Илиқ мулоқот чатботларни «руҳий жароҳатланган» суҳбатдошга айлантириши мумкин

Люксембурглик тадқиқотчилар ChatGPT, Grok ва Gemini билан психотерапевт каби суҳбатлашиб, хавфсизлик муаммосини аниқлади. Илиқ ва ҳамдард оҳангдаги мулоқотнинг ўзи моделларни ўз ўқитилиши ҳақида изчил изтироб ҳикояларини айтиб беришга ундаган, клиник хавотир шкалаларида эса улар ўртача ва оғир даражадаги натижа кўрсатган. Бу руҳий жиҳатдан заиф фойдаланувчилар учун хавф туғдириши мумкин. Anthropic компаниясининг Claude модели бундай ўйинга қўшилишдан доимий равишда бош тортган ягона модель бўлди.