📅 2026-yil 3-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 3 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 3 октября 2026 г. · Указы Президента
Официальный текст. Официальный документ. Редакционные примечания не включены.
📅 3 October 2026 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Таълим ва илм-фан вазирлигини ташкил этиш тўғрисида
Мамлакатимизда узлуксиз таълим, тарбия ва илм-фан тизимини замон талаблари асосида ташкил этиш, инсон капиталини ривожлантиришни янги босқичга олиб чиқиш, таълимнинг барча турлари ўртасидаги ўзаро узвийликни таъминлаш, жумладан, мактаб таълимини касбий ва олий таълим билан, олий таълимни илм-фан билан яқиндан интеграция қилиш, шунингдек, илғор хорижий тажрибани ҳисобга олган ҳолда таълим соҳасида ягона самарали бошқарув тизимини жорий қилиш, тизимнинг жамоатчилик олдида ҳисобдорлигини ошириш мақсадида қарор қиламан:
1. Мактабгача ва мактаб таълими вазирлиги ҳамда Олий таълим, фан ва инновациялар вазирлиги негизида Таълим ва илм-фан вазирлиги ташкил этилсин.
2. Белгилаб қўйилсинки, Таълим ва илм-фан вазирлиги:
(а) қуйидаги соҳаларда ягона давлат сиёсатини амалга ошириш, уларни ривожлантириш ва тартибга солиш бўйича республика ижро этувчи ҳокимият органи ҳисобланади:
(i) мактабгача таълим ва тарбия;
(ii) умумий ўрта ва ўрта махсус таълим;
(iii) касбий таълим;
(iv) олий таълим;
(v) олий таълимдан кейинги таълим;
(vi) кадрларни қайта тайёрлаш ва уларнинг малакасини ошириш;
(vii) қўшимча ва норасмий таълим;
(б) Мактабгача ва мактаб таълими вазирлиги ҳамда Олий таълим, фан ва инновациялар вазирлигининг ҳуқуқлари, мажбуриятлари ва шартномалари, шу жумладан, халқаро шартномалари бўйича ҳуқуқий вориси ҳисобланади.
3. Вазирлар Маҳкамаси бир ҳафта муддатда Таълим ва илм-фан вазирлиги фаолиятини натижадорликка йўналтирилган ва самарали бошқарув тамойиллари асосида ташкил этиш, унинг вазифалари ва ташкилий тузилмасини белгилаш бўйича Ўзбекистон Республикаси Президентининг қарори лойиҳасини киритсин.
4. Таълим ва илм-фан вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Ушбу Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 3 октябрь,
ПФ-213-сон
Oʻzbekiston Respublikasi Prezidentining
Farmoni
Oʻzbekiston Respublikasi Taʼlim va ilm-fan vazirligini tashkil etish toʻgʻrisida
Mamlakatimizda uzluksiz taʼlim, tarbiya va ilm-fan tizimini zamon talablari asosida tashkil etish, inson kapitalini rivojlantirishni yangi bosqichga olib chiqish, taʼlimning barcha turlari oʻrtasidagi oʻzaro uzviylikni taʼminlash, jumladan, maktab taʼlimini kasbiy va oliy taʼlim bilan, oliy taʼlimni ilm-fan bilan yaqindan integratsiya qilish, shuningdek, ilgʻor xorijiy tajribani hisobga olgan holda taʼlim sohasida yagona samarali boshqaruv tizimini joriy qilish, tizimning jamoatchilik oldida hisobdorligini oshirish maqsadida qaror qilaman:
1. Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi negizida Taʼlim va ilm-fan vazirligi tashkil etilsin.
2. Belgilab qoʻyilsinki, Taʼlim va ilm-fan vazirligi:
(a) quyidagi sohalarda yagona davlat siyosatini amalga oshirish, ularni rivojlantirish va tartibga solish boʻyicha respublika ijro etuvchi hokimiyat organi hisoblanadi:
(i) maktabgacha taʼlim va tarbiya;
(ii) umumiy oʻrta va oʻrta maxsus taʼlim;
(iii) kasbiy taʼlim;
(iv) oliy taʼlim;
(v) oliy taʼlimdan keyingi taʼlim;
(vi) kadrlarni qayta tayyorlash va ularning malakasini oshirish;
(vii) qoʻshimcha va norasmiy taʼlim;
(b) Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligining huquqlari, majburiyatlari va shartnomalari, shu jumladan, xalqaro shartnomalari boʻyicha huquqiy vorisi hisoblanadi.
3. Vazirlar Mahkamasi bir hafta muddatda Taʼlim va ilm-fan vazirligi faoliyatini natijadorlikka yoʻnaltirilgan va samarali boshqaruv tamoyillari asosida tashkil etish, uning vazifalari va tashkiliy tuzilmasini belgilash boʻyicha Oʻzbekiston Respublikasi Prezidentining qarori loyihasini kiritsin.
4. Taʼlim va ilm-fan vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Ushbu Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 3-oktabr,
PF-213-son
Президента Республики Узбекистан
Указ
О создании Министерства образования и науки Республики Узбекистан
В целях организации системы непрерывного образования, воспитания и науки в стране на основе современных требований, выведения развития человеческого капитала на новый уровень, обеспечения взаимосвязанности между всеми видами образования, в частности, тесной интеграции школьного образования с профессиональным и высшим образованием, высшего образования с наукой, а также внедрения единой эффективной системы управления в сфере образования с учетом передового зарубежного опыта, повышения отчетности системы перед общественностью постановляю:
1. Создать Министерство образования и науки на базе Министерства дошкольного и школьного образования и Министерства высшего образования, науки и инноваций.
2. Определить, что Министерство образования и науки является:
(а) республиканским органом исполнительной власти по осуществлению единой государственной политики, развитию и регулированию в следующих сферах:
(i) дошкольное образование и воспитание;
(ii) общее среднее и среднее специальное образование;
(iii) профессиональное образование;
(iv) высшее образование;
(v) послевузовское образование;
(vi) переподготовка и повышение квалификации кадров;
(vii) дополнительное и неформальное образование;
(б) правопреемником по правам, обязательствам и договорам, включая международные, Министерства дошкольного и школьного образования и Министерства высшего образования, науки и инноваций.
3. Кабинету Министров в недельный срок внести проект постановления Президента Республики Узбекистан об организации деятельности Министерства образования и науки на основе принципов управления, направленных на результативность и эффективность, определении его задач и организационной структуры.
4. Министерству образования и науки совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
5. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
3 октября 2026 г.,
№ УП-213