчилари учун туризм ва сунъий интеллект бўйича касбий кўникмаларни ривожлантириш ўқув курсларини жорий этиш. 1. Касбий кўникмаларни ривожлантиришга йўналтирилган қисқа муддатли ўқув курслари дастурларини ишлаб чиқиш ва курсларни Филиал базасида ташкил этиш. 2. Курсларни муваффақиятли тамомлаган ўқитувчиларнинг мазкур курсларда олган натижаларини муқобил малака ошириш сифатида тан олиш механизмини жорий этиш. 2027/2028 ўқув йили Касбий таълим агентлиги ва Касбий таълимни ривожлантириш жамғармаси маблағлари Олий таълим, фан ва инновациялар вазирлиги, Филиал 11. Хоразм вилоятидан Филиалга бириктирилган туризм ва ахборот технологиялари йўналишларидаги техникум ўқувчиларининг ўқув амалиёти ҳамда махсус фанларнинг амалий қисмини Филиал базасида ташкил этиш. 1. Филиалга бириктирилган техникумлар ва амалиёт ўташи лозим бўлган ўқувчилар контингентини аниқлаш. 2. Ўқув амалиётини ташкил этиш бўйича техникумлар ва Филиал ўртасида амалиёт дастурлари ҳамда графикларини келишиш. 3. Ўқувчиларни Филиалнинг тегишли лаборатория, ўқув-амалиёт ва бошқа инфратузилма объектларидан фойдаланган ҳолда ўқув амалиётини Филиал базасида ташкил этиш. 4. Ўқувчиларга туризм ва ахборот технологиялари соҳаларига оид махсус фанларнинг амалий қисмини Филиал базасида ўқитиш чораларини кўриш. Режа -графикка мувофиқ Касбий таълим агентлиги ва Касбий таълимни ривожлантириш жамғармаси маблағлари Касбий таълим агентлиги, Филиал, тегишли техникумлар 12. Филиал талабаларининг амалиётларини дуал таълим асосида йўлга қўйиш. 1. Филиал ҳамда ҳамкор корхона ва ташкилотлар ўртасида ўзаро ҳамкорлик шартномаларини имзолаш. 2. Ҳамкор корхона (ташкилот) мутахассислари билан амалиёт дастурларини тузиш. Ўқув жараёни графигига мувофиқ - Хоразм вилояти ҳокимлиги, Олий таълим, фан ва инновациялар вазирлиги, Филиал, ҳамкор корхона ва ташкилотлар 3. Дуал таълим асосида таҳсил олаётган талабаларга корхона ва ташкилотлар мутахассисларини амалиёт раҳбари сифатида бириктириш. Давлат бюджети маблағлари 13. Филиал фаолиятида бошқаришнинг замонавий технологияларини қўллаш. 1. «Олий таълим жараёнларини бошқариш ахборот тизими» (HEMIS)ни ўрнатиш, созлаш ва ишга тушириш. 2026 йил ноябрь Давлат бюджети маблағлари Филиал, Олий таълим, фан ва инновациялар вазирлиги 2. Ахборот тизимига Филиал профессор-ўқитувчилари, ходимлари ҳамда талабалари тўғрисидаги маълумотлар тўлиқ киритилишини таъминлаш. 2026 йил декабрь 14. Ахборот-ресурс марказини замонавий адабиётлар билан бойитиб бориш ва уни автоматлаштирилган тизимга ўтказиш. 1. Ляонинг педагогика университети ва академик ҳамкорлар билан биргаликда Филиал ахборот-ресурс марказини янги адабиётлар билан бойитиш. 2027 — 2030 йиллар Давлат бюджети маблағлари Филиал, Олий таълим, фан ва инновациялар вазирлиги, академик ҳамкорлар, Ўзбекистон Миллий кутубхонаси 2. Ахборот-ресурс маркази фондидаги ресурсларни «Unilibrary.uz» электрон кутубхона платформасига киритиб бориш. 2027 — 2030 йиллар 15. Филиалга автотранспорт воситаларини сақлаш учун лимит ажратиш. 1. Филиалга 2 та, шу жумладан, 1 та бириктирилган, 1 та навбатчи енгил автотранспорт воситаларини сақлаш учун лимит ажратиш. 2026 йил сентябрь Давлат бюджети маблағлари Иқтисодиёт ва молия вазирлиги, Олий таълим, фан ва инновациялар вазирлиги, Филиал 2. Ажратилган автомобилларни белгиланган тартибда зарур техник воситалар билан таъминлаш. Доимий 16. Филиалда беш муҳим ташаббус доирасида спорт ва маънавий тадбирларни ташкил этиш. 1. Беш муҳим ташаббус доирасида тўгараклар ва спорт секциялари ташкил этиш учун зарур хона ажратиш ва уни жиҳозлаш. 2027 йил январь Давлат бюджети маблағлари Филиал, Олий таълим, фан ва инновациялар вазирлиги 2. Беш муҳим ташаббус доирасида тўгараклар ва спорт секциялари фаолиятини йўлга қўйиш. 2027 йил февраль 17. Филиалда ёшлар ўртасида экстремизм, радикал ғоялар, гиёҳвандликка қарши курашиш, шунингдек, дин ва давлат муносабатлари ҳамда миллий қонунчиликка оид маърифий-профилактик учрашувларни ташкил қилиш. 1. Учрашувга соҳа мутахассисларини жалб қилиш. 2027 йил давомида - Филиал, Олий таълим, фан ва инновациялар вазирлиги 2. Ўтказилаётган учрашувларда ёшлар орасида содир бўлган жиноятларни мисол қилиб кўрсатиш. 3. Учрашувларга Филиалда таҳсил олаётган барча талаба-ёшларни жалб қилиш. ҳар ойда
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 2 октябрь,
ПҚ- 359 -сон
Oʻzbekiston Respublikasi Prezidentining
qarori
TARKIBI
ROʻYXATI
ROʻYXATI
“YOʻL XARITASI”
Oʻzbekistonda Xitoy Xalq Respublikasining Lyaoning pedagogika universiteti filialini tashkil etish toʻgʻrisida
Xorijiy dasturlar asosida iqtisodiyot tarmoqlari uchun raqobatbardosh kadrlar tayyorlash, taʼlim sifatini oshirish, sohaga ilgʻor taʼlim texnologiyalarini joriy qilish, zamonaviy bilim va pedagogik texnologiyalarni qoʻllash koʻnikmalariga ega boʻlgan yuqori malakali mutaxassislar tayyorlash maqsadida qaror qilaman:
I. Asosiy maqsad
1. Belgilansinki, ushbu qarorning asosiy maqsadi Xitoy Xalq Respublikasi tajribasi asosida iqtisodiyot tarmoqlari hamda ijtimoiy soha uchun malakali kadrlar tayyorlash, qoʻshma ilmiy tadqiqot loyihalarini amalga oshirish hamda professor-oʻqituvchilar va soha mutaxassislari salohiyatini rivojlantirib borish tizimini yoʻlga qoʻyish hisoblanadi.
II. Lyaoning pedagogika universitetining Oʻzbekistondagi filialini tashkil etish
2. Oliy taʼlim, fan va innovatsiyalar vazirligi, Xorazm viloyati hokimligi hamda Xitoy Xalq Respublikasi Lyaoning pedagogika universitetining (keyingi oʻrinlarda — Universitet) quyidagi takliflariga rozilik berilsin:
(a) Xorazm viloyatida Lyaoning pedagogika universitetining Oʻzbekistondagi filialini (keyingi oʻrinlarda — Filial) tashkil etish;
(b) Lyaoning pedagogika universitetining Oʻzbekistondagi filiali kuzatuv kengashi tarkibini 1-ilovaga muvofiq tasdiqlash.
3. Oliy taʼlim, fan va innovatsiyalar vazirligi, Urganch davlat universiteti hamda Universitet oʻrtasida Filialni tashkil etish yuzasidan quyidagilarni nazarda tutuvchi bitim imzolangani maʼlumot uchun qabul qilinsin:
(a) Filialda taʼlim jarayonini Oʻzbekiston Respublikasining davlat taʼlim standartlari va malaka talablarini hisobga olgan holda Universitetning oʻquv rejalari va taʼlim standartlari asosida tashkil etish;
(b) Kuzatuv kengashi Filialning oliy boshqaruv organi hisoblanishi hamda uning vazifalari va faoliyatini tashkil etish tartibi Filial ustavida belgilanishi;
(v) akademik faoliyatni tashkil etish, taʼlim sifatini taʼminlash va muvofiqlashtirish uchun masʼul Filial direktori Oliy taʼlim, fan va innovatsiyalar vazirligi tavsiyasiga asosan Kuzatuv kengashi tomonidan lavozimga tayinlanishi;
(g) Filialning qabul parametrlari, toʻlov-kontrakt summasi, oʻqishga qabul qilish va bitiruvchilarni attestatsiyadan oʻtkazish tartibi Kuzatuv kengashi tomonidan belgilanishi;
(d) Universitet tomonidan Filialning taʼlim sifati va akademik nufuzini oshirish hamda oʻquv dasturlari va malakali kadrlar bilan taʼminlash.
4. Belgilab qoʻyilsinki:
(a) Filial Oliy taʼlim, fan va innovatsiyalar vazirligi, Urganch davlat universiteti va Universitet muassisligidagi oliy taʼlim tashkiloti — yuridik shaxs maqomiga ega boʻlgan Oʻzbekiston Respublikasi rezidenti hisoblanadi;
(b) Filial akademik mustaqil oliy taʼlim tashkiloti hisoblanadi;
(v) Filialda taʼlim jarayoni 2026/2027 oʻquv yilidan boshlanadi hamda kunduzgi va muqobil taʼlim shakllarida oʻzbek, xitoy yoki ingliz tillarida olib boriladi;
(g) moliyaviy-xoʻjalik, tashkiliy va maʼmuriy faoliyatini tashkil etish va muvofiqlashtirish uchun masʼul boʻlgan Filial ijrochi direktori Oliy taʼlim, fan va innovatsiyalar vazirligi tomonidan lavozimga tayinlanadi;
(d) Filialda taʼlim jarayoni davlat granti va toʻlov-kontrakt asosida amalga oshiriladi. Bunda:
(i) 2030/2031 oʻquv yiliga qadar oʻqishga qabul qilingan talabalar oʻqishning butun davri davomida toʻliq davlat granti asosida oʻqitiladi;
(ii) 2030/2031 oʻquv yilidan boshlab belgilangan tartibda tasdiqlanadigan yillik qabul parametrlarining 30 foizi davlat granti asosida shakllantiriladi;
(j) Filial bitiruvchilariga oliy maʼlumot toʻgʻrisidagi hujjat sifatida tan olinadigan Filial va (yoki) Universitet diplomi beriladi;
(z) Filial talabalarining amaliyotlari oʻquv rejalariga muvofiq hududdagi ishlab chiqarish va xizmat koʻrsatish korxona (tashkilot)larida, jumladan, dual taʼlim asosida yoʻlga qoʻyiladi.
5. Xorazm viloyati hokimligi Maktabgacha va maktab taʼlimi vazirligi, Oliy taʼlim, fan va innovatsiyalar vazirligi bilan birgalikda Filial hamda korxona va tashkilotlar oʻrtasida oʻzaro hamkorlik shartnomalari imzolanishi hamda talabalar amaliyotining dual taʼlim asosida tashkil etilishini taʼminlasin.
6. Lyaoning pedagogika universitetining Oʻzbekistondagi filialiga akademik hamkor sifatida mahalliy oliy taʼlim tashkilotlari 2-ilovaga muvofiq biriktirilsin.
7. Akademik hamkor oliy taʼlim tashkilotlari:
(a) Filialni yuqori malakali pedagog kadrlar hamda oʻquv adabiyotlari bilan taʼminlashga koʻmaklashsin;
(b) Filial dasturlari asosida 2027/2028 oʻquv yili uchun oʻzining tegishli bakalavriat taʼlim yoʻnalishlari fan dasturlarini takomillashtirsin;
(v) 2027/2028 oʻquv yilidan boshlab Filial bilan hamkorlikda talabalar va pedagog kadrlarning oʻzaro akademik mobilligini bosqichma-bosqich amalga oshirsin;
(g) Filial bilan birgalikda tegishli hamkorlik yoʻnalishlari boʻyicha qoʻshma ilmiy-tadqiqot loyihalarini amalga oshirish choralarini koʻrsin.
8. Turizm va axborot texnologiyalari yoʻnalishlarida kadrlar tayyorlaydigan texnikumlar 3-ilovaga muvofiq Filialga biriktirilsin. Bunda:
(a) texnikumlarda Xitoy tajribasi asosida turizm va axborot texnologiyalari yoʻnalishlari boʻyicha takomillashtirilgan taʼlim dasturlari hamda oʻqitish metodikalari joriy etiladi. Bunda texnikum bitiruvchisiga taʼlim dasturiga mos bakalavriat taʼlim yoʻnalishining tegishli bosqichidan oʻqishni toʻlov-kontrakt asosida davom ettirish imkoniyati yaratiladi;
(b) Filialda texnikumlarning maxsus fan oʻqituvchilari uchun turizm va sunʼiy intellekt boʻyicha kasbiy koʻnikmalarini rivojlantirish oʻquv kurslari joriy etiladi va bu muqobil malaka oshirish sifatida tan olinadi;
(v) Xorazm viloyatidan Filialga biriktirilgan turizm va axborot texnologiyalari yoʻnalishlaridagi texnikum oʻquvchilarning oʻquv amaliyoti Filial bazasida tashkil etiladi;
(g) Xorazm viloyatidan Filialga biriktirilgan texnikum oʻquvchilariga turizm va axborot texnologiyalari sohalariga oid maxsus fanlarning amaliy qismini Filial bazasida oʻqitish imkoniyati yaratiladi;
(d) mazkur bandning “b” , “v” va “g” kichik bandlarida belgilangan vazifalarni amalga oshirish bilan bogʻliq xarajatlar Kasbiy taʼlim agentligiga ushbu maqsadlar uchun ajratilgan Davlat budjeti mablagʻlari hamda Kasbiy taʼlimni rivojlantirish jamgʻarmasi mablagʻlari hisobidan qoplanadi.
9. Maktabgacha va maktab taʼlimi vazirligi 2027-yil 1-yanvardan boshlab Filialda tashkil etiladigan sunʼiy intellektni oʻqitish boʻyicha mentorlik malaka oshirish kurslariga umumtaʼlim maktablarining informatika fani oʻqituvchilarini jalb etib borsin. Bunda:
(a) har yili 5-dekabrga qadar navbatdagi yil uchun 250 nafar malaka oshiruvchi pedagoglar roʻyxati Maktabgacha va maktab taʼlimi vazirligi tomonidan belgilangan tanlov asosida eng yuqori natija koʻrsatgan nomzodlar orasidan shakllantiriladi va Filialga taqdim etiladi;
(b) Filial tomonidan pedagoglar uchun aralash (onlayn va oflayn) shakldagi kamida 72 soatlik malaka oshirish kurslari tashkil etiladi;
(v) malaka oshirish kursida oʻqish uchun toʻlov miqdori Kuzatuv kengashi tomonidan belgilanadi;
(g) tinglovchilarning Filialda malaka oshirish hamda xizmat safari (transport va yashash) xarajatlari Maktabgacha va maktab taʼlimi vazirligiga Davlat budjetidan ushbu maqsadlar uchun ajratilgan mablagʻlar hisobidan Filial bilan tuzilgan shartnomaga asosan moliyalashtiriladi;
(d) malaka oshirish kurslari Universitet tomonidan jalb qilinadigan xorijlik mutaxassislar hamda Filialning professor-oʻqituvchilari ishtirokida olib boriladi;
(j) malaka oshirish kursi tinglovchilari Xorazm viloyati pedagogik mahorat markazining yotoqxonasiga joylashtiriladi;
(z) malaka oshirish kursini muvaffaqiyatli yakunlagan tinglovchilarga Filial tomonidan belgilangan tartibda sertifikat beriladi va ushbu sertifikat informatika fani oʻqituvchilarining muqobil malaka oshirganligini tasdiqlovchi hujjat sifatida tan olinadi;
(i) malaka oshirishdan oʻtgan oʻqituvchilar 2027/2028 oʻquv yilidan boshlab “Kasbiy rivojlanish kuni” tadbirlarida mentor oʻqituvchi sifatida faoliyat yuritishi taʼminlanadi.
10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga hududda investitsion loyihalarni amalga oshirish uchun mutaxassislarga boʻlgan ehtiyojlardan kelib chiqib, mahalliy budjetning qoʻshimcha manbalari hisobidan Filialga buyurtma berish orqali kadrlarni maqsadli tayyorlashga ruxsat berilsin.
III. Filial faoliyatini moliyalashtirish va moddiy-texnik taʼminot
11. Quyidagilar Filial faoliyatini moliyalashtirish manbalari etib belgilansin:
(a) Oʻzbekiston Respublikasi Davlat budjeti mablagʻlari;
(b) toʻlov-kontrakt asosida oʻqitishdan tushgan mablagʻlar;
(v) jismoniy va yuridik shaxslarning investitsiyalari va homiylik xayriyalari, shuningdek, muassislarning budjetdan tashqari mablagʻlari;
(g) koʻrsatilgan pulli xizmatlar va ilmiy natijalarni tijoratlashtirishdan tushgan mablagʻlar;
(d) qonunchilik hujjatlarida taqiqlanmagan boshqa manbalar.
12. Belgilansinki:
(a) Filialga xorijdan, jumladan, Universitetdan jalb qilinadigan rahbar va professor-oʻqituvchilarning mehnatiga haq toʻlash miqdorlari mehnat bozori konyunkturasidan kelib chiqib, tuzilgan shartnomalarga muvofiq belgilanadi;
(b) Filialning pedagogik va ilmiy salohiyatini oshirish, taʼlim jarayonini sifatli tashkil etish maqsadida Filialga jalb qilingan mahalliy professor-oʻqituvchilar va xodimlarga Yagona tarif setkasi boʻyicha mehnatga haq toʻlash razryadlariga koʻra tarif koeffitsiyentlari va bazaviy lavozim maoshlari 1,5 baravar miqdorda hisoblanadi;
(v) Filialni Davlat budjeti mablagʻlari hisobidan saqlash bilan bogʻliq xarajatlarni moliyalashtirish 2026-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Oliy taʼlim, fan va innovatsiyalar vazirligiga ajratilgan mablagʻlar doirasida amalga oshiriladi va 2027-yildan boshlab budjet qonunchiligi talablariga muvofiq taqdim etilgan budjet soʻrovnomalariga asosan Davlat budjeti parametrlarida nazarda tutiladi.
13. Davlat aktivlarini boshqarish agentligi Filial Xorazm viloyati Xiva shahri “Qibla Tozabogʻ” MFY Maktab koʻchasi 57-uy manzilidagi bino va inshootlarga tekin foydalanish huquqi asosida joylashtirilishini taʼminlasin.
IV. Qaror ijrosini tashkil etish, taʼminlash va nazorat
14. Lyaoning pedagogika universitetining Oʻzbekistondagi filiali faoliyatini tashkil etish boʻyicha “yoʻl xaritasi” 4-ilovaga muvofiq tasdiqlansin.
15. Oliy taʼlim, fan va innovatsiyalar vazirligi Maktabgacha va maktab taʼlimi vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
16. Mazkur qaror ijrosini samarali tashkil qilishga masʼul va shaxsan javobgar etib oliy taʼlim, fan va innovatsiyalar vaziri K.A. Sharipov hamda Xorazm viloyati hokimi J.R. Raximov belgilansin.
17. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Rahbarining taʼlimni isloh qilish boʻyicha oʻrinbosari I.T. Siradjev zimmasiga yuklansin.
Oʻzbekiston Respublikasi Prezidentining 2026-yil 2-oktabrdagi PQ-359-son qaroriga 1-ILOVA
Lyaoning pedagogika universitetining Oʻzbekistondagi filiali kuzatuv kengashining
1. K.A. Sharipov — oliy taʼlim, fan va innovatsiyalar vaziri, Kuzatuv kengashi hamraisi 2. Lo Venbo — Lyaoning pedagogika universiteti (Xitoy Xalq Respublikasi) prezidenti, Kuzatuv kengashi hamraisi 3. O.R. Fazilkarimov — iqtisodiyot va moliya vaziri oʻrinbosari 4. Sh.A. Karimov — maktabgacha va maktab taʼlimi vazirining birinchi oʻrinbosari 5. R.O. Karimjonov — raqamli texnologiyalar vaziri oʻrinbosari 6. S.R. Bobokalonov — Turizm qoʻmitasi raisi oʻrinbosari 7. F.R. Madraximova — Urganch davlat universiteti rektori 8. Lavozimi boʻyicha — Lyaoning pedagogika universitetining (Xitoy Xalq Respublikasi) Oʻzbekistondagi filiali direktori 9. Gun Chjen — Lyaoning pedagogika universiteti xalqaro aloqalar boshqarmasi boshligʻi (Xitoy Xalq Respublikasi) 10. Si Shuyu — Lyaoning pedagogika universiteti matbuot direktori (Xitoy Xalq Respublikasi ) 11. Ne Xaysyan — “Jinshan Foreign Investment” MCHJ raisi (Xitoy Xalq Respublikasi) 12. Chjou Chjiyan — “BEB Agro” MCHJ vakili (Xitoy Xalq Respublikasi) 13. Lavozimi boʻyicha — Lyaoning pedagogika universitetining (Xitoy Xalq Respublikasi) Oʻzbekistondagi filiali ijrochi direktori, Kuzatuv kengashi kotibi
Oʻzbekiston Respublikasi Prezidentining 2026-yil 2-oktabrdagi PQ-359-son qaroriga 2-ILOVA
Lyaoning pedagogika universitetining Oʻzbekistondagi filialiga akademik hamkor sifatida biriktirilgan mahalliy oliy taʼlim tashkilotlari
T/r Hamkorlik yoʻnalishi Akademik hamkor oliy taʼlim tashkilotlari nomi 1. Xalqaro xitoy tili taʼlimi Toshkent davlat sharqshunoslik universiteti, Oʻzbekiston davlat jahon tillari universiteti, Samarqand davlat chet tillar instituti 2. Turizm boshqaruvi “Ipak yoʻli” turizm va madaniy meros xalqaro universiteti, Toshkent davlat iqtisodiyot universiteti, Urganch davlat universiteti 3. Xalqaro biznes Toshkent davlat iqtisodiyot universiteti, Toshkent davlat sharqshunoslik universiteti, Urganch davlat universiteti 4. Sunʼiy intellekt Toshkent axborot texnologiyalari universiteti, Oʻzbekiston Milliy universiteti, Urganch davlat universiteti
Oʻzbekiston Respublikasi Prezidentining 2026-yil 2-oktabrdagi PQ-359-son qaroriga 3-ILOVA
Lyaoning pedagogika universitetining Oʻzbekistondagi filialiga biriktirilgan turizm va axborot texnologiyalari yoʻnalishlarida kadrlar tayyorlaydigan texnikumlar
T/r Hudud nomi Tayanch texnikum nomi Yoʻnalish nomi 1. Qoraqalpogʻiston Respublikasi Nukus shahar 1-son texnikumi Axborot texnologiyalari 2. Andijon viloyati Andijon turizm va madaniy meros texnikumi Turizm 3. Buxoro viloyati Buxoro turizm va madaniy meros texnikumi Turizm 4. Jizzax viloyati Zomin turizm va madaniy meros texnikumi Turizm 5. Qashqadaryo viloyati Shahrisabz turizm va madaniy meros texnikumi Turizm 6. Navoiy viloyati Navoiy raqamli texnologiyalar texnikumi Axborot texnologiyalari 7. Namangan viloyati Kosonsoy tumani 4-son texnikumi Axborot texnologiyalari 8. Samarqand viloyati Samarqand turizm va madaniy meros texnikumi Turizm 9. Sirdaryo viloyati Sirdaryo tumani 1-son texnikumi Axborot texnologiyalari 10. Surxondaryo viloyati Angor tumani 4-son texnikumi Axborot texnologiyalari 11. Toshkent viloyati Boʻstonliq turizm va madaniy meros texnikumi Turizm 12. Fargʻona viloyati Margʻilon turizm va madaniy meros texnikumi Turizm 13. Xorazm viloyati Xiva turizm va madaniy meros texnikumi Turizm Xiva shahar texnikumi Axborot texnologiyalari 14. Toshkent shahri Toshkent turizm va madaniy meros texnikumi Turizm
Oʻzbekiston Respublikasi Prezidentining 2026-yil 2-oktabrdagi PQ-359-son qaroriga 4-ILOVA
Lyaoning pedagogika universitetining Oʻzbekistondagi filiali faoliyatini tashkil etish boʻyicha
T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Masʼullar 1. Lyaoning pedagogika universitetining (Xitoy Xalq Respublikasi) Oʻzbekistondagi filiali (keyingi oʻrinlarda — Filial) faoliyatini yoʻlga qoʻyish. 1. Filial ustavini ishlab chiqish va tasdiqlash. 2. Filialni belgilangan tartibda davlat roʻyxatidan oʻtkazish. 3. Filial tuzilmasini shakllantirish va tasdiqlash. 2026-yil noyabr - Oliy taʼlim, fan va innovatsiyalar vazirligi, Adliya vazirligi, Davlat aktivlarini boshqarish agentligi 2. Filialni malakali kadrlar bilan taʼminlash. 1. Filialni malakali kadrlar bilan taʼminlash maqsadida eʼlonlar berish. 2. Tanlov asosida malakali kadrlarni ishga qabul qilish. 2026-yil oktabr -noyabr - Oliy taʼlim, fan va innovatsiyalar vazirligi, Filial 3. Filialga talabalar qabulini amalga oshirish. 1. Filialda kadrlar tayyorlash yoʻnalishlariga qabul boʻyicha eʼlonlar berish va targʻibot ishlarini tashkil qilish. 2026-yil oktabr - Filial, Oliy taʼlim, fan va innovatsiyalar vazirligi 2. Filialda oʻqish istagini bildirgan abituriyentlarni tanlov asosida saralash va talabalikka qabul qilish. 2026-yil noyabr 4. Filialning buyurtmasiga asosan jalb qilinadigan xorijiy oʻqituvchilar va mutaxassislar hamda ularning oila aʼzolari uchun ruxsatnomalarni belgilangan tartibda rasmiylashtirish. 1. Xorijiy oʻqituvchi va mutaxassislar hamda ularning oila aʼzolari uchun koʻp martalik kirish vizalarini belgilangan tartibda rasmiylashtirish. Filial va xorijiy oʻqituvchi, mutaxassislar soʻroviga asosan - Tashqi ishlar vazirligi 2. Filialga jalb etiladigan xorijiy oʻqituvchilar va mutaxassislar, ularning oila aʼzolari uchun belgilangan tartibda koʻp martalik vizalar berish va ularning muddatini uzaytirish, shuningdek, ularning Oʻzbekistonda turgan joyi boʻyicha roʻyxatdan oʻtkazish va uning muddatini uzaytirish. Ichki ishlar vazirligi 3. Xorijiy oʻqituvchi va mutaxassislarni jalb qilishda belgilangan tartibda Oʻzbekistonda mehnat faoliyatini amalga oshirish huquqini beruvchi tasdiqnomalarni berish va muddatini uzaytirish. Kambagʻallikni qisqartirish va bandlik vazirligi, Filial 5. Filialning ilmiy salohiyatini oshirish maqsadida oliy taʼlimdan keyingi taʼlim institutini tizimli tashkil etish. 1. Filialning ustuvor ilmiy tadqiqot yoʻnalishlarini aniqlash. 2028-yil aprel Davlat budjeti mablagʻlari Innovatsion rivojlanish agentligi , Filial 2. Ilmiy darajali kadrlar tayyorlash uchun oliy taʼlimdan keyingi taʼlim institutlari faoliyatini tashkil etish. 2029-yil yanvar 6. Filialda sunʼiy intellektni oʻqitish boʻyicha tashkil etilgan mentorlik malaka oshirish kurslari tinglovchilariga tegishli shart-sharoitlarni yaratish. 1. Malaka oshirish kursi tinglovchilarini Xorazm viloyati pedagogik mahorat markazining yotoqxonasiga joylashtirish. 2. Malaka oshirish kursini muvaffaqiyatli yakunlagan tinglovchilarga Filial tomonidan belgilangan tartibda sertifikat berish choralarini koʻrish. Reja-grafik asosida Maktabgacha va maktab taʼlimi vazirligining ushbu maqsadlar uchun ajratilgan mablagʻlari Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Filial 3. Malaka oshirishdan oʻtgan oʻqituvchilar “Kasbiy rivojlanish kuni” tadbirlarida mentor oʻqituvchi sifatida faoliyat yuritishini taʼminlash. 2027/2028 oʻquv yili 7. Filial tomonidan beriladigan malaka oshirish sertifikatini uzluksiz kasbiy rivojlantirish tizimida muqobil malaka oshirish sifatida tan olish. 1. Normativ-huquqiy hujjatlarga, jumladan, Vazirlar Mahkamasining 2024-yil 20-dekabrdagi 867-son qaroriga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritish. 2026-yil dekabr - Maktabgacha va maktab taʼlimi vazirligi, Filial 2. Sertifikatlarning yagona elektron reyestrini “ Uzluksiz kasbiy taʼlim” platformasida yuritish. 2027-yil martdan boshlab 8. Filialga biriktirilgan texnikumlarda Xitoy tajribasi asosida turizm va axborot texnologiyalari yoʻnalishlari boʻyicha takomillashtirilgan taʼlim dasturlari hamda oʻqitish metodikalarini joriy etish. 1. Xitoy tajribasini oʻrganish va ilgʻor ta ʼ lim dasturlari hamda oʻqitish metodikalarini tahlil qilish. 2027-yil aprel - Kasbiy taʼlim agentligi, Filial 2. Turizm va axborot texnologiyalari yoʻ nalishlari b oʻyicha takomillashtirilgan taʼlim dasturlarini ishlab chiqish hamda belgilangan tartibda tasdiqlash. 2027-yil avgust 3. Ishlab chiqilgan taʼlim dasturlari hamda oʻqitish metodikalarini biriktirilgan texnikumlarda bosqichma-bosqich joriy etish. 2027/2028 oʻquv yilidan boshlab 9. Taʼlim dasturlarining oʻzaro mosligidan kelib chiqib, texnikum bitiruvchilari bakalavriatning tegishli bosqichidan toʻlov-kontrakt asosida oʻqishni davom ettirishi mexanizmini joriy etish. 1. Texnikumlarning turizm va axborot texnologiyalari yoʻnalishlari boʻyicha oʻquv dasturlarini Filialdagi bakalavriat taʼlim dasturlari bilan oʻzaro muvofiqlashtirish. 2027-yil may - Kasbiy taʼlim agentligi, Oliy taʼlim, fan va innovatsiyalar vazirligi, Filial 2. Oʻzlashtirilgan fanlarni inobatga olgan holda texnikum bitiruvchilarini bakalavriatning tegishli bosqichidan oʻqishni davom ettirish tartibini ishlab chiqish. 2027-yil avgust Oliy taʼlim, fan va innovatsiyalar vazirligi, Filial 10. Filialda texnikumlarning maxsus fan oʻqituvchilari uchun turizm va sunʼiy intellekt boʻyicha kasbiy koʻnikmalarni rivojlantirish oʻquv kurslarini joriy etish. 1. Kasbiy koʻnikmalarni rivojlantirishga yoʻnaltirilgan qisqa muddatli oʻquv kurslari dasturlarini ishlab chiqish va kurslarni Filial bazasida tashkil etish. 2. Kurslarni muvaffaqiyatli tamomlagan oʻqituvchilarning mazkur kurslarda olgan natijalarini muqobil malaka oshirish sifatida tan olish mexanizmini joriy etish. 2027/2028 oʻquv yili Kasbiy taʼlim agentligi va Kasbiy taʼlimni rivojlantirish jamgʻarmasi mablagʻlari Oliy taʼlim, fan va innovatsiyalar vazirligi, Filial 11. Xorazm viloyatidan Filialga biriktirilgan turizm va axborot texnologiyalari yoʻnalishlaridagi texnikum oʻquvchilarining oʻquv amaliyoti hamda maxsus fanlarning amaliy qismini Filial bazasida tashkil etish. 1. Filialga biriktirilgan texnikumlar va amaliyot oʻtashi lozim boʻlgan oʻquvchilar kontingentini aniqlash. 2. Oʻquv amaliyotini tashkil etish boʻyicha texnikumlar va Filial oʻrtasida amaliyot dasturlari hamda grafiklarini kelishish. 3. Oʻquvchilarni Filialning tegishli laboratoriya, oʻquv-amaliyot va boshqa infratuzilma obyektlaridan foydalangan holda oʻquv amaliyotini Filial bazasida tashkil etish. 4. Oʻquvchilarga turizm va axborot texnologiyalari sohalariga oid maxsus fanlarning amaliy qismini Filial bazasida oʻqitish choralarini koʻrish. Reja -grafikka muvofiq Kasbiy taʼlim agentligi va Kasbiy taʼlimni rivojlantirish jamgʻarmasi mablagʻlari Kasbiy taʼlim agentligi, Filial, tegishli texnikumlar 12. Filial talabalarining amaliyotlarini dual taʼlim asosida yoʻlga qoʻyish. 1. Filial hamda hamkor korxona va tashkilotlar oʻrtasida oʻzaro hamkorlik shartnomalarini imzolash. 2. Hamkor korxona (tashkilot) mutaxassislari bilan amaliyot dasturlarini tuzish. Oʻquv jarayoni grafigiga muvofiq - Xorazm viloyati hokimligi, Oliy taʼlim, fan va innovatsiyalar vazirligi, Filial, hamkor korxona va tashkilotlar 3. Dual taʼlim asosida tahsil olayotgan talabalarga korxona va tashkilotlar mutaxassislarini amaliyot rahbari sifatida biriktirish. Davlat budjeti mablagʻlari 13. Filial faoliyatida boshqarishning zamonaviy texnologiyalarini qoʻllash. 1. “Oliy taʼlim jarayonlarini boshqarish axborot tizimi” (HEMIS)ni oʻrnatish, sozlash va ishga tushirish. 2026-yil noyabr Davlat budjeti mablagʻlari Filial, Oliy taʼlim, fan va innovatsiyalar vazirligi 2. Axborot tizimiga Filial professor-oʻqituvchilari, xodimlari hamda talabalari toʻgʻrisidagi maʼlumotlar toʻliq kiritilishini taʼminlash. 2026-yil dekabr 14. Axborot-resurs markazini zamonaviy adabiyotlar bilan boyitib borish va uni avtomatlashtirilgan tizimga oʻtkazish. 1. Lyaoning pedagogika universiteti va akademik hamkorlar bilan birgalikda Filial axborot-resurs markazini yangi adabiyotlar bilan boyitish. 2027 — 2030-yillar Davlat budjeti mablagʻlari Filial, Oliy taʼlim, fan va innovatsiyalar vazirligi, akademik hamkorlar, Oʻzbekiston Milliy kutubxonasi 2. Axborot-resurs markazi fondidagi resurslarni “Unilibrary.uz” elektron kutubxona platformasiga kiritib borish. 2027 — 2030-yillar 15. Filialga avtotransport vositalarini saqlash uchun limit ajratish. 1. Filialga 2 ta, shu jumladan, 1 ta biriktirilgan, 1 ta navbatchi yengil avtotransport vositalarini saqlash uchun limit ajratish. 2026-yil sentabr Davlat budjeti mablagʻlari Iqtisodiyot va moliya vazirligi, Oliy taʼlim, fan va innovatsiyalar vazirligi, Filial 2. Ajratilgan avtomobillarni belgilangan tartibda zarur texnik vositalar bilan taʼminlash. Doimiy 16. Filialda besh muhim tashabbus doirasida sport va maʼnaviy tadbirlarni tashkil etish. 1. Besh muhim tashabbus doirasida toʻgaraklar va sport seksiyalari tashkil etish uchun zarur xona ajratish va uni jihozlash. 2027-yil yanvar Davlat budjeti mablagʻlari Filial, Oliy taʼlim, fan va innovatsiyalar vazirligi 2. Besh muhim tashabbus doirasida toʻgaraklar va sport seksiyalari faoliyatini yoʻlga qoʻyish. 2027-yil fevral 17. Filialda yoshlar oʻrtasida ekstremizm, radikal gʻoyalar, giyohvandlikka qarshi kurashish, shuningdek, din va davlat munosabatlari hamda milliy qonunchilikka oid maʼrifiy-profilaktik uchrashuvlarni tashkil qilish. 1. Uchrashuvga soha mutaxassislarini jalb qilish. 2027-yil davomida - Filial, Oliy taʼlim, fan va innovatsiyalar vazirligi 2. Oʻtkazilayotgan uchrashuvlarda yoshlar orasida sodir boʻlgan jinoyatlarni misol qilib koʻrsatish. 3. Uchrashuvlarga Filialda tahsil olayotgan barcha talaba-yoshlarni jalb qilish. har oyda
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 2-oktabr,
PQ- 359 -son
Президента Республики Узбекистан
Постановление
О создании филиала Ляонинского педагогического университета Китайской Народной Республики в Узбекистане
В целях подготовки конкурентоспособных кадров для отраслей экономики, повышения качества образования на основе зарубежных программ, внедрения передовых образовательных технологий в сферу, подготовки высококвалифицированных специалистов с современными знаниями и навыками применения педагогических технологий постановляю:
I. Основная цель
1. Определить, что основными целями настоящего постановления являются подготовка квалифицированных кадров для отраслей экономики и социальной сферы на основе опыта Китайской Народной Республики, реализация совместных научно-исследовательских проектов, а также внедрение системы развития потенциала профессоров-преподавателей и специалистов сферы.
II. Образование филиала Ляонинского педагогического университета в Узбекистане
2. Согласиться со следующими предложениями Министерства высшего образования, науки и инноваций, хокимията Хорезмской области и Ляонинского педагогического университета Китайской Народной Республики (далее — Университет) по:
(а) образованию в Хорезмской области филиала Ляонинского педагогического университета в Узбекистане (далее — Филиал);
(б) утверждению состава Наблюдательного совета филиала Ляонинского педагогического университета в Узбекистане согласно приложению № 1 * .
3. Принять к сведению, что между Министерством высшего образования, науки и инноваций, Ургенчским государственным университетом и Университетом подписано Соглашение об образовании Филиала, предусматривающее:
(а) организацию образовательного процесса в Филиале на основе учебных планов и образовательных стандартов Университета с учетом государственных образовательных стандартов и квалификационных требований Республики Узбекистан;
(б) определение Наблюдательного совета в качестве высшего органа управления Филиала, а также его задач и порядка организации деятельности в Уставе Филиала;
(в) назначение на должность директора Филиала, ответственного за организацию академической деятельности, обеспечение качества и координацию образования, Наблюдательным советом на основе рекомендации Министерства высшего образования, науки и инноваций;
(г) определение Наблюдательным советом параметров приема, сумм платного контракта, порядка приема на учебу и проведения аттестации выпускников;
(д) обеспечение Университетом повышения качества образования и академического статуса Филиала, а также учебными программами и квалифицированными кадрами.
4. Установить, что:
(а) Филиал является высшей образовательной организацией при учредительстве Министерства высшего образования, науки и инноваций, Ургенчского государственного университета и Университета — резидентом Республики Узбекистан со статусом юридического лица;
(б) Филиал является академически самостоятельной высшей образовательной организацией;
(в) в Филиале образовательный процесс начинается с 2026/2027 учебного года, который ведется по дневной и альтернативным формам обучения на узбекском, китайском или английском языках;
(г) назначение на должность исполнительного директора Филиала, ответственного за организацию и координацию финансово-хозяйственной, организационной и административной деятельности, осуществляется Министерством высшего образования, науки и инноваций;
(д) в Филиале образовательный процесс организовывается на основе государственного гранта и платного контракта. При этом:
(i) обучение студентов, принятых на учебу до 2030/2031 учебного года, осуществляется полностью на основе государственного гранта на протяжении всего периода обучения;
(ii) начиная с 2030/2031 учебного года 30 процентов утверждаемых в установленном порядке годовых параметров приема формируется на основе государственного гранта;
(ж) выпускникам Филиала выдается диплом Филиала и (или) Университета, признаваемый в качестве документа о высшем образовании;
(з) практика студентов Филиала организовывается на производственных и сервисных предприятиях (организациях) региона в соответствии с его учебными планами, в том числе на основе дуального образования.
5. Хокимияту Хорезмской области совместно с Министерством дошкольного и школьного образования, Министерством высшего образования, науки и инноваций обеспечить заключение договоров о взаимном сотрудничестве между Филиалом, предприятиями и организациями, а также налаживание практики студентов на основе дуального образования.
6. Прикрепить к филиалу Ляонинского педагогического университета в Узбекистане в качестве академического партнера отечественные высшие образовательные организации согласно приложению № 2 * .
7. Академическим партнерам — высшим образовательным организациям:
(а) оказывать Филиалу содействие в обеспечении высококвалифицированными педагогическими кадрами и учебной литературой;
(б) на основе программ Филиала усовершенствовать свои программы по предметам соответствующих направлений образования бакалавриата на 2027/2028 учебный год;
(в) начиная с 2027/2028 учебного года поэтапно в сотрудничестве с Филиалом осуществлять взаимную академическую мобильность студентов и педагогических кадров;
(г) совместно с Филиалом принимать меры реализации совместных научно-исследовательских проектов по соответствующим направлениям партнерства.
8. Прикрепить к Филиалу техникумы, осуществляющие подготовку кадров по направлениям «туризм» и «информационные технологии», согласно приложению № 3 * . При этом:
(а) в техникумах внедряются усовершенствованные образовательные программы и методики обучения по направлениям «туризм» и «информационные технологии» на основе китайского опыта. При этом для выпускников техникумов создается возможность продолжить обучение с надлежащего курса направления образования бакалавриата, соответствующего программе обучения, на основе платного контракта;
(б) в Филиале для преподавателей специальных дисциплин техникумов внедряются учебные курсы развития профессиональных навыков по туризму и искусственному интеллекту, признаваемые в качестве альтернативного повышения квалификации;
(в) учебная практика учащихся техникумов Хорезмской области по направлениям «туризм» и «информационные технологии», прикрепленных к Филиалу, организовывается на базе Филиала;
(г) для учащихся техникумов Хорезмской области, прикрепленных к Филиалу, создается возможность освоить практическую часть специальных дисциплин по сфере туризма и информационные технологии на базе Филиала;
(д) расходы, связанные с реализацией задач, определенных подпунктами «б» , «в» и «г» настоящего пункта, покрываются за счет средств Государственного бюджета, выделенных Агентству профессионального образования на данные цели, а также Фонда развития профессионального образования.
9. Министерству дошкольного и школьного образования начиная с 1 января 2027 года привлекать учителей по предмету «информатика» общеобразовательных школ на организовываемые в Филиале курсы повышения квалификации по менторству для обучения искусственному интеллекту. При этом:
(а) Министерство дошкольного и школьного образования ежегодно в срок до 5 декабря формирует и представляет в Филиал список педагогов для повышения квалификации на очередной год в количестве 250 человек из числа кандидатов, показавших наиболее высокие результаты, на конкурсной основе;
(б) Филиал организовывает курсы повышения квалификации для педагогов в комбинированной (онлайн и офлайн) форме в объеме не менее 72 часов;
(в) размеры платы за обучение на курсах повышения квалификации определяются Наблюдательным советом;
(г) расходы слушателей, связанные с повышением квалификации в Филиале и служебной командировкой (транспортом и проживанием), финансируются за счет средств Государственного бюджета, выделенных Министерству дошкольного и школьного образования на данные цели, на основании договора, заключенного с Филиалом;
(д) курсы повышения квалификации ведутся с участием зарубежных специалистов, привлекаемых Университетом, а также профессоров-преподавателей Филиала;
(ж) слушатели курсов повышения квалификации размещаются в общежитии Центра педагогического мастерства Хорезмской области;
(з) слушателям, успешно окончившим курсы повышения квалификации, Филиалом в установленном порядке выдается сертификат, признаваемый в качестве документа, удостоверяющего прохождение альтернативного повышения квалификации учителями по предмету «информатика»;
(и) начиная с 2027/2028 учебного года учителям, прошедшим повышение квалификации, обеспечивается осуществление деятельности в качестве преподавателя-ментора на мероприятиях «День профессионального развития».
10. Разрешить Совету Министров Республики Каракалпакстан, хокимиятам областей и города Ташкента осуществление целевой подготовки кадров исходя из потребности в специалистах для реализации инвестиционных проектов в регионах путем предоставления заказов Филиалу за счет дополнительных источников местных бюджетов.
III. Финансирование и материально-техническое обеспечение деятельности Филиала
11. Определить источниками финансирования деятельности Филиала:
(а) средства Государственного бюджета Республики Узбекистан;
(б) средства, поступающие от обучения на основе платного контракта;
(в) инвестиции и благотворительные пожертвования физических и юридических лиц, а также внебюджетные средства учредителей;
(г) средства, поступающие от оказания платных услуг и коммерциализации научных результатов;
(д) иные источники, не запрещенные актами законодательства.
12. Определить, что:
(а) размеры оплаты труда руководителей и профессоров-преподавателей, привлекаемых в Филиал из-за рубежа, в частности Университета, устанавливаются исходя из конъюнктуры рынка труда на основании заключенных договоров;
(б) тарифные коэффициенты и базовые должностные оклады по разрядам оплаты труда по Единой тарифной сетке отечественным профессорам-преподавателям и специалистам, привлекаемым в Филиал в целях повышения педагогического и научного потенциала, качественной организации образовательного процесса в Филиале, исчисляются в 1,5-кратном размере оплаты труда;
(в) финансирование расходов, связанных с содержанием Филиала за счет средств Государственного бюджета, осуществляется в 2026 году в рамках средств республиканского бюджета Республики Узбекистан, выделенных Министерству высшего образования, науки и инноваций в качестве распределителя бюджетных средств первого уровня, начиная с 2027 года — предусматривается в параметрах Государственного бюджета на основании бюджетных запросов, представленных в соответствии с требованиями бюджетного законодательства.
13. Агентству по управлению государственными активами обеспечить размещение Филиала на основе права безвозмездного пользования в зданиях и сооружениях, расположенных по адресу: Хорезмская область, город Хива, СГМ «Кибла Тозабог», улица Мактаб, дом 57.
IV. Организация, обеспечение и контроль исполнения постановления
14. Утвердить «Дорожную карту» по организации деятельности Филиала Ляонинского педагогического университета в Узбекистане согласно приложению № 4 * .
15. Министерству высшего образования, науки и инноваций совместно с Министерством дошкольного и школьного образования в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Возложить на министра высшего образования, науки и инноваций К.А. Шарипова и хокима Хорезмской области Ж.Р. Рахимова персональную ответственность за эффективную организацию исполнения настоящего постановления.
17. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Руководителя Администрации Президента Республики Узбекистан по реформированию образования И.Т. Сираджева.
Президент Республики Узбекистан Ш. МИРЗИЁЕВ
г. Ташкент,
2 октября 2026 г.,
№ ПП- 359