UzbekAI

Ўзбекистон Республикаси Президентининг

қарори

ДАСТУРИ

ТАШКИЛИЙ ТУЗИЛМАСИ

УМУМИЙ ЧЕКЛАНГАН СОНИ

Таълим ва илм-фан вазирлиги фаолиятини ташкил этиш чора-тадбирлари тўғрисида

Ўзбекистон Республикаси Президентининг 2026 йил 3 октябрдаги «Ўзбекистон Республикаси Таълим ва илм-фан вазирлигини ташкил этиш тўғрисида»ги ПФ-213-сон Фармони ижросини таъминлаш, шунингдек, узлуксиз таълим тизимининг мактабгача таълимдан бошлаб олий таълимдан кейинги таълимгача бўлган барча босқичларида ягона давлат сиёсатини изчил амалга ошириш, янги таълим тизимини яратиш, таълим мазмуни ва стандартларининг узвийлигини таъминлаш, натижадорлик кўрсаткичларига асосланган самарали ва жамоатчилик олдида ҳисобдор бошқарув тизимини жорий этиш мақсадида қарор қиламан:

I. Мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) таълимнинг барча босқичларини ягона вертикал асосида бошқариш, таълим соҳасидаги ваколатли республика ижро этувчи ҳокимият органлари томонидан амалга ошириладиган вазифа ва функциялар такрорланишини бартараф этиш орқали ягона самарали бошқарув тизимини жорий этиш;

(б) мактабгача, умумий ўрта ва ўрта махсус, касбий, олий ва олий таълимдан кейинги таълимнинг давлат таълим стандартлари, ўқув режалари ва малака талабларини ягона тизимда мувофиқлаштириш, битирувчиларни меҳнат бозори эҳтиёжларига мос равишда тайёрлаш орқали таълим мазмунининг узвийлигини таъминлаш;

(в) илмий салоҳиятни бирлаштириш орқали илмий кластерлар ва тадқиқот университетларини ташкил этиш, илмий натижаларни тижоратлаштириш, иқтидорли ўқувчиларни мактаб давриданоқ илмий фаолиятга жалб қилишнинг узлуксиз тизимини яратиш орқали илм-фан ва олий таълим интеграциясини таъминлаш;

(г) таълим олувчи шахсларнинг таълим траекториясини қамраб олувчи ягона рақамли платформани такомиллаштириш, таълим ташкилотлари фаолияти ҳамда ўқувчи ва талабалар билимини халқаро баҳолаш тадқиқотлари натижалари ва аниқ самарадорлик кўрсаткичлари (KPI) асосида баҳолаш, шунингдек, бюджет маблағларидан самарали фойдаланиш орқали натижадорликка йўналтирилган ва ҳисобдор бошқарув тизимини жорий этиш.

II. Таълим ва илм-фан вазирлиги фаолиятини ташкил этиш

2. Таълим ва илм-фан вазирлиги (кейинги ўринларда — Вазирлик) таълим, илм-фан ва илмий фаолият соҳасидаги ваколатли республика ижро этувчи ҳокимият органи ҳисобланади.

3. Қуйидагилар:

(а) Таълим ва илм-фан вазирлиги фаолиятининг асосий йўналишлари 1-иловаг а мувофиқ;

(б) Таълим ва илм-фан вазирлиги тизимида амалга оширилаётган ташкилий ўзгаришлар дастури 2-иловага мувофиқ;

(в) Таълим ва илм-фан вазирлигининг ташкилий тузилмаси 3-иловага мувофиқ;

(г) Таълим ва илм-фан вазирлиги, унинг ҳудудий ва туман (шаҳар) бўлинмалари ҳамда тизимидаги агентликлар жами бошқарув ходимларининг умумий чекланган сони 4-иловага мувофиқ тасдиқлансин.

4. Белгилансинки, Вазирлик марказий аппарати тузилмасида Рақамли трансформация ва ахборот сиёсати департаменти, Молия, инфратузилма ва ресурслар департаменти, Тарбия, болалар ҳуқуқини ҳимоя қилиш ва хавфсиз муҳитни таъминлаш департаменти ташкил этилади ва уларнинг раҳбарлари тиббий ва транспорт хизмати кўрсатиш шарт-шароитларига кўра вазир ўринбосарига тенглаштирилади.

5. Ўзбекистон Республикаси таълим ва илм-фан вазирига таълим ва илм-фан соҳасида давлат сиёсатини амалга ошириш бўйича қуйидаги қўшимча ваколатлар берилсин:

(а) маҳаллий ва хорижий мутахассисларни фуқаролик-ҳуқуқий тусдаги шартномалар асосида жалб қилиш, шунингдек, консалтинг, экспертлик, таҳлилий ҳамда таълим менежменти ва молиявий бошқарув бўйича малака ошириш хизматларини «таклиф сўрови» тартиб-таомили асосида харид қилиш;

(б) ушбу қарорда белгиланган вазифаларни бажариш учун штат бирликларини малакали мутахассислар билан тўлдириш мақсадида, истисно тариқасида, Вазирликнинг марказий аппаратига 2027 йил 1 февралга қадар ходимларни тўғридан-тўғри суҳбат асосида ишга қабул қилиш.

6. Белгилансинки:

(а) Вазирликда аутсорсинг асосида қуйидаги фаолият йўлга қўйилади:

(i) аҳоли мурожаатлари, шикоятлари, таклифлари ва эътирозларини қабул қилиш, уларни тезкор кўриб чиқиш ҳамда тегишли ташкилотларга йўналтиришни таъминлаш мақсадида «Call-марказ»;

(ii) аҳоли ҳамда таълим ва илм-фан тизими ходимлари билан тизимли мулоқотни таъминлаш, таълим хизматлари сифати, оммабоплиги ва мавжуд муаммолар юзасидан тезкор ахборот олиш ҳамда таҳлил қилиш мақсадида қайта алоқа тизими;

(б) Ўзбекистон Республикаси таълим ва илм-фан вазири ҳузурида таълим олувчилар, талабалар, ота-оналар, педагоглар ва иш берувчилар вакилларидан иборат Таълим бўйича жамоатчилик кенгаши ташкил этилади;

(в) Вазирлик ҳайъати Ўзбекистон Республикаси таълим ва илм-фан вазири (ҳайъат раиси), унинг ўринбосарлари, Вазирлик ҳузуридаги агентликлар директорлари, шунингдек, етакчи олий таълим ташкилотлари ректорлари, олимлар ва педагоглар орасидан 15 нафар аъзодан иборат таркибда тузилади.

7. Ўзбекистон Республикаси Президенти Администрацияси ҳузурида Инсон капиталини ривожлантириш ва узлуксиз таълим стратегиясини ишлаб чиқиш бўйича махсус ишчи гуруҳ (кейинги ўринларда — Ишчи гуруҳ) ташкил этилсин.

8. Қуйидагилар Ишчи гуруҳнинг Вазирлик билан биргаликдаги асосий вазифалари этиб белгилансин:

(а) инсон капиталини ривожлантириш ва узлуксиз таълим тизимини такомиллаштиришнинг устувор йўналишларини белгилаш ҳамда мазкур йўналишлардаги ислоҳотларни назарда тутувчи умуммиллий концепцияни ишлаб чиқиш;

(б) узлуксиз таълим тизимидаги ислоҳотларни амалга оширишнинг устувор йўналишлари, босқичлари ва муддатларини белгилашни назарда тутувчи стратегияни ишлаб чиқиш;

(в) узлуксиз таълим тизимида амалга оширилаётган ислоҳотларнинг натижадорлигини баҳолаш мезонларини ишлаб чиқиш, белгиланган вазифаларнинг ижросини мониторинг қилиш ҳамда аниқланган муаммоларни бартараф этиш юзасидан таклифлар киритиш;

(г) Вазирликнинг асосий вазифалари, функциялари, ваколатлари ва жавобгарлик доирасини аниқ белгилаш, шунингдек, функцияларнинг такрорланиши ва ортиқча маъмурий тартиб-таомилларни бартараф этиш бўйича таклифлар ишлаб чиқиш;

(д) илғор жаҳон тажрибаси асосида Вазирлик фаолиятини самарали ташкил этиш, бошқарув жараёнларини мақбуллаштириш ҳамда замонавий бошқарув усулларини жорий этиш бўйича таклифлар ишлаб чиқиш;

(ж) меҳнат бозори эҳтиёжларига мос узлуксиз таълим тизимини шакллантириш, таълим хизматлари бозорида рақобат муҳитини ривожлантириш ҳамда хусусий секторнинг узлуксиз таълим тизимида иштирокини кенгайтириш бўйича таклифлар ишлаб чиқиш.

9. Белгилаб қўйилсинки:

(а) Ишчи гуруҳ Ўзбекистон Республикаси Президенти Администрацияси ҳузуридаги маслаҳат органи ҳисобланади;

(б) Ишчи гуруҳ фаолияти Ўзбекистон Республикаси Президенти Администрацияси Раҳбарининг маслаҳатчиси Н.Э. Давлетова томонидан мувофиқлаштирилади;

(в) Ишчи гуруҳ таркиби Ўзбекистон Республикаси Президенти Администрацияси Раҳбари томонидан тасдиқланади;

(г) Ишчи гуруҳ фаолиятини самарали йўлга қўйиш мақсадида Вазирлик ҳузурида Инсон капиталини ривожлантириш жамғармаси (кейинги ўринларда — Жамғарма) ташкил этилади. Бунда Жамғарма маблағлари халқаро молия институтлари ва бошқа ташкилотлардан тушадиган ҳомийлик ва молиявий ёрдам маблағлари, шунингдек, қонунчилик ҳужжатларида тақиқланмаган бошқа манбалар ҳисобидан шакллантирилади;

(д) Ишчи гуруҳга мутахассислар шартнома ёки жамоатчилик асосида жалб этилади. Бунда Ишчи гуруҳ аъзоларини рағбатлантириш билан боғлиқ харажатлар Жамғарма ҳисобидан қопланади.

10. Таълим ва илм-фан соҳасидаги муаммолар ва устувор йўналишларни аниқлаш, далилларга асосланган муқобил ечимларни ишлаб чиқиш, ислоҳотларнинг самарадорлигини баҳолаш мақсадида Вазирлик ҳузурида Таълим ва илм-фан бўйича стратегик тадқиқотлар ва баҳолаш маркази (кейинги ўринларда — Марказ) ташкил этилсин. Бунда Марказ штат бирликлари Вазирлик тизимидаги ташкилотларнинг штат бирликларини мақбуллаштириш ҳисобига шакллантирилади.

III. Қарор ижросини ташкил этиш, таъминлаш ва назорат

11. Ўзбекистон Республикаси таълим ва илм-фан вазирига Мактабгача ва мактаб таълими вазирлиги ҳамда Олий таълим, фан ва инновациялар вазирлигига 2026 йилда биринчи даражали бюджет маблағларини тақсимловчи сифатида ажратилган маблағларни Ўзбекистон Республикасининг республика бюджети параметрлари доирасида қайта тақсимлаш ва тасарруф қилишга рухсат берилсин.

12. Қуйидагилар:

(а) Вазирлик — Тошкент шаҳри Олмазор тумани Университет кўчаси 7-уй манзилидаги бинога;

(б) Вазирлик тақсимотига кўра тизим ташкилотлари — Тошкент шаҳри Шайхонтоҳур тумани Навоий кўчаси 2а-уй манзилидаги бинога оператив бошқарув ҳуқуқи асосида жойлаштирилсин.

13. Вазирлик манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Раҳбарининг таълимни ислоҳ қилиш бўйича ўринбосари О.А. Хакимов зиммасига юклансин.

Ўзбекистон Республикаси Президентининг 2026 йил 19 октябрдаги ПҚ-380-сон қарорига 1-ИЛОВА

Таълим ва илм-фан вазирлиги фаолиятининг асосий йўналишлари

1. Ягона давлат сиёсати ва бошқаруви йўналишида:

(а) барча таълим турлари бўйича ҳамда илм-фан ва инновациялар соҳаларида ягона давлат сиёсатини амалга ошириш, барча таълим босқичларининг ўзаро узвийлиги ва узлуксизлигини таъминлаш, соҳаларни стратегик ривожлантириш йўналишларини белгилаш;

(б) барча таълим турлари бўйича халқаро талаблар асосида давлат таълим стандартлари, талаблари ва ўқув дастурларини жорий этиш, таълим сифатини баҳолашнинг миллий тизимини юритиш ва халқаро тадқиқотларда иштирок этиш;

(в) Янги Ўзбекистон авлодини тарбиялашга қаратилган миллий тарбия модели — миллий ва умуминсоний қадриятларга содиқ, Ватан тақдири ва келажаги учун масъулиятни ҳис этадиган, мустақил ва танқидий фикрлайдиган, маънавий баркамол, фаол фуқаролик позициясига эга шахсни шакллантиришга қаратилган ягона миллий тарбия тизимини яратиш;

(г) натижадорликка йўналтирилган ва маълумотларга асосланган бошқарувни жорий этиш, тизимнинг очиқлиги ва жамоатчилик олдида ҳисобдорлигини ошириш;

(д) таълим хизматларини кўрсатиш соҳасидаги фаолиятни лицензиялаш, рухсат бериш ва хабардор қилиш тартиб-таомилларини амалга ошириш, таълим ташкилотларини аккредитациялаш, шунингдек, кадрлар малакасини ошириш ва уларни қайта тайёрлаш фаолиятини тартибга солиш.

2. Мактабгача таълим ва тарбия йўналишида:

(а) ҳар бир болага сифатли мактабгача таълим олишда тенг шароит ва имконият яратиш, қамровни кенгайтириш, мактабгача таълимнинг муқобил шаклларини ва инклюзив муҳитни ривожлантириш;

(б) ўйинга асосланган миллий ўқув дастурини жорий этиш, болаларнинг саломатлиги, соғлом овқатланиши, хавфсизлиги ва мактабга тайёрлигини таъминлаш.

3. Умумий ўрта ва ўрта махсус таълим йўналишида:

(а) замонавий педагогик технологиялар асосида ўқув ва тарбия жараёнини ташкил этиш, таълим жараёнига касбга йўналтиришнинг самарали шакл ва услубларини жорий этиш орқали ўқувчиларни катта ҳаётга тайёрлаш, касб ва хорижий тил эгаллаб чиқишини;

(б) иқтидорли ёшларни аниқлаш, саралаб олиш ва уларнинг ҳар томонлама ривожланиши учун зарур шарт-шароитларни яратиш, ўқувчиларнинг умумтаълим фанлари бўйича халқаро олимпиадалар, танловлар ва мусобақаларда муносиб иштирокини таъминлаш.

4. Касбий таълим йўналишида:

(а) техникум ва корхоналар ўртасида самарали ҳамкорликни ташкил этиш ҳамда дуал таълим тизимини ривожлантириш;

(б) «ҳаёт давомида ўқиш» тамойилини татбиқ этиш, шунингдек, ишсиз, иш қидираётган ва хорижда вақтинча меҳнат фаолиятини амалга ошириш истагида бўлган фуқароларни касбга ўқитишни ташкил этиш.

5. Олий таълим ва илм-фан йўналишида:

(а) олий таълим ташкилотларида халқаро мезонларни жорий этиш орқали таълим сифатини ошириш, ўқув жараёнини ташкил этиш меъёрларини белгилаш ҳамда таълим ташкилотлари бошқарувини ва педагог кадрларининг касбий кўникмаларини ривожлантириш;

(б) илм-фан ва технологияларни ривожлантиришнинг устувор йўналишлари асосида давлат илмий дастурларини шакллантириш, илмий даражали кадрларни тайёрлаш тизимини мувофиқлаштириш, таълим, илм-фан ва ишлаб чиқариш интеграциясини мустаҳкамлаш, янги ишланмаларни тижоратлаштириш, рационализаторлик фаолияти ҳамда стартап экотизимини ривожлантириш.

6. Таълим мазмуни, сифати ва тарбия йўналишида:

(а) таълим олувчиларни миллий қадриятлар ва ватанпарварлик руҳида тарбиялаш, болалар ҳуқуқлари, хавфсиз таълим муҳити ва психологик қўллаб-қувватлашни таъминлаш;

(б) педагог ва раҳбар кадрларнинг малакасини ошириш, уларни қайта тайёрлаш ва фаолиятини баҳолаш тизимини такомиллаштириш, педагог касбининг мақоми ва обрўсини кўтариш, уларни моддий ва ижтимоий қўллаб-қувватлаш;

(в) қўшимча ва норасмий таълимни ривожлантириш.

7. Инфратузилма, рақамлаштириш ва ҳамкорлик йўналишида:

(а) барча таълим ташкилотларининг моддий-техника базасини мустаҳкамлаш;

(б) соҳани рақамлаштириш, сунъий интеллектни ривожлантириш, давлат хизматларини электрон шаклда кўрсатиш ва маълумотлар ҳимоясини таъминлаш;

(в) нодавлат таълим секторини қўллаб-қувватлаш, соҳада давлат-хусусий шерикликни ривожлантириш;

(г) халқаро ҳамкорликни кенгайтириш, қўшма таълим ва илмий дастурларни амалга ошириш бўйича халқаро алоқаларни ривожлантириш, грантлар ва инвестицияларни жалб қилиш.

Ўзбекистон Республикаси Президентининг 2026 йил 19 октябрдаги ПҚ-380-сон қарорига 2-ИЛОВА

Таълим ва илм-фан вазирлиги тизимида амалга оширилаётган ташкилий ўзгаришлар

Т/р Ташкилотнинг амалдаги тўлиқ (расмий) номи Амалга оширилаётган ташкилий ўзгаришлар Амалга оширилаётган ташкилий ўзгаришларга оид қоидалар ва изоҳлар 1. Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги Таълим ва илм-фан вазирлиги ҳузурида Билим ва малакаларни баҳолаш агентлиги ташкил қилинмоқда. Билим ва малакаларни баҳолаш материалларини ишлаб чиқиш йўналишида ягона ташкилот ҳисобланади. Педагогик маҳорат ва халқаро баҳолаш илмий-амалий марказининг амалдаги штатлари молиялаштириш тартибини сақлаб қолган ҳолда Билим ва малакаларни баҳолаш агентлигига ўтказилади. 2. Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигининг Педагогик маҳорат ва халқаро баҳолаш илмий-амалий маркази 3. Мактабгача ва мактаб таълими вазирлиги ҳузуридаги Республика таълим маркази Мактабгача ва мактаб таълими вазирлиги ҳузуридаги Республика таълим маркази фаолияти тугатилмоқда. Республика таълим марказининг амалдаги штатларидан 29 таси Ўзбекистон Республикаси Президенти Администрацияси ҳузуридаги Таълимни ривожлантириш республика илмий-методик марказига, 30 таси А. Авлоний номидаги Педагогик маҳорат миллий институтига ўтказилади.

Ўзбекистон Республикаси Президентининг 2026 йил 19 октябрдаги ПҚ-380-сон қарорига 3-ИЛОВА

Таълим ва илм-фан вазирлигининг

Таълим ва илм-фан вазирлиги Давлат олий таълим ташкилотлари * Инновацион ривожланиш агентлиги «Меҳрли мактаб» давлат таълим муассасаси «Ўзбекистон» нашриёт-матбаа ижодий уйи» МЧЖ, «Ғафур Ғулом номидаги нашриёт-матбаа ижодий уйи» МЧЖ Олий таълим тизими кадрларини қайта тайёрлаш ва малакасини ошириш институти Касбий таълим агентлиги ** «Таъминот ва логистика хизмати» МЧЖ «Бошланғич таълим» журнали таҳририяти» давлат муассасаси, «Тил ва адабиёт таълими» журналлари таҳририяти» давлат муассасаси, «Маърифат» ва «Учитель Узбекистана» газеталари таҳририяти, «Халқ таълими» журнали таҳририяти» давлат корхонаси, «Тонг юлдузи» газетаси, «Класс» газетаси, «Ғунча» журнали, «Гулхан» журнали Ихтисослаштирилган таълим муассасалари агентлиги Ёшларнинг инновацион ташаббусларини қўллаб-қувватлаш офиси А. Авлоний номидаги Педагогик маҳорат миллий институти Билим ва малакаларни баҳолаш агентлиги «Ахборот ва педагогика технологиялари инновацион маркази» МЧЖ Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институти Ўқувчиларни касб-ҳунарга йўналтириш ва психологик-педагогик республика ташхис маркази Афғонистон фуқароларининг ижтимоий фаоллигини ошириш маркази Қори Ниёзий номидаги Тарбия педагогикаси миллий институти ва унинг Қорақалпоғистон Республикаси филиали Таълим соҳасида овқатлантиришни ташкил этиш ва назорат қилиш маркази Республика дам олиш маскани «Ўзбекистон Республикасида таълим сифати ва самарадорлигини ошириш» лойиҳасини амалга ошириш гуруҳи Таълим ва илм-фан бўйича стратегик тадқиқотлар ва баҳолаш маркази Педагогик маҳорат марказлари Республика «Келажак» маркази Илм-фанни молиялаштириш ва инновацияларни қўллаб-қувватлаш жамғармаси Рақамли таълим ва сунъий интеллектни ривожлантириш маркази Психология илмий-тадқиқот институти Таълим соҳасидаги ислоҳотларга кўмаклашиш жамғармаси Олий таълимни ривожлантириш ва глобал ҳамкорлик маркази Талаба-ёшлар билан ишлаш маркази Қорақалпоғистон Республикаси Таълим ва илм-фан вазирлиги, вилоятлар ва Тошкент шаҳри таълим ва илм-фан бошқармалари Қорақалпоғистон Республикаси Таълим маркази Болалар кутубхоналари «Келажак» марказлари Туман (шаҳар) таълим бўлимлари Умумий ўрта таълим ташкилотлари Мактабгача таълим ташкилотлари «Янги авлод» мактабгача таълим ташкилотлари «Келажак» марказлари

Ўзбекистон Республикаси Президентининг 2026 йил 19 октябрдаги ПҚ-380-сон қарорига 4-ИЛОВА

Таълим ва илм-фан вазирлиги, унинг ҳудудий ва туман (шаҳaр) бўлинмалари ҳамда тизимидаги агентликлар жами бошқарув ходимларининг

Республика ижро этувчи ҳокимият органлари Жами бошқарув штат бирлиги Таълим ва илм-фан вазирлиги тизими 5 364 Таълим ва илм-фан вазирлиги 4 829 шундан ўринбосарлар сони 4 Ихтисослаштирилган таълим муассасалари агентлиги 84 шундан ўринбосарлар сони 2 Инновацион ривожланиш агентлиги 86 шундан ўринбосарлар сони 2 Билим ва малакаларни баҳолаш агентлиги 172 шундан ўринбосарлар сони 2 Касбий таълим агентлиги 193 шундан ўринбосарлар сони 3

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 19 октябрь,

ПҚ- 380 -сон

(Қонунчилик маълумотлари миллий базаси, 21.10.2026 й., 07/26/380/1053-сон)

lex.uz

Oʻzbekiston Respublikasi Prezidentining

qarori

DASTURI

TASHKILIY TUZILMASI

UMUMIY CHEKLANGAN SONI

Taʼlim va ilm-fan vazirligi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining 2026-yil 3-oktabrdagi “Oʻzbekiston Respublikasi Taʼlim va ilm-fan vazirligini tashkil etish toʻgʻrisida”gi PF-213-son Farmoni ijrosini taʼminlash, shuningdek, uzluksiz taʼlim tizimining maktabgacha taʼlimdan boshlab oliy taʼlimdan keyingi taʼlimgacha boʻlgan barcha bosqichlarida yagona davlat siyosatini izchil amalga oshirish, yangi taʼlim tizimini yaratish, taʼlim mazmuni va standartlarining uzviyligini taʼminlash, natijadorlik koʻrsatkichlariga asoslangan samarali va jamoatchilik oldida hisobdor boshqaruv tizimini joriy etish maqsadida qaror qilaman:

I. Maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) taʼlimning barcha bosqichlarini yagona vertikal asosida boshqarish, taʼlim sohasidagi vakolatli respublika ijro etuvchi hokimiyat organlari tomonidan amalga oshiriladigan vazifa va funksiyalar takrorlanishini bartaraf etish orqali yagona samarali boshqaruv tizimini joriy etish;

(b) maktabgacha, umumiy oʻrta va oʻrta maxsus, kasbiy, oliy va oliy taʼlimdan keyingi taʼlimning davlat taʼlim standartlari, oʻquv rejalari va malaka talablarini yagona tizimda muvofiqlashtirish, bitiruvchilarni mehnat bozori ehtiyojlariga mos ravishda tayyorlash orqali taʼlim mazmunining uzviyligini taʼminlash;

(v) ilmiy salohiyatni birlashtirish orqali ilmiy klasterlar va tadqiqot universitetlarini tashkil etish, ilmiy natijalarni tijoratlashtirish, iqtidorli oʻquvchilarni maktab davridanoq ilmiy faoliyatga jalb qilishning uzluksiz tizimini yaratish orqali ilm-fan va oliy taʼlim integratsiyasini taʼminlash;

(g) taʼlim oluvchi shaxslarning taʼlim trayektoriyasini qamrab oluvchi yagona raqamli platformani takomillashtirish, taʼlim tashkilotlari faoliyati hamda oʻquvchi va talabalar bilimini xalqaro baholash tadqiqotlari natijalari va aniq samaradorlik koʻrsatkichlari (KPI) asosida baholash, shuningdek, budjet mablagʻlaridan samarali foydalanish orqali natijadorlikka yoʻnaltirilgan va hisobdor boshqaruv tizimini joriy etish.

II. Taʼlim va ilm-fan vazirligi faoliyatini tashkil etish

2. Taʼlim va ilm-fan vazirligi (keyingi oʻrinlarda — Vazirlik) taʼlim, ilm-fan va ilmiy faoliyat sohasidagi vakolatli respublika ijro etuvchi hokimiyat organi hisoblanadi.

3. Quyidagilar:

(a) Taʼlim va ilm-fan vazirligi faoliyatining asosiy yoʻnalishlari 1-ilovag a muvofiq;

(b) Taʼlim va ilm-fan vazirligi tizimida amalga oshirilayotgan tashkiliy oʻzgarishlar dasturi 2-ilovaga muvofiq;

(v) Taʼlim va ilm-fan vazirligining tashkiliy tuzilmasi 3-ilovaga muvofiq;

(g) Taʼlim va ilm-fan vazirligi, uning hududiy va tuman (shahar) boʻlinmalari hamda tizimidagi agentliklar jami boshqaruv xodimlarining umumiy cheklangan soni 4-ilovaga muvofiq tasdiqlansin.

4. Belgilansinki, Vazirlik markaziy apparati tuzilmasida Raqamli transformatsiya va axborot siyosati departamenti, Moliya, infratuzilma va resurslar departamenti, Tarbiya, bolalar huquqini himoya qilish va xavfsiz muhitni taʼminlash departamenti tashkil etiladi va ularning rahbarlari tibbiy va transport xizmati koʻrsatish shart-sharoitlariga koʻra vazir oʻrinbosariga tenglashtiriladi.

5. Oʻzbekiston Respublikasi taʼlim va ilm-fan vaziriga taʼlim va ilm-fan sohasida davlat siyosatini amalga oshirish boʻyicha quyidagi qoʻshimcha vakolatlar berilsin:

(a) mahalliy va xorijiy mutaxassislarni fuqarolik-huquqiy tusdagi shartnomalar asosida jalb qilish, shuningdek, konsalting, ekspertlik, tahliliy hamda taʼlim menejmenti va moliyaviy boshqaruv boʻyicha malaka oshirish xizmatlarini “taklif soʻrovi” tartib-taomili asosida xarid qilish;

(b) ushbu qarorda belgilangan vazifalarni bajarish uchun shtat birliklarini malakali mutaxassislar bilan toʻldirish maqsadida, istisno tariqasida, Vazirlikning markaziy apparatiga 2027-yil 1-fevralga qadar xodimlarni toʻgʻridan-toʻgʻri suhbat asosida ishga qabul qilish.

6. Belgilansinki:

(a) Vazirlikda autsorsing asosida quyidagi faoliyat yoʻlga qoʻyiladi:

(i) aholi murojaatlari, shikoyatlari, takliflari va eʼtirozlarini qabul qilish, ularni tezkor koʻrib chiqish hamda tegishli tashkilotlarga yoʻnaltirishni taʼminlash maqsadida “Call-markaz”;

(ii) aholi hamda taʼlim va ilm-fan tizimi xodimlari bilan tizimli muloqotni taʼminlash, taʼlim xizmatlari sifati, ommabopligi va mavjud muammolar yuzasidan tezkor axborot olish hamda tahlil qilish maqsadida qayta aloqa tizimi;

(b) Oʻzbekiston Respublikasi taʼlim va ilm-fan vaziri huzurida taʼlim oluvchilar, talabalar, ota-onalar, pedagoglar va ish beruvchilar vakillaridan iborat Taʼlim boʻyicha jamoatchilik kengashi tashkil etiladi;

(v) Vazirlik hayʼati Oʻzbekiston Respublikasi taʼlim va ilm-fan vaziri (hayʼat raisi), uning oʻrinbosarlari, Vazirlik huzuridagi agentliklar direktorlari, shuningdek, yetakchi oliy taʼlim tashkilotlari rektorlari, olimlar va pedagoglar orasidan 15 nafar aʼzodan iborat tarkibda tuziladi.

7. Oʻzbekiston Respublikasi Prezidenti Administratsiyasi huzurida Inson kapitalini rivojlantirish va uzluksiz taʼlim strategiyasini ishlab chiqish boʻyicha maxsus ishchi guruh (keyingi oʻrinlarda — Ishchi guruh) tashkil etilsin.

8. Quyidagilar Ishchi guruhning Vazirlik bilan birgalikdagi asosiy vazifalari etib belgilansin:

(a) inson kapitalini rivojlantirish va uzluksiz taʼlim tizimini takomillashtirishning ustuvor yoʻnalishlarini belgilash hamda mazkur yoʻnalishlardagi islohotlarni nazarda tutuvchi umummilliy konsepsiyani ishlab chiqish;

(b) uzluksiz taʼlim tizimidagi islohotlarni amalga oshirishning ustuvor yoʻnalishlari, bosqichlari va muddatlarini belgilashni nazarda tutuvchi strategiyani ishlab chiqish;

(v) uzluksiz taʼlim tizimida amalga oshirilayotgan islohotlarning natijadorligini baholash mezonlarini ishlab chiqish, belgilangan vazifalarning ijrosini monitoring qilish hamda aniqlangan muammolarni bartaraf etish yuzasidan takliflar kiritish;

(g) Vazirlikning asosiy vazifalari, funksiyalari, vakolatlari va javobgarlik doirasini aniq belgilash, shuningdek, funksiyalarning takrorlanishi va ortiqcha maʼmuriy tartib-taomillarni bartaraf etish boʻyicha takliflar ishlab chiqish;

(d) ilgʻor jahon tajribasi asosida Vazirlik faoliyatini samarali tashkil etish, boshqaruv jarayonlarini maqbullashtirish hamda zamonaviy boshqaruv usullarini joriy etish boʻyicha takliflar ishlab chiqish;

(j) mehnat bozori ehtiyojlariga mos uzluksiz taʼlim tizimini shakllantirish, taʼlim xizmatlari bozorida raqobat muhitini rivojlantirish hamda xususiy sektorning uzluksiz taʼlim tizimida ishtirokini kengaytirish boʻyicha takliflar ishlab chiqish.

9. Belgilab qoʻyilsinki:

(a) Ishchi guruh Oʻzbekiston Respublikasi Prezidenti Administratsiyasi huzuridagi maslahat organi hisoblanadi;

(b) Ishchi guruh faoliyati Oʻzbekiston Respublikasi Prezidenti Administratsiyasi Rahbarining maslahatchisi N.E. Davletova tomonidan muvofiqlashtiriladi;

(v) Ishchi guruh tarkibi Oʻzbekiston Respublikasi Prezidenti Administratsiyasi Rahbari tomonidan tasdiqlanadi;

(g) Ishchi guruh faoliyatini samarali yoʻlga qoʻyish maqsadida Vazirlik huzurida Inson kapitalini rivojlantirish jamgʻarmasi (keyingi oʻrinlarda — Jamgʻarma) tashkil etiladi. Bunda Jamgʻarma mablagʻlari xalqaro moliya institutlari va boshqa tashkilotlardan tushadigan homiylik va moliyaviy yordam mablagʻlari, shuningdek, qonunchilik hujjatlarida taqiqlanmagan boshqa manbalar hisobidan shakllantiriladi;

(d) Ishchi guruhga mutaxassislar shartnoma yoki jamoatchilik asosida jalb etiladi. Bunda Ishchi guruh aʼzolarini ragʻbatlantirish bilan bogʻliq xarajatlar Jamgʻarma hisobidan qoplanadi.

10. Taʼlim va ilm-fan sohasidagi muammolar va ustuvor yoʻnalishlarni aniqlash, dalillarga asoslangan muqobil yechimlarni ishlab chiqish, islohotlarning samaradorligini baholash maqsadida Vazirlik huzurida Taʼlim va ilm-fan boʻyicha strategik tadqiqotlar va baholash markazi (keyingi oʻrinlarda — Markaz) tashkil etilsin. Bunda Markaz shtat birliklari Vazirlik tizimidagi tashkilotlarning shtat birliklarini maqbullashtirish hisobiga shakllantiriladi.

III. Qaror ijrosini tashkil etish, taʼminlash va nazorat

11. Oʻzbekiston Respublikasi taʼlim va ilm-fan vaziriga Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligiga 2026-yilda birinchi darajali budjet mablagʻlarini taqsimlovchi sifatida ajratilgan mablagʻlarni Oʻzbekiston Respublikasining respublika budjeti parametrlari doirasida qayta taqsimlash va tasarruf qilishga ruxsat berilsin.

12. Quyidagilar:

(a) Vazirlik — Toshkent shahri Olmazor tumani Universitet koʻchasi 7-uy manzilidagi binoga;

(b) Vazirlik taqsimotiga koʻra tizim tashkilotlari — Toshkent shahri Shayxontohur tumani Navoiy koʻchasi 2a-uy manzilidagi binoga operativ boshqaruv huquqi asosida joylashtirilsin.

13. Vazirlik manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Rahbarining taʼlimni isloh qilish boʻyicha oʻrinbosari O.A. Xakimov zimmasiga yuklansin.

Oʻzbekiston Respublikasi Prezidentining 2026-yil 19-oktabrdagi PQ-380-son qaroriga 1-ILOVA

Taʼlim va ilm-fan vazirligi faoliyatining asosiy yoʻnalishlari

1. Yagona davlat siyosati va boshqaruvi yoʻnalishida:

(a) barcha taʼlim turlari boʻyicha hamda ilm-fan va innovatsiyalar sohalarida yagona davlat siyosatini amalga oshirish, barcha taʼlim bosqichlarining oʻzaro uzviyligi va uzluksizligini taʼminlash, sohalarni strategik rivojlantirish yoʻnalishlarini belgilash;

(b) barcha taʼlim turlari boʻyicha xalqaro talablar asosida davlat taʼlim standartlari, talablari va oʻquv dasturlarini joriy etish, taʼlim sifatini baholashning milliy tizimini yuritish va xalqaro tadqiqotlarda ishtirok etish;

(v) Yangi Oʻzbekiston avlodini tarbiyalashga qaratilgan milliy tarbiya modeli — milliy va umuminsoniy qadriyatlarga sodiq, Vatan taqdiri va kelajagi uchun masʼuliyatni his etadigan, mustaqil va tanqidiy fikrlaydigan, maʼnaviy barkamol, faol fuqarolik pozitsiyasiga ega shaxsni shakllantirishga qaratilgan yagona milliy tarbiya tizimini yaratish;

(g) natijadorlikka yoʻnaltirilgan va maʼlumotlarga asoslangan boshqaruvni joriy etish, tizimning ochiqligi va jamoatchilik oldida hisobdorligini oshirish;

(d) taʼlim xizmatlarini koʻrsatish sohasidagi faoliyatni litsenziyalash, ruxsat berish va xabardor qilish tartib-taomillarini amalga oshirish, taʼlim tashkilotlarini akkreditatsiyalash, shuningdek, kadrlar malakasini oshirish va ularni qayta tayyorlash faoliyatini tartibga solish.

2. Maktabgacha taʼlim va tarbiya yoʻnalishida:

(a) har bir bolaga sifatli maktabgacha taʼlim olishda teng sharoit va imkoniyat yaratish, qamrovni kengaytirish, maktabgacha taʼlimning muqobil shakllarini va inklyuziv muhitni rivojlantirish;

(b) oʻyinga asoslangan milliy oʻquv dasturini joriy etish, bolalarning salomatligi, sogʻlom ovqatlanishi, xavfsizligi va maktabga tayyorligini taʼminlash.

3. Umumiy oʻrta va oʻrta maxsus taʼlim yoʻnalishida:

(a) zamonaviy pedagogik texnologiyalar asosida oʻquv va tarbiya jarayonini tashkil etish, taʼlim jarayoniga kasbga yoʻnaltirishning samarali shakl va uslublarini joriy etish orqali oʻquvchilarni katta hayotga tayyorlash, kasb va xorijiy til egallab chiqishini;

(b) iqtidorli yoshlarni aniqlash, saralab olish va ularning har tomonlama rivojlanishi uchun zarur shart-sharoitlarni yaratish, oʻquvchilarning umumtaʼlim fanlari boʻyicha xalqaro olimpiadalar, tanlovlar va musobaqalarda munosib ishtirokini taʼminlash.

4. Kasbiy taʼlim yoʻnalishida:

(a) texnikum va korxonalar oʻrtasida samarali hamkorlikni tashkil etish hamda dual taʼlim tizimini rivojlantirish;

(b) “hayot davomida oʻqish” tamoyilini tatbiq etish, shuningdek, ishsiz, ish qidirayotgan va xorijda vaqtincha mehnat faoliyatini amalga oshirish istagida boʻlgan fuqarolarni kasbga oʻqitishni tashkil etish.

5. Oliy taʼlim va ilm-fan yoʻnalishida:

(a) oliy taʼlim tashkilotlarida xalqaro mezonlarni joriy etish orqali taʼlim sifatini oshirish, oʻquv jarayonini tashkil etish meʼyorlarini belgilash hamda taʼlim tashkilotlari boshqaruvini va pedagog kadrlarining kasbiy koʻnikmalarini rivojlantirish;

(b) ilm-fan va texnologiyalarni rivojlantirishning ustuvor yoʻnalishlari asosida davlat ilmiy dasturlarini shakllantirish, ilmiy darajali kadrlarni tayyorlash tizimini muvofiqlashtirish, taʼlim, ilm-fan va ishlab chiqarish integratsiyasini mustahkamlash, yangi ishlanmalarni tijoratlashtirish, ratsionalizatorlik faoliyati hamda startap ekotizimini rivojlantirish.

6. Taʼlim mazmuni, sifati va tarbiya yoʻnalishida:

(a) taʼlim oluvchilarni milliy qadriyatlar va vatanparvarlik ruhida tarbiyalash, bolalar huquqlari, xavfsiz taʼlim muhiti va psixologik qoʻllab-quvvatlashni taʼminlash;

(b) pedagog va rahbar kadrlarning malakasini oshirish, ularni qayta tayyorlash va faoliyatini baholash tizimini takomillashtirish, pedagog kasbining maqomi va obroʻsini koʻtarish, ularni moddiy va ijtimoiy qoʻllab-quvvatlash;

(v) qoʻshimcha va norasmiy taʼlimni rivojlantirish.

7. Infratuzilma, raqamlashtirish va hamkorlik yoʻnalishida:

(a) barcha taʼlim tashkilotlarining moddiy-texnika bazasini mustahkamlash;

(b) sohani raqamlashtirish, sunʼiy intellektni rivojlantirish, davlat xizmatlarini elektron shaklda koʻrsatish va maʼlumotlar himoyasini taʼminlash;

(v) nodavlat taʼlim sektorini qoʻllab-quvvatlash, sohada davlat-xususiy sheriklikni rivojlantirish;

(g) xalqaro hamkorlikni kengaytirish, qoʻshma taʼlim va ilmiy dasturlarni amalga oshirish boʻyicha xalqaro aloqalarni rivojlantirish, grantlar va investitsiyalarni jalb qilish.

Oʻzbekiston Respublikasi Prezidentining 2026-yil 19-oktabrdagi PQ-380-son qaroriga 2-ILOVA

Taʼlim va ilm-fan vazirligi tizimida amalga oshirilayotgan tashkiliy oʻzgarishlar

T/r Tashkilotning amaldagi toʻliq (rasmiy) nomi Amalga oshirilayotgan tashkiliy oʻzgarishlar Amalga oshirilayotgan tashkiliy oʻzgarishlarga oid qoidalar va izohlar 1. Oliy taʼlim, fan va innovatsiyalar vazirligi huzuridagi Bilim va malakalarni baholash agentligi Taʼlim va ilm-fan vazirligi huzurida Bilim va malakalarni baholash agentligi tashkil qilinmoqda. Bilim va malakalarni baholash materiallarini ishlab chiqish yoʻnalishida yagona tashkilot hisoblanadi. Pedagogik mahorat va xalqaro baholash ilmiy-amaliy markazining amaldagi shtatlari moliyalashtirish tartibini saqlab qolgan holda Bilim va malakalarni baholash agentligiga oʻtkaziladi. 2. Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligining Pedagogik mahorat va xalqaro baholash ilmiy-amaliy markazi 3. Maktabgacha va maktab taʼlimi vazirligi huzuridagi Respublika taʼlim markazi Maktabgacha va maktab taʼlimi vazirligi huzuridagi Respublika taʼlim markazi faoliyati tugatilmoqda. Respublika taʼlim markazining amaldagi shtatlaridan 29 tasi Oʻzbekiston Respublikasi Prezidenti Administratsiyasi huzuridagi Taʼlimni rivojlantirish respublika ilmiy-metodik markaziga, 30 tasi A. Avloniy nomidagi Pedagogik mahorat milliy institutiga oʻtkaziladi.

Oʻzbekiston Respublikasi Prezidentining 2026-yil 19-oktabrdagi PQ-380-son qaroriga 3-ILOVA

Taʼlim va ilm-fan vazirligining

Taʼlim va ilm-fan vazirligi Davlat oliy taʼlim tashkilotlari * Innovatsion rivojlanish agentligi “Mehrli maktab” davlat taʼlim muassasasi “Oʻzbekiston” nashriyot-matbaa ijodiy uyi” MCHJ, “Gʻafur Gʻulom nomidagi nashriyot-matbaa ijodiy uyi” MCHJ Oliy taʼlim tizimi kadrlarini qayta tayyorlash va malakasini oshirish instituti Kasbiy taʼlim agentligi ** “Taʼminot va logistika xizmati” MCHJ “Boshlangʻich taʼlim” jurnali tahririyati” davlat muassasasi, “Til va adabiyot taʼlimi” jurnallari tahririyati” davlat muassasasi, “Maʼrifat” va “Uchitel Uzbekistana” gazetalari tahririyati, “Xalq taʼlimi” jurnali tahririyati” davlat korxonasi, “Tong yulduzi” gazetasi, “Klass” gazetasi, “Gʻuncha” jurnali, “Gulxan” jurnali Ixtisoslashtirilgan taʼlim muassasalari agentligi Yoshlarning innovatsion tashabbuslarini qoʻllab-quvvatlash ofisi A. Avloniy nomidagi Pedagogik mahorat milliy instituti Bilim va malakalarni baholash agentligi “Axborot va pedagogika texnologiyalari innovatsion markazi” MCHJ Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti Oʻquvchilarni kasb-hunarga yoʻnaltirish va psixologik-pedagogik respublika tashxis markazi Afgʻoniston fuqarolarining ijtimoiy faolligini oshirish markazi Qori Niyoziy nomidagi Tarbiya pedagogikasi milliy instituti va uning Qoraqalpogʻiston Respublikasi filiali Taʼlim sohasida ovqatlantirishni tashkil etish va nazorat qilish markazi Respublika dam olish maskani “Oʻzbekiston Respublikasida taʼlim sifati va samaradorligini oshirish” loyihasini amalga oshirish guruhi Taʼlim va ilm-fan boʻyicha strategik tadqiqotlar va baholash markazi Pedagogik mahorat markazlari Respublika “Kelajak” markazi Ilm-fanni moliyalashtirish va innovatsiyalarni qoʻllab-quvvatlash jamgʻarmasi Raqamli taʼlim va sunʼiy intellektni rivojlantirish markazi Psixologiya ilmiy-tadqiqot instituti Taʼlim sohasidagi islohotlarga koʻmaklashish jamgʻarmasi Oliy taʼlimni rivojlantirish va global hamkorlik markazi Talaba-yoshlar bilan ishlash markazi Qoraqalpogʻiston Respublikasi Taʼlim va ilm-fan vazirligi, viloyatlar va Toshkent shahri taʼlim va ilm-fan boshqarmalari Qoraqalpogʻiston Respublikasi Taʼlim markazi Bolalar kutubxonalari “Kelajak” markazlari Tuman (shahar) taʼlim boʻlimlari Umumiy oʻrta taʼlim tashkilotlari Maktabgacha taʼlim tashkilotlari “Yangi avlod” maktabgacha taʼlim tashkilotlari “Kelajak” markazlari

Oʻzbekiston Respublikasi Prezidentining 2026-yil 19-oktabrdagi PQ-380-son qaroriga 4-ILOVA

Taʼlim va ilm-fan vazirligi, uning hududiy va tuman (shahar) boʻlinmalari hamda tizimidagi agentliklar jami boshqaruv xodimlarining

Respublika ijro etuvchi hokimiyat organlari Jami boshqaruv shtat birligi Taʼlim va ilm-fan vazirligi tizimi 5 364 Taʼlim va ilm-fan vazirligi 4 829 shundan oʻrinbosarlar soni 4 Ixtisoslashtirilgan taʼlim muassasalari agentligi 84 shundan oʻrinbosarlar soni 2 Innovatsion rivojlanish agentligi 86 shundan oʻrinbosarlar soni 2 Bilim va malakalarni baholash agentligi 172 shundan oʻrinbosarlar soni 2 Kasbiy taʼlim agentligi 193 shundan oʻrinbosarlar soni 3

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 19-oktabr,

PQ- 380 -son

(Qonunchilik maʼlumotlari milliy bazasi, 21.10.2026-y., 07/26/380/1053-son)

lex.uz

Президента Республики Узбекистан

Постановление

О мерах по организации деятельности Министерства образования и науки

В целях обеспечения исполнения Указа Президента Республики Узбекистан от 3 октября 2026 года № УП-213 «О создании Министерства образования и науки Республики Узбекистан», а также последовательной реализации единой государственной политики на всех этапах системы непрерывного образования — начиная от дошкольного до послевузовского, создания новой системы образования, обеспечения взаимосвязи содержания и стандартов образования, внедрения основанной на показателях результативности эффективной и подотчетной общественности системы управления постановляю:

I. Цели

1. Определить основными целями принятия настоящего постановления:

(а) внедрение единой эффективной системы управления путем руководства всеми этапами образования на единой вертикальной основе и устранения дублирования задач и функций, выполняемых уполномоченными республиканскими органами исполнительной власти в сфере образования;

(б) обеспечение взаимосвязи содержания образования путем координации в единой системе государственных образовательных стандартов, учебных планов и квалификационных требований для дошкольного, общего среднего, среднего специального, профессионального, высшего и послевузовского образования, а также подготовки выпускников в соответствии с потребностями рынка труда;

(в) обеспечение интеграции науки и высшего образования путем создания научных кластеров и исследовательских университетов посредством консолидации научного потенциала, а также коммерциализации научных результатов и создания непрерывной системы привлечения одаренных учащихся к научной деятельности начиная со школьного периода;

(г) внедрение системы управления, ориентированной на результативность и обеспечивающей подотчетность посредством совершенствования единой цифровой платформы, охватывающей образовательные траектории обучающихся, оценки деятельности образовательных организаций и знаний учащихся и студентов на основе результатов международных оценочных исследований и конкретных показателей эффективности (KPI), а также эффективного использования бюджетных средств.

II. Организация деятельности Министерства образования и науки

2. Министерство образования и науки (далее — Министерство) является уполномоченным республиканским органом исполнительной власти в сфере образования, науки и научной деятельности.

3. Утвердить:

(а) Основные направления деятельности Министерства образования и науки согласно приложению № 1 * ;

(б) Программу организационных изменений, осуществляемых в системе Министерства образования и науки, согласно приложению № 2 * ;

(в) Организационную структуру Министерства образования и науки согласно приложению № 3 * ;

(г) Общую предельную численность всего управленческого персонала Министерства образования и науки, его территориальных, районных (городских) подразделений и агентств в системе согласно приложению № 4 * .

4. Определить, что в структуре центрального аппарата Министерства создаются Департамент цифровой трансформации и информационной политики, Департамент финансов, инфраструктуры и ресурсов, Департамент по воспитательной работе, защите прав детей и обеспечению безопасной среды, руководители которых по условиям медицинского и транспортного обслуживания приравниваются к заместителю министра.

5. Предоставить министру образования и науки Республики Узбекистан следующие дополнительные полномочия по реализации государственной политики в сфере образования и науки:

(а) привлекать отечественных и зарубежных специалистов на основе гражданско-правовых договоров, а также осуществлять закупку консалтинговых, экспертных, аналитических услуг и услуг по повышению квалификации в области менеджмента образования и финансового управления в соответствии с процедурой «запрос предложений»;

(б) в целях укомплектования штатных единиц квалифицированными специалистами для выполнения задач, предусмотренных настоящим постановлением, принимать в порядке исключения на работу в центральный аппарат Министерства работников путем проведения прямого собеседования до 1 февраля 2027 года.

6. Установить, что:

(а) в Министерстве на основе аутсорсинга налаживается следующая деятельность:

(i) «Call центр» — в целях обеспечения принятия обращений, жалоб, предложений и возражений населения, их оперативного рассмотрения и направления соответствующим организациям;

(ii) система обратной связи — в целях обеспечения системного диалога с населением, а также работниками системы образования и науки, оперативного получения и анализа информации о качестве образовательных услуг, их общедоступности и существующих проблемах;

(б) при министре образования и науки Республики Узбекистан создается Общественный совет по вопросам образования в составе обучающихся, студентов, родителей, педагогов и представителей работодателей;

(в) коллегия Министерства создается в составе 15 членов из числа министра образования и науки Республики Узбекистан (председателя коллегии), его заместителей, директоров агентств при Министерстве, а также ректоров ведущих высших образовательных организаций, ученых и педагогов.

7. Создать при Администрации Президента Республики Узбекистан Специальную рабочую группу по разработке Стратегии развития человеческого капитала и непрерывного образования (далее — Рабочая группа).

8. Определить совместными основными задачами Рабочей группы и Министерства:

(а) определение приоритетных направлений развития человеческого капитала и совершенствования системы непрерывного образования, а также разработку общенациональной концепции, предусматривающей реформы в данных направлениях;

(б) разработку стратегии, предусматривающей определение приоритетных направлений, этапов и сроков реализации реформ в системе непрерывного образования;

(в) разработку критериев оценки результативности реформ, осуществляемых в системе непрерывного образования, мониторинг исполнения определенных задач и внесение предложений по устранению выявленных проблем;

(г) конкретное определение круга основных задач, функций, полномочий и ответственности Министерства, а также разработку предложений по устранению дублирования функций и излишних административных процедур;

(д) разработку предложений по эффективной организации деятельности Министерства на основе передового мирового опыта, оптимизации процессов управления и внедрению современных методов управления;

(ж) разработку предложений по формированию системы непрерывного образования, соответствующей требованиям рынка труда, развитию конкурентной среды на рынке образовательных услуг и расширению участия частного сектора в системе непрерывного образования.

9. Определить, что:

(а) Рабочая группа является консультативным органом при Администрации Президента Республики Узбекистан;

(б) координация деятельности Рабочей группы осуществляется советником Руководителя Администрации Президента Республики Узбекистан Н.Э. Давлетовой;

(в) состав Рабочей группы утверждается Руководителем Администрации Президента Республики Узбекистан;

(г) в целях эффективного налаживания деятельности Рабочей группы при Министерстве создается Фонд развития человеческого капитала (далее — Фонд). При этом средства Фонда формируются за счет средств спонсорской и финансовой помощи, поступающих от международных финансовых институтов и других организаций, а также иных источников, не запрещенных актами законодательства;

(д) в Рабочую группу специалисты привлекаются на договорной основе или на общественных началах. При этом расходы, связанные с поощрением членов Рабочей группы, покрываются за счет Фонда.

10. В целях определения проблем и приоритетных направлений в сфере образования и науки, разработки альтернативных решений, основанных на доказательствах, оценки эффективности реформ создать при Министерстве Центр стратегических исследований и оценки образования и науки (далее — Центр). При этом штатные единицы Центра формируются за счет оптимизации штатных единиц организаций системы Министерства.

III. Организация, обеспечение и контроль исполнения постановления

11. Разрешить министру образования и науки Республики Узбекистан перераспределять и распоряжаться в рамках параметров республиканского бюджета Республики Узбекистан средствами, выделенными Министерству дошкольного и школьного образования и Министерству высшего образования, науки и инноваций в 2026 году в качестве распорядителей бюджетных средств первого уровня.

12. Разместить на праве оперативного управления:

(а) Министерство — в здании по адресу: город Ташкент, Алмазарский район, ул. Университетская, дом 7;

(б) организации системы по распределению Министерства — в здании по адресу: город Ташкент, Шайхантахурский район, ул. Навои, дом 2а.

13. Министерству совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

14. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Руководителя Администрации Президента Республики Узбекистан по реформированию образования О.А. Хакимова.

Президент Республики Узбекистан Ш. МИРЗИЁЕВ

г. Ташкент,

19 октября 2026 г.,

№ ПП- 380

(Национальная база данных законодательства, 21.10.2026 г., № 07/26/380/1053)

lex.uz