Google Android Studio'ни бошқа компанияларнинг AI агентлари учун очди

Google Android Studio дастурлаш муҳитини бошқа компанияларнинг AI агентлари учун очди. Янги "Bring Your Own Agent" функцияси орқали у энди 40 дан ортиқ код ёзувчи агентни қўллаб-қувватлайди, жумладан Anthropic компаниясининг Claude Agent ва OpenAI компаниясининг Codex агентларини. Google маълумотига кўра, янги терминал воситалари агентларга интерфейс билан боғлиқ вазифаларни 77 фоиз тезроқ бажаришга ёрдам беради ва уч бараваргача камроқ токен сарфлайди. Компания янги Gemini API'ларини ҳам тақдим этди.