UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

ТАРКИБИ

МАҚСАДЛИ КЎРСАТКИЧЛАРИ

«ЙЎЛ ХАРИТАСИ»

Узлуксиз таълим тизимида психологик хизмат соҳасини илмий асосда ривожлантириш чора-тадбирлари тўғрисида

Таълим тизимида инсон капитали сифатини ошириш, ёшларнинг психологик фаровонлигини таъминлаш, психологик хизматнинг илмий, услубий ва ташкилий асосларини тубдан такомиллаштириш, соҳада фундаментал ва амалий илмий тадқиқотларни ривожлантириш, таълим ташкилотларида психологик қўллаб-қувватлашнинг самарали механизмларини ҳамда мазкур йўналишда ягона илмий асосланган ёндашувларни жорий этиш мақсадида қарор қиламан:

I. Мақсадлар

1. Қуйидагилар ушбу қарорнинг асосий мақсадлари этиб белгилансин:

(а) таълим олувчиларнинг баркамол шахс сифатида шаклланиши, индивидуал психологик хусусиятлари, шахсий имкониятлари ва қобилиятларини намоён этишлари учун ҳамроҳлик қилиш тизимини жорий этиш;

(б) таълим ташкилотларида психологик хизматни амалий жиҳатдан такомиллаштириш ҳамда педагог ва тарбиячиларнинг касбий эмоционал ҳолати ва руҳий чарчаш омилларини ўрганиш тизимини яратиш;

(в) психология соҳасидаги илмий-тадқиқот ишларини янада такомиллаштириш, уларнинг натижаларини амалиётга татбиқ этишда ягона ёндашувни жорий этиш.

II. Таълим муассасаларида психологик хизмат фаолиятини такомиллаштириш

2. Низомий Ганжавий номидаги Ўзбекистон миллий педагогика университетининг Психология ўқув-илмий маркази негизида психология соҳасида илмий тадқиқотлар ўтказиш, кадрларни қайта тайёрлаш ва малакасини ошириш бўйича таянч муассаса ҳисобланувчи Психология илмий-тадқиқот институти (кейинги ўринларда — Институт) ташкил этилсин ҳамда Таълим ва илм-фан вазирлиги бўйсунувига ўтказилсин.

3. Шундай тартиб ўрнатилсинки, унга кўра барча таълим ташкилотларининг педагог (тарбиячи) ва ўқувчилари (тарбияланувчилари, талабалари) (кейинги ўринларда — педагог ва ўқувчилар) бир ўқув йилида камида бир маротаба мақсадли психологик диагностикадан ўтказилади. Бунда ушбу тизим:

(а) биринчи босқичда — 2026/2027 ўқув йилидан бошлаб мактабгача ва умумий ўрта таълим ташкилотларида;

(б) иккинчи босқичда — 2027/2028 ўқув йилидан бошлаб ўрта махсус, касбий ва олий таълим ташкилотларида жорий этилади.

4. Белгилансинки, таълим ташкилотларида психологик диагностика қуйидаги тартибда ташкил этилади:

(а) Институт томонидан халқаро стандартлар асосида педагог ва ўқувчиларнинг ёш тоифаси ва (ёки) фаолият хусусияти бўйича дастлабки скрининг ва чуқурлаштирилган психологик диагностика учун ягона стандартлаштирилган услубиёт ва тестлар тўплами ишлаб чиқилади ва тегишли вазирликларга тақдим этилади;

(б) психологик диагностика Институт томонидан махсус электрон платформада юритилади. Бунда шахсга доир маълумотлар, психологик диагностика ва психологик ёрдам кўрсатилиши натижасида маълум бўлган маълумотларнинг сир сақланиши таъминланади;

(в) таълим ташкилотларининг психологлари Институт томонидан ташкил этиладиган каскадли малака ошириш тизими орқали ўқитилади ҳамда ҳудудлар кесимида ментор психологлар гуруҳи шакллантирилади;

(г) каскадли малака ошириш курсига ўқитувчи сифатида жалб этилган психологларга ушбу даврда асосий иш жойидаги лавозим маошига нисбатан 20 фоиз миқдорида устама асосий иш жойининг бюджет ва бюджетдан ташқари маблағлари ҳисобидан тўланади;

(д) педагог ва ўқувчиларнинг психологик диагностика натижалари сунъий интеллект технологияларини татбиқ қилиш орқали таҳлил қилиниб, ягона стандарт бўйича улар «психологик барқарор», «психологик қўллаб-қувватлашга муҳтож» ва «фаол психологик қўллаб-қувватлаш зарур» гуруҳларига ажратилади, бунда:

(i) «психологик қўллаб-қувватлашга муҳтож» ва «фаол психологик қўллаб-қувватлаш зарур» гуруҳларига киритилган педагог ва ўқувчилар билан индивидуал иш-режа бўйича фаолият йўлга қўйилади ҳамда унинг натижалари Институт томонидан мониторинг қилиб борилади;

(ii) «психологик қўллаб-қувватлашга муҳтож» гуруҳига киритилган педагог ва ўқувчиларга тегишли таълим ташкилотининг психологи бириктирилади;

(iii) «фаол психологик қўллаб-қувватлаш зарур» гуруҳига киритилган педагог ва ўқувчиларга тегишли ҳудуд бўйича ментор психолог бириктирилади;

(iv) ўқув йили давомида психологик барқарорликни таъминлашда юқори кўрсаткичларга эришган 150 нафар ментор психологлар Давлат бюджет маблағлари ҳисобидан меҳнатга ҳақ тўлашнинг энг кам миқдорининг 20 баробари миқдорида бир марталик моддий рағбатлантирилади.

5. Қуйидагилар:

(а) Таълим ва илм-фан вазирлиги — таълим ташкилотларида педагог ва ўқувчиларни психологик диагностикадан ўтказиш йўналишларини белгилайди, психологик диагностика ўтказилишини ташкил этади ҳамда Институт тавсиясига мувофиқ «Келажак соати» дарслари дастурларига ўқувчи ва талабаларнинг психологик билимларини оширишга қаратилган мавзулар киритилишига масъул ҳисобланади;

(б) Таълимни ривожлантириш республика илмий-методик маркази — навбатдаги ўқув йили учун дарсликларни тайёрлашда психологик диагностика натижалари бўйича Институт томонидан ишлаб чиқилган тавсиялар инобатга олинишини таъминлайди;

(в) Институт — таълим ташкилотлари психологларининг фаолиятини мувофиқлаштиради ҳамда ҳар ўқув йили якунида диагностика натижалари таҳлили асосида педагог ва ўқувчиларнинг психологик саломатлигини таъминлаш бўйича тавсиялар ишлаб чиқади.

6. Таълим ташкилотлари психологик хизмат ходимларини қайта тайёрлаш ва уларнинг малакасини ошириш бўйича шундай тартиб ўрнатилсинки, унга кўра:

(а) Институт давлат мактабгача, умумий ўрта, ўрта махсус, касбий ва олий таълим ташкилотлари психологик хизмат ходимларини қайта тайёрлаш ва уларнинг малакасини ошириш бўйича таълим мазмунини шакллантиришга масъул муассаса ҳисобланади;

(б) таълим ташкилотлари психологик хизмат ходимларини қайта тайёрлаш ва уларнинг малакасини ошириш фаолияти ўқув-услубий жиҳатдан Институт томонидан мувофиқлаштирилади;

(в) 2027 йил 1 январдан бошлаб Институтга қуйидаги ҳуқуқлар берилади:

(i) тегишли вазирлик ва идораларга ажратилган Давлат бюджети маблағлари ҳисобидан давлат мактабгача, умумий ўрта, ўрта махсус ва касбий таълим муассасалари психологик хизмат ходимларини қайта тайёрлаш ва уларнинг малакасини ошириш. Бунда Тошкент шаҳри ва Тошкент вилоятидаги таълим ташкилотлари психологларининг малакасини ошириш бевосита Институтда, Қорақалпоғистон Республикасида ва бошқа вилоятларда — Қорақалпоғистон Республикаси ва вилоятлар педагогик маҳорат марказларида Институт томонидан ишлаб чиқилган дастурлар асосида амалга оширилади;

(ii) шартнома асосида давлат олий таълим ва нодавлат таълим ташкилотларининг психологик хизмат ходимларини қайта тайёрлаш ҳамда уларнинг малакасини ошириш;

(г) таълим ташкилотлари психологик хизмат ходимлари беш йилда камида бир маротаба малакасини ошириши шарт этиб белгиланади.

III. Институт фаолиятини ташкил этиш

7. Белгилансинки, Институтнинг илмий-тадқиқот ишларини самарали ташкил этиш мақсадида зарур лабораториялар халқаро стандартлар асосида 2027 — 2030 йилларда босқичма-босқич ташкил этилади.

Бунда Институтда 2027 йил 1 январдан бошлаб қуйидаги лабораториялар фаолияти йўлга қўйилади:

(а) асосий фаолият йўналиши қуйидагилардан иборат бўлган Рақамли психология ва сунъий интеллект лабораторияси:

(i) рақамли муҳитда инсон хулқ-атвори, рақамли қарамлик (интернет, ўйин, ижтимоий тармоқ), кибербуллинг ва онлайн хавфсизлик масалаларини илмий тадқиқ этиш;

(ii) сунъий интеллект технологияларини психологик диагностика, маслаҳат ва профилактика жараёнларига жорий этишнинг илмий-услубий асосларини ишлаб чиқиш;

(iii) виртуал ёрдамчилар асосидаги психологик ёрдам воситаларини яратиш, синовдан ўтказиш ва илмий баҳолаш;

(б) асосий фаолият йўналиши қуйидагилардан иборат бўлган Таълим психологияси ва психологик хизмат лабораторияси:

(i) узлуксиз таълим тизимида психологик хизматнинг илмий-назарий ва услубий асосларини ишлаб чиқиш ҳамда такомиллаштириш;

(ii) таълим олувчиларда билим олиш мотивацияси, академик стресс, ўзлаштиришдаги қийинчиликлар ва ижтимоий мослашув муаммоларини тадқиқ этиш;

(iii) таълим ташкилотлари психологлари фаолиятининг миллий стандартлари, этика кодекси ва иш юритиш тартибини халқаро андозалар асосида ишлаб чиқиш;

(iv) таълим ташкилотларида психологик хизмат самарадорлигини баҳолаш мезонлари ва мониторинг тизимини яратиш;

(v) таълим жараёнига замонавий педагогик ва таълим технологияларини жорий этиш ҳамда уларни такомиллаштириш бўйича таклифлар ишлаб чиқиш;

(в) асосий фаолият йўналиши қуйидагилардан иборат бўлган Психологик саломатлик ва профилактика лабораторияси:

(i) аҳолининг психологик саломатлик ҳолатини Жаҳон соғлиқни сақлаш ташкилоти услубиёти асосида ўрганиш ва мониторинг қилиш;

(ii) стресс, эмоционал толиқиш, хавотир ва депрессив ҳолатларнинг олдини олишга қаратилган профилактика дастурларини ишлаб чиқиш;

(iii) суицидал хулқ-атвор профилактикаси бўйича илмий асосланган миллий дастурлар ва эрта аниқлаш механизмларини яратиш;

(iv) инқироз ҳолатларида (табиий офат, фавқулодда вазиятлар) психологик ёрдам ва зарарли одатлар профилактикасининг психологик технологияларини ишлаб чиқиш.

8. Белгилансинки:

(а) Институт илмий-услубий, амалий ва ахборот-таҳлилий фаолиятни амалга оширувчи давлат илмий-тадқиқот муассасаси ҳисобланади;

(б) Институт директори таълим ва илм-фан вазири томонидан, директор ўринбосарлари Институт директори томонидан лавозимга тайинланади ва лавозимидан озод этилади;

(в) Институтнинг бошқарув ходимларининг чекланган сони 59 та штат бирлигидан иборат бўлиб, улар:

(i) Низомий Ганжавий номидаги Ўзбекистон миллий педагогика университетининг Психология ўқув-илмий маркази тугатилиши муносабати билан унинг 18 та штат бирлиги ҳисобидан;

(ii) Таълим ва илм-фан вазирлиги тизим ташкилотларининг 41 та бошқарув ходимлари штат бирликларини қисқартириш ҳисобидан шакллантирилади;

(г) Институт тузилмаси Институт директори томонидан Таълим ва илм-фан вазирлиги билан келишилган ҳолда тасдиқланади;

(д) Институт раҳбар ва илмий ходимларининг лавозим маошлари Давлат бюджети маблағлари ҳисобидан давлат илмий дастурларини амалга оширишда қатнашувчи илмий муассасалар раҳбар ва илмий ходимларининг базавий лавозим маошларига, бошқа ходимларининг лавозим маошлари эса тегишлича Фанлар академияси илмий-тадқиқот муассасалари ходимларининг лавозим маошига тенглаштирилади.

Бунда Институт директорига бюджетдан ташқари маблағлар ҳисобидан ходимларга лавозим маошига устама миқдорини мустақил белгилаш ваколати берилади.

9. Институтга қуйидаги ҳуқуқлар берилсин:

(а) ҳудудий ментор психологларни Қорақалпоғистон Республикаси ва вилоятлар педагогик маҳорат марказлари ҳамда педагогика йўналишида кадрлар тайёрловчи олий таълим ташкилотлари базасида тайёрлаш ва уларнинг малакасини ошириш;

(б) илмий ташкилотлар, жамғармалар, таълим муассасалари, бошқа ташкилотлар, шу жумладан, халқаро ва хорижий ташкилотлар билан илмий тадқиқотлар ўтказиш учун Институтнинг бюджетдан ташқари маблағлари ҳисобидан шартномалар тузиш;

(в) суд-психологик ва бошқа турдаги психологик экспертизаларни ўтказиш;

(г) илмий тадқиқотларда иштирок этиш учун хорижий мутахассисларни шартнома асосида жалб этиш;

(д) Институтнинг бюджетдан ташқари маблағлари ҳисобидан ходимларнинг хорижий таълим ва илмий-тадқиқот ташкилотларида малака ошириши ҳамда стажировка ўташи билан боғлиқ харажатлар учун тўловларни амалга ошириш.

10. Қуйидагилар Институт фаолиятини молиялаштириш манбалари этиб белгилансин:

(а) Ўзбекистон Республикаси Давлат бюджети маблағлари;

(б) илмий тадқиқот лойиҳаларини амалга ошириш учун ўтказиладиган танловлар натижаларига кўра ажратиладиган грантлар;

(в) хўжалик фаолиятидан ҳамда шартнома асосида тадқиқотлар, психологик экспертиза ва таҳлиллар ўтказишдан тушадиган тушумлар;

(г) Таълим ва илм-фан вазирлиги ҳамда Касбий таълим агентлигининг бюджетдан ташқари маблағлари;

(д) грантлар ва ҳомийлик хайриялари;

(ж) қонунчилик ҳужжатлари билан тақиқланмаган бошқа манбалар.

11. Белгилансинки:

(а) 2026 йилда Институт фаолиятини молиялаштириш ҳамда лабораторияларни ташкил этиш билан боғлиқ Давлат бюджети ҳисобидан харажатлар биринчи даражали бюджет маблағларини тақсимловчи сифатида Мактабгача ва мактаб таълими вазирлиги ҳамда Олий таълим, фан ва инновациялар вазирлигига бюджетдан ажратилган маблағларни Таълим ва илм-фан вазирлигига қайта тақсимлаш ҳамда Давлат бюджети параметрларига тегишли ўзгартиришлар киритиш орқали амалга оширилади;

(б) 2027 йилдан бошлаб Институт фаолиятини молиялаштириш учун зарур маблағлар Давлат бюджети параметрларида назарда тутилади.

12. Институт Тошкент шаҳри Яккасарой тумани Братислава кўчаси 3-уй манзилидаги бинога оператив бошқарув ҳуқуқи асосида бепул жойлаштирилсин.

IV. Қарор ижросини ташкил этиш, таъминлаш ва назорат

13. Қуйидагилар:

(а) Психология илмий-тадқиқот институти фаолиятининг асосий йўналишлари 1-иловага мувофиқ;

(б) Психология соҳасида илмий тадқиқотлар ва кадрлар тайёрлаш тизимини ривожлантириш бўйича идоралараро кенгаш таркиби 2-иловага мувофиқ;

(в) Психология илмий-тадқиқот институтини 2030 йилгача ривожлантиришнинг мақсадли кўрсаткичлари 3-иловага мувофиқ;

(г) Узлуксиз таълим тизимида психологик хизматни илмий асосда ривожлантириш ҳамда соҳада илмий-тадқиқот, услубий ва инновацион фаолиятни йўлга қўйиш бўйича «йўл харитаси» 4-иловага мувофиқ тасдиқлансин.

14. Қуйидагилар психология соҳасида илмий тадқиқотлар ва кадрлар тайёрлаш тизимини ривожлантириш бўйича идоралараро кенгашнинг вазифалари этиб белгилансин:

(а) психология соҳасида илмий тадқиқотлар, кадрлар тайёрлаш ва психологик хизмат кўрсатиш бўйича манфаатдор вазирлик ва идоралар фаолиятини мувофиқлаштириш;

(б) психологик диагностика тизимини жорий этишда вазирлик ва идоралар ҳамкорлигини мувофиқлаштириш, ташкилий-амалий кўмаклашиш ва мониторинг қилиш;

(в) психологик диагностика натижалари таҳлили ҳамда Институт томонидан ишлаб чиқилган тавсияларни амалиётга жорий этиш юзасидан тегишли вазирлик ва идораларга тавсиялар киритиш;

(г) таълим, соғлиқни сақлаш ва ижтимоий соҳаларнинг психолог кадрларга бўлган эҳтиёжидан келиб чиқиб, қабул параметрлари ва мақсадли кадрлар тайёрлаш бўйича таклифлар ишлаб чиқиш.

15. Таълим ва илм-фан вазирлиги уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.

16. Мазкур қарор ижросини самарали ташкил қилишга масъул ва шахсан жавобгар этиб Ўзбекистон Республикаси Бош вазирининг биринчи ўринбосари — таълим ва илм-фан вазири Э.О. Турдимов белгилансин.

17. Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Раҳбарининг таълимни ислоҳ қилиш бўйича ўринбосари О.А. Хакимов зиммасига юклансин.

Ўзбекистон Республикаси Президентининг 2026 йил 19 октябрдаги ПҚ-379-сон қарорига 1-ИЛОВА

Психология илмий-тадқиқот институти фаолиятининг асосий йўналишлари

1. Психология соҳасида фундаментал, амалий ва инновацион илмий тадқиқотларни ташкил этиш ҳамда мувофиқлаштириш, уларнинг натижаларини амалиётга жорий этиш чораларини кўриш.

2. Жамиятда соғлом психологик муҳитни шакллантириш, аҳолининг психологик маданиятини ошириш, ёшларнинг психологик барқарорлиги ва ижтимоий мослашувини таъминлаш, уларни оилавий ҳаётга тайёрлашга қаратилган илмий асосланган услубиёт ва дастурларни ишлаб чиқиш.

3. Таълим ташкилотларида психологик хизматни такомиллаштириш, психологлар фаолиятининг касбий стандартлари, самарадорлик мезонлари, диагностика ва баҳолаш воситалари ҳамда илмий-услубий таъминоти меъёрларини ишлаб чиқиш.

4. Таълим олувчиларнинг психологик ривожланиши, шахсий имкониятлари ва қобилиятларини рўёбга чиқаришга қаратилган психологик ҳамроҳлик қилиш моделлари, диагностика ва ривожлантириш технологияларини ишлаб чиқиш ва тавсия этиш.

5. Педагог ва тарбиячиларнинг касбий эмоционал ҳолати, руҳий чарчаш ва стресс омилларини ўрганиш, уларнинг психологик соғломлигини сақлаш ва профилактика қилиш бўйича услубий тавсиялар ишлаб чиқиш.

6. Имконияти чекланган болалар ва ёшларни психологик қўллаб-қувватлашга қаратилган адаптив дастурлар, психокоррекцион ва психореабилитацион услубиётларни ишлаб чиқиш ва амалиётга тавсия этиш.

7. Интернетга қарамлик, буллинг, кибербуллинг, суицидал хулқ-атвор ва бошқа психологик хавфларнинг олдини олиш бўйича илмий тадқиқотлар ўтказиш, профилактик дастурлар ҳамда амалий механизмларни ишлаб чиқиш ва тавсия этиш.

8. Психология соҳасида сунъий интеллект, рақамли технологиялар ва замонавий психодиагностика воситаларини жорий этиш бўйича илмий ечимларни ишлаб чиқиш.

9. Психология соҳасида ягона илмий-услубий ёндашувни шакллантириш, илмий-методик материаллар, стандартлар, тавсиялар ва ўқув-услубий қўлланмаларни тайёрлаш.

10. Миллий психодиагностик методикалар, психологик тестлар ва баҳолаш инструментларини ишлаб чиқиш, хорижий методикаларни миллий муҳитга адаптация қилиш, уларни психометрик баҳолаш ва стандартлаштириш.

11. Хорижий илмий марказлар, олий таълим муассасалари ва халқаро ташкилотлар билан ҳамкорликни ривожлантириш, илғор хорижий тажрибани миллий амалиётга мослаштириш ҳамда қўшма илмий лойиҳаларни амалга ошириш.

12. Юқори малакали илмий ва илмий-педагог кадрларни тайёрлаш, психология соҳасида илмий мактабларни ривожлантириш, ёш олимларни қўллаб-қувватлаш ва илмий тадқиқотлар сифатини ошириш чораларини кўриш.

Ўзбекистон Республикаси Президентининг 2026 йил 19 октябрдаги ПҚ-379-сон қарорига 2-ИЛОВА

Психология соҳасида илмий тадқиқотлар ва кадрлар тайёрлаш тизимини ривожлантириш бўйича идоралараро кенгаш

Э. Турдимов — таълим ва илм-фан вазири, Идоралараро кенгаш раиси Ю. Рисюкова — Ўзбекистон Республикаси Президенти Администрацияси масъул ходими Б. Абдухалимов — Фанлар академияси вице-президенти А. Худайкулов — соғлиқни сақлаш вазири ўринбосари О. Пекось — рақамли технологиялари вазирининг биринчи ўринбосари Д. Саттаров — ички ишлар вазири ўринбосари О. Фазилкаримов — иқтисодиёт ва молия вазири ўринбосари О. Хасанов — Республика Маънавият ва маърифат маркази раҳбари А. Саъдуллаев — Ёшлар ишлари агентлиги директори М. Нурматова — Оила ва хотин-қизлар қўмитаси раиси ўринбосари У. Бегимкулов — Олий таълим тизими кадрларини қайта тайёрлаш ва малакасини ошириш институти директори А. Исмаилов — Абдулла Авлоний номидаги Педагогик маҳорат миллий институти ректори Ғ. Шоумаров — Профи университети ректори (келишув асосида) Х. Махмудова — Ўзбекистон психологлар ассоциацияси раиси Лавозим бўйича — Психология илмий-тадқиқот институти директори, Идоралараро кенгаш котиби

Ўзбекистон Республикаси Президентининг 2026 йил 19 октябрдаги ПҚ-379-сон қарорига 3-ИЛОВА

Психология илмий-тадқиқот институтини 2030 йилгача ривожлантиришнинг

Т/р Мақсадли кўрсаткич номи Ўлчов бирлиги 2026 йил 2027 йил 2028 йил 2029 йил 2030 йил 1. Илмий даражали кадрлар улуши фоиз 30 35 40 45 50 2. Фундаментал ва амалий илмий тадқиқот лойиҳалари сони та - 2 3 4 5 3. Амалиётга жорий этилган илмий тадқиқот ишланмалари сони та - 2 4 6 8 4. Илмий-услубий қўлланмалар ва тавсиялар сони та 5 15 20 25 30 5. Психодиагностика, психокоррекция ва профилактика дастурлари сони та 2 4 6 8 10 6. Малака оширишдан ўтказилган психолог мутахассислар сони нафар - 2000 2000 2000 2000 7. Қайта тайёрланган мутахассислар сони нафар - 150 150 150 150 8. Халқаро ҳамкорлик доирасидаги илмий лойиҳалар сони та - 2 2 2 2 9. «Scopus» ва «Web of Science» базаларида мақолалар сони та - 4 6 8 10 10. Илмий даража олган тадқиқотчилар сони нафар 3 15 20 25 30

Ўзбекистон Республикаси Президентининг 2026 йил 19 октябрдаги ПҚ-379-сон қарорига 4-ИЛОВА

Узлуксиз таълим тизимида психологик хизматни илмий асосда ривожлантириш ҳамда соҳада илмий-тадқиқот, услубий ва инновацион фаолиятни йўлга қўйиш бўйича

Т/р Чора-тадбирлар номи Амалга ошириш механизми Ижро муддати Молиялаштириш манбалари Масъул ижрочилар I. Институт фаолиятининг ташкилий-ҳуқуқий асосларини яратиш 1. Психология илмий-амалий тадқиқот институти (кейинги ўринларда — Институт) фаолиятини ташкил этиш. 1. Маҳаллий ва хорижий юқори малакали мутахассисларни жалб қилган ҳолда Институт уставини ишлаб чиқиш. 2026 йил ноябрь - Таълим ва илм-фан вазирлиги, Адлия вазирлиги, Институт 2. Институт уставини тасдиқлаш ва белгиланган тартибда давлат рўйхатидан ўтказиш. 2026 йил декабрь 2. Халқаро дастурлар асосида психология соҳасининг ягона миллий касбий стандарти ва касбий этика қоидаларини ишлаб чиқиш. 1. Халқаро дастурлар асосида психология соҳасининг ягона миллий касбий стандарти ва касбий этика қоидалари таълим дастурларини ишлаб чиқиш бўйича ишчи гуруҳни ташкил этиш. 2026 йил ноябрь - Институт, Таълим ва илм-фан вазирлиги, Камбағалликни қисқартириш ва бандлик вазирлиги, Ўзбекистон психологлар ассоциацияси 2. Психология соҳасининг ягона миллий стандарти ва касбий этика қоидаларини ишлаб чиқиш. 2027 йил март 3. Ишлаб чиқилган меъёрий ҳужжатларни ўрнатилган тартибда тасдиқлаш. 2027 йил сентябрь 3. Давлат ва нодавлат секторда фаолият юритаётган психология соҳаси мутахассисларини узлуксиз касбий ривожлантириш тизимини жорий этиш тартибини тасдиқлаш. 1. Психология соҳаси мутахассисларини қайта тайёрлаш ҳамда уларнинг малакасини ошириш тартибини тасдиқлашга оид норматив-ҳуқуқий ҳужжат лойиҳасини ишлаб чиқиш. 2026 йил ноябрь - Институт, Ўзбекистон психологлар ассоциацияси, манфаатдор вазирлик ва идоралар 2. Ишлаб чиқилган норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 2026 йил декабрь 4. Таълим ташкилотларида психодиагностика ўтказиш тартибини тасдиқлаш. 1. Таълим ташкилотларида психодиагностика ўтказиш тартиби лойиҳасини ишлаб чиқиш. 2026 йил ноябрь - Таълим ва илм-фан вазирлиги, Институт 2. Таълим ташкилотларида психодиагностика ўтказиш тартибини тасдиқлаш. 2026 йил декабрь II. Илмий ва илмий-педагогик фаолиятни ташкил этиш ҳамда кадрлар салоҳиятини ошириш 5. Институтни психология соҳасида замонавий билим, малака ва кўникмага ҳамда амалий иш тажрибасига эга малакали кадрлар билан тўлдириш. 1. Институтга ходимларни очиқ танлов асосида танлаб олиш бўйича танлов комиссияси таркибини шакллантириш ва танлов ташкил этиш. 2026 йил ноябрь - Таълим ва илм-фан вазирлиги 2. Очиқ танлов асосида сараланган номзодларни ўрнатилган тартибда ишга қабул қилиш. 2026 йил декабрь 6. Институтнинг раҳбар кадрлари, илмий ва илмий-педагог ходимлари хорижий давлатларда стажировка ўташи ва малака оширишини ташкил этиш. 1. Институтнинг раҳбар кадрлари ва илмий ходимларини хорижий университет ва илмий марказларга қисқа муддатли стажировка ва малака оширишга юбориш режа-графигини ишлаб чиқиш. 2027 йил январь Институтнинг бюджетдан ташқари маблағлари, қонунчилик ҳужжатлари билан тақиқланмаган бошқа манбалар Институт, «Эл-юрт умиди» жамғармаси, Таълим ва илм-фан вазирлиги 2. Хорижий ҳамкорлар ва халқаро ташкилотлар ёрдамида Институтнинг раҳбар кадрлари, илмий ва илмий-педагог ходимлари стажировка ўташи ва малака оширишини ташкиллаштириш. Ҳар йили тасдиқланган режа-график асосида 7. Институт ҳузуридаги психология ихтисосликлари бўйича докторантура, таянч докторантура ва мустақил тадқиқотчилик институтларида илмий ва илмий-педагог кадрларни тайёрлашни йўлга қўйиш. 1. Институт талабномаси асосида «Психология тарихи ва назарияси», «Шахс психологияси», «Психофизиология», «Ижтимоий психология. Этнопсихология», «Ёш ва педагогик психология. Ривожланиш психологияси», «Махсус психология», «Клиник психология», «Дин психологияси», «Психометрия ва психодиагностика», «Адаптив ва спорт психологияси», «Рақамли ва медиапсихология» ихтисосликлари бўйича докторантура, таянч докторантура ва мустақил тадқиқотчилик институтларида илмий-педагог кадрларни тайёрлаш учун квота ажратиш. 2. Квота доирасида қабул жараёнларини амалга ошириш. 2027 йилдан бошлаб босқичма-босқич Ушбу мақсадлар учун ажратилган Давлат бюджети маблағлари Таълим ва илм-фан вазирлиги, Институт 8. Институт ҳузурида психология ихтисосликлари бўйича илмий кенгашларни ташкил қилиш. 1. Институт ҳузурида ташкил этиладиган илмий кенгашлар таркибини шакллантириш. 2027 йил март - Фанлар академияси, Олий аттестация комиссияси, Институт 2. Олий аттестация комиссиясида илмий кенгашлар таркибини тасдиқлаш. 2027 йил апрель 3. Илмий кенгашлар фаолиятини самарали ташкил этиш. доимий 9. Институт илмий ва илмий-педагогик фаолиятига етакчи хорижий таълим ва тадқиқот муассасалари олимлари ва экспертлари ҳамда давлат органлари ва халқаро ташкилотларнинг тажрибали мутахассисларини жалб этиш. 1. Психология соҳасида етакчи хорижий таълим ва илмий-тадқиқот муассасалари, давлат органлари ҳамда халқаро ташкилотлар ва экспертлар билан ҳамкорлик алоқаларини ўрнатиш. 2. Ҳамкорлик асосида хорижий профессор-ўқитувчилар, олимлар ва экспертларни Институтнинг илмий ва илмий-педагогик фаолиятига жалб этиш. Бунда хорижлик профессор-ўқитувчилар ва экспертлар меҳнатига ҳақ тўлаш улар билан тузиладиган икки томонлама шартномаларга мувофиқ амалга оширилади. 2026 йил ноябрдан бошлаб доимий Халқаро молия институтлари, хорижий ва донор ташкилотларнинг грантлари ва маблағлари, Институтнинг бюджетдан ташқари маблағлари Институт, Ташқи ишлар вазирлиги, «Эл-юрт умиди» жамғармаси, манфаатдор вазирлик ва идоралар 10. Илғор хорижий тажриба асосида психология соҳаси мутахассисларини қайта тайёрлаш ва уларнинг малакасини ошириш бўйича ўқув-меъёрий ва услубий таъминотни ишлаб чиқиш ва курсларни ташкил этиш. 1. Психология соҳаси мутахассисларини қайта тайёрлаш ҳамда уларнинг малакасини ошириш курслари ўқув режалари, ўқув дастурлари ва алоҳида ўқув модулларини ишлаб чиқиш. 2. Ўқув дастури ва модуллар асосида замонавий ўқув-услубий мажмуалар, видеодарслар, интерактив ўқув ресурслари ва бошқа материалларни ишлаб чиқиш ҳамда мунтазам янгилаб бориш. 3. Қайта тайёрлаш ва малака ошириш курсларида иштирок этиш истагини билдирган талабгорларнинг буюртманомаларини қабул қилиш, уларни кўриб чиқиш, тингловчилар контингентини шакллантириш ва ўқув гуруҳларини ташкил этиш. 4. Ўқув жараёнини анъанавий, масофавий ва гибрид таълим шаклларида ташкил этиш, тингловчилар билимини баҳолаш ҳамда белгиланган тартибда сертификатлаштириш тизимини жорий этиш. 5. Аҳолининг психологик саводхонлигини ошириш мақсадида оммавий очиқ масофавий ўқув курсларини ишлаб чиқиш ва ташкил этиш. 2027 йилдан бошлаб доимий Давлат бюджети ва бюджетдан ташқари маблағлар доирасида, буюртмачи ташкилотлар маблағлари Институт, Таълим ва илм-фан вазирлиги, Ижтимоий ҳимоя миллий агентлиги III. Соҳани рақамлаштириш, халқаро ва ижтимоий ҳамкорликни ривожлантириш 11. Психологик хизмат кўрсатишни рақамлаштириш ва ягона электрон платформани жорий этиш. 1. Психологик диагностика, мониторинг, маслаҳат бериш, электрон портфолио ва таҳлилий ҳисоботларни юритувчи ягона рақамли платформани ишлаб чиқиш. 2. Рақамли платформани босқичма-босқич таълим муассасаларида жорий этиш. 2027-2028 йиллар Институтга мазкур мақсадлар учун ажратилган бюджет ва бюджетдан ташқари маблағлар, грант маблағлари, халқаро лойиҳалар Институт, Рақамли технологиялар вазирлиги, Таълим ва илм-фан вазирлиги 12. Халқаро молия институтлари, донор ва бошқа ташкилотлар билан ҳамкорликни ривожлантириш ҳамда қўшма илмий тадқиқотлар ва лойиҳаларни амалга ошириш. 1. Хорижий университетлар, илмий марказлар ва халқаро ташкилотлар билан ҳамкорлик алоқаларини ўрнатиш ҳамда қўшма илмий тадқиқотлар ва лойиҳаларни амалга ошириш. 2. Институт илмий тадқиқотлари учун халқаро грантлар ва донор ташкилотлар маблағларини жалб қилиш, шунингдек, илмий ходимларнинг илмий анжуманларда иштирокини таъминлаш. 3. Илмий ходимларнинг инновацион, амалий ва фундаментал тадқиқотлар лойиҳалари танловларида иштирок этишини таъминлаш. 2027 йил январдан бошлаб доимий Институтнинг бюджетдан ташқари маблағлари, грантлар маблағлари, қонунчилик ҳужжатлари билан тақиқланмаган бошқа манбалар Институт, Инвестициялар, саноат ва савдо вазирлиги, «Эл-юрт умиди» жамғармаси, Инновацион ривожланиш агентилиги 13. Психологик хизматда ижтимоий ҳамкорлик ва жамоатчилик иштирокини ривожлантириш. 1. Ота-оналар, маҳалла, ННТлар, тиббиёт муассасалари ва ёшлар ташкилотлари билан ҳамкорликда профилактик дастурлар, маърифий тадбирлар ва психологик қўллаб-қувватлаш лойиҳаларини амалга ошириш. 2. Таълим ташкилотларида психологик диагностика ўтказиш, уларга зарур тавсияларни бериш. 3. Таълим дастурларини такомиллаштириш бўйича илмий асосланган таклифларни манфаатдор томонларга етказиш. 2027 йилдан бошлаб келишилган муддатларда Давлат бюджети, маҳаллий бюджетлар, ҳомийлик ва грант маблағлари Таълим ва илм-фан вазирлиги, Ўзбекистон маҳаллалари уюшмаси, Республика Маънавият ва маърифат маркази, Оила ва хотин-қизлар қўмитаси, маҳаллий ҳокимликлар, фуқаролик жамияти институтлари 14. Давлат ва хўжалик бошқаруви органлари ҳамда бошқа ташкилотлар буюртмалари асосида илмий-амалий тадқиқотлар ўтказиш, уларнинг натижаларини амалиётга жорий этиш ҳамда илмий-услубий ва маслаҳат хизматлари кўрсатиш. 1. Давлат ва хўжалик бошқаруви органлари ҳамда бошқа ташкилотларнинг буюртмалари асосида мақсадли илмий-амалий тадқиқотларни ташкил этиш ва ўтказиш. 2. Илмий-амалий тадқиқотлар натижалари асосида буюртмачи ташкилотларга илмий-услубий ва консультатив хизматлар кўрсатиш. 3. Буюртмачи ташкилотларнинг эҳтиёжларидан келиб чиққан ҳолда психология соҳаси бўйича ўқув курслари, семинарлар ва тренингларни ташкил этиш. 2027 йилдан бошлаб доимий Буюртмачиларнинг маблағлари доирасида Институт, Бошқарув самарадорлиги агентлиги, Ижтимоий ҳимоя миллий агентлиги, манфаатдор вазирлик ва идоралар 15. Илмий тадқиқот натижаларини амалиётга татбиқ этиш ва оммалаштириш. 1. Институт ҳузурида «Ўзбекистон психологияси» электрон илмий журналини ташкил этиш. 2027 йил май Институтга мазкур мақсадлар учун ажратилган бюджет ва бюджетдан ташқари маблағлар, қонунчилик ҳужжатлари билан тақиқланмаган бошқа манбалар Институт, Таълим ва илм-фан вазирлиги, Фанлар академияси 2. Психология соҳасидаги илмий тадқиқотлар натижаларини нашр этиш, Институт илмий журнали халқаро нуфузини ошириш ҳамда хорижий илмий журналлар билан ҳамкорликни ривожлантириш. Доимий IV. Институтнинг инфратузилмаси ва моддий-техника базасини мустаҳкамлаш 16. Институтнинг моддий-техника базасини шакллантириш ва мустаҳкамлаш. 1. Институтнинг штат бирликлари ва фаолият йўналишларидан келиб чиқиб, хизмат хоналарини ажратиш ҳамда уларни таъмирлаш. 2. Институтни замонавий компьютер ва ташкилий техника, мебель жиҳозлари ҳамда бошқа зарур асбоб-ускуналар ва анжомлар билан таъминлаш. 2027 йил март Институтга мазкур мақсадлар учун ажратилган бюджет ва бюджетдан ташқари маблағлар, халқаро молия ташкилотлари маблағлари Таълим ва илм-фан вазирлиги, Институт 3. Ички ахборот телекоммуникация инфратузилмасини модернизация қилиш. 2027 йилдан бошлаб 4. Институтга хизмат автотранспорт воситаларини ажратиш. 2026 йил декабрь 17. Институтнинг амалий ва рақамли таълим инфратузилмасини ривожлантириш. 1. Ўқув аудиториялари, амалий психология, психологик диагностика ва консалтинг хоналари ҳамда тренинг залларини ташкил этиш ва уларни замонавий техник воситалар билан жиҳозлаш. 2027 йил март Институтга мазкур мақсадлар учун ажратилган бюджет ва бюджетдан ташқари маблағлар, халқаро молия ташкилотлари маблағлари Таълим ва илм-фан вазирлиги, Рақамли технологиялар вазирлиги, Институт 2. Хона ва заллардан фойдаланган ҳолда масофавий ва мустақил таълим учун электрон ўқув материаллари ҳамда мультимедиа маҳсулотларини ишлаб чиқишни йўлга қўйиш. 2027 йилдан бошлаб доимий 18. 2030 йилгача институтнинг замонавий лабораториялари ва марказларини босқичма-босқич жиҳозлаш. 1. Замонавий лаборатория ва махсус ускуналарга қўйиладиган техник талабларни ишлаб чиқиш, зарур жиҳозлар рўйхатини шакллантириш. 2027 йил 1 мартга қадар Институтга мазкур мақсадлар учун ажратилган бюджет ва бюджетдан ташқари маблағлар, халқаро молия ташкилотлари маблағлари Таълим ва илм-фан вазирлиги, Иқтисодиёт ва молия вазирлиги, Инвестициялар, саноат ва савдо вазирлиги, Институт 2. Белгиланган молиялаштириш манбалари доирасида жиҳозларни харид қилиш ва лаборатория ҳамда марказларни босқичма-босқич жиҳозлаш. 2027 — 2030 йиллар давомида V. Психологик хизмат кўрсатиш имкониятларини кенгайтириш ва аҳолининг психологик саводхонлигини ошириш 19. Психологик хизмат кўрсатиш соҳасида ягона илмий-услубий мактабни шакллантириш ҳамда давлат ва нодавлат сектор психологларининг касбий ривожланиш тизимини жорий этиш. 1. Психология соҳасидаги кадрларни қайта тайёрлаш ва уларнинг малакасини ошириш бўйича давлат таълим талабларини ишлаб чиқиш ва тасдиқлаш. 2026 йил декабрь - Институт, Таълим ва илм-фан вазирлиги 2. Давлат таълим талаблари асосида қайта тайёрлаш ва малака оширишнинг ўқув режалари, ўқув дастурлари ҳамда баҳолаш мезонларини ишлаб чиқиш ва тасдиқлаш. 2026 йил декабрь 3. Психологларнинг касбий компетенцияларини баҳолаш ва аккредитация қилишнинг ягона мезонлари, баҳолаш воситалари ҳамда электрон портфолио тизимини жорий этиш. 2027 йил июнь 4. Психологик диагностика, психокоррекция, психопрофилактика ва психологик маслаҳат хизматлари бўйича миллий стандартлар ва касбий этика қоидаларини ишлаб чиқиш ва амалиётга татбиқ этиш. 2027 йилдан бошлаб 20. Таълим ташкилоти, оила ва психолог ўртасида ўзаро ҳамкорликнинг ягона тартибини жорий этиш. 1. Таълим ташкилоти, оила ва психолог ўртасидаги ҳамкорлик тартибини белгиловчи регламентни тасдиқлаш ва амалиётга жорий этиш. 2027 йил сентябрь Иштирокчиларнинг маблағлари Таълим ва илм-фан вазирлиги, манфаатдор вазирлик ва идоралар 2. Мактаб психологлари учун ота-оналар билан ишлаш бўйича мажбурий ўқув модулини жорий этиш ҳамда ота-оналарнинг психологик саводхонлигини оширишга қаратилган мунтазам психологик-маърифий тадбирларни ташкил этиш. 2027/2028 ўқув йилидан бошлаб 21. Сунъий интеллект технологиялари асосида психологик хизматнинг ягона электрон платформасини жорий этиш ҳамда психологик муҳитнинг миллий мониторинг тизимини шакллантириш. 1. Таълим ташкилотлари ва аккредитацияланган психологлар фаолиятига оид анонимлаштирилган статистик маълумотларни йиғиш, таҳлил қилиш ва хавф омилларини эрта аниқлаш имконини берувчи ягона электрон платформани ишлаб чиқиш ва жорий этиш. 2027 йил сентябрь Иштирокчиларнинг маблағлари Институт, Рақамли технологиялар вазирлиги, Таълим ва илм-фан вазирлиги, Ижтимоий ҳимоя миллий агентлиги, Ўзбекистон маҳаллалари уюшмаси, Ёшлар ишлари агентлиги, Оила ва хотин-қизлар қўмитаси 2. Ягона электрон платформа асосида республика ва ҳудудлар кесимида психологик муҳитнинг доимий мониторингини ташкил этиш, ҳар йили «Ўзбекистон ёшлари психологик саломатлиги» миллий мониторингини ўтказиш. 2027 йил октябрдан бошлаб доимий 3. Электрон платформа орқали хавф гуруҳига кирувчи болалар ва оилаларни эрта аниқлаш, уларга манзилли психологик хизмат кўрсатиш ҳамда ваколатли давлат органлари билан ҳамкорликда комплекс чора-тадбирларни амалга ошириш механизмларини жорий этиш. 2027 йил ноябрдан бошлаб 22. Ижтимоий ҳимояга муҳтож аҳоли қатламлари учун психологик хизматлардан фойдаланиш имкониятларини кенгайтириш ҳамда уларни давлат-хусусий шериклик асосида молиялаштириш механизмларини жорий этиш. 1. Ижтимоий ҳимояга муҳтож аҳоли қатламларига психологик хизмат кўрсатиш учун давлат-хусусий шериклик асосида нодавлат психологлар ва бошқа ташкилотларни жалб қилиш тартибини жорий этиш. 2027 йил август Иштирокчиларнинг маблағлари, қонунчилик ҳужжатлари билан тақиқланмаган бошқа манбалар Институт, Таълим ва илм-фан вазирлиги, Ижтимоий ҳимоя миллий агентлиги, Ўзбекистон маҳаллалари уюшмаси, Ёшлар ишлари агентлиги, Оила ва хотин-қизлар қўмитаси 2. Психологик хизматларни ваучер (сертификат) асосида молиялаштириш механизмларини босқичма-босқич жорий этиш. 2027 йил сентябрь 3. Давлат ва нодавлат секторда психологик хизмат кўрсатувчи мутахассисларнинг ягона реестрини шакллантириш ҳамда аҳоли учун улар ҳақидаги ахборотдан фойдаланиш имкониятини яратиш. 2027 йил октябрь ойидан бошлаб 4. Психологик хизматларни кўрсатиш сифати, самарадорлиги ва давлат маблағларидан фойдаланиш натижадорлигини баҳолаш ҳамда мониторинг қилиш тизимини жорий этиш. 2027 йил декабрь ойидан бошлаб 23. Ёшлар психологиясига оид илмий тадқиқотлар натижаларини оммалаштириш ва аҳолига етказишнинг замонавий механизмларини жорий этиш. 1. Ёшлар психологиясига оид илмий тадқиқотлар натижалари асосида илмий-услубий тавсияларни ишлаб чиқиш. 2027 йил июнь Институтнинг бюджетдан ташқари маблағлар, қонунчилик ҳужжатлари билан тақиқланмаган бошқа манбалар Ўзбекистон Миллий телерадиокомпанияси, Институт, Ёшлар ишлари агентлиги 2. Илмий-услубий тавсиялар асосида подкастлар, видеоконтентлар ва бошқа медиамаҳсулотларни тайёрлаш ҳамда уларни оммавий ахборот воситалари ва ижтимоий тармоқлар орқали кенг ёритиш. 2027 йил сентябрь

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 19 октябрь,

ПҚ-379-сон

(Қонунчилик маълумотлари миллий базаси, 21.10.2026 й., 07/26/379/1052-сон)

lex.uz

OʻZBEKISTON RESPUBLIKASI PREZIDENTINING

QARORI

TARKIBI

MAQSADLI KOʻRSATKICHLARI

“YOʻL XARITASI”

Uzluksiz taʼlim tizimida psixologik xizmat sohasini ilmiy asosda rivojlantirish chora-tadbirlari toʻgʻrisida

Taʼlim tizimida inson kapitali sifatini oshirish, yoshlarning psixologik farovonligini taʼminlash, psixologik xizmatning ilmiy, uslubiy va tashkiliy asoslarini tubdan takomillashtirish, sohada fundamental va amaliy ilmiy tadqiqotlarni rivojlantirish, taʼlim tashkilotlarida psixologik qoʻllab-quvvatlashning samarali mexanizmlarini hamda mazkur yoʻnalishda yagona ilmiy asoslangan yondashuvlarni joriy etish maqsadida qaror qilaman:

I. Maqsadlar

1. Quyidagilar ushbu qarorning asosiy maqsadlari etib belgilansin:

(a) taʼlim oluvchilarning barkamol shaxs sifatida shakllanishi, individual psixologik xususiyatlari, shaxsiy imkoniyatlari va qobiliyatlarini namoyon etishlari uchun hamrohlik qilish tizimini joriy etish;

(b) taʼlim tashkilotlarida psixologik xizmatni amaliy jihatdan takomillashtirish hamda pedagog va tarbiyachilarning kasbiy emotsional holati va ruhiy charchash omillarini oʻrganish tizimini yaratish;

(v) psixologiya sohasidagi ilmiy-tadqiqot ishlarini yanada takomillashtirish, ularning natijalarini amaliyotga tatbiq etishda yagona yondashuvni joriy etish.

II. Taʼlim muassasalarida psixologik xizmat faoliyatini takomillashtirish

2. Nizomiy Ganjaviy nomidagi Oʻzbekiston milliy pedagogika universitetining Psixologiya oʻquv-ilmiy markazi negizida psixologiya sohasida ilmiy tadqiqotlar oʻtkazish, kadrlarni qayta tayyorlash va malakasini oshirish boʻyicha tayanch muassasa hisoblanuvchi Psixologiya ilmiy-tadqiqot instituti (keyingi oʻrinlarda — Institut) tashkil etilsin hamda Taʼlim va ilm-fan vazirligi boʻysunuviga oʻtkazilsin.

3. Shunday tartib oʻrnatilsinki, unga koʻra barcha taʼlim tashkilotlarining pedagog (tarbiyachi) va oʻquvchilari (tarbiyalanuvchilari, talabalari) (keyingi oʻrinlarda — pedagog va oʻquvchilar) bir oʻquv yilida kamida bir marotaba maqsadli psixologik diagnostikadan oʻtkaziladi. Bunda ushbu tizim:

(a) birinchi bosqichda — 2026/2027 oʻquv yilidan boshlab maktabgacha va umumiy oʻrta taʼlim tashkilotlarida;

(b) ikkinchi bosqichda — 2027/2028 oʻquv yilidan boshlab oʻrta maxsus, kasbiy va oliy taʼlim tashkilotlarida joriy etiladi.

4. Belgilansinki, taʼlim tashkilotlarida psixologik diagnostika quyidagi tartibda tashkil etiladi:

(a) Institut tomonidan xalqaro standartlar asosida pedagog va oʻquvchilarning yosh toifasi va (yoki) faoliyat xususiyati boʻyicha dastlabki skrining va chuqurlashtirilgan psixologik diagnostika uchun yagona standartlashtirilgan uslubiyot va testlar toʻplami ishlab chiqiladi va tegishli vazirliklarga taqdim etiladi;

(b) psixologik diagnostika Institut tomonidan maxsus elektron platformada yuritiladi. Bunda shaxsga doir maʼlumotlar, psixologik diagnostika va psixologik yordam koʻrsatilishi natijasida maʼlum boʻlgan maʼlumotlarning sir saqlanishi taʼminlanadi;

(v) taʼlim tashkilotlarining psixologlari Institut tomonidan tashkil etiladigan kaskadli malaka oshirish tizimi orqali oʻqitiladi hamda hududlar kesimida mentor psixologlar guruhi shakllantiriladi;

(g) kaskadli malaka oshirish kursiga oʻqituvchi sifatida jalb etilgan psixologlarga ushbu davrda asosiy ish joyidagi lavozim maoshiga nisbatan 20 foiz miqdorida ustama asosiy ish joyining budjet va budjetdan tashqari mablagʻlari hisobidan toʻlanadi;

(d) pedagog va oʻquvchilarning psixologik diagnostika natijalari sunʼiy intellekt texnologiyalarini tatbiq qilish orqali tahlil qilinib, yagona standart boʻyicha ular “psixologik barqaror”, “psixologik qoʻllab-quvvatlashga muhtoj” va “faol psixologik qoʻllab-quvvatlash zarur” guruhlariga ajratiladi, bunda:

(i) “psixologik qoʻllab-quvvatlashga muhtoj” va “faol psixologik qoʻllab-quvvatlash zarur” guruhlariga kiritilgan pedagog va oʻquvchilar bilan individual ish-reja boʻyicha faoliyat yoʻlga qoʻyiladi hamda uning natijalari Institut tomonidan monitoring qilib boriladi;

(ii) “psixologik qoʻllab-quvvatlashga muhtoj” guruhiga kiritilgan pedagog va oʻquvchilarga tegishli taʼlim tashkilotining psixologi biriktiriladi;

(iii) “faol psixologik qoʻllab-quvvatlash zarur” guruhiga kiritilgan pedagog va oʻquvchilarga tegishli hudud boʻyicha mentor psixolog biriktiriladi;

(iv) oʻquv yili davomida psixologik barqarorlikni taʼminlashda yuqori koʻrsatkichlarga erishgan 150 nafar mentor psixologlar Davlat budjet mablagʻlari hisobidan mehnatga haq toʻlashning eng kam miqdorining 20 barobari miqdorida bir martalik moddiy ragʻbatlantiriladi.

5. Quyidagilar:

(a) Taʼlim va ilm-fan vazirligi — taʼlim tashkilotlarida pedagog va oʻquvchilarni psixologik diagnostikadan oʻtkazish yoʻnalishlarini belgilaydi, psixologik diagnostika oʻtkazilishini tashkil etadi hamda Institut tavsiyasiga muvofiq “Kelajak soati” darslari dasturlariga oʻquvchi va talabalarning psixologik bilimlarini oshirishga qaratilgan mavzular kiritilishiga masʼul hisoblanadi;

(b) Taʼlimni rivojlantirish respublika ilmiy-metodik markazi — navbatdagi oʻquv yili uchun darsliklarni tayyorlashda psixologik diagnostika natijalari boʻyicha Institut tomonidan ishlab chiqilgan tavsiyalar inobatga olinishini taʼminlaydi;

(v) Institut — taʼlim tashkilotlari psixologlarining faoliyatini muvofiqlashtiradi hamda har oʻquv yili yakunida diagnostika natijalari tahlili asosida pedagog va oʻquvchilarning psixologik salomatligini taʼminlash boʻyicha tavsiyalar ishlab chiqadi.

6. Taʼlim tashkilotlari psixologik xizmat xodimlarini qayta tayyorlash va ularning malakasini oshirish boʻyicha shunday tartib oʻrnatilsinki, unga koʻra:

(a) Institut davlat maktabgacha, umumiy oʻrta, oʻrta maxsus, kasbiy va oliy taʼlim tashkilotlari psixologik xizmat xodimlarini qayta tayyorlash va ularning malakasini oshirish boʻyicha taʼlim mazmunini shakllantirishga masʼul muassasa hisoblanadi;

(b) taʼlim tashkilotlari psixologik xizmat xodimlarini qayta tayyorlash va ularning malakasini oshirish faoliyati oʻquv-uslubiy jihatdan Institut tomonidan muvofiqlashtiriladi;

(v) 2027-yil 1-yanvardan boshlab Institutga quyidagi huquqlar beriladi:

(i) tegishli vazirlik va idoralarga ajratilgan Davlat budjeti mablagʻlari hisobidan davlat maktabgacha, umumiy oʻrta, oʻrta maxsus va kasbiy taʼlim muassasalari psixologik xizmat xodimlarini qayta tayyorlash va ularning malakasini oshirish. Bunda Toshkent shahri va Toshkent viloyatidagi taʼlim tashkilotlari psixologlarining malakasini oshirish bevosita Institutda, Qoraqalpogʻiston Respublikasida va boshqa viloyatlarda — Qoraqalpogʻiston Respublikasi va viloyatlar pedagogik mahorat markazlarida Institut tomonidan ishlab chiqilgan dasturlar asosida amalga oshiriladi;

(ii) shartnoma asosida davlat oliy taʼlim va nodavlat taʼlim tashkilotlarining psixologik xizmat xodimlarini qayta tayyorlash hamda ularning malakasini oshirish;

(g) taʼlim tashkilotlari psixologik xizmat xodimlari besh yilda kamida bir marotaba malakasini oshirishi shart etib belgilanadi.

III. Institut faoliyatini tashkil etish

7. Belgilansinki, Institutning ilmiy-tadqiqot ishlarini samarali tashkil etish maqsadida zarur laboratoriyalar xalqaro standartlar asosida 2027 — 2030-yillarda bosqichma-bosqich tashkil etiladi.

Bunda Institutda 2027-yil 1-yanvardan boshlab quyidagi laboratoriyalar faoliyati yoʻlga qoʻyiladi:

(a) asosiy faoliyat yoʻnalishi quyidagilardan iborat boʻlgan Raqamli psixologiya va sunʼiy intellekt laboratoriyasi:

(i) raqamli muhitda inson xulq-atvori, raqamli qaramlik (internet, oʻyin, ijtimoiy tarmoq), kiberbulling va onlayn xavfsizlik masalalarini ilmiy tadqiq etish;

(ii) sunʼiy intellekt texnologiyalarini psixologik diagnostika, maslahat va profilaktika jarayonlariga joriy etishning ilmiy-uslubiy asoslarini ishlab chiqish;

(iii) virtual yordamchilar asosidagi psixologik yordam vositalarini yaratish, sinovdan oʻtkazish va ilmiy baholash;

(b) asosiy faoliyat yoʻnalishi quyidagilardan iborat boʻlgan Taʼlim psixologiyasi va psixologik xizmat laboratoriyasi:

(i) uzluksiz taʼlim tizimida psixologik xizmatning ilmiy-nazariy va uslubiy asoslarini ishlab chiqish hamda takomillashtirish;

(ii) taʼlim oluvchilarda bilim olish motivatsiyasi, akademik stress, oʻzlashtirishdagi qiyinchiliklar va ijtimoiy moslashuv muammolarini tadqiq etish;

(iii) taʼlim tashkilotlari psixologlari faoliyatining milliy standartlari, etika kodeksi va ish yuritish tartibini xalqaro andozalar asosida ishlab chiqish;

(iv) taʼlim tashkilotlarida psixologik xizmat samaradorligini baholash mezonlari va monitoring tizimini yaratish;

(v) taʼlim jarayoniga zamonaviy pedagogik va taʼlim texnologiyalarini joriy etish hamda ularni takomillashtirish boʻyicha takliflar ishlab chiqish;

(v) asosiy faoliyat yoʻnalishi quyidagilardan iborat boʻlgan Psixologik salomatlik va profilaktika laboratoriyasi:

(i) aholining psixologik salomatlik holatini Jahon sogʻliqni saqlash tashkiloti uslubiyoti asosida oʻrganish va monitoring qilish;

(ii) stress, emotsional toliqish, xavotir va depressiv holatlarning oldini olishga qaratilgan profilaktika dasturlarini ishlab chiqish;

(iii) suitsidal xulq-atvor profilaktikasi boʻyicha ilmiy asoslangan milliy dasturlar va erta aniqlash mexanizmlarini yaratish;

(iv) inqiroz holatlarida (tabiiy ofat, favqulodda vaziyatlar) psixologik yordam va zararli odatlar profilaktikasining psixologik texnologiyalarini ishlab chiqish.

8. Belgilansinki:

(a) Institut ilmiy-uslubiy, amaliy va axborot-tahliliy faoliyatni amalga oshiruvchi davlat ilmiy-tadqiqot muassasasi hisoblanadi;

(b) Institut direktori taʼlim va ilm-fan vaziri tomonidan, direktor oʻrinbosarlari Institut direktori tomonidan lavozimga tayinlanadi va lavozimidan ozod etiladi;

(v) Institutning boshqaruv xodimlarining cheklangan soni 59 ta shtat birligidan iborat boʻlib, ular:

(i) Nizomiy Ganjaviy nomidagi Oʻzbekiston milliy pedagogika universitetining Psixologiya oʻquv-ilmiy markazi tugatilishi munosabati bilan uning 18 ta shtat birligi hisobidan;

(ii) Taʼlim va ilm-fan vazirligi tizim tashkilotlarining 41 ta boshqaruv xodimlari shtat birliklarini qisqartirish hisobidan shakllantiriladi;

(g) Institut tuzilmasi Institut direktori tomonidan Taʼlim va ilm-fan vazirligi bilan kelishilgan holda tasdiqlanadi;

(d) Institut rahbar va ilmiy xodimlarining lavozim maoshlari Davlat budjeti mablagʻlari hisobidan davlat ilmiy dasturlarini amalga oshirishda qatnashuvchi ilmiy muassasalar rahbar va ilmiy xodimlarining bazaviy lavozim maoshlariga, boshqa xodimlarining lavozim maoshlari esa tegishlicha Fanlar akademiyasi ilmiy-tadqiqot muassasalari xodimlarining lavozim maoshiga tenglashtiriladi.

Bunda Institut direktoriga budjetdan tashqari mablagʻlar hisobidan xodimlarga lavozim maoshiga ustama miqdorini mustaqil belgilash vakolati beriladi.

9. Institutga quyidagi huquqlar berilsin:

(a) hududiy mentor psixologlarni Qoraqalpogʻiston Respublikasi va viloyatlar pedagogik mahorat markazlari hamda pedagogika yoʻnalishida kadrlar tayyorlovchi oliy taʼlim tashkilotlari bazasida tayyorlash va ularning malakasini oshirish;

(b) ilmiy tashkilotlar, jamgʻarmalar, taʼlim muassasalari, boshqa tashkilotlar, shu jumladan, xalqaro va xorijiy tashkilotlar bilan ilmiy tadqiqotlar oʻtkazish uchun Institutning budjetdan tashqari mablagʻlari hisobidan shartnomalar tuzish;

(v) sud-psixologik va boshqa turdagi psixologik ekspertizalarni oʻtkazish;

(g) ilmiy tadqiqotlarda ishtirok etish uchun xorijiy mutaxassislarni shartnoma asosida jalb etish;

(d) Institutning budjetdan tashqari mablagʻlari hisobidan xodimlarning xorijiy taʼlim va ilmiy-tadqiqot tashkilotlarida malaka oshirishi hamda stajirovka oʻtashi bilan bogʻliq xarajatlar uchun toʻlovlarni amalga oshirish.

10. Quyidagilar Institut faoliyatini moliyalashtirish manbalari etib belgilansin:

(a) Oʻzbekiston Respublikasi Davlat budjeti mablagʻlari;

(b) ilmiy tadqiqot loyihalarini amalga oshirish uchun oʻtkaziladigan tanlovlar natijalariga koʻra ajratiladigan grantlar;

(v) xoʻjalik faoliyatidan hamda shartnoma asosida tadqiqotlar, psixologik ekspertiza va tahlillar oʻtkazishdan tushadigan tushumlar;

(g) Taʼlim va ilm-fan vazirligi hamda Kasbiy taʼlim agentligining budjetdan tashqari mablagʻlari;

(d) grantlar va homiylik xayriyalari;

(j) qonunchilik hujjatlari bilan taqiqlanmagan boshqa manbalar.

11. Belgilansinki:

(a) 2026-yilda Institut faoliyatini moliyalashtirish hamda laboratoriyalarni tashkil etish bilan bogʻliq Davlat budjeti hisobidan xarajatlar birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligiga budjetdan ajratilgan mablagʻlarni Taʼlim va ilm-fan vazirligiga qayta taqsimlash hamda Davlat budjeti parametrlariga tegishli oʻzgartirishlar kiritish orqali amalga oshiriladi;

(b) 2027-yildan boshlab Institut faoliyatini moliyalashtirish uchun zarur mablagʻlar Davlat budjeti parametrlarida nazarda tutiladi.

12. Institut Toshkent shahri Yakkasaroy tumani Bratislava koʻchasi 3-uy manzilidagi binoga operativ boshqaruv huquqi asosida bepul joylashtirilsin.

IV. Qaror ijrosini tashkil etish, taʼminlash va nazorat

13. Quyidagilar:

(a) Psixologiya ilmiy-tadqiqot instituti faoliyatining asosiy yoʻnalishlari 1-ilovaga muvofiq;

(b) Psixologiya sohasida ilmiy tadqiqotlar va kadrlar tayyorlash tizimini rivojlantirish boʻyicha idoralararo kengash tarkibi 2-ilovaga muvofiq;

(v) Psixologiya ilmiy-tadqiqot institutini 2030-yilgacha rivojlantirishning maqsadli koʻrsatkichlari 3-ilovaga muvofiq;

(g) Uzluksiz taʼlim tizimida psixologik xizmatni ilmiy asosda rivojlantirish hamda sohada ilmiy-tadqiqot, uslubiy va innovatsion faoliyatni yoʻlga qoʻyish boʻyicha “yoʻl xaritasi” 4-ilovaga muvofiq tasdiqlansin.

14. Quyidagilar psixologiya sohasida ilmiy tadqiqotlar va kadrlar tayyorlash tizimini rivojlantirish boʻyicha idoralararo kengashning vazifalari etib belgilansin:

(a) psixologiya sohasida ilmiy tadqiqotlar, kadrlar tayyorlash va psixologik xizmat koʻrsatish boʻyicha manfaatdor vazirlik va idoralar faoliyatini muvofiqlashtirish;

(b) psixologik diagnostika tizimini joriy etishda vazirlik va idoralar hamkorligini muvofiqlashtirish, tashkiliy-amaliy koʻmaklashish va monitoring qilish;

(v) psixologik diagnostika natijalari tahlili hamda Institut tomonidan ishlab chiqilgan tavsiyalarni amaliyotga joriy etish yuzasidan tegishli vazirlik va idoralarga tavsiyalar kiritish;

(g) taʼlim, sogʻliqni saqlash va ijtimoiy sohalarning psixolog kadrlarga boʻlgan ehtiyojidan kelib chiqib, qabul parametrlari va maqsadli kadrlar tayyorlash boʻyicha takliflar ishlab chiqish.

15. Taʼlim va ilm-fan vazirligi uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.

16. Mazkur qaror ijrosini samarali tashkil qilishga masʼul va shaxsan javobgar etib Oʻzbekiston Respublikasi Bosh vazirining birinchi oʻrinbosari — taʼlim va ilm-fan vaziri E.O. Turdimov belgilansin.

17. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Rahbarining taʼlimni isloh qilish boʻyicha oʻrinbosari O.A. Xakimov zimmasiga yuklansin.

Oʻzbekiston Respublikasi Prezidentining 2026-yil 19-oktabrdagi PQ-379-son qaroriga 1-ILOVA

Psixologiya ilmiy-tadqiqot instituti faoliyatining asosiy yoʻnalishlari

1. Psixologiya sohasida fundamental, amaliy va innovatsion ilmiy tadqiqotlarni tashkil etish hamda muvofiqlashtirish, ularning natijalarini amaliyotga joriy etish choralarini koʻrish.

2. Jamiyatda sogʻlom psixologik muhitni shakllantirish, aholining psixologik madaniyatini oshirish, yoshlarning psixologik barqarorligi va ijtimoiy moslashuvini taʼminlash, ularni oilaviy hayotga tayyorlashga qaratilgan ilmiy asoslangan uslubiyot va dasturlarni ishlab chiqish.

3. Taʼlim tashkilotlarida psixologik xizmatni takomillashtirish, psixologlar faoliyatining kasbiy standartlari, samaradorlik mezonlari, diagnostika va baholash vositalari hamda ilmiy-uslubiy taʼminoti meʼyorlarini ishlab chiqish.

4. Taʼlim oluvchilarning psixologik rivojlanishi, shaxsiy imkoniyatlari va qobiliyatlarini roʻyobga chiqarishga qaratilgan psixologik hamrohlik qilish modellari, diagnostika va rivojlantirish texnologiyalarini ishlab chiqish va tavsiya etish.

5. Pedagog va tarbiyachilarning kasbiy emotsional holati, ruhiy charchash va stress omillarini oʻrganish, ularning psixologik sogʻlomligini saqlash va profilaktika qilish boʻyicha uslubiy tavsiyalar ishlab chiqish.

6. Imkoniyati cheklangan bolalar va yoshlarni psixologik qoʻllab-quvvatlashga qaratilgan adaptiv dasturlar, psixokorreksion va psixoreabilitatsion uslubiyotlarni ishlab chiqish va amaliyotga tavsiya etish.

7. Internetga qaramlik, bulling, kiberbulling, suitsidal xulq-atvor va boshqa psixologik xavflarning oldini olish boʻyicha ilmiy tadqiqotlar oʻtkazish, profilaktik dasturlar hamda amaliy mexanizmlarni ishlab chiqish va tavsiya etish.

8. Psixologiya sohasida sunʼiy intellekt, raqamli texnologiyalar va zamonaviy psixodiagnostika vositalarini joriy etish boʻyicha ilmiy yechimlarni ishlab chiqish.

9. Psixologiya sohasida yagona ilmiy-uslubiy yondashuvni shakllantirish, ilmiy-metodik materiallar, standartlar, tavsiyalar va oʻquv-uslubiy qoʻllanmalarni tayyorlash.

10. Milliy psixodiagnostik metodikalar, psixologik testlar va baholash instrumentlarini ishlab chiqish, xorijiy metodikalarni milliy muhitga adaptatsiya qilish, ularni psixometrik baholash va standartlashtirish.

11. Xorijiy ilmiy markazlar, oliy taʼlim muassasalari va xalqaro tashkilotlar bilan hamkorlikni rivojlantirish, ilgʻor xorijiy tajribani milliy amaliyotga moslashtirish hamda qoʻshma ilmiy loyihalarni amalga oshirish.

12. Yuqori malakali ilmiy va ilmiy-pedagog kadrlarni tayyorlash, psixologiya sohasida ilmiy maktablarni rivojlantirish, yosh olimlarni qoʻllab-quvvatlash va ilmiy tadqiqotlar sifatini oshirish choralarini koʻrish.

Oʻzbekiston Respublikasi Prezidentining 2026-yil 19-oktabrdagi PQ-379-son qaroriga 2-ILOVA

Psixologiya sohasida ilmiy tadqiqotlar va kadrlar tayyorlash tizimini rivojlantirish boʻyicha idoralararo kengash

E. Turdimov — taʼlim va ilm-fan vaziri, Idoralararo kengash raisi Yu. Risyukova — Oʻzbekiston Respublikasi Prezidenti Administratsiyasi masʼul xodimi B. Abduxalimov — Fanlar akademiyasi vitse-prezidenti A. Xudaykulov — sogʻliqni saqlash vaziri oʻrinbosari O. Pekos — raqamli texnologiyalari vazirining birinchi oʻrinbosari D. Sattarov — ichki ishlar vaziri oʻrinbosari O. Fazilkarimov — iqtisodiyot va moliya vaziri oʻrinbosari O. Xasanov — Respublika Maʼnaviyat va maʼrifat markazi rahbari A. Saʼdullayev — Yoshlar ishlari agentligi direktori M. Nurmatova — Oila va xotin-qizlar qoʻmitasi raisi oʻrinbosari U. Begimkulov — Oliy taʼlim tizimi kadrlarini qayta tayyorlash va malakasini oshirish instituti direktori A. Ismailov — Abdulla Avloniy nomidagi Pedagogik mahorat milliy instituti rektori Gʻ. Shoumarov — Profi universiteti rektori (kelishuv asosida) X. Maxmudova — Oʻzbekiston psixologlar assotsiatsiyasi raisi Lavozim boʻyicha — Psixologiya ilmiy-tadqiqot instituti direktori, Idoralararo kengash kotibi

Oʻzbekiston Respublikasi Prezidentining 2026-yil 19-oktabrdagi PQ-379-son qaroriga 3-ILOVA

Psixologiya ilmiy-tadqiqot institutini 2030-yilgacha rivojlantirishning

T/r Maqsadli koʻrsatkich nomi Oʻlchov birligi 2026-yil 2027-yil 2028-yil 2029-yil 2030-yil 1. Ilmiy darajali kadrlar ulushi foiz 30 35 40 45 50 2. Fundamental va amaliy ilmiy tadqiqot loyihalari soni ta - 2 3 4 5 3. Amaliyotga joriy etilgan ilmiy tadqiqot ishlanmalari soni ta - 2 4 6 8 4. Ilmiy-uslubiy qoʻllanmalar va tavsiyalar soni ta 5 15 20 25 30 5. Psixodiagnostika, psixokorreksiya va profilaktika dasturlari soni ta 2 4 6 8 10 6. Malaka oshirishdan oʻtkazilgan psixolog mutaxassislar soni nafar - 2000 2000 2000 2000 7. Qayta tayyorlangan mutaxassislar soni nafar - 150 150 150 150 8. Xalqaro hamkorlik doirasidagi ilmiy loyihalar soni ta - 2 2 2 2 9. “Scopus” va “Web of Science” bazalarida maqolalar soni ta - 4 6 8 10 10. Ilmiy daraja olgan tadqiqotchilar soni nafar 3 15 20 25 30

Oʻzbekiston Respublikasi Prezidentining 2026-yil 19-oktabrdagi PQ-379-son qaroriga 4-ILOVA

Uzluksiz taʼlim tizimida psixologik xizmatni ilmiy asosda rivojlantirish hamda sohada ilmiy-tadqiqot, uslubiy va innovatsion faoliyatni yoʻlga qoʻyish boʻyicha

T/r Chora-tadbirlar nomi Amalga oshirish mexanizmi Ijro muddati Moliyalashtirish manbalari Masʼul ijrochilar I. Institut faoliyatining tashkiliy-huquqiy asoslarini yaratish 1. Psixologiya ilmiy-amaliy tadqiqot instituti (keyingi oʻrinlarda — Institut) faoliyatini tashkil etish. 1. Mahalliy va xorijiy yuqori malakali mutaxassislarni jalb qilgan holda Institut ustavini ishlab chiqish. 2026-yil noyabr - Taʼlim va ilm-fan vazirligi, Adliya vazirligi, Institut 2. Institut ustavini tasdiqlash va belgilangan tartibda davlat roʻyxatidan oʻtkazish. 2026-yil dekabr 2. Xalqaro dasturlar asosida psixologiya sohasining yagona milliy kasbiy standarti va kasbiy etika qoidalarini ishlab chiqish. 1. Xalqaro dasturlar asosida psixologiya sohasining yagona milliy kasbiy standarti va kasbiy etika qoidalari taʼlim dasturlarini ishlab chiqish boʻyicha ishchi guruhni tashkil etish. 2026-yil noyabr - Institut, Taʼlim va ilm-fan vazirligi, Kambagʻallikni qisqartirish va bandlik vazirligi, Oʻzbekiston psixologlar assotsiatsiyasi 2. Psixologiya sohasining yagona milliy standarti va kasbiy etika qoidalarini ishlab chiqish. 2027-yil mart 3. Ishlab chiqilgan meʼyoriy hujjatlarni oʻrnatilgan tartibda tasdiqlash. 2027-yil sentabr 3. Davlat va nodavlat sektorda faoliyat yuritayotgan psixologiya sohasi mutaxassislarini uzluksiz kasbiy rivojlantirish tizimini joriy etish tartibini tasdiqlash. 1. Psixologiya sohasi mutaxassislarini qayta tayyorlash hamda ularning malakasini oshirish tartibini tasdiqlashga oid normativ-huquqiy hujjat loyihasini ishlab chiqish. 2026-yil noyabr - Institut, Oʻzbekiston psixologlar assotsiatsiyasi, manfaatdor vazirlik va idoralar 2. Ishlab chiqilgan normativ-huquqiy hujjat loyihasini belgilangan tartibda Vazirlar Mahkamasiga kiritish. 2026-yil dekabr 4. Taʼlim tashkilotlarida psixodiagnostika oʻtkazish tartibini tasdiqlash. 1. Taʼlim tashkilotlarida psixodiagnostika oʻtkazish tartibi loyihasini ishlab chiqish. 2026-yil noyabr - Taʼlim va ilm-fan vazirligi, Institut 2. Taʼlim tashkilotlarida psixodiagnostika oʻtkazish tartibini tasdiqlash. 2026-yil dekabr II. Ilmiy va ilmiy-pedagogik faoliyatni tashkil etish hamda kadrlar salohiyatini oshirish 5. Institutni psixologiya sohasida zamonaviy bilim, malaka va koʻnikmaga hamda amaliy ish tajribasiga ega malakali kadrlar bilan toʻldirish. 1. Institutga xodimlarni ochiq tanlov asosida tanlab olish boʻyicha tanlov komissiyasi tarkibini shakllantirish va tanlov tashkil etish. 2026-yil noyabr - Taʼlim va ilm-fan vazirligi 2. Ochiq tanlov asosida saralangan nomzodlarni oʻrnatilgan tartibda ishga qabul qilish. 2026-yil dekabr 6. Institutning rahbar kadrlari, ilmiy va ilmiy-pedagog xodimlari xorijiy davlatlarda stajirovka oʻtashi va malaka oshirishini tashkil etish. 1. Institutning rahbar kadrlari va ilmiy xodimlarini xorijiy universitet va ilmiy markazlarga qisqa muddatli stajirovka va malaka oshirishga yuborish reja-grafigini ishlab chiqish. 2027-yil yanvar Institutning budjetdan tashqari mablagʻlari, qonunchilik hujjatlari bilan taqiqlanmagan boshqa manbalar Institut, “El-yurt umidi” jamgʻarmasi, Taʼlim va ilm-fan vazirligi 2. Xorijiy hamkorlar va xalqaro tashkilotlar yordamida Institutning rahbar kadrlari, ilmiy va ilmiy-pedagog xodimlari stajirovka oʻtashi va malaka oshirishini tashkillashtirish. Har yili tasdiqlangan reja-grafik asosida 7. Institut huzuridagi psixologiya ixtisosliklari boʻyicha doktorantura, tayanch doktorantura va mustaqil tadqiqotchilik institutlarida ilmiy va ilmiy-pedagog kadrlarni tayyorlashni yoʻlga qoʻyish. 1. Institut talabnomasi asosida “Psixologiya tarixi va nazariyasi”, “Shaxs psixologiyasi”, “Psixofiziologiya”, “Ijtimoiy psixologiya. Etnopsixologiya”, “Yosh va pedagogik psixologiya. Rivojlanish psixologiyasi”, “Maxsus psixologiya”, “Klinik psixologiya”, “Din psixologiyasi”, “Psixometriya va psixodiagnostika”, “Adaptiv va sport psixologiyasi”, “Raqamli va mediapsixologiya” ixtisosliklari boʻyicha doktorantura, tayanch doktorantura va mustaqil tadqiqotchilik institutlarida ilmiy-pedagog kadrlarni tayyorlash uchun kvota ajratish. 2. Kvota doirasida qabul jarayonlarini amalga oshirish. 2027-yildan boshlab bosqichma-bosqich Ushbu maqsadlar uchun ajratilgan Davlat budjeti mablagʻlari Taʼlim va ilm-fan vazirligi, Institut 8. Institut huzurida psixologiya ixtisosliklari boʻyicha ilmiy kengashlarni tashkil qilish. 1. Institut huzurida tashkil etiladigan ilmiy kengashlar tarkibini shakllantirish. 2027-yil mart - Fanlar akademiyasi, Oliy attestatsiya komissiyasi, Institut 2. Oliy attestatsiya komissiyasida ilmiy kengashlar tarkibini tasdiqlash. 2027-yil aprel 3. Ilmiy kengashlar faoliyatini samarali tashkil etish. doimiy 9. Institut ilmiy va ilmiy-pedagogik faoliyatiga yetakchi xorijiy taʼlim va tadqiqot muassasalari olimlari va ekspertlari hamda davlat organlari va xalqaro tashkilotlarning tajribali mutaxassislarini jalb etish. 1. Psixologiya sohasida yetakchi xorijiy taʼlim va ilmiy-tadqiqot muassasalari, davlat organlari hamda xalqaro tashkilotlar va ekspertlar bilan hamkorlik aloqalarini oʻrnatish. 2. Hamkorlik asosida xorijiy professor-oʻqituvchilar, olimlar va ekspertlarni Institutning ilmiy va ilmiy-pedagogik faoliyatiga jalb etish. Bunda xorijlik professor-oʻqituvchilar va ekspertlar mehnatiga haq toʻlash ular bilan tuziladigan ikki tomonlama shartnomalarga muvofiq amalga oshiriladi. 2026-yil noyabrdan boshlab doimiy Xalqaro moliya institutlari, xorijiy va donor tashkilotlarning grantlari va mablagʻlari, Institutning budjetdan tashqari mablagʻlari Institut, Tashqi ishlar vazirligi, “El-yurt umidi” jamgʻarmasi, manfaatdor vazirlik va idoralar 10. Ilgʻor xorijiy tajriba asosida psixologiya sohasi mutaxassislarini qayta tayyorlash va ularning malakasini oshirish boʻyicha oʻquv-meʼyoriy va uslubiy taʼminotni ishlab chiqish va kurslarni tashkil etish. 1. Psixologiya sohasi mutaxassislarini qayta tayyorlash hamda ularning malakasini oshirish kurslari oʻquv rejalari, oʻquv dasturlari va alohida oʻquv modullarini ishlab chiqish. 2. Oʻquv dasturi va modullar asosida zamonaviy oʻquv-uslubiy majmualar, videodarslar, interaktiv oʻquv resurslari va boshqa materiallarni ishlab chiqish hamda muntazam yangilab borish. 3. Qayta tayyorlash va malaka oshirish kurslarida ishtirok etish istagini bildirgan talabgorlarning buyurtmanomalarini qabul qilish, ularni koʻrib chiqish, tinglovchilar kontingentini shakllantirish va oʻquv guruhlarini tashkil etish. 4. Oʻquv jarayonini anʼanaviy, masofaviy va gibrid taʼlim shakllarida tashkil etish, tinglovchilar bilimini baholash hamda belgilangan tartibda sertifikatlashtirish tizimini joriy etish. 5. Aholining psixologik savodxonligini oshirish maqsadida ommaviy ochiq masofaviy oʻquv kurslarini ishlab chiqish va tashkil etish. 2027-yildan boshlab doimiy Davlat budjeti va budjetdan tashqari mablagʻlar doirasida, buyurtmachi tashkilotlar mablagʻlari Institut, Taʼlim va ilm-fan vazirligi, Ijtimoiy himoya milliy agentligi III. Sohani raqamlashtirish, xalqaro va ijtimoiy hamkorlikni rivojlantirish 11. Psixologik xizmat koʻrsatishni raqamlashtirish va yagona elektron platformani joriy etish. 1. Psixologik diagnostika, monitoring, maslahat berish, elektron portfolio va tahliliy hisobotlarni yurituvchi yagona raqamli platformani ishlab chiqish. 2. Raqamli platformani bosqichma-bosqich taʼlim muassasalarida joriy etish. 2027-2028-yillar Institutga mazkur maqsadlar uchun ajratilgan budjet va budjetdan tashqari mablagʻlar, grant mablagʻlari, xalqaro loyihalar Institut, Raqamli texnologiyalar vazirligi, Taʼlim va ilm-fan vazirligi 12. Xalqaro moliya institutlari, donor va boshqa tashkilotlar bilan hamkorlikni rivojlantirish hamda qoʻshma ilmiy tadqiqotlar va loyihalarni amalga oshirish. 1. Xorijiy universitetlar, ilmiy markazlar va xalqaro tashkilotlar bilan hamkorlik aloqalarini oʻrnatish hamda qoʻshma ilmiy tadqiqotlar va loyihalarni amalga oshirish. 2. Institut ilmiy tadqiqotlari uchun xalqaro grantlar va donor tashkilotlar mablagʻlarini jalb qilish, shuningdek, ilmiy xodimlarning ilmiy anjumanlarda ishtirokini taʼminlash. 3. Ilmiy xodimlarning innovatsion, amaliy va fundamental tadqiqotlar loyihalari tanlovlarida ishtirok etishini taʼminlash. 2027-yil yanvardan boshlab doimiy Institutning budjetdan tashqari mablagʻlari, grantlar mablagʻlari, qonunchilik hujjatlari bilan taqiqlanmagan boshqa manbalar Institut, Investitsiyalar, sanoat va savdo vazirligi, “El-yurt umidi” jamgʻarmasi, Innovatsion rivojlanish agentiligi 13. Psixologik xizmatda ijtimoiy hamkorlik va jamoatchilik ishtirokini rivojlantirish. 1. Ota-onalar, mahalla, NNTlar, tibbiyot muassasalari va yoshlar tashkilotlari bilan hamkorlikda profilaktik dasturlar, maʼrifiy tadbirlar va psixologik qoʻllab-quvvatlash loyihalarini amalga oshirish. 2. Taʼlim tashkilotlarida psixologik diagnostika oʻtkazish, ularga zarur tavsiyalarni berish. 3. Taʼlim dasturlarini takomillashtirish boʻyicha ilmiy asoslangan takliflarni manfaatdor tomonlarga yetkazish. 2027-yildan boshlab kelishilgan muddatlarda Davlat budjeti, mahalliy budjetlar, homiylik va grant mablagʻlari Taʼlim va ilm-fan vazirligi, Oʻzbekiston mahallalari uyushmasi, Respublika Maʼnaviyat va maʼrifat markazi, Oila va xotin-qizlar qoʻmitasi, mahalliy hokimliklar, fuqarolik jamiyati institutlari 14. Davlat va xoʻjalik boshqaruvi organlari hamda boshqa tashkilotlar buyurtmalari asosida ilmiy-amaliy tadqiqotlar oʻtkazish, ularning natijalarini amaliyotga joriy etish hamda ilmiy-uslubiy va maslahat xizmatlari koʻrsatish. 1. Davlat va xoʻjalik boshqaruvi organlari hamda boshqa tashkilotlarning buyurtmalari asosida maqsadli ilmiy-amaliy tadqiqotlarni tashkil etish va oʻtkazish. 2. Ilmiy-amaliy tadqiqotlar natijalari asosida buyurtmachi tashkilotlarga ilmiy-uslubiy va konsultativ xizmatlar koʻrsatish. 3. Buyurtmachi tashkilotlarning ehtiyojlaridan kelib chiqqan holda psixologiya sohasi boʻyicha oʻquv kurslari, seminarlar va treninglarni tashkil etish. 2027-yildan boshlab doimiy Buyurtmachilarning mablagʻlari doirasida Institut, Boshqaruv samaradorligi agentligi, Ijtimoiy himoya milliy agentligi, manfaatdor vazirlik va idoralar 15. Ilmiy tadqiqot natijalarini amaliyotga tatbiq etish va ommalashtirish. 1. Institut huzurida “Oʻzbekiston psixologiyasi” elektron ilmiy jurnalini tashkil etish. 2027-yil may Institutga mazkur maqsadlar uchun ajratilgan budjet va budjetdan tashqari mablagʻlar, qonunchilik hujjatlari bilan taqiqlanmagan boshqa manbalar Institut, Taʼlim va ilm-fan vazirligi, Fanlar akademiyasi 2. Psixologiya sohasidagi ilmiy tadqiqotlar natijalarini nashr etish, Institut ilmiy jurnali xalqaro nufuzini oshirish hamda xorijiy ilmiy jurnallar bilan hamkorlikni rivojlantirish. Doimiy IV. Institutning infratuzilmasi va moddiy-texnika bazasini mustahkamlash 16. Institutning moddiy-texnika bazasini shakllantirish va mustahkamlash. 1. Institutning shtat birliklari va faoliyat yoʻnalishlaridan kelib chiqib, xizmat xonalarini ajratish hamda ularni taʼmirlash. 2. Institutni zamonaviy kompyuter va tashkiliy texnika, mebel jihozlari hamda boshqa zarur asbob-uskunalar va anjomlar bilan taʼminlash. 2027-yil mart Institutga mazkur maqsadlar uchun ajratilgan budjet va budjetdan tashqari mablagʻlar, xalqaro moliya tashkilotlari mablagʻlari Taʼlim va ilm-fan vazirligi, Institut 3. Ichki axborot telekommunikatsiya infratuzilmasini modernizatsiya qilish. 2027-yildan boshlab 4. Institutga xizmat avtotransport vositalarini ajratish. 2026-yil dekabr 17. Institutning amaliy va raqamli taʼlim infratuzilmasini rivojlantirish. 1. Oʻquv auditoriyalari, amaliy psixologiya, psixologik diagnostika va konsalting xonalari hamda trening zallarini tashkil etish va ularni zamonaviy texnik vositalar bilan jihozlash. 2027-yil mart Institutga mazkur maqsadlar uchun ajratilgan budjet va budjetdan tashqari mablagʻlar, xalqaro moliya tashkilotlari mablagʻlari Taʼlim va ilm-fan vazirligi, Raqamli texnologiyalar vazirligi, Institut 2. Xona va zallardan foydalangan holda masofaviy va mustaqil taʼlim uchun elektron oʻquv materiallari hamda multimedia mahsulotlarini ishlab chiqishni yoʻlga qoʻyish. 2027-yildan boshlab doimiy 18. 2030-yilgacha institutning zamonaviy laboratoriyalari va markazlarini bosqichma-bosqich jihozlash. 1. Zamonaviy laboratoriya va maxsus uskunalarga qoʻyiladigan texnik talablarni ishlab chiqish, zarur jihozlar roʻyxatini shakllantirish. 2027-yil 1-martga qadar Institutga mazkur maqsadlar uchun ajratilgan budjet va budjetdan tashqari mablagʻlar, xalqaro moliya tashkilotlari mablagʻlari Taʼlim va ilm-fan vazirligi, Iqtisodiyot va moliya vazirligi, Investitsiyalar, sanoat va savdo vazirligi, Institut 2. Belgilangan moliyalashtirish manbalari doirasida jihozlarni xarid qilish va laboratoriya hamda markazlarni bosqichma-bosqich jihozlash. 2027 — 2030-yillar davomida V. Psixologik xizmat koʻrsatish imkoniyatlarini kengaytirish va aholining psixologik savodxonligini oshirish 19. Psixologik xizmat koʻrsatish sohasida yagona ilmiy-uslubiy maktabni shakllantirish hamda davlat va nodavlat sektor psixologlarining kasbiy rivojlanish tizimini joriy etish. 1. Psixologiya sohasidagi kadrlarni qayta tayyorlash va ularning malakasini oshirish boʻyicha davlat taʼlim talablarini ishlab chiqish va tasdiqlash. 2026-yil dekabr - Institut, Taʼlim va ilm-fan vazirligi 2. Davlat taʼlim talablari asosida qayta tayyorlash va malaka oshirishning oʻquv rejalari, oʻquv dasturlari hamda baholash mezonlarini ishlab chiqish va tasdiqlash. 2026-yil dekabr 3. Psixologlarning kasbiy kompetensiyalarini baholash va akkreditatsiya qilishning yagona mezonlari, baholash vositalari hamda elektron portfolio tizimini joriy etish. 2027-yil iyun 4. Psixologik diagnostika, psixokorreksiya, psixoprofilaktika va psixologik maslahat xizmatlari boʻyicha milliy standartlar va kasbiy etika qoidalarini ishlab chiqish va amaliyotga tatbiq etish. 2027-yildan boshlab 20. Taʼlim tashkiloti, oila va psixolog oʻrtasida oʻzaro hamkorlikning yagona tartibini joriy etish. 1. Taʼlim tashkiloti, oila va psixolog oʻrtasidagi hamkorlik tartibini belgilovchi reglamentni tasdiqlash va amaliyotga joriy etish. 2027-yil sentabr Ishtirokchilarning mablagʻlari Taʼlim va ilm-fan vazirligi, manfaatdor vazirlik va idoralar 2. Maktab psixologlari uchun ota-onalar bilan ishlash boʻyicha majburiy oʻquv modulini joriy etish hamda ota-onalarning psixologik savodxonligini oshirishga qaratilgan muntazam psixologik-maʼrifiy tadbirlarni tashkil etish. 2027/2028 oʻquv yilidan boshlab 21. Sunʼiy intellekt texnologiyalari asosida psixologik xizmatning yagona elektron platformasini joriy etish hamda psixologik muhitning milliy monitoring tizimini shakllantirish. 1. Taʼlim tashkilotlari va akkreditatsiyalangan psixologlar faoliyatiga oid anonimlashtirilgan statistik maʼlumotlarni yigʻish, tahlil qilish va xavf omillarini erta aniqlash imkonini beruvchi yagona elektron platformani ishlab chiqish va joriy etish. 2027-yil sentabr Ishtirokchilarning mablagʻlari Institut, Raqamli texnologiyalar vazirligi, Taʼlim va ilm-fan vazirligi, Ijtimoiy himoya milliy agentligi, Oʻzbekiston mahallalari uyushmasi, Yoshlar ishlari agentligi, Oila va xotin-qizlar qoʻmitasi 2. Yagona elektron platforma asosida respublika va hududlar kesimida psixologik muhitning doimiy monitoringini tashkil etish, har yili “Oʻzbekiston yoshlari psixologik salomatligi” milliy monitoringini oʻtkazish. 2027-yil oktabrdan boshlab doimiy 3. Elektron platforma orqali xavf guruhiga kiruvchi bolalar va oilalarni erta aniqlash, ularga manzilli psixologik xizmat koʻrsatish hamda vakolatli davlat organlari bilan hamkorlikda kompleks chora-tadbirlarni amalga oshirish mexanizmlarini joriy etish. 2027-yil noyabrdan boshlab 22. Ijtimoiy himoyaga muhtoj aholi qatlamlari uchun psixologik xizmatlardan foydalanish imkoniyatlarini kengaytirish hamda ularni davlat-xususiy sheriklik asosida moliyalashtirish mexanizmlarini joriy etish. 1. Ijtimoiy himoyaga muhtoj aholi qatlamlariga psixologik xizmat koʻrsatish uchun davlat-xususiy sheriklik asosida nodavlat psixologlar va boshqa tashkilotlarni jalb qilish tartibini joriy etish. 2027-yil avgust Ishtirokchilarning mablagʻlari, qonunchilik hujjatlari bilan taqiqlanmagan boshqa manbalar Institut, Taʼlim va ilm-fan vazirligi, Ijtimoiy himoya milliy agentligi, Oʻzbekiston mahallalari uyushmasi, Yoshlar ishlari agentligi, Oila va xotin-qizlar qoʻmitasi 2. Psixologik xizmatlarni vaucher (sertifikat) asosida moliyalashtirish mexanizmlarini bosqichma-bosqich joriy etish. 2027-yil sentabr 3. Davlat va nodavlat sektorda psixologik xizmat koʻrsatuvchi mutaxassislarning yagona reyestrini shakllantirish hamda aholi uchun ular haqidagi axborotdan foydalanish imkoniyatini yaratish. 2027-yil oktabr oyidan boshlab 4. Psixologik xizmatlarni koʻrsatish sifati, samaradorligi va davlat mablagʻlaridan foydalanish natijadorligini baholash hamda monitoring qilish tizimini joriy etish. 2027-yil dekabr oyidan boshlab 23. Yoshlar psixologiyasiga oid ilmiy tadqiqotlar natijalarini ommalashtirish va aholiga yetkazishning zamonaviy mexanizmlarini joriy etish. 1. Yoshlar psixologiyasiga oid ilmiy tadqiqotlar natijalari asosida ilmiy-uslubiy tavsiyalarni ishlab chiqish. 2027-yil iyun Institutning budjetdan tashqari mablagʻlar, qonunchilik hujjatlari bilan taqiqlanmagan boshqa manbalar Oʻzbekiston Milliy teleradiokompaniyasi, Institut, Yoshlar ishlari agentligi 2. Ilmiy-uslubiy tavsiyalar asosida podkastlar, videokontentlar va boshqa mediamahsulotlarni tayyorlash hamda ularni ommaviy axborot vositalari va ijtimoiy tarmoqlar orqali keng yoritish. 2027-yil sentabr

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 19-oktabr,

PQ-379-son

(Qonunchilik maʼlumotlari milliy bazasi, 21.10.2026-y., 07/26/379/1052-son)

lex.uz

Президента Республики Узбекистан

Постановление

О мерах по научно обоснованному развитию сферы психологической службы в системе непрерывного образования

В целях повышения качества человеческого капитала, обеспечения психологического благополучия молодежи, кардинального совершенствования научных, методических и организационных основ психологической службы в системе образования, развития фундаментальных и прикладных научных исследований в сфере, внедрения эффективных механизмов психологической поддержки в образовательных организациях, а также единых научно обоснованных подходов в данном направлении постановляю:

I. Цели

1. Определить основными целями настоящего постановления:

(а) внедрение системы сопровождения для формирования обучающихся в качестве гармонично развитой личности, реализации ими своих индивидуальных психологических особенностей, личностного потенциала и способностей;

(б) практическое совершенствование психологической службы в образовательных организациях, создание системы изучения профессионального эмоционального состояния и факторов психической усталости педагогов и воспитателей;

(в) дальнейшее совершенствование научно-исследовательских работ в сфере психологии, внедрение единого подхода применения их результатов на практике.

II. Совершенствование деятельности психологической службы в образовательных учреждениях

2. Создать Научно-исследовательский институт психологии, являющийся базовым учреждением по научным исследованиям, переподготовке и повышению квалификации кадров в сфере психологии (далее — Институт) на базе Учебно-научного центра психологии Национального педагогического университета Узбекистана имени Низами Гянджеви и передать его в подчинение Министерства образования и науки.

3. Установить порядок, в соответствии с которым целевая психологическая диагностика педагогов (воспитателей) и учащихся (воспитанников, студентов) всех образовательных организаций проводится не реже одного раза в одном учебном году. При этом данная система внедряется:

(а) на первом этапе — с 2026/2027 учебного года в дошкольных и общих средних образовательных организациях;

(б) на втором этапе — с 2027 /2028 учебного года в средних специальных, профессиональных и высших образовательных организациях.

4. Определить, что психологическая диагностика в образовательных организациях организуется в следующем порядке:

(а) Институт разрабатывает и представляет в соответствующие министерства единые стандартизированные методики и тест-наборы для предварительного скрининга и углубленной психологической диагностики по возрастным категориям и (или) особенностям деятельности педагогов и учащихся на основе международных стандартов;

(б) Институт ведет психологическую диагностику на специальной электронной платформе. При этом обеспечивается тайна персональных данных и сведений, ставших известными в результате проведения психологической диагностики и оказания психологической помощи;

(в) Институт ведет обучение психологов образовательных организаций посредством организуемои им системы каскадного повышения квалификации, а также формирует группы менторов-психологов в разрезе регионов;

(г) психологам, привлеченным на курсы каскадного повышения квалификации в качестве преподавателя, в этот период выплачивается надбавка в размере 20 процентов должностного оклада за счет бюджетных и внебюджетных средств по основному месту работы;

(д) результаты психологической диагностики педагогов и учащихся анализируются посредством применения технологий искусственного интеллекта, и они разделяются на основе единого стандарта на группы «психологически устойчивые», «нуждающиеся в психологической поддержке» и «требуется активная психологическая поддержка», при этом:

(i) налаживается работа с педагогами и учащимися, отнесенными к группам «нуждающиеся в психологической поддержке» и «требуется активная психологическая поддержка», на основе индивидуального плана работы и Институт ведет мониторинг ее результатов;

(ii) за педагогами и учащимися, отнесенными к группе «нуждающиеся в психологической поддержке», закрепляются психологи соответствующих образовательных организаций;

(iii) за педагогами и учащимися, отнесенными к группе «требуется активная психологическая поддержка», закрепляется ментор психолог по соответствующему региону;

(iv) менторам-психологам в количестве 150 человек, достигшим высоких показателей обеспечению психологической устойчивости в учебного года, оказывается единовременное материальное стимулирование в 20-кратном размере минимального размера оплаты труда за счет средств Государственного бюджета.

5. Нижеследующие:

(а) Министерство образования и науки определяет направления психологической диагностики педагогов и учащихся образовательных организаций и организовывает ее проведение, а также несет ответственность за включение в программу уроков «Часы будущего» тем, направленных на повышение психологических знаний учащихся и студентов, по рекомендациям Института;

(б) Республиканский научно-методический центр развития образования обеспечивает учет рекомендаций, разработанных Институтом по результатам психологической диагностики, при подготовке учебников на очередной учебный год;

(в) Институт осуществляет координацию деятельности психологов образовательных организаций и разрабатывает рекомендации по обеспечению психологического здоровья педагогов и учащихся на основе анализа результатов диагностики в конце каждого учебного года.

6. Установить порядок переподготовки и повышения квалификации работников психологической службы образовательных организаций, в соответствии с которым:

(а) Институт является учреждением, ответственным за формирование содержания обучения по переподготовке и повышению квалификации работников психологической службы государственных дошкольных, общих средних, средних специальных, профессиональных и высших образовательных организаций;

(б) учебно-методическая координация деятельности по переподготовке и повышению квалификации работников психологической службы образовательных организаций осуществляется Институтом;

(в) начиная с 1 января 2027 года Институту предоставляется право на:

(i) переподготовку и повышение квалификации работников психологической службы государственных дошкольных, общих средних, средних специальных и профессиональных образовательных учреждений за счет средств Государственного бюджета, выделенных соответствующим министерствам и ведомствам. При этом повышение квалификации психологов образовательных организаций города Ташкента и Ташкентской области осуществляется непосредственно в Институте, в Республике Каракалпакстан и других областях — в центрах педагогического мастерства Республики Каракалпакстан и областей на основе программ, разработанных Институтом;

(ii) переподготовку и повышение квалификации работников психологической службы государственных высших образовательных и негосударственных образовательных организаций на договорной основе;

(г) повышение квалификации работников психологической службы образовательных организаций не реже одного раза в пять лет устанавливается обязательным.

III. Организация деятельности Института

7. Определить, что лаборатории, необходимые для эффективной организации научно-исследовательской деятельности Института, создаются поэтапно на основе международных стандартов в 2027 — 2030 годах.

При этом в Институте начиная с 1 января 2027 года налаживается деятельность следующих лабораторий:

(а) Лаборатория цифровой психологии и искусственного интеллекта, основное направление деятельности которой включает:

(i) научное исследование вопросов поведения людей в цифровой среде, цифровой зависимости (интернет, игры, социальные сети), кибербуллинга и онлайн-безопасности;

(ii) разработку научно-методических основ внедрения технологий искусственного интеллекта в процессы психологических диагностики, консультирования и профилактики;

(iii) создание, тестирование и научную оценку средств психологической помощи на основе виртуальных ассистентов;

(б) Лаборатория психологии обучения и психологической службы, основное направление деятельности которой включает:

(i) разработку и совершенствование научно-теоретических и методических основ психологической службы в системе непрерывного образования;

(ii) исследование проблем учебной мотивации, академического стресса, трудностей в освоении и социальной адаптации обучающихся;

(iii) разработку национальных стандартов, кодекса этики и порядка делопроизводства в деятельности психологов образовательных организаций на основе международных стандартов;

(iv) создание критериев оценки эффективности и системы мониторинга психологической службы в образовательных организациях;

(v) внедрение современных педагогических и обучающих технологий в образовательные процессы, а также разработку предложений по их совершенствованию;

(в) Лаборатория психологического здоровья и профилактики, основное направление деятельности которой включает:

(i) изучение и мониторинг состояния психологического здоровья населения на основе методики Всемирной организации здравоохранения;

(ii) разработку программ профилактики, направленных на предупреждение стресса, эмоционального выгорания, беспокойства и депрессивного состояния;

(iii) создание научно обоснованных национальных программ профилактики и механизмов раннего выявления суицидального поведения;

(iv) разработку психологических технологий психологической помощи в кризисных ситуациях (природные явления, чрезвычайные ситуации) и профилактики вредных привычек.

8. Установить, что:

(а) Институт является государственным научно-исследовательским учреждением, осуществляющим научно-методическую, практическую и информационно-аналитическую деятельность;

(б) директор Института назначается на должность и освобождается от должности министром образования и науки, заместители директора — директором Института;

(в) предельная численность управленческого персонала Института составляет 59 штатных единиц, которые формируются за счет:

(i) 18 штатных единиц упраздняемого Учебно-научного центра психологии Национального педагогического университета Узбекистана имени Низами Гянджеви;

(ii) сокращения 41 штатной единицы управленческого персонала организаций в системе Министерства образования и науки;

(г) структура Института утверждается директором Института по согласованию с Министерством образования и науки;

(д) должностной оклад руководящих и научных работников Института приравнивается к базовому должностному окладу руководящих и научных работников научных учреждений, принимающих участие в реализации государственных научных программ за счет средств Государственного бюджета, других работников Института — к должностному окладу соответственно работников научно-исследовательских учреждений Академии наук.

При этом директору Института предоставляется полномочие на самостоятельное установление размера надбавки к должностному окладу работников за счет внебюджетных средств.

9. Предоставить Институту следующие права:

(а) на подготовку и повышение квалификации менторов-психологов в регионах на базе центров педагогического мастерства Республики Каракалпакстан и областей, а также высших образовательных организаций, подготавливающих кадры педагогического профиля;

(б) на заключение договоров об осуществлении научных исследований с научными организациями, фондами, образовательными учреждениями, другими организациями, в том числе с международными и зарубежными организациями, за счет внебюджетных средств Института;

(в) на проведение судебно-психологической и иных видов психологической экспертизы;

(г) на привлечение зарубежных специалистов к участию в научных исследованиях на договорной основе;

(д) на осуществление платежей по расходам, связанным с повышением квалификации и прохождением стажировки работников в зарубежных образовательных и научно-исследовательских организациях за счет внебюджетных средств Института.

10. Определить источниками финансирования деятельности Института:

(а) средства Государственного бюджета Республики Узбекистан;

(б) гранты, выделяемые по результатам конкурсов, проводимых для реализации проектов научных исследований;

(в) поступления от хозяйственной деятельности, а также проведения исследований, психологических экспертизы и анализа на договорной основе;

(г) внебюджетные средства Министерства образования и науки, а также Агентства профессионального образования;

(д) гранты и благотворительные пожертвования;

(ж) иные источники, не запрещенные актами законодательства.

11. Установить, что:

(а) в 2026 году расходы, связанные с финансированием деятельности Института и созданием лабораторий, осуществляются за счет средств Государственного бюджета, выделенных Министерству дошкольного и школьного образования, а также Министерству высшего образования, науки и инноваций в качестве распорядителя бюджетных средств первого уровня, путем их перераспределения Министерству образования и науки и внесения соответствующих изменений в параметры Государственного бюджета;

(б) с 2027 года средства, необходимые для финансирования деятельности Института, предусматриваются в параметрах Государственного бюджета.

12. Разместить Институт на основе права оперативного управления безвозмездно в здании, расположенном по адресу: город Ташкент, Яккасарайский район, улица Братислава, дом З.

lV. Организация, обеспечение и контроль исполнения постановления

13. Утвердить:

(а) Основные направления деятельности Научно-исследовательского института психологии согласно приложению № 1 * ;

(б) Состав Межведомственного совета по развитию системы научных исследований и подготовки кадров в сфере психологии согласно приложению № 2 * ;

(в) Целевые показатели развития Научно-исследовательского института психологии до 2030 года согласно приложению № 3 * ;

(г) «Дорожную карту» по научно обоснованному развитию психологической службы в системе непрерывного образования, а также налаживанию научно-исследовательской, методической и инновационной деятельности в данной сфере согласно приложению № 4 * .

14. Определить задачами Межведомственного совета по развитию системы научных исследований и подготовки кадров в сфере психологии:

(а) координацию деятельности заинтересованных министерств и ведомств по научным исследованиям, подготовке кадров и оказанию психологических услуг в сфере психологии;

(б) координацию, организационно-практическое содействие и мониторинг взаимодействия министерств и ведомств по внедрению системы психологической диагностики;

(в) представление рекомендаций в соответствующие министерства и ведомства по внедрению на практике анализа результатов психологической диагностики и разработанных Институтом рекомендаций;

(г) разработку предложений по параметрам приема и целевой подготовке кадров исходя из потребности в кадрах психологов сфер образования, здравоохранения и социальной сферы.

15. Министерству образования и науки в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

16. Возложить на министра образования и науки Э.О. Турдимова персональную ответственность за эффективную организацию исполнения настоящего постановления.

17. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Руководителя Администрации Президента Республики Узбекистан по реформированию образования О.А. Хакимова.

Президент Республики Узбекистан Ш. МИРЗИЁЕВ

г. Ташкент,

19 октября 2026 г.,

№ ПП-379

(Национальная база данных законодательства, 21.10.2026 г., № 07/26/379/1052)

lex.uz